ඊයෙ රෑ හඳ පලුවක එල්ලුන හැටි

කවියකට

නවතින්න පුලුවන් කවියෙක් ඇතුළෙ විතරමද

මං දැක්කා කවියක්

ඊයෙ රෑ හඳ පලුවක එල්ලුන හැටි

කරගැට පිරි අත්ලක් මැද

උණුහුම් වී හිනැහෙන හැටි

අහම්භයක් වෙන්නට ඇති

ප්‍රේමය ලිස්සල වැටුණම

නැගිටින්නට අත දීගෙන

කවියක් හිනැහෙනු දුටුවෙමි

ඒ කවියම

තනපුඩුවක එල්ලීගෙන

හිනා මවන බිළිඳුන් ළඟ

ඉන්ද්‍රචාප මවනු දුටිමි

අරගලයක සටන් පාඨ

කලබලයෙන් ඇහැරෙන විට

තුවක්කුවක සිදුරක් ළඟ

කවියක් ලතැවෙනු දුටුවෙමි

ඒ කවියම

හරස් පාරකින් ඇවිදින්

ඉසියුම් තැන් ඇහැරවමින්

ප්‍රේමය තැවරුව කොපුලත

මතකය මඟහරිනු පිණිස

රිදවුම් පිරිමදින රහස

ලතෙත් අකුරු වල පටලා

කවියක් මුමුණනු දුටුවෙමි

ඒ කවියම

ඊළඟ මොහොතේ සුවඳැති

මල් පෙත්තක මම දුටුවෙමි

කවියෙක් උපදින්නට නම්

කවියක් ආ යුතු පපුවට

සෝමලතා හේරත් මැණිකේ

notes of imaginary