ලන්ඩන් ගිය ඇමතිවරු.

මේක නම් මාර වැඩක්. 

NPP එකේ ලංඩන් රැස්වීමට ගියාද? නැද්ද? කියලා ගොඩක් දෙනා කතා කරලම අහනවා. ඉවරයක් නෑ. 

මම ගියේ නෑ. ඒ ආණ්ඩුවට ඇති විරෝධයක් නිසා නම් නොවෙයි.
ගියේ නැත්තේ මොකද ඇහුවම මම කාටත් එක වගේ උත්තරයක් දුන්නා.
ඔය එතනට ආපු නලින්ද ජයතිස්ස, හර්ෂණ නානායක්කාර සහ සරෝජිනී පෝල්රාජ් කියන දේවල්වලට මහ හයියෙන් අත්පුඩි ගහන්න හරි, විසිල් ගහන්න හරි මට නම් කිසිම ඕනෑකමක් නැහැ. මොකද එහෙමයි සාමාන්‍යයෙන් ඔතන වෙන්නේ.

අහන ඕනම ප්‍රශ්නයකට ඔවුන් දෙන අළුත් පිළිතුරක් නැති බව මගේ නම් අදහස. ඒත් "කැලේ මාරු වුනාට කොටියගේ පුල්ලි මාරු නොවන්නා සේ" එතෙර හිටියත් අපේ ජානගත දේශපාලන ලාලසාවේ කිසිදු වෙනසක් නැති නිසා අපි දේශපාලන නායකයන් ඉදිරියේ අමුතුම ප්‍රමෝදයකට පත්වෙනවා.
මැයි රැළියට, පක්ෂ සම්මේලනයට ගියා වගේ තමයි මේ වගේ තැනකට ගියත් යන අය ප්‍රතිචාර දක්වන්නේ. රටට යමක් කරන අවංක මිනිස්සු කෙරෙහි එහෙම බැඳීම් ඇතිවීම ගැටළුවක් නෑ. එහෙත් ලංකාවේ ඉඳලා නෑයෙක්, සමීප හිතවතෙක් ආවම දැනෙන හැඟීමෙන් මේ ඇමතිවරුන් පිළිගැනීමට වඩා දැන් හිතන්න දේවල් ටිකක් තියෙනවා.

ජනතාව ඔවුන්ට වගකීමක් භාරදීලා තියෙන්නේ වැඩකරන්න. ඒ කරපු සහ කරමින් සිටින දේ ගැන අපි දන්නවා. යම් සාධනීය දේවල් ටිකක් කළත් සෑහෙන්න පුළුවන් දෙයක් කරලා තියෙනවා කියන්න බෑ.
පෞද්ගලිකව මේ චරිත වුනත් විමසන්න පුළුවන්. නලින්ද ගත්තම සෞඛ්‍ය ඇමති හැටියට අඩුම තරමේ ඉස්පිරිතාල ටිකට නොඅඩුව තවම බෙහෙත් ටික දී ගන්න බැහැ. හර්ෂණ අධිකරණ ඇමති හැටියට කරපු අමුතු දෙයක් නෑ. පෝල්රාජ් ළමා හා කාන්තා අපයෝජන වැළැක්වීම හා ඔවුන්ගේ ආරක්ෂාව සම්බන්ධයෙන් ප්‍රමාණවත් වැඩකොටසක් කර නැහැ.
මේ වගේ දේවල් අහලා ඔවුන්ට පොඩි බලපෑමක් කරන්න යන එක නම් හොඳයි. එහෙත් ඔවුන් වේදිකාවේ ඉඳලා ඒවට උත්තරයක් ගැටගහලා දෙන බව අපි නොදන්නවා නොවෙයි. ඒක සියලු දේශපාලකයන් කරන වැඩක්.

අනෙක් කාරණය තමයි අනුර කුමාර සහෝදරයා ඇතුළු ජාතික ජනබලවේගය ජනාධිපතිවරණය සහ මහ මැතිවරණය ඉලක්කකරගනිමින් දැවැත්ත එතෙර ප්‍රචාරක වැඩපිළිවෙලක් ක්‍රියාත්මක කළා. මී මැස්සෝ වගේ ඒවට ශ්‍රී ලාංකිකයන් ආවේ.
ලංකාවේ ඉන්න මිනිස්සු මේවා දිහා තුෂ්නිම්භූතව බලාගෙන හිටියා. මේ සැරේ අනුර හා මාලිමාව ආවම "කල්ප වෘක්ෂය" පහළ වූවාක් මෙන් පිටරට වෙසෙන අයගේ සහාය ලැබෙයි කියලා මිනිස්සු හිතුවා.

මතක හැටියට, මාලිමාව බලයට පත්වූ පසු එංගලන්තයේ සිටින තම මිතුරෙක් රට වෙනුවෙන් පවුම් මිලියනක් දෙන්න සූදානම් බව සංගීත් විජේසූරිය එකල කිව්වා. ඊටත් වඩා රට හදන්න තමන්ගේ ධනය මෙන්ම දැනුම කැපකරලා රටට එන බව බොහෝ දෙනා පාරම්බෑවේ නෑ. කියා සිටියා.
කිහිපදෙනෙක් ගිහින් ඇති. ඒත් ඕවා ගැන කියන්න තියෙන්නේ "කතාව දෝලාවෙන්, ගමන පයින්" කියලා විතරයි.

මේ පිට රටක ඉන්න අපි කාටත් තියෙන්නේ එකම වගේ හැඟීමක්. ලංකාව ගැන ආදරයක් තියෙනවා. ඒ ප්‍රශ්න වෙනදාටත් වඩා දැනෙනවා. හිත උණුවෙනවා. හැබැයි ඒ වෙනුවෙන් මේක දාලා ගිහින් දෙයක් කරන්න බහුතරයක් කැමති නෑ. ඒක තමයි ඇත්ත. එහෙම කවුරු හරි ඉන්නවා නම් ලියන්නකෝ.

ගොඩක්ම ඉන්නේ ලංකාවේ මැතිවරණයක් එන විට රැල්ලත් එක්ක චූන් වන කට්ටිය. ඒක ජන බලවේගයත් දන්නවා. ඒත් මැතිවරණ ජයග්‍රහණයක් සඳහා විදෙස්ගත අය නියම තොරොම්බෝල හා සැරසිලි. ඕනෑම පක්ෂයක් එහි ප්‍රචාරක වාසිය ගන්නවා. 

ඒකේ කප් එක ගැහුවේ නම් අනුර සහ මාලිමාව.
නලින්ද, හර්ෂණ සහ පෝල්රාජ්හේ මේ ලංඩන් ගමනත් එහි දිගුවක්. 

එසේ නොවන්නේ නම් ඔවුන් අවුරුද්දකට පස්සෙ වෙනත් රටකට ඇවිත් කතා කළ යුත්තේ "රට හරි පාරට ඇවිත්, හොරු ඇල්ලුවා සහ අල්ලනවා, ආර්ථිකය ගොඩදාමින් ඉන්නවා" කියන එකම නොවෙයි.

 
එදා විදෙස්ගත අයගේ සහාය පළවීමත් ඔවුන්ගේ එකී දායකත්වය ගෙන දැන් ළඟාකර ගෙන ඇති සාර්ථකත්වය හෝ එහි අඩුපාඩු පිළිබඳව මෙහිදී සමාලෝචනය කරන්නයි මේ අයට තිබුණේ. 

මොකද අවුරුද්දක් දැන් ගෙවිලා.
ඒ කියන්නේ, ශ්‍රී ලාංකික ආයෝජයන් කොපමණ ප්‍රමාණයක් ලංකාවට ගිහින් ව්‍යාපෘති අරඹා තිබේද?, සිස්ටම් චේන්ජ් එක සඳහා කොපමණ තාක්ෂණික හා මානව සම්පත් දායකත්වයක් ලබා දී ඇත්ද? දෙනවයි කියූ ආධාර මෙන්ම විදෙස් ප්‍රේෂණ ගලා ඒම කුමන මට්ටමක පවතීද ආදිය ගැනයි ලංඩන්වලදි සාකච්ඡා කරන්න තිබුණේ.

එහෙම දේවල් නැත්නම් මෙහේ අය ඔයාලා රවට්ටලා. ඔයාලත් කැමැත්තෙන් රැවටී එතෙර උණුසුම විඳිනවා කියලයි මට නම් හිතෙන්නේ. මෙහේ අයට හැන්දෑවක් ගෙවන්න, පාළු මකන්න ඔයාලා පොඩි කයිවාරුවක් නම් ගැහුවා. එහෙම නැත්නම් ඔය මං කියපු මොනවා හරි වැඩක් ඇති දෙයක් වෙලා ඇත්නම් කවුරු හරි මේකට සටහනක් දමන්න.

මම දන්න තරමින් ඔතන එකම වැදගත් බලපෑමක් කළේ දෙමළ ඩයස්පෝරාවේ කට්ටිය. දේශපාලන සිරකරුවන් නිදහස් කර ගැනීම ඇතුළු ප්‍රශ්න ටිකක් විසඳා ගැනීම තමයි ඔවුන්ගේ උවමනාව.

ඒ අතරේ "බ්‍රිතාන්‍යයේ මැති ඇමතිවරුවත් නොකරන ලෙස ලංකාවේ ඇමතිවරුන් පිරිසක් ඇවිත් ජනතාවගේ ප්‍රශ්නවලට උත්තර දුන්නා. ඒක වාර්තාවක්" කියාලා පම්පෝරි පෝස්ට් එකක් ෂෙයා වෙනවා දැක්කා. ඒවා නම් අමු බොරු.
ඒ වගේම වැදගත් වෙන්නේ අපේ කට්ටිය කිව්වේ මොනවද කියන එකනේ. මම දන්න තරමින් නම් මෙහේ මැති ඇමතිවරු වාගාලාප හෝ පච නම් ගහන්නේ නෑ. පොයින්ට් එකටම උත්තර දෙනවා. 

නලින්ද, හර්ෂණ සහ පෝල්රාජ් එහෙම කළා නම් ලංකාවට යන්න එපා. ඔයාලා තුන්දෙනා බ්‍රිතාන්‍ය පාර්ලිමේන්තුවේ වාඩිවෙන්න ප්ලීස්!

|

මහින්ද රුබසිංහ

ලන්ඩනයේ සිට.
A day in the life

Read More

අමුඩ කතා.

අමුඩය දේශපාලනිකවු ඇදුමකි.

පසුගිය කාලයේ නාමල් කරුනාරත්නයන් පිරිවරා ගෙනආ වී ගොවීන් , උක් ගොවීන් වට්ටක්කා ගොවීන් නා නා විධ වගා කරුවන් ඇන්දේ අමුඩයයි.

දැන් ගොවීන් නාමල්ට අමුඩය අන්දන්න අභියෝග කරන අතර නාමල් සුපිරි ඇදුම් ලා පාර්ලිමේන්තුවේ වායු සමීකරණය යට ගිමන් අරින්නේය.

ගොවීන් අමුඩය ඇදගෙන හුළං අල්ලන්නේය.

නාමල් ගොවීන්ට අමුඩය ගැස්සුවේය.

වරක් විජයානන්ද දහනායක මහතා පාරලිමේන්තුවට අමුඩයක් ඇද පාර්ලිමේන්තුවට පැමිණියේය.

1960 දශකයේ එකල රජය චිත්ත රෙදි යාරයක මිල ශත දහයකින් ඉහළ දැමීමට විරෝධය පෑමට එතුමා මෙලෙස පාර්ලිමේන්තුවට පැමිණ ඇත.

විජයානන්ද දහනායක අමුඩයකින් සැරසී පාර්ලිමේන්තුවට ආවිට එක් මන්ත්‍රීවරයෙක් " චී චී මීට වඩා ලැජ්ජ නැති වැඩක් තියනවාද කියා ඇහුවම . ගත් කටටම විජයානන්ද දහනායක " ඇයි ඕයි අමුඩයත් නැතුව එන එක කියා කිව්ව කියලා කතාවක් ද ඇත. 

අමුඩය අපුරූය.

 අපේ උද්ඝෝෂකයින්ට හිතුනොත් ඇද ගෙන අගනුවර එන්න පවා ස්මාට් ඇදුමකි අමුඩය.

කාන්තා පක්‍ෂය අමුඩ වාගේ ඇදුම් අදිතත් ඒවාට කියන්නේ වෙනත් නම්ය.

පසුගියදාක ගෝල්පේස් පිටියේ ජනාධිපති මණ්දීරයට පෙනෙන්න මේවා වැටවල් වල වනා තිබුනේය.

ඒ මෑත අතීතයේ අමුඩ කතාය.

බොහෝ දෙනාගේ ..කතා බහට ..විහිලුවට ලක් වුණත්..අමුඩය

එකළ සෑම සිංහල පිරිමි ඇන්ද ඇදුමක්ය .

කෘෂිකාර්මික ජීවන රටාවක් පැවැති අපේ රටේ වැඩ කරන ජනතාවගේ නිල ඇඳුමක් ලෙසින් පැවත ආ අමුඩය අද අප භාවිතයෙන් තුරන්වී ගොසින්ය. වියළි කර්කශ දේශගුණික තත්ත්වයන්ට උචිත ආකාරයෙන් මෙන්ම චාමි සරල ඇඳුමක් වශයෙන් ද අමුඩය අනාදිමත් කාලයක සිට අපේ අනන්‍යතාවය සුරැකූ ඇඳුමක්ය.

අතීතයේ ගැමි තාරුණ්‍යය මෙන්ම ජවසම්පන්න බවත් හැඩි දැඩි බවත්, ප්‍රදර්ශනය කිරීමට ද අමුඩය හැකිවිය. අමුඩය ගසා වැඩ බිමේ වැඩ කරන තරුණයකුගේ දේහ ලක්ෂණ හා සිරුරේ නම්‍යතාවය තරුණියක් තුළ ඇති කළේ ආලවන්ත හැඟීම්ය.

අමුඩය ගසා ඇඳිවත සුම්බරය කොට හිසේ බැඳගත් තරුණයන් තරුණියන්ගේ සිත් ගැනීම සඳහා සිය යොවුන් දේහය මැනවින් උපයෝගී කර ගත්හ.

වැදි ජනතාව අතර පැවැති සිරිතක් වූයේ අමුඩය ගැසීම සඳහා ඉණ වටා බඳින සිහින් ලනුපට යෝජිත මනමාලිය ලවා සකස් කර මනමාලයාගේ ඉනේ බැඳීමය

මෙය අතීත ගම්මානවල තරුණියන් විසින් ද සිය පෙම්වතා වෙනුවෙන් රහසිගතව ප්‍රතිඥා දුන් ආදරණීය තෑග්ගක් ලෙසද අමුඩයට තැනක් පැවතුනේය. .

දියකෝනම අමුඩ ලේන්සුව ආදී නම්වලින් හඳුන්වන ලද අමුඩය දුහුල් රෙද්දෙන් නිමාකළ හරි හතරැස් ලේන්සුවකි.

අමුඩ ගැසීමේදී ද විලාසිතා කීපයක් අනුගමනය කළහ.

1.හඟල අමුඩය.

හඟල අමුඩය ගසන්නේ මාමලා නැන්දලා ආදී වැඩිහිටියන් සමඟ වැඩ කරන විට ය. හඟල අමුඩය ගසන විට අමුඩයේ ඉදිරි පසින් එල්ලෙන කොටසේ රැළි දිග හැර ඉණ වටා වැටෙන හඟලයක් සේ සකසා ගනී. එවිට ඉණෙන් පහළ අඩියක් පමණ ප්‍රමාණය හොඳින් ආවරණය වෙයි.

2.දිය අමුඩය .

දිය නෑම සඳහා අමුඩය ගැසීමේදී විලි වැසී අඩියක පමණ කොටසක් අමුඩයෙන් ආවරණය වෙයි. එය දිය අමුඩේ නමින් හැඳින්වෙයි.

3.ගැට අමුඩය .

වල් කෙටීම, නියර බැඳීම ආදී කටයුතුවල නිරත වන විට ගැට අමුඩය ගැසීමට ගොවීහු වග බලා ගත්හ.

හෙවන සහිත ගසක් දිවා ආහාරය ගැනීම සහ තේ බීම, බුලත්විට කෑම ආදී අවශ්‍යතා සඳහා උපයෝගී කරගනී.බුලත්විට කා ගස් සෙවණේ සිට වැඩ කරන තැනට යනවිට ත්‍රිකෝණාකාරව ඉදිරිපසින් ඇති අමුඩයේ කෙළවර දුන්කොළ ටිකක් ගැට ගසාගැනීමට බොහෝ අය පුරුදු වී සිටිති. ටික වේලාවක් වැඩ කරන විට බුලත්විටේ තෘප්තිය හීනවී යන අතර එවිට අමුඩ ගැටේ ඇති දුම්කොළ ටිකක් කටේ දමාගන හපමින් තවත් හෝරා කීපයක් වැඩ කිරීම ඔවුන්ගේ සිරිතකි.

අමුඩ කෙමක්.

අලුතෙන් ඉදිකරන නිවසක වහලය සෑදීමට ගන්නා උමන් (පරාල ලෙස පාවිච්චි කරන ලී) කැපීමට කැලයට යන පිරිස උමන් කපන විට අමුඩය ගලවා කරේ දමාගෙන නිරුවතින් ලී දඬු කපති. ඔවුන් එසේ කරන්නේ වහලේ උමන් ගුල්ලන් කෑමෙන් ආරක්ෂා කර ගැනීමට කරන කෙමක් වශයෙනි.

අමුඩ පණිවිඩ.

අමුඩය හිසේ බැඳගන ගමනක් යන විට ඉන් අදහස් කරන්නේ සිය ගව රංචුව බැලීමට හෝ වෙනත් අවශ්‍යතාවයකට කැලෑ වදින බවයි. එහෙත් අමුඩය කරේ දමාගන යන ගමන රහසිගත හමුවීමක් සඳහා යන ගමනක් බව සැක කෙරේ. අමුඩය ගසා ඊට උඩින් ඇඳිවත හරස් අතට ඇඳගෙන යාමෙන් පැවසෙන්නේ ඔහු වැඩිහිටියන් හෝ වියපත් දරුවන් අසලට යන ගමනක් බවයි.

අමුඩය හා බැඳුණු උපහැරණයක්.

“අමුඩය දීලා කෑවා වාගේ” යන කියමනක් ඇත.

බඩගින්නේ නිරාහාරව සිටින අයකු නිරාහාරව සිටින බව කාටත් නොදැනේ.

එහෙත් නිරාහාරව සිටීමට නොහැකිව අමුඩය විකුණා කුසට අහරක් සපයා ගත්තොත් ක්ෂණිකව කුසගින්න නිවුණත්

නිරුවතින් සිටීමට සිදුව අවමානයට ලක්වේ.

අමුඩ කෙටිය, දිය කෝනම, දිය අමුඩය ආදී නම්වලින් හඳුන්වන අමුඩය ගෘහ මූලිකයාගේ සිට වයස 10-12 දරුවා දක්වාම වැඩ කරන විට උපයෝගී කරගත්හ. කාර්යයක නිරත වන විට නිල ඇඳුමක් වූ අමුඩය අතීත ගැමියා ගමනක් බිමනක් යනවිට යට ඇඳුමක් වශයෙන් ද පාවිච්චි කළහ.

අතීත යුගයේ පිළිගත් පවුල්වල තරුණයන් පාවිච්චි කරනු ලබන අමුඩය මිදුලේ හෝ එළිපහලියේ වනා තැබීම තහංචියක් සේ සලකනු ලැබීය. ඒ අමුඩයෙන් ගන්නා නූලකින් අදාළ තරුණයාට වශී ගුරුකමක් කළ හැකි නිසා එසේ අමුඩය සුරක්ෂිත කළහ.

ගමරාල කෙනෙක් සිය කුලයෙන් පහත් තරුණියක සමඟ ආලයෙන් වෙලිණි.

ඔවුන් එකිනෙකා හමුවීම ඉතා රහසිගතව කැලෑවේ දී සිදුවිය.

දිනක් මේ දෙදෙනා මුණගැසී සිටින විටෙක ගමේ වෙනත් ගැමියකුගේ පැමිණීයේය.

මේ නිසා හදිසියේ සැගවී යාමට සිදුවිය.

ගමරාල හනි හනිකට දිව යාම නිසා ඔහුගේ කරේ තිබුණු අමුඩය කටු ගාලක පැටලීනි.

ගමරාළගේ අමුඩය කටකාර ගැමියකුට හමුවිය. 

පසුදින උදේ හන්දියේ පලුගසේ ගමරාලගේ අමුඩය එල්ලා තිබූ අතර ඊට යටින් මේ කවිය ලියන ද කොළය ද අලවා තිබුණි.

"කර ආලේ නැහුනත්

කටු බැදි අස්සේ

ගමරාලේ දැන්නම්

රහසක් නැත්තේ

හොර පාරේ ගිය මඟ

සලකුණ ඇත්තේ

කටු ගාලේ තිබු අමුඩේ

පලු අත්තේ............"

දැන් නම්

" හොර පාරේ ගියමග

සලකුණ ඇත්තේ

කටුගාලේ තිබු අමුඩේ

පලු අත්තේ .........."

තියලා සේය.

A day in the life

Read More

ඉල් පුර පසලොස්වක පෝය.

මෛත්‍රී බෝසතුන් නියත විවරණ ලැබීම, ප්‍රථම ධර්ම දූත පිරිස පිළියෙළ වීම, බුදු රජාණන් වහන්සේ තුන් බෑ ජටිලයන් දමනය කිරීම, පසු වස්‌ විසූ භික්‍ෂූන් වහන්සේලා පවාරනය කිරීම, අනුබුදු සැරියුත් මාහිමි පිරි නිවීම යනාදී, ශාසනික කරුණු රැසක්‌ම සිදු වුණ දිනයක්‌ ලෙස ඉල්පුර පසළොස්‌වක්‌ පොහෝ දිනය සලකනු ලැබේ.


වප් පොහෝදා සංකස්‌ස පුරයේ වූ දේවාවරෝහණයෙන් පසු අප බුදු රජාණන් වහන්සේ හා සැරියුත් මහා රහතන් වහන්සේ අතර කෙරුණු ධර්ම සාකච්ඡාවට සවන් දීමෙන් පසු මහත් ප්‍රීතියෙන් ඔද වැඩී ගිය එනුවර වැසි සිරිවර්ධන කෙළෙඕයාණන්ට පුත්ව ඉපිද සිටි මෛත්‍රීය බෝසතුන් උතුම් පැවිද්ද ලබා ගත් සේක. එවැනි දිනක පැවිදි භූමියට පත් මෙත් බෝසතාණෝ සීලාදී ගුණ ධර්මවල යෙදෙමින් කුසල් දහම් සිදුකර ගන්නේ චීවර මාසයෙහි අවසානයෙහි වස්‌සග්ගයෙන් ලද වස්‌ත්‍ර දෙකක්‌ හිමි විය.


තමන් වහන්සේ වෙත ලැබුණු චීවර දානයේ මහාර්ඝත්වය තේරුම් ගත් බෝධි සත්වයෝ එක්‌ වස්‌ත්‍රයක්‌ භාග්‍යවතුන් වහන්සේ වැඩ සිටින ස්‌ථානයෙහි උඩුවියනක්‌ කොට බැඳ අනෙක්‌ වස්‌ත්‍රය කඩ කොට ඉරා වියන් කෙළවර එල්ලා බැඳ බුදු රදුන්ට පූජා කොට රැස්‌ වූ මහා සංඝයා ඉදිරියේ එකත් පස්‌ව වැඩ හුන්හ. මෙත් බෝසතාණන් වහන්සේගේ මේ මහා පූජාව බුදු ඇසින් දැක ගෞතම බුදුරජාණන් වහන්සේ බෝධි සත්වයන් අමතා ඔබ මේ මහා භද්‍ර කල්පයෙහි මෛත්‍රී බුදුන් නමින් බුදු වන්නේ යයි නියත විවරණ දී වදාළ සේක. එය අද වන් පොහෝ දිනක සිදු විය.


ඇසළ පොහෝ දින ඉසිපතන මිගදායේ දී දම්සක්‌ පැවතුම් සූත්‍ර දේශනාව පවත්වා එහිම වස්‌ වසා තථාගතයන් වහන්සේ වස්‌ පවාරණය කොට තවත් මාසයක්‌ එහිම වැඩ සිටිමින් දිනක්‌ පස්‌වග මහණුන් ප්‍රමුඛ යස සුභාහු පුණ්‌නජි ගවම්පති ආදි කොට සෑම දෙනා අමතා "චරත භික්‌කවේ චාරිකං බහු ජන හිතාය බහු ජන සුඛාය" යනාදී වශයෙන් මහණෙනි බොහෝ ජනයාට හිත සුව පිණිස ලෝකානුකම්පාවෙන් චාරිකාවෙහි හැසිරෙන්න. එක්‌ මගකින් දෙදෙනෙක්‌ නොයා එක්‌ මගකින් එක්‌ කෙනෙක්‌ වැඩම කොට "ආදි කල්‍යානේ මෙච්ඡ කල්‍යානේ පිරිසොසාන කල්‍යානේ" ආදි වශයෙන් දක්‌වා ඇති මුල යහපත් වූද මැද යහපත් වූද, අග යහපත් වූද, ධර්මය ලෝකයාට ප්‍රකාශ කරව් යයි අභීත ප්‍රකාශනයක්‌ කර සැට දිසාවකට ඔවුන් යවා තමන් වහන්සේ ධර්ම දේශනා පිණිස උරුවෙල් ජනපදයට වැඩම කළ සේක.


මේ ආරම්භ කරන ලද ධර්මදූත ව්‍යාපාරය ඉතිහාසගත සිද්ධියකි. මේ වැදගත් ක්‍රියාදාමයෙහි පරමාර්ථ අවබෝධ කරගත් ඒ අනුව යමින් ක්‍රියා කළ අශෝක අධිරාජයා ධර්මදූත වහන්සේලා එතෙර මෙතෙර පිටත් කර හැරීම නිසා දේශ දේශාන්තරවල ඉතා ශීඝ්‍රයෙන් බුදු දහම පැතිරී ගියේ මෙසේ ලොව පළමු වරට දියත් කළ ධර්මදූත ව්‍යාපාරය ද අද වැනි දිනක ආරම්භ වූවකි.


මේ අවස්‌ථාව වන විට උරුවෙල් කාශ්‍යප, නදී නාශ්‍යප, ගයා කාශ්‍යප යන ජටිල සොහොයුරෝ තිදෙනා කණ්‌ඩායම් වශයෙන් ගෙන තපස්‌ ක්‍රම කියා දෙමින් සිටියහ. බුදුරදහු එහි වැඩ නොයෙක්‌ විදියේ ප්‍රාතිහාර්ය දක්‌වා ඔවුන් දමනය කොට බුද්ධ ශ්‍රාවකයන් බවට පත් කළ සේක. ඔවුන් දමනය කොට වදාළේ ද ඉල් පුර පසළොස්‌වක්‌ පොහෝදාය.


බුද්ධ නියමය පරිදි පෙර වස්‌ විසීමට නොහැකි භික්‍ෂූන්ට පසු වස්‌ විසුමට නොහැකි භික්‍ෂූන්ට පසු වස්‌ සමාදන්ව අවසානයෙහි පවාරණ කිරීම අද වැනි ඉල් පොහෝ දිනට යෙදේ.


බුදුන් දවස සම්බුද්ධ ශාසනයෙහි වගකිව යුතු උත්තමයකු වූ සැරියුත් මහ රහතන් වහන්සේ ඉතා ගුණවත් උතුමෙකි. මුන් වහන්සේට චුන්ද, උපසේන, රේවත යයි සහෝදරයන් තුන් දෙනෙක්‌ හා චාලා, උප චාලා, සිසුපචාලා යන සහෝදරියන් තිදෙනෙක්‌ ද සිටියහ. ඔවුහු භික්‍ෂු ශාසනයෙහි භික්‍ෂුණී ශාසනයෙහි පැවිදිව තම ජීවිත වාසනාවන්ත කරගත් අතර සම්බුදු සසුනෙහි උන්නතියට මහඟු සේවයක්‌ කළා. එහෙත් සැරියුත් මාතාව "සාරි බැමිණිය" මිසදිටු තැනැත්තියකි. ඇයද බෞද්ධ උපාසිකාවක්‌ බවට පත් කළාය. සැරියුත් මහ රහතන් වහන්සේ සිය ගෙදරදීම පිරිනිවන් පා වදාළසේක.

වතුරුවිල හේමාලෝක හිමි

පසු සටහන.

“ඉල්” යන වචනය සිංහල භාෂාවෙන්ම ප්‍රභවය වූ වචනයකි. 

හීල – සීතල යන අර්ථය ගෙන දෙයි. 

වස්‌සාන කාලය අවසන් වී සීතල කාලය හෙවත් හේමන්ත සෘතුව ආරම්භ වන්නේ ඉල් මාසයේදීයි.

A day in the life

Read More

අපත් නොදනිමු අප යන මාවත.

දේශපාලනය අනතුරුදායක විෂයයක් බවට පත්වෙමින් තිබෙන්නකි..
විරුද්ධමතදාරීන් අමු අමුුවේ ප්‍රසිද්ධියේ මරාදමනු ලැබේ.
චෝදනා ඉදිරිපත් කරන පාර්ශව නඩුත් අසා අවසාන තීන්දුව දඩුවමද ප්‍රකාශයට පත් කරති.
දඩුවම බොහෝ සෙයින් රාජ්‍ය නායකයාගේ අත්සනින් පමනක් අනුමතවිය යුතු මරණ දඩුවමට සමාන වේ.
වෙනස එල්ලා මැරීම නොව ප්‍රසිද්ධියේ වෙඩි තබා ඝාතනය කිරීමයි.
මෙකල සුලභ චෝදනාව වන්නේ පාතාලයට සම්බන්ධ ක්‍රියාකාරකම් කලා යයි ප්‍රකාශයට පත්කිරීමයි.

අපි යන්නේ කොයි පාරේ...............?.

අපිම නොදනී.

මීදුම කියන්න හිතා ගත්තේ සුප්‍රසිද්ධ කතාවකි අපිි ඒ කතාවට යොමුවෙමු.
ප්‍රයිස් ගැන සදහන් කිරීමට පෙර පුලිට්සර් හදුන්වා දීමත් වැදගත් වන්නකි.
ජෝෂප් පුලිස්ටර් මාධ්‍යවේදියා උපත ලබන්නේ වර්ෂ 1847 අප්‍රේල් 10 වන දින හංගේරියාවේදීය.
ඔහුු ුජර්මන් රෝමානු කතෝලික ආගමිකයෙකි.
පියා යුදෙව් සම්භවයක් සහිත ධනවත් ධාන්‍ය වෙළෙන්දෙකි . ජර්මන් සහ ප්‍රංශ භාෂාවෙහි චතුර කථිකයෙකු වූ පුලිස්ටර් ඉංග්‍රීසි භාෂාව කථිකත්වයෙහිලා දැක්වූයේ අපූරු දක්ෂතාවයකි.
1912 වසරේ පුලිස්ටර්ගේ වියෝවෙන් අනතුරුව කොලොම්බියානු විශ්වවිද්‍යාලය විසින් ප්‍රථම වරට එනම් 1917 දී මාධ්‍යවේදීන් සඳහා පුලිස්ටර් සම්මානය ලබා දීම ආරම්භ කරන්නේ ජෝෂප් පුලිස්ටර් නම් අද්විතීය මාධ්‍යවේදියා සිහි කිරීම උදෙසා ය. මෙම ත්‍යාගය ලේඛන කලාව හා පුවත්පත් කලාව වෙනුවෙන් පිරිනමන ඇමරිකානු සම්මානයකි.

1981 දී පුලිට්සර් සම්මානය දිනා ගැනීමට සමත් වූයේ ලැරී සී ප්‍රයිස් හටය.

ලයිබීරියාව යනු අප්‍රිකානු කලාපයේ ඇති අස්ථාවර රටකි.

වරින් වර සිදුවන හමුදා කුමන්ත්‍රණ , අරාජික දේශපාලන වාතාවරණයන් නිසාම බොහෝ විට ලොවේ දුෂිතම රටවල් වලින් එකක් ලෙස වර්ග කර ඇත.

1980 දී එරට පාලනය කල William R. Tolbert විලියම් ආර් ටෝල්බර්ට් ගේ රජය කුමන්ත්‍රණයකින් පෙරලා දැමීමට එරට හමුදාවේ නිලධාරියෙකු වූ සැමුවෙල් ඩොයි ඇතුළු තවත් දහ අටදෙනෙකුගෙන් සමන්විත හමුදා ජුන්ටාව සමත් විය.

කුමන්ත්‍රණය සිදු කල දිනයේම ජනාධිපති විලියම් ආර් ටෝල්බර්ට් ඇතුළු රජයේ ප්‍රධානීන් 28 දෙනෙකු වෙඩි තබා ඝාතනය කළේය. බොහෝ දුෂනයන්ගෙන් පිරී ගිය විලියම් ආර් ටෝල්බර්ට් ගේ පාලනය එරට ජනතාවගේ උදහසට හා පිළිකුලට භාජනය වී තිබුණි.

කුමන්ත්‍රණයෙන් අනතුරුව සැමුවෙල් ඩොයි ගේ ප්‍රධානත්වයෙන් පිහිටවූ දුෂිතයින්ට එරෙහිව ක්‍රියාත්මක වූ අධිකරණයෙන් බොහෝ පිරිසක් වරදකරුවන් බවට පත් විය. එරට දියමන්ති විකුණා ලැබූ අති විශාල ධනස්කන්ධයක් සොයාගන්නා ලද්දේ රජයේ මැති ඇමතිවරුන්ගේ නමින් තිබු රහස්‍ය බැංකු සේප්පු විවෘත කරමින්ය.

රටේ ජනතාව ඉතා දුක්ඛිත ජීවිත ගත කරද්දී , එරට දේශපාලනයේ කෙරුමන් අති සුඛෝපභෝගී ජීවිත ගතකර තිබුණි. නඩු විභාගය අවසානයේදී වරදකරුවන් වූ එරට රජයේ ඇමෙතිවරුන් 13 දෙනෙකු හට මරණ දඬුවම නියම කෙරුණි.

එරට අගනගරය වන මොන්රාවියා වීදි දිගේ මහජනතාවට පෙනෙන සේ වට ගණනාවක් රැගෙන විත් අවසානයේදී මුහුදු බඩ ප්‍රදේශයකදී ඔවුන් කණුවල ගැටගසනු ලැබීය . ඉන් අනතුරුව දහස් සංඛ්‍යාත ජනතාව බලා සිටියදී වෙඩි තබා මරා දමන ලදී.

එම අවස්ථාවේ ලැරී සී ප්‍රයිස් විසින් මෙම ඡායාරුපය ගනු ලැබීය.

සටහන - Pradeep Peiris  ගේ

වියමනක්    ඇසුුරෙනි.

(මුල් හිමිකරුගෙ කතෘ අයිතිය සුරකින්න)

A day in the life

Read More

මරාදැමූ තේ වගාවේ පියා.

.
මම ජේම්ස් ටේලර් ඉපදුනේ ස්කොට්ලන්තයේ දුප්පත් පව්ලක අපිට කුඩා ගොවිපලක් තිබ්බා ඒකෙන් යන්තම් ජීවිතේ ගැටගහගෙන යන්න පුලුවන් උනා
මගේ පියා හොද ගොවියෙක් ඔහු තමා මට අලස නොවී මහන්සිවී වැඩකිරීම සහ විනයක් ඇතිව වැඩකිරීම මට පුරුදු පුහුණු කලේ
අපේ දුප්පත්කම නිසා වෙන්න ඇති මම ලැබුවේ මූලික අධ්‍යාපනයක් විතරයි උසස් අධ්‍යාපනයක් මට ලබන්න බැරි උනත් මම හොද මහන්සිවී වැඩකරන්නෙක් බවට පත්වුනා.
"ඉතිං කොහොමද ඔබ ලංකාවට ආවෙ"
මට මතක විදිහට ඒ 1852 අව්රුද්ද සිලෝන් යටත්විජිත ආංඩුව සහ වැවිලි සමාගම් හොද ශක්තිමත් තරුණ සේවකයින්ව සොයමින් හිටියා ලංකාවේ කෝපි වතු පරිපාලනය කිරීම සදහා මමත් ඕකට ඉල්ලුම් කලා ඉතින් සම්මුඛ පරීක්ශනවලින් අනතුරුව මාව තෝරාගත්තා එතකොට මම වයස දාසයක ශක්තිමත් තරුණයෙක්
එතකොටත් මට වගාව ගැන හොද දැනුමක් තිබුනා
මම ලංකාවට එනකොට මට වයස දාහතක් ලූල්කඳුර වතුයායට තමයි මම ආවෙ එතකොට ඒක අයිතිවෙලා තිබ්බෙ බ්‍රිතාන්‍යට අයිති කෝපි වගාකරන කොම්පැනියකට
මම රැකියාව පටන්ගත්තේ සහකාර වතු අධිකාරීවරයා වශයෙන් ටික කාලයක් යනකොට මගේ වගාව පිලිබද දැනුම කැපවීම සහ අවංකභාවය නිසා මගේ කරමත ටිකින් ටික ගොඩාක් වගකීම් පැවරෙන්න ගත්තා
මම ලූල්කඳුරට ආවට පස්සෙ මේ ප්‍රදේශය එක්ක මම ආත්මීයව බැඳුනා ඇත්තටම මෙච්චර ලස්සන රටක් මම සිහිනෙකින්වත් දැකල තිබ්බෙ නෑ ඔය මගේ ගේ කෑල්ල තිබ්බ තැන පිටිපස්සෙ තියන ගල් පර්වතය උඩට නැග්ගම පේන දර්ශනයම ඇති මේ රටේ නවතින්න.
"ඉතිං ඊටපස්සෙ මොකද උනේ ටේලර් මහත්මයා"
1860 දී දිලීර රෝගයක් නිසා ලංකාවේ කෝපි වගාව සම්පූර්ණයෙන්ම විනාශවෙලා ගියා
ගොඩාක් කෝපි වතුහිමියෝ විශාල පාඩු ලබමින් බංකොලොත් භාවයටත් පත්වුනා සෑහෙන වැවිලිකරුවන් පිරිසක් කෝපිවතු අතඇරල ආපහු ලන්ඩනයට ගියා
මට මේ රටදාල යන්න හිතුනෙ නෑ මේක තමයි මගේ රට ඉතිං මම තනියම උත්සාහකලා කෝපි වෙනුවට වෙනත් වැවිල්ලක් ආදේශ කරන්න පුලුවන්ද කියල මගෙ ඔළුවට ආවෙ තේ
"ඉතින් වැවිලි සමාගමේ නිලධාරීන් ඒකට ඔබතුමාට සහයෝගය දුන්නද"
ඔවුන් මට පර්‍යේශනය සදහා වතුයාය පාවිච්චිකරන්න ඉඩදුන්නා උදව්වට කුඩා සේවක පිරිසකුත් දුන්නා ඔවුන්ට එච්චර ලොකු බලාපොරොත්තුවක් තිබ්බෙ නෑ ඒ ගැන
මම ඉන්දියාවෙන් තේ ඇට ගෙනල්ලා මෙහෙ පැල කරල පර්‍යේශන කරල 1867 දී අක්කර දහනමයක ප්‍රථම වානිජයමය තේ වත්ත පටන්ගත්තා ඒක මේ කටින් කියන තරම් ලේසිවැඩක් උනේ නෑ
මම ප්‍රාථමික දේවල් උපයෝගී කරගෙන පොඩි තේ ෆැක්ටරියකුත් හැදුවා පස්සෙ
1872 දී මම ලොකු තේ කර්මාන්ත ශාලවක් ඉදිකෙරුවා මගේම රෝලින් ක්‍රමයක් මම භාවිතා කලා තේ කොල නිපදවන්න
අන්තිමේ 1873 දී මං හදපු තේ ලංඩනයට ගියා එතන ඉදන් තමයි මුලු ඉතිහාසෙම වෙනස් උනේ මගේ තේ ලංඩනයේදී ඉහලම ඇගැයීමට ගෞරවයට පාත්‍ර උනා
එදා තමයි කෝපිවගාව ඉවරෙටම ඉවරවෙලා ඒ වෙනුවට ලංකාවේ තේ වගාව සදාකාලික වෙන්න අඩිතාලම වැටුනේ.
"ඉතිං ඉතිං ඊට පස්සෙ මොකද උනේ"
මම හදපු පලමු තේ තොගය වික්කේ ලන්ඩන්වල වෙලෙන්දන්ට
වැඩිකලක් ගියේ නෑ 1880 දී අද කව්රුත් දන්න එකල හොද ව්‍යාපාරිකයෙක් වෙච්ච තෝමස් ලිප්ටන් මහත්තයා ලංකාවට ආව
ඔහුට ඕනෙ උනා ඉතා උසස් තත්වයේ තේ කොල නිශ්පාදකයාගෙන්ම මිලදීගෙන වෙලඳපලට දාන්න
ඔහු ලූල්කඳුර වතුයායට ආපු වෙලාවෙ තමයි මාව මුණගැහුනේ ඔහු මම නිශ්පාදනය කරපු තේ දැකල පුදුම උනා ඒව ඔහු බලාපොරොත්තු උන තත්වයටත් ඉහලින් තිබ්බා
"මම අහල තියනවා තෝමස් ලිප්ටන් ඔහුගේ ලිප්ටන් නම යටතේ ලංකාවෙ තේ අලෙවිකරන්න තීරණය කලේ ඔබගේ තේ වල ඉස්තරම් බව ඔබගේ දැනුම සහ කැපවීම ගැන විස්වාසය තියල කියල"
"එහෙම වෙන්න ඇති මොකද ඔහුට ඕනෙ උනේ උසස්ම තේ."
තෝමස් ලිප්ටන් සිලෝන් ටී ලිප්ටන් නමින් වෙළඳපොළට දැම්මට පස්සෙ තමයි හරියටම විප්ලවය සිද්ද උනේ ලංකාවෙ තේ ලෝකයේම බබළන්න ගත්තා.
"ඒකෙ මූලාරම්භකයා ඔබයි ටේලර් මහත්මයා"
"හරි දැන් මට කියන්න ඇයි බ්‍රිතාන්‍ය වැවිලි කරුවන් සහ යටත්විජිත පාලකයින් ඔබව නොසලකා ඇරියේ විශේශයෙන් ඔබ සේවය සපයපු ලූල්කඳුරේ පාලනාධිකාරිය.. ඔවුන් ඔබට කරපු හිරිහැර මිනිසත්කමටත් නිගාවක් ...ඇයි එහෙම උනේ"
ප්‍රධානම හේතුව මම ඔවුන්ට මෙරට පුරවැසියෙක් ලෙස පෙනීම ඒ මම ප්‍රදේශයේ සිංහල දෙමළ අය එක්ක මිතශීලී වීම ඔවුන්ට කාරුණිකව සැලකීම සහ ඔවුන් පෙරලා මට කල ගෞරවය
ඉංග්‍රීසි වැවිලිකරුවන් ඉහල පංතිවලින් ආපු අය ඔවුන් ළඟ ජාතිවාදයත් තිබුණා මම ඉංග්‍රීසි ජාතිකයෙක් නෙමෙයි මම දුප්පත් පව්ලකින් පැවතෙන ස්කොට්ලන්ත ජාතිකයෙක් ඉතින් මම ලංකාවේ තේ වගාවේ පුරෝගාමියා කියල හඳුන්වන්න ඔවුන්ට ඕනෙ උනේ නෑ ඔවුන්ගේ බලය එක්ක බලනකොට මම ඉතා පොඩි ඔවුන්ගේ සේවකයෙක් විතරයි
"ඔබට සිංහල දෙමළ භාශා කතාකරන්න හැකි බවත් ජීවත් උනේ මෙරටේ වැසියෙක් විදිහට බවත් කෑවෙ බිව්වෙ මෙරටේ කෑම බවත් අසා තිබෙනවා ඒක ඇත්තද"
ඔව් ඒ නිසාත් ඔවුන් මාව පිලිකුල් කලා මම සේවකයින්ට මෘදු වැඩී කියල ඔවුන් චෝදනා කලා ඔවුන්ට ඕනෙ උනේ මිනිස්සුන්ගෙන් වහල්ලු වගේ වැඩගන්න විතරයි කිසිම සැලකීමක් කලේ නෑ මම කරුනාවන්ත වැඩි බවට ඔවුන් චෝදනා කලා
මම ඉංග්‍රීසි ජාතිකයෙක් නොවුන නිසා මාව මහත්මයෙක් වගේ නෙමෙයි නිකම් සේවකයෙක් ලෙසයි ඔවුන් දැක්කේ
"ඔබට කිසියම් බලපෑමක් කරන්න බැරි උනාද ඔබයි තේ වගාව ආරම්භ කලේ ඔවුන් සියල්ල ආදායම් උපද්දවන්න ගත්තෙ ඔබනිසා"
"වැඩක් නෑ මහත්මයා මම තේ වගාව ආරම්භ කලාට මට ඒකෙ අයිතියක් නෑ. මම වතුසමාගමේ සේවකයෙක් උනා පමණයි මට පේටන්ට් එකක් නෑ මම මේ මුලු තේ රාජධානියම ගොඩනැගුවත් නීත්‍යනුකූලව මට සත පහක් අයිති උනේ නෑ අඩු තරමේ තේ වගාවේ ආරම්භකයා කියන තත්වය දෙන්නවත් තේ වගාකරුවන් හෝ ඉංග්‍රීසි යටත්විජිත ආංඩුව උනන්දු උනේ නෑ.
ටික කාලයක් යනකොට මුලු උඩරට කදුකරයම තේ වලින් වැහිල යද්දී තේ විශාල ආදායම් උපදවන වගාවක් බවට පත් උනා ඔන්න එතකොට විශාල කොම්පැනි මේ තරගකාරී වෙළඳාමට ආවා ලංඩන්වල ධනවත් ආයෝජකයෝ උඩරට වතුයායවල් මිලදීගෙන හැමදේකම පාලනය අතට ගත්තා ඔවුන්ට මගෙන් වැඩක් නැතුව ගියා මේ වගේ විශාල ආදායමක් සහ කීර්තියක් තියන ව්‍යාපාරයක ගෞරවය ඔවුන් අකමැති ස්කොටිශ් සේවකයෙකුට දෙන්න ඔවුන් කැමති උනේ නෑ"
"අවසානයේ ඔබට වතුයායෙන් ඉවත්වෙන්න බලකරල පසුව ඔබව රැකියාවෙන් දොට්ට දාපු බව තමයි මම අහල තියෙන්නෙ"
ඔව් මම මේ සුන්දර රටට ආවට පස්සෙ මගේ නියම මව්බිම මේක කියල මට දැනුනා මම මේ රටේ මිනිස්සු එක්කයි හිටියේ.. මගේ හම සුදු උනාට මමත් දුප්පත් පව්ලක මිනිහෙක් මම සිංහල දෙමළ මිනිස්සු විදින දුක දැක්කා මම ඔවුන්ට කරුණාවන්ත උනා ඉතින් වතු පරිපාලනය මට චෝදනාකලා මම සේවකයන්ට මෘදුව කරුනාවන්තව සැලකීම නිසා අනිත් වතු පරිපාලකයෝ ඔවුන්ව සූරාකන බව ඔවුන් හිතනවා කියලා
මිනිසුන් සමග මගේ තිබ්බ සබඳතාවය ඔවුන් රිස්සුවේ නෑ ඒක ඔවුන්ට අනතුරක් ලෙසයි ඔවුන් දැක්කෙ
"ඔබ සේවකයන්ගේ සුභසාධනය ගැන සොයාබැලූබවත් ඔවුන්ට වැඩ කිරීමේදී විවේකයක් දුන් බවත් සාධාරන වැටුපක් ඔවුන්ට ලැබිය යුතුබවත් මානුශීයව වැඩකිරීමේ අවස්ථාවක් ඔවුන්ට ලැබිය යුතුයැයි සිතූ බවත් එමනිසා ඉංග්‍රීසි පාලනාදිකාරය ඔබ සමග උරන වූ බව අසා තිබෙනවා එය ඇත්තක්ද?"
ඔව් අනිත් වැවිලිකරුවන් සහ යටත්විජිත අදිකාරීවරුන්ගේ ක්‍රමය උනේ ඔවුන්ව දැඩිව සූරාකමින් දැඩි පාලනයකින් තබාගන්න මම ලෙඩ වෙච්ච අයට සනීපවෙනතුරු විවේකයක් දුන්නා,පිරිසිදු ජලය සහ ආහාර ඔවුන්ට ලබාදෙන්නැයි ඉල්ලීම් කලා මම කිසිදා ඔවුන්ව නරක විදිහට මෙහෙයවෙව්වෙ නෑ ඔවුන් මත මිනිසෙකුට නොකලැකි අදික වැඩ පැටෙව්වෙත් නෑ ඔවුන් අතර වෙච්ච ආරවුල් කතාකරල විසදුවේ කිසිම දඬුවමක් නොකර හැබැයි ගොඩාක් වැවිලිකරුවෝ කලේ මේකෙ අනිත්පැත්ත ඔවුන්ට මාව එපා උනා
ඔවුන් නිතරම කිව්වේ
"සේවකයින් පාලනය කල යුතුයි ඔවුන්ට කරුනාවෙන් නොසැලකිය යුතුයි"
ඒත් මම කිව්වේ
ප්‍රීතිමත් සේවකයින් හොදම තේ නිශ්පාදනය කරන බවයි
ඔවුන්ගේ ක්‍රමය වහල් ක්‍රමයක් උනා මම ඊට එරෙහිව ගිය නිසා මට අවසානේ මේ කරදරවලට මූණදෙන්න සිද්ද උනා
මම විස්වාස කලා ලාභය සම්පූර්ණයෙන්ම ලන්ඩන් සමාගම්වලට පමනක් නොයා යුතුබවත් සේවකයින්ට ගරුත්වයක් සහ සාධාරන ජීවිතයක් ලැබිය යුතුබවත් වතුයායක් යනු එක් සමාජයක් මිස ෆැක්ටරියක් නොවන බවත් සහ නිශ්පාදන ඉලක්කවලට වඩා මිනිසුන් වැදගත් බවත්.
ඉතින් ඔවුන්ට මාව පෙනුනේ විප්ලවකාරයෙක් වගේ ඔවුන්ට ශ්‍රමය කියනදේ හරි ලාභ දෙයක් වෙලා තිබ්බෙ මම ශ්‍රම සූරාකෑමට එතරම් කැමති උනේ නෑ
"ඉතින් ඔබේ මිතුරා තෝමස් ලිප්ටන්ටවත් බැරි උනාද ඔබට පිහිටක් වෙන්න"
ඔහු උත්සාහ කලා ඒත් විශාල බලයක් තිබූ වැවිලි කරුවන් ඔහු කියනදේට සවන් දුන්නෙ නෑ අනෙක් අතට ලංකාවෙ තේ නිසා ඔහු ලෝකේ කීර්තිමත් කාර්‍යබහුල පුද්ගලයෙක් බවට පත් උනා ව්‍යාපාර මුදල් කීර්තිය මැද ටිකින් ටික ඔහුටත් මාව අමතක උනා"
"ඒ කියන්නෙ ටේලර් මහත්තයා.. තේ හැමෝටම ධන උල්පතක් වෙද්දි ඒක පාදපු ඔබව කාටත් අමතකවෙලා ගියා"
ඔව් එහෙම උනා අන්තිමට ඔවුන් මට ලිපියක් එව්වා මට සියලු දේ බාරදීල වතුයායෙන් ඉවත්වෙන්න කියල මම සේවකයින්ට මෘදුලෙස කරුණාවන්ත ලෙස සැලකීම ආයතනයට ගැටලු ඇතිකරන බවට ඔවුන් මට නිතරම චෝදනා කලා
මගේ මුලු ජීවිතයම කඩාවැටුන වගේ උනා මගේ ජිවිතයම උනේ මේ වතුයාය මගේ ජීවිතය දියකලේ මේකට මේ මගේ මව්බිම මම ලංකාවට ආපු දා ඉදං කිසිදාක ආපහු මගේ රටට ගියේ නෑ..
ඉතිං මං කොහේ කියල යන්නද?
මම ජීවත් වෙච්ච බංගලාව නැවත බාරදෙන ලෙසත් වතු අධිකාරී තනතුරෙන් ඉවත්වෙන ලෙසත් තේ කර්මාන්තශාලාවේ කටයුතු අත් හරින ලෙසත් එම ලිපියෙන් නියෝග කොට තිබුණා හතලිස් වසරක් මා කල සේවයට ස්තූති කිරීමක් හෝ එහි තිබුණේ නෑ.
මට කරන්න කිසිදෙයක් තිබ්බෙ නෑ විශාල ඉංග්‍රීසි කොම්පැනි එක්කවත් යටත්විජිත රජය සමගවත් හැප්පෙන්න මට පුළුවන්කමක් තිබ්බෙ නෑ
"ඉතින් ඔබ මොකද්ද කලේ ඊට පස්සෙ'
ඔක්කොම අතහැරල මම ලූල්කඳුර වතුයායෙ මායිමක තියන පුංචි ගේ කෑල්ලක පදිංචියට ගියා මට වැටුපක්වත් කිසිදෙයක් ලැබුනෙ නෑ අන්තිමට ඉංග්‍රීසි වතු පාලනය විසින් ලංකාවෙ මම තේ වගාව පටන්ගත්ත වතුයායට ඇතුල්වීම පවා මට තහනම් කලා ...
හදවත ඊයම්බරු එල්ලුවාක් මෙන් බරවී මගෙ දෙනෙතට කඳුලු කැට දෙකක් ආවෙ මටත් නොදැනීමයි....ඉතින් එතනින් එහාට මම ඔහු එක්ක කතාකරන්න ගියේ නෑ....
ඔහුව සේවයෙන් පහ කරල අව්රුද්දකට විතර පස්සෙ 1892 මාර්තු මස 2 දා ලූල්කඳුර වතුයායේ මායිමක ඉදිකළ කුඩා ගේ කෑල්ලක ඔහු මිය යන්නෙ ඉංග්‍රීසීන් විසින් අතහැර දැමූ කිසිවක් හිමි නැති අන්ත දිලින්ඳෙක් ලෙසයි එවකට ඔහු 57 වැනි වියේ පසු උනා..
ඉංග්‍රීසි වතු පාලනාධිකාරිය විසින් තම නිවසින් පන්නාදැමීමෙන් ඇතිවූ ආතතිය නිසා වෙහෙසට පත්වීමෙන් ඔහුගේ රෝග තත්වය උත්සන්නවී ඔහු මියගොස් තිබෙනවා
ඔහු වැඩිපුර කතා නොකල පරිසරයට ආදරය කල නිහඩව සිටීමට ප්‍රියකල පූජකයෙකුමෙන් තම දිවිය ගතකළ තැනැත්තෙක් බව ප්‍රසිද්ද කරුනක්.
අවසාන කාලෙ ඔහුගේ හිතවත් සිංහල දෙමළ සේවකයින් ඔහුව රැකබලාගත්ත බවත් ආහාර පිළියෙළ කොට දුන් බවත් ඔහු හා ඇසුරට වතු පාලනාධිකාරිය විසින් සේවකයින්ට බදා පමුණුවා තිබුණත් ඔවුන් ඔහුට කලහැකි සත්කාර සියල්ල කල බවත් සදහන්.
ඉංග්‍රීසි පාලනාධිකාරිය ඔහුගේ මරණය ගනන් ගත්නේවත් නැහැ
ඔහු මියගියාට පසු ඉංග්‍රීසින් විසින් ඔහුගේ මරණය පිලිබදව කිසිම නිල නිවේදනයක් ගෞරවයක් හෝ උත්සවයක් පවත්වනු ලැබුයේ නැහැ
ඔහුගේ අවංමගල්‍යයට සේවකයින් සහභාගීවීම පවා පාලනාදිකාරියවිසින් වළක්වනු ලැබුවා
අවසන මේ උතුම් මිනිසාට ආදරය ගෞරව දැක්වූ සිංහල සහ ද්‍රවිඩ මිනිසුන් විසින් ඔහුගේ දේහය මහයියාව සුසානභූමියට රැගෙනගොස් අවසන් කටයුතු සිදුකොට තිබෙනවා ඔහුගේ සේවකයින් විසිපස්දෙනෙකු මාරුවෙන් මාරුවට ඔහුගේ දේහය ලූල්කඳුරේ සිට නුවර මහයියාව දක්වා සැතපුම් දහ අටක් (29 කිලෝමීටර් )කරමතින් රැගෙනගොස් ඇති අතර උදෑසන ලූල්කඳුරෙන් පිටත්වූ ඔවුන් මහයියාවට එනවිට සවස හතර පමණවී තිබෙනවා
මළසිරුර සකස් කිරීම මිනීපෙට්ටිය සෑදීම සියල්ල කරනු ලැබූයේ ඔහුට ආදරය කල සේවකයින් විසින්මයි වැවිලි සමාගම වෙනුවෙන් හෝ යටත්විජිත රජයෙන් හෝ කිසිදු නිලධාරියෙකු ඔහුගේ අවසාන කටයුතුවලට සහභාගීවී නැහැ ඔහුගේ දේහය මහයියාවේ සුසාන භූමියේ මිහිදන්කලබව වාර්තා ඇතත් ඔහුගේ දේහය වලදැමූ නිශ්චිත ස්ථානයක්වත් සොයාගැනීමට නැහැ කිසිදු වාර්තාවක එය සදහන් කොට නැහැ
ඉංග්‍රීසීන් කොතරම් තුච්චලෙස ඔහුට සැලකුවේදයත් ඔහුගේ මරණය පිලිබද උත්සවයක් තබා වාර්තාවක් හෝ ඔවුන් විසින් තබා නැහැ
ඉංග්‍රීසින්ට අවශ්‍ය වූයේ ඔහුගේ නම ඉතිහාසයෙන් මකා දැමීමටයි..
මේ රටට මේ රටේ මිනිසුන්ට ආදරය කල ඒ නිසාම ඉංග්‍රීසීන්ගේ වෛරයට පාත්‍රවූ අද පවා රටට ආදයම් ලබාදෙන රටට කීර්තියක් අත්කොට දුන් තේ වගාව ආරම්භ කල ඒ මිනිසාට ඉතිහාසයේ හිමි නියම තැන හිමිවනුයේ ලංකාවට නිදහස ලැබීමෙන් පසු ලංකා ආංඩුවක් යටතේ වීම විශේෂත්වයක්.
ටේලර්ගේ මරණයට සුලුකලකට පෙර ස්කොට්ලන්තයේ ඔහුගේ මිතුරෙකුට ලියූ ඔහුගේ අවසන් ලිපිය ඔහු ලියන්නේ යටත් විජිත වතු අදිකාරීවරයෙකු ලෙස නොව ලංකාවට ගැඹුරින් ආදරය කල මිනිසෙකු ලෙසය.
එහි කොටස් කිහිපයක් මෙසේ දැක්විය හැක.
"මගේ කිසි තරහක් නෑ වෙහෙසට පත්වීමක් පමණයි තියෙන්නෙ මොකද අස්වනු නෙළන අය දන්නෙ නෑ කව්ද වැපුරුවේ කියල"
"ඔවුන් මගෙන් මගේ නිවස උදුරාගත්තා
නමුත් මේ රටට මගේ ඇති ආදරය උදුරාගන්න ඔවුන්ට බැහැ"
"ස්කොට්ලන්තය මට උපත දුන්නා නමුත් මට ජීවය දුන්නෙ ලංකාව"
"ලෝකෙ කොහේවත් කඳු ලංකාවෙ තරම් කොලපැහැනැහැ ලෝකෙ කොහේවත් උදෑසනවල් ලංකාවෙ තරම් නැවුම් පිරිසිදු නෑ"
"මෙහි මිනිසුන් සරල වගේම උනුසුම් හදවත් ඇතියවුන් මම ඔවුන්ගෙන් ලැබූ කරුණාව මගේ රටේ මිනිසුන්ගෙන් නොලැබුයෙමි"
"මෙහි සියලුම තේ වතු මට තාත්ත කෙනෙකුට දරුවෝ වගේ..මම ඒවෙනුවෙන් ජීවිතයම දීල තියනවා පෙරලා මට කිසිවක් නොලැබුනත් මට සාමකාමී ජීවිතයක් ලැබුනා"
දිනෙක ලූල්කඳුර වතුයායට යන්න ඔහු අවසන් කාලය ගතකළ කුඩා නිවෙසේ නටඹුන් සහ ඔහු බීමට ජලය ගත් කුඩා ලිද ළඟ මොහොතක් ගතකොට ඊට පිටුපසින් ඇති ගල්තලාවට නැග ඔහු ඉතා ප්‍රියකල දර්ශනය නරඹන්න
හොද හුස්මක් ගන්න මොහොතක් දෑස්පියාගන්න ඔබ ඔහුව දකිනු ඇත.
@highlight

© Dhammika Wickramaarachchi

A day in the life

Read More

ගෝඨාභය

ගෝඨාභය සැබෑ නායකයෙක් ද?.....

නායකත්වය ගැන මම අහලා තියෙන හොඳම කියමන තමයි “You're not really a leader until you've lost.” “ඔබ පරදින තුරු ඔබ සැබෑ නායකයෙකු නොවේ.” මේක මම ඇහුවේ The Core නමැති විද්‍යා ප්‍රබන්ධ චිත්‍රපටයේ දෙබසක. මේ කියන්නේ කුමක්ද? මේ වැකියෙන් කියවෙන ගැඹුරු අර්ථය කුමක්ද?
අපි සාමාන්‍යයෙන් හිතන්නේ හැම වෙලාවෙම දිනන කෙනා තමයි නායකයා කියලයි. එහෙම තමයි අපව කුඩා කල ඉඳලා හදන්නේ. පන්තියේ පළමු වැනියා තමයි නායකයා. ක්‍රීඩා පිටියේ දුවලා දිනන කෙනා තමයි නායකයා. කථික තරගවලින් දිනන කෙනා තමයි නායකයා. ඒ නිසා සමාජයේ බොහෝ අය හදන්නේ කොහොම හරි දිනන්න. ආයතනයේ ලොක්කා වෙලා දිනන්න. ජනප්‍රියම නළුවා වෙලා දිනන්න. 

නමුත් ඒ දිනනවා කියන්නේ පුද්ගලික දෙයක්.

මේක තේරුම් ගන්න පුළුවන් සරත් ෆොන්සේකා කියන චරිතය දෙස බැලීමෙන්. ඔහුම නිතරම කියන හැටියට ඔහුට ඕනා හැම වෙලාවෙම දිනන්න. ඔහු කිසිසේත්ම පරදින්න කැමති කෙනෙකු නොවෙයි. අද වනවිට සම වැහැරුණු මහල්ලෙකු වුවත් ඔහු ඉතාම තරගකාරියි. ඔහුට වැදගත් වෙන්නේ එකම දෙයයි. ඒ තමයි ඔහුගේ පුද්ගලික දිනුම. ඔහු කතා කරන්නේ “මම”, “මම” සහ “මම” ගැනම විතරයි. සරත් ෆොන්සේකා වැරදිලා හරි ජනාධිපතිව සිටි අවස්ථාවක ඊනියා අරගලය වගේ දෙයක් වුනා නම් මේ රටට කුමක් වෙලා තියෙයිද කියා අපට හිතා ගන්න පුළුවන්. 

මට මතකයි ෆොන්සේකා කිසියම් අවස්ථාවක කියනවා යාපනයේ හිරවී සිටි හමුදා කණ්ඩායමක් මුදවා ගැනීමට ගෝඨාභය සහ ඔහු කළ මෙහෙයුම ගැන.
ඔහු එහිදී කියනවා ගෝඨාභය සහ ඔහු එකල සමාන නිලයේ හමුදා නිලධාරීන් හැටියට එකිනෙකා අතර තරගයක් තිබුණාය කියා. ගෝඨාභය ඉදිරියට යනකොට ඊට නොදෙවෙනිව ෆොන්සේකාත් ඉදිරියට ගිය හැටි ඔහු කියනවා. ඒ තමයි අර දිනන්න තියෙන දැඩි උවමනාව. තරගකාරී ස්වභාවය. 

ඒකත් අවශ්‍යයි. 

නමුත් අර හිරවෙලා ඉන්න මිනිස්සු බේරා ගන්නවාට වඩා ඒ බේරාගැනීම තමන් විසින් කිරීමෙන් ලබන දිනුම තමයි එතැනදී ඉස්මතු වෙන්නේ. අර චිත්‍රපටයේ සංවාදය පටන් ගන්නේ “Being a leader isn't about ability. It's about responsibility.” “නායකයෙක් වීම යනු හැකියාව පිලිබඳ දෙයක් නොවෙයි. එය වගවීම පිලිබඳ දෙයක්.” යුද්ධයේ අවසාන සටනට ඒ දෙන්නාම නැවත සම්බන්ධ වීම අහම්බයක් නොවන කර්ම විපාකයක්. ෆොන්සේකා යුද්ධය දිනනවා. ගෝඨාභය යුද්ධය අවසාන කරනවා.

ගෝඨාභයටත් දිනන්න ඕනෑකම තියෙනවා. ඔහුත් පරදින්න කැමති කෙනෙකු නොවෙයි. නමුත් වර්ෂ 2015 න් පසුව මා නිරීක්ෂණය කළ දෙයක් තමයි ඔහුගේ ඒ කෙසේ හෝ තමන් දිනන තරගකාරී ගතිය ක්‍රමයෙන් අඩුවෙලා පරිණත මිනිසෙකු බවට පත්වෙන ආකාරය. ජීවිත කාලයක් ලද මහා අත්දැකීම් සහ පතපොත කියවීමෙන් ලද දැනුම වගේම ඒ සියල්ල දෙස නිවී හැනහිල්ලේ අවලෝකනය කිරීම එයට හේතු වන්නට ඇතැයි මා සිතනවා. මිනිහෙක් වයසට යනකොට තමයි ඒ රිෆ්ලෙක්ෂන් එක කරන්න නිදහස ලැබෙන්නේ. 

ගෝඨාභය රාජපක්ෂ ජනරජයේ ජනපති වීමට වඩාත්ම සුදුස්සා කියා මා එදා කීවේත් අද කියන්නෙත් ඒ ප්‍රත්‍යක්ෂ අවබෝධය මතයි. මොකද කෙසේ හෝ දිනන ස්වභාවය තියෙන කෙනෙකු රාජ්‍යයක නායකයා වීම ඉතාම භයානක දෙයක්. අවස්ථාව පැමිණි විට තමා පරදින තීරණය ගන්න බැරි නම් ඔහු සැබෑ නායකයෙකු නොවෙයි. 

මොකක්ද ඒ තීරණාත්මක අවස්ථාව?

ඊනියා අරගලය මුලදී හෝ මැදදී හෝ අගදී හෝ හමුදා බලය යොදා පාලනය කළා නම් එය නොනවතින භීෂණ රැල්ලක් බවට පත් වෙනවා. එහෙනම් මේ රට දැන් අමු සොහොනක්. ඒකම තමයි ජවිපෙ/පෙසප, කාඩිනල් සහ කොටි ඩයස්පෝරාව ඇතුළු වෛරයෙන් පිරුණු සතුරාටත් ඕන වුණේ. ඒ අවබෝධය තියෙන්නේ එවැනි ව්‍යසනයක් සැබැවින්ම අත්විඳපු අයට පමණයි. 87/89 අවිචාර සමය විකසනය වූ ආකාරය ගැන ගෝඨාභය මහතා මා සමග පැය ගණන් කතා කරලා තිබෙනවා. පොහොට්ටුවේ ආවේගශීලී අපරිණත ඇතැමුන් හරි ලේසියට කියනවා “ගහන්න තිබුණා” කියා. නමුත් පරිණත මනුස්සයාට පේනවා එහි විපාකය. සැබෑ නායකයාට එතැනදී ගන්න වෙනවා ඉතාම අපහසු තීරණයක්. 

අර චිත්‍රපටයේ අභ්‍යවකාශ යානාව පදවන කැප්ටන් කියන්නේ “You've got to be ready to make the shitty call.” කියලයි. “ඉතාම අපහසු තීරණය ගැනීමට ඔබ සූදානම්ව සිටිය යුතුයි.” කියලා ඔහු කියන්නේ ඔහුගේ තරගකාරී දෙවැනියට.

ධූරයෙන් නික්ම යෑම ඉතාම shitty call එකක්. අතිශය බරපතල තීරණයක්. ඒක ඔහුගේ හැකියාව ගැන ප්‍රශ්නයක් ඇති කරනවා කියා ඔහු දන්නවා. නමුත් නායකත්වය කියන්නේ හැකියාව නොව වගවීම පිලිබඳ දෙයක් කියාත් ඔහු දන්නවා. ඒක ගෝඨාභය රාජපක්ෂට පුද්ගලික පැරදුමක්. නමුත් ගෝඨාභය දන්නවා ඒකෙන් ඔහු ආදරය කරන ඔහුගේ රටට වෙන්න යන මහා විනාශයක් ඔහු වළක්වනවා කියා. 

ඒක තමයි ඔහුගේ අර තීරණාත්මක “අවස්ථාව”. ආත්මාර්ථය වෙනුවට පරාර්ථය අවශ්‍යම කරන අවස්ථාව. තමන්ගේ තීරණය විසින් ජීවිත බේරා දෙන මිනිසුන් ඒ බව නොදැන තමාට “දුර්වලයා” කියා බනින බව දැන දැනත් ඔවුන් වෙනුවෙන්ම අපහසුම තීරණය ගන්න වෙන අවස්ථාව.

ඒක තමයි ගෝඨාභය “සැබෑ නායකයා” වුණ අවස්ථාව...

රුක්මාල් සමරකෝන් මුණු පොතට.
- උපුටා ගැනීමකි

Read More

උරහිස ඉදිරිපස කටුවකින් අනිනවා ද ?.

උරහිස ඉදිරිපස කටුවකින් අනිනවා වැනි වේදනාවක් ඔබ අත්විද තිබේද?
එම වේදනාව හිරිවැටීම සමග අතදිගේ ගමන් කරනවාද?
බොහොවිට උරහිස් වේදනාව සමග අපට අසන්නට ලැබෙන පොදු රෝගය වන්නේ Frozen Shoulder හෙවත් උරහිස් සන්ධියේ කැප්සියුලය ප්‍රදාහයට පත්වීම යන තත්වයයි. උරහිස් වේදනාව සදහා ප්‍රතිකාර කිරීමට යෑමේදී ස්නායු තෙරපීමක්, බෙල්ලේ කශේරුකා අතර වෙනස්කම් වැනි නොයෙකුත් හේතු ඉදිරිපත් වෙයි. නමුත් ඔබගේ උරහිස් වේදනාවට හේතුවන එතරම් ප්‍රසිද්ධ නැති රෝග තත්වයක් ලෙස Bicipital tendinitis හැදින්විය හැකිය.
Bicipital tendinitis යනු බයිසෙප් මාංශ පේශි වල කණ්ඩරාව ප්‍රදාහය නිසා ඇතිවන වේදනාවයි. එය බොහෝ විට වසර ගණනාවක සිට ඔබ නිරතවන්නා වූ පුණරාවර්ත ක්‍රියාකාරකම් වලින් සිදුවූ කුඩා ඉරීයෑම් හෝ වෙනත් පිරිහෙන වෙනස්කම් වල ප්‍රතිපලයක් ලෙස ඇතිවිය හැකි නමුත් හදිසි තුවාලයක්/ අනතුරක් නිසාද විය හැකිය.
ඔබට එය දැනෙන්නේ කෙසේද?
ඔබ ඔබගේ උරහිස උරහිස් මට්ටමට උඩින්, පිටුපසට හෝ ඔබේ සිරුර හරහා ගෙනියන විට විට ඔබේ උරහිසේ ඉදිරිපස තියුණු වේදනාවක් ඇතිවීම.
ඔබේ උරහිසේ ඉදිරිපස ස්පර්ශ කිරීමේදී ඇති මුදු මොළොක් බව හා වේදනාව
බෙල්ල දෙසට හෝ අතෙහි ඉදිරිපසින් පහළට යොමුවූ විය හැකි වේදනාව
උරහිස් සන්ධිය වටා ඇති දුර්වලතාවය, සාමාන්‍යයෙන් වස්තූන් එසවීමේදී හෝ රැගෙන යන විට හෝ ඉහළට ළඟා වන විට අත්විඳිය හැකිය
චලනය සමඟ උරහිස ඉදිරිපස අල්ලා ගන්නවා මෙන් දැනීම.
බෝලයක් විසි කිරීමේදී,ඔබේ කමිසය ගැලවීමේදී ඔබේ පිටුපසට ළඟාවීම හෝ උඩිස් කැබිනට්ටුවක පිඟන් කෝප්ප දැමීම වැනි දෛනික ක්‍රියාකාරකම් වල දුෂ්කරතා
ඇතිවීම.
එය හඳුනා ගන්නේ කෙසේද?
ඔබ මුලින්ම ඔබේ භෞත චිකිත්සකවරයා වෙත ගිය විට, චිකිත්සකවරයා ඔබේ වෛද්‍ය ඉතිහාසය සමාලෝචනය කර, ඔබේ උරහිස් තත්ත්වය විස්තර කිරීමට ඔබෙන් ඉල්ලා සිටින අතර, ඔබේ උරහිස සහ ඉහළ කඳ පිළිබඳ සවිස්තරාත්මක ශාරීරික පරීක්ෂණයක් සිදු කරයි. ඔබේ භෞත චිකිත්සකවරයා සංවේදීතාව, චලිතය, ශක්තිය සහ නම්යතාවය වැනි විවිධ ක්‍රියාමාර්ග තක්සේරු කරනු ඇති අතර ඔබේ වේදනාවට හේතු වන ක්‍රියාකාරකම් කෙටියෙන් සිදු කිරීමට ඔබෙන් ඉල්ලා සිටිය හැකිය.
ඔබේ භෞත චිකිත්සකවරයා විසින් වේදනාකාරී බවක් පෙනෙන්නට තිබෙන ඔබගේ උරහිස මත විවිධ ප්‍රදේශ සොයාගැනීම කරනු ඇත. ඔබේ උරහිස් වේදනාවට දායක විය හැකිද යන්න තීරණය කිරීම සඳහා ඔබේ බෙල්ල සහ කොන්දේ ඉහළ පිටුපසට වන්නට ඇති අනෙකුත් ප්‍රදේශ ද පරීක්ෂා කරනු ලැබේ.
බයිසෙප් ටෙන්ඩිනයිටිස් රෝග විනිශ්චය සඳහා Xray/ එක්ස් කිරණ හෝ MRI වැනි රූපකරණ ක්‍රම සාමාන්‍යයෙන් අවශ්‍ය නොවේ. කෙසේ වෙතත්, ඔබේ භෞත චිකිත්සකවරයා ඔබේ උරහිසේ වෙනත් තත්වයන් ඇති බවට සැක කරන්නේ නම්, වැඩිදුර පරීක්ෂණ සඳහා ඔබව විකලාංග වෛද්‍යවරයකු වෙත යොමු කරනු ඇත.
මෙම තත්වය වළක්වා ගත හැකිද?
උරහිස් වේදනාව ඇති කරන පුනරාවර්තන පොදු කාර්ය වලින් වළකින්න. ඔබේ රැකියාව හෝ ක්‍රීඩාව සඳහා ඔබ මෙම ක්‍රියාකාරකම් කළ යුතු නම්, ඔබේ උරහිස වැඩිපුර වැඩ කිරීමෙන් වළකින්න, එය නිසි ලෙස විවේක ගැනීමට කාලය වෙන් කරන්න.
ඔබේ ඉරියව්ව පරීක්ෂා කරන්න. උරහිස, බෙල්ල සහ පිටුපසට දිගු වේලාවක් දුර්වල ඉරියව්වක රඳවාගෙන සිටින විට තුවාල වීමේ අවදානම පවතී
ඔබේ ශරීරයෙන් බර වස්තූන් එසවීම හෝ රැගෙන යාමට උරහිස භාවිතා කිරීමෙන් වළකින්න. භාණ්ඩ ශරීරයට සමීපව තබා ගන්න, හැකි සෑම විටම බර වස්තුවක් රැගෙන යාම සඳහා අත් සහ අත් දෙකම භාවිතා කරන්න.
උරහිස් සන්ධියට අදාල මාංශ පේශි ඇදීමේ ව්‍යායාම වල නිරත වන්න.
ඉහත උපදෙස් අනුගමනය කිරීමෙන් සතියකට පසු වේදනාවෙහි වෙනසක් සිදු නොවන්නේ නම් භෞත චිකිත්සකවරයකු හමුවීම යෝග්‍යවේ.

Kasun Basnayake

MSc. Physiotherapy

BSc.Physiotherapy (Hons)

Dip.Exercise and Sports SciencesPhysiotherapist (Sri Lankan Medical Council Registered)

University Hospital KDU

SLMC Reg No : 1066

day in the life

Read More

පරසතු මල්

'බටහිර අහසේ රතු සිත්තම්         මැකුණාවේ
දෙනිපෙත හඬන හිරියා මල්         පිපුණාවේ
මා ආදරය දුටු බව නොම             හැඟුනාවේ
මා නැති කලෙක සිත් සුවඳක්     දැනුනාවේ'

කවිය මෙතරම් සංවේදීව හදවත තුළට දැනෙන්නට , එය ලියූ නිර්මාණ කරුවා මොනතරම් කලාකාමි රසවතෙක් විය යුතුද?.කලාව යනු රසයකි. රොණට ඇදෙන බඹරෙකු සේ කලාවට ඇදෙනුයේ එහී ඇති රසය නිසාමය.

බොනී මහත්තයා කලාවට ඇලුනේ පමණද ඉක්මවාය. කලාවෙන් ඔබ්බට ඇත්තේ මධු මීවිතයි, ඉන් පසු ස්ත්‍රියයි, එතැනිනුත් ඔබ්බට ශෘංගාරයයි. ඔමාර් කායිම් ගේ දර්ශනය බොනී මහත්තයාටද අනුගත වූවකි. 'කවිය, සිංදුව, ගැහැනුන්ගෙ තොල් පට වලට , වයින් වලට ජීවීතේ වුනත් දෙන කෙනෙක් මම' කියා වරක් බොනී මහත්තයා සිරිසේනට කීවේ එසේ අනුගත වූ නිසාය. ඔහුට එහී ඇලී ගැලී සිටින්නට හැකි වුයේ ඔහුගේ ආර්ථීක පසුබිමයි. ආර්ථීකව ඔහු සවිමත් නොවුනා නම්, ඔමාර් කායිම් ගේ දර්ශනය තුළ ඔහුට නිදහසේ, රිසිසේ හැසිරීමට නොහැක.

 
⁣පි.කේ.ඩී.සෙනවිරත්න බොනී මහත්තයාගේ වෘත්තාන්තය ලියා, තිරනාටකයකට පරිවර්තනය කර භාර දුන්නේ ලෙස්ටර් ජේම්ස් පීරිස්ටය. බොනී මහත්තයා ලෙස්ටර්ට නොගැලපුනා නොව, එය චිත්‍රපටයකට නගන්නට කාල වේලාව සොයා ගැන්මට ඔහුට නොහැකි විය.
ගාමිණී ෆොන්සේකාව මෙය අධ්‍යක්ෂනය කිරීමට නිර්දේශ කළේ ලෙස්ටර්ය. ඩේවිඩ් ලීන්ගේ 'ද බ්‍රිජ් ඔන් ද රිවර් ක්වායි' වැනි දැවැන්ත චිත්‍රපටයක සහය අධ්‍යක්ෂකවරයෙකු ලෙස තිබූ පලපුරුද්ද නම් ගාමිණිට චිත්‍රපටයක් අධ්‍යක්ෂනය කිරීමට හිසටත් උඩින්ය. 

මෙහි මුදල් යොදවන චිත්‍රා බාලසූරියට හා රචක පී.කේ.ඩී.සෙනවිරත්නට මෙම මැදිවියට එළඹෙන බොනී මහත්තයාගේ චරිතය කලයුතුව තිබුනේ එවකට තාරුණ්‍යය යේ පසුවන ගාමිණී ෆොන්සේකාමයයි, එක පයින් කියා සිටියහ. ආනන්ද ජයරත්නව බොනී මහත්තයාගේ චරිතයට ගාමිණී විසින් තෝරා ගත්තද,පී⁣.කේ.ඩී. හා චිත්‍රාගේ බල කිරීමට ගාමිණී බොනී මහත්තයා විය.

ඇත්තටම මේ බොනී කව්ද?. 

ගාමිණී මෙය අධ්‍යනය කරන්නට විය. ඔහුට මෙහි බොහෝ රස තැන් අසුවුනි. ඒ රසතැන් අමුතුවෙන් උද්දීපනය කරන්නට ගාමිණීට අවශ්‍ය වූයේ නැත. හේතුව, ගාමිණීගේ මුළු සිරුර පුරාම දුව ගියේ රසය නිසාය. කවිය, ගීතය, සංගීතය, චිත්‍රය, ප්‍රේමය, ආදරය පමනක් නොව ශෘංගාරය ද නොඅඩුව ගාමිණීගේ ඇඟ තුල ගබඩා වී තිබුණි. පි.කේ.ඩී. මැවූ බොනී මහත්තයා ගේ සත්‍ය ප්‍රතිරූපනය තිබුණේ ගාමිණී තුලමය. එහෙයින් ගාමිණීට තම මුල්ම අධ්‍යක්ෂනයෙදී මේ අභියෝගය ගන්නට සිදුවිය. 

ඒ බොනී මහත්තයාගේ චරිතය රඟපාමින් මෙය අධ්‍යක්ෂණය කිරීමය.

මැදිවියට එළෙඹී එන බොනී විවාහයක් නොකර, තනිකඩව විසුවේ අර ඔමාර් කායිම්ගේ දර්ශනයේ ඇලී ගැලී සිටින්නටය. හැම දිනම එම නිවස තුල සංගීත සාජ්ජයන්ය. මධු මීවිත ගලා යයි. ස්ත්‍රී පහසද නොඅඩුවේ. කොටින්ම බොනී යනු සල්ලාලයෙකි.
එහෙත් අධ්‍යක්ෂක ගාමිණී ෆොන්සේකාට බොනීව පෙනුනේ, මේ සල්ලාලයා ඇතුලත තවත් චරිත කීපයක්ය. ඔහු බොනී තුලින් දර්ශණවාදියෙක් දුටුවේය. සෞන්දර්යවාදියෙක් දුටුවේය. උසස් සංගීත රසවින්දකයෙක් දුටුවේය. එමෙන්ම ඉහල තලයේ කලාකාමියෙක් දුටුවේය.

 එහෙයින් බොනී සල්ලාලයෙක් වූවද අර ඉහත කී චරිතාංගයන් බොනී තුලින් ඉස්මතු වන්නට ගාමිණී ඉඩ හැරියේය. එම චරිත තැනින් තැනින් ඉස්මතු වී අර සල්ලාල බොනීව යටපත් වන්නට උත්සහ දැරීය.

පී.කේ.ඩී. සෙනවිරත්න ගේ තිරනාටකය තුලින් ගාමිණී, පි.කේ.ඩී.ට වඩා බොහෝ දේවල් දුටුවේය. බොනීගේ හදවත කොනක සැගවී තිබූ ගැඹුරු ප්‍රේමනීය වූ ආදරය, පි.කේ.ඩීට වඩා හඳුනා ගත්තේ ගාමිණීය. බොනී කමලාට පුදන්නට තැත් කළේ ඒ ආදරයයි. චිත්‍ර ශිල්පියෙකු ලවා කමලා, කලයක් උකුලේ තබාගෙන යන දර්ශනය, සිතුවම් කර ගත්තේ, අර ප්‍රේමනීය වූ ආදරය නිසාය. කමලාගේ පෙම්වතා වූ සිරිසේනව කමලාගෙන් වෙන් කරවන්නට, හැකි හැම උප්පරවැට්ටියක්ම බොනී දැම්මෙ අර ප්‍රේමනීය වූ ආදරය නිසාය. 

ඒ ආදරය මැගීට වත්, නෝනෙටවත්, අන් ස්ත්‍රියන්ටවත් තිබුණේ නැත. අධ්‍යක්ෂක ගාමිණී ෆොන්සේකා ට පී.කේ.ඩීගේ තිරනාටකයට එහා ගිය මිනිසුන්ගේ නහර වලට කාවදින සියුම් තැන් හසුවුනේ එලෙසය. 

"පෙම්වතුන්ගේ ලෝකය" ගාමිණී ෆොන්සේකා අතින් චිත්‍රපටයකට නැගෙන්නට ගියේ ඔය අයුරිනි. අන්සතු වන්නට තිබු තරුණියකට හිත යන මෙම කථා වස්තුවට, "පෙම්වතුන්ගේ ලෝකය" යයි පී.කේ.ඩී. නම් කෙරුවද, එහී මොකක්දෝ නොගැලපෙන බවක්, චිත්‍රා බාලසූරිය, ගාමිණී, ලයනල් අල්ගම මෙන්ම පී.කේ.ඩීටද වැටහුණි. මොවුන් මානවසිංහව සොයා ගෙන ගියේ කුමක් හෝ විසඳුමක් දෙනු ඇතැයි විශ්වාස කරමිනි. මානවසිංහට මොවුන් චිත්‍රපටයේ කථාව කීය. මේක කියවෙන්නෙ අන්සතු වෙන තරුණියක් ගැන. අපි මේකට පරසතු කියා දාමු යැයි මානවසිංහ කියනවිට ලයනල් අල්ගම 'මල්' කියා වචනයක් එකතු කළේය.
පෙම්වතුන්ගේ ලෝකය එළෙස "පරසතු මල්" බවට පරිවර්තනය විය.

 
තම බංගලාවට ගමේ සිටින රූමත් තරුණියන්ව ⁣ බොනී මහත්තයා විසින් ගෙන්වා ගන්නේ බංගලාව සුද්ධ පවිත්‍ර කර ගැන්මටය. ඉන්පසු ඔවුන්ව යහනට කැඳවා ගැනීමේ තියරිය බොනී මහත්තයා දනී. දරුවෙකු පිළිසදෙන්නට ලක්ෂණ පහලවූ පසු, ඔහුගේ ඈත වතුවල මුර කරුවන්ට, නොඑසේ නම් ඔහු යටතේ වැඩ කරන කෙනෙකුට විවාහ කරදී එයින් ගැලවීමට බොනී මහත්තයා දක්ෂය. නමුත් ඔහුට ගැලවීමක් නොමැති වූයේ නෝනෙ ගෙන්ය. නෝනේ දරු ගැබත් සමඟම බොනී මහත්තයාගේ නිවසේ බලෙන්ම බින්න බැස්සාය. එය බොනී මහත්තයාට මුලින් ප්‍රශ්නයක් වූවද, පසුව ඔහු එය තුරුම්පුවක් ලෙස පාවිච්චි කරන්නට උත්සහා කළේය. 

ඒ සිරිසේන හා කමලා වෙනුවෙනි.

නෝනෙ බොනී මහත්තයාගේ තියරියට අහුවූ කෙනෙකි. එහෙත් නෝනේ එසේ අහුවුනේ උවමනාවෙන්ම යයි සිතේ. මුලු ගමම බොනි මහත්තයා කව්දැයි දන්නා විට,එම ගමේ ජීවත්වෙන නෝනෙ නොදැන ඉන්න විදහක් නැත. තනියෙන් බොනී මහත්තයා සිටින බංගලාවට යෑම, හුඹසේ නයා ඉන්න බව දැන දැන අත දානවා වගේ වැඩක්ය. නෝනේට සැලැස්මක් තිබූ බවක් පෙනුණි. ඒ බොනී මහත්මයාගේ අතින් අනාථ වී, දරු ගැඹක් හදාගෙන එය හේතුවක් කර ගෙන එහී බින්න බැස කවදා හෝ බොනීගේ 'ඔෆීෂියල්' බිරිඳ වී මේ විශාල වූ දේපල වලට අයිතිය කීමටය. එහෙත් බොනී මහත්තයා ඊට වඩා කට්ටය. ඔහු බැලුවේ කුරුල්ලෝ දෙන්නෙක්ව එක ගලකින් විනාශ කිරීමටය.

 
බොනී මහත්තයාගේ බංගලාවේ රැජිණ වීමට නෝනේ උත්සහ කරන විට, තම බංගලාවට කමලාව ගෙනත් රැජිණක් කිරීමට බොනී මහත්තයා සිහින මවන්නට විය. නෝනෙගෙන් තම සිරුරේ රාගය පිරිමසා ගත්තද, තම හදවත සෙනෙහසින් පුරවන්නට හැක්කේ කමලාට බව බොනී ⁣දැනගෙන සිටියේය.
නෝනෙ ගැබ්බර වූ පසු එය සිදුවුයේ සිරිසේනගේ අතින් බව ඒත්තු ගන්වන්නට බොනී උත්සහ ගත්තේ එයින් බොහෝ ප්‍රශ්න විසඳෙන නිසාය. බොනී මහත්තයා තමාව කරකාරෙට නොගන්නා බව සක්සුදක්සේ දැනගත් නෝනේ, බොනීගේ දෙවනි 'ඔප්ෂන්'එකට හිත යොමු කළාය. ඒ බොනීගේ වතුවල සුපවයිසර් වරයෙකු වූ සිරිසේනව බොනී විසින් තමන්ට පැටලවීමය. ඒ 'ඔප්ෂන්' එකත් නරකම නැතැයි නෝනෙට සිතුනි. හේතුව, සිරිසේනගේ කඩවසම් තාරුන්‍යයයි. සිරිසේන කමලාගේ පෙම්වතා බව දැනගත්තද, බොනීගේ කීමට සිරිසේන යටත් වන බව නෝනේ දැන ගතී. අන්අතකට බොනී ගැසූ 'ප්ලෑන්' එකෙන් සිරිසේනට පිට පනින්නට බැරි වන බවද නෝනේට වැටහුණි.

නෝනේ ගේ දරු ගැඹ ඇතිවුනේ සිරිසේන නිසා යයි, බොනී හා නෝනෙ විසින් මුලු ගමේම පතුරුවා හරින්නට සැලැස්සීමෙන් ඔවුන් බලාපොරොත්තු වූ අපේක්ෂාවන් කීපයක් ඉටු කර ගන්නට බොනී උත්සහ ගතී. මෙය කණ වැකුණු පසු කමලා සිරිසේනව සඳහටම අත්හරින බවත්, කමලාගේ දෙමාපියන් කිසිසේත් කමලාව සිරිසේනට නොදෙන බවත් බොනී මහත්තයා සක්සුදක්සේ දැනගති.

එලෙසම එය හේතුවක් කරගෙන බොනීට කමලාව විවාහ කරගැන්මට මග පාදා ගත හැකි බවක්ද බොනී දැන ගෙන සිටියා පමණක් නොව, ඔහු කමලාගේ ගෙදරට ⁣විවාහ යෝජනාවද ඉදිරිපත් කළේය. සතාගේ තරම දන්නා කමලාගේ පියා කීවේ මගෙ කෙල්ලව කෑලි කපලා ගඟක, මුහුදක දැම්මත් බොනී මහත්තයට නම් දෙන්නේ නැති බවය.

මේ අතර, නෝනේද නොයෙක් අයුරින් සිරිසේනගේ සිත දිනා ගැන්මට හැකි හැම උත්සහයක් ගත්තද, ඒවා ව්‍යවර්ථ විය. මුළු ගමම මෙම කථාව විශ්වාස කරද , සිරිසේන අතින් මෙවැනි දෙයක් කිසිදු දිනයක සිදු නොවන බව කමලා දැඩිව විශ්වාස කිරීම,හේතුවෙන් නොනේ ගේ හා බොනීගේ 'ප්ලෑනය' බකල් වන්නට විය. නෝනෙට, බොනී මහත්තයාගේ නිවස තුලම, දරුවා ප්‍රසුත කරන්නට සිදුවිය. ඒ දරුවාගේ පියා බොනී මහත්තයා වූවද, එය 'ඔෆීෂියල්' නොවූ හෙයින් නෝනේගේ දරුවාට පියෙක් නොවිය.

'අතට වළලු මං කොහෙන්         සොයම්දෝ
පයට ගිගිරි මං කොහෙන්         සොයම් දෝ
ඉනට හවඩි මං කොහෙන්         සොයම් දෝ
දුවට මවක මිස පියෙකු             කොහින්දෝ'

කමලා එක හඬින් තම දෙමාපියන්ට සිරිසේනගේ නිර්දෝෂභාවය ⁣ඔප්පු කළද, ඇගේ දෙමාපියන් සිරිසේන නිර්දෝෂ බව පිළිගන්නට කැමති වූයේ නැත. මෙයින් සිරිසේනත්, කමලාත් වැටුනේ විශාලවූ උකතෝටික ප්‍රශ්නයකටය. එලෙසම සිරිසේනත් කමලාත් තම ජීවිතයන් විනාශ කල බොනී මහත්තයාට සාප කළෝය.
කමලාව නොලැබෙන බව දැන දැන වුවද බොනී මහත්තයා කමලාට දැඩිව ආදරය කරන්නට විය. බොනී මොන තරම් වලත්තයෙක් වූවද, ඔහු සිතනා අන්දමට මේ ඔහුගේ සිතේ පිළිසිදී තිබෙන්නේ පිරිසිදු ආදරයකි. මෙතෙක් කල් ස්ත්‍රීන් ගනනාවක් ඇසුරු කළද, කමලාට බැඳී මෙවන් වූ ආදරයක් කිසිදිනෙක ඔහුගේ සිතේ ඇතිවූයේ නැත. එහෙත් එය තමා සතු කරගැන්ම⁣ට නොහැකි වී ඇත.

පී.කේ.ඩී.සෙනවිරත්න මෙම කථාව තුළින් කියා පෑ හරය එයයි. එය අධ්‍යක්ෂක ගාමිණී ෆොන්සේකා මනා ලෙස අවබෝධ කරගෙන තිබුණි. ඔහු චිත්‍රපටය උච්ච අවස්ථාවට ගෙන ආවේ මෙතැන් සිටය. එතෙක් සල්ලාලයෙක්, සුරා සොඩෙක්, වී සිටි බොනී මහත්තයා, ප්‍රේමවන්තයෙක් වූයේය. චිත්‍රයට, කවියට, උසස් ගීතයට, සංගීතයට ඇළුම් කළ මේ මිනිසාගේ එකී හැඟුම් සමුද්‍රය එළියට ආයේ මේ ප්‍රේමවන්තයා හරහාය. ආදරය යනු කිම, එය නොලැබෙන විට දැනෙන වේදනාව කිම, යනු බොනී මහත්තයාට වැටහුණේ කමලාගෙන් ඔහුව ප්‍රතික්ෂ්‍යප වූ පසුවය. 

බොනී සිතුවේ තමාගේ මුදල් වලට බලයට, තත්වයට සියල්ලම ගත හැකි බවය. එහෙත් ඒ කිසිවකටත් බොනීට කමලාගේ ආදරය ලබා ගත නොහැකි විය. 

බොනී මහත්තයාගෙ හදවත ඇතුලාන්තය ප්‍රේම විප්පයෝගයෙන් ඉකිබිඳින්නට විය.
"සඳකත් පිණි දිය, දියවී ගලනා
සීතල කඳු අතරේ-හද ගොළුවී ඉකි බිඳ
ඔබ හඩනා හඩ-මා සවනේ පෑදේ
නිසංසලේ රෑ අහසේ-
නිසං"සලේ රෑ ඝන බොල් අහසේ

මිළාන වූ බොල් එළියේ-
ඔබේ නුවන් මිණිපහන් නැගී
ඇවිලේ මා දැසේ "

ඒ බොනී මහත්තයාගේ ⁣ආත්මීය රාවයයි. 

නමුත් ඔහුට නොකැළැල්ව එය ඒ අයුරින් පිටාරය කිරීමට නොහැක්කේ ඔහු කැළැල් වූ චරිතයක් හෙයින්. අධ්‍යක්ෂක ගාමිණී ෆොන්සේකත්, රංගන ශිල්පී
ගාමිණී ෆොන්සේකාත් මේ බොනී මහත්තයාගේ ආත්මීය රාවය මෙන්ම, කැළැල් වූ පෞරුෂත්වයත් හොද හැටි හඳුනා ගෙන තිබුණි.

 
බොනී මහත්තයා, මානසීකවත්, ශරීරිකවත් වැහැරෙන්න පටන් ගත්තෙත්, තව තවත් සුරාවට ගිජු වන්නට පටන් ගත්තේද මෙතැන් සිටය. එයින් ඔහු රෝගී විය. නෝනේ තමාට බොනී මහත්තයාගෙන් වූ අකටයුතු වලට,බොනී මහත්තයාට රිඳවන්නට පටන් ගත්තේද මෙතැන් සිටය. අවසනයේ බොනී , නෝනෙගෙන් බොන්නට වතුර ටිකක් හෝ ඉල්ලුවද ඇය එය නොදෙන තත්වයට පත්වන්නට තරම් දරුණු විය.

 
කමලාගේ දෙමාපියන් හමුවී සිරිසේනගේ නිර්දෝෂ භාවය කියා කමලා හා සිරිසේනගේ විවාහය නැවත සකස් කිරීම තමාගේ යුතුකම බව බොනී මහත්තයාට ලෙඩ ඇඳේ සිටම සිහිව්ය. ඔහු ලෙඩ පිටින්ම කමලාගේ නිවසෙට ගොස් ඒ යුතුකම ඉටු කළේය. එයින් පසු කමලා හා සිරිසේන තම දෙමාපියන් නෑදෑ හිත මිතුරන් සමඟ විවාහයට ලෑස්තිවූ අතර, බොනී මහත්තයා ලෙඩ ඇදේ තම මරණය එනතෙක් බලා සිටියේය.

නෝනේ ඔහුව අතහැර ගියාය. එය සාධාරණය. නෝනේ තම ආත්මයත්, ශරීරයත් බොනී මහත්තයා වෙනුවෙන් උගසට තිබ්බද, ඇයට අවජාතක දරුවෙක් හැරෙන්නට ඔහුගෙන් ලැබුණු දෙයක් නැත.

මැගීවද බොනී මහත්තයා විසින් අනාථ කෙරුවද පසුව ඇයව තම වත්තක වැඩ කරන මුරකරවෙකුට විවාහ කර දුන්නෙ ඉඩ කඩම් සහිතවය. මැගී කවදත් බොනීට පක්ෂපාත වී සිට්යාය. නිවසේ බොනීගේ සෙවනැල්ල මෙන් සිටි සේවක අමාරිස්ද මැගී මෙන්ය. මොන දේ සිදුවුනද, ඔවුන් දෙදෙනා, බොනී මහත්තයාගේ හදවතේ සැගවී තිබූ නොකිලිටිවූ තැන් හඳුනා ගෙන තිබුණී. ඔවුන් බොනී මහත්තයාව අත් නොහැරියේ ඒ නිසාය. රජෙක් මෙන් හිත මිතුරන් පිරිවරාගෙන සිටි බොනී මහත්තයාගේ අවසාන මොහොතේ ඔහු සමඟ සිට්යේද මැගී හා අමාරිස් පමණී.

සල්ලාලයෙකුගේ ආත්ම විවරනයක් වූවත්, මෙම කථාව තුළ බොහෝ සිනමාත්මක අහු මුලු ඇති බවක් ගාමිණී ෆොන්සේකා දුටුවේය.
'කවියට, සින්දුවට, ගැහැනුන්ගේ තොල් පට වලට, වයින් වලට මම ජීවිතය වුනත් දෙන මිනිහෙක්' කියා බොනී මහත්තයා සිරිසේනට එදා කී දෙය චිත්‍රපටයේ තේමාව විය. බැලූ බැල්මට ඒ තේමාව තුල අශ්ලීය බවක් දැනුනද, බොනී මහත්තයා යනු කලාවේ, රස, ගැඹුර හඳුනා ගත් පුද්ගලයෙක් බව ගාමිණී ෆොන්සේකාට වැටහුණී. ඔහු තම සිනමා භාෂාව මෙහෙය වූයේ ඒමංතීරුවේ සිටය. 

ලංකාවෙ බිහිවූ හොඳම චිත්‍රපට 10ට "පරසතුමල්" එකතු වූයේ ගාමිණී විසින් පී.කේ.ඩී.ගේ ⁣තිර රචනයේ බොනී මහත්තයාව හොඳ හැටි හඳුනා ගත් නිසාය.
චිත්‍රපටයට ලංකාවේ සිටි දක්ෂතම නළු නිළි කැලක් එක් විය. බොනී මහත්තයා වූ ගාමිණී ෆොන්සේකා සමඟ ටෝනී රණසිංහ සිරිසේන ලෙසින්ද, ඩී.ආර් නානායක්කාර අමාරිස් ලෙසින්ද, පුණ්‍යා හීන්දෙණිය කමලා ලෙසින්ද, අනුලා කරුණාතිලක නෝනෙ ලෙසින්ද, සිරිමති රසාදරී, මැගී ලෙසින්ද එක්විය.
ජෝ අබේවික්‍රම, ශාන්ති ලේඛා, එස්.ඒ.ජේම්ස්, නෙල්සන් කරුණාගම, විජේරත්න වරකාගොඩ, ඩී.ඒ.බාලසූරිය, ප්‍රැන්සිස් පෙරේරා, බන්ධු ගුණසේකර,චම්පා ලියනගේ, ෂෙල්ටන් පෙරේරා, සෙසු චරිත රඟපෑහ.
සුමිත්ත අමරසිංහ අද්විතීය ලෙස කැමරාව හැසිරීය. ටයිටස් තොටවත්ත සංස්කාරක වරයාය. ලයනල් අල්ගමගේ සංගීතයට, මහගම සේකර ලියූ ගීත ගැයුවේ ඩබ්.ඩී.අමරදේව,හා සුජාතා අත්තනායකය.

 
1967 වසරේ සරසවිය සම්මාන උළේලදී, පී.කේ.ඩී සෙනවිරත්න හොඳම තිරනාටකය ලෙස ද, ගාමිණී ෆොන්සේකා හොඳම නළුවා ලෙසද 'පරසතු මල්' වෙනුවෙන් සම්මාන ලැබීය. මතකයේ හැටියට පරවනු මල් වල සුවඳ අතීතේ" ගීතය ගැයූ සුජාතා අත්තනායක එම උළෙලදී හොඳම ගායිකාව වූවාය.

'පරසතු මල්' චිත්‍රා බාලසූරියගේ නිශ්පාදනයකි. එය තිරගත කිරීම ආරම්භ කළේ 1966 සැප්තැම්බර් 26 වන දිනයේදීය.

-ශෝන් මැක්ස්මස් දිසානායක

-A day in the life

Read More

මනසින් පරාජය නොවන්න.

එක්තරා දාර්ශනිකයෙකුට..රජු විසින් පළමු මට්ටමේ තනතුරක් ලබා දීම ගැන පුද්ගලයෙක් කනස්සලු වූ වේ ය.
එම තනතුර ඔහුට වඩා තමන්ට සුදුසු බව සිතුවේ ය.....,
රජු හෙළා දුටු ඔහු තමා ඔහුටත් වඩා ඒ සඳහා සුදුසුකම් ඇති බව රජුට කියා සිටියේය...
රජු තමා පත් කල දාර්ශනිකයාට වඩා ඔහු දක්ෂ බව ඔප්පු කිරීමට ක්‍රමයක් ඉල්ලා සිටියේය, එවිට ඔහුට එම පදවිය පිරිනැමිය හැකි බව කිව්වේ ය..
,"මම ඔහුට වස දෙන්නමි, ඔහු මට වස දෙයි.., තමාට ප්‍රතිකාර කරගන්නා දෙදෙනාගෙන් අයෙකු එම පදවියේ හිමිකරු වනු ඇත."

දාර්ශනිකයා එයට එකඟ විය..,
රජු දින හතළිහකින් සටන සඳහා දිනයක් නියම කළේය.
දාර්ශනිකයා ශක්තිමත් මිනිසුන් තිදෙනෙකු ගෙනැවිත් අනෙක් පුද්ගලයා ඉදිරියේ සෑම දිනකම භාජනවලට වතුර වත් කර ඒවා තලා දමන ලෙස නියෝග කළේය!
නිර්දේශ කළ දින, දාර්ශනිකයා තම ප්‍රතිවාදියා දුන් විෂ පානය කලේ ය. ඔහු කහ පැහැයට හැරී උණ වැළඳුණි. කෙසේ වෙතත්, ඔහු පැයක් ඇතුළත සුවය ලැබීය!
පසුව දාර්ශනිකයා තම ප්‍රතිවාදියාට වස බෝතලය ලබා දුන්නේය, එය මිනිසුන් දින හතළිහක් ඔහු ඉදිරියේ ගණන් කරමින් සිටියේය .
එය පානය කළ විට, ඔහු මිය ගියේය!
එවිට දාර්ශනිකයා රජුට මෙසේ පැවසීය.
"මම ඔහුට බොන්න දුන්නේ නැවුම් වතුර පමණයි,
මම ඔබ ඉදිරියේ එයින් පානය කර පෙන්වන්නම්...!
මගේ රජතුමනි, මම ඔහුව මැරුවේ නැහැ.
ඔහුව මැරුවේ ඔහුගේ මායාව සහ බියයි!"
ගැසල් මුවෙකුගේ වේගය පැයට කිලෝමීටර 90 ක් වන අතර, සිංහයෙකුගේ වේගය පැයට කිලෝමීටර 58 කි, නමුත් ගැසල් සිංහයන්ට ගොදුරු වේ!
බිය හැර වෙන කිසිවක් මෙහි නැත...
සිංහයන්ට බියෙන් වෙළුනු ගැසල් පැටවුන් පමණක් ගොදුරු වෙයි..
මිනිස් ලෝකයේ එය බොහෝ සෙයින් සමාන ය.
පරාජයන් ආරම්භ වන්නේ ඇතුළතින් වන අතර ජයග්‍රහණයද එසේමය!
කෙටියෙන් කිවහොත් කාරණය
ඇතුළත පරාජයට පත් වූ තැනැත්තාට කුමන හේතු තිබුණත් කිසි විටෙකත් ජයග්‍රහණය කළ නොහැක.
ඇතුළතින් ජයග්‍රහණය කරන තැනැත්තා සැබවින්ම ජයග්‍රහණය කරනු ඇත,
එයට කොපමණ කාලයක් ගත වුවත්...

Niluka Damayanthi

A day in the life

Read More