නාදළු පැරයූ දෙතොලී මෝරා වියැලී හැකිලී
දසන් එදා කොඳ කැකුළී හිනැහේ මුවගේ නොදිලී
පෙර දින සක් සේම දිලී ගෙලවට වතළවු සරැළී
බිළිඳු ළමා දෙතොලෙ වෙලී තිසර පැටවු ඇත ඉගිලී
රියසක අගලෙහිම ගිලී සැඟවගියා පුළුලුකුලී
දඟයුග දිසි තැඹිලි මලී පෙනුනේ දඬු සේ වියැලී
කාලය ගිය හැටි පෙරලී අද නෑ පෙර දුටු කැකුළී
එකම යමක් වේ නොසැලී නුඹට බැඳුණු පෙම කොමළී
-- පී. ජී. ආරියපාල
1 comments:
පද භාවිතයෙන් නාරි ලාලිත්‍යය පිළිබඳ හැඟීම නම් මතුවෙනවා. ඒත් යම් කෘතිම බවකුත් තියනවා වගේ දැනෙනවා.
Post a Comment
ඔබගේ අවධානය යොමුවුවාට මීදුම ස්තුති කරයි.
සුබ දවසක් !.