වසර 450 කට වඩා පැරණි සීතාවක රාජසිංහ රජුගේ කොඩිතුවක්කුව..
ශ්‍රී ලංකාව ලොව පැරණිතම තුවක්කු භාවිතා කර ඇති රටවලින් එකකි. තුවක්කු නිපදවීමට නම් යකඩ අවශ්‍යවේ. ලංකාවේ සමනළ වැව යකඩ නිස්සාරණය සිදුකර ඇත්තේ ක්‍රි .පු .3 වන සියවසේදීය. එනම් මීට වසර 2300කට පමණ පෙර සිටය. එසේ නිපදවූ යකඩ හා වානේ වලින් හෙළයන් විසින් ලොව හොඳම දමස්කස් කඩු නිපදවූයේය. වෙනත් කෘෂි උපකරණ නිපැදවූයේය.
ඔවුන් කඩු වලට අමතරව මේ යකඩ වලින් තුවක්කු නිපදවූයේය. මේ චායාරූප වලින් දැක්වෙන්නේ රාජසිංහ රජු භාවිතා කල ඒ අභිමානවත් කොඩිතුවක්කුවයි. මෙම කොඩි තුවක්කුව කාල තුවක්කුවකට වඩා තරමක් කුඩා බර අවියකි. එය කිසියම් තැනක රඳවා සතුරන්ට ප්‍රහාර එල්ල කර ඇත. මෙම තුවක්කුව රාජසිංහයන් විසින් යොදාගත්තේ පරංගින්ට එරෙහිව කල සටන් වලදීය. පසුගිය දාක මෙම ඓතිහාසික තුවක්කුවෙන් නිකුත්වූ වෙඩි හඬ ඇසීමට මටද අවස්තාවක් උදාවිය. ඒ සීතාවක මැදගොඩ පත්තිනි දේවාලයේදී පැවති රාජසිංහ අනුස්මරණ උත්සවයේදීය. එයින් නිකුත්වූ හඬ ප්‍රදේශය දෙදරවමින් වාතලයට නිකුත් විය. මෙම තුවක්කුව වසර 500ක් පමණ ඉක්මව තිබුනද එදා අප සතුව තිබූ ප්‍රෞඩ බව කියා පාමින් අදත් ක්‍රියාත්මක වේ.
මීට මාස 2කට පෙර මා මැදගොඩ හරහා යන අතරමගදී තේ බීමට අසල කඩයකට ගොඩ උනෙමි. එහි සිටි තරුණ මුදලාලි මහතා මා හට මේ තුවක්කුව ගැන පැවසුවේ එදා පත්තිනි දේවාලයේ සිට පෙරහැර ආරම්භවූ බව දැනුම් දීමට මෙම තුවක්කුවෙන් නිකුත් කල වෙඩිහඩ ඊට කි.මි. කිහිපයකට ඈතින් තිබූ සීතාවක මාලිගයේ සිටි රජතුමාට ඇසෙන බවය. ඉතින් ඒ කතාව සැබෑවක් බව මට ගිය සතියේ අත්දැකීමෙන්ම වැටහුනි. එපමනක් නොව මේ අභිමානවත් රණ හඬ එදා කොළඹ කොටුවේ සිටි මල්වානේ සිටි පරංගින්ටද ඇසෙන්නට ඇත. මෙවැනිම තවත් තුවක්කුවක් මහ සමන් දේවාලයේද බලංගොඩ බොල්තුඹේ සමන් දේවාලයේද බලංගොඩ උග්ගල් අළුත්නුවර දේවාලයේද පවතී. ඒ වා අදටත් ක්‍රියාත්මක වන තුවක්කුය. එවැනි ඓතිහාසික තුවක්කු කිහිපයක්ම සපරගමුවේ තිබීම කෙතරම් අභිමාඅයක්ද..පසුගිය කාලයේ ලංකාවේ තුවක්කු පිලිබඳව කතාව අළුත් වූයේ කන්ද උඩරට රාජධානි සමයේ අපෙන් අරන් ගිය ලෙවුකේ තුවක්කුව ඇතුළු තුවක්කු කිහිපයක් නෙදර්ලන්ත රජය මගින් නැවත අපට ලබාදීමත් සමගය. එම තුවක්කු එක්දාහස් අටසිය ගනන් වල භාවිත කල ඒවාය. නමුත් මැදගොඩ දේවාලය සපරගමු දේවාලය වැනි තැන්වලදී අපට හමුවන්නේ කෝට්ටේ හා සීතාවක යුගවදී භාවිතා කල වසර 500ක් පමණ පැරණි තුවක්කුය. මෙහි අවසන් චායාරූපයේ දැක්වෙන්නේ එවකට සපරගමු සමන් දේවාලයේ ලිඳ අසල ස්තාන ගතකර තිබු සිංහල (ලාංකිය නොවේ!) කොඩිතුවක්කු කිහිපයක් විලියම් ස්කිනර් ගේ ඇඩ්ම්ස්පීක් නම් ග්‍රන්තයේ සිතුවම් කර තිබූ අයුරුයි
Copied
No comments:
Post a Comment