මොනරවිල කැප්පෙටිපොළ මහ දිසාව

කැප්පෙටිපොළ සහ මඩුගල්ලේ යන දෙදෙන ඔවුන්ගේම ඉල්ලීම පරිදි (වර්ෂ 1818) නොවැම්බර් මස 25 වනදා අලුයම් වේලෙහි දළදා මාලිගාවට කැඳවාගෙන යන ලද්දෝ ය. කැප්පෙටිපොළගේ ඉල්ලීම සහ ශී‍්‍රමත් රොබට් බ‍්‍රවුන්රිග් උතුමාණන්ගේ අවසරය පරිදි සෝවර්ස් මහතා දළදා මාලිගාවේදී ඔහුට මුණගැසිණි.

භික්ෂූන් වහන්සේ අභිමුඛයෙහි, වැඩහිඳින මාලිගාවේ එළිපත්ත මත දණගසා ගත් නිලමේ තමා භික්ෂූන්ට කළ සේවය, විහාරවලට කළ පුදපූජා වැනි තම ජීවිත කාලය තුළ සිදු කරන ලද ප‍්‍රධාන පුණ්‍ය කි‍්‍රයා ද, අනෙක් ධාර්මික කි‍්‍රයා ද විස්තර කළේ ය.
ඊළඟට ඔහු ප‍්‍රාර්ථනාව ඉදිරිපත් කළේ ය. එනම් "ඊළඟ ආත්මභාවයේදී හිමාලය පර්වතයෙහි උපදිම්වා, කෙළවර අමා මහ නිවන් දකිම්වා" යන්නයි.

මෙයින් පසු භික්ෂූන් වහන්සේ ඔහු ඇමතූහ. උන්වහන්සේ ආවේග බහුල ස්වරයකින් හා ලීලාවකින් කැප්පෙටිපොළගේ පුණ්‍ය කි‍්‍රයා මහත්ඵල මහානිශංසදායක යයි පවසා ආශංසනයකින් සිය දේශනය අවසන් කළහ.

එහි අවසාන වචන මෙසේ ය; "අහසට දැමූ ගල් කැටයක් නැවත පොළොවට පෙරළා එන්නේ යම් සේ ද, එසේම ඔබතුමා කළ පින් මහිමයෙන් ඔබතුමා මීළඟ බුද්ධෝත්පාද කාලයෙහි ඉපිද ඉෂ්ට විපාක ලැබීම ඒකාන්ත ය". 

නිලමේ සහ භික්ෂූන් වහන්සේ අතර පැවැත්ම සානුකම්පිත හා උදාර විය.

මෙතෙක් දණ ඔබා සිටි නිලමේ නැඟිට සෝවර්ස් මහතා දෙසට හැරී "මගේ අවසන් පින්කමෙන් ලත් පිනෙන් කොටසක් ඔබට අනුමෝදන් කරවමි"යි කියා ඉණේ ඔතා සිටි තුප්පොට්ටිය ගලවා මාලිගාවට පූජා කොට, එය අපිරිසිදු වැරහැල්ලක් නමුත් "මා සන්තක එකම වස්තුව මෙය නිසා එය පිදීමෙන් ලත් පින අඩු නොවේ"යයි සරදම් සහගතව පැවසීය.
ඉනික්බිතිව ඔහු වධකස්ථානයට තමා හා කැටුව එන ලෙස සෝවර්ස් මහතාගෙන් ඉල්ලා සිටි නමුත් ඒ ඉල්ලීම කාරුණික හා විනීත ලෙස ප‍්‍රතික්ෂේප කරන ලදී.... ඉන්පසු කැප්පෙටිපොළ ස්ථීර හා තැන්පත් ලෙස සෝවර්ස් මහතාට අතට අතදී සමුගත්තේ ය.
සිරකරුවෝ දළදා මාලිගාවට සැතපුමක් පමණ ඈතින් බෝගම්බර වැව අසල පිහිටි වධකස්ථානයට කැඳවාගෙන යන ලදී. මෙහිදී වතුර සපයන ලෙස සිරකරුවන් ඉල්ලා සිටින ලදුව එසේ කැරිණි. ආගමික වතාවත් සඳහා සුළු වේලාවක් ඉඩදෙන ලෙස කැප්පෙටිපොළ ආයාචනය කළෙන් එයට අවස්ථාව සලසන ලදී. සිරකරුවෝ මුහුණ හා අත් දෝවනය කළහ.

මෙනික්බිති කැප්පෙටිපොළ තම හිසකෙස් හිස් මුදුනේ කොණ්ඩයක් කොට බැඳ, කුඩා පඳුරක් ළඟ වාඩිවෙමින් පා ඇඟිලිවලින් අල්ලාගත්තේ ය. ඔහු ඉණේ රෙදිපට අතරින් කුඩා බණපොතක් ගෙන ගාථා කිහිපයක් කියවා එය එහි සිටි ස්වදේශික නිලධාරියකුට දෙමින් බදුල්ලේ සේවය කළ කාලයේදී තමන්ට දැක්වූ මිත‍්‍රත්වය සහ කාරුණික බව පිළිබඳ කෘතඥ පූර්වක ලකුණක් වශයෙන් එය සෝවර්ස් මහතාට දෙන ලෙස කීය.
කැප්පෙටිපොළ නිලමේ පාලි ගාථා සජ්ඣායනය කරමින් සිටියදී වධකයා තියුණු කඩු පහරක් බෙල්ල පිටිපසට ගැසීය. ඒ මොහොතේදී "අරහං" යන වචනය ඔහුගේ මුවින් පිටවිය. දෙවැනි පහරින් ප‍්‍රාණය නිරුද්ධව මෘත කලේබරය වැටුණේ ය.
ඔහුගේ හිස කඳින් වෙන්කොට උඩරට සිරිතට අනුව ළය මත තබන ලදී.

ඉංග්‍රීසි පාලනයට එරෙහිව පැනනැඟුණු 'උඩරට මහ කැරැල්ල' සඳහා නායකත්වය ලබාදී, කැරැල්ල බිඳවැටීමෙන් පසුව අත්අඩංගුවට පත්ව යුද්ධාධිකරණය මගින් රාජද්‍රෝහී වීමේ වරදට මරණ දණ්ඩයට නියම කළ කැප්පෙටිපොළ මහදිසාවේගේ අවසන් දිනය පිළිබඳ මෙම වාර්තාව ඉදිරිපත් කරන්නේ මෙම සිදුවීම ඇසින් දුටු වෛද්‍ය හෙන්රි මාර්ෂල් විසිනි.
බ්‍රිතාන්‍ය යුද හමුදාවේ ශල්‍ය වෛද්‍යවරයකු ලෙස වර්ෂ 1809 සිට 1821 දක්වා ලංකාවේ සේවය කළ වෛද්‍ය හෙන්රි මාර්ෂල් රචනා කළ Ceylon: A General Description of the Island and Its Inhabitants කෘතිය පසුව ඇල්ලෙපොළ එච්.ඇම්. සෝමරත්න මහතා විසින් 'සිංහලේ' නමින් සිංහලයට පරිවර්තනය කරන ලදී. ඉහත කොටස එම කෘතියෙන් උපුටාගෙන තිබේ

.
මව්බිමේ නිදහස වෙනුවෙන් මොනරවිල රාජපක්ෂ වික්‍රමසේකර බණ්ඩාරනායක මුදියන්සේ රාලහාමි හෙවත් මොනරවිල කැප්පෙටිපොළ මහදිසාවේ දිවි පුදා වසර 207ක් ගෙවෙන දිනයේ එකී කැපකිරීම පිළිබඳ ගෞරවයෙන් සිහිපත් කරමු.

ඡායාරූපය : වෛද්‍ය හෙන්රි මාර්ෂල් විසින් ස්කොට්ලන්තයට රැගෙන ගිය කැප්පෙටිපොළ මහදිසාවේගේ හිස් කබල නැවත ලංකාවට රැගෙන ආ අවස්ථාවේ එය ප්‍රදර්ශනයට තබා තිබූ ආකාරය මෙම ඡායාරූපයෙන් දිස් වේ.
වම්පස ඉදිරියෙන් සිටින්නේ කැප්පෙටිපොළ පවුලේ සිවුවැනි පරම්පරාවට අයත් උපාලි මොනරවිල කැප්පෙටිපොළ මහතා ය.
කැප්පෙටිපොළ මහදිසාවේගේ හිස්කබල ඇති මංජුසාවට ඉහළින් තබා තිබෙන හතරැස් මුළු තොප්පිය එතුමා විසින් පැළඳි තොප්පියයි. එතුමාගේ සම්පූර්ණ ඇඳුම් කට්ටලයක් මහනුවර ජාතික කෞතුකාගාරයේ ප්‍රදර්ශනයට තබා තිබේ.
එසේම හිස්කබල සහිත මංජුසාවට පසුබිමෙන් අඩක් පෙනෙන ධජය නම් කැප්පෙටිපොළ මහදිසාවේ භාවිත කළ ධජයයි. මෙම ධජය ද මහනුවර ජාතික කෞතුකාගාරයේ ප්‍රදර්ශනයට තබා තිබේ.

ඡායාරූපයේ හිමිකම : විශ්‍රාමික විනිසුරු Pearl Karalliadde මැතිණිය සතු වේ.

FB උපුටාගැනීමකි

Udaya Nelumdeniya

A day in the life

Read More

පාර්ලිමේන්තුවේ සහ ඉංගිරිසි භාෂාව.

අමාත්‍ය සුනිල් හඳුනෙත්ති මහතා පාර්ලිමේන්තුවේ දී ඉංගිරිසි භාෂාවෙන් කළ කතාවක කොටසක් සහිත වීඩියෝවක් මේ දිනවල සමාජ මාධ්‍යයේ ජනප්‍රිය වී තිබේ. එය උපුටා ගැනෙන්නේ සම්ච්චල් සහගත ලෙසය. ඊයේ දිනයේ පාර්ලිමේන්තුවේ දී කතාකළ චාමර සම්පත් මහතා කියා සිටියේ " නිකං පච වෙන්නේ නැතුව දන්න සිංහලෙන් කතා කළා නං ඉවරයිනේ" කියාය. අපහසුවෙන් හෝ ඉංගිරිසි භාෂාවෙන් කතා කරන ජනතා නියෝජිතයන්ට සමච්චලයට සිනහ වීම මෑතකදී ආරම්භ වූයේ බැසිල් රාජපක්ෂ මහතාගේ "කපුටු" කතාවේ සිටය. 

බැසිල් මහතා හා හඳුනෙත්ති මහතා යන දෙදෙනාම ඉංගිරිසියෙන් කළ කතාවල අදහස ඉතා මැනවින් සන්නිවේදනය වන බව කිව යුතුය. මට හිතෙන්නේ මේ අවස්ථා දෙකෙහිදීම මේ දෙදෙනාටම සමච්චලයට සිනහවීම සිදුවන්නේ දේශපාලන එදිරිවාදිකම නිසාය. ඒ ඔවුන්ගේ විරුද්ධ පාක්ෂිකයන් විසිනි.

සුනිල් හඳුනෙත්ති තම කතාවෙදී කියන කාරණය වැදගත් ය. ඔහු කියන්නේ ඉංගිරිසි භාෂා භාවිතය තරුණ ව්‍යවසායකයන්ට ඉගැන්වීමේ ඇති ප්‍රතිලාභ ය. මේ කරුණ හැබෑයැයි කීමට අවශ්‍ය නොවේ. කොතරම් විවිධ දක්ෂතාවලින් පිරි මානව සම්පතක් අද අපේ රටේ ඉංගිරිසි නිසා අසරණ වී සිටීද? ඒ අතර රාජ්‍ය නායකයන්, විවිධ ජනතා නියෝජිතයන් , පුද්ගලික අංශයේ නිලධාරීන් , රාජ්‍ය අංශයේ නිලධාරීන් හා ව්‍යවසායකයන් , කලාකරුවන්, පමණක් නොව ආචාර්ය මහාචාර්යවරු පවා ඉංගිරිසිය ඉදිරියේ පසු බා ඇත. අද හඳුනෙත්තිට සිනහ වූවාට කමක් නැත. එහෙත් මේ සිදුවීම ජනාධිපතිවරයා හා අගමැතිනිය විසින් බැරෑරුම්ව සැළකීමට ගත යුතුව ඇත. ඒ ඔවුන්ගේ රජය යටතේවත් අනාගත පරම්පරාව ඉංග්‍රීසියෙන් සන්නද්ධ කිරීමට ප්‍රමුඛත්වයක් දී කටයුතු කිරීමය. එවන් ප්‍රමුඛත්වයක් දෙන බවක් දැනට පෙනෙන්නට නැතිවා සේය.

මහින්ද රාජපක්ෂ ආදර්ශය

යුද්ධය ජයගෙන දෙවන වරටත් ජනාධිපතිධූරයට පත් මහින්ද රාජපක්ෂ මහතා ඉංගිරිසි භාෂා අධ්‍යාපනය කෙරෙහි දැඩි අවධානයක් යොමු කලේය. ඔහු මතු කළ තාර්කික අදහස වූයේ වසර ගණනාවක පාසැල් අධ්‍යාපනයෙන් පසුව වුවත් සිසුන්ට ඉංගිරිසි භාෂාව කතා කළ නොහැකි වීම ගැටළුවක් වී ඇති බවය. ඒ නිසා ඔහු ඉංගිරිසි භාෂාව හා තොරතුරු තාක්ෂණය පිළිබඳ ජනාධිපති කාර්‍ය සාධන බලකායක් සාදා එහි වගකීම ආචාර්‍ය් සුනිමල් ප්‍රනාන්දු මහතා වෙත භාර කලේය. ආචාර්ය සුනිමල් ප්‍රනාන්දු මහතා ගැන යමක් කිව යුතුය. ඔහු ශ්‍රී ලංකාවේ ඉතා ධනවත් ව්‍යාපාරිකයෙකු හා දානපතියෙකු වූ චාල්ස් හෙන්රි සොයිසාගේ මී මුණුපුරාය. රෝයල් කොලීජියෙන් හා කේම්බ්‍රිජ් විශ්ව ව්ද්‍යාලයෙන් අධ්‍යාපනය ලැබූ එතුමා පේරාදෙණිය ව්ශ්ව විද්‍යාලයේ සමාජ විද්‍යාව පිළිබඳව ජේෂ්ඨ කථිකාචාර්‍යවරයෙක් ලෙසත්, එම අධ්‍යයන අංශයේ ප්‍රධානියා ලෙසත් කටයුතු කර ඇත. ආරම්භයේ පටන්ම දේශපාලනයට නැඹුරුවක් තිබූ එතුමා බණ්ඩාරනායක මැතිනියගේ ප්‍රථම සම්බන්ධීකරණ ලේකම්වරයාද විය. මා මේ කරුණු සඳහන් කලේ රාජපක්ෂ ජනාධිපතිතුමා වටේ සිටි අනෙකුත් පරපෝෂිතයන් මෙන් නොව එතුමා තමා වෙත භාරදුන් වගකීම පොලොවේ පැළ කිරීමට අවංකව වෙහෙස දැරීය. පිංතූරයේ දැක්වෙන්නේ එතුමා හිටපු ජනාධිපතිවරයා සමග සිටි අවස්ථාවකි. " English as a Life skill (ජීවන කුසලතාවක් ලෙස ඉංග්‍රීසි )" යනුවෙන් මෙම වැඩසටහනේ ප්‍රමුඛ තේමාව හඳුන්වා දී " Speak English Our Way ( අපේ විදියට ඉංග්‍රීසි කතා කරමු)" යනුවෙන් සිය ජාතික වැඩසටහනට උප තේමාවක් යොදා එතුමා වැඩ ආරම්භ කලේය. මෙයින් ප්‍රමුඛත්වය දෙනු ලැබුවේ භාෂාවේ වඩාත්ම ප්‍රායෝගික කුසලතාවන් දෙක වන "ශ්‍රවණය හා කථනයයි". " අපේ විදියට ඉංග්‍රීසි කතා කරමු " යන පාඨය එකළ මහත් ආන්දෝලනයක් ඇති කලේය. විශේෂයෙන් බොහෝ විශ්වවිද්‍යාලයීය ඉංග්‍රීසි ආචාර්ය මහාචාර්යවරු මෙය දැඩි ලෙස විවේචනය කලේය. ඔවුන් එය ගැන කතා කලේ උපහාසයෙන්‍ ය. සෘණාත්මකවය. එක් මහාචාර්යවරයෙක් මා සමග මෙසේ කීවේය, " That Sunimal Fernando has no base. Therefore what he does has no value, no results. ( ඔය සුනිමල්ට කිසි පදනමක් නෑ. ඒ නිසා එයා කරන දෙයහි කිසි වටිනාකමකුත් නෑ, ප්‍රතිඵලයකුත් නෑ)". එහෙත් මට හිතෙන්නේ "අපේ විදියට ඉංගිරිසි කතා කරමු" කියන පාඨය ඇතුලේ තිබුණේ ඉංගිරිසි භාවිතයට බය නැතිව දිරි ගැන්වීමක් කියල. යම් රටකට ආවේණික ලෙස භාෂාව උච්චාරණය කිරීම, ඒ රටට ආවේණික වචන (ඉංගිරිසි පද නොමැති) උදා: උදැල්ල, කැත්ත, මුං, කව්පි, කුල්ල, වැනි වචන ඉංගිරිසියට මිශ්‍ර කර කතා කිරීම වැනි දෑ අර අපේ විදියට කතා කරමු කියන තේමාව යටතේ තියනවා කියල මට හිතෙනවා (මගේ මුහුණු පොතේ මිතුරු ලයිස්තුවේ ඉන්න භාෂා උගතුන් වන මහාචාර්ය රාජීව විජෙසිංහ , මහාචාර්ය ලියනගේ අමරකීර්ති, ආචාර්ය ක්‍රිෂාන්ත ෆ්‍රෙඩ්රික්ස්, ආචාර්ය දර්ශන සමරවීර , ආචාර්ය කුලරත්න සූරියආරච්චි මහත්වරුන් මෙන්ම භාෂාව ගැන උනන්දුවක් දක්වන ඕනෑම කෙනෙකුට මේ පිළිබඳව පැහැදිලි අදහස් දැක්වීමට මා ආරාධනා කරනවා). කොහොම වුනත් සුනිමල් ප්‍රනාන්දු මහතා බය නැතුව මේ ඉංගිරිසි වැඩසටහන ඉදිරියට අරගෙන ගියා. ඇත්ත ඔහු ඉංගිරිසි භාෂාව පිළිබඳව ගුරුවරයෙක් නොවේ. එහෙත් ඉංගිරිසිය අපූර්ව චතුර බවකින් හැසිර වූ කෙනෙක් එතුමා. එතුමා " ජීවන කුසලතාවක් ලෙස ඉංග්‍රීසි " කියන තේමාවෙන් ම අධ්‍යාපන අමාත්‍යාංශය ඇතුලේ වෙනම ම ශාඛාවක් පිහිටුවලා , ඒ මගින් ඉංගිරිසි ගුරුවරුන් 125 ක් පමණ ඉන්දියාවේ හයිද්‍රාබාද්හි " ඉංග්‍රීසි හා විදේශ භාෂා විශ්ව විද්‍යාලය" ට ශිෂ්‍යත්ව ලබාදීල යවල ඉංගිරිසි භාෂාවේ ශ්‍රවණ හා කථන කුසලතාවන් උගන්වන ආකාරය පිළිබඳව විශේෂ පුහුණුවක් ලබා දීලා,
ඉන්පසු පාසැල් මට්ටමින් ඉංගිරිසි ගුරුවරුන් පුහුණු කිරීම සිදු කළා. ඉංග්‍රීසි කතාව ප්‍රවර්ධනය කිරීමට වීඩියෝ මාලාවක් නිපදවා ජාතික රූපවාහිනීයේ විකාශනය කළා. විදුහල්පතිවරුන්ට පැය 100 ඉංගිරිසි ශ්‍රවණ හා කථන පුහුණු වැඩසටහන් පැවැත්වුවා. වසර කිහිපයක් මේ වැඩසටහන ක්‍රියාත්මක වෙද්දි අධ්‍යාපන අමාත්‍යාංශයේ ඉංග්‍රීසි ඒකකය විභාග දෙපාර්තමේන්තුවෙන් ඉල්ලීමක් කළා සාමාන්‍ය පෙළ විභාගයේ ඉංග්‍රීසි විෂයේදී සිසුන්ගේ ශ්‍රවණ හා කථන කුසලතා ප්‍රායෝගික පරීක්ෂණයකට ලක්කර ලකුණු 15 ක් එයින් ලබා දීමටත්, ලිඛිත විභාගයෙන් ලකුණු 85 ක් ලබා දෙන ලෙස. මේ පිළිබඳව විභාග දෙපාර්තමේන්තුව සමග සාකච්ඡා වට කිහිපයක් පැවැත්තුවා මතකයි. නමුත් එයට නිසි තීරණයක් ලැබීමට පෙර අධ්‍යාපන අමාත්‍යාංශයේ "ජීවන කුසලතාවක් ලෙස ඉංග්‍රීසි " - ජනාධිපති වැඩසටහන් ඒකකය අහෝසි වෙලා ගියා. ඒ මහින්ද රාජපක්ෂ මහතා තෙවන වර ජනාධිපතිවරණයෙන් පරාද වීමත් සමගයි. එතැනින් එහාට ඒ වැඩසටහන අඟලක්වත් ඉදි‍රියට ගියේ නෑ. ඒ වැඩසටහනේ ගැටලු හා දුර්වලතා තිබුණා. එහෙත් මම මෙහිදී මතු කරන්නේ රටේ නායකයා ලෙස රාජපක්ෂ මහතා ප්‍රායෝගික ඉංගිරිසිය කෙරෙහි දැක්වූ දැඩි උනන්දුවයි. තවත් කරුණක් තමන්ට බාරදුන් භාරදූර වගකීම යතාර්ථයක් කිරීමට ආචාර්‍ය සුනිමල් ප්‍රනාන්දු මහතා යටි අරමුණුවලින් තොරව අවංකව දැඩි වෙහෙසක් ගත් බව එතුමාට කරන ගෞරවයක් ලෙස මෙහිදී සඳහන් කළ යුතුයි. ඒ යුගයේ වෙන අයෙකුට මේ දෙය භාර කළා නම් මිලියන ගණනින් යටි මඩි ගහන එක අහන්ඩ දෙයක්ද?

වර්ථමානය

බැසිල් මහතාටත් හඳුනෙත්ති මහතාටත් සිනාවීම කියන කාරණයෙන් අපි අවබෝධයකට පැමිණිය යුතුයි. ඒ අපිට රටේ ගුණාත්මක ඉංගිරිසි අධ්‍යාපනයක් ලබා දීමට ඇති හැකියාව ගැන රටේ නායක දෙපළට අවධානය යොමු කරවීම යි. "ඉංගිරිසි බෑ" කියල අපි හිනාවෙන්නේ අපිටමයි. මොන පක්ෂයේ හිටියත් පාර්ලිමේන්තුවේ ඉංගිරිසි හොඳින් හසුරවන අය හා බැරි අය අයත් පවුල් පසුබිම් සොයා බැලුවම ඒක අපිට හොඳින් වැටහෙනවා. සරල දෙයක් පසු කාලෙක දේශපාලනයේ ප්‍රභලයන් වූ රාජපක්ෂවරු (මහින්ද, බැසිල්, ගෝඨාභය , චමලුත් එහෙම වෙන්න ඇති) කිසිකෙනෙක් ඉංගිරිසියේ ව්‍යක්ත නෑ. එහෙත් බණ්ඩාරනායක පවුලේ ( චන්ද්‍රිකා, අනුර, සුනේත්‍රා) උදවියගේ ඉංගිරිසි භාවිතය ඉතා ඉහළයි. ඉතිං ඔය කාගේ ඉංගිරිසියට හිනා වුණත් ඒකෙන් ඉදිරි පරම්පරාවට සිදුවන කිසි ප්‍රගතියක් නෑ. ඒ අපේ මෝඩකම පෙන්වීමක් විතරයි.

හඳුනෙත්තිට ආචාරය

" හොනරබල්", " ඔන්ටපනර්ෂිප්", " ගිව් මී අ වන් මිනිට්", " අයි මයි සෙල්ෆ්" වැනි දෑ උපුටා දක්වමින් හඳුනෙත්තිගේ ඉංගිරිසියට සිනාසෙනු පෙනේ. එහෙත් ඔහු ඔහුට වඩා ඉංගිරිසි හොඳින් හසුරුවන අය පාර්ලිමේන්තුව තුල ඉන්නා බව දැන දැන නිර්භයව කළ කතාව තුල ඇත්තේ රටේ වරප්‍රසාද නොලත් තරුණ පරම්පරාව හා සිසු පරම්පරාවන් මුහුණ දී ඇති ඛේදවාචකය යි. බණ්ඩාරනායක මහතාගේ තීරණයත් සමග අහෝසි වී ගිය ගුණාත්මක ඉංගිරිසි අධ්‍යාපනය නැවත රටතුල සාමාන්‍ය පරිදි කිසිදා ගොඩනැගුණේ නැත. ගොඩ නැංවීමට ක්‍රියාමාර්ග ගන්නා බවක්ද පෙනෙන්නට නැත. හරියන්නට හෝ වරදින්නට මෙයට සෘජුවම ජනාධිපතිවරයා හෝ අගමැතිනිය බැරෑරුම් ලෙස මැදිහත් විය යුතුය . මේ සම්බන්ධව කලින් කී මහින්ද රාජපක්ෂ ජනාධිපතිතුමාගේ මැදිහත්වීම මහත් ආදර්ශයක් වන්නේ ඒ නිසාය.
කකුල් කොර ගසමින් හෝ අසීරුවෙන් ආබාධිතයෙකු උත්සාහයක් ගන්නේ ඔහුට ඇවිද යාම ඉතා වටිනා නිසාය. වැරදි වැරදි හෝ හඳුනෙත්ති ඉංගිරිසියෙන් කල කතාවෙන් පෙනෙන්නේ ද එහි මතු පරම්පරාවට ඇති අත්‍යවශ්‍ය බව හා වටිනාකමයි. මෙය නොවැටහෙනකල් අපි එකිනෙකාට හිනාවෙමු !

සුරන්ජිත් ආලෝක බණ්ඩාර
20025 -11- 25

A day in the life

Read More

ඉරිසියාවට කියන කතා නොවේ.

ඉරිසියාවට කියන කතා නොවේ. රටට බෙදන්න පෙර මඩියට බෙදා ගන්නා උදවිය ඉන්නා රටක..........
අපි හිත හදාගනිමු!
හිතට එන හැමදේම පලකිරීම සෞඛ්‍යට හිතකර නොවේ.
ඒත් සමහරක් දේ ලියවේ.

මැතිඇමැතිවරුන්ට වාහන ගෙන්වීම ගැන දොඩමලු වීමද එවැන්නකි.

බලයක් නැතිව නන්තාරව සිටිය යුගයේදී මැති ඇමතිවරුනට අලුත් වාහන අකැපය.
පස්ස පැත්ත තියාගෙන යාමට අලුත් වාහන ඕනෑදැයි එකල මතයවිය. දැන් නම් පස්ස පැත්ත තියා ගෙන යාමට අලුත් වාහන අවශ්‍ය බව තේරුම් ගොස් ඇත‍.
එයත් Change එකකි.

මැති ඇමැතිවරුන්ට සුපිරි දීමනා ලබා දෙන බව ස්ථීර වුයේ අයවැයත් සමගය.
මහජනතාවට නැති දේවල් අපිට ඕන නෑ කිව්වේ ඉස්සරය.
ලක්ෂ 12 කට විට්ස් කාරයක් ගෙනත් දෙනා කීවේත් ඉස්සරය.
බස්වල කෝච්චියේ සෙනග මාරාන්තික ගමනක යන බව දුටුවේත් ඉස්සරය.
දැන් ඒවා ගැන වගේ වගක් නැත.

දැනට වාර්තා වන ලැබෙන වාහන වරප්‍රසාදය ලොතරැයියක්ය .
මන්ත්‍රී කම තියෙනතාක් මහජනතා බදු මුදලින් නඩත්තුවන වාහනය තනතුර අවසන්ව ගෙදර යන දා එවකට බලපැවෙත්වන තක්සේරු වටිනාකම ගෙවා ගෙදර ගෙන යා හැක.
මෙයත් හොද Change එකකි.

දේශපාලනඥයන් මේ වන විට මහජන සේවයට කැප වී සිටින්නේ දුෂ්කරතා රැසක්‌ මැද ය. ඒවා රටේ ජනතාවට තබා වනේ වන හතුරෙකුටවත් විඳින්නට නොලැබේවා යන්න ජනතාවගේ ප්‍රාර්ථනාවය.
මේ හදිසියේ වාහන ගෙන්වන්නට තදියම මොකක්‌දැයි මේ ගැන හාංකවිසියක්‌වත් නො දන්නා මෝඩ තකතීරුවන්ට ප්‍රශ්නයක්‌ විය හැකිය. 

 ඒ ගැන පැහැදිලි කර දෙන්නෙම්, අහගන්න.

දිලිසෙන්නට ඔප දමා, ෆුල් කන්ඩිෂන් පිට අපට පෙනෙන්නට තිබෙන බොහෝ වාහන ඇත්තටම අබලන් ය. කෙනකුට ඒවා දකින විට සියුම් ඊර්ෂ්‍යාවක්‌ මතුවන්නේ එම වාහන දේශපාලනඥයන් සතුව තිබීම නිසාම මිස වෙන කාරණයක්‌ නිසා නොවේ. තුන් හතර දෙනකුට එක්‌ව එම වාහනවල ගමන් කිරීමේ හැකියාවක්‌ නැත. පොඩි වැස්‌සකට ද තෙමේ.
දේශපාලනඥයන් ගමන් ගන්නා රථ සමඟ 'බැකප්' වාහන ගමන් ගන්නේ 'ආරක්‍ෂාවට' යෑයි කවුරුන් හෝ සිතන්නේ නම් එය මුලාවකි. එම බැකප් වාහන ගමන් ගන්නේ අදාළ රථය (සමහර මෝඩයන් සුපිරි යෑයි සිතා සිටින) හදිසියේ බ්‍රේක්‌ ඩවුන් වූ විටෙක තල්ලු කිරීමට හෝ අලුත්වැඩියා කිරීමටය. 

එසේ නම් ආරක්‍ෂකයන් ගමන් ගන්නා රථය හොඳ තත්ත්වයේ තිබේදැයි කේන්ති යන අන්දමේ ප්‍රශ්න නොඅසන ලෙස  සියලුම මෝඩ මිනිසුන්ගෙන් ඉල්ලා සිටිමු.

ඇත්තෙන්ම  කල්පනාව හැටියට මෙම ගෙන්වන වාහන සුඛෝප‍බෝගි බවින්  මදි බවය.

රටේ ජනතාවට අඩුම මිලට වාහනයක්‌ ගන්නට හැකියාවක්‌ නැත්නම්, අඩුම තරමින් යතුරු පැදියක්‌ තීරුබදු රහිත මිලට නොව අවම මිලකට මිලට ගැනීමට හැකියාවක්‌ නැත්නම් අපට මේ සුඛෝපභෝගී වාහනවලින් ඇති ඵලය කුමක්‌දැයි සිතන මේ මැති ඇමැතිවරුන්ට ජාතියේ ප්‍රශංසාව හිමිවිය යුතුය

අපේ කරුමයට එහෙම අය නැත.

 

ඇත්ත වශයෙන්ම මේ මොහොතේ රටේ ජනතාවට ද කළ හැකි යමක්‌ තිබේ. ඒ අප වෙනුවෙන් දුක්‌ විඳින මැති ඇමැතිවරුන් වෙනුවෙන් ගතහැකි හොඳම පියවර ගෙන තිබේ යෑයි හිත හදා ගැනීමය.

A day in the life

Read More

සුවසේ නිවන් මග වඩන්නට මේ පිං හේතුවේවා!’

මීට අවුරුදු හය හතකට උඩදි කළුබෝවිල ඉස්පිරිතාලෙට අලුත් දොස්තර නෝනා කෙනෙක් ආවා. හැම අවුරුද්දකම ඒ විදියට ඉස්පිරිතාලෙට අලුතින් දොස්තර මහත්තුරු නෝනාලා එනවා යනවා තමයි. ඒත් මේ දොස්තර නෝනා විශේෂයි. පිට මැදට වැටුණු රැළි කොණ්ඩෙයි, දුඹුරු පාට ඇස් දෙකයි, හිනා වෙනකොට වළ ගැහෙන කම්මුලයි නිසා එයාට තිබුණේ අමුතුම ලස්සනක්. රැස් විහිදෙන මේ ලස්සන නිසා මෙඩිකල් ෆැකල්ටියෙ ඉගෙනගන්න කාලෙත් එයාට වැටිච්ච කාඩ් එකක් තිබුණා. ඒ තමයි තම්මැන්නා. අර සුරූපී දකුණු ඉන්දියානු නිළියක් ඉන්නවා නේද තමන්නා කියලා. අන්න එයා වගේ කියලා තමයි ඉන්දියාවට තමන්නා නම් අපිට තම්මැන්නා කියලා පේරාදෙණිය ආට් ෆැකල්ටියෙ ඈයො කෙල්ලට ඔය නම පටබැන්දේ. මමත් හිටියේ ආර්ට් ෆැකල්ටි එකේ. ෆැකල්ටි දෙකක වුණාට අපි දෙන්නම හිටියේ හොස්ටල් එකේ එක කාමරේ. අන්තිමට එයා හෘද රෝග විශේෂඥ වෛද්‍යවරියක් වෙලා කළුබෝවිල ඉස්පිරිතාලෙට ගියා. එයා දොස්තර රස්සාවට යද්දී මම පත්තර රස්සාවේ නතර වුණා. හැබැයි අපේ යාළුකම එතැනින් නතර වුණේ නෑ.

ඉතින් මේ දොස්තර නෝනාට හරි හරි වැඩ තමයි ඒ කාලෙ සිද්ධ වුණේ. ඒ කාලෙ එයාට හදවත පෙන්නගන්න ඕනකමට බලෙන් හදවත් ලෙඩ කරගත්තු ඉලන්දාරි එකා දෙන්නා කළුබෝවිල ඉස්පිරිතාලෙට ගාටන්න පටන්ගත්තා. ඒ අතරේ හදවත ලෙඩවුණු දොස්තර මහත්තුරු එහෙමත් නොහිටියම නෙවෙයි. සමහර දවසට මේ නෝනා වෝඩ් රවුන්ඩ් එකේ ගිහින් එනකොට එයාගේ කාමරේ මේසෙ උඩ හීනියට නවලා දාලා ගියපු චිට් කෑලි එහෙමත් තිබුණා. ඒවා ඔක්කොම ඉතින් ආවේ මගේ අතට.

ඉස්පාසුවක් ලැබුණු ගමන් ගංගාරාම පන්සල වැඳලා, පෙරහර මාවතේ බේරේ වැවට මූණ දාලා තිබුණු පුංචි කොෆි ෂොප් එකට වෙලා කෝපි එකක් බොන ගමන්, අපි දෙන්නා කිචි කිචි ගගා හිනාවෙවී ඕවයේ තියෙන ඒව කියවනවා. මට අද වගේ මතකයි එහෙම එක චිට් එකක ලියලා තිබුණු පේළි දෙකක්.

‘දකින්නට මේ සඳවත

ඉතින් නතර වෙනු මැන හදවත’

ඇත්තටම එයා හඳක් වගේ හැඩයි. ඒක මේ දැන් කාලෙ ඉන්න බහුතරයක් කෙල්ලන්ගෙ තියෙන සංකර පෙනුමට සමාන එකක් නෙවෙයි. අරලියා මලක් වගේ හරි පිවිතුරු, අහිංසක ලස්සනක්. ඇත්තමයි. එහෙම ලස්සනක් මං කාගෙන්වත් දැකලා නෑ. ඔය ලස්සන ළඟ ඇස් නතර වුණු කී දෙනෙක් නම් මේ දොස්තර නෝනගේ හදවත පතාගෙන එන්න ඇතිද? ඒ වුණාට පුංචි සන්ධියේ ඉඳලම එයාගෙ හදවත අත්පත් කරගනිපු පෙම්වතෙක් හිටියා... ඒ තමයි එයාගෙ මස්සිනා.

ඔය මස්සිනාකාරයා එයාට ගැළපෙන්නේ නැති විත්තිය මමනම් කට කැඩෙනකල් කියලා ඇති. කොහෙද ඉතින්... මං කියන එකක් ඇහුවද... ඒ මිනිහා කොයිවෙලෙත් කුරා කූඹියෙකුටවත් වරදක් නොකරන මේ අහිංසකීව සැක කළා. ඒ සැකයෙන් හිත පිච්චෙන වාරයක් ගානේ ඌ මේ කෙල්ලව පිච්චුවා. දවසක් කකුල් දෙක සිගරට් කොටවලින් පුච්චලා තියෙනවා බලන් ඉන්න බැරි තැන මං ලෑස්ති වුණේ ගිහින් අතට අහුවෙන එකකින් ඌට දමලා ගහන්න. ඒත් මෙයා නෙවෙයි ඒකට ඉඩ දුන්නේ.

තව දවසක අර වගේ කවුරුහරි දාලා ගියපු චිට් එකක් මට පෙන්නන්න පර්ස් එකේ දාගෙන ඉද්දී ඔන්න ඒක මේ මනුස්සයාට අහුවෙලා. එදා ගහපු පාරට ඔලුව පැලුණා විතරක් නෙවෙයි සිහිය නැතුව ICU එකෙත් ඉන්න වුණා. මේ වගේ නරුමයෙක්, කරුමෙ මිසක් උරුමේ නෙවෙයි කියලා පැහැදිලි කරලා දීලා මං එදත් හැදුවේ පොලිසියට ගිහින් පැමිණිල්ලක් දාන්න. හැබැයි ඒකටත් මට ඉඩ ලැබුණේ නෑ.

පස්සෙ පස්සෙ එයාගේ මූණේ නිතර ඇඳිලා තිබුණු අර ලස්සන හිනාව ටික ටික අතුරුදන් වුණා. මේ ගෝරි නිසා දේවකාරියක් වගේ කරපු රාජකාරිය එපාවුණා. අන්තිමට හදවත ලෙඩ වුණු මේ හදවත් රෝග විශේෂඥවරිය රාජකාරියට සමුදීලා ඉස්පිරිතාලෙන් එළියට බැස්සා. එයිනුත් පස්සේ අර පෝරිසාදයාගෙන් වහන් වෙලා අවුරුද්දක් දෙකක් කවුරුත් නොදන්නා පැත්තකට වෙලා ඔත්පල වුණු හදවතට පැලැස්තර අලවාගත්තා. දැන් එයාගේ සියලු අසනීප සනීපයි. ඒත් එච්චර වද දීපු මනුස්සයෙක්ට අඩුම තරමේ ද්වේෂයෙන් වචනයක්වත් නොකියා සමාව දුන්නේ කොහොමද කියන එක මට අදටත් ප්‍රශ්නයක්. වළදාපු අතීත කතා ආයෙ ගොඩගන්න ඕන නෑ තමයි. ඒත් අද මට ඒ ප්‍රශ්නේ එයාගෙන් නාහා ඉන්න බැරි වුණා. ඉතින් මම ඇහුවා.

විනාඩියක් දෙකක් ගතවෙන්න ඇති. ඈත පේන කඳු පන්තිය දිහා බලාගෙන ඉන්නවා මිසක් එයාගෙන් උත්තරයක් ලැබෙන පාටක් නෑ. මං වැරදි ප්‍රශ්නයක්වත් ඇහුවද කියලත් මට දැන් සැකයි.

“මං ඇහුවේ වැරදි ප්‍රශ්නයක් නම් මට සමාවෙන්න අපේ මෑණියෝ...”

සාමා මෑණියෝ ඈතට පා කරලා ඇරපු ඇස් දෙක ගෙනල්ලා මගේ ඇස් මත්තේ රැඳෙව්වා. ඊටපස්සේ හරිම සැහැල්ලුවෙන් හිනාවුණා. ඒ මං වැරද්දක් කළේ නෑ කියලා කියන්න වගේ.

ඔව්... ඒ යාළුවා වෙන කවුරුත් නෙවෙයි. ඒ තමයි සමාඛ්‍යා. වර්තමාන කාලෙන් කිව්වොත් සාමා මෑණියෝ. වෙද නලාව නැති වුණාට මොකද අදත් මගේ හදවතේ ඇතිවෙන වේදනා එක සැනින් නිවන්න එතුමියට පුළුවන්.

ආපහු ඇස් ඈතට පා කරන ගමන් දිග නිහඬතාවයකට පස්සේ සාමා මෑණියෝ කතා කරන්න පටන්ගත්තා.

“සකී අහලා තියෙනවද අපේ බුදු හාමුදුරුවෝ දේශනා කරලා තියෙනවා මේ ලෝකෙ අතිශයින් දුර්ලභ දේවල් හයක් තියනවා කියලා...”

ඇත්තටම මං එහෙම එකක් අහලා නෑ. ඒ නිසා මෑණියන්ගේ කතාවට බාධා නොකර, මැණියන්ට දිගටම කතා කරගෙන යන්න ඉඩ දීලා මං හිස දෙපසට කළා.

“මං වෙන වෙලාවක විස්තර සහිතව ඒ ගැන කියන්නම්. ඊට කලින් සකීගේ ප්‍රශ්නෙට උත්තර දීලා ඉන්නම්. උන්වහන්සේ ඔය කියපු දුර්ලභම දේවල් හයෙන් එකක් තමයි සකී පැවිද්ද කියලා කියන්නේ.”

ආරණ්‍යය වැඳ පුදාගන්න ආපු මන්දගාමී හුළඟක් ඇවිල්ලා මගේ ඇගේ දැවටෙනවා. ආරණ්‍යය භූමිය පුරා අතුපතර විහිදගෙන ඉන්න ගස් කොලන් වැඩි නිසාද කොහෙද ඒ මඳ හුළඟ පවා හරි සීතලයි. හැබැයි චීවරයෙන් ආවරණය වුණු මෑණියන්ට ඒ සීතල පීඩාවක් විදියට දැනෙන්නේ නැති විත්තිය මං දන්නවා. හරියට පැවිද්දත් ඒ වගේ. ගිහි අපිට බාල්දි පෙරළන බොහෝමයක් දේවල් පැවිද්ද ළඟදි බාල්දු වෙලා හැරිලා යනවා. එහෙම බලද්දී පැවිද්ද බොහොම දුර්ලභ දෙයක් තමයි.

“සමහරු හිතනවා මම පැවිද්දට ආවේ අතීතයේ සිද්ධ වුණු ඔය සිදුවීම් නිසා කියලා. හැබැයි හිතලා බලන්න සකී... ආදර සම්බන්ධතා කැඩිලා බිඳිලා වෙන් වෙන කී දෙනෙක් අද සියදිවි හානි කරගන්නවාද... කීදෙනෙක් තැබෑරුම්වලට වෙලා මත්වතුරවල ජීවිත දිය කරලා දානවද... සම්බන්ධතා බිඳුණු පමණින් හිත රිදුනු පමණින් හැමෝම පැවිද්දට එන්නේ නෑනේ. ඒකට පින තියෙන්න ඕන.”

සාමා මෑණියෝ මේ දේවල් දකින විදිය ගැන මට පුදුම නෑ. අද විතරක් නෙවෙයි, ඉස්සරත් එයා ප්‍රශ්න දිහා බැලුවේ අපි බලන විදියට නෙවෙයි.

“දැන් බලන්න සකී... සමහරු කියනවා පැවිදි වුණාම සිව්පසය සම්පූර්ණ වෙන නිසා යන එනමං නැති මිනිස්සු තමයි පැවිදි වෙන්නේ කියලා. හැබැයි සිව්පසය ලැබෙනවා කියලා කන්න, අඳින්න, ඉන්න හිටින්න තැනක් නැති හැමෝම ඇවිල්ලා පැවිදි වුණා නම්, මේ රටේ මෙච්චර හිඟමන් යදින මිනිස්සු ඉන්න පුළුවන්ද? ඒ නිසා මිනිස්සු තේරුම්ගන්න ඕන දේ තමයි පැවිදි වෙන්න කෙනෙකුට ප්‍රශ්න තිබිලා හරි යන්නේ නෑ, ඒකට පින තියෙන්න ඕන. මටත් ඔය ගිහි ජීවිතේ වෙච්ච සිදුවීම් නිසා එක්කෝ සියදිවි හානිකරගන්න තිබුණා. නැත්නම් මේ හැමදේම අතෑරලා දාලා විදේශගත වෙන්න තිබුණා. එහෙමත් නැත්නම් ගොඩක් මිනිස්සු වගේ නන්නත්තාර වෙන්න තිබුණා. හැබැයි මං ඒ එකකටවත් නොගිහින් සාසනේට ආවා. ඒ මට පින තිබුණු නිසා. ඉතින් ඒ පින මතු කරලා දීපු මනුස්සයාට මං මොන එකකට වෛර කරන්නද සකී... මට ඒ අතීතය ගැන හෝ පුද්ගලයින් ගැන කිසිම බැඳීමක්වත් ගැටීමක්වත් නෑ.”

ඒ කියන්නේ මෑණියෝ හිතන්නේ මේ හැමදේම වුණේ හොඳට කියලද? මට එහෙම අහන්න ඕන වුණත් මම ඇහුවෙ නෑ.

“මම සංසාරෙ කොහේ හෝ තැනක කාටහරි ඒ විදියට හිංසා කරලා ඇති සකී. ඒ විපාකය තමයි ඒ විදියට ගෙවන්න වුණේ. ඒක කාගේවත් වරදක් නෙවෙයි. ඒ පුද්ගලයා මට මේ ජීවිතෙන් ඒ පව ගෙවලා ඉවර කරන්න උපකාර කළා. මගේ කර්ම විපාකය ගෙවලා ඉවර කරගන්න ඒ පුද්ගලයාට මැදිහත්කරුවෙක් වෙන්න වුණා.”

ඒ අමතන විදියෙන් සහ මෑණියන්ගේ ස්වරයෙන් මට තේරෙන්නේ මම තවමත් ඒ අතීතයේ හිරවෙලා උන්නට මෑණියෝ ඒ අතීතයෙන් නික්මිලා ගොඩක් දුර ඇවිත් කියලයි.

“අපි හැමතිස්සෙම මේක මතක තියාගන්න ඕන සකී. පැවිදි ජීවිත ගතකළත් ගිහි ජීවිතය ගතකළත් මේ ධර්මතාවය දැනගෙන ජීවත්වෙන එක වටිනවා.”

“මොකක්ද අපේ මෑණියෝ...”

“ජීවිතේ යම් යම් අවස්ථාවල අපිට අනේකවිධ වද හිංසා පමුණුවන මිනිස්සු මුණගැහෙනවානේ. සමහරුන්ට අපි කිසිම වරදක් කරලා නෑ. හැබැයි පන්න පන්නා හිරිහැර කරනවා. ඒක කායිකව සහ මානසිකව දෙවිදියටම වෙන්න පුළුවන්. ගොඩක් වෙලාවට පිට මිනිස්සුම නෙවෙයි. එහෙම වද දෙන අය අම්මා, තාත්තා, සහෝදරයෝ, ස්වාමියා, බිරිඳ විදියටත් එන්න පුළුවන්. එතකොට මතක් කරගන්න ඕන මේක මම සංසාරෙ කරපු පවක විපාකයක්. ඒ විපාකය ගෙවන්න අනේ මේ මනුස්සයා මැදිහත් වෙලා. බණ භාවනාවලින් හිත නොවඩපු මිනිස්සු, මේ විදියට අනුන්ගේ කර්ම ගෙවන්න ඉත්තෝ බවට පත්වෙලා අකුසල් රැස් කරගන්නවා. එහෙව් මිනිස්සුන්ට මම අනුකම්පා කරනවා මිසක් වෛර කරලා තේරුමක් නෑ. වෛර කළොත්, එකට එක කළොත් මට ඊළඟ ආත්මෙත් මේ පව ගෙවන්න වෙනවා. අන්න ඒ විදියට සිහි කරලා තමන්ට වැරදි කරන මිනිස්සුන්ට සමාව දෙන්න පුරුදු වෙන්න ඕන සකී. එතකොට ඒ ගනුදෙනුව මේ ආත්මෙන් ඉවරයිනේ...”

ඇත්ත... සමහර මිනිස්සු වෙනුවෙන් අපි කොච්චර උදව් උපකාර කළත්, කොච්චර කැපකිරීම් කළත් පෙරළා අපිට ලැබෙන්නෙ අනපේක්ෂිත හිත් වේදනා විතරයි. තවත් සමහර මිනිස්සුන්ට අපි අංශුමාත්‍රයක වරදක් කරලා නෑ. ඒ වුණාට මොකක්දෝ හේතුවකට ඒගොල්ලන් පන්න පන්නා අපිට හිරිහැරම කරනවා. හැබැයි ඒ වෙලාවට ද්වේශය ඇති කරගෙන එකට එක කරන්න ගියොත් සංසාරෙ තව සෑහෙන දුරක් අපිට මේ ගනුදෙනුව කර කර යන්න වෙනවා. සාමා මෑණියෝ කියන්නේ ඇත්ත. හේතුවක් ඇතුව හෝ නැතුව මිනිස්සු අපිව රිද්දන වෙලාවට හිතන්න පුරුදු වෙන්න ඕනෙ, ‘මේක මේ පුද්ගලයාගේ දෝෂයක් නෙවෙයි. මේ දෝෂය මගේ එකක්. ඒක මම සංසාරෙන් ගෙනාපු එකක්. ඒක ගෙවන්න මේ මනුස්සයා නොදැනුවත්වම මැදිහත්කරුවෙක් වෙලා. ඔහු හෝ ඇය සුවපත් වේවා’ කියලා. ඒත් එක්කම මට මතක්වුණා මම කොච්චර වාසනාවන්ත ද කියලා. භාග්‍යවතුන්වහන්සේ දේශනා කරලා තියෙනවා “මහණෙනි මේ ලෝකෙ ජීවත්වෙන කෙනෙක් ප්‍රාර්ථනා කළ යුතු යම්දෙයක් වේද කල්‍යාණ මිත්‍ර සම්පත්තිය තරම් දෙයක් ඇති කියලා මම දකින්නේ නෑ” කියලා. ඇත්තටම මේ වගේ කල්‍යාණ මිත්‍ර සම්පත්තියක් ලබන්න තරම් මම මේ සංසාරෙ කොච්චර පිං කරලා ඇතිද...

‘සාමා මෑණියන්ට ඒ අමා මහ නිවන බොහෝ දුර නොවේවා...! එතුමියට සුවසේ මේ නිවන් මග වඩන්නට මා කළ සියලු පිං හේතුවේවා!’ කියලා මම පිං අනුමෝදන් කළා.

සංසාර අරණ්‍යයේදී නැවත දවසක මුණගැහෙමු. තෙරුවන් සරණයි!

මම ඔබේ කල්‍යාණ මිතුරිය

ශාක්‍යා ඉද්දමල්ගොඩ (සකී)

#Dharanee #Dharaneedigital #newspaper

A day in the life

Read More

හමාස් සංවිධානය සහ පලස්තීනය .

ජෙරුසෙලම් පෝස්ට් පුවත් පත 2025/11/21 දින ලංකාව ගැන සදහන් ලිපියක් පලකරනවා.
ඒ වගේම 2013 මැයි 18 දින යුධ ජයග්‍රහණ සැමරැමේදී ගත් මේ ජායාරෑපයද ඔවුන් පළකරනවා.
+++++
ජෙරුසෙලම් පෝස්ට් පුවත් පත එරට යුධ විශේෂඤයකු වන කර්නල් ආචාර්ය මෝෂේ එලාද් සමග.කල සාකච්චාවක් ඇසුරින් මේ ලිපිය පලකරනවා.

එහි මෙහෙම කියනවා.හමාස් සංවිධානය පලස්තීනයේ ගාසා තීරයේ පාලනයෙන් පලවා හැරීමටත් හමාස් මුලිනුපුටා දැමීමටත් නොහැකිව ඊශ්‍රායලය අරගලයක් කරමින් සිටී.
ඊශ්‍රායලය යනු ලොව 14 වන යුධ බලවතා.
ලංකාව රටවල් 145 ක් අතරින් ලොව 69 වන යුධ බලවතා.
ලොව අංක එකේ බුද්ධි අංශය ලෙස සැලකෙන මොෂාද් ඔත්තු සේවය හිමි රට ඊශ්‍රායලය.
න්‍යෂ්ටික අවි , F 35 යානා , පේට්‍රියට් මිසයිල නාශක පද්ධති , සබ්මැරීන , යුධ ටැංකි මේ සියල්ලෙන් ඊශ්‍රායලය පොහොසත්.

බටහිර සහ ඇමරිකාව ඊශ්‍රායලය කරන ඕන අපරාධයක් සාධාරණය කරනවා.
එහෙම වෙලත් ඊශ්‍රායලයට බැහැ 35 km දිග 10km පළල කුඩා බිම් තීරැවක සිටින හමාස් පරාජය කිරීමට.
ගාසා තීරයට ආහාර විදුලිය ඉන්ධන ජලය සම්පූර්ණ සපයන්නේ ඊශ්‍රායලය විසින්.නමුත් ඊශ්‍රායලය අසමත් හමාස් මුලිනුපුටා දැමීමට.

මෝෂේ එලාද් මෙහෙම කියනවා.
ලෝකය අපට කියනවා ගරිල්ලා කණ්ඩායමක් මුලිනුපූටා දමන්න බැහැ කියලා.
නමුත් ලංකාවේ රජය ලොව දරැණුම ත්‍රස්ත සංවිධානය සම්පූර්ණ ලෙස පරාජය කලා.

ඔවුන් ලෝකය බැහැ කියන දේ කරලා පෙන්නුවා.
(ඇත්තටම LTTE සංවිධානය කොටියෙක් නම් සාපේක්ෂව හමාස් සංවිධානය පූසෙක් තරම් ඇති)

එලාද් කියන කතාව
2005 මහින්ද රාජපක්ෂ ලංකාවේ ජනාධිපති වෙනවා.
ඔහු සාම සාකච්චාව හරහා විසදුමක් සෙවීමේ උපායෙන් ඉවත් වී යුද්ධ කර කොටි සංවිධානය පරාජය කිරීමේ අපායට මාරැවෙනවා.
ඒ සමග රජය
විශාල ලෙස යුධ අවි මිලට ගැනීම ආරම්භ කළා.
හමුදාවට ලක්ෂ ගණනක් අලුතින් බදවා ගත්තා.
බුද්ධි අංශ තර කලා.
යුධ පෙරමුණු ගණනාවක් නිර්මාණය කර කොටියට පහර දුන්නා.

ලක් රජය ජාත්‍යන්තරය සමග සාකච්චා කර කොටි ආයුධ සැපයුම් වැහුවා.ඒ සදහා ඇමරිකාවේ ලෝක වෙළද මධ්‍යස්ථානයට එල්ල වූ ත්‍රස්ත ප්‍රහාරයේ බලපෑම ලංකාව උපක්‍රමිකව පාවිච්චි කලා.
කොටි සංවිධානය ජාත්‍යන්තරව තහනම් කරගැනීමට රජය සමත් උනා.

එලාද් මෙහෙමත් කියනවා.
කොටි සංවිධානය ඉතාම බලවත්.ඔවුන්ට සංකීර්ණ යුධ යාන්ත්‍රණයක් තිබුනා.
වෙනම පාලන කලාපයක් තිබුනා.
මරාගෙන මැරෙන ප්‍රහාර කලාව සොයාගත්තේ එම සංවිධානය.
ඔවුන් ඒ සදහා කාන්තාවන් සහ දරුවන් පවා යොදාගත්තා.

කොටි සංවිධානය සහ දෙමළ ජනතාව අතර බැදීම කඩා දැමීමට රාජපක්ෂ රජය සංවිධානාත්මක ප්‍රචාරක යාන්ත්‍රණයක් දියත් කලා.
ලංකාව තියෙන්නේ උපක්‍රමිකව සුවිශේෂී ස්ථානයක.ඒ වටිනාකම් පාවිච්චි කර ලංකාව බටහිර බලයට එරහිව චීන බලය ලබාගත්තා.
මහින්ද රජය යුද්ධය අවසන් වන තෙක් උතුරු නැගෙන හිරට මානව හිමිකම් සංවිධාන වලට එන්න දුන්නේ නැහැ.ජාත්‍යන්තර මාධ්‍ය වලට යුධ පෙරමුනට යන්න දුන්නේ නැහැ.ඔවුන් සියල්ල සංවිධානාත්මකව පාලනය කලා.
ඒ සියල්ල කර ඔවුන් ත්‍රස්තවාදය මුලිනුපුටා දැම්මා.

ඇමරිකාව.චෝදනා කරනවා යුද්ධය අවසාන සමයේ උතුරේ 40000 සහ 70000 අතර ගාතන සිදු වූ බවට.නමුත් සාක්ෂි නැහැ.ලක් රජය ඒ සියල්ල සූක්ෂමව කලමණාකරණය තලා. පුවත් පත එහෙම කියනවා.

මෝෂේ එලාද් කියනවා රැසියාව , චීලී රාජ්‍ය සහ ජර්මනිය විසින් ත්‍රස්තවාදී සංවිධාන පරාජය කල අවස්ථා වාර්ථා වන නමුත් ලංකාව තමයි වීස්තීරණ සටනක් සහමුලින් අවසන් කලේ . ඒ නිසා ලක් රජය කල යුද්ධයේ තීක්ෂණ බව අපි උකහා ගත යුතු බව.
ලෝකයම ඊශ්‍රායලයේ යුධ හැකියාව වර්ණනා කරද්දී ඊශ්‍රායලයේ යුධ උපදේශක වරු මහින්ද කල යුද්ධය වර්ණනා කරනවා සහ එය මොඩ්ල් එකක් විදියට අධ්‍යනය කරනවා.

ලංකාවේ සියලු වැසියන් මහින්ද රාජපක්ෂට සහ හමුදාවට දින පතා වැද නමස්කාර කල යුතු උනත් බහුතරය කරන්නේ අදටත් ගරහන එක.

ඊට හේතුව අපි අමුතු ජාතියක්.

https://www.jpost.com/international/article-854833...
මනෝජ් විජේසේකර

A day in the life

Read More

දේශගුණය .

මේ මාසේ නොවැම්බර් මා‍සේ.
ගමේ ඇත්තෝ නම් කියන්නේ නෑගණහිරිින් එන වැස්ස කියලා.
කාලගුනේට විද්‍යාත්මක අර්ථ කථන තියෙනවා.
ඒත් අපිට නම් උපන්දා සිට නොවැම්බර් , දෙසැම්බර් , ජනවාරි 15 විතර වෙනකම් වහිනවා.
උෂ්නත්වයත් වෙනස් වෙලා පරිසරය සීතල වෙනවා.
දුරුත්ත සීතල ගොඩක් වැඩි වෙලා පෙබරවාරි මාර්තු ඩිංග ඩිංග රස්නේ වැඩි වෙන්න පටන් ගන්නවා.
ඔන්න ඔහොමයි ගමට දේශගුනේ වෙනස් වෙන්නේ.
මිනිස් ක්‍රියාකාරකම් හේතුවෙන් ද දේශගුණය වෙනස් වෙනවා.
මීට අවුරුදු හැට හැත්තෑවකට වගේ ඉස්සෙල්ලා නෙමෙයි අපේ ගමේ දේශගුණය. ( බෙලිහුල්ඔය ).
සීතල දේශගුණයේ ඉදන් උණුසුම් දේශගුණයකට පරිසරය හෙමින් හෙමින් ගමන් කරලා අද වෙන කොට අපේ වයසේ අයට වෙනස හොදට දැනෙන්න පටන් අරන්.
ඇළ දොල ගංගා දැන් වතුරෙන් පිිරිලා ගලා යන්නේ නෑ.

ගෝලීය උෂ්ණත්වය ඉහළ යමින් පවතිනවා. මේ දේශගුණික විපර්යාසය දැන් මිනිස් ජීවිතයේ සෑම අංශයකටම තර්ජනයක් වෙලා.
දේශගුණික විපර්යාසයන්ට පිළියමක් නොයෙදුවොත් ව්‍යසනකාරී උණුසුමක් ද, ඒ සමග පැමිණෙන දිනෙන් දින නරක අතට හැරෙන නියං, මුහුදු මට්ටම විශාල වශයෙන් ඉහළ යෑම, සහ ජීවීන්ගේ මහා නෂ්ටවීම් ද අත්විඳින්නට මිනිසාටත් ස්වභාව ධර්මයටත් සිදුවනවා නියත යි.

දේශගුණ විපර්යාස.

අවුරුදු ගණනාවක් පුරාවට යම් ප්‍රදේශයක පෙන්වන සාමාන්‍ය කාලගුණය "දේශගුණය' යනුවෙන් හැඳින්වෙනවා. සාමාන්‍ය තත්ත්වයන් වෙනස්වීම 'දේශගුණ විපර්යාසය' යනුවෙන් හැඳින්වේ.
මේ වන විට අප අත්විඳින සීඝ්‍ර දේශගුණ විපර්යාසයන් ඇතිවී තිබෙන්නේ මිනිසා විසින් සිය නිවෙස්, කර්මාන්තශාලා, සහ ප්‍රවාහන කටයුතු සඳහා ඛණිජ තෙල්, වායු, සහ ගල් අඟුරු දහනය කිරීම නිසා යි.
මේ ෆොසිල ඉන්ධන දහනය වන විට හරිතාගාර වායූන් - බොහෝකොටම කාබන් ඩයොක්සයිඩ් (CO2) - නිකුත්වේ. මෙම වායූන් මඟින් පෘථිවියට ලැබෙන සූර්ය තාපය මෙහිම රඳවා ගන්නට කටයුතු කිරීමෙන් පෘථිවියේ උෂ්ණත්වය ඉහළ යයි.
1850 සිට 2020 දක්වා වාර්ෂික මධ්‍ය ගොඩබිම් සහ සාගර උෂ්ණත්වය - සාමාන්‍යයට පහළ සහ ඉහල උෂ්ණත්වයන්

වර්තමාන ලෝකය 19 වැනි සියවසේ දී තිබුණාට වඩා සෙල්සියස් අංශක 1.2කින් පමණ උණුසුම් ය. එසේම වායුගෝලයේ කාබන් ඩයොක්සයිඩ් ප්‍රතිශතය එදාට සාපේක්ෂව 50%කින් ඉහළ ගොස් ඇත.
විද්‍යාඥයින් පවසන්නේ දේශගුණික විපර්යාසවල නරකම ප්‍රතිවිපාක වළක්වා ගන්නට අවශ්‍ය නම් ගෝලීය උෂ්ණත්වය ඉහළ යන වේගය අඩුකළ යුතුබව යි. වර්ෂ 2100 වන තෙක් උණුසුම ඉහළ යන අගය සෙල්සියස් අංශක 1.5 ලෙස තබාගත යුතුයැ යි ඔවුන් පවසයි.

කෙසේ නමුත්, ඒ සඳහා වැඩිදුර පියවර නොගතහොත් මේ ශතවර්ෂය අවසන් වන විට පෘථිවියේ උෂ්ණත්වය සෙල්සියස් අංශක 2කටත් වැඩියෙන් ඉහළ යනවා ඇති.
විද්‍යාඥයන් සිතන්නේ මීට පිළියම් කිසිවක් නොයෙදුවහොත් ගෝලීය උණුසුම සෙල්සියස් අංශක 4 ඉක්මවීම ඉඩ ඇති අතර, එය හදිසියෙන් ඇතිවන විනාශකාරී ග්‍රීෂ්මයන්ට, මිලියන ගණනකට නිවාස අහිමි කරමින් මුහුදු මට්ටම ඉහළ යාමට, සහ ශාක හා සත්ත්ව විශේෂයන් නැවත වෙනස් කළ නොහෙන අන්දමට විනාශ වී යාමට තුඩුදෙනු ඇතිබව යි.

දේශගුණික විපර්යාසයේ බලපෑම .

මේ වන විටත්, ජීවිත සහ ජීවනෝපායන් තර්ජනයට ලක් කරමින් ආන්තික කාලගුණ තත්ත්වයන් තවත් දරුණු අතට හැරී තිබේ.

පසුගිය වසර 11,300 තුළ සිදුවූ ගෝලීය උෂ්ණත්වයේ අසාමාන්‍ය වෙනස්වීම

ලෝකය තවත් උණුසුම් වුවහොත් වගාබිම් කාන්තාරබවට පත්විය හැකි නිසා, ඇතැම් ප්‍රදේශයන් මිනිස් වාසයට නුසුදුසු වීමට හැකි යි. ගොවිබිම් කාන්තාර බවට පත්වීමත් තවත් ප්‍රදේශයන්හි දී මෙහි විලෝමය සිදුවෙමින් පවතියි. මෑතක දී චීනයේ, ජර්මනියේ, බෙල්ජියමේ, සහ නෙදර්ලන්තයේ සිදුවූ පරිදි, අධික වර්ෂාපතනය හේතුවෙන් ඓතිහාසික ජලගැල්ම ඇතිවීම දැකගත හැකි ය.

දේශගුණික විපර්යාසවලට අනුවර්තනය වීමට අවශ්‍ය මුදල් නොමැතිවීම නිසා වඩාත් දුක් විඳිනු ඇත්තේ අප වැනි දුප්පත් රටවල ජනතාව ය. සංවර්ධනය වෙමින් පවතින රටවල බොහෝ ගොවිබිම් දැනටත් අධික උෂ්ණත්වයකට මුහුණපාමින් සිටින අතර, මෙය හැරෙනු ඇත්තේ වඩාත් නරක අතට පමණි.

අපගේ සාගර ද, ඒවායේ පිහිටි බොහෝ සාගර ජීවීන්ගේ වාසස්ථාන ද තර්ජනයට ලක්වී ඇත. නිදසුනක් වශයෙන් ගතහොත්, දේශගුණික විපර්යාස හේතුවෙන් මුහුද උණුසුම් වීම නිසා ඕස්ට්‍රේලියාවේ මහා බාධක පරයට 1995 සිට මේ වන තෙක් සිය කොරල්පරවලින් අඩක්ම අහිමි වී තිබේ.
දේශගුණික විපර්යාසයන් උණුසුම්, වියළි කාලගුණයක් ඇතිවීමේ අවදානම ඉහළ දමන බැවින් ලැව්ගිනි ඇතිවීම ද දැන් දැන් බහුල සිදුවීමකි.

සයිබීරියාව වැනි ප්‍රදේශවල මිදුණු පොළව දිය වී යද්දී, දේශගුණික විපර්යාස තවත් නරක අතට හරවමින් සියවස් ගණනාවක් තිස්සේ එහි සිරවී තිබූ හරිතාගාර වායූන් වායුගෝලයට මුදා හැරෙනු ඇත.
ලෝකය වඩාත් උණුසුම් වෙද්දී, සතුන්ට ද ජීවත්වීමට අවශ්‍ය කරන ආහාර හා ජලය සොයාගැනීම දුෂ්කර වනු ඇත. උදාහරණය ලෙස, ඔවුන්ගේ ජීවිතය ගෙනයෑමට අවශ්‍ය අයිස් දියවීමත් සමග හිම වලසුන් මියගොස් වඳවී යනු ඇති අතර, අලින්ට දිනකට අවශ්‍ය කරන ජලය ලීටර 150 - 300ත් අතර ප්‍රමාණය සොයාගැනීම සඳහා ඔවුන්ට මහත් සේ දුක් විඳීමට සිදුවනු ඇත.
විද්‍යාඥයන් විශ්වාස කරන්නේ නිසි පියවර නොගතහොත් මෙම සියවස අවසන් වන විට සත්ත්ව විශේෂ 550ක්වත් වඳවී යා හැකිබව යි.

ලෝකයේ විවිධ ප්‍රදේශ මුහුණ දෙනු ඇත්තේ කුමනාකාරයේ වෙනස්කම්වලට ද?

දේශගුණික විපර්යාසය ලෝකයේ විවිධ ප්‍රදේශවලට ඇති කරන්නේ විවිධ බලපෑම් ය. සමහර ස්ථාන අනෙක් ප්‍රදේශවලට වඩා උණුසුම් වනු ඇත. සමහරක් ප්‍රදේශයන්ට වැඩි වර්ෂාපතනයක් ලැබෙනු ඇති අතර, තවත් සමහරක් ප්‍රදේශයන්ට නියඟවලට මුහුණදීමට සිදුවනු ඇත්තේ ය.

ගෝලීය උෂ්ණත්වය ඉහළ යෑම සෙල්සියස් 1.5ට සීමාකර ගැනීමට නොහැකි වුවහොත්:

එක්සත් රාජධානිය සහ යුරෝපය අධික වර්ෂාපතනය හේතුවෙන් ඇතිවන ගංවතුරට ගොදුරු වනු ඇත
මැදපෙරදිග රටවල් හදිසියේ ඇතිවන දැඩි ග්‍රීෂ්මයන් අත්විඳිනු ඇති අතර, ගොවිබිම් කාන්තාර බවට හැරෙනු ඇත
ශාන්තිකර කලාපයේ සහ ඉන්දියානු සාගරයේ දූපත් රාජ්‍යයන් මුහුදු මට්ටම ඉහළ යැමත් සමග අතුරුදන් වී යාමට පුළුවන
බොහෝ අප්‍රිකානු රාජ්‍යයන් නියඟයෙන් සහ දුර්භික්ෂයෙන් පීඩා විඳිනු ඇත
එක්සත් ජනපදයේ බටහිරදිග ප්‍රදේශයන්හි නියං තත්ත්වයක් ඇතිවනු ඇති අතර, අනෙක් ප්‍රදේශයන් වඩ වඩාත් දරුණු කුණාටුවලට මුහුණපානු ඇත
ඕස්ට්‍රේලියාව අධික උණුසුම සහ නියඟයෙන් පීඩා විඳිනු ඇත

රට රටවල ආණ්ඩු මොනවා ද කරන්නේ?

දේශගුණික විපර්යාසවලට මුහුණ දීමට හැකි වන්නේ එක්ව වැඩ කිරීමෙන් පමණක් බව බොහෝ රටවල් එකඟ වන අතර, ගෝලීය උෂ්ණත්වය සෙල්සියස් අංශක 1.5ට තබාගැනීමට උත්සාහ කරන බවට, 2015 වසරේ පැරිසියේ දී ලෝක ඉතිහාසයේ වැදගත් සංධිස්ථානයක් සනිටුහන් කරමින් ඔවුහු ප්‍රතිඥා දුන්හ.
එක්සත් රාජධානිය ලෝක නායකයින් වෙනුවෙන් COP26 නම් සමුළුවක් පවත්වන ලදී. මෙහිදී රටවල් 2030 වසර වන විට කාබන් විමෝචනය අඩු කිරීමේ සැලසුම් ඉදිරිපත් කරන ලදී.
2050 වන විට කාබන් විමෝචනය බිංදුව දක්වා ගෙන ඒමට බොහෝ රටවල් ප්‍රතිඥා දී ඇත. මෙයින් අදහස් වන්නේ හරිතාගාර වායු විමෝචනය හැකිතාක් අවම කිරීම, සහ ඉතිරි විමෝචනයන්ට සමාන ප්‍රමාණයක් වායුගෝලයෙන් අවශෝෂණයකර සමතුලිත කිරීම යි.
මෙය සාක්ෂාත්කර ගත හැකි ඉලක්කයක්යැ යි විශේෂඥයින් පවසන නමුත්, ඒ සඳහා රජයයන්, ව්‍යාපාර, සහ තනි පුද්ගලයින් පවා විශාල වෙනස්කම් සිදුකිරීම අත්‍යවශ්‍ය ය.
ශ්‍රී ලංකා ජනපතිත් COP26 සමුළුවට

මේ අතරේ ශ්‍රී ලංකා ජනපති ගෝටාභය රාජපක්ෂ ද ස්කොට්ලන්තයේ ග්ලාස්ගෝ නුවර පැවැති COP26 සමුළුවට සහභාගී විය.

ජනපතිවරයා ඔක්තෝබර් 31 වන දා සමුළුව ඇමතුවේ "නයිට්‍රජන් ගැන පසුවිපරම: දේශගුණික විපර්යාස, සෞඛ්‍යය, ජෛව විවිධත්වය සහ චක්‍රීය ආර්ථිකය පිළිබඳ විසඳුම් සහ සහසබඳතා" යන මාතෘකාව යටතේ ය.
ශ්‍රී ලංකාවේ කෘෂිකර්මාන්තය 100%ක් කාබනික කිරීම ගැන විස්තර කළ ජනපතිවරයා, එම ක්‍රියාව "බොහෝ ඇගයීමට පාත්‍රව ඇතත්, යම් විවේචනයන්ට සහ ප්‍රතිරෝධයකට ද මුහුණ දී ඇතැ"යි ද පැවසීය.
"2030 වන විට අපි අපගේ කාබන් අවශෝෂණ හැකියාව 7%කින් වැඩි කිරීමට මුලපුරා ඇති අතර, ජාතික වන ආවරණය ඉහළ නැංවීමට ද ප්‍රමුඛත්වය දී සිටිමු," යි ප්‍රකාශ කළ ජනපතිවරයා, 2030 වන විට ජාතික බලශක්ති අවශ්‍යතාවයෙන් 70%ක් පුනර්ජනනීය බලශක්ති ප්‍රභවයගෙන් සපුරා ගන්නාබව ද, පොසිල ඉන්ධන භාවිතය ක්‍රමානුකූලව ඉවත් කිරීමට පියවර ගනිමින් සිටිනාබව ද ප්‍රකාශ කළේ ය.

day in the life

Read More

රන්ජන් විජේරත්න

දැනෙන ගින්නට ඇවිද ගිය මිනිසා -
රන්ජන් විජේරත්න.
ප්‍රවෘත්තිවලට වඩා බිය වේගයෙන් ගමන් කළ කාලයක් ශ්‍රී ලංකාවේ තිබුණි.
කතා කිරීම වෙනුවට මිනිසුන් මුමුණති.
හිරු බැස යාමට පෙර සාප්පු වසා දමන ලදී. සෑම මවක්ම තම දරුවන් ආරක්ෂිතව නිවසට පැමිණෙන තෙක් දොරකඩ බලා සිටියහ.
ත්‍රස්තවාදය ප්‍රධාන මාතෘකාවක් නොවූ කාලයක් වුවද එය දෛනික යථාර්ථය විය.
මේ අන්ධකාරය මැද, පසුබැසීම ප්‍රතික්ෂේප කළ මිනිසෙක් සිටියේය.
ඔහුගේ නම රන්ජන් විජේරත්න.
සෑම රටකම ඉතිහාසය තුළ, එක වාක්‍යයකින් විස්තර කළ නොහැකි නායකයින් සිටී. නිර්භීත සහ අධිෂ්ඨානශීලී - නමුත් විවේචනය කරන, ප්‍රශ්න කරන සහ වරදවා වටහා ගන්නා නායකයින් සිටී. රන්ජන් විජේරත්න ඔවුන්ගෙන් කෙනෙකි.
- රට වෙව්ලන විට, ඔහු එසේ කළේ නැත.
ඔහු ඔප දැමූ හෝ කාව්‍යමය කෙනෙන් නොවීය. ඔහු මිනිසුන්ගේ අත්පොළසන් සඳහා මෘදු ලෙස පෙනී සිටියේ නැත.
ඔහු හමුදා විනය, තියුණු තීරණ සහ රට සටන් කිරීමට වටින බව විශ්වාස කිරීමෙන් ඇති වූ ධෛර්යයෙන් හැඩගැසුණු තද මිනිසෙකි.
අනෙක් අය දුර සිට අනතුර විශ්ලේෂණය කළද, ඔහු කෙලින්ම එයට ඇතුළු විය.
බෝම්බ පිපිරීම් දේශය සෙලවූ විට, ඔහු සැඟවී සිටියේ නැත. ඔහු ස්ථිරව එහි සිටගෙන සිටියේය.
සමහරුන්ට මෙය නිර්භීතකමක් ලෙස පෙනුනි. අනෙක් අයට මෙය අවදානමක් ලෙස පෙනුනි.සමහරුන්ට එය මෝඩ උද්ධඡ්ඡ කමක් ලෙස පෙනිනි. නමුත් ඔහුට එය රාජකාරියක් විය.
ඔහු දේශපාලනඥයෙකු පමණක් නොවේ. ඔහු සොල්දාදුවෙකුගේ මනසක් ඇති පරිපාලකයෙකු, විනයගරුක සංවිධායකයෙකු, ශ්‍රී ලංකාවේ අඳුරුතම කාලවලදී නිර්භීත සටන්කරුවෙකු ද විය. ඒ සමඟම, ඔහුගේ අදහස් හා ක්‍රියාවන් පිළිබද මතකයද විවාදිතව, තවමත් සාකච්ඡාවට භාජනය වන තීරණ ගත් මිනිසෙක් විය ඔහු.
රන්ජන් විජේරත්න ජීවත් වූයේ නායකයින්ට ප්‍රවේශම් වීම සහ ධෛර්යය අතර තෝරා ගැනීමට සිදු වූ කාලයකයි.
ඔහු ධෛර්යය තෝරා ගත්තේය .
සමහර විට ප්‍රශංසා කරන ලද, සමහර විට ප්‍රශ්න කරන ලද, නමුත් සෑම විටම ස්ථිරව තම මතයේ සිටි අයෙකි ඔහු.
ඔහුව තේරුම් ගැනීමට නම්, අපි ඔහු දෙස සම්පූර්ණයෙන්ම සමබරතාවයෙන් බැලිය යුතුය.
ශ්‍රී ලංකාව බියෙන්, ප්‍රචණ්ඩත්වයෙන් සහ අවිනිශ්චිතතාවයෙන් ගිලී තිබුණි.
බෝම්බ, ඝාතන සහ ත්‍රස්ත ප්‍රහාර සුලභ විය. පසුදා අවදි වේදැයි සැකයෙන් මිනිසුන් නින්දට ගියේය.
මේ කාලය තුළ, රන්ජන් විජේරත්න ධෛර්යයේ කුළුණක් බවට පත් විය.
• ඔහු වසා දැමූ දොරවල් පිටුපස සැඟවී සිටියේ නැත.
• ඔහු කෙලින්ම ගියේ ඉදිරි පෙළට ය, එහිදී අනතුර ඉහළම විය.
• හරි හෝ වැරදි, ජාතික ආරක්ෂාවට අවශ්‍ය වන්නේ දුර්වල සම්මුති නොව නිර්භීත තීරණ බව ඔහු දැඩිව විශ්වාස කළේය.
සමහරු පැවසුවේ ඔහු ඕනෑවට වඩා දැඩි බවයි. ඔහුගේ ක්‍රම දැඩි බවත් රාජ්‍ය තාන්ත්‍රික කටයුතු සඳහා සුළු ඉඩක් ඉතිරි කළ යුතුව තිබූ බවත් ඔවුන් පවසති.
එහෙත් ඔහු තමාගේම විනිශ්චය මත දැඩි ලෙස විශ්වාසය තබා දැඩි පාලනයකට කටයුතු කලේය.
ඔහු සීමාවන් තල්ලු කර විරුද්ධවාදීන් අතර බිය ඇති කළ බව සත්‍යයකි. එසේම ඔහු තම පාර්ශවයටද අවිනිස්චිත බවක චකිතයක් ඇති කර තිබුනි.
නිල ඇඳුමක් නැති ජෙනරාල්වරයා.
ඔහු පෙරහන් නොමැතිව කතා කළේය.
ඔහු ප්‍රමාදයකින් තොරව ක්‍රියා කළේය.
ඔහු සාමාන්‍ය ඇඳුමක් ඇඳ සිටිමින්, සොල්දාදුවෙකු මෙන් තමාව පෙරට රැගෙන ගියේය.
ඔහු ඉක්මනින් තීරණ ගත්තේය.
ඔහු තමාටම දැඩි වූ අතර රටේ සාමයට තර්ජනයක් වූ අයට ද වඩා දැඩිව ක්‍රියාත්මක විය.
ඔහුගේ තීරණ වේගවත්, තියුණු සහ පැහැදිලි විය.
ඔහුගේ ආධාරකරුවන් පැවසුවේ ඔහු “දේවල් ඉටු කරන” නායකයෙකු බවයි.
සමහරුන්ට මතභේදාත්මක වීරයා.
සෑම ශක්තිමත් නායකයෙකුටම සෙවනැල්ලක් සමඟ ගමන් කළ හැකිය.
රන්ජන් විජේරත්න ද ඊට වෙනස් නොවේ.
සමහරු ඔහුට ඕනෑවට වඩා දැඩි යැයි චෝදනා කළහ.
එහෙත් ඔහුව විවේචනය කළ අය පවා එක දෙයකට එකඟ වූහ..,
ඔහු කිසි විටෙකත් බිය වූයේ නැති බව.
දෙපාර්ශවයක ත්‍රස්තවාදීන්ට බිය නොවුනු බව.
දේශපාලනයට බිය නොවුනු බව.
ඔහු ප්‍රතිවාදියාට මෙන්ම තමා ලග සිටින අයට ද බිය ගෙන ආවේය..
එසේම තර්ජනවලට බිය නොවිනි.
ප්‍රතිවිපාකවලට ද බිය නොවිනි.
බිය කිසිවිටකත් ඔහු තුළ ජීවත් වූයේ ම නැති බව කියැවේ.
ජාතියක් දැවෙන විට, ආරක්ෂා කරන එම ගින්නටම විවාදයක් ද ඇවිලවිය හැකිය. ශක්තිමත් නායකයින් ස්වභාවයෙන්ම දැඩි විවේචන ආකර්ෂණය කරනන්ය.
නිශ්ශබ්දතාවය බිඳුණු දිනය.
ඊට පසු සියල්ල වෙනස් කළ දිනය පැමිණියේය. භීෂනය ලැගුම්ගත් උදෑසනක පිපිරීමක්..කාගෙන් කුමන ලෙසක ආවද,
ජීවිතයක් අවසන් කළ සහ පුරාවෘත්තයක් ආරම්භ කළ එක් මොහොතක්.
දහස් ගණනින් ජනතාව රැස් වූහ. සමහරු කඳුළු සලමින්, සමහරු කම්පනයෙන්, සමහරු අවිශ්වාසයෙන්.
සහ සමහරු සතුටින් මෙන්ම ප්‍රිතීයෙන් ද සිටියෝය, ඔහු වපුරපු දේ නෙලා ගත් බව සමහර කිවේය.
ඔවුන් ඔහු සමඟ එකඟ වුවත් නැතත්, කලු හැදගත් භීෂනයේ කුණාටුව අතර හිටගෙන සිටි මිනිසෙකු අහිමි වූ බව නම් කා අතරත් කතාව වුනි.
ඔහුගේ මරණය හුදෙක් දේශපාලන ඝාතනයක් නොවේ. එය ඝාතනයක් නොවන්නේ ද නොවේ.
එහෙත් එය ධෛර්යයට මිලක් ඇති බව කාටත් මතක් කිරීමක් විය. හරි හෝ වැරදි වුවද, බොහෝ විට එය නිර්භීත අය විසින් ගෙවනු ලැබූ එකකි..
ඔහුගේ මරණය දේශපාලනඥයෙකුගේ අහිමි වීම පමණක් නොවේ.
ශක්තිමත් වුවද නොනැමෙන නායකයින් බොහෝ විට විශාලතම අනතුරුවලට මුහුණ දෙන බව එය මතක් කිරීමක් ද විය.
අප ඉගෙන ගත යුතු උරුමය.
අද, වසර ගණනාවකට පසුවත්, ඔහුගේ කතාව තවමත් මතයන් වියිධ දෙසට බෙදී යයි .
නමුත් එය අපට බලවත් දෙයක් උගන්වයි.
නායකත්වය පරිපූර්ණත්වය නොවේ.
නායකත්වය ජනප්‍රියත්වය ද නොවේ.
නායකත්වය යනු ඝෝෂාකාරී කතා හෝ දේශපාලන පොරොන්දු ද නොවේ.
අනෙක් සියල්ලන්ම පසුබසින විට අනතුරට යාමට ඇති කැමැත්ත නිර්භීත නායකත්වයයි. එය රංජන් විජේරත්නට තිබුනු බව ඔහුව ඝාතනය කර වසර ගනනකට පසුව වුවද අපට පිලිගැනීමට සිදුවෙයි.
මිනිසුන් ඔබව වරදවා වටහා ගන්නා විට පවා ජාතියක් ආරක්ෂා කිරීමට ඇති ධෛර්යය නායකත්වයයි.
සත්‍යවශයෙන්ම රන්ජන් විජේරත්න සාන්තුවරයෙකු නොවේ.
එසේම ඔහු සමහරුන්ට අනුව දුෂ්ටයෙකු ද නොවීය.
ඔහු මිනිසෙක් - ශක්තිමත්, නමුත් දෝෂ සහිත, අධිෂ්ඨානශීලී සහ අමතක නොවන ගනයේ මිනිසෙක්..
ධෛර්යය සහ මතභේද දෙකම එකම උරහිස මත දරාගත් මිනිසෙක්.

අවසාන අදහස

රන්ජන් විජේරත්න පරිපූර්ණ මිනිසෙක් නොවේ - එසේම කිසිම නායකයෙක් කිසිදා පරිපූර්ණ නොවේ.
නමුත් ඔහු භයානක කාලයක නැගී සිටි, ප්‍රශංසාව සහ දොස් දෙකම දරාගත්, අපගේ පරම්පරාව තේරුම් ගත යුතු පාඩම් ඉතිරි කළ මිනිසෙකි.
එවැනි නායකයින්ට ගෞරව කිරීම නොකිරීම සඳහා, ධෛර්යය මනුෂ්‍යත්වය සමඟ සමතුලිත වන සහ ශක්තිය ප්‍රඥාවෙන් මෙහෙයවනු ලබන අනාගතයක් අප ගොඩනඟා ගත යුතුය.
කෝපයෙන් නොව, අන්ධ ප්‍රශංසාවෙන් නොව, පරිණතභාවයෙන් - ඉතිහාසයේ සෑම පරිච්ඡේදයකින්ම ඉගෙන ගන්නා ජාතියක් බවට අපි වර්ධනය විය යුතුයි..
එසේම ඉන් අපි ඉගෙන ගන්නේ නම්, රන්ජන් විජේරත්නගේ කතාව ඉතිහාසය පමණක් නොවනු ඇත. එය අපගේ අනාගතයට ද මඟ පෙන්වීමක් ද වනු ඇති බවයි මගේ අදහස.
- සකුපෙරේරා

A day in the life

Read More

වන්නියේ ඇත්තෝ.

හේං ගිනි යාදිනි කියා ගිනිමා සැරේට මුල් පුරාපු 

වන්නියේ ඇත්තෝ.

හාහ් පුරා කියා ආකහේ වැහි බිත්තර පාංඩ කලියෙං ගිනි ගහන හව්ව වන්නි ඈයිංට වගේ වගක් නැත.‍ කොලු කුරුට්ටෝ ගිනියං වුණු වැල්ලේ ඇවිද යති. බෝලයක්, පිත්තක් හොයාන වැව් පිටි ගානේ කාලේ ගෙවති. ඉස්කෝලෙ නොවෙන්නං රෑ බෝ වෙන්ඩ ඔන්න මෙන්න තියා දොස් පරොස් අසමින් ගෙට වදිති.

මහගෙට අල්ලා කැලේට මායිං ව ගස් ගොන්න වැවෙන්ඩ ඇර තිබාපු හේන් ලන්ද මේ කාලේට කල එළි බහින්නේ ය. පිටි කරේ වතුර කලේකුත් උහාන උදැල්ලත්, පොල කැත්තත්, පං මල්ලත් ඇන්න අත්තා ඒ ඉසව්වේ දවස තිස්සේ දහිරිය දමන්නේ ය. උදැහැනැක්කේ ම ගෙං එළි බහින්ඩ කලියෙං කෑම් පීම් මොනවාදැ යි කලින් දා රෑ ජාමේ අත්තම්මාට අඬගාන්නේ ය.
“උදේට කැකුලු හාල් බතට හොඳවෑයිං මිරිස් පුච්චාපු සම්බෝලෙකු යි කට්ට කරවල බැදුමකු යි හදාපල්ලා”
අපිට ද ඒවා රාජ බෝජන ය. අපි කුඩා සන්දියේ අත්තා ගේ මිදුලේ මහා බුරුත ගහක් හෙවනේ පං පැදුර එළා සද්දෙට කතා කරයි.
“දවල් වෙන්ඩ කලිං කාපල්ලා”

බුරුත ගහ යට පං පැදුරේ වැටී එරමිණියා ගොතාගෙන අපි බලා සිටිමු. අත්තම්මාත් අම්මාත් බත් පිඟං ඉදිරිපිට තබා පිටව යති. කා අවසන් වෙත් පං පැදුරේ වැටුණු බත් ඇට එකින් එක අහුලා පිඟානේ ම දා ගත යුතු ය. එසේ නොවෙන්නට කං පිරෙංඩ අත්තාගේත්, අත්තම්මාගේත් ඇනුම් බැණුම් ය.

“තො‍පෙ හම ගලවනවා දැනගනියව්. පැදුරෙ වැටිච්චි බත් ඇට ඇහිඳලා සතෙක්ට කන්ඩ දාපල්ලා”
මහ ගෙයි ඉස්සරාහිං ගොම මැටි ගාපු ඉස්තෝප්පුවේ වී තම්බා වේලෙන්ඩ දමන්නේ ය. වේලුණු වී ඇට ගෝනිවල පුරොගෙන අහවර වෙද්දිං අත්තා අපිට සද්දෙං කතා කරන්නේ ය.
“ඔය ගැඩැවිල් වලවල්වල යි මුලුවලයි තියෙන වී ඇට එක්කාසු කරලා කුල්ලට දාපල්ලා”
ඒවා කුල්ලෙන් පොලා ගල් වැලි අහක් කරන්නේ ය. වී පුරෝපු ගෝනිවලට ම දමා පාහිංඩ ඇන්න යන්නේ ය.

හේං කොටන්ඩ ගියායිං දවාලට අත්තා ගෙදර එන්නේ කලාතුරකිනි. සමහර දාට ගෙයි වැඩ කඩිමුඩියේ අහවර වුණායිං අත්තමා ද හේනට ම වැදී අත්තාට උදව් පදව් කරන්නේ ය. තවත් දාකට ඉවුම් පිහුම් තල් පෙට්ටිවල පු‍රෝගෙන හේනට ගොඩ වදින්නේ ය. බිත්ති හතරක කූඩුවේ කෑම් පීම්වලට වඩා හේනේ, කුඹුරේ ගහක් යට බත් මාළු රස ය.

කැලේ කපා දඬු කොළ තැපෙන්ඩ කීප දොහක් තියා ආයෙ හේනට ඇහුම් බැලුම් කරන්නේ ය. මුවසිරිසෙං ගිනි ලන්ඩ කල් බැලුවේ කලාතුරකිනි. දඬු කොල වේලුනායිං ගිනි ලන්ඩ නැකත ය. මුවසිරිස ගිනි පත්තු වෙන නැකත මුත් හැම කලට වේලාවට ම නැකත අහුවෙන්නේ නැත. දඬු කොල වේලුණු පමාවට උන්නැහේලාට නැකත ය. ගේ දොර හදද්දිං, මඟුල් තුලාවකට, ළිඳක් අත්තිවාරමක් බිඳිද්දිං උන්දැලා ‍නැකත් වැරැද්දුවේ නැත.

ගිය හැටියේ හේන ගිනි ලන සිරතක් ගං කූඩුවල නො තිබුණේ ය. ගිනි යාදින්න කියා තුන් විඩක් හූ ගාන්නේ ය. හේන් ගිනි ලා බලා සිටින්නේ ය.
“අවසර ආයිබෝ වේ වා අයිබෝ වේ වා පායන තැනේ සිට බහිනා තැනට අණ වරම් තෙද වරම් බලාන කලා බළලු දොළොස් දූවට වන්නි හත් පත්තුවට නුවර කලාවියට බැල්ම ලාගෙන මුට්ටි නැමුම් කිරි ඉතිරුම් මංගල්ලාවට දැකුං දෙන අයියනා මුත්තේ...
ඉලන්දාරි මුත්තේ රත්න කම්බිලි මුත්තේ දුරුතු මහ මැදින් දිනේට පුරාගත්තු හේන් පත්තෑයම ගිනිමා පූ කරලා අලු පොලවල් හදාන බව බෝග බිජු වඩන්ඩයි මේ සූජානම...
මේ හේනේ හිරදඬු වෙච්චි කුර ගානා බඩ ගානා පියාඹන සත්තු ගිනිමා සැරෙන් එතෙර කරලා උන්ගේ පණ කෙන්ද පිහිටුවා ගන්ඩයි මේ අඬගාන්නේ...

එහෙව් කොට මාගේ කන්නලව්වට කන පාලා දේවතා අණ මහිමයට මිඩංගු වී ගිනි මගින් එතෙර වෙයල්ලා...
දැන වැරදි නොදැන වැරදි උනානං බිජුවට පිපිරී ගියා නං මා හට පව් නැත. එක් වෙනුව දෙවෙනුව තුන් වෙනිය තීන්දුයි තීන්දුයි හාහ්... හූ... හූ... හූ...”

හේන් කිරිවදින කාලෙට සතා සීපාවාගෙන් එන කරදර හිරිහැර බෝවෙයි. කැලේ පීරාගෙන එන රිලවෝ ද වඳුරෝ ද වගා පාලු කරන්නෝ ය. වල් ඌරෝ, ඉත්තෑවෝ, හාවෝ හරහට හිටින්නෝ ය. හිරිහැර මකා ගන්ඩ හිත් ලා හේන වටකරේ පරණ කැසට් පීස් පටි අදින්නේ ය. තව එකේක නූල් ජාති අදින්නේ ය. සැමන් ටින්, ටකරං කෑලි තැනින් තැන එල්ලන්නේ ය. පිරිත් පැං මතුරා ඉහින්නේ ය. සමහරු උගුල් අටවන්නේ ය. අත්තා නං සත්තුන්ට උගුල් ඇට වූ බවක් මට නිච්චි නැත. කුඹුරේ කෘමි නාසක නො ගා මොකක්දෝ නාස් පුඩු කඩාගෙන යන හොදි හැලියක් හැදෙව්වා මතක ය. වැට මාරත්, අමු ගොමත් දමා තව මොන මොනවැයිංදෝ පල් වෙන්ඩ තිබාපු විත්තියක් මතක ය‍. 

එදා හිටං ම සතා සීපාවාට ආන්තරා වෙනවාට අත්තා කැමති නැත. වත්තේ කොණක හුඹහක කුල්ලක් ඉතර පෙණ ගොබයක් තිවුණු නාගයෙකුටත් වතුර බේසමක් සමහර දාට තියා ආ බව මතක ය.
හේන් ගොයිතැංඔල මාන්සිය ගෙට ගන්ඩ ඔන්න මෙන්න තියා සමහර කාලෙට වැහි ගම්පොලයා අඩව් අලන්නේ ය. වන්නියට කලට වේලාවට වැහි වාරේ පාන්නේ වැහිගම්පොලයා ය. 

මුං,කව්පි, මෑ ගහෙද්දිං ම ගොබ ඇදෙන්නේ ය. ඒ දාට මූණ අකුලුවා අත්තා නෝක්කාඩු කියන්නේ ය. ගොබ ඇදුණු මුං කව්පි කඩකාරයෝ හතර හීමාවකට වද්දාගන්නේ නැත. සමහර ඒවා තිත්ත ය. දාඩිය මුගුරු වගුරුවාපු අස්වැන්න යකාට ගියාදෙං කියා මුළු ගැහෙන්ඩ තරමිං උන්දැලා අබල දුබල නොවූයේ ය. ගොබ ඇදුණු ඇට කරල්ඔලින් බේරා මාගල් පැදුරුවල ඇඟිලා ගා අව්වේ දමා වේලයි. ගොබ වේලී කැඩුණු පස්සෙං පහුං හාල් හුණ්ඩුවකට හමාරකට ඒවායිං හුණ්ඩුවක් දෙකක් කලවමේ ලිප තියා ඉදවයි. ඒවා කන්ඩ මාළු පිණි නො තිබුණාට ද පුළුවන. ඒ තරං රස ය. පස්සේ කාලෙක අම්මා ද මේ විදියට බත් උයාපු බවක් මතක ය. උකු පොල් කිරි දමාපු මෑ කරල් වෑංජනේට මේ අමුතු බත් මරංඩ පුළුවං තරමිං රස ය.

එකේක වැඩඔලට අත්තා ගමිං ගිය දාට අත්තම්මා මාත් ඇන්න හේං රකිංඩ පය ගාන්නේ ය. හේනේ පැලට ගිය පයින් ඇඳුම්වල ඇමිණී ඇති තුත්තිරි ගලවංඩ පැයක් හමාරක් ගන්නේ ය. ලොකු ටින් කටක දෙපැත්තෙන් යකඩ කම්බියක් අමුණා තනාපු ඇටවුමේ තුන් හතර දෙනෙක්ට ඇති තරමිං තේ වතුර පැහෙන්නේ ඔය අතර ය. වටින් ගොඩිං ඇඳිරි ‍වැටෙන්ඩ ඔන්න මෙන්න තියා ආයෙ ගෙදරට එන්නේ ය. දවස තිස්සේ දහිරිය දැමුවාට ගෙදර ආවාට නිකං ඉන්ඩ බැරි ය. ඉවුම් පිහුම් අතු පතු ගෑම් ඈ අටෝරාසියක් වැඩ රාජකාරි ඉතිරි වී තිබුණේ ය.

වැවෙං හොඳහැටි වතුර නා කියාගෙන ගෙදර ආ පහුං පොඩි පොඩි වැඩඔලිං අත්තා කාලේ ගත කරන්නේ ය. රෑට බත් මාළු කා අහවර වුණායිං කුස්සියට අල්ලාපු කාමරේ විසාල බුරුත මේසේ මුල්ලක ගොඩ ගසා තිබූ පොතක් පතක් ඇන්න මහා සද්දෙං කියන්නේ ය. සමහර ඒවා කවි ය. සමහර ඒවා ගාථා ය. ඒ අතර සංස්කෘත සොලෝක ය. බුද්ධ ගජ්ජය, ප්‍රත්‍ය ශතකය, ධම්මපදය මුලින් ම මා කිවූයේ මහ ගෙදර ආ ගිය කාලයේ ය. අත්තාගෙන් ඒ කාලේ දීම කඩා වඩාගත් ඒ පොත් තාම මගෙ පොත් ගුලේ අතීතස්මරණයෙන් යුතු ව බරසාර නිබන්ධඔලට හේත්තු වී වැටී සිටියි.

ගමේ එහා මෙහා කරක් ගගා ගෙවාපු ක‍ාලේ ගැන කියන්ඩ කතා කොයි තරං දැයි සිහි වෙන්නේ එකක් දෙකක් ලියන්ඩ පටන් ගත්තාට පසු ය. ඒ කාලෙ හීනයක් වාගේ පස්සෙ කාලෙක දිං මේ ආකාරෙට මතක් වේ යැයි මට කිසි ම දාක හිතුනේ ම නැත.

- ශකිල රාජකරුණා - ©
ගමේවිත්ති 

අජිත් කුමාර මූණූ පොතට.

day in the life

Read More

ප්‍රභාකරන්ගේ ගුරුවරයා...

සෙරවමුත්තු කන්දරාසා කියන්නේ ප්‍රභාකරන්ගේ දෙමාපියන් ගෙදරට ගෙන්නවලා තමන්ගේ දරුවට අධ්‍යාපනය ලබා දෙන්න කටයුතු කරපු ගුරුවරයා. (සිංහල ජනමාධ්‍යයට අනුව ඔහු තමයි අංගුලිමාලගේ දිසාපාමොක් ) හැබැයි ඒ වෙනකොට ඔහු යාපනය හින්දු විද්‍යාලයේ උසස්පෙල දේශපාලන ගුරුවරයා ලෙසත් ලංකා කොමියුනිස්ට් පක්ෂයේ සාමාජිකයෙකු ලෙසත් කටයුතු කරපු බොහොම උගත් ගුරුවරයෙක්. ඔහුගේ කොමියුනිස්ට් මත නිසාම ඒ වෙනකොට යාපනයේ උග්‍ර ලෙස පැතිරෙමින් තිබුන වෙල්ලාල කුල පීඩකයන් විසින් ඔහුට ප්‍රසිද්ධ ස්ථාන කිහිපයකදිම ප හර දීලා තිබුණා. කන්දරාසගේ පුතාගේ අතක එක් ඇගිල්ලක් තිරුකෝවිල් වල ප්‍රසිද්ධියේම ක පා දමන්නෙත් වෙල්ලාල කුලයේ දැරියක් සමග පවත්වපු ප්‍රේම සම්බන්ධයක් නිසා.

වේලුපිල්ලේ ප්‍රභාකරන්ගේ පියා සහ මව උපතින් හින්දු භක්තිකයින් උනත් පසුකාලීනව කතෝලික දහමට යම් නැඹුරුවක් තිබූ අය.. විශේෂයෙන් අධිරාජ්‍යයවාදී පාලන සමයේ වෙරළ බඩ ජනතාව කතෝලික දහමට නැඹුරුවීමේ ප්‍රවණතාවය මත වැලිවටිතුරෙයි ප්‍රදේශයෙත් බහුතරයක් කතෝලික දහමට නැඹුරු වුණා. මේ නිසාම කතෝලික ද්‍රවිඩ ප්‍රජාව සහ හින්දු වෙල්ලාල ද්‍රවිඩයන් අතර ඉතා විශාල මත ගැටුම් හට ගැනීම සහ සංස්කෘතික බෙදීමක් කරා එය ගමන් කිරීම එකල බරපතළ අර්බුදයක් මවමින් සිටිකාලයේ ද්‍රවිඩ කෝවිල ගත්තේ උසස් යැයි සම්මත වෙල්ලාල ප්‍රජාවගේ පැත්ත. විශේෂයෙන් කෝවිලේ උත්සව කටයුතු වල මුලසුන වෙල්ලාල ප්‍රජාවගෙන් හැර අන් අයෙකු හට ලබාදීම ප්‍රතික්ෂේප උන සමයක දෙවියන් පවා කුලවාදයට නැබුරුවීමක් ලෙස ද්‍රවිඩ කොමියුනිස්ට් වාදීන් දකින්නට වුණා..

ඉහත තමන්ගේ වාමාංශික කොමියුනිස්ට් කියවීම ඒ වෙනකොට තාරුණයේ සුහුඹුල ගෙවමින් සිටි ප්‍රභාකරන්ටත් සිය ගුරුවරයා විසින් උරුම වුණා එක්කෝ උරුම කලා. දෙමළ සමාජයේ කුලවාදය නිසා පහත් යැයි සම්මත ප්‍රජාවන්ට දේශපාලනිකව සංස්කෘතිකව පමණක් නොව ආගමිකවද හිමි වූ අනෝරා දුක් ගැහැට සහ මුදල් බෙදී යාමේ සහ සම්පත් සහ අධ්‍යාපනය බෙදී යාමේ කුල විශමතාවය ගැන ප්‍රභාකරන් ඉතා තියුණු අධ්‍යාපනයක් ලබා ගන්නේ මෙන්න මේ ගුරුවරයා නිසා. ඒ වගේම එකල තිබූ ජාතීන් අතර ඇති විරසකය. දෙමළ වීම නිසා දෙමළාට ඇති ගැටලුව. මේ කාලය ගෙවී යාමත් සමගම අධ්‍යාපනය ප්‍රමිතිකරණ පනත ලංකා පාර්ලිමේන්තුවේ සම්මත වීමත් සමග හටගත් ශිෂ්‍ය විරෝධය උතුරෙත් පැන නැගීම කොමියුනිස්ට් වාමාංශික මතයක සිටි ප්‍රභාකරන්ගේ ජීවිතේට ගිණිසිලුවක් උනා කිව්වොත් හරි.

සෙරවමුත්තු මුත්තු කන්දරාසාගෙන් ඉන්දියානු විමුක්ති අරගලය, චීන කොමියුනිස්ට් වංශ කතාව මාවෝ සේදොං ලෙනින් , ට්‍රොට්කි, කාල් මාක්ස් වැනි උග්‍ර වාමාංශික කියවීම් ලබපු ප්‍රභාකරන් චිදම්බරම් මධ්‍යමහා විද්‍යාලයේ දහය ශ්‍රේණියෙන් පසුව සිය ගුරුවරයගෙන් ලබපු වාමාංශික විමුක්තිකාමී මෙන්ම සටන් කාමී පන්නරයත් එක්කම TYF සංවිධානයට බැදෙනවා. එය බහුතරයක් කුලහීන උගත් තරුණ ප්‍රජාවක් විසින් බිහිකරගත් ද්‍රවිඩ තරුණ එකමුතුව ලෙස එකල හැදින්වෙනවා. මේ කාලය ගත වෙන සමයේ එනම් 1970 ලංකා රජයෙන් ගෙන ආපු අධ්‍යාපන ප්‍රමිතිකරණ පනතට එරෙහිව උතුරේ වගේම දකුණෙත් ශිෂ්‍ය ප්‍රජාව සිරිමා රජයට එරෙහිව වීදි බහිත්දී දකුනේ සිංහල තරුණයන් 71 කැරැල්ලට පාරකපාගෙන යද්දී උතුරේ ද්‍රවිඩ තරුණයෝත් සන්නද්ධ ප්‍රවාහයකට මඟ හසර විවර කරනවා. වෙනස වුණේ දකුණේ තරුණයෝ සිංහල. උතුරේ තරුණයෝ ද්‍රවිඩ.

මේ තරුණ එකමුතුව හරහා යාපනය පුරා රාජ්‍ය මර්මස්ථාන වලට ප්‍රහාර එල්ලකරමින් ගත් ගමන් මග ද්‍රවිඩ කෝවිල් වලට පවා පහර දෙමින් ගමන් ගන්නවා. වෙල්ලාල කුලයේ ප්‍රභූන් ලෙස හැදින්වෙන වංශවතුන්ට සරදියෙල් පන්නයේ ප්‍රහාර එල්ල කල උතුරේ කුලහීන තරුණයින් දුප්පත් ද්‍රවිඩ ප්‍රජාවගේ වීරයන් බවට පත්වෙන්න යන්නේ ඉතා සුලුකාලයයි. ප්‍රභාකරන්ගේ ජීවිතේ මුල් කියවීම තුල ප්‍රභාකරන් කිසිම දවසක සිංහල ජාතිය සමග වෛරයකින් උපන් අයෙක් නෙමෙයි. ප්‍රභාකරන් මුලින්ම පහර දෙන්නේ වැලිවටිතුරෙයි කෝවිලට. ඔහු මුලින්ම එරෙහි වෙන්නේ ද්‍රවිඩ ජාතිවාදයට. ද්‍රවිඩ ජනතාව සූරා කෑ ද්‍රවිඩ පාලකයන්ට. ඒකේ හොදම උදාහරණය තමයි ඇල්ෆඩ් දොරෙයිඅප්පා ඝා තනය.

කෝවිල් වලට සහ දෙමළ වෙල්ලාල කුලයේ ප්‍රභූන්ට ප්‍රභාකරන් ඇතුලු කන්ඩායම පහර දෙනකොට ඔවුන් කලේ තමන්ගේ වංශයට හිතවත් රාජ්‍යය පාලනයට මේ තරුණයන් පිලිබද ඔත්තු සැපයීම. රජය අද වගේම එදත් හිටියේ ඇති හැකි එකා ලග පීඩකයා ලග. ප්‍රභාකරන් මුලින්ම .
ඝා තනය කලේ හමුදා සෙබළුන් 13 න් දෙනෙක් කිව්වට ඇත්තටම ප්‍රභාකරන් මුලින්ම ඝාතනය කරන්නේ තමන්ව සොයා ආපු වෙල්ලාල කුලයේ පොලිස් නිලධාරීන් දෙදෙනෙක්ව.

ඒවගේම ප්‍රභාකරන් සිය ජීවිතේ යාපනයේ කුලවාදයට පහර ගැසූ විශේෂ අවස්ථාවක් වෙන්නේ ඔහුගේම මංගල උත්සවය. මදිවදිනි එක්ක අත ගත්තු ප්‍රභාකරන් සියලු සිරිත් විරිත් සිදුකරන්නේ වෙල්ලාල ක්‍රමයට. එහි අවසානයේ ඔහු විවාපත් වෙන තැල්ල තියද්දි වමතින් ටී පනස් හය ගිණි අවියක් ගන්නවා. මේ පුවතින් වෙල්ලාල කුලීනයන් එකල නයාට අඳුකොල කැවුනා වගේ වෙනවා. පසුකාලීනව තමන් පිහිටුවා ගත් එල්ටීටීඊ සංවිධානයේ ඉහලම ගෞරවයක් හිමි දේශපාලන අංශ ප්‍රධානී තනතුරට පත්කරන්නේත් කරණවෑමි කුලයේ උපන් තමිල් සෙල්වම්ව. තමිල් සෙල්වම්ට කසාද බන්දන්නේ වෙල්ලාල කුලයේ සසිරේකව.

එදා සිය ජාතියේ දිළිදුකමට දරිද්‍රතාවයට කුල පීඩනයට සහ ආගමේ රඳලයන්ගේ ඒකාධිකාරයට එරෙහිවෙච්ච වාමාංශික මතදැරූ ප්‍රභාකරන්ව සිංහලයාගේ සතුරෙකු බවට පත් කරන්නෙ සිංහල ජනතාව නෙමෙයි. යාපනේ කුලවතුන් ලෙස හැදින්වෙන වෙල්ලාල කුලය සහ අදටත් ඔවුන්ට යටත් හින්දු කෝවිල. එදා ප්‍රභාකරන් සිය පලමු එල්ටීටීඊ සංවිධානය නියෝජනය කරමින් ගත් ජායාරූපයෙත් ඉහලින්ම එල්ලා තිබ්බේ කියුබානු විප්ලවයේ ගිණිසිලුව උන අර්නස්ට්ටෝ චේ ගෙවේරව.

-මුල් සටහන - චරිත් ජනප්‍රිය

උපුටාගැනීමකි.


A day in the life

Read More