සුබ නව වසරක් !.

notes of imaginary

Read More

සුබ නත්තලක් !

notes of imaginary

Read More

තොරතුරු තාක්‍ෂණයයි පොලිසියයි.

පසුගිය දාක බාලිකා විද්‍යාලයක ප්‍රදේශයේ පොලිසිය විසින් සංවිධාණය කල සම්මන්ත්‍රණයකට සහභාගිවුනා. තේමාව නම් කරලා තිබුනේ “ ඉදිවැට “ කියලා. ඉදිවැට ගෙවතු වට කොට ඉදිකරගන්නා ආවරණයක්. බාල අපරාධ වලින් දූ දරුවන් ආරක්‍ෂා කරගන්න ඉදිවැටක් ඉදිකරගන්න දෙමාපියන්ට දෙන අත්වැලක් ලෙසයි වැඩ සටහන හදුන්වා දුන්නේ.
මීදුම සාරවත් දේශණා කිහිපයක් අහන්න පුළුවන් වෙයි කියල හරිබරි ගැහිලා වාඩිවුනා. පොලිස් මහජන සම්බන්‍ධිකාරක වරයෙකු, උප පොලිස් පරීක්‍ෂකවරයෙකු සහ මුලස්ථාණ පොලිස් පරීක්‍ෂක තුමා ගෙන් මත්ද්‍රව්‍ය, ලිංගික අපයෝජන , පිලිබදව තේමා කරගත් දේශණා කිහිපයක් අසන්නට හැකිවුනා.
මේ එක් දේශණයක පරිගණකය තදබල ලෙස විවේචනය වුනා. පරිගණකය කාමරයක් තුල පාවිච්චිකරන්නට දරුවන්ට දෙන්න එපා එය නිවසේ විසිත්ත කාමරයේ තබා ප්‍රසිද්ධියේ පාවිච්චි කරන්නට සලස්සන්න කියා දෙමව්පියන්ට උපදෙස් දුන්නා . අන්තර්ජාල සමාජ වෙබ් අඩවි, සහ තොරතුරු අඩවි හරහා අපරාධ වන අන්දම පෙන්වා දුන්නා. මේ අතරට අමරිකාණු ගැති ගූගල් සහ යාහු වර්ජණය කරන්න කියලා විමල් විරවංශ මැතිතුමාගේ දර්ශණයත් විස්තර කලා.අමරිකාණු ආක්‍රමණ ගැනත් කියාපි.
පාසල් දූ දරුවන් උදෙසා e’ Sri Lanka වැනි වැඩ සටහන් වලින් කෙරෙන්නේ මොකක්ද කියලා මේ මහත්වරුන්ට ගනිච්චියක් තිබුනේ නෑ. මේ බාලිකාවෙම තොරතුරු තාක්‍ෂණය ඉගැන්වීම සදහා ගුරුවරුනුත් ඉන්නවා. ජනධිපතිතුමා කියනවා සැම දරුවෙකුටම පරිගණකයක් ලබාදිය යුතුයි කියලා මේ පොලිස් මහත්තුරුන්ට අනුව පරිගණකය පාසල් දූ දරුවන්ට අකැප වස්තුවක්.
අද පාසල් වල පරිගණකය සහ තොරතුරු තාක්‍ෂණය අධ්‍යාපන ක්‍ෂෙත්‍රයේ ඉගැන්වීම් , ඉගැන්වීම් පරිපාලනය සදහා භාවිතා කරනවා. ශ්‍රව්‍ය දෘෂ්ඨ මෙවලම් සහ පරිගණක උපයෝගී කරගෙන පංතිකාමරයේ සිටම අන්තර්ජාල පහසුකම් මගින් අධ්‍යාපන කටයුතු කරනවා. පසුවෙන් තොරතුරු ගබඩා තරගන්නත් පසුව එම තොරතුරු නැවත ලබාගන්නත් පරිගණකයන් උදව් වෙනවා.
ඉතින් දරුවන් පරිගණකයෙන් බැහැර කල යුතුද කියලා මීදුම හිතන්න පටන් ගත්තා. මත්ද්‍රව්‍ය භාවිතය සහ වලක්වා ගත යුතු අන්දම ලිංගික අපයෝජන ගැන ප්‍රදේශයේ ඇති තත්වයන් දේශන තුලට එකතු වෙලා තිබුනා.මේ උවදුරු වලින් ජනතාව ගලවා ගන්න පොලිසිය බලය භාවිතා කරන අන්දමත් විස්තර වුනා. බලය යෙදීම මුලික අයිතිවාසිකම් වලට අණුරූපව සිදු නොවන බවයි මීදුම හිතුවේ.
අරක්කු බොන මිනිහෙක්ගේ ඔළුවේ ඉදන් අරක්කු බෝතලයක් වක්කරන එක නිතියට අණුකුලයි කියලා හිතන්න බැහැ. ඒක බලහත්කාරයක්. තමන්ගේ නිල ඇදුම තුල අසීමිත බලයක් ඇති බවයි ඒ මහත්තතුරුන්ගේ කතාවලින් මීදුමට හිතුනේ.
මීදුම දේශණයන් අහලා ශාලාවෙන් එලියට ආවේ මීට වඩා සංවරව දේශණයන් පැවතුනා නම් හොදයි කියලා හිත හිතා.

notes of imaginary

Read More

ළදරු සෞඛ්‍ය රක්‍ෂණය.

ළදරු සෞඛ්‍ය කටයුතු සදහා රජය විශාල වගකීම් රැසක් ඉටුකරන බව මීදුම අත්දැකීම් ලැබුවේ පුංචිත්තා සමග සායන වලට සහභාගී වීමෙනි මව් පියන් වෙනුවෙන් වෙනම දැනුවත්කිරීමේ වැඩ සටහන් පවත්වා ගෙන යන පවුල් සෞඛ්‍ය ඒකක දරුවන් වෙනුවෙන් ප්‍රතිශක්තිකරණ පෙළක් නොමිලයේ ලබා දෙනු ලබයි.

· උපතේදීම රජයේ රෝහල්වල මාතෘ වාට්ටුවේදී බී.සී.ජී එනනන්නත ලබා දීමෙන් ප්‍රතිශක්තී කරන වැඩ සටහන ආරම්භකරනු ලැබේ.
· දෙවනි මාසයේ සිට ප්‍ර දේශයේ මහජන සෞඛ්‍ය වෛද්‍ය නිළධාරි කාර්යාලයේදී පෝලියෝ මුඛ එන්නත, සහ ගලපටලය,පිටගැස්ම,හා කක්කල් කැස්ස යන රෝග සදහා ත්‍රිත්ව එන්නත ද හෙපටයිස්ට් බී එන්නත ද
· මාස හතර සම්පුර්ණ වීමෙන් පසුව පෝලියෝ මුඛ එන්නත, සහ ගලපටලය,පිටගැස්ම,හා කක්කල් කැස්ස යන රෝග සදහා ත්‍රිත්ව එන්නත ද හෙපටයිස්ට් බී එන්නත දෙවනි මාත්‍රාවද
· මාස හයේදී පෝලියෝ මුඛ එන්නත, සහ ගලපටලය,පිටගැස්ම,හා කක්කල් කැස්ස යන රෝග සදහා ත්‍රිත්ව එන්නත ද හෙපටයිස්ට් බී එන්නත තුන්වන මාත්‍රාවද
· මාස නවයේදී සරම්ප සහ විටමින් ඒ අධිමාත්‍රාව ද
· මාස දහ අටේදී පෝලියෝ මුඛ එන්නත, සහ ගලපටලය,පිටගැස්ම,හා කක්කල් කැස්ස යන රෝග සදහා ත්‍රිත්ව එන්නත ද ඒ අධිමාත්‍රාවද

· මාස දහ අටේදී පෝලියෝ මුඛ එන්නත, සහ ගලපටලය,පිටගැස්ම,හා කක්කල් කැස්ස යන රෝග සදහා ත්‍රිත්ව එන්නත ද ඒ අධිමාත්‍රාවද

· අවුරුදු තුනේදී සරම්ප හා රුබෙල්ලා එන්නතද
· අවුරුදු පහේදී පෝලියෝ මුඛ එන්නත, සහ ගලපටලය,හා පිටගැස්ම, යන රෝග සදහා ද්විත්ව එන්නත ද
· අවුරුදු දහයේ - දහහතර අතර වයසේදී ඒ ටී ඩී එන්නතද ( වැඩිහිටි පිටගැස්ම හා ගලපටල එන්නත)
නොමිලයේ ලබා ගැණීමට හැකිය.

notes of imaginary

Read More

පුංචිත්තාගේ ආහාර රටාව ( මාස 8-9)

notes of imaginary

Read More

පිපෙන මලේ රුව

පිපෙන මලේ රුව 

එ පිපෙන මලේ රුව 

එමල දනිදෝ මල දනිදෝ

මලකි දුවේ නුබ හැඩ රුව

බලන්නෙපා

නැති බැරිකම මුතු මාල හතක් වී

නැති බැරිකම මුතු මාල හතක් වී

 නුබ අත කරලන දා

නුබ අත කරලන දා

කටු මැටි බිත්තිය හැඩ  කර අදිනා

රෑ හෙවනැල්ලෙන් හිස පීරන්නේ

නොතලන් සිත මා

ආදර දියණියනේ

ආදර දියණියනේ...........

පාළු කනට නුඹෙ

අත නොගැටෙන්නයි

වීදුරු කැඩපත බිමදැමුවේ..

notes of imaginary
විශාරද නන්දා මාලනි

Read More

මහගම සේකර යන් සමග සඳකත් පිණි දිය

සදකන් පිණිදිය දියවී ගලනා
සීතල කදු අතරේ
අද ඔබගේ ඉකිබිද
ඔබ හඩනා හඩ මා සවනේ පෑරේ............
නිසංසලේ රෑ අහසේ ....
නිසංසලේ රෑ ඝණ බොල් අහසේ
මිලානවු තරු එළියේ
ඔබේ නුවන් මිණ පහන් එලියේ
ඇවිලේ මා දෑසේ
ඇ
විලේ මා දෑසේ....
සුසුම් හෙලන තුරු ලතා ලපල්ලේ
 සිහිල් සුලග පාවි  
මගේ කවුළු දොර තුලින් එබී
 ඔබ සොයා ඇදේ

- ආචාර්ය අමරදේව
notes of imaginary

Read More

පුංචිත්තාගේ ආහාර රටාව 2.

මාස හතරේ සිට හය දක්වා.

පුංචිත්තාට එකම පරිදි ආහාර ලබා දීමෙන් අහාර රුචිය අඩුවන බැවින් අහාර රටාව විවිධාංගීකරණය කිරිම සුදුසුවිය.මාස හතරෙන් පසු මාස හය දක්වා සීනී සහ ළුනු රහිතව පොඩි කරන ලද තලපයක් සේ සකස් කර පහත දැක්වෙන ආදර්ශය පරිදි වට්ටෝරුවක් සකස් කිරීමෙන් අහාර රටාවේ ඒකාකාරී බව  ඉවත්විය.

ඉරිදා

Ø  බත් සමග කඩල,බටර්, සහ පළා  කොලØ  බත් සමග හාල්මැස්සෝ සහ කැරට්Ø  බත් සමග වට්ටක්කා සහ පරිප්පු

සදුදා

Ø  බත් සමග පොල්කිරි ස්වල්පයක් එකතු කර පිසින ලද අළුත්මාළු,සහ පලා කොල
Ø  බත් සමග  බතල ,සහ පලා කොල
Ø  බත් සමග  කඩල පරිප්පු ,සහ පලාකොළ

අගහරුවාදා

Ø  බත් සමග බිත්තර ,කැරට් ,සහ පලා කොළØ  බත් සමග පරිප්පු සහ බෝංචිØ  බත් සමග  වට්ටක්කා සහ ලීක්ස්

බදාදා

Ø  බත් සමග කව්පි ,බටර් සහ පළාකොලØ  බත් සමග හාල්මැස්සෝ සහ ලීක්ස්Ø  බත් සමග අළුත්මාළු  සහ පලා කොළ 

බ්‍රහස්පතින්දා

Ø  බත් සමග කඩල සහ පළා  කොලØ  බත් සමග  හාල්මැස්සෝ සහ බෝංචිØ  බත් සමග  කඩල පරිප්පු සහ බටර්

සිකුරාදා

Ø  බත් සමග අළුත් මාළු,පරිප්පු සහ පළාකොලØ  බත් සමග පොල්කිරි  කුඩා ප්‍රමාණයක් මිශ්‍රකර පිසින ලද කැරට්,Ø  බත් සමග කව්පි, වට්ටක්කා සහ ලීක්ස්

සෙනසුරාදා

Ø  බත් සමග බිත්තර සහ කැරට්,Ø  බත් සමග හාල්මැස්සෝ වට්ටක්කා සහ ලීක්ස්Ø  බත් සමග බෝංචි සහ පරිප්පු

සෑම දිනකම ප්‍රධාණ කෑම වේල් අතරට

Ø  බටර්  සහ චීස් අවස්ථානෝචිතව ලබාදීමØ  දිනකට දෙවරක් පලතුරු යුෂ ලබාදීම ( ගස්ලබු ,අලිගැට පේර, කෙසෙල්, දෙළුම් වැනි)

notes of imagin

Read More

රුවල් ඉරී ගිය නෞකාවේ..........

රුවල් ඉරී ගිය නෞකාවේ නියමුවානෙනි,
නොගිලී දළ රල පෙර අතරේ -

මා හා නොහැකිය ගොඩ බිමකට
රුවල් ඉරී ගිය නෞකාවේ නියමුවානෙනි..............

පාළුවු  නිහඩ පරිසරයක් තුල
දෑස් පියාගෙන මම මේ  ගී හඩ අසා සිටියෙමි. ..................................

දෝතට එක් කල වැසි දිය පොවමින්- පවසට
ඉරුණ රුවල් රෙදි දවටා තබමින් - උනුහුමට
මා රැක ගත් ඔබ රැක ගතයුතු මේ අද දින

දියඹේ නවතිමි  - මැන පෙරමග තනියම

සිතිවිලි සමග මලාණිකවු දෙනෙත රෝහල් සිවිලිමේ කම්මැලි කමින් කැරකෙන පන්කාව මත නතරව හඩාවැටෙන්න විය.    ජීවිතය පිළිබද සියළු උත්සහායන්  බලාපොරොත්තු සිදී බිදී ගොස්
ජීවිතය නතරවන්නට
සුදානම් වන මේ මොහොතේ ........... මට ඔබෙන් වෙන්ව යා යුතු නිමේෂය ලංව ඇත.

රුවල් ඉරී ගිය නෞකාවේ............

සුන්බුන් නැව් බද දියඹත් වි යයි.
හෙමිහිට අත්හල මැන දැන් මෙතුවක් මට බැදි සෙනෙහස
දෑස පියා ගෙන මා බිලි දී දිය ගැබරට
ගැලවි යන් මැන මේ විපතෙන් සිත දැඩි කොට.

ජීවිතය දුක් කරදර මැද විසිරීයයි.මා හා බැදි සෙනෙහස අත් හැරීමට අපහසුය. එහෙත්  කම්පාවෙන් වුවද මා අත්හැරිය යුතු මොහොත
කෙමෙන් කෙමෙන් ලංවන බව සිහිපත් කල යුතුය..
මා හා රැදී සිටිමින්   පලක් නොවන්නේය.එබැවින් ඔබ මේ විපතින් ගැලවී යනු මැනවි.
අප දෙදෙනාටම මෙයින් ගැලවී එක්ව යා නොහැකිබව මට මෙහොතින් මොහොත චිත්‍රණය වෙයි..

රුවල් ඉරී ගිය නෞකාවේ නියමුවානෙනි,
නොගිලී දළ රල පෙර අතරේ

මා හා යා නොහැකිය ගොඩ බිමකට
රුවල් ඉරී ගිය නෞකාවේ .

ගලන අදුරක් සමග විදුලි පංකාව භ්‍රමණය වන්නේද නොවන්නේද
මට නොතේරේ.අවට පරිසරය සිසිල් වන්නාසේය. මහත් සැනසිල්ලක් සැහැල්ලුවක් සමග මා පාව යන්නේ
ඔබ හා බැදි සෙනෙහස සමග සමුදුර වෙරලට  විය යුතුය. 

notes of imaginary

විශාරද නන්දා මාලණිය ගයන

මේ ගීතයයේ පදවැල

මහාචාර්ය සුනිල් ආරියරත්නයන් ගේ.

Read More

පුංචිත්තාගේ ආහාර රටාව 1.

පුංචිත්තා නිසා විවේකය දුරුවී ගියත් තුන්වන පරම්පරාවේ අත්දැකීම් විදගන්න ලැබීම මිහිරක් බවට පත්විය.

අපට සිගිති විය සිහිනයකි.  දෙවන පරම්පරාවේ අත් දැකීම් ඒ යුගය හා ගලපන විට වර්තමාන දෙමව්පියන්ගෙන් අපේ කාලයේ මිත්‍යාව දුරුවී යලිත් මහපොළවට පහත් වී ඇති බව සිතිය හැක. අසූව දශකයේ බිලිදු ආහාර මව්කිරෙන් බැහැරව පිටිකිරි, විවිධ වෙළද නම් වලින් යුත් ධන්‍යමය ආහාර වලින් පුරවන්නට එකල දෙමව්පියන්ගේ මෝස්තරයක් විය. අද වන විට ඒ මිත්‍යාව යම් තරමකින් පහව ගොස් ඇත.

මේ වියමන වෙන්වන්නේ  පලමු මාස හතරේ පුංචිත්තාගේ ආහාර රටාව ගැන  සටහන් පල කිරීමටය.

අපි හා එක්වු පුංචිත්තා හට පලමු පැය බාගයේ සිටම  මව්කිරි උරා බීමට වසනාව ලැබීය. එතැන් පටන් මාස හතරක් ගත වන තෙක් පුංචිත්තා රස බලමින් මව්කිරි බීවේය. මාස හතර පිරෙන තෙක් ළදරු පිටිකිරි වර්ග කොත්තමල්ලි, දියර කරන ලද ග්ලුකෝස් ,තැඹිලි, ජලය සහ ආයුර්වේද කල්ක වර්ග නොදීමට වග බලා ගත්තේය.

මාස හතර ඉක්මවු දින පටන් ක්‍රමයෙන් අර්ධ ඝණ ආහාර සහ පලතුරු වර්ග වලට පුහුනු කරන ලද පුංචිත්තා තවමත් දියළුනු සහ සීනි රහිතවම පහතින් පලවන සරල උපකරනයෙන් පොඩි කර දියර ගතිය වැඩිවනසේ සිටින පල්පයක් ලෙස සකස් කල ආහාරයන්ට ප්‍රියමනාපය.

පළමු දින දෙක බත් මේස හැදි දෙකක් පමන ගෙන හොදින් පොඩි කර පුංචිත්තාට හුරු මව් කිරි රස ලබා දීම සදහා දොවා ගත් මව් කිරි ස්වල්පයක් එකතු කර සකස් කරන ලද ආහාර වේලට  හුරු පුරුදු කරන ලදී. පසුව ක්‍රමයෙන්  පුංචිත්තාට ප්‍රමානවත් වන පරිදී දිනෙන් දින ආහාර වේල වැඩි කරමින් සකස් කරන ලදී .මව් කිරි මිශ්‍ර කිරීමද අත්හිටවන ලදී. පසුව සහල් මේස හැදි දෙකකට පරිප්පු තේ හැන්දක් මිශ්‍රකර තලපයක් මෙන් සකස් කර ප්‍රධාන ආහාර වේල් දෙක සකසන ලදී.

පස්වන මාසය අවසන් වන විට ක්‍රමයෙන්  ප්‍රධාන මේ අයුරින් සකස්  කර ගත් ආහාර වේල් දෙකට අමතරව පෙරවරු 10.00ට පමනත් පස්වරු 3.00 පමනත් සීනී රහිතව පැපොල් , කෙසෙල් ,අලි ගැට පේර වැනි පලතුරු වර්ග පොඩිකර පල්පයක් ලෙස සකස් කර පුංචිත්තාට පිරිනැමීම  කිරීම සිදුකලේය. පුංචිත්තා මේ රටාවට  බොහෝම කැමැත්තෙන් හුරු පුරුදු විය.

අමතරව මේ කාලය තුලද පුංචිත්තාහට  මව් කිරී බීම ද තම කැමැත්ත පරිදි සිදු කිරීමට පහසුකම් සැලස්වීය.

කොටස් කරන ලද ඇසුරුම.

භාජනයට කොටස්  බහා තබා ගත  හැකි  අයුරු.

notes of imaginary

Read More

රුවල් ඉරී ගිය නෞකාවේ - විශාරද නන්දා මාලනී.

රුවල් ඉරී ගිය නෞකාවේ නියමුවානෙනි,
නොගිලී දළ රල පෙර අතරේ - මා හා නොහැකිය ගොඩ බිමකට
රුවල් ඉරී ගිය නෞකාවේ නියමුවානෙනි,
දෝතට එක් කල වැසි දිය පොවමින්- පවසට
ඉරුණ රුවල් රෙදි දවටා තබමින් - උනුහුම
මා රැක ගත් ඔබ රැක ගතයුතු මේ අද දින
දියඹේ නවතිමි  මැන පෙරමග තනියම
රුවල් ඉරී ගිය නෞකාවේ............
 සුන්බුන් නැව් බද දියඹත් වි යයි.
හෙමිහිට අත්හල මැන දැන් මෙතුවක් මට බැදි සෙනෙහස
දෑස පියා ගෙන මා බිලි දී දිගැබරට
ගැලවි යන් මැන මේ විපතාන් සිත දැඩි කොට.


රුවල් ඉරී ගිය නෞකාවේ නියමුවානෙනි,
නොගිලී දළ රල පෙර අතරේ - මා හා නොහැකිය ගොඩ බිමකට
රුවල් ඉරී ගිය නෞකාවේ

දෙනෝ දහක් නුවන් අතරේ 

දෙනෝ දහක් නුවන් අතරේ
කවුදෝ මා තනි කලේ තනිකලේ පාසල් බිමේ
සිනා කෙලිලොල්
 දෙතොල් රහසේ

ගැලු තැන් අද ගොළු වෙලා
සොදුරු පාසල් පිසේ කදුලිනි බොදවෙලා
කැදැල්ලෙන් ඔබ වෙන්වෙලා.
නිබද ඔබ මා ඇවිද ගිය තැන්
සෙවන දුන් ගහ කොල පුරා
බිමට බරවුන කැකුළු අතු ඉති මැලවෙලා
දුකින් හදවත ගොළු වෙලා
දෙනෝ දහක් නුවන් අතරේ

කවුදෝ මා තනි කලේ තනිකලේ පාසල් බිමේ

Read More

පුංචිත්තා අපට ගායනය පුහුණුකලේය.

පුංචිත්තා සංගීතයට සංවේදී දරුවෙකි. නැලවිලි ගීයක් පුංචිත්තා සුව නින්දක් කරා ගෙන යන වාහකයක් බව අපට හදුනා ගත හැකිවිය. පුංචිත්තා වෙනුවෙන් නැලවිලි ගී පාඩම් කර ගැණිමට අපට සිදුවිය.

“ඔන්න බබෝ ගුරු එනවා - අඩන ලමයි අල්ලනවා

අල්ල අල්ල විකුණනවා - විකුණ විකුණ රා බොනවා “

වැනි නැලවිලි ගී ගායනා කිරීම පුංචිත්තාගේ ආත්තම්මා විසින්  සපුරා තහනම් කලේය.

පුංචිත්තා බයකිරීමටත් නරක පුරුදු පිළිබදව පුර්වාදර්ශයක් සැපයීමත් මේ ගීතයෙන් සිදුවන බව ඇගේ අදහස විය.

දොයි දොයි දොයිය බබා - බයි බයි බයිය බබා......

දොයි දොයි දොයිය බබා - බයි බයි බයිය බබා

අතට වෙරළු ඇහිදගෙනේ

ඉනට පලා නෙලා ගෙනේ

බරටම දර කඩා ගෙනේ

එයි අම්මා විගසකිනේ.

දොයි දොයි දොයිය බබා - බයි බයි බයිය බබා......

දොයි දොයි දොයිය බබා - බයි බයි බයිය බබා

බෝනික්කා නිදියනවා.

සුදු නංගා නිදියනවා

මල් ගවුමේ මල් පිපිලා

මල් මැද්දේ නිදියනවා

අම්මා ගියා පොලේ නගේ

අප්පා ගියා පහල වෙලේ 

සීයා ඇවිත් අරන් ගියේ

අක්කා හැදූ සරංගලේ

සුදු ගවුමක් අන්දාලා

දූ යනදා ස්කෝලේ

ලේන්සුවේ මල් මහලා

එල්ලන්නම් හැඩ දමලා

දොයි දොයි දොයිය බබා - බයි බයි බයිය බබා......

දොයි දොයි දොයිය බබා - බයි බයි බයිය බබා

සුදු මාමා ගේ සුදු වස්සා 

කිරි බීලා උඩ පැන්නා

පිලිකන්නේ බළුකුක්ා

කිරි ඉල්ලා මට බිරුවා.

පූසී පැටව් කිරි බීලා

අම්මා වටේ නිදියනවා.

අම්මා ඇවිත් කිරි දුන්නා

මගේ පුතත් දොයියනවා.

දොයි දොයි දොයිය බබා - බයි බයි බයිය බබා......

දොයි දොයි දොයිය බබා - බයි බයි බයිය බබා

සුදුම සුදුයි වලා කුලේ

නිදියනවා පුතා මගේ

ඈත හදේ හා පැටියා නිදියනවා පුතා වගේ

තරු නිවිලා නිල් අහසේ

නිදියනවා පුතා මගේ

මට පැටියා ඇහැරෙනවා

හෙට උදයේ මලක් වගේ.

දොයි දොයි දොයිය බබා - බයි බයි බයිය බබා......

දොයි දොයි දොයිය බබා - බයි බයි බයිය බබා

ඹන්න බබෝ ඇතින්නියා - ගල් අරඹේ සිටින්නියා

ගලින් ගලට පනින්නිය - බබුට බයේ දුවන්නියා.

දොයි දොයි දොයිය බබා - බයි බයි බයිය බබා......

දොයි දොයි දොයිය බබා - බයි බයි බයිය බබා

ඔටුන්නකෝ මේ පැත්තේ

දිව සළු කෝ කොයි පැත්තේ

දැසි දැස්සන් හැම පැත්තේ

රජ කුමරින් මෙහි නැත්තේ

රන්දෝලා ගෙන එන්නම්

කසී රටෙන් සළු දෙන්නම්

රන් කොතෙලෙට කිරි දෙන්නම්

පුතා මගේ නලවන්නම්

පිරිවර  මල් ගෙන එන්නම්

මල්මාලා පලදන්නම්

කතරෙන් දිය ගෙන එන්නම්

පුතා මගේ රැක ගන්නම්

හැමදාමත් නිදියනකම්

පුතා ලගින් මම ඉන්නම්

කවි කියලා නලවන්නම්

පුතා ලගින් මම ඉන්නම්

දොයි දොයි දොයිය බබා - බයි බයි බයිය බබා......

දොයි දොයි දොයිය බබා - බයි බයි බයිය බබා

සමහරක් නැළවිලි ගීත දු වරුන් වෙනුවෙන් වෙන් වුනත් පුංචිත්තා රිද්මයට පමණක් අවධාණය යොමු කරන බැවින්  ඒ බව නොසලකා හැරීම අප සිරිතක් කර ගත්තේය. පුංචිත්තා දැඩි අවධාණයකින් ගීත ශ්‍රවණය කරමින් සුව නින්දක් කරා යන්න පුරුදු විය. නින්දෙන් අවදි වනතුරු අපට මද විරාමයක් ලැබීය.

notes of imaginary

Read More