සබද අපි කදු නොවෙමු...

සබද අපි කදු නොවෙමු - ගුණදාස කපුගේ.

සබද අපි කදු නොවෙමු - උනුන් පරා නැගෙන

සුනිල දිය දහරවෙමු -එකම ගගකට වැටෙන

සබද අපි කදු නොවෙමු - උනුන් පරා නැගෙන

සුනිල දිය දහරවෙමු -එකම ගගකට වැටෙන

වියරු ගිණිදැල් නොවෙමු - වනය අවුලා තබන

සිසිල දෙන වැස්සවෙමු - දැවෙන වනයට වැටෙන

සබද අපි කදු නොවෙමු - උනුන් පරා නැගෙන

සුනිල දිය දහරවෙමු -එකම ගගකට වැටෙන

නපුරු හීනය නොවෙමු- ළමුන් නිදි සුව විදින

සොදුරු අඩහැරය වෙමු - දනන් නින්දෙන් මුදන

සබද අපි කදු නොවෙමු - උනුන් පරා නැගෙන

සුනිල දිය දහරවෙමු -එකම ගගකට වැටෙන

ගුණදාස කපුගේ ගායකයානන් විසින් ගායනා කළ මේ ගීතය පදවැල  රචකයානන් මීදුම හදුනාගෙන නැත. එහෙත් මේ ගීතය හා බැදුන කතාවක් මීදුමට තිබේ.

මීදුමට මේ ගිතය පළමු ඇසුවා නොව   පදවැල  කියවුවා පමනි. පදවැල දුටුදා සිට ගීයට පෙම් බැදි ඉන් බොහෝ කළකට පසු මේ ගීතය මීදුමට අසන්නට ලැබිනි. ඒ 1989 වසර විය හැක.

මිදුම එකල තිබු දේශපාලන භීෂණය සමග උඩුගම්බලා පිහිනමින් එවකට පැවති රජයට එරෙහිව මැතිවරණය ව්‍යාපාරය හා සම්බන්‍ධව සිටියාය.

එම අසීරු කටයුත්තේදී දහසක් ප්‍රතිවිරෝධතා හමුවේ ඇතිවු මානසික පීඩනය මේ ගීතය නිතර නිතර ඇසීමෙන් හා මිමිණිමෙන් සමනය කර ගත්තා මීදුමට මතකය.

Read More

පරිත්‍යාගශීලී ධනු ලග්න හිමියන්.

අද වියමන වෙන්වන්නේ ධනු ලග්නයය සදහාය.

මීදුම ලග්න දහයක් පිළිබදව පසුගිය දින කිහිපයේ වියමන් දහයක් පළ කලේය. කුම්භ ලග්නය පිලිබදව වියමනක් පලකළ විට ලග්න දොළහ සම්පුර්නවේ.

ධනු ලග්න හිමියෝ බොහෝ පරිත්‍යගශිලි ඇත්තන් බව සදහන්ය. උසස් විමේ බලාපොරොත්තු ඇති ,අවංක එමෙන්ම සෘජු ව කටයුතු කරන ක්‍රියාශීලි , නීතිය යුක්තිය අකුරටම සලකන ඒ වෙනුවෙන් තමනට මෙන්ම අනුන්ටද අවැඩක් වන්නේ නම් වහා ඉදිරිපත් වන ගති පැවතුම් ඇත්තේය.

තමන් ආරම්භ කරන ඕනෑම කටයුත්තක් පෙර පළපුරුදු නැති වුවද , එය නිවරදිව කරගෙන යාමට තරම් බුද්ධිමත්ය.

අරගලකාරී, ප්‍රශ්නකාරී අවස්ථා සදහා මුහුණ දෙන්නේ ප්‍රතිවාදියාට මුළික අවස්ථාව තබමින් තමන් දෙවනි අවස්ථාව ලබා ගනිමින්ය. උදාහරණයකට ගතහොත් මේ අසාධාරණයකට අධිකරණයට යාමට අවස්ථාව ලද හොත් තමන් පැමිණීළිකරුනොවී විත්තිකරුවීමට සුදානම්ය.එමෙන්ම ගොඩින් ප්‍රශ්න ගැටළු විසදා ගැණිමට ප්‍රයෝගකාරීව කටයුතු කිරීමට දක්‍ෂය.

තමන්ගේ මෙන්ම අන් අයගේද නිදහසට ගරු කරයි. සතුටින් දවස ගෙවා දැමීමට මං සලසා ගනී.

ඥාණවන්තව උපදෙස් දීමට දක්‍ෂ මෙන්ම ඒ උපදෙස් අඥාදායක ස්වරූපයකින් ඉදිරිපත් කරයි .වීනිත ,නිහතමාණි ගතිපැවතුම් සහ ක්‍රමාණුකූලව කටයුතු කිරීම වැනි උසස්  පැවතුම් ඇත්තෙක්වේ.

ගණුදෙනුවලදි පරිස්සමෙන් දෙවරක් සිතා කටයුතු කරයි. අප්‍රවේසමෙන් කටයුතු කිරීම නිසා හදිසි අනතුරු ඇතිකරගනී.

Read More

මුතු කුඩ ඉහලන මල්වරුසාවේ

Read More

සමබර සිතිවිලි ඇති තුලා ලග්න හිමියෝ.

තුලා ලග්නය තරාදියකින් සංකේතවත් වේ .

 තුලා ලග්න හිමියාද සමබරව සිතන පුද්ගලයෙකි. අනුකම්පා සහගත බව,කරුණාවන්ත බව  දක්වන, නීතීයට යුක්තියට ගරුකරන, සහයෝගයෙන් වැඩ කිරීමට කැමැත්තක් දැක්වීම මෙම ලග්ණ හිමියන්ට උරුම ලක්‍ෂණයකි.

අනාගතය ගැන සිතා  නිවරදිව සැලසුම් කිරීමට දක්‍ෂවේ. අන් අයට කරුනු පැහැදිලි කර අබෝධ කරදීමට දක්‍ෂ වන අතරම කේන්තියක් අනවබෝධයක් ඇතිවුව හොත් වහා යථා තත්වයට පැමීණීමටත් යලිත් පෙර පරිද්දෙන්ම කටයුතු කිරීමටත් හැකියාව උපතින්ම පිහිටා ඇත.

තමන් උපයන , තමන් සතු දෑ අන් අයගේ සැප පහසුකම් උදෙසා නිර්ලෝභීව කැප කර ඉන් සතුටට පත්වේ. ආත්මාර්ථව කටයුතු කරනවාට වඩා පරාර්ථකාමිව කටයුතු කරයි. වාද විවාද කර ජයගන්නවාට වඩා උපේක්‍ෂාවෙන් යම් යම් ගැටළු ප්‍රශ්නකාරී අවස්ථා ජයගන්නට සිතයි. සමාජශිලිවේ. දේශ දේශයන් හී සංචාරයට ස්වභාව සෞන්දර්ය අත් විදීමට කැමැත්ත දක්වයි.

සිහින් ප්‍රියමනාප උස්වු සිරුරක්  තුලා ලග්න හිමියන් සතුවේ.

Read More

කන්‍යා ලග්ණ හිමියෝ කඩවසම්ය.

ලග්ණය -  ලාංඡනයක් ලෙසින් පිළිබිඹු කරන්නේ ස්ත්‍රී රූපයකිනි. මෙම ලග්න හිමියන් පිළිබදව පොදු ගති පැවතුම් මේ ලෙසින් තොරතුරු ඇසුරින් ගොනු කර ගත හැකිවිනි.

ගීතවත් කඩහඩක් සියුමැලි කඩවසම් සිරුරුක් වියපත් නොවන තරුන පෙනුමක් කඩිසර පැවතුම් කන්‍යා ලග්න හිමියෝ උපතින් ම ලබන බව විස්තර වන්නකි.

විවේචන ශීලිව කටයුතු කිරීමත් ගැටළු ප්‍රශ්න සදහා සාධාරණ විසදුම් දීමටත් කන්‍යා ලග්න හිමියෝ දක්ෂය.තමා ගැන ඇති විශ්වාශය අවම වන අතර අන් අයගේ විශ්වාශයන් සහ උපදෙස් මත යැපීමට කැමැත්තක් දැක්වීම, නිතරම තම කටයුතු කාරණාවලදී දෙවරක් සිතීම ඒවා පිලිබදව මෙය මට සිදු කළ හැකිද යන්න විශ්වාශයක් නොමැතිව කටයුතු කිරීම, යම් යම් කාරනා ඉටු කළ පසුත් මෙය මම හරියට කලා දැයි නැවත නැවත සැකයෙන් යුතුව පසු විපරම් කිරීම චරිත ලක්ෂ ණ අතරට එක්වන කරුණු කාරනා වන්වේ.

අලි යන මං නොදකින කූඹින් ගිය මං දකින්නෝ කන්‍යා ලග්ණය හිමියන් අතර සුලබය. මිත්‍ර සමාගම් පවත්වාගෙන යාමට වැඩි නැඹුරුතාවයක් නොදක් වයි. මිත්‍රයෝද යාවජීව සාමාජිකයෝ නොවෙති. දත මැද ගත් පසු ඉවත දමන දැහැටි කූරු මෙන් මිත්‍රයින් අත්හරී.
නීරෝගි සම්පතක් හිමි වුවත් ලෙඩ රෝග වැලදේයයි බියෙන් නිතර නිතර ඖෂධ වර්ග භාවිතා කරයි.
වැවිලි , කෘෂිකර්මාන්තය වැනි වෟත්තින්ට ලැදියාව දක්වයි වියපැහැදම් කිරීමේදී අරපරිස්සම් වේ.

කන්‍යා ලග්ණ හමියෝ සිනහවෙන් කතාවෙන් අන් සමාජයේ හැසීරීමට දක්ෂයන්වේ.

Read More

සිංහයෝ කවදත් එඩිතරය.

සිංහයෝ කවදත් එඩිතරය. බඩ ගින්නේ සිට මියගියත් තණ කොළ නම් නොකන තරමට ආඩම්බරකාරයෝ බව සිංහ ලග්ණය ගැණ කියවන විට හමු වු විශේෂම සදහනකි. ප්‍රතිපත්ති අකුරටම රැකීමට තරම් ආත්ම ශක්තියක් ඇති බවත් කියවෙන්නකි.

ඕනෑම තැනක ප්‍රධානත්වය ගැණිමටත් තම භාරයට පත්වන කටයුතු අකුරටම ඉටු කිරීමේ වගකීම දැරීමත්  සිංහ ලග්න හිමියන්ගේ උරුම ගතියකි. පුංචි පුංචි සැලසුම් ගැන අවධාණයක් නැති මහ පරිමාණ ව්‍යපෘති මෙහෙයවීමට කැමත්ත ඇති නොනැවතී ඉදිරියට යාමේ උනන්දුව ඇති නිසා ප්‍රසිද්ධයට පත්වීමත් දියුණුව ඇති කර ගැණිමත් කටයුතු  කැරණාවලදී  මුලිකත්වයට පත් විමත් සිදුවේ.

අන් අයට වරදක් කිරීමට සිත පොළබවන්නේ නැති වුවතු තමන්ට වරදක්  කළ හොත් ප්‍රතිප්‍රාහාර එල්ල කිරීමට නොපසුබට වේ. නීතී ගරුකවේ.

රාජ්‍ය ප්‍රධානීන් , රාජ්‍ය අංශයේ  පරිපාලනමය සේවකයන් වීමට හේතු වාසනා සිංහ ලග්න හිමියන්ට උරුමයි.

Read More

ප්‍රඥාවත් බව ප්‍රකට කරන කටක ලග්නය

කටක ලග්නය හා සම්බන්‍ධ තොරතුරු එක් රැස් කර අනෙක් ලග්න හා සසදා බලන විට සුවිශේෂ කැපී පෙනෙන යහපත් ගති මෙන්ම වාසනාවන්ත ස්වභාවයන් දක්නට ලැබිණී. මානව හිතවාදී ගූණය, උසස් අධ්‍යාපනයට යොමුවීම, යහපත් සිතිවිලි ඇති චින්තකයෝ වීම, යමක් වහා අවබෝධ කර ගැණිමට ඇති හැකියාව, සෘජු සහ 

උදාර අදහස් ඇතිවීම, අවංක බව, කටක ලග්නහිමියන්ගේ උරුමයන් බව සදහන්ය.

ධනවත්වීම, තම දූ දරුවන් සහ පියබද කෙරෙහි    ආදර කරුණාවෙන් යුතුව ප්‍රිතිමත් ජීවිතයක් ගත කිරීමේ වාසනාව හිමිය.

යම් ආපදාවන් හිදි නොබියව මුහුණ දෙන්නේ ප්‍රඥාව මුල් කරගෙන බැවින් එය සමාජය දකින්නේ බියගුළු කමක් ලෙසය. එහෙත් පසු බාන්නෙක් නොවන බව හැගෙන්නේ කාලයත් සමගය.තමා වට සිටින මිත්‍ර සමාගම් තමාට එරෙහි කර ගන්නා සහ එරෙහි වන ස්වභාවයක් උරුමය.

සුරතල් සතුන් , දරුවන් තමාගෙන් උදව් ලබා ගත යුතු කොටස් කෙරෙහි අනුකම්පාව හිතවත් කම ආදරය දක්වන්නෙක් විම කටක ලග්න හිමියන්ගේ ස්වභාවයකි.

ජනසමාජය අතර ප්‍රසිද්ධියට පත්වෙන්නෙකි.ව්‍යාපාරිකයෙකු , උසස් රැකියාලාභියෙකු, පුර්වාදර්ශකයෙකු ජන නායකයෙකු වීමට භාග්‍යවන්තවේ.

මෙම තොරතුරු කටක ලග්නයත් කේන්දරයක අනෙක් ග්‍රහයන්ගේ බලපෑමත් අනුව අඩුවැඩි වශයෙන් ප්‍රතිඵල ලැබෙන බව සදහන්වේ.

Read More

මිථුන ලග්නය

මීදුම මෙවර අවධානය යොමු කරන්නේ මිථුන ලග්න හිමියන්ගේ ගති ස්වභාවයන් පිළිබදව එකතු කර  ගත්  තොරතුරු වියමනට එක් කිරීමටයි.  

යාළු මිත්‍රයෝ බොහෝ දෙනා එක් රැස්කර ගන්නා එම යාළු මිත්‍රයන්ගේ තරාතිරම නොබලන මානව හිතවාදී සිතුම් පැතුම් ඇත්තෝ වීම මිථුන ලග්න හිමියන්ගේ සුවිෂේශවු ලක්‍ෂනයකි. මිථුන ලග්න හිමියන් ට අදහස් උදහස් ප්‍රකාශ කිරීමේදී තමා බොහෝ ඇසු පීරු ඇති තැනැත්තෙක් බව අසන්නන්ට ඒත්තු ගන් වන  එහෙත් ප්‍රකාශවන මට්ටමට ඇසු පිරූ තැන් නැති  කථිකත්‍වයේ දක්‍ෂ පුද්ගලයෝ වෙති.

ආරම්භයේදී සැලසුම් සකස් කරන එහෙත්  සකස් කරන ඉලක්කයට යාමට උනන්දුවක් නැති,කිසිවක් ක්‍රමාණුකූලව නොකරන චරිත ලක්ෂණ පෙන්නුම් කරනු ලැබීමත්     මෙම ලග්න හිමියන්ගේ  ස්වභාවයකි. දක්ෂ කථිකයෝ  කලාකරුවෝ  නිර්මාණ කරුවෝ සංගීතඥයෝ මකර ලග්නයෙන් බිහි වෙති

විරුද්ධ ලිංගිකයන් වෙනුවෙන් තම ධණය කාලය නොමසුරුව වියදම් කරයි. සංචාරයේ කැමත්තක් දක්වයි. අත් දැකීම් පළපුරුදු නොමැති වුනත් ඕනෑම වැඩකට නොබියව අත ගසයි. එහෙත් ඉලක්කයට යාමට පෙර ආරම්භ කළ  වැඩ අවසන් කිරීමට පෙර  ඒවා අත්හරී.

Read More

නිහඩ සිතිවිල්ලේ කල්මරණ වෘෂභ ලග්නය.

අන් අය අතර කැපී පෙනෙන්නට උත්සහා කරන ඇදුමෙන් පැළදුමෙන් පවා අන් අය අභිබවා විසිතුරු බව ප්‍රදර්ශණය කිරීමට  කැමති විම  වෘෂභ ලග්න හිමිකාරයන්ගේ  චරිත ලක්‍ෂණයකි.තමන්ගේ පෞද්ගලික ක්‍රියාකාරකම් අන් අයට හෙළිවනවාට මොවුන් කැමැත්තක් නොදක්වයි. සියල්ල හිත තුල රදවා ගෙන කටයුතු කිරීම දක්නට ලැබෙන ස්වභාවයකි.සමාජ ඇසුරේදී වැඩි කතාබහක් නොමැති නිහඩව සිතිවිල්ලේ සිටීමට දක්‍ෂයෝ වෙති.

මිත්‍රයන් ඇති කරගැණීමේදී සහ සමාජ සම්බන්‍ධතා ඇති කරගැණිමේදි බෝහෝ පරිස්සමින් සිතා බලා සම්බන්‍ධතා ඇති කරගනි.තම ඇසුරු කරන අයගෙන් ඈත්වීමට සිදුවන අවස්ථා වලදීද හිතා බලා  එසේ  සිදු කළ යුතුමනම් එම තීරණයට එළඹේ.

අභියෝගයන් ජයගෙන ඉදිරියට යාමට  වෙර දැරුවත් කඩිසරව එම කටයුතු වල  නියලීම නොකර හෙමින් සීරුවේ අරමුණු කරා ලංවීමට උත්සහා දරයි. මිළ මුදල් වියදම්   කිරිමේදී ලෝභ ගතියක් දරයි. තර්කාණුකූලව කතා කරයි. තමන් අන් අයට වඩා උසස් බව සිතමින් කැපී පෙනෙන්නට උත්සහා දරයි.

Read More

මේෂ ලග්න හිමියෝ සටන් කාමී ය.

අපිලිවෙළින් වියමන් කළ ලග්න හිමියන්ගේ ස්වභාවය දක්වන වියමන්  මින් පසු පිළිවෙළට ඉදිරිපත් කිරීමට මීදුම අදහස් කරයි. මෙම දත්තයන් මීදුම කියවු පොත් කිහිපයක් සහ සතිපතා පළවු  ජොතිෂ්‍ය පත්‍ර වල පළ කර තිබු දත්තයන් ආශ්‍රයෙන් නැවත වියමන් කරන ලද ඒවා බව සටහන් කරමි.

ඔබත් මෙම දත්තයන් ආදේශ කරමින් ඒවා පිළිබදව අධ්‍යයණයක් යෙදෙමින් ප්‍රතිචාර දක්වන්නේ නම් මැනවි.කේන්දරයක අනාවැකි කියවන ප්‍රවීණයෝ විවිධ කොණයන්ගෙන් කේන්දරය බලමින් තොරතුරු හෙලි කරන අතර මෙය සරලවු ශාස්ත්‍රයක් නොවන බව පොත පත අධ්‍යයණය කරන  විට පැහැදිළිවේ.ලිපියක් දෙකක් කියවීමෙන් අත්දැකීම් ලබා ගත නොහැකි අතර මීදුම ද එවැනි අත්දැකිම් නොමැති පර්යේෂකයෙකි. 

ඉඩකඩ ඇති විට සහ පාඨක ප්‍රතිචාරද නිරීක්‍ෂනය කරමින් දිගු වියමන් පෙළකට පිවීසීම මීදුම අදහස් කරන්නකි.

කැපී පෙනෙන පෞරුෂයක් හිමි  මේෂ ලග්න හිමියෝ සටන්කාමී අදහස් උදහස් දරන්නෝ වෙති. ඉලක්කයන් ඇති කරගැණිමටත් ඉලක්කයන් කරා යාමටත් දක්‍ෂයෝ වෙති. ආත්මාර්ථකාමි අදහස් ඇති මොවුන් තම සුඛ විහරණය අන් අයගේ සැපතට පැවරීමට මැළි වෙන ගති ලක්‍ෂන ඇත්තෝ වෙති.කඩිසර , කීර්ති ප්‍රසංශා අඹා යන සැම විටම මුල් තැන ගෙන කටයුතු කිරීමට උත්සහා කරන මේෂ ලග්න හිමියෝ ආඩම්බර යෙන් යුතුව ජීවත්වීමට කැමැත්ත දක්වන්නෝ වෙති.

වාද විවාද නොඉවසන හොදින් බැරිනම් නරකින් හරි තම ඉලක්කය ඉටු කර ගන්න  කැමති මේෂ ලත්න හිමියන් සණ්ඩු සරුවල් වල පැටලීම නම් සුදුසු නොවෙයි. “ තලා පෙලා හෝ දිනන්න බලයි.”එම ස්වරූපය නිසාම කරදරයන්ට මැදිවේ. ව්‍යාපාරික ක්‍ෂේත්‍රය ස්වයං රැකියා ආදියේ යෙදීමට කැමැත්තක් දක්වන ස්වාධීනව කටයුතු කිරීමට කැමැත්ත දැක්වීම වැඩිහිටි වයසට පත්වක මේෂ ලග්න හිමියන්ගේ ලක්‍ෂණයකි.

Read More