අපිට ඇදන් කතාවක්. - ජපුර රෝහල

අපිට ඇදන් කතාවක්.

දාහක් ප්‍රශ්න තියෙන රටේ. ඇදත් මාතෘකාවක් කොට දවසක් දෙකක් ගත කරන්න අපිව යොමු කරලා.

ස්තුතියි ! .ප්‍රචාරක බලකා දෙකටම.

ජනාධිපති ජේ.ආර් ජයවර්ධන මහතා අපූරු දේශකයෙක්. එතුමාගේ කතා තුල තියෙන උපහාහසාත්මක බවත් එක්තරා ගැඹුරක් තියෙනවා.

මේ එක්දහස් එක් වෙනි ඇදත් ඒ වගේ අදහසක්.

​1978 වසරේදී ජපන් රජයේ රාජත්‍රාන්තික නියෝජිත පිරිසක් එවකට රාජ්‍ය නායකයා වූ ජනාධිපති ජේ.ආර් ජයවර්ධන මහතා හමුවුනා. එහිදී සිදුවු කතාබහ අතර 

​"ඔබ අපට [ජපානයට] නිදහස ලබාදීමට කැපවුණු නායකයා. ඒ වෙනුවෙන් ජපන් ජනතාව වශයෙන් අප ඔබට තිළිණයක් ලබාදිය යුතුයි. ඕනෑම දෙයක් ඉල්ලන්න, අප එය ඉටු කරන්නම්."

​එම අවස්ථාවේදී ජේ.ආර්. ජයවර්ධන ජනාධිපතිතුමා ඔවුන්ගෙන් අපූරු ප්‍රශ්නයක් ඇසුවා:

​"ජපන් ආණ්ඩුව පරිත්‍යාගයක් ලෙස කිසියම් රටකට රෝහලක් ලබා දී තිබේද?"

​ජපන් නියෝජිතයන් පැවසුවේ ඔවුන් උදව් කර ඇති බවත්, එතුමාගේ ඉල්ලීම කුමක්දැයි දැනගැනීමට කැමති බවත්ය. ඒ අනුව ඇඳන් 1001 සහිත අංග සම්පූර්ණ රෝහලක් ලබාදෙන්නැයි ජනාධිපතිතුමා ඉල්ලා සිටියා.

ඇඳන් 1001 කුමකටදැයි විමසූ විට එතුමා උපහාසයෙන් සහ නිහතමානීව මෙසේ ප්‍රකාශ කළා:

​"ඇඳන් 1000 මහජනතාවට, ඉතිරි එක ඇඳක් මට!"

​ඒ අනුව, ජපන් රජයේ ආධාර ඇතිව ඉදිකළ විශාලතම රෝහල අප රටට ලැබුණා. මෙය ජපානය සහ ශ්‍රී ලංකාව අතර ඇති දැඩි මිත්‍රත්වයේ සංකේතයක් ලෙස ඉතිහාසයට එක්වුණා.

ජේ.ආර්. ජයවර්ධණ මහතාගේ එක්වෙනි ඇද අපේ මිනිස්සු දිගින් දිගටම නඩත්තු කලා. 

–gallery / ගැලරිසුන්දර අතීත මතක-Beautiful past memories....!

කොළඹ නගරයේ කාර්යබහුල තදබදයෙන් මඳක් ඈතට වන්නට, ශ්‍රී ජයවර්ධනපුර කෝට්ටේ ඓතිහාසික භූමිය මැද අභිමානයෙන් නැගී සිටින ඒ දැවැන්ත සුදු පැහැති ගොඩනැගිල්ල බොහෝ දෙනෙකුට එය හුදෙක් රෝගීන් සුවපත් කරන රෝහලක් පමණක් වුවත්, එහි බිත්ති අතර සැඟවී ඇති ඉතිහාසය ඕනෑම ගවේෂණාත්මක වාර්තා වැඩසටහනකට වස්තු විෂය විය හැකි තරම් ප්‍රබල එකකි. 

ශ්‍රී ජයවර්ධනපුර මහා රෝහල යනු හුදෙක් සිමෙන්ති සහ ගඩොලින් ඉදිවූවක් නොව, එය ජාතීන් දෙකක් අතර ඇති වූ අසිරිමත් බැඳීමක, ලෝක දේශපාලනය උඩුයටිකුරු කළ මහා ප්‍රාතිහාර්යයක ජීවමාන ස්මාරකයක්.

ලෝක යුද්ධයක අළු මතින් නැගී සිටි ජාතියක සහ වෙනුවෙන් ලෝකය ඉදිරියේ පෙනී සිටි එක් මිනිසෙකුගේ කතාවක්  ශ්‍රී ජයවර්ධනපුර රෝහල නිර්මාණය වන්න  හේතු වෙනවා.  මෙහි ඇති විශේෂත්වය වන්නේ මෙය කිසිදු මුදල් අය කිරීමකින් තොරව ජපානයෙන් අපට ලැබුණු "කෘතඥතා පූර්වක තෑග්ගක්" වීමයි.

1951 සැන් ෆ්‍රැන්සිස්කෝ: ලෝකය ජපානයට එරෙහි වූ මොහොත

දෙවන ලෝක යුද්ධය අවසන් වී තිබුණේ ජපානය අන්ත පරාජයකට පත් කරමිනි. හිරෝෂිමා සහ නාගසාකි නගර මත පතිත වූ පරමාණු බෝම්බවල දුමාරය තවමත් ජපාන අහසේ රැඳී තිබූ ඒ වකවානුවේ, ලෝක බලවතුන් සැන් ෆ්‍රැන්සිස්කෝ නගරයට රැස් වූයේ ජපානයේ අනාගතය තීරණය කිරීමටයි. එදා එතැන සිටි බොහෝ රටවල අභිලාෂය වූයේ ජපානය තවදුරටත් පාගා දැමීමයි.

ජපානයට දැඩි ආර්ථික සම්බාධක පැනවීම.

ජපානයේ දියුණුව සීමා කිරීම සඳහා ඔවුන්ගේ කර්මාන්ත ශාලා අක්‍රිය කිරීම.

යුද වන්දි ලෙස ජපානයෙන් විශාල මුදලක් අය කර ගැනීම.

ලෝකයේ බලවත් රටවල් ජපානය කැබලිවලට බෙදා ගැනීමට සැරසෙද්දී, මුළු මහත් ආසියාවම වෙනුවෙන් හඬක් නැගීමට ඉදිරිපත් වූයේ එවකට ලංකාවේ මුදල් අමාත්‍යවරයා වූ ජේ.ආර්. ජයවර්ධන මහතායි.

"නහී වේරේන වේරානි" - ලෝකයම නිහඬ කළ සිංහල හඬ

සමුළුවේදී තීරණාත්මක කතාවක් කිරීමට ජේ.ආර්. ජයවර්ධන මහතාට අවස්ථාව ලැබුණි. ඔහු වේදිකාවට ගොඩ වූයේ හුදෙක් රාජ්‍ය තාන්ත්‍රිකයෙකු ලෙස නොව, බුදුදහමෙන් පන්නරය ලැබූ දාර්ශනිකයෙකු ලෙසිනි. එදා ඔහු පැවසූ වචන කිහිපය අදටත් ජපානයේ ඉතිහාස පොත්වල රන් අකුරින් ලියවී ඇත.

"වෛරයෙන් වෛරය නොසන්සිඳේ, මෛත්‍රියෙන් වෛරය සංසිඳේ." (නහී වේරේන වේරානි)

ගෞතම බුදුරජාණන් වහන්සේගේ මේ උතුම් දහම් පණිවිඩය මුළු ලෝකයටම ඇසෙන සේ ප්‍රකාශ කළ ඔහු, ලංකාව ජපානයෙන් කිසිදු යුද වන්දියක් බලාපොරොත්තු නොවන බව ප්‍රකාශ කළේය. ජපානයට නිදහස දිය යුතු බවත්, ඔවුන්ට නැවත නැගී සිටීමට ඉඩ දිය යුතු බවත් ඔහු තර්ක කළේය. මේ කතාවෙන් මුළු සමුළුවම නිහඬ වූ අතර, අවසානයේ ජපානයට පැනවීමට ගිය දැඩි කොන්දේසි ඉවත් කර ගැනීමට ලෝක බලවතුන්ට සිදු විය.

ජපානය අද ලෝකයේ ආර්ථික දැවැන්තයෙකු වී සිටින්නේ එදා ජේ.ආර්. ජයවර්ධන මහතා එදා තැබූ ඒ සදාචාරාත්මක පදනම නිසා බව ඔවුන් අදටත් විශ්වාස කරයි.

ජපානය හඬා වැටුණු දවස සහ හදවතින්ම කළ උපහාරය

1980 දශකය උදා වන විට ජපානය ලෝකයේ දියුණුම රටක් බවට පත්ව තිබුණි. නමුත් ඔවුන් තම දුෂ්කර කාලයේදී තමන් වෙනුවෙන් පෙනී සිටි ලංකාවේ ඒ සුවිශේෂී මිනිසාව සහ මේ කුඩා දූපත අමතක කළේ නැත. 1983 දී ජේ.ආර්. ජයවර්ධන මහතා මෙරට විධායක ජනාධිපතිවරයා ලෙස කටයුතු කරමින් සිටියදී, ජපානය තීරණය කළා තමන්ට කළ ඒ මහා උපකාරයට "කළගුණ සැලකීමක්" ලෙස යමක් ලබා දීමට.

ඒ අනුවයි ජපානයේ පූර්ණ අනුග්‍රහය සහ තාක්ෂණය යටතේ ශ්‍රී ජයවර්ධනපුර මහා රෝහල ඉදි වන්නේ. මෙය සාමාන්‍ය රෝහලකට වඩා එහා ගිය පහසුකම්වලින් සමන්විත වූවකි. රෝහල ඉදි කරන විට ජපන් රජය එක් සුවිශේෂී තීරණයක් ගත්තේය. ඒ, මේ රෝහල තෑගි කිරීමට මුල් වූ පුද්ගලයාට එනම් ජනාධිපති ජේ.ආර්. ජයවර්ධන මහතාට රෝහල තුළ සුවිශේෂී ඉඩක් වෙන් කිරීමයි.

රෝහලක් තුළ සැඟවුණු රහස් "රාජකීය" කාමරය

ශ්‍රී ජයවර්ධනපුර රෝහලේ 10 වන වාට්ටුව (Ward 10) හෝ ඒ අවට ප්‍රදේශයේ පිහිටා ඇතැයි කියන මේ විශේෂිත ඒකකය ගැන බොහෝ දෙනෙක් අසා ඇතත් එය දැක ඇත්තේ ඉතා සුළු පිරිසකි. මෙය හුදෙක් රෝගීන්ට ප්‍රතිකාර කරන සාමාන්‍ය කාමරයක් නොවේ. එය ජපානය විසින් ජේ.ආර්. ජයවර්ධන ජනාධිපතිවරයා වෙනුවෙන්ම කළගුණ සැලකීමක් ලෙස නිර්මාණය කළ "Presidential Suite" එකකි.

මෙම විශේෂ කාමරය නිර්මාණය කිරීමේදී ජපන් ඉංජිනේරුවන් දැක්වූ උනන්දුව අතිශය පුදුම සහගතය. ඒ පිළිබඳව ඇති තොරතුරු කිහිපයක් මෙසේය:

ආරක්ෂක විධිවිධාන: රාජ්‍ය නායකයෙකුට අවශ්‍ය උපරිම ආරක්ෂාව සහිතව, හදිසි අවස්ථාවකදී පිටවීමට හැකි රහස් මාර්ග සහ සන්නිවේදන පද්ධති මෙහි ඇතුළත් කර තිබූ බව පැවසේ.

ජපන් තාක්ෂණය: එකල ලංකාවේ කිසිදු රෝහලක නොතිබූ අති නවීන වෛද්‍ය උපකරණ සහ ස්වයංක්‍රීය පාලන පද්ධති මෙම කාමරය තුළ ස්ථාපිත කර තිබුණි.

සුවපහසුව: ජනාධිපතිවරයෙකුට සිය රාජකාරි කටයුතු රෝහලේ සිටම සිදු කළ හැකි වන පරිදි කුඩා කාර්යාලයක් සහ අමුත්තන් පිළිගැනීමේ ශාලාවක් පවා මෙයට ඇතුළත් විය.

පෞද්ගලිකත්වය: සාමාන්‍ය රෝහල් කාර්ය මණ්ඩලයට පවා ඇතුළු විය නොහැකි තරම් දැඩි රහස්‍යභාවයක් මෙහි පවත්වාගෙන ගිය බව සඳහන් වේ.

බොහෝ දෙනෙක් පවසන්නේ ජපානය මෙවැනි දෙයක් කළේ ජේ.ආර්. ජයවර්ධන මහතා ජපානයට කළ සේවය කිසිදා මිල කළ නොහැකි නිසා බවයි. එය හුදෙක් කාමරයක් නොව, ජාතියක් තවත් පුද්ගලයෙකුට දැක්වූ උසස්ම ගෞරවයයි.

කළගුණ සැලකීමේ ජපන් කලාව: 

අදටත් නොනැසී පවතින උරුමය අදටත් ශ්‍රී ජයවර්ධනපුර රෝහලේ ඒ සුවිශේෂී කොටස පවතින්නේ රටේ ප්‍රභූවරුන් සහ රාජ්‍ය නායකයන් සඳහා වෙන් වූ ස්ථානයක් ලෙසයි. ජේ.ආර්. ජයවර්ධන මහතා මියයන තුරුම ජපානය සමඟ පැවති ඒ සමීප සබඳතාවය පවත්වාගෙන ගියේය. රෝහල ඉදි කර අවසන් වූ පසු ජපන් නියෝජිතයන් පවසා ඇත්තේ, "අප මේ ලබා දෙන්නේ ගොඩනැගිල්ලක් පමණක් නොව, අපේ හදවතේ කෘතඥතාවයයි" යනුවෙනි.

මෙම රෝහල තුළ ඇති ඒ විශේෂ කාමරයේ ඉතිහාසය දෙස බලන විට අපට පෙනී යන සත්‍යයක් තිබේ. එනම්, දේශපාලන බලපෑම්වලින් ඔබ්බට ගිය මානව හිතවාදී සබඳතාවන් ලෝකය වෙනස් කිරීමට සමත් වන බවයි.

–නදීෂා රංගන 

#HistoryOfSriLanka #JRJayewardene #JapanSriLankaFriendship #SJGH #InvestigativeJournalism #Vishwakarma #SanFranciscoConference #JapaneseGrant #PresidentialSuite #HiddenHistory #SriLankaPolitics

​ශ්‍රී ජයවර්ධනපුර රෝහලේ ගමන් මඟ:

​ඉදිකිරීම් ආරම්භය: 1979 වර්ෂයේදී. (JICA ආයතනයේ මැදිහත් වීමෙන්).

​නිල විවෘත කිරීම: 1984 සැප්තැම්බර් 17 දින, ජනාධිපති ජේ.ආර්. ජයවර්ධන මහතාගේ උපන්දිනය වෙනුවෙන්.

​සුවිශේෂී අවස්ථාවක්: මෙම විවෘත කිරීමේ උත්සවයට එකල ශ්‍රීලනිපයේ නායිකා, සිරිමාවෝ බණ්ඩාරනායක මැතිණිය ද එක්වීම විශේෂත්වයක්.

​අරමුණ: රාජ්‍ය සෞඛ්‍ය පද්ධතිය ගුණාත්මකව වර්ධනය කිරීමට සහ නවීන-තාක්ෂණික සෞඛ්‍ය සේවාවක් සැපයීමට.

​පාලනය: 1983 අංක 54 පනත යටතේ පාලක මණ්ඩලයක් මගින් පවත්වාගෙන යනු ලබයි. මෙය පශ්චාත් උපාධි පුහුණු (Graduate & Post Graduate Training) රෝහලක් ලෙසද ක්‍රියාත්මක වේ.

​

​

A day in the life

Read More

සීරුවෙන් සිටින් . - ඉන්ධන අර්බූදය

තත්වය දරුණුයි.. කාර්ය මණ්ඩල ගෙදර සිට වැඩ... බල්බ් නිවන්න.. AC ඔෆ් කරන්න.. රජය නිල වශයෙන් දන්වයි..

අපි පාරට බැහැලා උද්ඝෝෂණය කරන්නේ නැහැ.

මස් රාත්තල ඉල්ලන්නේ නැහැ.

වෙනස වටහා ගන්න හොද කාලයක්.

මැද පෙරදිග කලාපයේ පවතින යුදමය වාතාවරණය හේතුවෙන් ඉදිරියේදී මෙරටට ඉන්ධන ආනයනය කිරීමේදී බාධා මතු විය හැකි බැවින්, දැනට පවතින සංචිත අරපිරිමැස්මෙන් භාවිත කිරීම සඳහා අත්‍යවශ්‍ය සේවා කොමසාරිස් ජනරාල් කාර්යාලය විසින් සියලුම රාජ්‍ය සහ පෞද්ගලික ආයතන වෙත දැඩි මාර්ගෝපදේශ මාලාවක් නිකුත් කර තිබේ.
අත්‍යවශ්‍ය සේවා කොමසාරිස් ජනරාල් පී. කේ. ප්‍රභාත් චන්ද්‍රකීර්ති මහතාගේ අත්සනින් යුතුව නිකුත් කර ඇති මෙම නිවේදනය මගින් ඉන්ධන, විදුලිය සහ ආයතනික මෙහෙයුම් සම්බන්ධයෙන් අනුගමනය කළ යුතු ක්‍රියාමාර්ග රැසක් පෙන්වා දී ඇත.
ඉන්ධන සහ බලශක්තිය අරපිරිමැස්මෙන් භාවිතා කිරීම.
(මාර්ගෝපදේශ - අංක 01)
මැද පෙරදිග කලාපයේ උද්ගතව ඇති යුදමය තත්ත්වය හේතුවෙන් ඉදිරියේදී මෙරටට ඉන්ධන ආනයනය කිරීමේ දී බාධා මතු විය හැකි බැවින්, දැනට පවතින ඉන්ධන සංචිත අරපිරිමැස්මෙන් භාවිත කිරීම සියලුම රාජ්‍ය සහ පෞද්ගලික අංශයේ ආයතනවල වගකීමකි. ඒ අනුව, අත්‍යවශ්‍ය සේවා බාධාවකින් තොරව පවත්වා ගෙනයාම තහවුරු කරනු පිණිස පහත සඳහන් මාර්ගෝපදේශ කඩිනමින් ක්‍රියාත්මක කළ යුතුය.
1. කාර්යාල කාර්යය මණ්ඩල ප්‍රවාහනය සහ ඉන්ධන කළමනා කරණය.
නිලධාරීන් රාජකාරි සඳහා පැමිණීමේදී තනි තනි වාහන භාවිතය වෙනුවට හැකි සෑම විටම පොදු ප්‍රවාහන සේවා හෝ කණ්ඩායම් ප්‍රවාහන ක්‍රම වේද (Carpooling) භාවිතා කළ යුතුය.
ක්ෂේත්‍ර රාජකාරි සඳහා අවම වාහන සංඛ්‍යාවක් භාවිතයට ගත හැකි පරිදි දෛනික ප්‍රවාහන සැලසුම් සකස් කළ යුතු අතර, එය මාණ්ඩලික නිලධාරියෙකුගේ අධීක්ෂණයට යටත් විය යුතුය.
රැස් වීම සහ සාකච්ඡා සඳහා නිලධාරින් දුර බැහැර සිට කැඳවීම සීමා කළ යුතු අතර, ඒ WhatsApp ຫຼວ ລີ ຜ Zoom, Google Meet, Ms Teams, තාක්ෂණික ක්‍රම වේද අනිවාර්යයෙන් භාවිතා කළ යුතුය.
සියළුම ලිපිලේඛන සහ තොරතුරු හුවමාරුව සඳහා විද්‍යුත් තැපෑල (E-mail) හෝ WhatsApp වැනි විද්‍යුත් ක්‍රමවේද භාවිතා කරමින් කළ යුතු අතර භෞතිකව ලිපිලේඛන ප්‍රවාහනය අවම කළ යුතුය.
සෞඛ්‍ය, ආරක්ෂක සහ අනෙකුත් අත්‍යවශ්‍ය සේවා සඳහා අවශ්‍ය ඉන්ධන තොග හිඟයකින් තොරව ලබාදීමට අතිරේක ඉන්ධන සංචිත පවත්වාගෙන යායුතු අතර, ඒ සඳහා අවශ්‍ය ධාරිතාවයන් නිසි ලෙස සකස් කරගත යුතුව ඇත.
රාජ්‍ය අංශය සතුව දැනට ධාවන තත්ත්වයේ පවතින වාහන සංඛ්‍යාව 92,000 ක් පමණය. ඒ අනුව එක් වාහනයකින් දිනකට ඉන්ධන ලීටරයක් ඉතිරි කර ගතහොත් සියළුම වාහන වලින් දිනකට ඉන්ධන ලීටර් 92,000 ක් පමණ ඉතිරි කරගත හැකිය. එමගින් මාසිකව ඉන්ධන ඉන්ධන ලීටර් 9,200,000 සහ වාර්ෂිකව ඉන්ධන ලීටර් මිලියන 110 ක් පමණ ඉතිරි කර ගතහැකිය. ඒ අනුව අදාළ නිලධාරින් සහ රියදුරු මහතුන් දැනුවත් කර වැඩ පිළිවෙලක් ආයතන මට්ටමින් සකස් කර ගත යුතුව ඇත.
2. විදුලිය සහ බලශක්ති සංරක්ෂණය.
ස්වාභාවික ආලෝකය හැකි සෑම විටම භාවිතා කිරීම හෝ sky lights භාවිත කිරීම. (උදා. Solar tube type, prismatic type)
හැකි සෑම විට ම මේස ලාම්පු භාවිතා කර සාමාන්‍ය විදුලි පහන් නිවා දැමීමට හැකි වන සේ කටයුතු කිරීම. රාත්‍රී කාලයේ දී අවශ්‍යම ස්ථාන වල පමණක් විදුලි බල්බ දැල්වීමට මුරකරුට හා අදාළ සේවකයින්ට උපදෙස් දීම.
හැකි සෑම අවස්ථාවකදීම වායු සමීකරණ යන්ත්‍ර වෙනුවට විදුලි පංකා භාවිතා කිරීම ( මේස විදුලි පංකා (Table fan) හෝ සිටුවන විදුලි පංකා (Pedestal fan) සීලිං විදුලි පංකාවලට වඩා බලශක්ති කාර්යයක්ෂමතාවයෙන් ඉහළය.)
අවට පරිසරයේ උෂ්ණත්වය අවම උදෑසන කාලයේ දී ආයතනවල ජනෙල් විවෘත කර ස්වභාවික වාතාශ්‍රය නිසි පරිදි ලැබීමට ඉඩ සලස්වාගත යුතු අතර, අවම වශයෙන් රාජකාරි වේලාව තුල දිනකට පැය 01/02 ක් පමණ වායු සමීකරණ යන්ත්‍ර අක්‍රිය කිරීම අනිවාර්යයෙන්ම කළ යුතු අතර වායුසමීකරණ යන්ත්‍රවල අවශ්‍යතාවය නොමැති ප්‍රදේශ වල දී එම යන්ත්‍ර හැකි සෑමවිටම සම්පුර්ණයෙන්ම අක්‍රීය කර තැබීමට පියවර ගත යුතුය.
වායු සමීකරණ යන්ත්‍ර වල උෂ්ණත්වය සෙල්සියස් අංශක 26 හෝ ඊට වැඩි අගයක පවත්වා ගැනීම අනිවාර්ය වේ. (නිවර්තන දේශගුණයක් සහිත රටක් වන ශ්‍රී ලංකාවට උචිත අගය සෙල්සියස් අංශක 26 බව තිරසාර බලශක්ති අධිකාරිය සහ බලශක්ති කාර්යක්ෂමතා විශේෂඥයින් හඳුනා ගෙන ඇත).
පළාත් පාලන ආයතන මඟින් පාලනය වන විදි ලාම්පු අනවශ්‍ය අවස්ථාවලදී නිවා දැමීමට විශේෂ වැඩසටහන් ක්‍රියාත්මක කිරීම.
අධි ආරක්ෂක හා ආරක්ෂිත කලාපවල පිහිටි මාර්ගවල හැර අනෙකුත් සියළුම මාර්ගවල තාවකාලික පිළියමක් ලෙස විදුලි පහන් නිවා දැමීම.
දිවා ආලෝකය උපරිමයෙන් භාවිත කළ යුතු අතර, අනවශ්‍ය විදුලි පහන් නිවා දැමීමටත්. රාත්‍රී කාලයේදී අත්‍යවශ්‍යම ස්ථාන සහ මාර්ග වලට පමණක් විදුලිය දැල්වීමට බලධාරීන් පියවර ගත යුතුය.
ආයතනවල විදුලි සෝපාන භාවිතය අවම කර හැකිතාක් පියගැටපෙළ භාවිතා කිරීම ප්‍රවර්ධනය කළ යුතුය.
ප.ව. 09.00 න් පසු වෙළඳ දැන්වීම් / ප්‍රචාරණය සඳහා විවිධ ස්ථානවල ඇති විදුලි ආලෝක පුවරු / හිර අක්‍රීය කිරීම කළ යුතු අතර දිවා කාලය තුලදී ද ආයතන වල ඇති රූපවාහීනි යන්ත්‍ර අක්‍රිය කළ යුතුය.
3. ආයතනික මෙහෙයුම් ක්‍රියාපටිපාටි.
ආයතනයට අවශ්‍ය තාක්ෂණික පහසුකම් පවතින්නේ නම්, කාර්ය මංඩලය කාර්යාලයට නොකැඳවා මාර්ගගත ක්‍රමවේද (online) හරහා සේවය ලබා ගැනීමට ආයතන ප්‍රධානීන් කටයුතු කළ යුතුය.
නියමිත රාජකාරි වේලාවෙන් පසුව සහ සති අන්ත දිනවල (අත්‍යවශ්‍ය අවස්ථාවකදී හැර) කාර්යාලය වසා තැබීමට වගබලා ගත යුතුය.
පසුගිය මාසයට සාපේක්ෂව විදුලිය සහ ඉන්ධන භාවිතය කොපමණ ප්‍රමාණයකින් ඉතිරි කර ඇද්දැයි පරික්ෂා කිරීම සඳහා සෑම ආයතනයක්ම විශේෂ අධීක්ෂණ සහ ඇගයීමේ ක්‍රම වේදයක් සකස් කළ යුතු අතර, එම වාර්ථා අවශ්‍ය වූ විටක ලබාදීම සඳහා සූදානම් විය යුතුය.
සියලුම රාජ්‍ය නිලධාරින් මෙම බාහිර කම්පනයේ බලපෑම හමුවේදී මහජනතාවට ආදර්ශයක් වන පරිදි කටයුතු කළ යුතු අතර, ජාතික බල ශක්ති සංරක්ෂණය සහ සුරක්ෂිතතාවය වෙනුවෙන් තම උපරිම සහාය ලබා දිමට වගබලා ගත යුතුය.

- සියත ප්‍රවෘත්ති.
A day in the life

Read More

ධර්මසිරි රාජපක්‍ෂ මානව හිතවාදියාට ලියු කවි.

ධර්මසිරි රාජපක්‍ෂ මානව හිතවාදියා

ධර්මේ මචං,

අපි හමුවෙනවා නිසැක
රත්නපුරේ, කුරුවිට, කඳන්ගොඩ විසූ,
ධර්මසිරි රාජපක්ෂ නම් මානව දයාවෙන් පිරිපුන් සුවිශිෂ්ට කවියාට උපහාර පිණිස යි.
1985 වසරේ දී, මගේ කුළුඳුල් කාව්‍ය සංග්‍රහය වන " සක්මන් මළුව " මහනුවර ඩී. එස්. සේනානායක පුස්තකාලයේ දී දොරට වඩිනා මොහොතේ, මේ හෘදයාංගම අහිංසක අසිරිමත් මිනිසා සිරිපොද වැස්සේ වන විහඟෙකු සේ තෙමීගෙන ඇවිත්, ආදරයෙන් මා වැළඳගෙන මට සුබ පැතූ හැටි මතක්වන විට අදත් මා දෑස තෙමී යයි.

මේ අදීන, නිර්ව්‍යාජ, අහිංසක කවියා දේසපාලුවන්ගේ හේත්තුවෙමින්, උන්ගේ දෙපා ලෙවකමින්, උන්ට කවි සිංදු ලියමින්, තනතුරු තානාන්තර සිඟමින් කිසිදාක සිය ආත්මය පාවා දුන්නේ නැත.

මේ කවිය මම ඔහුට පූජාකරමි.

රත්නපුරේ ගංගා ද්‍රෝනියක             යට
තෙත් ව ඛනිජ නිධිගත වන සුලිය     පිට
රත් ව කැකෑරෙන දාඩිය       එකතුකොට
හුස්ම ගලා යයි උල්පත්         කවියකට

උලා කෑව දිවියක ලුණු රස         ගිහිණී
සදා වමාරා කන දුක කැටි            ගැසුණී
පලා ගිරව් වැලපෙන විරිතක         පැමිණී
නුඹේ සියුම් හදවත වෙණ නද         ඇසුණී

මිනිසත් සුවඳ උතුරන සුලකර         බසිනී
පොහොසත් කවක ගලනා රුධිරය     පිරුණී
මුඳුනත් බඳින වෙසතුරු මනසක     යටිනී
පැහැපත් හදින් බෝසත් අරුණලු     වැටුණී

සාස්පාන සූරා කන             දිවියකට
රාස්සිගේ අව්වෙන් ගිනි     පිඹිනකොට
දෑස් කොනින් උතුරා යන     කඳුළු කැට
වාස්තවික අනුභූතිය         කවියකට

ලෑටි ගෑව උරුමෙක කඩතොළු     මතිනී
නාටකීය විසුළු ය අම රස         ගිහිණී
ශෝචනීය හූමිටි කර පිට         පැමිණී
සාධනීය කවියක ගැඹුරට         හැරුණී

ගල්ලැහැ පැදුර උඩ වියැලී යන         කඳුල
බොල් වී දහයියා පොතු කැරපොතු     ඉඳුල
ඇල්මෙන් තැවුල උකහා දිවියෙන්         වගුල
ලොව්තුරු හැඟුම් ඉතිරූ හදකි ය         උදුල

දෙනගම ඥානවතියගෙ උණු කඳුළු         ගෙන
නුඹ ලිව් කවිය පුපුරයි හදවතට             පැන
දෙනගම වැවේ රතු මානෙල් පිපෙන         දින
කිරලුනි පොළොවෙ හැපි හැපි යළි හඬනු     මැන

රබර් යාය මැද කිරි කපනා             දුවක
රිදුම් දෙමින් කකියන පැහැසර         ළයක
හැඬුම් පුරා සැඟවෙන නොකියන     පෙමක
උදම් හැඟුම් වැගිරෙයි නුඹගේ         කවක

තනියා ගසා අම්මා මිය ගිය         සොවිනී
වෙව්ලා හඬන විට අසරණ වූ         දියණී
වැලපී හඬා වැටෙනා ළතැවුල         යටිනී
අහුලා ගන්ට උපමා රූපක             තිබුණී

මොණර බිජු ද පුපුරා යන         ගිනියමක
අඟුරු කකා මිරිදිය බොන         සරතැසක
පඳුරු ලලා සෝගිනි දලු ලන         බිමක
අඳුර ඉරා සඳ දිය ගැලුවා             කවක

වහ බී මෙලොව හැර ගිය         පොඩිනංගීට
ගහ බඩගාන මළපොත බැරි             අයියාට
රහමෙර රහක දුක සඟවන             ගැමියාට
නොකියන කවක් කොහිවෙද මේ         කවියාට

කම්පාවකින් උලලේනෙකු             ඉකිබිඳින
ගිම්හානය ම සංධ්වනියක් සේ         විඳින
සීතල සිංහරාජයෙ තුරු පත්             තුඩින
නංගිගෙ සෙනෙහෙ වීණාවේ තත්         සිඳිණ

සිරිපා ගමන වැටිලා ඇති             එරත්නට
ගලනා සුදෝසුදු මීදුම් වලා                 යට
නොමියෙන අකුරු ඉකිලන නිම්නයෙන්     වට
නිදි නැති නදිය ම ය ධර්මේ නුඹ         අපට

පෑන් තුඩින් ගෙන දුහුවිලි             මකරන්ද
රිදුම් විඳුම් මිරිකා මීවද                 බැන්ද
දැහැන් ගත ව නුඹ ලබනා කෙටි         නින්ද
ඉතින් අපට උහුලන්නට ද             පුළුවන්ද

වැටි වැටි නැඟිට හති ලන මඟ         අතරමඟ
ඉර සේවයට කලියෙන් තව දුරක්             නැඟ
විඳිනට මචං උතුරන සඳ වතුර                 දඟ
නවතිමු ටිකක් නෝනගෙ අම්බලම             ළඟ

සත්‍යයෙ පුෂ්පයේ සුවඳින් පිරි                 බිමක
සංසාරය ම කවියෙන් කියවන                 දිනක
නිර්වාණයට හූවක දුර ඇති                 ඉමක
ධර්මේ මචං අපි හමුවෙනවා                 නිසැක



- කුමාර හෙට්ටිආරච්චි

A day in the life

Read More

රජයේ සේවකයෙකුගේ නම සංශෝධනය කිරීම

හේමා කුමාරිගේ නම උප්පැන්න සහතිකයේ සඳහන් වන්නේ "ඕලු පැලියාවගේ හේමාවතී මල්ලිකා පීලිපොළ" යන නමිනි. රජයේ ව්‍යවස්ථාපිත ආයතනයක ඇය සේවය කරන්නීය. සිය උප්පැන්න සහතිකයේ නම දීර්ඝ බැවින් එය භාවිතයේ පහසුවට කෙටි කර ගැනීමට ඇයට උවමනා විය.
ඒ සඳහා උප්පැන්න සහතිකයේ නම සංශෝධනය කිරීම අවශ්‍ය නොවන බව ද අදාළ චක්‍රලේඛයක් පවතින බව ද ඇය අසා තිබිණි. චක්‍රලේඛය සොයාගත් පසු ඇය නියමිත පරිදි "හේමා කුමාරි සෙනරත්" යනුවෙන් නම රාජකාරි කටයුතු සඳහා වෙනස් කර ගත්තා ය. වසර දහයකටත් වඩා ඇය කිසිදු ගැටලුවකින් තොරව කාර්යාල කටයුතුවල දී මෙම නම භාවිතා කළා ය.
ඇගේ සේවා ස්ථානයේ ආයතනික සහ මානව සම්පත් අධ්‍යක්ෂක ලෙස නවක නිලධාරියෙක් රාජකාරි ඉටු කිරීමේ පත්වීම් ලබා පැමිණියේ ය. ඔහු විශ්වාස කරන්නේ උප්පැන්න සහතිකයේ තිබෙන සම්පූර්ණ නම හැර වෙන නමක් භාවිතා නොකළ යුතු බවයි.
දැන් නවක විධායක නිලධාරියා වසර දහයක් පුරා ඇය භාවිතා කළ නම නීත්‍යානුකූල නොවන බවට ඇයට උපදෙස් ලබා දෙයි. ඇයට මෙම කෙටි නම භාවිතා කිරීමට අවශ්‍ය නම් උප්පැන්න සහතිකයේ ද සංශෝධනයක් සිදු කරගන්නා ලෙස ඇයට දැනුම් දී ඇත. ඇය මෙතෙක් භාවිතා කළ නම ඇතුළත් කරමින් සිය ප්‍රථම තීරු බදු රහිත වාහන බලපත්‍රයට අයදුම් කළාය. මානව සම්පත් අධ්‍යක්ෂවරයා එම අයදුම්පත යොමු කිරීම ප්‍රතික්ෂේප කරයි.
දිවුරුම් පෙත්සමක් ඉදිරිපත් කළ ද ඔහුගේ මතය වෙනස් නොවේ.
මේ පිළිබඳ නීතිමය තත්ත්වය විමසා බලමු.
රජයේ සේවයෙහි හෝ පළාත් රාජ්‍ය සේවයෙහි හෝ නියුක්තව සිටින සේවකයෙකුට 1951 අංක
17 දරණ උපත් හා මරණ ලියාපදිංචි කිරීමේ පනතේ ප්‍රතිපාදන වලින් බැහැරව රාජ්‍ය සේවයේ සියළුම කටයුතුවලට බලපවත්වන පරිදි නම සංශෝධනය කළ හැකි ය.
ශ්‍රී ලාංකික පුරවැසියෙකුගේ උපත් හා මරණ ලියාපදිංචි කිරීම සඳහා බල පවත්වන්නේ 1951 අංක 17 දරණ උපත් හා මරණ ලියාපදිංචි කිරීමේ පනතයි. එමෙන්ම 1975 වසරේදී සකස් කරන ලද රෙජිස්ට්‍රාර් ජනරාල්ගේ අත් පොතෙහි උපත් හා මරණ ලියාපදිංචිය සහ සංශෝධනය කිරීමේ කාර්ය පටිපාටිය දක්වා ඇත.
පුරවැසියන්ගේ උප්පැන්න සහතිකයේ නම සංශෝධනය කරන්නේ නම් එය කළ යුත්තේ උප්පැන්න සහතිකයේ 13වන තීරයේ සංශෝධනයක් ලෙස ය.
ඒ සඳහා අනුගමනය කළ යුතු ක්‍රියා පටිපාටිය පනතේ 27 වගන්තියෙහි සහ රෙජිස්ට්‍රාර් ජනරාල්ගේ අත් පොතෙහි X පරිච්ඡේදයේ 4 වන කොටසේ 412 වගන්තියෙහි දැක්වේ.
රාජ්‍ය සේවයේ හෝ පළාත් රාජ්‍ය සේවයෙහි නියුක්තව සිටින රාජ්‍ය නිලධාරියෙකුට නම වෙනස් කිරීමට අවශ්‍ය නම් සිය දෙපාර්තමේන්තුවේ ප්‍රධානියා ඉදිරිපිට දී නම වෙනස් කිරීම සඳහා නියමිත ආකෘතියෙහි ප්‍රකාශයක් සිදුකිරීමෙන් නම වෙනස් කරගත හැකිය.
එහි විශේෂත්වය නම් උප්පැන්න ලේඛන සටහන විධිමත් ලෙස වෙනත් නොකර ම රජය විසින් සියලුම කටයුතු සඳහා මෙම සංශෝධනය පිළිගනු ලැබීමයි.
ඒ සඳහා පුද්ගලයාගේ උප්පැන්න සහතිකයෙහි නමෙහි කොටසක් තිබීම ද අවශ්‍ය නොවන බව මෙම වගන්ති වලින් පෙනී යයි.
එම ප්‍රකාශය පිටපත් තුනකින් යුතුව සිදුකළ යුතු ය. දෙපාර්තමේන්තු ප්‍රධානියා විසින් නම සංශෝධනය අනුමත කිරීමේ ලිපියක් නිකුත් කරයි.
එම ලිපිය නිලධරයාගේ පෞද්ගලික ලිපි ගොනුවේ මෙන්ම පත්වීම් බලධරයා සතුව ද පිටපතක් තැබිය යුතු ය.
එනම් උප්පැන්න සහතිකය හෝ උප්පැන්න ලියාපදිංචි කිරීමේ සටහන් වෙනස් කිරීමට කිසිසේත් අවශ්‍ය නොමැත.
මෙම සංශෝධිත නාමය නිලධාරියාගේ රාජ්‍ය සේවයේ සියලුම කටයුතු සඳහා මෙන්ම විශ්‍රාම ගැන්වීම සඳහා ද අදාළ වේ. පත්වීම් ලිපියෙහි මුල් නම තිබීමද ඉහත ප්‍රතිපාදනවලට අනුව ගැටලුවක් නොමැත.
මේ සඳහා ප්‍රතිපාදන ඇත්තේ රෙජිස්ට්‍රාර් ජනරාල්ගේ අත්පොතෙහි 327 වගන්තියෙහිය.
ඒ අනුව භාණ්ඩාගාර චක්‍රලේඛයක් ද නිකුත් කර ඇත.
1957 අගෝස්තු 18 දින නිකුත් කරන ලද භාණ්ඩාගාර 394 චක්‍රලේඛය මේ සම්බන්ධයෙන් ආකෘතිය ඉදිරිපත් කරයි.
මේ සඳහා පුද්ගලයකුට විවිධ මත තිබිය හැකි වුව ද නීතිය මගින් එබඳු ප්‍රතිපාදනයක් සලසා ඇත. එම ප්‍රතිපාදන වලංගුව තිබෙනතාක් ඒ අනුව සිය නම සංශෝධනය කරන රජයේ නිලධාරීන්ට කිසිදු නීතිමය ගැටලුවක් රාජ්‍ය සේවය තුළ පැන නොනගී.
විශේෂයෙන්ම විධායක නිලධාරීන්ගේ පුහුණු සැසිවල දී ද මේ පිළිබඳව දැන නොසිටි බව පෙනී ගිය හෙයින් මෙම ලිපිය ලිවීමට සිතිණි.
එමෙන්ම මෙසේ නිසියාකාරව නම වෙනස් කළ නිලධාරිනියන්ට ද නිලධාරිනියන්ට ද කාර්යාල කටයුතු වල දී ඔවුන්ගේ උප්පැන්න සහතිකයෙහි තිබෙන පෙර නම යළිත් ලියන ලෙස ඇතැම් ආයතනවල ද උපදෙස් දෙනු නිරීක්ෂණය කළෙමි.
ඒ මේ පිළිබඳව ඇති නෛතික විධිවිධාන ගැන අවබෝධයකින් තොරවීම නිසාය.
අදාළ චක්‍රලේඛයෙහි ඡායාරූපයක් ද වෙනස් කිරීම සඳහා දෙපාර්තමේන්තු ප්‍රධානියාට යොමු කළ යුතු ආකෘති පත්‍රය ද පහත කොමෙන්ටුවක දක්වා ඇත.
මෙම ලිපිය ප්‍රයෝජනවත් වේ යැයි සිතන්නේ නම් කතෘ අයිතිය සුරකිමින් බෙදා හරිනු මැනවි.

ආචාර්ය රෝෂණී දිසානායක

(C)@Dr.Roshanie.Dissanayake

A day in the life

Read More

අධිකරණ ඇමති

නිදහසෙන් පසු 1948 සිට සිට ශ්‍රී ලංකාවේ අධිකරණ/නීති (Justice / Law) අමාත්‍ය ධූරය දරපු මහත්වරුන් ගැන සොයන්න මීදුමට හිතුනා.

විශේෂ හේතුවක් තියෙන්නත් එපාය.

අපේ අධිකරණ අමාත්‍ය හර්ෂණ නානායක්කාර අභිරූප රංගණ ශිල්පියෙක් වෙලා.

ලිංගිකත්වය මේ පාර්ලිමේන්තු  කාලයේ ජනප්‍රිය මාතෘකාවක්.

ඒ වගේම සරල ව්‍යවහාරයක්.

සාමන්‍යයෙන් මුඩුක්කු ව්‍යවහාරයේදී සුලබ එමෙන්ම නොසලකා හරින මේ වාග් විලාශයන් වර්තමානයෙත් නිතර අහන්න දකින දේවල්.

ඒකත් සිස්ටම් චේන්ජ් එකක්.

1947 සිට 1956 දක්වා එච්.ජේ.සී පෙරේරා මහතා අධිකරණ අමාත්‍ය ධුරයේ කටයුතු කරලා තියෙනවා.

ඊ.බී .වික්‍රමනායක 1956 දී අධිකරණ අමාත්‍ය ධුරයේ කටයුතු කරනවා.මේ කාල වකවානුව අපේ වයසේ අයට සිහිපත් කරන්න පුළුවන් කාලයක්.

අපරාධ යුක්ති විනිශ්චය සභාව වැනි විනිශ්චය සභා නිර්මානය වුනේ මේ කාලේ.

1956 - 1977 සෑම් පී.සී ප්‍රනාන්දු ,සී.පී ද සිල්වා,ෆීලික්ස් ඩයස් බණ්ඩාරණයක යන මහත්වරු අමාත්‍ය ධුරයේ වගකීම් දරුවා.

ජනරජ පනත වැනි සුවිශේෂි අණ පනත් පාර්ලිමේන්තුවට ආවේත් ජාතික රාජ්‍ය සභාව ඇතිවුනේත් මේ  කාලයේ.

1977 ජේ.අර්  -  ප්‍රේමදාස ගේ යුගය 1977 -1994 දක්වා නිශ්ශංක විජේරත්න , ලලත් ඇතුලත්මුදලි,එච් ඩබ්ලිව් ජයවර්ධණ රංජන් විජේරත්න,

චන්ද්‍රීකා යුගය 1994 -2005 ජී.එල් පීරිස්  බී.ජී.පී.එස්.ඩී ඒකනායක ඩබ්ලිව්. ජේ .එම් ලොකුබණ්ඩාර ,ඩිලාන් පෙරේරා ,මිලින්ද මොරගොඩ රාවුෆ් හකීම් 

2015 -2026 විජේදාස රාජපක්ෂ , තලතා අතුකෝරළ අලි සබ්ර් 

අධිකරණ අමාත්‍ය ධුර දැරු අමාත්‍යවරුන්.

මෙතුමන්ලාගේ චරිත ලක්ෂණ හදාරණ ගමන් වර්තමාන රජයේ හර්ෂණ නානායක්කර අමාත්‍යවරයා සසදන එක ඔබට භාරයි.

මේ වියමන මුණු පොතෙන් උපුටා ගත්තක්.

වියමන කරලා තිබුනේ ප්‍රියන්ත ප්‍රනාන්දු .

අධිකරණ ඇමති මට මැද ඇගිල්ල පෙන්නලා,දිව දික් කරා – මන්ත්‍රී අජිත් පී පෙරේරා කියයි

March 20, 2026  iri news

අධිකරණ අමාත්‍ය හර්ෂණ නානායක්කාර මහතා තමන් වෙත මැද ඇඟිල්ල පෙන්වමින් සහ දිව දික් කරමින් අතිශය අසභ්‍ය හා නින්දිත ආකාරයෙන් පාර්ලිමේන්තුව තුළ හැසිරුණු බවට සමගි ජන බලවේගයේ පාර්ලිමේන්තු මන්ත්‍රී අජිත් පී. පෙරේරා මහතා අද (20) සජීවී වීඩියෝවක් මගින් බරපතල චෝදනාවක් එල්ල කළා.

පාර්ලිමේන්තු සම්ප්‍රදායන් උඩුයටිකුරු කරමින් කැබිනට් අමාත්‍යවරයෙකු මෙලෙස හැසිරීම සමස්ත උත්තරීතර සභාවටම සිදුකළ අපහාසයක් බව මන්ත්‍රීවරයා මෙහිදී අවධාරණය කළා.

නීතිපති දෙපාර්තමේන්තුවේ බලය විමධ්‍යගත කරමින් ප්‍රාදේශීය නීතිපති කාර්යාල ආරම්භ කිරීමේ ප්‍රගතිය පිළිබඳව අජිත් පී. පෙරේරා මහතා මීට වසරකට පමණ පෙර යොමුකර තිබූ ප්‍රශ්නයකට අද දින අමාත්‍යවරයා පිළිතුරු දීමට නියමිතව තිබුණු නමුත් අමාත්‍යවරයා එම ප්‍රශ්නයට පිළිතුරු දීම මගහැරි බවත්, ඒ පිළිබඳව මන්ත්‍රීවරයා කතානායකවරයාට කරුණු ඉදිරිපත් කරන අවස්ථාවේදී අමාත්‍යවරයා මෙම අශෝභන හැසිරීම සිදුකර ඇති බවත් අජිත් පී පෙරේරා මහතා පවසනවා.

අධිකරණ අමාත්‍යවරයෙකු ලෙස පත් කරන්නේ ඉතාමත් සංයමයකින් සහ වගකීමකින් කටයුතු කරන අයෙක් වුණ නමුත් මෙලෙස  උගත් යැයි කියාගන්නා, පාර්ලිමේන්තු සම්ප්‍රදාය වෙනස් කිරීමට පැමිණි අයගේ හැසිරීම අතිශය කනගාටුදායක බවයි.

එමෙන්ම මේ මට්ටමට පල්ලෙහාට වැටිච්ච අවස්ථාවක් මගේ තුන්වෙනි පාර්ලිමේන්තු වාරය තුළ මම දැකලා නැහැ,” යනුවෙන් අජිත් පී. පෙරේරා මහතා ප්‍රකාශ කළා.

කෙසේවෙතත් විපක්ෂයේ මෙන්ම ආණ්ඩු පක්ෂයේ මන්ත්‍රීවරුන් ද මෙම සිදුවීම දුටු බවත්, මේ පිළිබඳව වරප්‍රසාද කඩකිරීමේ යෝජනාවක් ඉදිරිපත් කරන බවත් ඔහු වැඩිදුරටත් පැවසුවා.

වැඩක් කරගත නොහැකි, කේන්තිය සහ අපහාසය පමණක් සිතේ ඇති මෙවැනි අසභ්‍ය ලෙස හැසිරෙන අමාත්‍යවරුන් සමග ආණ්ඩුවක් පවත්වාගෙන යා හැකිද යන්න පිළිබඳව ජනාධිපතිවරයා නැවත සිතා බැලිය යුතු බව මන්ත්‍රීවරයා මෙහිදී අවධාරණය කළා.

එමෙන්ම කතානායකවරයා මේ සම්බන්ධයෙන් වහාම විනයානුකූල පියවරක් ගත යුතු බව ද අජිත් පී පෙරේරා මහතා එහිදී වැඩිදුරටත්  ඉල්ලා සිටියා.

A day in the life

Read More

රේල් පීලි දෙකක් අතරේ කුඩා ඉඩක්

රේල් පීලි දෙකක් අතරේ කුඩා ඉඩක් තබන්නේ අව්වට ප්‍රසාරනය වීම සඳහා යයි පැවසීම තවත් දුම්රියට සම්බන්ධ ප්‍රචලිත මිත්‍යාවකි.
රේල් පීලි දෙකක් අතර පෙනෙන හිඩැස පිළිබඳ පැහැදිලි කිරීම.
රේල් පීලි දෙකක් එකිනෙක සම්බන්ධ කිරීම සඳහා පත්තු (Fish Plates) දෙකක් දෙපසින් තබා අඟලක් පමණ විශ්කම්භයක් ඇති වානේ ඇන (Bolts & Nuts) 4 කින් (සමහර විට 6 කින්) දැඩි ලෙස සම්බන්ධ කරනු ලබයි. මේ ඇන හොඳින් තදවී ඇත්නම් එම පීලි දෙක එකම දෘඩ පීල්ලක් ලෙස ක්රිියා කරයි.
මෙවන් සම්බන්ධකිරීමකදී පීලි දෙක එකිනෙක හේත්තුවන ලෙස තබන්නේ නම් පීලිවල හා පත්තුවල සිදුරු එකිනෙක නිවැරදිව සම්පාතවීම සඳහා විශාල නිරවද්යහතාවකින් යුතුව සිදුරු ස්ථානගත විය යුතුය. උදාහරණයක් ලෙස අවසන් සිදුරේ කේන්ද්රහයේ සිට පීල්ලේ කෙලවරව දුර මිමී 100ක් නම් හා පත්තුවේ මැද සිදුරු 2 අතර දුර මිමී 200ක් නම් පීලි අතර හිඩැසක් නොවන පරිදි පීලි දෙක සම්බන්ධ කල හැකිය. එහෙත් යම්කිසි හේතුවක් නිසා පීල්ල කැපීමේදී එහි අවසන් සිදුරේ සිට කෙලවරට දුර මිමී 1 කින් වැඩිවුනා යයි සිතමු. එවිට එවන් පීලි දෙකක් හේත්තු කලවිට සිදුරු අතර දුර මිමී 202කි. නමුත් පත්තුවේ අදාල සිදුරු අතර පරතරය මිමී 200ක් පමණි. පීලි තවත් මිමී දෙකකින් ලං කල යුතු ය. කොටින්ම කිවහොත් සවිකල නොහැකිය. මේ සඳහා අවශ්ය නිරවද්යයතාවට විශාල රේල් පීලි කැපීම හා විදීම ක්ෂේත්රමයේදී අපහසුය.
එබැවින් ප්රා‍යෝගිකව සිදු කරන්නේ මිමී 5ක් පමණ කොටට පීල්ල කැපීමයි. මුල් උදාහරණයම සලකමු. දැන් සිදුරේ සිට පීල්ල කෙලවරට දුර මිමී 95 යි. පීලි දෙක එකට තැබූ විට සිදුරු අතර අවම දුර මිමී 190. පත්තුවේ සිදුරු අතර දුර මිමී 200. දැන්පීලි අතර මිමී 10ක හිඩැසක් තබා පත්තුව සවි කල හැකිය. වැරදීමකින් පීල්ලේ දිග මිමී 1ක් 2ක් අඩු වැඩි වුවද පත්තුව සවිකල හැකිය. පීලි අතර හිඩස ඇතිවන්නේ මේ හේතුව නිසාය.
පීලි ශක්තිමත්ව සිල්පර හා සම්බන්ධ කර ඇති විට රත්වීමේදී හා සිසිල් වීමේදී සිදුවියයුතු දිගවැඩිවීම හා අඩුවීම එසේ නොවී සංපීඩනයක් (Compression) හෝ ආතතියක් (Tension) ලෙස පීල්ල විසින් විඳගනු ලබයි. (මේ සඳහා බකල් වීමට හෝ Crack වීමට අවකාශ නොලැබෙන සේ මාර්ගය ශක්තිමත්ව තිබියයුතුය.)
පත්තුවේ ඇන හොඳින් තදවී ඇත්නම් රත්වීමේදී හෝ සිසිල් වීමේදී මෙම හිඩැස වෙනස් නොවේ. එහෙත් ඇන බුරුල්වී ඇත්නම් යම් ප්රීමාණයක අදීමක් හෝ හැකිලීමක් නිරීක්ෂණය කල හැකිය.
මෙසේ පීලි අතර හිඩසක් තිබීමෙන් ඒවා මාර්ග නඩත්තුවේදී මාරු කිරීම පහසු වන අතර අවාසිය වන්නේ රෝද මේ හිඩැස් මතින් යාමේදී ඇතිවන ශබ්දය හා කම්පනයයි. වර්තමානයේ අධිවේගී දුම්රිය මාර්ග සැදීමේදී රේල් පීලි කිහිපයත් එකට පාස්සා සම්බන්ධක ප්ර මාණය අවම කර ඇත. සම්බන්ධක (Joints) නැතිවම හදන රේල් පාරවල් ද ඇත (Continuously welded rails). තවද Expansion Joints යනුවෙන් අතරමැදි ක්‍රමයක් ද වේ.
ඒ අනුව රේල් පීලි දෙකක් අතර හිඩැසක් තබන්නේ රත්වීමේදී වන ප්රිසාරණයට ඉඩ දීම සඳහායයි පැවති මතය බැහැර කල යුතු ය.

© former gmr mr. Punnavijitha Wijesekera

#2023memories

Ceylon Government Railway Magazine

A day in the life

Read More

ජල්බරියක් !.

දවස - මාර්තු 17
වෙලාව 1.30 ට - පාසල් අවසන් වන වෙලාව.
ප්‍රාථමික විද්‍යාලයක්.
නම කියන්න හොද නැහැනේ . විද්‍යාලයේ කීර්තිනාමයට හොද නැහැනේ
ප්‍රාථමික විද්‍යාලයක ලොකු ළමයි නේ හතර වසරේ ඉන්නේ.
මේ අයියලා පාසල අවසන් වෙලා බෑග් එල්ලගෙන පාරට බහින කොට ගුරුභවතෙක් මිදුලේ තිබුන පයිප්ප බට ටිකකුයි සිමෙන්ති බෑග් භාගෙකුයි ශාලාවක් ඇතුලට දාන්න කියලා.
මේ පුංචි අයියලට ගුරු නියෝගය පිටු දකින්න බැරිවෙලා.
ඒ වැඩේ නිම කරලා පාරට එන කොට පාසල් බස් රථය පිටත් වෙලා.
බස් රථයේ රියදුරු මාමා හිතුවළු හවස පන්ති කියලා.
බස් රථය එනකම් පාරේ බලා ගෙන හිටපු සීයට පණිවිඩය තියලා රියදුරු මාමා ඉගිළුනා.
පන්ති තියෙන බවක් ගෙදරින් පිටත් වෙන කොට නොකිවු නිසා සීයාට ගින්දර පත්තු වෙලා.
මුණුපුරා ගෙදර ආවේ නෑ නේ.
මේ මනුස්සයා මොනවා කර ගන්නවා ඇද්ද ? . පාරේ හරහා පැනලා අණතුරක් කරගනීද ? දහාක් දේවල් සීයට හිතෙනවා.
වාහනයක් අරගෙන කලබලෙන් මුණුපුරා හොයා ගෙන පාසල ගාවට යන කොට මුණුපුරා එයාගේ තවත් යාළු අයියා කෙනෙක් එක්ක අයිස් ක්‍රී්ම් එකක් කකා පාරේ අනිත් පැත්තේ වෙළද සැලක ඉන්නවා.
යාන්තම් දහඩිය නිමලා ගිඩි ගිඩිය පාලනය කර ගත්තා.
තව පොඩ්ඩෙන් සීයත් 1919 නලාව හඩවා ගෙන යනවා.

කතාව ඕක වුනත් පාසලට ගියාම පාසල් කාලේ දරුවන්ගේ වගකීම තියෙන්න ඕන ගුරුවරු අතේ .
විශේෂයෙන් වගකිව යුත්තා විදුහල්පති තුමා හරි තුමිය .
ඒ වගකීම බැහැර වෙලා.
දරුවෝ පසල් යන්නේ එන්නේ පාසල් බස්රථවල වුනාම ඒවා යන්නේ එන්නේ කිසියම් කාල සටහනකට.
හිතපු හැටියේ දරුවෙක් නතර කරගත්තම ඒ දරුවා ගෙදර යන්නේ කොහොමද ? කියලා ප්‍රාථමික ගුරු මොළ වලට අවබෝධයක් නැත්නම් ඒ මොළත් ප්‍රාථමිකයි.
ටිකක් හොයලා බැළුවා මොකක්ද මේ අයියලාගේ ශ්‍රමදානේ කියලා !.

ඒ ගැන නොලියා ඉන්නම්.
පෞද්ගලිකයි රහසිගතයි කියලා හිතාගෙන.

A day in the life

Read More

ජනාධිපතිවරයාගේ විශේෂ මාධ්‍ය හමුව.

ඉන්ධනවලට අපි දිගු කාලීන ටෙන්ඩර් ප්‍රධානය කරලා තිබුණා. නමුත් අපි දිගුකාලීන ටෙන්ඩර් දෙකක් විශේෂයෙන් මෙට්‍රික් ටොන් 90,000 නැව් දෙකක් නියමිත කාලයට ලබා ගන්න හැකියාවක් ලැබෙන්නේ නෑ. පෞද්ගලික අපේ තෙල් සැපයුම්කරුවන් ඉන්නවා ඔවුන්ගෙන් එක නැවක් අපිට නියමිත කාලයට ලැබෙන්නේ නෑ කියලාත් දැන් වාර්තා වෙලා තියෙනවා. අපිට අවශ්‍ය ඉන්ධන සැපයීමේ අඩුවක් තියෙනවා.. එක නැවක ප්‍රමාදයක් මේ ජාලයටම බලපෑම් එල්ල කරනවා. ඒ නිසා අපි ඉලක්ක කරලා තියෙන ඉන්ධන සැපයුම අපිට ලැබෙන්නේ නෑ.

අපි මේ වෙනකොට මැදිහත්වීම් කිහිපයක් කරලා තියෙනවා රාජ්‍ය තාන්ත්‍රික මට්ටමින්. දෙවැනි එක අපි ඉක්මන් ටෙන්ඩර් කිහිපයක් දැම්මා. අපි අද ටෙන්ඩරයක් දැම්මා ඩීසල්, බොරතෙල්, ලිහිසිතෙල්, පෙට්‍රල්, සඳහා අපිට ඉතාම විශ්වාසවන්ත සැපයුම්කරුවන්ගෙන් ටෙන්ටර් ඇවිල්ලා තියෙනවා.

ඩොලර්වලින් ව්‍යාපාරවල යෙදෙන අය ව්‍යාපාර සඳහා ඔවුන්ට බලපත්‍රයක් දෙන්න ඔවුන්ට අවශ්‍ය වන තෙල් ආනයනය කර ගැනීම සඳහා කියලා. ඔවුන්ට අපි තාවකාලික බලපත්‍රයක් ලබා දීලා තියෙනවා.
මාර්තු මාසේ ගෑස් අවශ්‍යතාවය තිබ්බේ 33,000යි නමුත් අපි 38,000ක් ඇනවුම් කළා මාර්තු මාසයට පෞද්ගලික සමාගමක් ගෑස් සැපයුම අඩාල කරලා තිබෙන නිසා. ඒ මෙට්‍රික් ටොන් 38,000ම ලැබිලා තිබෙනවා. තව අපි ගෑස් නැවක් ඇනවුම් කරලා තියෙනවා ඒක හෙට හෝ අනිද්දා ලැබීමට නියමිතව තිබෙනවා ඒ නිසා ගෑස් අර්බුදයක් ඇති වෙන්නේ නෑ.
ගෑස්, ගල් අඟුරු සහ ඉන්ධන අපේ රාජ්‍ය තාන්ත්‍රික සම්බන්ධතා හරහා ලබා ගැනීමට සාකච්ඡා කරමින් තිබෙනවා ඒ සඳහා අවශ්‍ය කටයුතු සිදුකරමින් යනවා.

QR කේතයේ යම් යම් ගැටලු තිබෙනවා කියලා අපි දන්නවා. යම් ගැටලු මතුවෙනවා කියලා පූර්ව අවබෝදයකින් යුතුව තමයි අපි ඉරිදා දිනයක්ම තෝරාගත්තේ. දැන් මිලියන 5කට අධික පිරිස් ලියාපදිංචි වෙලා තිබෙනවා. යම් ජාතික පද්ධතියේ ගැටලුවක් එන බව දැනගෙනම තමයි අපි මේක දැම්මේ.

අත්‍යවශ්‍ය සේවා කටයුතු සඳහා අපි ආරක්ෂිත තෙල් තොග පවත්වාගනිමින් යනවා. ඉන්ධන අත්‍යවශ්‍යම තැන්වලට ඒවා බිඳ වැටෙන්නේ නැතිව QR එක ප්‍රමාණවත් නැත්නම් ඒක වැඩි කරමින් ලබා දීම සඳහා අමාත්‍යාංශ මගින් වැඩපිළිවෙළක් සකස් කරමින් යනවා.

ආහාර සැපයුම් ජාලය අපි අධ්‍යනය කරමින් යනවා. විශේෂයෙන් උත්සව සමය එන්නේ. අපි මාස 3ක් දීර්ඝ වශයෙන් තොග රැස් කරන්න පුළුවන් අය සමග සාකච්ඡා කරා ඔවුන්ගාව ඒ මාස 3ක තොග ගබඩා කරන්න පහසුකම් තිබෙන බව වාර්තා කළා. ඒ නිසා අත්‍යවශ්‍ය ආහාරවල හිඟයක් ඇති නොවීම ගැන අපි කල්පනා කරනවා.

අපි හැම අමාත්‍යාංශයකටම ඉලක්කයක් දීලා තියෙනවා තමන්ගේ අමාත්‍යාංශයේ තෙල් ප්‍රමාණය අඩු කරගත යුතුයි. අඩුම තරමේ 25%කින්වත්. සෞඛ්‍ය අමාත්‍යාංශයේ ලේකම්තුමා අපිට දැනටමත් වාර්තාවක් ලබා දීලා තිබෙනවා ඒ අමාත්‍යාංශය සම්බන්ධව.
අපි ඉතාමත් සාර්ථකයි අපි දවස් දෙකක් වැඩ කරනවා. දවසක් නිවාඩු දෙනවා ආයේ දවස් දෙකක් වැඩකරනවා . අපිට රාජ්‍ය සේවයේ අඛණ්ඩතාව තමයි වැදගත් වුණේ.
අපි ප්‍රධාන ක්ෂේත 4ක, අඛණ්ඩ බලශක්තිය සැපයීම සඳහා, අත්‍යශ්‍ය සේවාවන් සඳහා, රාජ්‍ය සේවය සූදානම් කිරීම, පීඩාවට පත්වෙන ප්‍රජාවට ලබා දෙන සහනාධාර පිළිබඳව අපි අවධානය යොමු කරලා තියෙනවා. කිසි කෙනෙක් බියට පත්විය යුතු නෑ.

බලශක්ති අර්බුදයක් මතුවෙනවානම් අපි ඒක තමයි ක්ෂණික මිලදී ගැනීම සඳහා අපි ටෙන්ඩර් කෝල් කළා. ඒකෙන් අපි නැව් 5කට අවසර ලබා දෙනවා. රාජ්‍යතාන්ත්‍රික සම්බන්ධතාවලදීත් අපි ගල් අඟුරු ඇතුළත් කරලා තිබෙනවා. ප්‍රමිතියේ ප්‍රශ්නයක් තිබෙනවා නම් අපි ඒකට කටයුතු කරනවා.
අපි කාලයක් තිස්සේ හැදිච්ච කාටල බිඳිනවා. අපි සාධාරණ ටෙන්ඩර් ක්‍රමවේදයකින් ටෙන්ඩර් ලබා දෙනවා. අලුත් කෙනෙකුට චූටි චූටි ගැටලු මතුවිය හැකියි.

මම විවෘතව කිව්වොත් දැනට පස්සට ගිහිල්ලා තියෙන්නේ අප්‍රේල් 6-7 එන්න තිබුණ බොරතෙල් නැව්. දැන් ගබඩා කරලා තිබෙන බොරතෙල් ප්‍රමාණය අප්‍රේල් 15 දක්වා ප්‍රමාණවත්. අපිට නැව් එන්න ඕනේ. ඒ නැව යම් කාලයක් ගන්නවා එන්න. අපිට තියෙන්නේ සීමිත ගබඩා ප්‍රමාණයක්. ගබඩාවෙන් පිරිපහදු කෙරෙන්න ඕනේ. මේ පද්ධති කළමනාකරණයක් තියෙන්න ඕනේ. අද අපිට නැව් 10ක් ගෙනල්ලා තියාගන්න තැනක් නෑ. මේ තියෙන යාන්ත්‍රණයට අනුව CPC එකෙන් කොච්චරද IOC නැව කවදාද, RM පාර්ක් නැව කවදාද, සිනොපැක් නැව කවදාද කියලා අපි ප්ලේස් කරලා තියෙන්නේ. එතකොට අපි බලන්න ඕනේ කොතනද අවලංගු වෙන්න ඕනේ. ඉතිං අපි කලින් ටෙන්ඩර් දැම්මාට වැඩක් නෑ.
ගනුදෙනුව කරන්න පුළුවන් ඕනෑම මුදල් ඒකකයකින් අපිට. හැබැයි අපිට අවශ්‍ය කරලා තියෙන්නේ මොකක්ද රුසියාව සහ අපි අතර එකඟතාවයකට එනවානම් අපි ගන්න බැඳෙනවා. ගන්න බැඳෙනවානම් අපි බැඳිම ඉටු කරන්න ඕනේ. ඉටු කරන්න පුළුවන් පරිසරයක් අපි හදාගන්න ඕනේ. අපි මේ හැම දෙයක් පිළිබඳවම තීන්දු ගන්න කලින් සියල්ල සලකා බලමින් තමයි තීන්දු ගනිමින් ඉන්නේ.

අපේ කවර හෝ අමාත්‍යවරයෙක් අමාත්‍යවරයාගේ බලතල අමාත්‍යවරයාගේ විෂය පඨය උපයෝගි කරගෙන කොතන හෝ අධිකරණයක නඩුවක් පැවරෙනවානම් මම ඔහුව ඉවත් කරනවා. ජයකොඩි පිළිබඳව ප්‍රශ්නය 2014දි ඔහු රාජ්‍ය නිලධාරියෙක් විදිහට ඉන්නකොට ප්‍රසම්පාදනයේ ගැටලුවක්. හැබැයි ඔහු අමාත්‍යවරයා හැටියට නම් අධි චෝදනා ලබලා අධිකරණයට ගොනු වෙලා තිබෙනවානම් මම ඔහුව හෙට අමාත්‍යධුරයෙන් ඉවත් කරනවා.

විදුලි කප්පාදුව පිළිබඳව දැනට අවශ්‍යතාවයක් පැන නැගිලා නෑ. අපි ඉදිරිපත් කරලා තිබුණ සැලසුම් යටතේ දැනට විදුලි කප්පාදුවක් නෑ. නමුත් මේ යුද්ධයේ සීමා මායිම් ඔබට මට හෝ කාටවත් තීරණය කරන්න බෑ. ඒ නිසා දැනට අපි සකස් කරලා තියෙන වැඩපිළිවෙළ යටතේ විදුලි කප්පාදුවක් නෑ. නමුත් එතනින් එහා තීරණය කරන්නේ යුද්ධයේ සීමා මායිම් කොච්චර ප්‍රමාණයකින් වර්ධනය වේවිද කියන එක මත.
මම පාරිභෝගික ජනතාවට කියන්න කැමතියි අපේ රටේ හවස 6-10 තමයි වැඩිම විදුලි ඉල්ලුම එන්නේ. අපි මේ ඉලෙක්ට්‍රික් කාර් පාවිච්චි කිරීම නිසා ගොඩක් විදුලි කාර් වැඩ ඇරිලා ගිහිල්ලා 6-10 අතරේ චාර්ජ් කරනවා. ඒ නිසා මීට පෙරට වඩා මෙගාවෝට් 300කට වගේ ආසන්න විදුලි ඉල්ලුමක් 6-10 අතර වෙලා තිබෙනවා. හැබැයි අපිට දවල් කාලයේදි විදුලි අතිරික්තයක් තියෙන්නේ ඒ නිසා මම විදුලි කාර් රථ හිමියන්ගෙන් ඉල්ලා සිටිනවා දවල් කාලයේදී චාර්ච් කරගන්න.
අපි හඳුන්වා දෙන්න යනවා ස්මාර්ට් මීටරයක්. ඒකට අපි දැන් ටෙන්ඩර් කෝල් කරලා තියෙන්නේ. ස්මාර්ට් මීටරයක් ගෙනාවට පස්සේ මිල අගයන් දෙකක් හඳුන්වා දෙන්න කටයුතු කරනවා. දවල් කාලයේ එකක් 6-10 අතර කාලයේදී එකක්. අපේ අවශ්‍යතාවය තමයි දවල් කාලයේදී වැඩිපුර විදුලිය පරිභෝජනය කරන්න ඕනේ.

අපි සූර්ය බලයෙන් විදුලිය බලයෙන් විදුලිය හදාගෙන ගියා ගබඩා පහසුකම් නැතිව. විදුලිය කියන්නේ ඒ වෙලාවේ හදලා ඒ වෙලාවෙම පාවිච්චි කරන්න ඕනේ. නමුත් දවල් හැදෙන විදුලිය ඒ වෙලාවෙම පාවිච්චි කරන්න බැරිවෙනවා. අපිට අතිරික්තයක් තියෙනවා.

පොඩි ප්‍රශ්නයකට තියෙන්නේ කියන ඒවා නෙවෙයි නේ කෙරෙන්නේ.

කමක් නෑ අර්බූදයක් වෙලාවේ පාට පාට ගැන නෙමෙයි රට ගැනයි හිතන්නේ..

රටට යහපතක් වෙන ලෙස ප්‍රශ්න කළමනාකරනය කර ගන්නට හැකි වේවායි කියලයි මීදුම හිතන්නේ.

රටක තියෙන්න එපාය දේශපාලනය කරන්න. මින් ඉහත එහෙම නොහිතපු එක ගැන නම් දුක හිතෙනවා.

A day in the life

Read More