ගොරබිරුම් සද්ද මා වටකර
වියළි කර්කෂ සුළඟ හා සතුරුව
ඉරිතැලුන දිය සිඳුන පොළොවක
මියෙන්නට මට ඇවැසි නැත
තවම මම හරිත පැහැයෙනි
එක ප්රේමණීයම වැළදගැනීමක් මට ඇවැසිය
අවනීතිය එතෙනවිට ගෙලෙහි රුවිතෙට
සිහිනය මේ රඟන්නේ ගිලිහෙනු පිණිසය
රහසින්වත් කළ නොහැකි විට රමණය
ප්රේමය රැගෙනවිත් අර අතන මරණය
මියෙන්නට මට ඇවැසි නැත
තවම මම උණුහුම්ම ප්රේමයෙනි
ඉතින්
එක ප්රේමණීයම වැළදගැනීමක් මට ඇවැසිය
වනන විට නගුට බොහොම වෙිගෙට
නැමෙනවිට කොන්ද බිමට ගෑවෙන තරමට
රඟන හැටි බලන් මොනරකොළ ඕසෙට
බිඳෙනවලු සැණින් රජමැදුරු දොරගුල
නැමෙන්නැති පිටකොන්ද
වනන්නට නගුට කොහිවෙද
මහත්හොරුනි
තුවක්කුවේ ඔය සිදුර කුමකට
විසල් පපුවකට උණ්ඩයක් වුව මිතුරුය
මියෙන්නට මට ඇවැසි නැත
මේ හුස්ම වුව තවම උණුහුම්ය
ඉතින් ප්රේමණීයම වැළදගැනීමක් මට ඇවැසිය
