පරිවර්ථනය - Translate සිංහල > TAMIL> ENGLISH

Showing posts with label කඩුල්ලෙන් මීදුමට. Show all posts
Showing posts with label කඩුල්ලෙන් මීදුමට. Show all posts

Sunday, January 14, 2024

කුරියර් අංකල්


70 දශකයේ කාර්යාලවල රැකියාවන් කල බොහෝ පිරිසකට ගෙදර ඉන්න බිරින්දෑවරැ දහවල් ආහාරය සකසා පිගානට බෙදලා ඒක උඩින් තවත් පිගානක් තියලා කෑම එක වහලා සුදු රෙද්දකින් කෑමපිගානේ කිටි කිටියේ බැදලා තමන්ට අදාල අංකයත් යොදලා පාපැදියේ එන කුරියර් අංකල්ට ලබා දෙනවා...
ඒකට කිවුවේ ඒ කාලේ ටිෆන් සිස්ටම් එක කියලා....
මෙයාලා එක දිගටම බයිසිකල් එක පැදගෙන අදාල තැන්වලට යන්නෙ නෑ මෙයාලා සෙට් එකම හම්බවෙන හන්දි තියෙනවා එහෙම හන්දියෙදි හමුවෙලා එක එක්කෙනා යන පැතිවලට අර කෑම පිගන් ටික නැවත බෙදා ගන්නවා,ඊට පස්සෙ අදාල සේවා දායකයට පරිස්සමින් ගිහින් දෙනවා...
දැන් වගේ උදෙන්ම නැගිටගෙන ස්වාමිපුරැෂයට කෑම එක හදන්න මහන්සිවෙන්නත් ඕනි නෑ..ස්වාමිපුරැෂයටත් උදේ හදපු කෑම එක සීතල වෙලා කන්න ඕනිත් නෑ..ටිෆින් එකෙන් හැමෝටම ලේසි.....
හැබැයි වහින දවස්වලට තමයි ටිකක් කේස් වෙලා තියෙන්නෙ...⁣කෑම පිඟන් ටික තෙමාගෙන තමයි ගිහින් තියෙන්නෙ ඒත් පසුව ඒකටත් විකල්ප හොයාගෙන...මොනා උනත් මේකෙන් සෑහෙන පිරිසක් ජීවිකාව ලෙස බඩවියත රැකගෙන.....
අතීතයේ සොදුරැ දසුන්....❤️❤️
සැ,ල යු - වර්තමානයේ බහුජාතික සමාගම් වලින් ඔයාලා කෑම කුරියර්කරගත්තට ⁣අතීතයෙදි මේවා අපේම මිනිස්සු system දාගෙන කරපු වැඩ,,ඒවා වැඩිදියුණු කරගන්න බැරි උනු අපි දැන් පිටරට කොමිපැනි කාරයින්ට සල්ලිගෙවනවා..කෑම ටික ගෙන්න ගන්නත්..
උපුටාගැනීමක්
අමල් අත්තනායක
notes of imaginary

Sunday, July 31, 2022

පොටිච්ච වැල්




මීදුම  ඔහු දන්නේ ආරි”  නමිනි. 
ආරිගේ නම ආරියපාලද ආරියරත්නද ආරියදාසද ආරියවංශද වියහැක.නැත්නම් වෙනත් ආරිය….කෙනෙකු විය හැක. ආරි ………” ට පෙලපත් නමක්ද තිබුනා විය හැක.මේ කිසිවකින් ඔහු නිසි ලෙසකින් හැදිනගත නොහැකිවු අතරආරි ” –  “ ශිල්ප ආරි ලෙසින්  ප්‍රදේශවාසීන් අතර ප්‍රකට චරිතයක් විය.ඔහු කෙනෙකු ශිල්පයා ලෙසද හැදින්විය.

ශිල්පයා වට කොට කරගත් ගෙතුන සත්‍ය කතා අපමනය. නිතරම උරයක් ( ගෝණියක් ) කරෙ ඇති ශිල්පයා ගමේ ඇවිදගෙන යන අතර එක් ගැමි ගෙදර වත්තක ඔහුගේ දවසේ වියදම තියෙනු දුටුවේය.කඩුල්ල පාමුල උරය තබා ගෙට ගොඩ වැදුන ඔහුට නිවැසි මහළු කාන්තාව පමනක් සිටිනු දක්නට ලැබුනේය.ඇගේ සැමියා එවිට බැහැරක ගොස් සිටි බව ශිල්පයාගේ නිරීක්‍ෂණයට ලක්විය.

ආ ගිය කතා අතර තේ උගුරක්ද බී නැන්දේ  , මම  බෙහෙතක් සොගෙන ආවේ. මේ වත්තේ එහෙම නැද්ද ?. පොටිච්ච වැල් කාරිය

අනේ මන්දා ළමයෝ මම දන්න පොටිච්ච වැලක් නෑ තියෙනවා නම් හොගෙන පලයන් නැන්දා උත්තර බැන්දේය.

නැන්දා ගෙන් සමුගත් ශිල්පයා අවසරද ලැබුන බැවින් බිය සැකකින් තොරව වත්ත පහලට ගියේය . පොටිච්ච වැල් වලින් උරය පුරවා ගෙන  ඉක්මන් ගමනින් ඉඩමෙන් පසු බැස්සේය.

සැමියා නිවසට පැමිනීමෙන් පසු ශිල්පයා පැමිණි බවත් පැමිණි කාරණයත් විස්තරය දිගහැරියේය. ඔහුට එක වරම වත්ත පහල වැටී එක් කරගෙන නොතිබු  පොටිච්ච වැල් ටික සිහිපත් විය. ඉන්තේරුවෙම්ම දැන් ලෙලි ගසා මුදලාලිගේ කඩයටත් එතනින් මුදල් බවට පත්ව කසිප්පු  පොලටත් ශිල්පයා විසින් බැර  කරන්න ඇතැයි සිතු ඒ පිලිබද මතකය අත්හැර දැමුයේය.

වත්ත පහල වැටී තිබු පොල් ටික අහිමි කර ගත් නැන්දා පොටිච්ච වැල් ඖෂධයට යොදා ගන්නා රෝගය  කුමක්දැයි කල්පනා කරන්නට විය.

 

ශිල්පයා ” …..උගතෙකු නොවීය. කුලියක් මලියක් කරමින් කීයක් හෝ සොයා ගෙන දවස ගෙවු  ඔහු නිතරම බීමතින් සිටියේය. කුලියක් මලියක් නොලැබුනදාට කිසියම් ශිල්පයක් දක්වා ගතමනාව සොයාගන්නා ඔහු එය නිල හෝ නිල නොවන මත්පැන් සදහා දිය කර හරින ලද්දේය.නැතිවු හරකෙකු හෝ වත්තක භව භෝගයක් ගැන විපරම් කරන ගැමියෙකු හට නිතතින්ම ශිල්පයා ද සිහිවිය.ගම් ප්‍රදේශයේ ඇලක දොලක මසුන් හට ජීවත්වීමේ අයිතියපිළිබද  තීරකයාද ශිල්පයා ම විය.

 

පනස් වන වියේදී පමණ කිසියම් අබග්ගයකින් එක් පාදයක අස්ථියක් බිදී කිහිලි කරුවක ආධාරය පතන්නට ඉතිරි ජීවිත කාලයේදී ඔහුට සිදුවිය. එක් රැයක එකට කා බී නිදාගත් සගයෙකු විසින් ඒ කිහිලි කරුවම ගෙලට සිරකිරීම නිසා ශිල්පයක් නොදක්වාම ශිල්පයා මිය පරලොව ගියාය.



notes of imaginary

Thursday, July 21, 2022

නස්රුදීන්ට අවුරුදු.

ස්රුදීන් ගැන කවුරුත් අහලා ඇති. අපේ අන්දරේ වගේ. අන්දරේ නම් රජ වාසලට සේවය කලා නස්රුදීන් සුල්තාන්ට සේවය කලත් නිදහස් ජීවිතයක් ගෙව්වා කියලා නිරීක්‍ෂණය කරන්න පුළුවන්. නස්රුදීන් තූර්කි වාසියෙක්.

 එයා ගමන් බිමන් යන්න භාවිතා කලේ බූරුවෙක්. නස්රුදීන්ගේ හැම කතාවකම මේ බූරු චරිතෙත් තනියට ඉන්නවා. නස්රුදීන් සංචාරකයෙක්. එක එක කාලෙට එක එක තැන පදිංචි වෙලා හිටිය බව කතා කියවන විට හැගෙන දෙයක්. මේ කියන දවස් වල නස්රුදීන් පදිංචිවෙලා හිටියේ බහු ජාතික , බහු ආගමික ගම්වාසීන් ඉන්න ගම්මානයක .

 නස්රුදීන් නත්තල් සමරන කෙනෙක් නෙමෙයිනේ. නත්තල නැති නස්රුදීන් ජනවාරි පලවෙනිදා අළුත් අවුරුද්දත් සමරන්නේ නැහැනේ ඒත් අල්ලපු ගෙදර උදවියටත්  ගමේ බොහොමයකටත් ජයටම මේ උත්සව දෙකම තියෙනවා. ඉතින් අවුරුද්දට ලෑස්ති වෙන අය පරණඇදුම් පැළදුම්  වල ඉදන්  ගෘහ භාණ්ඩ පවා වෙනස් කරලා ගෙවල් තීන්ත ගාලා පොලොව මැදලා හැඩ වැඩ කරනවා.

 නස්රුදීන් නානාට නෝනාලා තුන්දෙනයි.  නෝනලා තුන් දෙනාම එක පයින්ම අල්ලපු ගෙදර අනුගමනය කරන්න ඕන කියලා එක යුද්ධයයි. නස්රුදීන්ගේ මොලේ මඥ්ඥං වෙලා පිස්සු වගෙයි. එක පිස්සුවක්ය ,  හිතා ගන්න පුළුවන්නේ නස්රුදීන්ට පිස්සු ට්‍රිබල්වෙන  විත්තිය.

නසුරුදීන්ට අවුරදු නැතිවුනත් නෝනාලා තුන්දෙනට ඇහුම් කන් දෙන්න සිද්ධවුනා. ගෙදර තිබුන පාරම්පරික ගෘහ භාණ්‌ඩ පැත්තකට විසි කරල නවීන පන්නයේ ගෘහ භාණ්‌ඩ ගෙනත් නවීන පන්නයටම තියන්න නස්රුදීන්ට සිද්ධ වුනා. .

නස්‌රුදීනුත් ගෙදර තිබුණ පැරැණි ගෘහ භාණ්‌ඩ බුරු ගරාජයේ පැත්තකට දාලා නව පන්නයේ ගෟහ භාණ්ඩ ගෙදරට ගෙනාව. පහසු ගෙවීමේ ක්‍රමයට. නස්රුදීන් අළුත් ගෘහ භාණ්ඩ ගෙනාවා කියලා ආරංචි වුණා විතරයි සිද්ධවෙන්න ඕන විදියටම ගමේ හිටිය නෑදෑයොයි යාළුවොයි අසල්වැසියොයි නස්‌රුදීන්ගේ ගෙදරට එන්න ගත්තා. ඊළඟට බඩු ගැනයි බඩු තියෙන තැන් ගැනයි තම තමන්ගේ විවේචන විග්‍රහ ඉදිරිපත් කරන්න පටන් ගත්තා. නස්‌රුදීන්ට මේව අහල හිසේ රදේ හැදුනත් ඔහු බොහොම අමාරුවෙන් කටපියාගෙන හිටියා.

 අල්ලපු ගෙදර හාදය කමුර් ආවා. ඒත් එක්කම අසල්වාසී නවුෆරුත් ගොඩවුනා. හා නස්‌රුදීන් නානා. අලුත් බඩු ගෙනැල්ලා වගෙ අනේ හොදයි.  ඒ වුණාට මේව තියල තියෙන ක්‍රමේ නම් හරි නැහැ.  කමුර් කිව්වා. මේක අහගෙන හිටපු නවුපර් ඌණ පූරණයක් කලා මේ පුටු සෙට්‌ එක නම් මෙතැනට කොහොමත්ම ගැලපෙන්නෙ නැහැ”.

කෙලවරක් නැහැ. තව තව අය එනවා. ඉමිටියාස් ෆවුසිත් එක්ක ආවේ ඉමිටියාස්ගේ බුරුවත් එක්ක.මේ අල්මාරියෙ කැටයම් පේන්නෙ නැහැනෙ ඔය තියල තියෙන විදියටඒ ෆවුසිගෙ අදහස. තව ස්ටුල් එකකුත් තිබුනන් හොදයි ඉමිටියාස්ගෙ අදහස.

මේ අතරේ නස්රුදීන්ගේ නෝනාලා තුන්දෙනා බරපතල වාදෙක. අළුත ගෙනා ඩබල් ඇද තියන්න ඔනී කාමරේ ගැන.දෙන්නගෙම අදහස තම තමන් ගේ කාමරවලට ඩබල් ඇද ගෙනියන්න.
නස්‌රුදීන්ගෙ අලුත් බිරියගෙ අදහස අලුත් ඩබල් ඇඳ නම් හරියන්නෙම තමන්ගෙ කාමරයට බව.  ඒක මොනම ක්‍රමයටවත් ඒ කාමරයට නොගැලපෙන බව කීවෙ නස්‌රුදීන්ගෙ පරණ බිරිඳ උම්මා.බලෙන්ම කතාවට එල්ලෙන  තුන්වන නෝනා  ෆරීනා. කණ්‌නාඩි මේසෙ තියන්න ඕනෙ එන එන අයට පෙනෙන ලෙසටනේ……….? ” කියලා කණ්‌නාඩියෙන් තමන්ගෙ පිරිහෙන රූප සොබාව නරඹන ගමන් කීව්වා.

 නස්රුදීන් හිතලා බැළුවා.   බැලුවාම එක බඩුවට තියන්න ඔනී තැන් 10-12 ක් තියෙනවා. නස්‌රුදීන්ට කවුරුවත් තරහ කරගන්නත් හිතක් පහල වුනෙත් නැහැ. නස්රුදීන්  හිතුවා   කවුරුත් සතුටු වෙන ආකාරයට බඩු ටික තියන්න.

 ඔන්න පසුවදාත් කට්‌ටිය එන්න පටන් ගත්තා. නස්රුදීන්ට හරි කරදරයක්. එක එක්කෙනාට එකම පිළිතුර නේ දෙන්න තියෙන්න.  කල්පනා කලා මේ ඔක්කොමටම එකවර පිලිතුරු දෙන්න . පැය දෙක තුනක් මේ ගොල්ල  වෙන වෙන කතා කිය කියා රදවගන්න  නස්රුදීන්ට සැළසුම් කලා . මෙහෙම පැය දෙක තුනක් යන කොට ඊයේ ආපු ඔක්කොම වගේ ගෙදරට රැස්වෙලා .

ඔක්කොටම තියෙන්නේ එකම ප්‍රශ්නයයි.

ගෙදර කිසිම කාමරයක කිසිම බඩුවක්‌ නැහැ. නිකම්ම හිස්‌ කාමර. කට්‌ටිය එකවරම වගේ ප්‍රශ්න කළා කෝ මේ ගෙදර තිබූ බඩු ටික. එකක්‌වත් පේන්න නැහැනේ. මොකද කළේ ?. ඊයේ තිබුන ලස්සන බඩු වලට ?.

නස්රුදීන් ඔක්කොම පිරිස එක තැනකට රැස් කරලා මෙහෙම කිව්වා .ගෙනාපු අළුත්  බඩු තියන්න මේ ගෙදර කොතනකවත් පිලිවෙලක් නැහැනෙ. කොතන තිබ්බත් වැරැදිනේ” . කියලා  නස්‌රුදින්  කම්මුලට අත තියාගත්තා .

එහෙම කියලා යමු පෙන්නන්න මම ඒව ලස්සනට අහුරලා තිබ්බා’”. කියලා මිදුල මැදින් ගේ පිටුපසට කණ්ඩායමම එක්කරගෙන ගියා.

එක්කරගෙන ගිහින් දර මඩුව පෙන්නුවා.

අනේ  ඉතින් අද තේ එකක්වක් දෙන්න විදියක් නැහැනේ !. කෙහෙවළු පටලවා ගෙන නෝනාලා තුන්දෙනත් ‍ඒ ගොල්ලන්ගේ ගෙවල් වලට ගිහිල්ලා කියලා අත්පුඩියකුත් ගහලා නස්රුදීන් හිනාවුනා.

අපි අනුන්ගේ වැඩ වලට උපදෙස් දෙන්න යන්න හොද නෑ කියලා හිත හිතා තේ එකක්වත් නස්රුදීන්ගෙන් නොලබාම ආපු අය ආපහු ගියා.

ඔන්න ඔහොම නස්රුදීන් බොහෝම සැහැල්ළුවෙන්  අළුත් අවුරුද්ද පටන් ගත්තා.නෝනාලා තුන් දෙනත් එයාලගේ දෙමව්පියන් ලගට ගිහිල්ලානේ.




notes of imaginary

Monday, July 18, 2022

විනයො නාම ශාසනස්ස ආයු !



මීදුම බෞද්ධයෙකි. යතිවරුන් ඇසුරු කරන එහෙත් යතිවරුන් තෝරා බේරා ගෙන ගෞරවණීය ලෙස සලකන බෞද්ධයෙකි. බුදුරජානන් වහන්සේ විසින් දේශනා කරන ලද ධර්මය අසන විමසන සිතන බෞද්ධයෙකි. බෞද්ධයෙකු විසින් කළ යුතු  යතිවරුන් වෙත කරනු ලබන ගෞරවනීය බව සමහර යතිවරුන් විසින් කෙලෙසා ගෙන ඇතැයි සිතන බෞද්ධයෙකි.

කාලයා විසින් සිත් තුල මේ වෙනස ඇති කරවා ඇත්තේ ද යතිවරුන් විසින් මයයි මීදුම සිතයි. කාලයක සිට අපේ හාමුදුරුවරු දේශපාලනය ගැන උනන්දුවක් දක්වයි. පාලනයට සහභාගි වෙති. අතීතයේ හාමුදුරුවරු පාලනයට සම්බන්‍ධ නොවී උපදේශන සැපයු බව  අප ඉතිහාසයේ සදහන් වෙයි. . එහෙත් වර්තමානයේ සිදුව ඇත්තේ භික්ෂුව දේශපාලනයට මැදිහත්වී අවමානයට ලක්වීමයි. අපේ හාමුදුරුවන් ගෞරාන්විතව වැඩ වාසය කරමින් අර්ථයෙන් ධර්මයෙන් උපදේශනය කරනවා වෙනුවට දේශපාලනයට මැදිහත්ව  කරන විකාරය දැන් දැන් මීදුම දකින්නේ  අප්‍රසන්න කටයුත්තක් ලෙසයි. අපේ හාමුදුරුවරුන් විනය ගරුක ද? ශික්ෂාකාමී ද? උන්වහන්සේලා පොලිස් නිලධාරීන් හා  ගුටි - බැට හුවමාරුවලට යති.  ඇතැම් හාමුදුරුවරුන් විවිධ ඉල්ලීම් ඉදිරිපත් කොට ඒ මත්තේ දිවි නසාගැනීමට යති. නැත්නම් දිවි නසා ගන්නා බවට තර්ජනය කරති. මහ පාරවල් මැද උද්ඝෝෂණ කරති. දේශපාලකයනට තර්ජනය කරති.  ප්‍රසිද්ධ ස්ථානවල උපවාස කරති. ඇතැම් හාමුදුරුවරුන්ගේ  හැසිරීම සමාජයට හිසරදයකි.අප්‍රසන්න වෙති.බාල දේශපාලනය සමග හාමුදුරුවරුන් සම්බන්ධ වීම නිසා  එතැන ඇතිවන්නේ බලවත් පටලැවිල්ලකි.

 දේශපාලනයකට සම්බන්ධ වුවහොත් හාමුදුරුවරුන්ගේ  විනය මුළුමනින් ම පිරිහී යයි. ශ්‍රාවක ප්‍රජාවගෙන් ලැබෙන  ගෞරවය ද කෙළෙසී යයි.

විනයො නාම ශාසනස්ස ආයු ! ශාසනය පවත්වා ගැනීමේ ප්‍රධාන සාධකය විනයයි.  එසේ හෙයින් ශාසනයේ ආයුකාලය පවතින්නේ විනයෙ පැවත්ම  මතයයි බුදුරජානන් වහන්සේ අනු දැන වදාලේ එහෙයිනි. විනය නැති තැන ශාසනය බිඳ වැටෙයි.

ශ්‍රී ලාංකික ජනතාවගෙන් බහුතරය බෞද්ධාගමිකයෝ වෙති. ඔවුන්ගේ ජීවනය බෞද්ධාගම හා බැදි සිටී. පන්සල ඔවුන්ගේ ජීවිතයට මග පෙන්වන ආයතනයයි. පන්සලත්  ශාසනයත් දෙකක් නොවේ.   ශාසනය බිඳ වැටුණු කල රටත් - ජාතියත් දෙක ම බිඳ වැටෙයි.

 “සබ්බ දුක්ඛ නිස්සරණ, නිබ්බාණ සච්චි කරණත්වා” “ මම  සියලු දුක් කරදර නිමාකොට නිර්වාණය අවබෝධ කර ගැනීම සඳහා මහණකමට පිවිසියෙමි.  යන්න පිලිගෙන මහනකමට පත්වන හාමුදුරුවරුන් හට ලෞකික ජීවිතයේ දිනාගත යුතු දේ තිබිය හැකිද ?. එතුමන් අපත් සසරින් එතෙර කිරීමට මග පෙන්වා එතුමන්ලාත් සසරින් එතරවීමට වීර්ය දැරිය යුතුයැයි මීදුම සිතයි.

එහෙත් වෙන්නනේ උඩුගං බලා  යාමකි. බලය සොයමින් යති. වීර වරුන් වීමට වලි කති,ප්‍රසිද්ධිය වැළද ගනී. යාන වාහන වස්තු දේපල රැස්කරයි.

අතීතයේ සිටම ශ්‍රී ලංකාවේ බෞද්ධ ජනයා රාජකීය නායකත්වයට වඩා ආගමික නායකත්වය පිළිගනිති. එහි අදහස වන්නේ ආගමික නායකයනට කන්දීමට බෞද්ධ ජනයා වැඩි උනන්දුවක් දක්වන බවයි. අදටත් තමන්ගේ පාඩුවේ ගමේ බෞද්ධයාට අර්ථයෙන් - ධර්මයෙන් උපදේශන සපයමින් විමුක්තියක් අපේක්ෂා කරන භික්ෂුහු අනන්තවත් සිටිති. උන්වහන්සේලා සියළු දුක්දොම්නස් දරා ගනිමින් සමාජ සුබසිද්ධිය සඳහා ද, අධ්‍යාත්මික විමුක්තිය සඳහා ද සිය ජීවිතය කැප කර සිටිති. ලාභ ප්‍රයෝජන බලාපොරොත්තු නොවෙති.

පළමුවන ධර්ම සංගායනාව ඇතිවූයේ විනය විරෝධී වචනයක් නිසා ය. එය සුභද්‍රගේ අභද්‍ර වචන ලෙස ඉතිහාසයට එක් වී තිබේ.

දෙවන ධර්ම සංගායනාව ඇති වූයේ ද විනය විරෝධී කටයුතු දහයක් මුල් කරගෙන ය. එයින් හතරක් ම ශාරීරික අවශ්‍යතාවලට සම්බන්ධය. එකල ඇතැම් භික්ෂූන් මී - රා පානය කොට රන් කහවනු අල්ලස් ලෙස ලබාගත් බව ද ඉතිහාසයේ සඳහන් ය.

කුමක් වුව අපේ ශාසනය රැකීමට කරුණු දෙකක් සම්පූර්ණ විය යුතු ය. පළමුවන්න භික්ෂූන්ගේ සංවරය ය. දෙවැන්න භික්ෂූන් කෙරෙහි ගිහි බෞද්ධයන් දක්වන ගෞරවය යි.

භික්‍ෂුව සංවර නොවු කල ගිහියන්ගේ ගෞරවය නොලැබීයයි. එවිට  ශාසනයේ පැවත්ම විනාශවේ.  සංඝරත්නය දේශපාලනය පසෙක තබා ශාසනය ආරක්ෂා කරනු ඇතැයි බලාපොරොත්තුවුවත් එය සිතිවිල්ලකව  බොදවන්නේ කනගාටුවට පත්කරවමිනි.







notes of imaginary

Friday, July 08, 2022

කාලය ගලා යන හැටි.


 

කාලය බොහෝ අරුමයන් මවනවා .වෙනස් වීම් සිදුකරනවා. යහපතට වගේම අයහපතට.  අපේ දැනුම සහ අවබෝධයේ තරම   කාලයේ අරුමයෙන් ඇති කරන්නේ විශාල පරතෙරයක්.

ජීවිතයෙන්  දශක පහක් හයක්   ආපසු ගමන් කල විට  අවුරුදු  පහලොවක දහ අටක පමණ ගැටවරයෙක්. එකලත් අදත් සමාජ විශ්වාශයන් බරපතල ලෙස අභියෝගයටත් වෙනස් වීම් වලටත් පත්වෙලා.

එදා අපිත් අද පුංචි දරුවෙකුටත්  ඇති අවබෝධය සහ  තාර්කික බුද්ධිය  විශාල පරස්පරයක් තියෙනවා කියලයි මට දැන් හිතෙන්නේ. අපි එදා  හිතලා තියෙන්නේ ගතානුගතිකව .

 

එක් එක් පවුල් වල  ජීවන රටා වෙනස් . අපි ගම්බද පදිංචි කරුවන්.  එකල ගොවියාගේ පුතු දෙමවව්පියන් අනුව ගොවිපලට  යනවා.   මවුපිය සහයට ගොවිපලට යන්නේ පෙළඹවීමකින් තොරවයි. මගේ පියා සාමාන්‍ය වෙලෙන්දෙක්. මමත් ඔහු පවත්වාගෙන ගිය වෙළද සැලට උදව්වට යාම පුංචිකාලේ සිටම සිදුවු දෙයක්. වයසේ තරමට සුළු සුළු අත් උදව් දීමෙන් ඇරඹී මේ කටයුතු පසුකාලය වන විට පියා අනුගමනයකිරීම දක්වා පුහුණුවක් වුනා.අධ්‍යාපනයට යොමු කලත් ජීවිතය වැලද ගත්තේ පියාගේ වෘත්තීය පුහුනුව.යි.

 

මේ මුලපිරීම බරපතල සාකච්ජාවක් සදහා වගේ පෙනුනත් වියමන්  වෙන්නේ වෙනත් සරල සිදුවීමක්.     තැතිගත් මනස මට කල හදියක් කීමටත් ,  අපේ පැරන්නන් ස්වභාව ධර්මය උපයෝගී කරමින් කල නිෂ්පාදනයක් හදුන්වා දිමටයි. ඒ අතර තවත් අතුරු කතාවකුත්  තියෙනවා.

 

මේ කතා  අවසාන විට ඔබ හිතාවි දෑන් සීයා වන මමත් ,   මගේ පුංචි මුණුපුරාත්  අතර වෙනස.

 

කතාවට ප්‍රවේශවුනේ තාත්තාගේ වෙළද සැලේ අත් උදව්වට ගිය බව කියමින් . පැතුරුන විශාල වපසරියක  අපේ තාත්තාගේ ගණුදෙණු කරුවන් විශාල පිරිසක් වාසය කලා. ගම් දහයක් දොළහක සිංහල ජනතාවත්   අක්කර දහසකටත් අධික ප්‍රදේශයක් පුරා පැතුරන තේ වතුයායක දමිළ ජනතාවත් මේ පිරිසට  අයත් වුනා. වතුයායේ    සේවය කල වතු ජනතාව හට ආහාර පාන වගේම ඇදුම් පැළදුම් වැනි අවශ්‍යතා මාසික ණය පදනම මත මිලදී ගත්තේ පියාගේ වෙළද සැලෙන්. සෑම මසකම දහවෙනිදා හෝ ඊට ආසන්න දිනක කම්කරු වැටුප් ගෙවන විට මටත් මගේ වසසේ සිටි මගේ නැන්දාගේ පුතාගේත් රාජකාරිය වුනේ කුඩා පොතක සටහන් කරගත් ඒ ඒ ගණුදෙණු , ණය  ගනුදෙණු කරුවන්ගෙන්   එක් රැස්කරගෙන ඒම සදහා ඔවුන් විසු නිවෙස් වලට යාමයි.

 

දින දෙකක් ගතවු මේ ගමන අපි දෙදෙනාට විනෝදමත් චාරිකාවක්. සෑම වාරයකම පෙර දින පිටත් වන  අපි දෙදෙනා ආපසු නිවෙස් වලට ඒමට සිදුවන්නේ  පසුදා  රාත්‍රී  දෙගොඩ හරියේ රාත්‍රී දොලහට එකට.

 

1976 දක්වා අවුරුදු විස්සකට අධික කාලයක් කරන ලද මෙම කාරිය අවසන් වුනේ සිරිමා ශාස්ත්‍රී ගිවිසුමෙන් වතු කම්කරුවන් ශ්‍රී ලංකාවෙන් පිටත්වීමත් සමගයි. එම වකවානුවේ ඉන්දීය පුරවැසි කම ලැබ මෙම  දමිළ ජනතාවගෙන් අඩකටත් වඩා පිරිසක් ඉන්දීයාවට පිටත්ව ගියා. එදා පැවති අක්කර දහසක් පමණවු වතුයාය අද වන විට අක්කර සීයයකට පමණ සීමා වීම ඇරඹුනෙත් මේ හේතුව නිසයි.

 

අතුරු කතාවත් සටහන් කරන්නම් .

 

ඉතින් ….. එක් දවසක චරෙිකාව අවසන් කරලා අපි දෙන්නා ඒ කිව්වේ මස්සිනාලා දෙන්නා මහ රෑ ඝණ අන්දකාරය මැදින්  ගෙදර එනවා. දැන් වගේ නෙමෙයි. විදුලි පන්දමට අතිරේක බැටරි කෑලි ගෙන යන්න අපිට ලැබෙන්නෙත් නැහැ. පෙරදා ගෙන ගිය විදුලි පන්දම් දෙකේ  බැටරි කලා මැදිරි එළි වගෙයි. බැටරි බැහලා. අතුරු පාරවල් ( ෂෝර්ට් කට් ) හරහා අපි ගමන ඉක්මන් කරනවා. තේ වතු යාය අවසන් වෙන්නේ වෙල් යායක් මැදින් වැටී ඇති අතුරු මගකින්.

අපි දෙන්නට ඇහෙනවා අමුතු සද්දයක්  ටකස් –  ටොකස්  , ටකස් –  ටොකස්  , ටකස් –  ටොකස් ” . නොනැවතීම ඇහෙනවා.

අපිට මතක් වෙනවා අපි ගමන් කරන අතුරු මාර්ගය පිළිබදව. ගම්මුන් බලි තොවිල් කර මල් තට්ටු ගෙනවිත් දමන තැන, යකුන් ප්‍රේතයන් අල්ලා ගෙන විත් ඇණ ගසන සුවිසල් ඇටඹ ගස. අපි නිශ්සබ්දයි. ගල් ගැහිලා. තීරණයක් නැතිව හිටිවන ඉන්නවා . ටකස් –  ටොකස්  , ටකස් –  ටොකස්  , ටකස් –  ටොකස් ” . නොනැවතීම ඇහෙනවා.

 

 අයියේ මස්සිනා මට කියනවා. මොකද කරන්නේ ?  අපි ආපහු යමු මම කියනවා . සැතපුම් භාගයක් විතර ආපසු  ගොස් අපි ආපසු හැරී ප්‍රධාන මාර්ගය තෝරා ගෙන  ඒ  ඔස්සේ යලිත් එනවා. ගමන සැතපුම් එකයි භාගයක් විතර දික්වෙනවා. මේ එන අතර වතු කම්කරුවන්ගේ සොහොන් කොත් කිහිපයක් පහුකරන්න ඕන. මේ සොහොන් කොත් අතර එක් සොහොනක් ගම් වැසියන් අතර සුප්‍රසිද්ධ සෙහොනක් තියෙනවා. හදුන්වන්නේ කනක්කයාගේ සොහොන කියලා.මේ කනක්කයාගේ සොහොන පහු කරන අපි දෙන්නාට ඉස්සරහට යන්න දෙන්නේ නෑ. පසු පසට තල්ලු කරනවා විශාල මාර ගස් විලාප දෙනවා. අපිට බුදු හාමුදුරුවෝ සිහිවෙනවා. ඉතිපිසෝ ගාථාව අපි මහ හයියෙන් ගායනා කරනවා.

වෑයමෙන් ඉස්සරහට තල්ලු වන අපි ඒ බාධකයත් ජය ගෙන යාන්තම් ගෙදරට එනවා.

 

පහුවදා දෙන්නටම සහලෝල උණ.තොවිලයක් නොකර බේරුනත් තෙල් සාත්තුවකින් යාන්තම් බේරුනා.මතක් වෙන කොටත් දැන්නම් හිනා යනවා.

සතියකට විතර පස්සේ අපි දෙන්නට ලැබුන විවේකයකින් මේ  “ටකස් ටොකස් ජංජාලේ සුලමුල හොයන්න ගියා කියමුකෝ . මහ දවලුත්  ටකස් –  ටොකස්  , ටකස් –  ටොකස්  , ටකස් –  ටොකස් ” . නොනැවතීම ඇහෙනවා. ඇහෙන්නේ වෙල් යායෙන්. හඩ ඔස්සේ ගිහින් බලපුවම දිය පාරකට සවි කර තිබු දිය උගුලතමන් ගේ රාජකාරිය ඉටු කරනවා. 

 

අපි පිටුපසට තල්ලු කල බල වේගය සොයාගන්න නම් සෑහෙන්න කාලයක් ගතවුනා. ජුනි සැප්තැම්බර් කාල පරාසය මේ ප්‍රදේශයට තද හුලං හමන කාලයක්.මේ කියන බිම් කොටස හරහා හමන තද සුළග වාහන වලට පවා ප්‍රතිරෝධ දක්වනවා. කනක්කයගේ සෙහොන’  පිහිටුවා තියෙන බෑවුම් සහිත මහා මාර්ගයේ ග මේ කාලවලට හමා යන හුළග හරි වේගවත්   . කනක්කයගේ සෙහොනඅදත් තියෙනවා. තද හුලං තියෙන දවස් වලට අදත් මේ හරියෙන් යන්න අපහසුයි. අපි දෙන්නට එදා  කනක්කයගේ සෙහොනේඅභිරහස නිරාකරනය කරගන්න බැරිවුනා. ඒ .රමට විචාරත්මක බවක් අපිට තිබිලා නැහැ.

 

අපේ පුංචි එකා මුනුපුරාට පොඩි අසනීපයක් හැදෙනවා. මම යෝජනා කරනවා පැටියෝ අහවල් සීයට කියලා වතුර ටිකක් මතුර ගෙන එන්නද කියලා. සීයේ එයාට පියාඹන්න පුළුන් වෙන්න මතුරන්න පුළුවන් ද ?. ” පුංචි එකා මගෙන් අහනවා.

 

එහෙමයි. කාලය වෙනස් වෙලා තියෙන්නේ. දැන් දරුවෝ අපේ කාලේ දරුවන්ට වඩා විමසිලිමත්.

 







notes of imaginary

Wednesday, July 06, 2022

සුන්දර විරෝධයක්.


 භාෂාව සුන්දර ලෙසත් ආන්දෝලාත්මක ලෙසත් හසුරුවන ලද අවමංගල නිවේදන දෙකක් පිළීබදව මට යම්තම් මතකයක් රැදී තිබිණි.

 එක් නිවේදනයක් වුයේ ජවිපෙය 1971 අප්රේල් 05 දා තම පලමු වෙඩිමුරය පත්තුකිරීම සදහා කාඩරයන් වෙත කරන ලද නිවේදනයයි.ජේ.වී.පී අප්පුහාමි මියගිය බවත් අවමගුල් උත්සවය පවත්වන වෙලාව ස්ථානය 

සදහන් කරමින් තම පලමු වෙඩි මුරය පත්තු කිරීමේ නිවේදනය ශ්‍රී ලංකා ගුවන් විදුලි සංස්ථාව මගින් මරණ දැන්වීම් ඔස්සේ ප්‍රචාරය කර ගැනීමට සමත්ව තිබිනි.

 අනෙක 1974 අප්රේල් 23 දින Ceylon daily news පුවත් පතේ ශ්‍රී ලංකාවේ පුජාතන්ත්‍රවාදය මියගිය බවත් අවමගුල 20 වෙනි සෙනසුරාදා පවත්වන බව පලකර තිබු අවමංගල දැන්වීමය. මේ වකවානුව සමගි පෙරමුන රජය දවස පත්‍ර ආයතනය සීල් තබා විපක්‍ෂයේ දේශපාලන රැස්වීම් පැවත්වීම වැලක්වීම අරමුනින් හදිසි නීතිය මෙන්ම අදුරු නීතිය පවා යොදාගත් අවධියක් විය.

 1974 අප්රේල් 23 දින Ceylon daily news පුවත් පතේ අවමංගල්‍ය දැන්වීම් තීරුවේ පලවූ  නිවේදනය මා පසුකලක පැරණි පුවත් පත් ගොන්නක් අතරින් වෙන් කරගෙන තිබු අතර පසුබිම් කතාව ලක්බිම ඉරිදා පුවත්පතට සපයා තිබු ලිපියකින් නැවත කියවන්නට ලැබිනි.

 අවමංගල්‍ය දැන්වීම මෙසේය.

 O’CRACY – the death Occurred under the tragic Circumstance of D.E.M.O.CRACY, beloved husband of T. truth. Loving father of L. I. Bertie, Brother of Faith, Hope and Justitia interred on Saturday 20th ,inst-Araliya Medura, Panagiyawaththa, Andurwala. 

‘ඕ.ක්‍රසි සත්‍යයේ ආදරණීය ස්වාමිපුරුෂයා වූදනිදහසේ දයාබර පියානන්වූද විශ්වාසය ,අපේක්‍ෂාව, හා යුක්තියේ සොහොයොයුරාවූද, පුජාතන්ත්‍රවාදය කනගාටුදායක තත්වයක් යටතේ අභාවප්‍රාප්තවිය. භූමදානය 20 වෙනි සෙනසුරාදා සිදුකෙරේ. අරලිය මැදුර   පනලියවත්ත, අදුරුවෙල.

 මෙම අවමංගල්‍ය දැන්වීම් නිසා එකල මහත් ආන්දෝලනයක් ඇති කල අතර ආණ්ඩු පක්‍ෂයට පාර්ලිමේන්තුවේ ප්‍රශ්න වැලකට උත්තර සපයන්න සිදුවිය. දැන්වීම නිසා ලේක් හවුස් ආයතනයේ දැන්වීම් අංශයේ සේවකයෝ හය දෙනෙකුගේ සේවයද අත්හිටවන ලදී.රහස් පොලිසියට ලේක්හවුසියේ සිට රට පුරා දැන්වීමේ සුලමුල සෙවීමට සිදුවිය.

 එහෙත් මෙම දැන්වීමේ සුලමුල රට දැන ගනු ලැබුවේ 1977 එජාපය බලයට පත්වූ පසුවය.වෛ

ද්‍යවරයෙකුවු රයිලි ප්‍රනාන්දු මහතා දෙහිවල පෞද්ගලික වෛද්‍ය මධ්‍යස්ථානයක් පවත්වාගෙන ගිය වෛද්‍යවරයෙකි.ඇදිරි නීතිය නිසා රෝගීන් නොමැතිව පාළුවේ ඉන්නා විට හිතේ පිළිසිද ගත් අදහස ක්‍රියාවට පත් කලේය.

එහෙත්  ඔහුට සමගි පෙරමුණට  පාලන බලය අහිමි වන තුරු කොයි වෙලාවේ පොලිසිය ඔහු සොයාගෙන ඒදෝයි සැකයෙන් සහ බියෙන් සිටින්නට සිදුවී ඇත.






notes of imaginary

Saturday, March 08, 2014

හීනෙන් බයවෙලා !


 කැබිනට් මණ්ඩලය විසුරුවා හැර තිබේ . මාධ්‍ය මහ ඉහලින් ප්‍රවෘත්ති පල කරයි.

සංශෝධනයක් !. කැබිනට් මණ්ඩලය විසුරුවා හරී.
, නව කැබිනට් මණ්ඩලය දහසයයි නියෝජ්‍ය ඇමතිවරුත් දහසයයි !
ව්‍යාපෘති කණ්කානි තනතුරු නැහැ.
ජ්‍යොෂ්ඨ ඇමතිවරු ගෙදර
ප්‍රවෘත්ති වැහි වැහලාය. මේ අතර අතුරු කතා ඇසෙන්නට පටන් ගනි. ඇමතිවරු නිල වාහනය වශයෙන් බයිසිකල් තෝරා ගෙන කියන කතාව සුලගක් මෙන් පැතිරෙයි. මට සැකයක් ඇතිවු බැවින් මේ ප්‍රවෘත්ති පැතිරෙන්නේ ශ්‍රී ලංකාවේද යන්න විමසීමට
බයිසිකලයක් පැදයමින් මා ඉදිරිපසින් එන බඩ තඩි සුදු ඇදුමක් ( බාච්ඡුවක් ) ඇදගත් පුද්ගලයෙකුට අත දිග් කලෙමි.  බයිසිකලය නතර කල ගරු ගාම්භිර බවක් පෙන්වූ වත් කාරුණික ඒ මහතා ඔව් ඔව් ශ්‍රී ලංකාවේ යයි උත්තර දී  බයිසිලය හැසුරු වේගයට  පාරේ අයිනේ තිබු රැහැන් ආවරනයකට මගේ දෙපා ගැටුණා.

ඒ තිගැස්මට මට ඇහැරුනා . මා සිටියේ ඇද උඩ . කියවමින් හිටපු ලිපිය තාමත් කොට්ටේ ලග
ඒ ලිපිය ලියවී තිබුනේ ඉතාලි අගමැති මත්තේයෝ රෙන්සි මහතා ගැන.   එතුමාගේ ඇමති මණ්ඩලය 16 යි. එතුමා ගමන් බිමන් සදහා යොදා ගන්නේ බයිසිකලයක් . ඉතාලියේ ජනගහණය කෝටි හයක්.  
 ඉතාලියේ අගමැති ධුරයට පත්වෙන්න පෙර  මත්තේයෝ රෙන්සි මහතා ෆ්ලොරෙන්ස් හී නගරාධිපති හැටියට  කටයුතු කලා. එතුමා නගරාධිපති හැටියට මනා කලමනාකරණයෙන් කරන ලද වියදම් (ටොයිලට් පේපර්ස්වල වියදම දක්වා ) අන්තර්ජාලය තුලින් ජනතාවට දැනගන්නට සැලැස්වීමෙන් පෙන්වනලද විනිවිදභාවය සහ පරිපාළනය තුල දැනෙන ජනතාවාදී ප්‍රතිසංවිධාන ක්‍රියාත්මකකිරීමෙහිලා දක්වන අධිශ්ඨානශීලීත්වය නිසාම ජනතාව විසින් තමන් ගේ අගමැති ලෙස පත් කරගන්න ජනතාව උනන්දු වෙලා ! .
වයස අවුරුදු 39 දී හය කෝටියක ජනතාවගේ අගමැති බවට පත්වුනා.
ඒ ඉතාලියේ - ශ්‍රී ලංකාව ගැන මම ලියන්න ඕනී නැහැනේ.
ඡන්දයට  නාමයෝජනා ලබන්න සුදුසුකම් ලබන්නේ අධිකරණයේ ලබා තියන පෙර වැරදි ප්‍රමාණය මත. නැත්නමි පරපුරෙන් පරපුරට කරලා තියෙන ගසා කෑම් ප්‍රමාණය මත. සාධාරණ විදියට දේශපාලකයෙක් හැටියට විතරක් හිටිය මනුස්සයෙක් ඉන්නවානම් එයාගේ පරපුරට නාමයෝජනා ලබා ගැණීම නම් බොරු .  පැත්තකින් මත්ද්‍රව්‍ය ,රාජ්‍ය දේපල අනිසි ලෙස පරිහරණය, කොමිස් ,ගසාකෑම් වගේ ක්‍රියා පිලිබදව වැඩියෙන් කියවෙන පරපුරට නාමයෝජනා ෂුවර්.
ඉතින් උඩින් නාමයෝජනා අරන් එන එකාට ඡන්දය දීමනේ අපේ පරමාධිපත්‍ය.
ප්‍රජාතන්ත්‍රවාදී ස්කෝලේ පරමාධිපත්‍ය පේපර් එකට ලියලා වැඩියෙන් ලකුණු ගත්ත එකා පාස්. ඌ ( සමාවෙන්න ! මට මේ ශිෂයයන්ට කියන්න වෙන ගරු කටයුතු වචනයක් නැහැ ) .
පේල් වුන එකා ආණ්ඩුපක්‍ෂයේ නම් සංස්ථාවක සභාපති කෙනෙක් , නැත්නම් උපදේශක කෙනෙක් .
විපක්‍ෂයේ නම් මැරයෙක් නැත්නම් කප්පම් කාරයෙක්, නැත්නම් හොරෙක්. මේ දෙයාකාරයෙන්ම කියවෙන වෘත්තීයක්ම විශ්ලේෂණය කලොත් එකයි. 
දෙගොල්ලෝම නම්බුකාර කමින් සහ අනතුරුදායක අන්දමින් මැතිවරණ වියදම් පියවා ගන්න කටයුතු කරනවානේ.
පසුගිය සතියෙ මාධ්‍ය පල කල පුවත් එකතු කරපුවහම බස්‌නාහිර සහ දකුණු පළාත් සභා ඡන්දයේ ප්‍රචාරක කටයුතු සඳහා යොදාගත් රජයේ වාහන 13 ක්‌ පොලිසිය මගින් අත්අඩංගුවට අරගෙන. ඒ අතර මැතිවරණ ප්‍රචණ්‌ඩ ක්‍රියා පිළිබඳ පැමිණිලි , 'ඡන්ද ත්‍රස්‌තවාදීන්' අත්අඩංගුවට ගැණිම් , විශාල ප්‍රමාණයක් වාර්තා වෙලා.  ලස්සනම ප්‍රවෘත්තිය   බස්‌නාහිර සහ දකුණේ ඡන්ද ඩියුටි සඳහා මැර කණ්‌ඩායම් 15 කට අයත් නමගිය 181 දෙනෙක්‌ ඩියුටි පටන් ගත් බව දැක්වෙන ප්‍රවෘත්තියයි. 
මේ ගොල්ල නැතිව ඡන්ද කරන්න බැහැනේ. පොලිසිය හැම දේටම මැදිහත් වෙන්නේත් බැහැනේ.

මේ හැමදේටම ජේ. ආර් මහත්තයා සිහිපත් කරනවා. ඒත් මෙච්චර හයිය තියනවා කියන ආණ්ඩුවක් ජේ. ආර් මහත්තයාගෙන් උනා කියන වැරැද්ද තාමත් නිවරදි කරන්න උත්සහායක් අරගෙන නැහැ.




notes of imaginary