බල තුලනයේ අවසාන විචල්‍යය .

මහාචාර්ය අනිල් ජයන්ත ප්‍රනාන්දු

“මහජනතාවට කියන්නේ මේ බල තුලනයේ අවසාන විචල්‍යය බවට පත්වෙන්නේ ඔබගේ ඡන්දයයි. ඔබ මේ දූෂිත කණ්ඩායම්වල විවිධ උපක්‍රමවලට අසුවීමේ ඉඩකඩ තිබෙනවා. දූෂිතයන් කවුද යන්න ඔබ හරියටම බෙදුම් ඉර ඇඳගෙන ඉන්නේ. මේක ඉදිරියටත් පවත්වාගෙන යන්න. කිසිම ආකාරයේ නොමඟ යැවීම්වලට අසුවෙන්න එපා. අපේ ප්‍රතිපත්තිවල, වැඩපිළිවෙල පිළිබඳ යම් ගැටලු තිබෙනවා නම් ලංකාව පුරා විහිදුණු, ග්‍රාමසේවා වසම්වල කොට්ඨාස මට්ටමේ ක්‍රියාත්මක වෙන සංවිධාන ජාලයක් තිබෙනවා. ඒවා ඇතුළට සම්බන්ධ වෙලා අප පිළිබඳව විමර්ශනය කරන්න; කරුණු එකතු කරන්න; තේරුම් ගන්න. අපි එකතු වෙලා බලය වෙනස් කිරීමේ කාර්යයට සම්බන්ධ වෙමු. මේ වංචනිකයක්, දූෂිතයන් බලයේ ඉඳගෙන මහජනතාවට දෙන පීඩනයෙන් ඔවුන් ඉවත් කරලා හැම කෙනෙකුටම සතුටින් ජීවත් වීමට සමාජය හැදීමේ කාර්යයට දායක වෙමු.” යැයි ජාතික ජන බලවේගයේ ජාතික විධායක සභික සහ එහි ආර්ථික කවුන්සිලයේ සාමාජික මහාචාර්ය අනිල් ජයන්ත ප්‍රනාන්දු අවධාරණය කරයි.

ඔහු මේ බව අවධාරණය කළේ, බත්තරමුල්ල පැලවත්ත හි පිහිටි ජනතා විමුක්ති පෙරමුණේ ප්‍රධාන කාර්යාලයේ අද (02) පෙරවරුවේ පැවති ජාතික ජන බලවේගයේ ආර්ථික කවුන්සලයේ මාධ්‍ය හමුව අමතමිණි.

එහිදී වැඩිදුරටත් අදහස් දැක්වූ ජාතික ජන බලවේගයේ ජාතික විධායක සභික සහ එහි ආර්ථික කවුන්සිලයේ සාමාජික මහාචාර්ය අනිල් ජයන්ත ප්‍රනාන්දු,

“මේ වනවිට පවතින දේශපාලන හා ආර්ථික තත්වය සහ අර්බුදය හමුවේ ජාතික ජන බලවේගය සහ අනෙකුත් දේශපාලන පක්ෂ සහ ව්‍යාපාර හැසිරෙන ආකාරය සහ මේ අවුරුද්දේ පැවැත්වීමට නියමිත මැතිවරණය පිළිබඳවත්, ඇත්ත තත්වයත් විය හැකි දේ පිළිබඳවත් මහජනතාවට කරුණු ඉදිරිපත් කිරීමට බලාපොරොත්තු වෙනවා.

ජාතික ජන බලවේගය මීට පෙර ඉතාම දුෂ්කර තත්වයන් යටතේදිත් මේ රටට සිදුවුණේ කුමක්ද, සිදුවෙමින් තිබෙන්නේ කුමක්ද? සිදුවිය හැක්කේ කුමක්ද යන ආර්ථික ගැටලු පැහැදිලි කළා. ඒ අවස්ථාවේ අපට තිබුණේ මහජනතාවගේ ඉතාම අඩු පිළිගැනීමක්. අපි අඛණ්ඩව කරගෙන ආ ක්‍රියාදාමය හේතුවෙන් මහජනතාව ජාතික ජන බලවේගය වැළඳගනිමින්, ජාත්‍යන්තර පිළිගැනීමට ලක්වෙමින්, බලය ලබාගැනීමට සූදානම් තැනට පත්වී තිබෙනවා. මේ හේතුව නිසා දූෂිත පාලක කණ්ඩායම් බියට පත්වී තිබෙනවා. මේ අවස්ථාවේ සිදුවෙන බල හුවමාරුව දේශපාලන පක්ෂයකින් තවත් දේශපාලන පක්ෂයකට සිදුවෙන මාරුවීමක් නොවෙයි. මේ සිදුවන්නේ ව්‍යුහාත්මක වෙනසක්. දූෂණය, වංචාව නිමාවට පත්වෙන, ජනතාවට එරෙහිව ක්‍රියාත්මක වූ වැරදි ප්‍රතිපත්තිවල නිමාවක් සිදුවෙන අවස්ථාවක්. මේ නිසාම ඔවුන් මේ අර්බුදයට බලපෑ සැබෑ හේතු යටපත් කොට මතුපිට ප්‍රශ්න ටිකක් සමාජගත කිරීමට උත්සාහ දරමින් ඉන්නවා. සැබෑ හේතු වූ, වංචාව, දූෂණය, හොරකම, රටේ සම්පත් නිසියාකාරව නිෂ්පාදන ක්‍රියාවලියට යොදා නොගැනීම, සුළු පිරිසකගේ අවශ්‍යතාවයට භාණ්ඩ නිෂ්පාදනය කිරීම වැනි කරුණු හංගා මතුපිට ප්‍රශ්න පමණක් පෙන්වමින් සහ මේ ප්‍රශ්නවලට උත්තර සෙවිය හැක්කේ ඒගොල්ලන්ට පමණක් බවත් වැඩපිළිවෙළක් ඇත්තේ ඒගොල්ලන්ට පමණක් බවත්, අලුත් අත්හදා බැලීම්වලට නොයා යුතු බවත් ජනතාවට කියනවා. එය මිථ්‍යාවක්.

මෙවැනි ප්‍රකාශ කරන්නේ කවුද කියා බලමු. මෙතෙක් මේ වැරදි ප්‍රතිපත්ති අඛණ්ඩව විවිධ ආණ්ඩු යටතේ ක්‍රියාත්මක කරන්නට ඍජුව හා වක්‍රව දායක වූ, මැති ඇමතිකම් දරමින් කටයුතු කළ අය, ප්‍රශ්නවලට විසඳුම් තිබෙන්නේ මේ ක්‍රමය තූළ පමණක් බව කියනවා. ඔවුන් මේ සිදුකරන්නේ විසඳුම් සඳහා විකල්ප වැඩපිළිවෙළකට යන්න තිබෙන පාර වහන්න උත්සාහ කරන එකයි. ඔවුන් මේ මොහොතේදී මුහුණ දී තිබෙන අර්බුදකාරී තත්වයේදී වැඩපිළිවෙළක් සමාජයට ඉදිරිපත් කරමින් තිබෙනවා. අයි.එම්.එෆ් එක හරහා ණය ගැනීමෙන් මේ රට ගොඩගන්න පුළුවන්, ආර්ථිකය වර්ධනය කරන්න පුළුවන්, ණය උගුලක සිරවී සිටින නිසා කරන්න හැකියාවක් නැතිකම, ඒ ණය ගෙවන්න නම් රාජ්‍ය දේපළ විකුණන්න ඕනෑ බවට වන මතය සමාජගත කරමින් ඉන්නවා. ඒ මතය තහවුරු කිරීමට අප හැර, ආණ්ඩුවත්, විපක්ෂයේ අනෙක් කණ්ඩායම් ඍජුව හා වක්‍රව දායක වෙනවා. විපක්ෂයේ ප්‍රතිපත්ති තුළ ආණ්ඩුවේ වැඩපිළිවෙළ වෙනත් ආකාරයකින් සාධාරණීකරණය කරන්න උත්සාහ ගන්නවා. ඔවුන්ගේ ප්‍රතිපත්ති තුළ වංචාව, දූෂණය පිටුදැකීම කියා පරිච්ඡේදයක් ඉදිරිපත් කරමින්, රාජ්‍ය දේපළ විකිණීමේ ප්‍රතිපත්තිය, දැනට ආණ්ඩුව අනුගමනය කරන ප්‍රතිපත්තියම සාධාරණීයකරණය කිරීම සඳහා විශේෂයෙන් බලශක්තිය උපයෝගීතාවයන් පිළිබඳව අකාර්යක්ෂමතාවයන් රටේ පවතින බවත්, දූෂිත රාජ්‍ය ආයතන තිබෙන බවත්, එවැනි ආයතන ගොඩගන්න නම් එම ආයතන විකුණන්න ඕන බවත් සමාජ මතයක් හදනවා. ජලය, විදුලිබලය, බලශක්ති වගේ ක්ෂේත්‍ර විකිණීමට අවධානය යොමු කරනවා.

රට අර්බුදකාරී තත්වයකට වැටී තිබියෙදී ගොඩගන්නා ව්‍යායාමය තුළ සෑම කෙනෙකුම විවිධ ආකාරයට විවිධ ධාරිතාවන් යටතේ දායක වෙන්න ඕනෑ. ආර්ථිකයක් ගොඩගන්නකොට විශාල පංගුවක් ඉෂ්ට කරන්න අවිනිශ්චිත තත්වයකදී තනි තනි පුද්ගලයන්ට විශාල පරිමාණයෙන් ආයෝජනය කිරීමට, අවදානම දැරීමේ අපහසුතාවය තිබෙනවා. එවැනි අවස්ථාවකදී රාජ්‍ය දේපළවල වැදගත්කමක් තිබෙනවා. ඔවුන් මේ යෝජනා කරන්නේ රාජ්‍ය දේපළ කුණු කොල්ලයට විකුණා යම් ඩොලර් ප්‍රමාණයක් එකතු කර ගැනීමත් අයවැය පරතරයේ යම් සහනයක් ලබාගැනීමත්. ආණ්ඩුවත්, විපක්ෂයත් යෝජනා කරන්නේ ලබාගැනීම හෝ බලය පවත්වාගැනීම සඳහා දිගු කාලීන ආර්ථිකය විනාශ කරමින්, කෙටි කාලීන ආර්ථික උප්පරවැට්ටිවලට යාමක්.

ජාතික ජන බලවේගය රාජ්‍ය දේපළ සම්බන්ධයෙන් අනුගමනය කරන්නේ කුමක්ද යන්න පැහැදිලිව කියා තිබෙනවා. ඒ වගේම ආර්ථික මර්මස්ථාන වැනි දේවල් යම් ආකාරයකට රාජ්‍ය හිමිකාරිත්වය අතහැරියහොත් ගැටලු ගණනාවකට මුහුණ දීමට වෙනවා. ආර්ථිකයක් ගොඩගන්න අවස්ථාවේදී බලශක්තිය, මූල්‍ය වෙළඳපොළ, සන්නිවේදන ඉතාමත් තීරණාත්මකයි. ප්‍රධාන වශයෙන් බලශක්තිය සහ වතුර වගේ දේවල්වලදී දුරදිග නොබලා, ඇතැම් රටවල් යම් පිරිස්වල ප්‍රතිලාභ වෙනුවෙන් පුද්ගලීකරණ වැඩසටහන්වලට ගොස් අත්පත් කරගෙන තිබෙන විනාශකාරී ප්‍රතිඵල ලෝකය දැක තිබෙනවා. එංගලන්තය ජලය පුද්ගලීකරණය කර, අවුරුද්දක් පමණ යනකොට ප්‍රශ්න මතුවී තිබෙනවා. මහජනතාවට නිසියාකාර වතුර දෙන්න බැරිකම, එහි ගුණත්වය අඩුවීම වැනි ප්‍රශ්න මතුවී තිබෙනවා. විකුණපු කණ්ඩායම් දැන් ප්‍රශ්න කරනවා තමන් ගත් ප්‍රතිපත්තිය වැරදි බවත් වෙනත් ඉන් එහා එකකට යන්නේ කොහොමද කියන එකත්. අපි වැනි බංකොලොත්භාවයට පත්වුණු රටක් ග්‍රීසිය. එතනදී ගොඩ යන්න විවිධ ක්‍රම ඉදිරිපත් කළා. ප්‍රතිව්‍යුහගත කිරීම්වලට අමතරව ඔවුන්ගේ රාජ්‍ය ව්‍යවසායන්වලට අනුව කටයුතු කරන්නේ කොහොමද කියලා. ඔවුන්ට රාජ්‍ය දේපළ කිහිපයක් වරාය, දුම්රිය, ගුවන්තොටුපොළවල් විකුණන්න සිද්ධ වුණා. ජර්මනිය, ඉතාලිය සහ චීනය විසින් මිලදී ගෙන වසර පහක් පමණ වෙනවා. නමුත් අදත් ග්‍රීසිය නිසි පරිදි ප්‍රවාහන සේවයක් නොමැති ප්‍රශ්නයට මුහුණ පා සිටිනවා.

මේ පාලකයන් පෙනී සිටින්නේ, මේ තිබෙන තත්වයෙන් රට මුදාගෙන නිසි ගමනකට බලය හුවමාරු වෙන තත්වයකදී එය වැළැක්වීම වෙනුවෙනුයි. ඔවුන් පැරණි දූෂිත යාන්ත්‍රණයම පවත්වාගෙන යාමට උපක්‍රම යොදනවා. මේ දූෂිත යාන්ත්‍රණයේ ඉන්න සමහර අය පෙනෙන්නේ නැහැ. විශේෂ අවධානය යොමුකරන්න ඕනෑ මේ නොපෙනෙන ඇක්ටර්ස්ලා ගැන. දූෂිතයෙක් දූෂණයට විරුද්ධව කතා කරනවා නම්, අපරාධකාරයෙක් අපරාධ අයින් කරන්න කතා කරනවා නම්, සමාජය විශේෂයෙන් ඒ අය ගැන සැලකිලිමත් වෙන්න ඕනෑ. මේ ආර්ථිකය ගොඩනඟන්න ව්‍යුහාත්මක වෙනසක් කරන්නම ඕනෑ. හැම කෙනෙක්ම එකතුවෙලා පොර බදන්න ඕනෑ. ඒ නිසා අපි නිසි වැඩපිළවෙළක් ඉදිරිපත් කොට තිබෙනවා.

ජාතික ජන බලවේගයේ ආණ්ඩුවක් ආවොත් බලශක්තිය පිළිබඳව ගැටලුවකින් තොරව ඕනෑම අයෙකුට ආර්ථික ක්‍රියාකාරකමක නියැලෙන්න අවස්ථාව ලැබෙනවා. ජාතික ජන බලවේගය ආර්ථික ප්‍රතිපත්තිය ඇතුළේ ඉතිරි කිරීම් ආයෝජනය සඳහා හා විදේශීය ආයෝජනය කැඳවන්නේ කොහොමද? ණය ලබා ගන්නේ කෙසේද? ප්‍රතිලාභ කෙටි කාලීන හා දිගු කාලීන වශයෙන් එන්නේ හා බෙදා ගන්නේ කොහොමද කියන එක ඉතා පැහැදිලිව ප්‍රකාශ කර තිබෙනවා.

මහජනතාවට කියන්නේ මේ බල තුලනයේ අවසාන විචල්‍යය බවට පත්වෙන්නේ ඔබගේ ඡන්දයයි. ඔබ මේ දූෂිත කණ්ඩායම්වල විවිධ උපක්‍රමවලට අසුවීමේ ඉඩකඩ තිබෙනවා. දූෂිතයන් කවුද යන්න ඔබ හරියටම බෙදුම් ඉර ඇඳගෙන ඉන්නේ. මේක ඉදිරියටත් පවත්වාගෙන යන්න. කිසිම ආකාරයේ නොමඟ යැවීම්වලට අසුවෙන්න එපා. අපේ ප්‍රතිපත්තිවල, වැඩපිළිවෙල පිළිබඳ යම් ගැටලු තිබෙනවා නම් ලංකාව පුරා විහිදුණු, ග්‍රාමසේවා වසම්වල කොට්ඨාස මට්ටමේ ක්‍රියාත්මක වෙන සංවිධාන ජාලයක් තිබෙනවා. ඒවා ඇතුළට සම්බන්ධ වෙලා අප පිළිබඳව විමර්ශනය කරන්න; කරුණු එකතු කරන්න; තේරුම් ගන්න. අපි එකතු වෙලා බලය වෙනස් කිරීමේ කාර්යයට සම්බන්ධ වෙමු. මේ වංචනිකයක්, දූෂිතයන් බලයේ ඉඳගෙන මහජනතාවට දෙන පීඩනයෙන් ඔවුන් ඉවත් කරලා හැම කෙනෙකුටම සතුටින් ජීවත් වීමට සමාජය හැදීමේ කාර්යයට දායක වෙමු.”

Lanka Truth | 2024.04.02

Like

Comment

Share

A day in the life

Read More

සුදුළූණු

Dr Bandula Sathkumara

සුදුළූණු යනු ළූණු පවුලට අයත් ශාකයකි

සුදුළූණු යනු පුරාණ කාලයේ සිට පරිභෝජනය කරන ලද පොලිෆෙනොලික් සහ කාබනික සල්ෆර් අඩංගු පෝෂණීය කුළුබඩු වර්ගයකි.

සුදුළූණු සහ එහි ද්විතියික පරිවෘත්තීය ප්‍රතිඔක්සිකාරක, කොලෙස්ට්‍රරොල්/ ලිපිඩ අඩු කිරීමේ ගුණාංග, පිළිකා, හෘද වාහිනී සහ පරිවෘත්තීය ආබාධ, රුධිර පීඩනය සහ දියවැඩියාව .අසත්මිකතා, පිළිකා, හෘද වාහිනී සහ පරිවෘත්තීය ආබාධ, සම, අස්ථි සහ අනෙකුත් බෝහොමයක් රෝග සදහා සුදුළූණු පරිභෝජනය, ඉතාමත් සුදුසු බව සොයාගෙන ඇත.

සුදුළූණු වල කැලරි අඩු වන අතර විටමින් C, විටමින් B6 සහ මැංගනීස් බහුලව අඩංගු වේ. වෙනත් විවිධ පෝෂ්‍ය පදාර්ථව මාත්‍ර ද එහි අඩංගු වේ.

සුදුළූණු උණ සහ සෙම්ප්‍රතිශ්‍යාව වැනි රෝග සුව කීරීමට සහ සැදීමා වළක්වා ගැනීමට උපකාරී වේ

අධි රුධිර පීඩනය ඇති අයගේ රුධිර පීඩනය පාලනය කිරීමට සුදුළූනු වලට හැකිය.

සුදුළූනු මගින් සම්පූර්ණ සහ LDL කොලෙස්ටරෝල් අඩු කරන බව පෙනේ,

සුදුළූණු වල ප්‍රතිඔක්සිකාරක අඩංගු වන අතර එය සෛල වලට වන හානි අඩු කරයි.

මෙය ඇල්සයිමර් රෝගය සහ අනෙකුත් ඩිමෙන්ශියා රෝග වල අවදානම (හෝ ප්‍රගතිය මන්දගාමී වීම) අඩු කරයි.

සුදුළූණු අමුවෙන් ආහාරයට ගැනීමෙන් අමතර ප්‍රතිලාභ ලබා ගත හැකිය, මන්ද සුදුළූණු වල ඇති සමහර හිතකර සංයෝග තාපය මගින් විනාශ විය හැක.

සුදුළුණු බොහෝ මිනිසුන් සඳහා ආරක්ෂිත සහ සෞඛ්ය සම්පන්න වේ. නමුත් ඔබ රුධිරය තුනී කරන බෙහෙත්(වොෆරින් වැනි)0 ලබා ගන්නේ නම්, ඔබේ සුදුළූණු අහාරයට ගැනීමේ ප්‍රමාණය වැඩි කිරීමට පෙර වෛද්‍යවරයෙකු සමඟ කතා කරන්න.
කොලෙස්ටරෝල් අඩු කිරීමට පුද්ගලයෙකු කොපමණ සුදුළූණු ගත යුතුද?

දිනපතා සුදුළූණු ග්‍රෑම් 2-20 ක් පරිභෝජනය කිරීම කොලෙස්ටරෝල් අඩු කිරීමට උපකාරී වන බව පර්යේෂණවලින් පෙනී යයි. කෙසේ වෙතත්, කොලෙස්ටරෝල් අඩු කිරීම සඳහා සුදුළූණු වල නියම මාත්‍රාව තීරණය කිරීම සඳහා වැඩි පර්යේෂණ අවශ්‍ය වේ.

කොලෙස්ටරෝල් අඩු කිරීම සඳහා සුදුළූණු ආහාරයට ගත හැකි හොඳම ක්‍රරමය කුමක්ද?

සුදුළූණු කොලෙස්ටරෝල් අඩු කිරීමට කොපමණ කාලයක් ගතවේද?

සති 8 ක් සඳහා සුදුළූණු ගැනීමෙන් කොලෙස්ටරෝල් මට්ටම වැඩි දියුණු වන බව අධ්‍යයනයන් පෙන්වා දී ඇත.

සුදුළූණු කොලෙස්ටරෝල් සහ රුධිර පීඩනය අඩු කරයිද?

සායනික අත්හදා බැලීම් වලදී, සුදුළූණු සැලකිය යුතු අතුරු ආබාධ නොමැතිව රුධිර පීඩනය විශ්වාසනීය මූලාශ්‍රය අඩු කර ඇත.

A day in the life

Read More

තනිකම

දොරට තට්ටු කිරීමේ ගාස්තුව!

මම පත්තරේ ගෙන දෙන නිවසක අගුලු දැමූ තැපැල් පෙට්ටියක් තිබූ නිසා මම දොරට තට්ටු කළෙමි.

වැඩිහිටියෙකු වන ඩේවිඩ් නම් මහත්තයා පය පැකිලෙමින් හෙමින් දොර විවෘත කළේය.

මම ඔහුගෙන් ඇහුවා, "සර්, ඇයි ඔයාගේ ලිපි දමන පෙට්ටිය අගුලු දාලා තියෙන්නේ?" "

ඔහු දිගු සිනාවකින් මෙහෙ ම කියනවා..."මට අවශ්‍යයි ඔබ මට දිනපතා පුවත්පත ලබා දීමට එනවිට දොරට තට්ටු කර හෝ සීනුව නාද කර එය පෞද්ගලිකව ලබා ගැනීමට ...

මම කලබල වෙලා කිව්වා, “අනිවාර්යයෙන්ම, ඒත් ඒක දෙන්නටම අපහසුතාවයක් වගේම කාලය නාස්ති කිරීමක් වගේ නෙ" කියලා

එයා කිව්වා අවුලක් නෑ .. "මම ඔබට සෑම මසකම දොර තට්ටු කිරීමේ ගාස්තුවක් ලෙස වැඩිපුර ගෙවන්නම්. " කියලා.

ඇත්තටම ඔහු මගෙන් ආයාචනයක් ද සිදුකලා , ඔබ දොරට තට්ටු කරන විට එයට පිළිතුරක් නැති නම්, පොලීසියට කතා කරන්න..කියලා..

මම පුදුමයට පත් වෙලා ඇහුවා "ඇයි සර් එහෙම කියුවේ කියලා.

ඔහු පිළිතුරු දෙමින් මට කියනවා, “මගේ බිරිඳ මියගියා, මගේ පුතා විදේශගත ව ඉන්නෙ මම මෙහි තනිවම ජීවත් වෙනවා, මගේ කාලය කවදා එයිද කියා කවුද දන්නේ?” කියලා....

ඒ මොහොතේ මහලු මිනිසාගේ තෙත හා වළාකුළු ඇස් උතුරා ගියේය.

ඔහු කියනවා මම කවදාවත් පත්තරේ කියෙව්වේ නැහැ... මම ඒක ලබා ගත්තේ දොරට තට්ටු කරන්න හෝ දොර බෙල් වල ශබ්දය මට ඇහෙන්නටත් හුරුපුරුදු මුහුණක් බැලීමට සහ අදහස් කිහිපයක් හුවමාරු කිරීමට විතරයි කියලා...

ඔහු අත් දෙක බැදගෙන බැගෑපත්ව මට කියනවා "තරුණයා, මට උදව්වක් කරන්න!" "මේ තියෙන්නේ මගේ පුතාගේ විදේශගත දුරකථන අංකය. කවදාහරි ඔයා දොරට තට්ටු කරොත් මම උත්තර දෙන්නේ නැත්නම්, මගේ පුතාට කතා කරලා කියන්න.. ".

මගේ හිත අසරණ කමින් පිරුණා.. ජීවිතය තුල කෙතරම් තනිකමින් වෙලී සිටින මිනිසුන් සිටිනවද කියලා...

All reactions

day in the life

Read More

ඉන්දියාව දේශපාලනය නොවේ.

කර්නාටක, තමිල්නාඩු, කේරළ, තෙලන්ගානා වැනි දකුණු ඉන්දීය ප්‍රාන්ත භූගෝලීය වශයෙන් එකිනෙකට සමීපව තිබියදීත් ඉතා වෙනස් භාෂා, ආහාරපාන සහ සංස්කෘතීන් ඇත්තේ ඇයි?
මෙම සිතියම ප්‍රශ්නය බොහෝ දුරට පැහැදිලි කරයි.
උතුරු ඉන්දියාව අඛණ්ඩ භූමි ස්කන්ධයකි, භූගෝලීය බාධක කිසිවක් නොමැත. උඩ සිට බෙංගාලය දක්වා ගංගා නදියේ ගමන් කළ හැකිය. ගංඟා තීරයේ ඉන්දු ආර්ය භාෂා සාර්ථකව ව්‍යාප්ත වීමට මෙය හේතු විය. එය උපභාෂා සන්තතියකි. එකම ගංගා, එකම සාරවත් පස, එකම භූගෝලීය සහ භූ විෂමතාවය, එකම පාලකයන් විසින් පාලනය කිරීම යනාදිය මගින් පෝෂණය වන අතර, බොහෝ සමාන භාෂා, ආහාර පිසීම් සහ සංස්කෘතීන් ඇති වී තිබේ.
නමුත් දකුණු ඉන්දියාව බලන්න. කඳු, වනාන්තර, ගංඟා, ගංගා ආදී වශයෙන් භූගෝලීය බාධක රාශියක් ඇත. ගංගා යාත්‍රා කළ නොහැක. කර්නාටක සිට තමිල්නාඩුවට කාවේරි නදියෙන් ගමන් කළ නොහැක.
මෙම සියලු බාධක යම් දුරකට හුදකලා වීමට හේතු වී ඇති අතර, එය වෙනම භාෂා, ආහාර සහ සංස්කෘතිය වර්ධනය වීමට හේතු විය. උතුරු ඉන්දියාවේ, සියල්ල නැගෙනහිරින් ගලා යන ගංගා වේ, දකුණේ අපට බටහිර හා නැගෙනහිරින් ගලා යන ගංගා ඇත.
විවිධ ගංගා තීරයන් විවිධ භෝග වර්ග, ඇඳුම් පැළඳුම් සහ සංස්කෘතීන් සමඟ විවිධ සංස්කෘතික කලාප පිහිටුවා ඇත.
ගැඹුරු වනාන්තරවල සහ කඳුකර ප්‍රදේශවල ජීවත් වන ජනයා සංස්කෘත/පර්සියානු/ඉංග්‍රීසි මිශ්‍රණයකින් තොරව සාපේක්ෂ වශයෙන් පිරිසිදු භාෂා කතා කරයි. අනෙකුත් ද්‍රවිඩ භාෂාවන්ට සංස්කෘත, පර්සියානු සහ ඉංග්‍රීසි යන භාෂාවලින් බලපෑම් එල්ල වී ඇත.
ඝාට් වලින් වෙන් වූ විවිධ ප්‍රදේශ විවිධ භාෂා බිහිවීමට හේතු වී ඇත. බටහිර ඝාට්ස් යනු කන්නඩ සහ තුලු, දෙමළ සහ මලයාලම් අතර ස්වභාවික බාධකයයි.
එබැවින්, දේශගුණය සහ වෘක්ෂලතාදිය වෙනස් වන බැවින් වෙරළබඩ කලාපය, ඝාට්ස් කලාපය සහ සානුව කලාපය විවිධ සංස්කෘතීන් සහ ආහාර පුරුදු ඇත. පන්සල් ගෘහ නිර්මාණ ශිල්පය, උත්සව සැමරුම පවා වෙනස් ය.
කර්නාටක ප්‍රාන්තය ඉතා විවිධාකාර වන අතර දකුණු ඉන්දියාවේ කේරළය අවම වශයෙන් විවිධ වේ. දකුණු කර්නාටකයේ ප්‍රධාන ආහාරය උතුරු කර්නාටකයේ ප්‍රධාන ආහාරය නොවන අතර එය වෙරළබඩ කර්නාටක ප්‍රධාන ආහාරවලට වඩා වෙනස් ය.
දකුණු කර්නාටක කාවේරි සහ එහි අතු ගංගාවලින් පෝෂණය වේ, වී වගාව වැඩි ය. තුංගභද්‍රා ගංගාවෙන් පෝෂණය වන මධ්‍යම කර්නාටක ප්‍රදේශය ද එසේමය. එබැවින් බත් ප්‍රධාන ආහාරය වේ. උතුරු කර්ණාටක ප්‍රදේශය ක්‍රිෂ්ණා ගඟෙන් සහ එහි අතු ගංගාවලින් පෝෂණය වේ, පස කළු ය, ජෝවර් වගාව වැඩි බැවින් ජෝවර් ප්‍රධාන ආහාරය වේ. වෙරළබඩ කර්නාටක පෝෂණය වන්නේ බටහිරින් ගලා යන ගංගා වලින් වන අතර විවිධ වර්ගයේ සහල් සහ මාළු ප්‍රධාන ආහාරය වේ. කර්නාටකයේ එවැනි වෙනස්කම් බොහොමයක් ඇත, එබැවින් KA සඳහා ටැග් රේඛාව 'එක් රාජ්‍යයක්, බොහෝ ලෝක' වේ.

Why do South Indian states like Karnataka, Tamil Nadu, Kerala, Telangana have very distinct languages, cuisines and cultures despites being geographically close to each other?
This map pretty much explains the question.
North India is continuous mass of land, there’s no geographical barriers at all. One can travel on Ganga river from UP till Bengal. This led to successful spread of Indo Aryan languages in the Gangetic belt. It is a dialect continuum. Fed by same rivers, same fertile soil, same geography and topography, ruled by same rulers, etc. has resulted in very similar languages, cuisines and cultures.
But see southern India. There are lot of geographical barriers in the form of hills, forests, ghats, rivers, etc. Rivers are not navigable. One cannot travel from Karnataka to Tamil Nadu on Kaveri river.
All these barriers have caused isolation to an extent, which resulted in development of separate languages, food and culture. In north India, all are east flowing rivers, in south we have both west and east flowing rivers.
Different river belts have formed different cultural zones with different set of crops, dress and cultures.
People living in deep forests and hilly regions speak languages which are relatively pure without Sanskrit/Persian/English mix. While other Dravidian languages are influenced by Sanskrit, Persian and English.
Different regions separated by ghats have resulted in formation of different languages. Western ghats is the natural barrier between Kannada and Tulu, also Tamil and Malayalam.
Hence, coastal region, ghats region and plateau region have different cultures and food habits as climate and vegetation differs. Even temple architecture, festival celebration is different.
Karnataka state itself is very diverse, while Kerala is least diverse in south India. Staple food of south Karnataka is not the staple food of North Karnataka and it is different from staple food of coastal Karnataka.
South Karnataka is fed by Kaveri and its tributaries, paddy cultivation is more. Same is the case with central Karnataka too, fed by Tungabhadra river. Hence, rice is staple food. North Karnataka is fed by Krishnaa river and its tributaries, soil is black, jowar cultivation is more and hence jowar is the staple food. Coastal Karnataka is fed by west flowing rivers, different kind of rice and fish forms the staple food. There are many such differences in Karnataka, hence tag line for KA is ‘one state, many worlds’.

A day in the life

Read More

කෙසෙල් කමු

වෙන් බෙරී - මූසා කුලයට අයත් විශාල , ශාකසාර සපුෂ්ප ශාක වර්ගයකි කෙසෙල් - උද්භිද විද්‍යා නාමය වෙන් බෙරී - මූසා වේ.
සමහර රටවල, ආහාර පිසීම සඳහා භාවිතා කරන කෙසෙල් වර්ග තිබේ -
ඒවා අතුරුපස සදහා ගන්නා කෙසෙල් වලින් වෙන්කර හඳුනා ගනී.
"ඔබේ ප්‍රතිශක්තිකරණ පද්ධතිය වැඩි කිරීමට සහ ඔබව නිරෝගීව තබා ගැනීමට කෙසෙල් අනුභව කරන්න"
කෙසෙල් යනු විටමින් බී 6 සහ සී ඇතුළු විටමින් කිහිපයක හොඳ ප්‍රභවයකි. විටමින් බී 6 සාර්ව පෝෂකවල පරිවෘත්තීය ක්‍රියාවලියට උපකාරී වේ. විටමින් සී ප්‍රතිශක්තිකරණ ක්‍රියාකාරිත්වයට අත්‍යවශ්‍ය වේ. මෙම ප්‍රතිලාභ කෙසෙල් ආහාරයට ගැනීමෙන් ලබා ගත හැක.
කෙසෙල් රුධිර පීඩනය නියාමනය කිරීමට උපකාරී වේ. කෙසෙල් ශරීරයේ පොටෑසියම් ප්රභවයක් ලෙස හැඳින්වේ. මධ්‍යම ප්‍රමාණයේ කෙසෙල් ගෙඩියක් නිර්දේශිත දෛනික වටිනාකමෙන් 10%ක් පමණ ලබා දිය හැක. අතුරු ආබාධ
කෙසෙල් අධික ලෙස පරිභෝජනය කිරීමෙන් රුධිරයේ පොටෑසියම් මට්ටම ඉහළ යා හැක. මෙය රුධිර පීඩන ගැටළු සම්බන්ධයෙන් සැලකිලිමත් විය හැකිය. කෙසෙල් මධ්යස්ථව පරිභෝජනය කළ යුතුය.
ප්රමාණාත්මක නිර්දේශය මධ්‍යම ප්‍රමාණයේ කෙසෙල් ගෙඩියක් ප්‍රමාණයකි. කෙසෙල් දිනපතා පරිභෝජනය කළ හැක.

A day in the life

Read More

සුන්දර කොත්මලය ..(සිවුවන ටීකාව )

සුන්දර කොත්මලය ..(සිවුවන ටීකාව )

කොත්මලේ ගණිතයා ...
The predictions made by soothsayer
In the yore ,in his expertise.
*******************************
කොත්මලේ සිටි දින කීපය තුළ ,අපි
බොහෝ පුරා වෘත්ත හා ජනප්‍රවාද සඳහා
මුල් වූ ස්ථාන දැක බලා ගත්තෙමු. හීන්
මැණිකේ ගේ මතකයත් ,මග පෙන්වූ
සම්පත් සහ අනුෂ්ක ගේ නොමඳ
සහයෝගයත් ..වැඩිහිටි පුද්ගලයින් ගේ
කතාබහත් ..හැමවිටම මගේ සටහන්
පොතේ පිටු පුරවන්නට උපකාර විය .
අනිවාර්යයෙන් ඔබ විසින් දැනගතයුතු
දෙදෙනෙක් පිළිබඳව ,රසවත් කතා
කීපයක් අසා දැනගත්තෙමි .නිලූ ත්
මමත් ඒවා රස වින්දේ කටවල් ඇරගෙනය .
එපමණටම පුදුම සහගතය .නමුත් ජනප්‍රවාදයේ
අදටත් පවතී .

එක් අයෙක් , අද මා ඔබට ලියන්නට යන
කොත්මලේ ගණිතයා ය. අනෙක් පුද්ගලයා
පොන්න නැකැත්තාය . මේ දෙදෙනා
එකම පුද්ගලයෙකු බව ඇතැමුන් ගේ
විශ්වාසයයි.
සෙංකඩගල තම රාජධානිය කරගත් රාජාධිරාජසිංහ
(ක්‍රි.ව. 1782 -1798 ) කාලයේ රාජ සභාවේ සිටි
ප්‍රකට නක්ෂත්‍ර කරුවෙකු හා කවියෙකු ලෙස
කොත්මලේ ගණිතයා හැඳින්වේ .(මට සිහිපත්
වූයේ අන්දරේ පිළිබඳවයි.නමුත් මොහු විහිළු
කාරයෙක් නොව දක්ෂ ගණිතඥයෙකු විය.)
කොත්මලේ ;මාවෙල, බානවෙල ,කොටුවේ
ගෙදර ..උපත ලබා ඇත .ඔහු විසූ ඉඩම අද
ආඬියා කොටුව වත්ත ලෙස හඳුන්වයි.
රාජාධිරාජසිංහ රජු වරක් ,විශාල පුහුල්
ගෙඩියක් රාජසභාවට ගෙන්වාගෙන , තම
ජ්‍යෝතිෂ්ශාස්ත්‍රඥයින් ගේ හපන්කම් පිරික්සා
බැලීමට සිතුවේ ලු. ඒ අනුව ,පුහුල් ගෙඩියේ
ඇති ඇට ගණන ...නිවැරදිව කියන ලෙස
රාජ සභාවට පවසා ඇත.ඇතැම් ඇමතියෙක්
පුහූල් ඇට නැළියක් ඇතැයි ද ; තවෙකෙක්
දෙනැළියක් ඇතැයි ද ...ආදී වශයෙන් විවිධ
සංඛ්‍යා දක්වා ඇත.
කොත්මලේ ගණිතයා පුහුල් ගෙඩිය හොඳින්
පිරික්සා බලා ..
“මෙහි ඇත්තේ පුහුල් ඇට තුනකි.ඉන් දෙකක්
පුහු ඇටය .එකක් හොඳ ඇටයකි .” යයි ප්‍රකාශ
කළේ ලු.
රජු ,පුහුල කප්පවා බැලූ විට ..කොත්මලේ
ගණිතයා ගේ පිළිතුර නිවැරදි බව දැක ..
මවිතයට පත් වූ බව කියැවේ .
මොහු ඉතා ප්‍රසිද්ධියට පත්වූ යේ ඔහු ගේ
නිවැරදි කියමන් හා නිර්භීත ක්‍රියා කලාපය
නිසාලු.
වරක් ,මොහු ගේ බුද්ධිය පරීක්‍ෂා කිරීමට
සිකුරාට ( සිකුරු ට ) සිතුණි. මිනිස් වෙසක්
ගෙන ..ගණිතයා ඉදිරියේ පෙනී සිටියේ ලු.
දෙදෙනා අතර පිළිසඳර කතාවෙන් පසු ,
“මේ වෙලාවේ සිකුරා සිටින්නේ කොහිදැ”යි
විමසූ අමුත්තා ට ..
“මා ඉදිරියේ .” යැයි පිළිතුර ලැබී ඇත.
ඔහු ගේ දක්ෂතාවය ගැන සිකුරා විමතියට
පත් වී ..ගණිතයාගේ ඇස්වලට ඇඟිල්ලෙන්
ඇන ,දෙනෙත් අන්ධ කළ බව පැවසේ .එසේ
වුවද ,යමක් අතට ගත් කළ ,ඔහුට එය දර්ශනය
වූ බවත් ..කියැවීමට හැකි වූ බවත් ජන වහරේ
ඇත.
මෙසේ ,සිකුරා ද පරාජය කළ බැවින්
“සිකුරාජපති” යන පදවි නාමය රජු විසින්
පිරිනමා ඇත. තඹ සන්නසකින් එම පදවිය පිරි
නැමූ බව දැක්වේ .එම පරපුරෙන් පැවත එන්නවුන්
අදටත් ,මාවෙල ගමේ වෙසෙති. සිකුරාජපති
යන්න ,මෙහි භාවිතාවන වාසගමකි .මගේ
යෙහෙළිය ,හීන් මැණිකේ පවසන අන්දමට ඇගේ
පාසල් අවදියේ දී ,එම වාසගම සහිත දැරියක්
ඇය හා මිතුරු දමින් බැඳී සිටියාලු.
නැකත් තරුවක් ගැහෙනු දැකීමෙන් ගණිතයා
විසින් අපූරු ප්‍රකාශයක් කර ඇත. අනාගතයේදී
කොත්මලා ඔයා දෙපස පිහිටි තිස්පනේ කන්දත්
කඩදොර කන්දත් එකට එකතුවී උතුරට ගලා
යන බවයි.ඒ ප්‍රකාශයෙන් අවුරුදු දෙසියයකට පසු
ඒ කියමන සැබෑවූයේ කොත්මලා ඔය හරහා වේල්ල
බැඳ ,මහවැලි ව්‍යාපාරය යටතේ ,එම කඳු දෙක යා
කොට;.උමං මාර්ග ඔස්සේ ජලය ගලායාමට
සලස්වා එයින් ටර්බයින කරකැවීමට ශක්තිය
නිපදවා ගත් බැවිනි. ( ඇතැමෙක් මෙය පොන්න
නැකැත්තාගේ අනාවැකියක් බවටද පවසති .)

එකල ද පාලකයන්ට කේළම් කියා ,වාසි
ලබාගන්නවුන් ..සිටි බැවින් ; රජු හා ගණිතයා
අතර සම්බන්ධතාවය නො රුස්සන පිරිස ....
ගතු කියා ඔහු කෙරෙහි රජතුමා තුළ වූ විශ්වාසය
බිඳ දමන ලද බැව් කියැවේ .
අවසානයේ රජු විසින් වරදක් පටලවා ,ගණිතයාට
මරණ දණ්ඩනය පනවන ලදී . තමාගේ අවසන්
ඉල්ලීම ලෙස ..තමා පවසන කවිය අනුව කටයුතු
කරන ලෙස ..හේ රජුගෙන් ඉල්ලීමක් කර ඇත.

“හත් අවුරුද්දක් වසිනා වැස්සේ
බිංදු ගණන් කරලා දෙඤඤයි .
අබ තුන් පෑලක් මැනලා දුන්නොත්
පියළි ගණන් කරලා දෙඤඤයි.
හත් අවුරුද්දක් ගිය කන්කුන්ඩගෙ
කකුල් ගණන් කරලා දෙඤඤයි.
තව තුන් පැයකට නො මරා හිටියොත්
මෙතුන් පදේ තෝරා දෙඤඤයි.”

මේ කවියෙන් තමාගේ මරණය ..පැය තුනකට
කල් දමා ගැනීමට ඔහුට ඕනෑවිය.හේතුව තමා
ස්ථිර ලෙසින් ම ..තවත් හෝරා දෙකකින්
ස්වභාවිකවම මිය යන බවත් ; තම ආයුෂ අවසන්
වන බවත් ශාස්ත්‍රයට අනුව ,ඔහු දැනසිටිමයි.
ක්ෂණිකව මරණ දඬුවමට ලක් වුවහොත් ..
“වරදකරුවෙකු ලෙසින් හංවඩු ගැසෙන බැවින්”
කළ නො හැකි ඉල්ලීම් කවියෙන් පවසා ඇත.
රජුටද මේ කවියට අනුව මොහුගෙන් පිළිතුරු
ලබා ගැනීමේ ආසාවෙන්..ගණිතයාගේ දඬුවම ,
හෝරා තුනකින් කල් දමන ලෙස වදකයාට
නියෝග දී ඇත .
පුදුමයකි ! හෝරා දෙක ඉකුත් වනවිටම
ගණිතයා රජු ඉදිරියේ මැරී වැටිණි . රජු , මහත් සේ
කම්පාවට පත්වූ බව කියැවේ.


කම්පාවට පත්වූ බව කියැවේ.
මෙයින් අපටද කදිම පාඩමක් උගත හැකිය . එනම් ....

“උවමනාවට වඩා දක්ෂ වූ විට ,තමා වටා
සිටින්නවුන්ගේ ඉරිසියාවට බඳුන් වන බවයි.”
රෝ.සි.
2024.04.04.
( සේයාරුවෙන් දැක්වෙන්නේ සුන්දර කොත්මලේ
ජලාශයයි. අපගේ කැමරා කාචය දුටු අයුරු යි...ඒ.)
See day in the life

Read More

අම්මා.

 

අම්මා ..................

අප අතරින් සමුගෙන වසර තුනකට ආසන්න වෙනවා. මගේ අතින් සටහනක් ලියවුනේ නැහැ ඈ ගැන. ඒ ලියන්නට නොහැකි නිසාවෙන් ඈ සමු ගෙන ගිය බව මගේ බොලද හිත තවමත් පිලි ගන්නේ නැති නිසා.

නොවැම්බර් මස දිනක හවසක මගේ පපුුව රිදෙනවා කිවු ඇය බලන්ගොඩ රෝහලේ කල සත්කාරයෙන් සෑහිමකට පත් නොවු අප ජයවර්ධනපුර රෝහලට යොමුුවුුනා. ඒ අම්මා අවසානවරට ගත කල දින කිහිපයයි.

පසුදා උදේ නවයට පමන මම සිටියෙ බොරලැස්ගමුවේ නංගීලාගේ ,ගෙදර. පෙර දින හවස අම්මා ලග සුවදුක් විමසින් සිට පැමින දොලහට අම්මා බලන්න යන සූදානමින් සිටි මා එක්වර විශාල කම්පනයකට පත්ව ක්ලාන්තව බිම ඇද වැටුනා . මොහොතකින් සිහි එලබ නැගිටින විට නංගීගේ පුතාට “ ආතම්මා නැතිවුනා” යන පුවත රොහලේ සිට ලැබිලා. . අම්මා ලොකු පුතාට තම සමුගැනීම ලග නොසිටි නිසා බොරලැස්ගමුවට විත් දන්වා තිබුනේ ඒ අයුරින්.

මම ලොකු පුතාව අවුරුදු හැත්තෑපහක් අම්මා සමග දුක සැප බෙදා ගත්තා. ඒ් කාලය රසවත් කාලයක්. අම්මා දරුවන් නවදෙනෙකු සමග කලේ යුද්ධයක්. තාත්තා අපත් කුඩුම්බයත් නඩත්තු කලා. අපේ පරිපාලනය කලේ අම්මා. ගෙදර කූස්සියේ තිබුනා දිග බංකුවක් . අපි පේලියට ඉදගෙන අපේ වාරය එන තුරු වාද විවාද කරමින් ඉන්නවා. අපේ පරිපාලනය හැදුන්වුයේ තාත්තා ජනාධිපති ලෙසයි. කලක් අග්‍රාන්ඩුකාරයාව සිට ආණ්ඩුක්‍රම ව්‍යවස්ථාව වෙනස්වීම නිසා තාත්තාගේ පදවි නාමය ඒ ලෙස වෙනස් වුනා. තාත්තාට ඒ ආණ්ඩු ක්‍රමය තුල විධායක බලය තිබූනේ නැහැ. විධායක බලය තිබුනේ අග්‍රාමාත්‍යවරයාට .අම්මා තමයි අග්‍රාමාත්‍යවරයා.

ඉතින් අම්මා ගැන හිතන්න පුළුවන් නේ.

අම්මා අපි හදාවඩා ගත්තා. දියණියන් තිදෙනෙකු සමග පුතුන් හදෙනෙකු අම්මාගේ සිත් සතන් තුටු වෙන පරිද්දෙන් ලොකු මහත්ව මිනිපිරි මුණුපුරන්ද ඔවුන්ගේ දූ දරුවන් සමගද අම්මාගේ දිවිය සතුටින් ගෙවුනා.

අම්මා පොතක්. සුබවාදීව අවසන් වු කතාවක් ගොතන ලද පොතක්.

අම්මාගෙන් ඇතිවු කම්පනය ‌මේ වියමන තවත් දිග කරාවි ............

A day in the life

Read More

සුන්දර කොත්මලය ..(තුන්වන ටීකාව)

ගැමුණු කුමරුගේ ගැටවර අවදිය ...
Historical Legends of young Gamunu

කොත්මලා ඔය හඬ නඟමින් බැස යන
ශබ්දය ,ඇසුණු විට වර්ෂාවේ දෝංකාරය
යැයි මුලදී අප රැවටුණේ , නො දැනුවත්කමටය.
එය ,එතරම්ම විශාල ඝෝෂාවකි . ඇහැල
මලින් පිරුණු ගස යට වූ බංකුවේ වාඩිවූ විට
ඇස් මානයේ පෙනෙන වෙල් ඉපනැල්ල
චමත්කාර ජනක හැඟීම් මතුකරවයි.මෙවැනි
වෙල්යායක හරකුන් දක්කාගෙන යන
ජවසම්පන්න තරුණ ගැටවරයෙක් ..කාවන්තිස්ස
රජුට රහසේ ,සරල ගැමි ජීවිතයකට යොමු වූ
අයුරු , අතීතයට ඉගිළ ගිය සිතුවිළි නිසා
මනසේ සිත්තම් වන්නට විය.
දෙහදු කඩුල්ල හරහා කොත්මලයට පැමිණි
කුමරු කොටගෙපිටිය ගම්මානයේ ,ගමරාළ ගේ
ගෙදර නවාතැන් ලබාගත්තේ ගුත්තා ...ලෙස
පෙනී සිටිමිනි .
“මොණරාගල කන්ද පාමුළ සැදී ඇතී
නිල් දිය කඳුර හෝ හෝ ගා ගලා යතී
ගාමිණි කුමරු හොර රහසේ ලැගුම් ගතී
මේ ගම පියස කොටගේ පිටිය නම් වෙතී .”
(ජනකවියක්)
ගොවිතැන් කටයුතු සඳහා ඌරු
පැලැස්සේ ගමරාළ ට සහාය වීමට ඔහුට සිදුවිය .
නන්නාඳුනන තරුණයා ට ගම්මුන් ගේ සහාය
නො ලැබුණු බව ජනප්‍රවාද පවසයි.කොත්තුනුගොඩ
නවන්ගම ප්‍රදේශය යකඩ කර්මාන්තයට ප්‍රසිද්ධය .
උදැල්ලක් සාදා ගැනීමට නවංගම කම්මල්කරු
සොයා පැමිණි විට ,කුමරු ගේ ඉල්ලීම ප්‍රතික්ෂේප
කරමින් කල් මැරූ බව කියවේ. කම්මල අසල
කැලෑ රොදක සැඟවී ,කම්මල් කරු බැහැර යන
තෙක් බලා සිටි ඔහු ,අවසානයේ කම්මල්කරු
පිටවෙනවාත් සමග එහි ගොස් ඉවත ලා ඇති
යකඩ කැබලි තලා සුළු වේලාවකින් ,ඉතා කදිම
උදැල්ලක් සකස් කරගත් බවත් , කම්මල්කරු
පැමිණි විට එය දැක විශ්මයට පත්වී ,කුමරුට
වැඳ වැටී සමාව ඉල්ලූ බවත් කියැවේ.
කුමරු හරක් බලා ගැනීමට ගියේ ,මොණරාගල
කන්දටය . එම කන්ද මුදුන මොණරකු ගේ පිල්
කළඹ සේ උස්ව පැවති හෙයින් ඒ නම ලැබුණු
බව ගම්මු පවසති.ගොවිතැන් කිරීමට අවශ්‍ය
මීගොන් ලබාගැනීමේදී පවා ගම්මුන් ගේ
කෙණෙහිලි කම් නිසා අවශ්‍ය තරමට මී ගොන්
නො ලැබුණද ...ඔහු ගේ පින් මහිමයට පසුව
මීගවයින් ඔහු සතු ගවයා පසුපස පැමිණි බවක් ද
ජනප්‍රවාදයේ එයි.
මොණරාගල කන්දේ සිට ගලා බසිනා රජ ඇළ
පිළිබඳවද අපූරු ,ඇදහිය නො හැකි කතා පුවතක්
ඇත . සෙසු ගොවීන් ගුත්තා ට ජලය ලබාදීමට
අකමැති වූ බැවින් තම කෙවිට අතට ගත් ඔහු
කන්දේ සිට පහළ වෙල්යාය දක්වා කෙවිටෙන්
ඉරක් ඇඳගෙන ගිය විට ,ඔහුගේ පුණ්‍ය ශක්තියට
ඒ පාර ඔස්සේ ජලය ගලා ආ බවත් .එම ඇළ
මාර්ගය “ රජ ඇළ” නමින් පසුව භාවිතා වූ බවත් ය.
“උදහස් වූ බැවින් පිය රජු හට බියෙනී
පැනගොස් මොණරගල හෙළ අසබඩ පැමිණී
එහි හිස් ඉඩම්වල සරු කෙත් කරවමිනී
විසු වෙස්වළා ගාමිණි කුමරිඳු තුටිනී .”
(ජන කවියක්)
තමාගේ උදැල්ල හා මී ගවයින් උදව් කරගෙන
වෙල් යායක් සරුසාර ලෙස අස් වද්දා ..ගම්මැහේ
නොහොත් ගමරාළට තම ශක්තිය පෙන්වීමට
කෙවිට ඇදගෙන එනවිට ,ඒ පසුපසින් වී පිරවූ
මළු එකදිගට පැමිණි බවත් ...වී ඇසුරූ ගෙදර
“වීසුරු ගෙදර” නම් වී ,පසුව කටවහරේ භාවිතයට
අනුව ..අද “ වීරසූරිය ගෙදර”නමින් දක්නට ලැබේ .
“ ඌරු පැලැල්ලේ ගම මහගේ ගෙදර
මාරු වී එනම “ වී ඇසුරූ ගෙදර”
සීරුවට අළුත් පලකරන නිසියුර
වීරසූරිය ගෙදරයි දැනට බැවහර .”
(ජන කවියක්)
කුමරුට සේවකයෙකුට මෙන් සැලකු ගමරාළ
හා සිය පවුල ,කුමරු ගේ දස්කම් දැක බෙහෙවින්
පැහැදී ,කළු එතනා නම් සිය වැඩිමල් දියණිය
ඔහුට කාර බැඳ දෙන්ට වෑයම් කළද ,ඇය
අකමැති වී ඇත.එහෙයින් ගුත්තාට මල් කදට
(බත් පෙට්ටියට) ඇඹුල ගෙනගියේ බාල දුව
රන් මැණිකාය .දෙදෙනා අතර සෙනෙහසක්
ගොඩ නැගුණු බවත් පසුව ඇය හා කාර බැඳ
පැලැල්ල දෙණියේ මහ ගෙදර ම පදිංචියට ආ
බවත් කියැවේ .( එතෙක් ඔහු ගම ගෙදරටම
අයත් කුඩා මඩුවක් වැනි පැලක සිටි බවය්
කියැවෙන්නේ .)
“දුල ගාමිණී කරනට කරකාර සුබ
කළු මැණිකෝ පිං නොකළේ මන්ද නුඹ
හෙළ දිව කිරුළ මපියාගෙන් මෙදින ලැබ
රජ කරනට රන් මැණිකෝ නඟිනු නුඹ .”
(ජන කවියක්)
දහවල් ආහාරයෙන් පසු ,සුළු වේලාවක්
රන් මැණිකා ගේ උකුළෙහි හිස තබා නිදා
ගැනීම කුමරුගේ පුරුද්දකි. දිනක් විකාර
සිහිනයක් දැක තැතිගෙන අවදිවී ඇත .
“තමාගේ බඩවැල් මුවින් එළියට පැමිණ දික්වී
ගොස් ,නැවත කෙටි වී කුසතුලට ඇදී යාමයි.”
බියට පත් කුමරු ජ්‍යෝතිෂ්ශාස්ත්‍රය දත් “පොන්නා”
නම් නැකත්කරු හමුවී පලාපල විමසූ බවත් ,
සිහිනය විමසූ පොන්නා ,කුමරු ඉදිරියේ වැඳ වැටී
ඔහු රජ වන බව පවසා ඇති බවත් කියැවේ .
අවසානයේ ඔබ ,මා දන්නා පරිදි ..කාවන්තිස්ස
රජුගේ ඇවෑමෙන් ..සරසනලද මංගල හස්ති රාජයා
කුමරු දහවල සැතපී සිටි තැනට ම පැමිණ ...රජ
පෙරහරින් රජවාසලට කැඳවා ගියේලු ...
කොත්මලයේ සිට මාගමට ..මඟුල් රිය පෙරහැර
බලන්නට මාත් සිටියානම් ..කිනම් අරුමයක්ද??
මොනතරම් රසවත් ,ජනප්‍රවාද කොත්මලය විසින්
සඟවා ගෙන ඇත්දැයි ..ගලා යන කොත්මලා
ලාලනිය දෙස බලා සිටි ,මට සිතුණි.

(සේයාරුවෙන් දැක්වෙන්නේ ගැමුණු කුමරු කොත්මලේ
සිටියදී වගාකළ බව කියන වෙල්යාය අද ගොයම් කපන
පිරිසක් .අප ගේ කැමරාවෙන්.)


රෝ.සි. 2024 .04.02.A day in the life

Read More

සුන්දර කොත්මලය ...(දෙවන ටීකාව)

සුන්දර කොත්මලය ...(දෙවන ටීකාව)

දෙහදු කඩුල්ල

The historical monument called Dehadu Kadulla

at Kothmale

සුන්දර කොත්මලය ගැන තවත් ටීකාවක්
ලියන්නයි ,මේ හදන්නෙ .
අද වගේ සන්නිවේදන ක්‍රම නො තිබුණු
ඒ කාලයේ ,පුංචි සත්‍ය සිදුවීමක් මුල් කරගෙන
ආලවට්ටම් ගොඩක් දාල අදහගන්න බැරි
තරම් වගේ කතන්දර , පුරා වෘත්ත (legends)
ගොඩනගනවා .සමහරවිට කටින් කට ආරංචි
ගලාගෙන යනකොට ,මුලදී කියාපු අදහස
බොහෝ දුරට වෙනස් වෙලා යන්නෙ. ඒ ගැන
පුදුම වෙන්න දෙයක් නෑ .
පිය රජු සමග උරණ වූ ,ගැමුණු කුමරුට අවවාද
අනුශාසනා දී ..මලය රටේ , කොත්මලයට පලා
යන්නැයි පැවසුවේ විහාරමහා දේවිය බවයි
කියැවෙන්නේ ...
“ඉර දිගට පැල් විස්ස නම් පැවති ,කොත්මලේ
කන්ද උඩ කෝට්ටයට පලා යව...”යි කියූ බව ..
කියවා ඇත්තෙමි .කුමරු මාළිගයෙන් පලා එනවිට
හාල් මැස්සන් හා අලකොල බැදුමක් සමග බත්
ගෙඩියක් බැඳ දුන් බව ජනප්‍රවාදයේ එයි.කුමරු
ඔයක් අසල වාඩිවී බත් ගෙඩිය ලිහා , අනුභව
කිරීමට පෙර , “මට අනාගතයේ රජකම ලැබේ නම්
මේ හාල් මැස්සන් ට පණ ඒවි .” යැයි අදිටන් කර
හාල්මැස්සන් කීපයක් ඔයට දැමූ විට ..උන්ට පණ
ආ බවත් , හාල් මැහි කඳුර ලෙස අදටත් එම ඔය
කොත්මලේ දක්නට ඇති බවත් සොයා ගත්තෙමු .
පුරාවෘත්ත හා ජනප්‍රවාද සූදුරු ඇටයක් දැවටූ ,හූණු
බිත්තරයක් මෙනි .වටා ඇති පොත්ත විශාලය .පැණි
රසය .සූදුරු ඇටය ,ඉතා කුඩාය .
එකල ,රුහුණු ..පිහිටි ..මායා නමින් තුන්
හෙළය දැක්වූ අතර ,රුහුණේ අගනුවර මාගම විය.
මාගම සිට මායා රටට ප්‍රවිෂ්ටවීමට කොත්මලේ එක්
දොරටුවක් විය .එය ...දෙහදු කඩුල්ල ලෙස හැඳින්වූ
අතර ,එය නැරඹීමේ වාසනාව ලදුයෙමි . නිලූපා ත් ,
හීන් මැණිකේ හා මග පෙන්වූ සම්පත් ද සමග උලපනේ
පුස්සැල්ලාව පාරේ පිවිසුමින් ඇති අත්වැල නැග කඩදොර
හෙවත් දෙහදු කඩුල්ල නැරඹීමට ගියෙමු .මාගම සිට
කොත්මලේට ඇතුල්වීමට පිවිසුම් දොරටු හතරක් තිබී ඇත.
කඩදොර ,නියම් ගම් දොර ,වටදොර හා ගල් දොරයි.
එයින් අද දක්නට ලැබෙන්නේ දෙහදු කඩුල්ල නමින්
හැඳින්වෙන ,කඩ දොරයි. මහවැලි මහ සෑය පිවිසුම්
මාර්ගය භාවිතා කළහොත් ,ත්‍රී රෝද රියකින් එතැනට
ළඟා විය හැක.
ගල් කුට්ටි හා සක්ක ගල් විශාල ප්‍රමාණයක් භාවිතා කර
දෙපසින් තාප්පයක ස්වරුපයෙන් හා ,මුදුන උස් හැඩයක්
ගන්නා සේ නිමවා ඇති මෙය අපූර්ව නිර්මාණයකි .
මුල් කොටස ගුහාවක් හෝ බිම් ගෙයක ස්වරූපය ගනී.
ඇතැම්විට මෙහි දෙපස මුර සෙබළුන් පවා
සිටින්නට ඇතැයි මට සිතුණි. උස් වූ විශාල ගස් කොළන්
නිසා හිරු රැසින් වන පීඩා කිසිත් නො දැනේ .
ජනප්‍රවාදයේ දැක්වෙන අන්දමට ,මාගම සිට කොත්මලේට
සෙන්දුවූ ගැමුණු කුමරු ,සිය මඟුල් කඩුව සඟවා ඇත්තේ
මෙහි ය. පුරා විද්‍යා ඵලකයක් මගින් ද ඒ බව සඳහන් කර ඇත.
පියතුමා සමග අමනාපය කින්න
ගියේ කොත්මලා දෙස රහසින් කුමරු පැන
සිය කග සැඟවූ කල කඩදොර අයින
දෙහදු කඩුල්ලයි ,නම් පැනවූ සොඳින .
(ජන කවියක්)
තරුණ ජවය පිරී ඉතිරෙන වියේ වූ ගැමුණු කුමරු ගේ
පාද යාත්‍රා ව මොනතරම් කටකතා ජනප්‍රවාද හා පුරා
වෘත්තවලට වස්තු බීජයක් වේ දැයි ..එදා ඔහු සිතන්නට
නැත .

රෝ.සි.

2024 .03. 31

A day in the life

Read More