එක පයින් එන්න කැමති අය ඉන්නවා.ඒත් එක පයින් ඉන්න අය නම් නැහැ.
එක පයින් ඉන්න කාණ්ඩයක් ඉන්නවා.
එයාලා ඉන්නේ කුඹුරු වල , වැව් තෙර වල.
වර්ග කිහිපයක්......
ඒ කියන්නේ වර්ග දාහතක්
මෙයින් වර්ග නවයක් විතර වද වීමේ තර්ජනයකට මුහුණපාලා.
මේ අය සිකොනිෆෝමේස් (Ciconiformes) කියන ගෝත්රයට තමයි අයත් වෙන්නේ.
ඒ වගේම තමයි මේ අය අතරින් අපේ මේ ලංකාවේ සිකොනිඩේ (Ciconidae) ත්රෙස්කියොර්නිතිඩේ (Threskiornithidae) ආර්ඩේයිඩේ (ardeidae) හා ෆීනිකොප්ටෙරිඩේ (Phoenicopteridae) යන කුල හතරට අයත් අය දැක ගන්න පුළුවන්.
අපේ වහරෙන් කිව්වොත් කලපු කොකා, ලොකු සුදු කොකා, අලි කොකා, සුදු කොකා, හරක් කොකා, කණ කොකා, පොඩි කොකා, රෑ කණ කොකා, රෑ කොකා, මැටි කොකා, කුළු කොකා හා සියක්කාරයා වගේ නම් වලින් මෙයාලා හදුන්වනවා.
කොක්කු ගස්මුදුන්වල කදු ප්රපාත වල එහෙම ලස්සනට කෝටු වලින් කූඩු හදා ගන්නවා .
ගෑනු සතාට තමයි කෙහිනිය කියන්නේ මේ කෙහිනිය වරකට බිත්තර 3ක්-6ක් විතර දානව.සාමාන්යෙන් මේ කොකෙගේක් ආයු කාලය අවුරුදු 10ක් 11ක් විතර වෙනවා.
අපි හැමදාමත් දකින කොක්කු එක කකුලෙන් හිටගෙන ඉන්න හේතුව දන්නවද. කුඹුරකට, වැවකට ගිහින් තියෙන ඕනම කෙනෙකුට දකින්න පුලුවන් මේ සත්තු තමන්ගෙ එක කකුලක් ඔසවගෙන ඉන්නෙ කියල.
අපි ගොඩක්ම මෙහෙම දකින්නෙ දවල් කාලෙදි උනත්, රාත්රී කාලයේදිත් බොහෝවිට කොක්කු මේ විදිහට නිදාගන්න බව වාර්ථා වෙනව.
මෙයාලා මේ විදිහට ඉන්නෙ තමන්ගෙ ශරීරයට ලොකු වාසියක් අත් කර ගන්න.
කොක්කු වැඩිපුර ජීවත් වන්නේ ජලය ආශ්රිත පරිසරයේ නිසා ඔවුන්ගේ කකුල් වල උෂ්ණත්වය පහළ බසිනවා.මේ හේතුවෙන් හදවතේ සිට රුධිරය කකුල් වලට ගමන් කිරීමේදි , ශරීරයේ නිපදවූ තාපය , කකුල් වල සීතල නිසා අඩු වෙලා යනවා.
ඉතින් මේ නිතරම සිදුවන තාපය අඩුවීම අවම කර ගන්නට කොකෙක් තමන්ගෙ එක කකුලක් ශරීරය අසලට ගෙන උණුසුම් කරනවා. මෙය මාරුවෙන් මාරුවට කකුල් දෙකටම සිදු කරනවා.
ඒ හේතුවෙන් ශරීරයේ නිකුත් වන තාපය සමතුලිත වෙනවා.
ඉතින්, සමහර විට ඔයාලා වැඩි දෙනෙක් කොක්කු මේ විදිහට තනි කකුලෙන් ඉන්නෙ ඇයි කියල දැන ගත්තෙ අද වෙන්න ඇති නේද..
