නන්දා මාලනි සම්බන්ධයෙන් සමාජ ජාලා ක්රියාකාරිනියක් (කුමුදුනු බණ්ඩාර) පළ කළ අදහසක් කතාබහට ලක් වෙලා තියෙනවා.
එතන දී ඇය ප්රකාශ කරන්නේ නන්දා තමන්ගේ විප්ලවවාදී ගීත හරහා රටේ තරුණ පරම්පරාව හිංසනයට සහ කැරළිකාරයන් බවට තල්ලු කළ බව.
එසේ කරන්නේ ඈ වර්තමානයේ සිටයි.
විජේවීර යුගයේ 1969 ,70 වගේ කාලයේ සිට දේශපාලන සමාජය පාලනය තුල රැඩිකල් වෙනසක් බලාපොරොත්තු වුනා.
එය ඉටුකරගන්න නොයෙක් විනාශකාරී බලහත්කාරකම් කලා
ගුණදාස කපුගේ , නන්දා මාළනී ගයන ලද නිර්මාණ ඒ වෙනස නිසා උපන්නක්.
එවකට තිබු පාලනතන්ත්රයන් ට එරෙහිව නැගුන විරෝධයන් ප්රතිකම්පනය වුන එක් ධාරාවක් බවට මේ ගීත පත්වුනා.
මේ සචීන් රත්වත්ත මුහුණු පොතේ පලකර තිබු ලිපියක්.
ඔහු නන්දා මාළනීය දැක්කේ වෙනත් සමාජමය කෝණයකින් .
“……………..එතන දී ඇය ප්රකාශ කරන්නේ නන්දා තමන්ගේ විප්ලවවාදී ගීත හරහා රටේ තරුණ පරම්පරාව හිංසනයට සහ කැරළි සඳහා තල්ලු කළ බව.
ඒ ඔස්සේ විශාල ලේ වැගිරීමක් සිදු වූ බවයි කුමුදුනු තර්ක කරන්නේ.
මේ කතාවේ සත්යතාවයක් තියෙනවා. එමෙන්ම කුමුදුනිගේ එජාප පසුබිම නිසා ඇයගේ දැක්ම අපට තේරුම්ගත හැකියි.
නමුත් මෙතැනදී කුමුදුනි හෝ බොහෝ දෙනා නොදැකපු නන්දා මාලනියක් සිටිනවා.
මා දකින නන්දා මාලනිය නම් විප්ලවාදී, පද්ධතියට විරුද්ධ, කැරළිකාර ගැහැණියක් නෙවෙයි.
මා දකින නන්දා නම් අහිංසක, තඩි පුරුෂාධිපත්යයකින් බැට කෑ, ඒ බව නොදන්නා, පාවිච්චි වූ අහිංසක ගැහැණියක්.
නන්දා මාලනිට ජීවිතයේ කිසිදාක ස්ථිර මතයක් තිබී නැහැ.
ඇය ජීවිතයේ විවිධ සමයන් හි විවිධ ගී ගැයූවා.
ඒ ගීත රචනා කළේ, නන්දා පාවිච්චි කළ, නන්දාගේ හඬ පසුපස සිටි කපටි පිරිමියා, සුනිල් ආරියරත්න.
නන්දා යනු හඬක් පමණයි. ඒ හඬ කියෙව්වේ සුනිල් ආරියරත්න විසින් ලබා දෙන කොලයක්.
සෑම විටකම නන්දාගේ මතය, සුනිල් ආරියරත්නගේ මතය වුණා.
සුනිල් ලියා දෙන කොලය පිළිබඳ තෝරාගැනීමේ අයිතියක් නන්දාට තිබුණේ නැහැ.
ඇය ජීවිත කාලයම කරළියෙන් පසුපස සිටිමින්, තමන්ට අවශ්ය දේ කියා ගැනීමට උවමනා සුනිල් ආරියරත්නට පාවිච්චි වුණා.
සුනිල්ගේ හඬ වුණා.
විටෙක නන්දා ජවිපෙ කැරළිකාර ගී ගැයුවා.
තවත් විටෙක ඇය "මේ සිංහල අපගේ රටයි" ගීතය ගැයුවා.
නන්දා මාලනී ගේ සමස්ථ අනන්යතාවයම ගොඩ නැගී තියෙන්නේ සුනිල් ආරියරත්න ඇයට ලියා දෙන ඊලග කොලය අනුව.
නන්දා මාලනි කරළියට එන්නේ එච්. ආර් ජෝතිපාලගේ උදව්වෙන්.
නමුත් ඇයට ජෝතිපාල ලා සිටි කුලකයෙන් (පීචන්) ඉවත් වී සම්භාව්ය කුලකයට යෑමේ ආශාවක් තිබුණා.
එය හරියට වර්තමානයේ අප දකිනා මාලිමා දේශපාලකයන්ට තිබෙනා තමන් පැමිණි පන්තියෙන් හැකි ඉක්මණින් ඉහළ පන්තියට පැන ගැනීමේ ආශාවට සමාන ආශාවක්.
සුනිල් ආරියරත්න පාවිච්චි කළේ නන්දාගේ ඒ ආශාව.
නන්දා තමන්ට සම්භාව්ය තලයට පා තැබිය හැකි අත්වාරුව ලෙසට, එවකටත් සම්භාව්ය කුලකයේ සිටි සුනිල් ආරියරත්න දැක්කා.
සුනිල් ආරියරත්නට තමන් ලියනා ඕනෑම කොලයක් කියවනා, ගයනා, පාලනය කළ හැකි පිරිමියෙක් කවදාවත් හොයාගන්න ලැබෙන්නෙ නැහැ.
එම නිසා ඔහු තමන්ට පාලනය කළ හැකි, තමන් අතේ නූල තබා ගත හැකි ගැහැණියක් හොයාගත්තා.
ඒ නන්දා මාලනි.
එම නිසා සුනිල් ආරියරත්න පිළිබඳ කතා නොකර නන්දා මාලනි පමණක් තනිව විවේචනය කිරීම විහිලුවක්.
නන්දා මාලනි යනු සැබෑ ලෝකයේ දී
"යනවා නම් අනේ මන් අරන්,
යන තැනකට යන්න රත්තරන්"
"මන්ද නාව කාරණාව,
යන්න අපේ වන්දනාව
මට හරි පාළුයි ළමයෝ"
කියලා සරල ආදර ගී ගියපු තවත් එක් ලතා වල්පොල කෙනෙකු වීමට සිටි ගායිකාවක්.
නමුත් ඇය අද මහා ලේ වැගිරිවීමකට එක් චූදිතයෙකුව සිටින්නේ ඇය පාලනය කළ, ඇයගේ නූල අත තබාගෙන සිටි, තමන්ගේ ප්රකාශිකාව ලෙස ඇයව පාවිච්චි කළ, සුනිල් ආරියරත්න නිසා.
(මෙහිදී එම ලේ වැගිරීමේ අනෙක් පාර්ශවය හෙවත් එවකට රජය අමතක කොට අනෙක් පාර්ශවය පමණක් වැරදිකරුවන් කරන්නත් බැහැ.)
කොටින්ම නන්දා මාලනි දැනුවත්ව හෝ නොදැනුවත්ම කාන්තාවක්ව සූරා කෑමට ලක් වූ පුරුෂාධිපත්යයේ ගොඳුරක්.
No comments:
Post a Comment