ගාමිණී ෆොන්සේකා, හියුගෝ ප්රනාන්දු, අයිරාංගනී සේරසිංහ, ඩේවිඩ් ධර්මකීර්ති, එඩී ජයමාන්න, ශේන් ගුණරත්න, ඇන්තනි සී පෙරේරා, වින්සන්ට් වාස්, ශාන්ති ලේඛා, ජීවරාණී කුරුකුලසූරිය,බන්දු ගුණසේකර, ආතර් වැලන්බර්ග්, එම්.වී. බාලන්, තිස්ස උඩංගමුව, රෙග් වැන්කියුලන්බර්ග්, ඊ.එම්.පී. බණ්ඩාර, එන්.ආර්. ඩයස්, මාපා ගුණරත්න, තිලකසිරි ප්රනාන්දු, ක්රිස් ග්රීට්, ඩග්ලස් වික්රමසිංහ, මැක්ස්වෙල් ස්පාර්ක් ආදීන් සෙසු චරිත රඟ දක්වන ලද "සංදේශය" එතෙක් සිංහල සිනමාවේ නිපද වූ දෑවැන්තම චිත්රපටය යි.
ජීවරාණී කුරුකුලසූරිය ගේ පළමු රංගනය මෙන්ම කාන්ති ගුණතුංග ගේ අවසන් රංගනය ඇතුලත් වූ "සංදේශය" පසුකලෙක සිනමාවේ ප්රවීනයන් වූ කාර්මික ශිල්පීන් රැසකගේ පළමු ආගමනය විය. පුරා මාස 9 ක් නොකඩවා නිෂ්පාදනයේ වූ "සංදේශය" එතෙක් සිංහල සිනමාවේ වැඩිම වියදමක් දරණ ලද චිත්රපටය වශයෙන් සැලකේ.
වානිජ සිනමාවේ දෑවැන්තයෙකු වූ සිනමාස් අධිපති කේ. ගුණරත්නම් මහතා "සංදේශය" නිෂ්පාදනය සඳහා උනන්දු කරවා ඇත්තේ ගුණරත්නම් මහතාගේ හිතවතෙක් වූ ප්රකට ඉන්දීය රංගන ශිල්පී සහ චිත්රපට අධ්යක්ෂ රාජ් කපූර් මහතා විසින් බව කියැවේ. ඒ ඔහු චිත්රපට උළෙලකදී "රේඛාව" චිත්රපටය නැරඹීමෙන් පසු ලෙස්ටර් ජේම්ස් පීරිස් මහතාගේ දස්කම් ගැන ඇති වූ පැහැදීමකිනි.
ඒ අයුරින් සිංහල සිනමා ඉතිහාසයේ නොමැකෙන සටහන් ගනනාවක් තැබූ "සංදේශය" සිංහල සිනමා සංගීතය ද නව මගකට යොමු කළ චිත්රපටයක් විය. සුනිල් ශාන්තයන් ගේ ඉමිහිරි ස්වතන්ත්ර ගී තනු සදා නොමැකෙන අයුරින් සංගීතවත් කළේ ආර්. මුත්තුස්වාමියන් විසිනි. චිත්රපටයේ පසුබිම් සංගීතය කේ.ඒ. දයාරත්නයන් මෙහෙයවූ අතර සියළුම ගීත රචනය අරිසෙන් අහුබුදු ශූරීන් ගෙනි. චිත්රපටයේ රූ ගත කිරීම් සහ නිෂ්පාදන කටයුතු මෙරට තුල සිදුකෙරුන ද සියළුම ගීත පටිගත කොට ඇත්තේ මදුරාසියේ වාහිනී චිත්රාගාරයෙහිය. සංදේශයට ගීත 7 ක් ඇතුලත් වූ අතර සියළු ගීත අදටත් ජනප්රිය ය.
1. රැජන මමයි අපේ රාජ්ජේ.....
ලතා වල්පොල/ මොහිදීන් බෙග් සහ පිරිස
2. පුන්සඳ එළියයි .....
ලතා වල්පොල සහ පිරිස
3. සුදට සුදේ වලාකුලයි...
ලතා වල්පොල
4. කටේ කිරි සුවඳ යන්නට .....
ධර්මදාස වල්පොල
5. කෝ හතුරෝ කෝ හතුරෝ ......
ධර්මදාස වල්පොල / මොහිදීන් බෙග් සහ පිරිස
6. පෘතුගීසි කාරයා රටවල් අල්ලන්න සූරයා ....
එච්.ආර්. ජෝතිපාල / සිඩ්නි ආටිගල සහ පිරිස
7. රෑන ගිරා රෑන අඹේ .....
ලතා වල්පොල
"සංදේශය" 1960 මාර්තු මස 30 දින සිට ගාමිණී, සැෆයර්, කැපිටෝල්, නුගේගොඩ ක්වීන්ලන්, මහනුවර වෙම්බ්ලි , මොරටුව මානෙල්, මහරගම අනූෂා , මාතලේ සෙන්ට්රල් , බදුල්ල මොඩර්න් , කළුතර රිච්මන්ඩ්, මාතර රිච්මන්ඩ්, ගාල්ල ඔලිම්පියා, වත්තල සමුද්රා, ජාඇල රත්නාවලී, කුරුණෑගල ජුපිටර්, කෑගල්ල ඡායා, රත්නපුර ලක්ෂ්මී, වැලිගම චාන්දනි, වෙන්නප්පුව ෂැම්රොක්, කුලියාපිටිය ශ්රී මහල්, අම්බලන්ගොඩ රිච්මන්ඩ්, හලාවත සාගර, පොළොන්නරුව ජයන්ති, කටුනායක ජෙමිනි, අළුත්ගම ලිච්චවි සහ මහවැව ස්වර්ණමාලි යන සිනමාහල් 26 ක මුල්වරට ප්රදර්ශනය විය. එය එතෙක් සිංහල චිත්රපටයක් ආරම්භක දිනයේ ප්රදර්ශනය කළ වැඩිම සිනමාහල් සංඛ්යාව විය. ඉන් දින කිහිපයකට පසු තවත් අමතර පිටපත් 5 ක් ප්රදර්ශනයට එක් කළ බව කියැවේ. චිත්රපටය අති සාර්ථක වී විශාල ආදායම් ලැබීය.
මුණු පොතට - පින්තූරයක කතාව.
A day in the life
A day in the life
ජීවිතයෙන් දවසක් .
.jpeg)
.jfif)
0 ප්රතිචාර:
Post a Comment