අදටත් වෙනසක් නෑ .

'විශ්වයේ කේන්ද්‍රය මහපොළව මිස අන්කිසිවක් නොවේ.
ඊට එරෙහි මත පල කිරීම අපරාධයකි," යි
Inqisition නම් "කතෝලික පූජක අධිකරනය" තීරනය කර,
ඊට එරෙහි මතයක්වූ
"පෘතුවිය සූර්යා වටා ගමන් කරන්නේය" යන මතය ඉදිරිපත් කළ
"ගැලීලියො ගැලීලිට සියතින් වස බී මරණයට පත් කළ යුතුය තීන්දුව දුන්නේය
එසේ නොමැති නම් "හේ සිය මතය ඉල්ලා අස් කරගත යුතු" විය.
දිවිඉරැක ගනු පිණි සිය මතය ඉල්ලා අස්කරගත් ගැලීලියෝ
අධිකරන ශාලාවෙන් පිටව යත්දී,
"ඔය මොනවා කීවත් පොළව කැරකෙන්නෙ ඉර වටේ!" කීවාලු!
මෙවන් මත ඉතිහාසය පුරා පච වූ අවස්ථා එමටය.
"සර්ව බලධාරී දෙවියන් වහන්සේ ලෝකය මවන ලද්දේ
ක්‍රිස්තු පූර්ව 4004 ඔක්තොම්බර් 21 වැනිදා"ය කීවේ
ක්‍රිස්තියානි සභාවේ ආච් බිෂොප්වර ජේම්ස් ආතර් (1581-) ය.
දැන් ඊට පොඩි එවුනුත් සිනාසේ.
මාකෝනි විසින් ගුවන් විදුලිය සොයා ගත් කල
එවක බ්‍රිතාන්‍ය රාජකීය සංගමයේ සභාපති කැල්වින් සාම් කීවේ
ඊට "අනාගතයක් නොමැති" බවයි.
"එක්ස් රේ යන්ත්‍රය මහා ප්‍රොඩාවක්" කීවේද
මෙම පඬිවරයා වූ මය.
තෝමස් අල්වා එඩිසන් විසින් විදුළි බල්බය සොයා ගත් කල
"එය විද්‍යාඥයන්ගේ හෝ සාමාන්‍ය මිනිසුන්ගේ
අවධානයට ලක් නොවිය යුතු වැදගැම්මක් නොමැති දෙයකි"යැයි කීවේ
කෙලිවින් එම තනතුරේ සිටියදී
බ්‍රිතාන්‍ය පාර්ලිමේන්තු කොමිටියකි.
"නව නිෂ්පාදන ලියාපදිංචි කරන අමෙරිකානු රාජ්‍ය දෙපාර්තමේන්තුව
වසා දැමිය යුතු"යි,."මන්දයත් ලෝකය සියලු නව නිෂ්පාදන නිමවා හමාර"ය.
1899 දී ජනාධිපති මැකින්ලිට කීවේ එම ආයතනයේම අධ්‍යක්ෂ වරයා ය.
දුම්රිය සොයාගෙන එය පැයට සැතපුම් 15 වක වෙිගයෙන් ගමක් කරනා විට
"මිනිසුන් මෙතරම් වේගයෙන් ගමන් කල යුතු යැයි
දෙවියන් වහන්සේ අනුමත නොකරතැයි"ද
එය වහා තහනම් කළ යුතු යැයිද
එවක අමෙරිකා ජනාධිපති ඇන්ඩෘ ජැක්සන්ට කීවේ
නිවුයෝර්ක් ආණ්ඩුකාර වරයා ය.
"යුද්ධ සඳහා නව අවි නිපදවිය යුතු නැත.
සියල්ලම සොයාගෙන හමාරය" කියා
ක්‍රි:ව:පලමුවැනි සියවසේ රෝම අධිරාජ්‍යයාවූ වෙස්පයිසන්ට කීවේ
ප්‍රධාන යුධ ඉංජිනේරු "ජූලියස් ප්‍රොන්ටින්" ය.
එකල න්‍යෂ්ටික බෝම්බ තබා තුවක්කුවවත් සොයාගෙන නොතිබිණි!
"වාෂ්ප බලයෙන් ක්‍රියාකරන නැවු තැනීමට"
නැපෝලියන් බොනපාට් හට
ඉංජිනේරුවෙකු වූ "රොබට් ෆ්‍රල්වන්" යෝජනා කළ විට
බොනපාට් කීවේ "පිස්සු කෙලින්ට එපා!" කියාලු!
"පුපුරන ද්‍රව්‍ය පිළිබඳ විශේෂඥයෙකු වන මා කියා සිටින්නේ
පරමානුව කිසිදා පිපිරීමට සමත් නොවන බවයි"
කියා අමෙරිකානු ජනාධිපති හැරී ටෲමන්ට කීවේ
නාවුක හමුදාපති "විළියම් ලිහී" ය.
ඩාවින් විසින් පරිනාමවාදය ඉදිරිපත් කළ විට
අමරිකානු ටෙනසි ප්‍රාන්තයේ ක්‍රිස්තියානුවෝ එක්ව
"එය පාසැල්වල ඉගැන්විය නොයුතු"යැයි නීතියක් සම්මත කර ගත්හ.
"බයිබලයේ සඳහන් ලෝකය හා මිනිසා පිළිබද ඉගැන්වීම්
වලට පිටස්තර කිසිවක් නූගැන්විය යුතුය"යන එම නීතිය
1967 දක්වා බලපැවැත්වින
පැරණි ලෝකය කවදත් එහෙමය.
මේ ගැන ඉංග්‍රීසි ලේඛකයෙකු වූ "ජී.කේ.වෙස්ටර්න්"මරු කතාවක් කියා තිබේ.
මතු සිදුවන දේ ගැන පණ්ඩිතයන් කියන දේ
මිනිසුන් අසා සිටිති.
අවසානයේ ඔවුන් මල පසු අලංකාර ලෙස ආදාහනය කරති.
ඉන් පසු තමන්ගේ වැඩක් බලා ගනිති.!"

කමල්.පී.අලහකෝන් මුහුණු පොතට.

A day in the life