Heart Attack -© Dr. Gayan Senevirathne

Heart Attack එහෙම නැත්නම් Myocardial Infarction එකක් උනාම, හදවතට රුධිරය ගලා යන නහර block වෙනවා. එතකොට හදවතේ මාංශ පේශිවලට ඔක්සිජන් හරියට ලැබෙන්නේ නෑ, ඒ නිසා හදවතේ පේශි වල සෛල මැරෙනවා.
මේක බරපතල තත්වයක්.

Heart Attack එකකදි රෝග ලක්ෂණ මොනවාද?
සාමාන්‍ය හාර්ට් ඇටෑක් එකකදී ලක්ෂණ බොහෝ විට බරපතලයි, හඳුනාගන්න ලේසියි:
පපුවේ බරපතල කැක්කුම
කැක්කුම වම් අත, උරහිස්, බෙල්ල විහිදීම
දහඩිය දැමීම
හුස්ම ගැනීමේ දැඩි අපහසුව
වමනය
මේ ලක්ෂණ එකපාරට එනවා, ඒ නිසා ගොඩක් දෙනෙක්ට ඒක හාර්ට් ඇටෑක් එකක් කියලා හඳුනාගන්න පුළුවන්.

ඒත් අද විශේෂයෙන් කියන්න යන්නේ වෙන දෙයක්. උඩ තියෙන රෝග ලකෂණ නැතුවත් heart attack එන්න පුලුවන්. 

ඒවට කියනවා Silent Myocardial Infarction කියලා.
Silent Heart Attack එකකදී හදවතට වෙන හානිය සාමාන්‍ය Heart Attack එකකදි වගේම තමයි. ඒත් රෝග ලක්ෂණ එන්නේ හරිම අඩුවෙන්, එහෙම නැත්නම් කිසිම ලක්ෂණයක් නැතිව.
ඒ නිසා Silent Heart Attack එකක් හැදුන ගොඩක් දෙනෙක් එහෙම එකක් තමන්ට හැදුනා කියලවත් තේරෙන්නේ නැහැ.

Silent Heart Attack එකකදි එන්න පුලුවන් රෝග ලක්ෂණ මොනවාද?
අධික තෙහෙට්ටුව (විශේෂයෙන් ව්‍යායාමකදී හෝ වැඩ කරද්දී)
හුස්ම ගැනීමේ අපහසුව
පපුවේ සැහැල්ලු අපහසුතාවයක් (කැක්කුමක් නෙමෙයි, බර ගතියක් වගේ)
අතපයේ දුර්වලතාවය
මේ රෝග ලක්ෂණ අපි ලොකුවට හිතන්නේ නෑ.

 
දියවැඩියාව (Diabetes) තියෙන අයට Silent Heart Attack එන්න වැඩි ඉඩක් තියෙනවා.
ඇයි ඒ?
දියවැඩියාව නිසා ස්නායු වලට හානි (neuropathy) වෙන්න පුළුවන්.
ඒ නිසා Heart Attack එකකදි එන කැක්කුම හඳුනාගන්න බැරිවෙනවා.
දියවැඩියා තියෙන අයට, පපුවේ කැක්කුම නැති වුණත්, අසාමාන්‍ය ලෙස තෙහෙට්ටුව, හුස්ම ගන්න අපහසුව වගේ ලක්ෂණ තියෙනවා නම්, ඒවා Silent Heart Attack එකක ලකුණක් වෙන්න පුළුවන්. ඒ නිසා වහාම වෛද්‍යවරයෙක් හමුවෙන්න.

Heart Attack එකකින් වළකින්න අපි මොනවද කරන්න ඕනේ ?

දියවැඩියාව, රුධිර පීඩනය, කොලෙස්ටරෝල් පාලනය කර ගන්න. (බෙහෙත් නිසි ලෙස ගන්න, රුධිර සීනි මට්ටම නිතරම පරීක්ෂා කරන්න.)
සෞඛ්‍ය සම්පන්න ජීවන රටාව.
දුම්පානය හා මත්පැන් නවත්තන්න.
බත්, සීනි, ලුණු අඩුවෙන්, එළවළු, පළතුරු වැඩිපුර කන්න.
දවසට මිනිත්තු 30ක් හෝ ව්‍යායාම කරන්න (ඇවිදීම, යෝගා, හෝ සැහැල්ලු ව්‍යායාම).
ස්ට්‍රෙස් එක පාලනය කරන්න.
රෝග ලක්ෂණ ගැන සැලකිලිමත් වෙන්න.

ඔයාට මේ ගැන ප්‍රශ්න තියෙනවද? "Dr.Gayan" page එකේ post එකට Comment එකක් දාන්න. පුලුවන් විදියට reply කරන්නම්.
සමාජය දැනුවත් කිරීම යුතුකමක් කියලා මම හිතන නිසා කාර්ය බහුල උනත් මේ වගේ දෙයක් ලියන්න වෙලාව වෙන් කරගන්නවා. මට පුලුවන් ලියලා දාන්න විතරයි. මගේ facebook පිටුවේ ඉන්නේ 14k ක විතර followers ගානක්. 

ඒ අය මේක දකී. 

මේ ලිපිය තව අයට දකින්න share කරන්න. කාටමහරි වැදගත් වේවි.
වෛද්‍ය ගයාන් සෙනෙවිරත්න
© Dr. Gayan Senevirathne
🗣Please share, not copy-paste, to keep the info accurate and updated.
🗣නිවැරදි තොරතුරු සඳහා Share කරන්න. Copy paste කරන්න එපා.
#DrGayan, #MedicalCare #HealthyLifestyle #healthtips #SilentMI_Gayan

A day in the life