පැරසිටමෝල් .

පැරසිටමෝල්: ඔබේ ගෙදර 'හොඳම මිතුරා' ද, 'සැඟවුණු සතුරා' ද?

උණක්, ඔළුව කැක්කුමක් ආපු ගමන් අපි දුවන්නේ ගෙදර බෙහෙත් පෙට්ටිය ළඟට. එතන ඉන්නවා අපේ "විශ්වාසවන්ත යාළුවා" - පැරසිටමෝල් (Paracetamol) හෙවත් 'පැනඩෝල්'.

මේක නැති ගෙයක් හොයාගන්නත් අමාරුයි. ඒත්, මේ "යාළුවා" හැමවෙලේම හොඳ කෙනෙක්ද?

අපි මේ "වීරයා" ගැනත්, එයාගේ භයානක "සැඟවුණු සතුරා" කියන පැත්ත ගැනත් හරියටම දැනගමු.

"වීරයා" (පැරසිටමෝල් වල හොඳ පැත්ත)

පැරසිටමෝල් කියන්නේ ඇත්තටම නූතන වෛද්‍ය විද්‍යාවේ වටිනා නිර්මාණයක්.

වේදනා නාශකයක්: ඔළුවෙ කැක්කුම, ඇඟපත රිදීම, දත් කැක්කුම වගේ පොදු වේදනාවන් පාලනය කරන්න දක්ෂයි.

උණ අඩු කරයි: ශරීරයේ උෂ්ණත්වය (උණ) නැවත සාමාන්‍ය තත්ත්වයට ගේන්න උදව් වෙනවා.

ආමාශයට මෘදුයි: ඇස්ප්‍රින් (Aspirin) හෝ ඉබියුප්‍රොෆෙන් (Ibuprofen) වගේ අනිත් බෙහෙත් වලට සාපේක්ෂව බඩට එතරම් සැර නෑ (බොහෝ දෙනෙක්ට).

ගන්න ලේසියි: බෙහෙත් වට්ටෝරුවක් නැතුවම (Over-the-counter) ෆාමසියකින් ගන්න පුළුවන්.

මේ නිසාම තමයි පැරසිටමෝල් අපේ "හොඳම යාළුවා" වෙලා ඉන්නේ.

"සැඟවුණු සතුරා" (භයානක පැත්ත)

මෙන්න මේකයි අපි කවුරුත් හරියටම දැනගත යුතු දේ: පැරසිටමෝල් භයානක වෙන්නේ "ඕනවට වඩා" (Overdose) ගත්තොත් විතරයි.

ප්‍රධාන ඉලක්කය: අක්මාව (Liver)

අපේ ශරීරයේ "ෆිල්ටර් එක" තමයි අක්මාව. අපි ගන්න හැම බෙහෙතක්ම වගේ පිරිසිදු කරන්නේ මෙතනින්.

සාමාන්‍ය මාත්‍රාවක් (Dose) අක්මාවට කිසිම ප්‍රශ්නයක් නැතුව පිරිසිදු කරන්න පුළුවන්.

නමුත්, එකපාර පෙති ගොඩක් (උදා: 10-15) ගත්තොත්, හෝ දවසකට ගන්න පුළුවන් උපරිම ප්‍රමාණය (වැඩිහිටියෙක්ට සාමාන්‍යයෙන් දිනකට ග්‍රෑම් 4, එනම් 500mg පෙති පැනලා දිගටම ගත්තොත්, අක්මාවට මේක දරාගන්න බැරිවෙනවා.

එවිට පැරසිටමෝල් වලින් හැදෙන "විෂ සහිත අතුරු ද්‍රව්‍යයක්" අක්මාවේ සෛල මරන්න පටන් ගන්නවා.

ප්‍රතිඵලය: අක්මාව සම්පූර්ණයෙන්ම අක්‍රිය වීම (Liver Failure). මෙය මරණයට පවා හේතු විය හැකි ඉතාම බරපතල තත්ත්වයක්.

අපිට වරදින ප්‍රධාන තැන් 3ක්

අපි නොදැනුවත්වම මේ "සතුරාට" උදව් කරන විදි තුනක් මෙන්න:

ළඟ ළඟ බීම: "උණ අඩු වුණේ නෑනේ" කියලා, නියමිත වෙලාව (සාමාන්‍යයෙන් පැය 4ක් හෝ 6ක්) ඉන්න කලින් ආයෙත් පෙති ගැනීම. මේකෙන් දවසේ උපරිම මාත්‍රාව පහසුවෙන්ම පනිනවා.

"සැඟවුණු මාත්‍රාව" (The Hidden Dose): මේක තමයි ලොකුම වරද. ඔබ හිතන්නේ 'පැනඩෝල්' විතරයි ගත්තේ කියලා. ඒත්, ඔබ සෙම්ප්‍රතිශ්‍යාවට, කැස්සට ගන්න වෙනත් බෙහෙත් (උදා: Cold & Flu පෙති, කැස්ස පැණි) වලත් පැරසිටමෝල් අඩංගු වෙන්න පුළුවන්. එතකොට ඔබ නොදැනීම දවසට ඕන ප්‍රමාණය වගේ දෙගුණයක් අරගෙන ඉවරයි!

සැමවිටම ගන්නා වෙනත් බෙහෙත් වල "Paracetamol" හෝ "Acetaminophen" (ඇමරිකාවේ භාවිතා වන නම) තියෙනවද කියලා ලේබලය කියවන්න.

"භයානක මිශ්‍රණය" (The Risky Mix): මත්පැන් (Alcohol) සමඟ පැරසිටමෝල් ගැනීම කියන්නේ අක්මාවට කරන මාරාන්තික අපරාධයක්. මත්පැන් සහ පැරසිටමෝල් කියන්නේ දෙකම අක්මාවට බර පටවන දේවල්. මේ දෙක එකට ගත්තම, අක්මාවට වෙන හානිය ඉතාම බරපතලයි.

අවසාන වචනය: පිහියක් වගේ...

පැරසිටමෝල් කියන්නේ හරියට කුස්සියේ තියෙන "පිහියක්" වගෙයි.

නිවැරදිව පාවිච්චි කළොත්: එළවළු කපලා රසට කෑමක් හදාගන්න පුළුවන් (වේදනාව, උණ නැති කරන්න පුළුවන්).

වැරදියට, නොසැලකිලිමත්ව පාවිච්චි කළොත්: අත කපාගෙන ලේ විලක් මැද නවතින්නත් පුළුවන් (අක්මාව විනාශ කරගන්න පුළුවන්).

ඒ නිසා, පැරසිටමෝල් කියන "යාළුවා"ව පරිස්සමෙන් පාවිච්චි කරන්න. හැමවිටම දොස්තර හෝ ඖෂධවේදියා කියන නියමිත මාත්‍රාව පමණක්, නියමිත වෙලාවට ගන්න. සැකයක් ඇත්නම් අනිවාර්යයෙන් වෛද්‍ය උපදෙස් පතන්න.

- කොහොමද ඒක.

https://www.facebook.com/profile.php?id=100063619304149&__cft__[0]=AZZCPinf912aoBZufqSXgIRGsp8VKKNXJtHNKzTVatdsvyuj8rmTO0G6aLa_ZDUHSeFrx7yJOYQGKKGv3bNYKukztZK4hKIYlSBBo56hnNP_uuY3qTHcbwlDYNRltzAx9a8YQ7pay4T8nLJnp83P8Z0Gk9GJ8xcADeUCI6hy28nSzOzhg1l5_ZdJqBXSz9TYO1ge0mAjj_8h_3RNXuXaz1PANLMQZrHKVymmFkq_rwg-Jg&__tn__=-UC%2CP-y-R

A day in the life

Read More

බුදුරජාණන් වහන්සේත් ධර්මය දේශනා කරන්න මැළිවුණා.

 බුදුරජාණන් වහන්සේ , ධර්මය  දේශනා කරන්න   මැළිවුණා මුලින්.  සහම්පති බ්‍රහ්මයා තමයි ලු,ආරාධනා  කළේ , අවබෝධ කරගන්න පුළුවන්  සත්වයිනුත් සිටින බව, කියල..එතකොට ,බුදුන් වහන්සේ , මහාකරුණා සමාපත්ති යෙන් ලෝකය බලා, පුද්ගලයන් කොටස් 04ක් සිටින බව දැක වදාළා. 

1.උග්ගට්තඤ්ඤ.                        

2. විපටිතඤ්ඤ.                      

3.ඤෙය්‍ය .                                    

4.පදපරම.

                                    

මෙයින්,පළමු කෙනා, ධර්මය ඇසෙනවිටම අවබෝධ කරගන්න වා.            

දෙවැනියා ,ධර්මය  පැහැදිලි කරදෙනවිට අවබෝධ කරගන්න වා.

තුන්වැන්නා කාලයක්  අසීරුවෙන් ධර්මය සාකච්ඡා ,දේශනා ආදියෙන් පසු, අවබෝධය ලබනවා.               

පදපරම පුද්ගලයා ට කිසිවිටක ,අවබෝධය  කරා යන්නට  නොහැකි වෙනවා.                   

තථාගතයාණන් වහන්සේ ලස්සණ උපමාවක් ඊට  දේශනා කළා .

ඇතැම් නෙළුම් මල්,  විල් දියේ ගෑවි,  ගෑවී තිබී.....හිරුඑළිය ලද සැණින්  විකසිත වෙනවා. ( උග්ගටිතඤ්ඤ ) 

  

තව සමහර මල් ,  තරමක්  ගැඹුරු  දියේ තිබිලා,  ක්‍රමයෙන්  හිරු එළිය ඊට  වැටුණාම  දියෙන්  මතුවී විකසිත වෙනවා.( විපටිතඤ්ඤ , )

              

තවත් මල් ඉතාම ගැඹුරේ තිබී, මඩ..රොඩු බොරඩු අතරින් , හිරුඑළිය පතුලට වැටුණාම,   අමාරුවෙන්  උඩට  මතුවෙනවා .(ඤෙය්‍ය )

          

 තවත්  කොටසක් , පතුලේම තිබී, සතුන් කාදමා,  මඩෙන් උඩට නො පැමිණ ම විනාශ වෙනව . ඒ පදපරම පුද්ගලයන්  ට කියපු උපමාව.............

බුදුන් වදාළ ධර්ම ය  මොනතරම්  සුන්දරද  ?.

A day in the life

Read More

කන්දට වැස්මක් .

ලංකාවේ "ජනතා විමුක්ති පෙරමුණ" නමින් බිහිවූ පක්ෂ තුනකි.

පළමුවැන්න හැට ගණන්වල ඇරඹී හැත්තෑ එකේ පොළවට සමතලා වන

"ජනතා විමුක්ති පෙරමුණ" යි.

දෙවැන්න හැත්තෑ ගනන්වල අරඹා අසූ අට නවයේ පොළවට සමතලා වන්නයි.

තෙවැන්න වර්තමානයේ බලය හොබවන්නයි.

මේ ත්‍රිත්වය නමින් එකක් විය.

නමුත් ආකෘතියෙන් තුනක් විය.

පොදුවේ ගත් කල මේ ත්‍රිත්වයෙහිම අරමුණ වූයේ "සමාජවාදී රටක්' තැනීමයි.

ඒ සඳහා ගත් ක්‍රියාමාර්ග වල වෙනස්කම් විය.

මා කියන්නට යන්නේ පළමුවැනි ජ.වි.පෙ.යත්

තෙවැන්නත් සමපාත වූ අවස්ථාවක් "ස්වභාව ධර්මය" විසින්

උදා කර ඇති අන්දමයි.

සිදුවූ ව්‍යසනය අළලා වත්මන් ජනාධිපති වරයා

"අඩි පන්දාහෙන් උඩ කඳුකරය නැවත වන වැස්මක් කරන" බව පවසා ඇත..

නවසිය හැට ගණන්වල ඇරඹූ පළමු ජනතා විමුක්ති පෙරමුණ

කොළඹ හයිඩ් පිටියේ තම ප්‍රථම මහජන රැස්වීම පවත්වනු ලැබීය.

එහිදී කතා කළ "රෝහණ විජේවීර" පළමුව ⁣

මේ රටේ සමාජවාදය උදා කළ යුත්තේ මන්ද?

යන තේමාවෙන් කතා කොට දෙවැනුව

"අපි මේ,රටේ සමාජවාදය උදා කරලා

ඊ ලඟට කරන්ටෝන පළමුවැනි කාරිය මොකක්ද?

මේ රටේ කඳුකරයේ අඩි පන්දාහට උඩ නැවත වන වැස්මක් කරන්ටෝන.

සුද්දා මේ රට අයිති කරගෙන වතු වගාවට කියලා

කද්‍රකරයේ තිබුණ කැලෑ කපලා මහා විනාසයක් කළා.

සුද්දන්ගෙන් පස්සෙ බලය ගත්ත කළු සුද්දො

ඊට වඩා හොඳට ඒක කරගෙන ගියා..

අපි අද හෙටම ඒක නැවත වන ගහනයක් නොකළොත් මතක තියාගන්ඩ

තව අවුරුදු විස්සක් යනකොට

මේ රටේ මිනිස්සු පවුල් පිටින් වැළලෙයි.

ගම් පිටින් වැළලෙයි.

එදාට මම ඉන්න එකක් නෑ.!"

ආදී වශයෙනි.(වචන මේවාම නොවිය හැක)

මේ කාලයේ "නාය යෑමි"යනු පාරකට ඉවුරක් සෝදා ඒම පමණක් විය.

නමින් එකක් වන මුත් ආකාරයෙන් දෙකක් වන

එදා ජ.වි.පෙය සහ වත්මන් ජවිපෙය

එකම තැනකට ගෙන ආවේ සොබා දහම විසින් ය.

හැට ගණන්වල කඳුකරයේ පැවති තත්වයට වඩා අද වෙනසිය.

ඊට වඩා විනාසයට පත්ව ඇත.

වැඩේ ලේසි නැත.

නමුත් කළ යුතුය.

කළ හැකි ය.

අමාරුවෙන් හෝ කළ යුතුය.

ඒ මෙදෙසේ බිහි වීමට නියමිත මතු පරපුරු වෙනුවෙනි.

සමාජවාදය හෝ වෙන ඕනෑම දෙයක් කිරීමට

රටක් තිබිය යුතුය.

රට රැකෙන්නට නම් එය කළ යුතුමය.

ජනාධිපතිතුමනි.

වෙනත් මොන කාරණේදි එකඟ නොවුනත්

මේ කාරණේදි මගේ ඉතිරි ජීවිත කොටයත්

එහෙම පිටින් පුද කිරීමට සූදානම් ය.

කතාවට සැලියුට් ය.

- කමල් පී අලහකෝන්.

A day in the life

Read More

වැහි කුණාටුව

වැහි කුණාටුව ජීවිතය අවුල් කලා . දවසත් අවුල් කලා

අපේ ජීවිතදැන් යථා තත්වයට පත්වෙමින් තියෙනවා.

ඒත් කුණාටුවෙන් විපතට පත්වුන අවතැන් වුන ජීවිත……. 

ආණ්ඩුව සැලී නිසල වෙමින් ඉන්න බවක් තමයි පේන්නේ.

මහින්ද ජයසිංහ කියනවා කාලගුණය වෙනස් වීම් දැනගෙන නොකියා හිටපු විපක‍්ෂයටනඩු පවරන්න ඕන කියලා.

කාලගුණ දෙපාර්තමේන්තුව තියෙන්නේ පාලක පක්ෂය යටතේ….

විපක්‍ෂය යටතේ නෙමෙයි.

මෙහෙමත් ………ඉන්නවා නේ.

ඔය අවු අස්සේ කේ.ඩී සරත් පොලොන්නරුවේ රජ වෙලා.

අවතැන් ජනතාවට සැලකුම් කල පාර්ශවයන්ට ස්තුති කරනවා.

පොලොන්නරුව රාජ්‍ය නායකයා වශයෙන්.

ඔය හෙයියම්මාරු අස්සේ මෙටාවේ මාර යුද්ධයක්. ඕං අහගම්මුකෝ.

“ මේ දවස්වල දේශපාලනේ පෝස්ට් එකක් දාලා කට්ටිය ඇවිස්සුවේ නැත්නම් කෑවේ නෑ වගේ “ මට ප්‍රශ්නයක්  ?.

මමත් මේ දවස්වල එහාට මෙහාට විසි වෙන පෝස්ට් වගේම ප්‍රතිචාරත්  ඉවසන්නේ හරිම විනෝදයෙන්. 

මම ඒවා බැරෑරුම්ව හිතන්නත් බාර ගන්නත් පෙළඹ‍ෙන්නේ නැහැ.

සමහර වෙලාවට බරපතල ලෙස අපහාස කරන අවස්ථාත් තියෙනවා. 

මගේ දේශපාලන මතය දරන්නේ නැත්නම් මම  පාදඩයා, අවජාතකයා , ගවයා වෙනවා.

වලව් වල වලං හෝදන අවලංළු. ගොන් ආතල් ගන්නවා කියලත් අහන්න වෙනවා.

ඔය වගේ දේවල් දරාගත්තොත් මහත් පීඩාවක් ඇති වෙනවා බැහැර කලොත් දැනෙන්නේ සහනයක්.

“මටත් ඔය ලෙඩේ බෝවෙලා අයියේ”  

මෙහෙම කිව්වේ සංවරව ප්‍රතිචාර දක්වන්නෙක්.

ජොලි වැඩේ කලබල වෙනවා දකින කොට හිතෙන දේවල් වලට හිනා.මම කියනවා.

“මදෑ ඔහොම හිටියා “ කෙටි ප්‍රතිචාරයක්.

“පොහොට්ටුවෙන් මාලිමාවට මාරැ වුන එකෙක් ඇවිස්සුවනම් තවත් මරැ..තවත් කෙනෙක්ගේ අදහසක්.

“නිදාගන ඉන්න කොටියෙක් ඇහැරෙව්ව වගේ.

මට අනුකම්පා කරන අයත් ඉන්නවා.

“හැබැයි වෙන අයගේ දේශපාලන පොස්ට් වලට උත්තර දෙනවා.......ඒත් .......ඔබගේ පොස්ට් වලට වැරැද්දක් කියන්න හිතෙන්නේ නැ....හිත් රිදවා ගන්න අකමැති නිසා .....කව්රු රජ උනත් අපි හම්බ කරොත් අපිට කන්න පුළුවන් .....එච්චරයි ....හැබැයි හම්බකරගෙන කන්න හරි රටක් තියෙන්න එපැයි ........“ 

මම කියනවා ….

“................මට ඒ තරම් හිතන්න දෙයක් නැහැ .දේශපාලන විග්‍රහ වලට කැමතියි .මොන විදියේ කෝන වලින් තිබුනත් කියවනවා .දේශපාලන අදහස් වලින් සමාජය එක එක ගොඩවල් වලට ගහ ගන්නේ නෑ .තම තමන්ට පෞද්ගලික අදහස් මතිමතාන්තර තියෙන්න පුළුවන් .ටිකක් අප්‍රසන්න දේශපාලනය මුල් කොට ගැරහීමට ලක් කරන එක.“

“....................ගොඩක් දෙනා එහෙම නැහැ ...මොකේ උනත් තමන් තෝරාගත් කෙනාට පක්සව ලියනවා...අවුස්සගන්නවා කියන මහා දාර්ශනිකයොත් රටකාපු හොරෙකුට කඩේයන ගමන් පොරක් වෙන්න බලනවා“ ......මේ තමන්ගේ මතිමතාන්තර තහවුරු කරන හිතවතෙක් . 

හැම වෙලාවේම කොක්කක් තමයි. මට නම් විනෝදජනකයි. ඒ්ත් රුධිර පීඩනයට නම් අගුණයි කියලා මතක් කරනවා. වැඩක් නැහැ.

“..............උන් පට්ට කුහකයෝ “ පුංචි ළමෙක් ගලක් අරන් ගැහුවා වගෙයි . කියලා මම හිතලා

මෙහෙම කියනවා

“.................ඔයාට නම් තියෙන්නේ පට්ට කේන්තියක්. මම නම් උපේක්ෂාවෙන් බලනවා .හැම කෙනාටම නිදහස්ව හිතන්න හැකියාව තියෙනවා නේ.“ කියන මට මතක් වෙනවා මම ගැන යටි හිත‍ේ කේන්තියක් තියෙනව ද කියලා “රටකාපු හොරෙකුට කඩේයන ගමන් පොරක් වෙන්න බලනවා “ කියන නිසා.

.“.................................කේන්තියක් නැහැ ....අවුස්සනවා කියන්නෙ පොර ටෝක් කතාවක්....නිදහසේ ලියනකොට අවුස්සනවා කියන්නෙ මොකක්ද ? ඒක පට්ට කුහක කතාවක්.“............... 

සන්සුන් වෙන තුරු තර්ක කරන එක නතර වෙන්නේ නැහැ. 

එයාට ජයග්‍රණය දුන්නම මම නිදහස්.

මම දන්නවා ........ මල්ලීගේ අදහස් තහවුරු කර ගන්නා කෙනෙක් කියලා ඕන දෙයක් හිතා ගන්න .මට කමක් නැහැ

“.................ඇවිස්සුව නේද“ මේ සංවාදය බලලා තව එක්කෙනෙක් කියනවා.

....................ආදරෙයි. මම කියනවා.

රටට ආදරේ අයත් ඉන්නවා .තමන්ට ආදරේ මම වගේ අයත් ඉන්නවා.ඔය කුහකයි , අවජාතකයි වලව්වල වලං හෝදනවා කියලා කිව්වේත් ගොන් ආතල් ගන්නවා කියන්නේත් ඒ් අයට. 

කුහකයිනට වෛර කරන අයත් ඉන්නවා.

ආදරේ කරන අයත් ඉන්නවා.

A day in the life

Read More

මහවැලි ව්‍යාපෘතිය විනාශයක්ද ?

මහවැලි ජලාශ පසුගිය ස්වභාවික ව්‍යසනයට හේතු වුණා යැයි අද උත්තරීතර තැනක බුද්ධිමත් කතාවක් ඇසුණා..
ඒ කතාව අසාදෝ ,
මහවැලි ජලාශ හරහා මෙරට විදුලිබල පද්ධතියට එක්කල වෙනස හිතවතෙක් එවා තිබුණා..
එය පහතින් දැක්වෙනවා....
" ඉහළ කොත්මලේ ජලාශය කොත්මලේ ඔය හරස්කරල ඉදිකරන්නෙ මේ ජලාශයෙ ධාරිතාවය 0.8MCM (කියුබික් මීටර් මිලියන්)කුඩා ජලාශයක් මේ ජලාශයෙන් ඉහළ කොත්මලේ බලාගාරයට ජලය රැගෙන ගොස් 150 MW කිුයා කරනව.
ඒ පිටවන ජලය 172MCM ධාරිතාව ඇති කොත්මලේ ජලාශයට ගේනව එතනින් 201MW බලාගාරයක් ඉදිකරල තියෙනව.ජලයේ කොටසක් මොරගොල්ල ජලාශයට ඇවිත් 27MW බලාගාරයක් කිුයා කරනව.
මේ ජලය නුවර පොල්ගොල්ලට ගේනව පොල්ගොල්ල 1.2MCM .
පොල්ගොල්ලෙන් ජලය කොටසක් උමගක් දිගේ උකුවෙලට අරන් යනව 38MW බලාගාරයකට.
ඉතිරි ජලය මහවැලි ගග දිගේ වික්ටෝරියාවට අරන් යනව වික්ටෝරියා ජල ධාරිතාවය 721MCM.වික්ටෝරියා වලින් 210 MW නිපදවලා රන්දෙනිගලට (875MCM).ජලය රැගෙන යනව..
රන්දෙනිගලින් 126MW බලාගාරයක් හරහා රන්ටැබේට ජලය අරන් යනව.රන්ටැබේ ජල ධාරිතාවය 21MCM සහ බලාගාරය 49MW.රන්දෙනිගල සහ රන්ටැබේ අතරට උමා ඔය සම්බන්ධ වෙනව.. 150MW බලාගාරයක් උමා ඔයට අයත්.
මහවැලි ජලයත් උමා ඔයේ ජලයත් කොත්මලා ඔයේ ජලයත් රන්ටැබේට එකතු වෙනව.රන්ටැබෙන් පිටවන ජලය දකුණට සහ වමට බෙදෙනව.
දකුණු ඉවුරැ මගින් උල්හිටිය(146MCM),රත්කිද(467MCM) සහ මාදුරැ ඔය(596MCM) ජලාශ වලට ජලය බෙදනව කෘෂිකර්මාන්තයට.වම් ඉවුර මිනිපෙ ඇල මගින් ජලය අරන් යනව.
පොල්ගොල්ලෙන් 8km දිගැති උමගක් හරහා ගිය ජල කොටස සුදුගග හරස් කර නිර්මාණය කරපු බෝවතැන්න ජලාශයට එකතු වෙනව(49.9MCM).
ඒ වගේම බෝවතැන්නෙන් 40 MW බලාගාරයක් කිුයා කරනව.බෝවතැන්නෙන් පිටවන ජලය කොටසක් පරාකුම සමුදුයට යනව.
ඒ වැඩි ජලය නැවත අබන් ගගට එකතු වෙනව.තවත් ජල කොටසක් මහවැලි ගගට මුදා හැරෙනව.
මේ විදියට අංගම්මැඩිල්ලෙන් තමයි බෙදෙන්නෙ.රන්ටැබෙන් පිටවුන ජලය වම් ඉවුර සහ දකුණු ඉවුරට බෙදිල ඉතිරි කොටස මහවැලියට නැවත එක්වෙනව.
බෝවතැන්නෙන් පිටවුන ජලයෙන් තවත් කොටසක් ගිරිතලේ වැවටත් මින්නේරියටත් එනව.ගිරිතලෙන් වැඩි ජලය කවුඩුල්ලට සහ කන්තලේට බෙදනව.
මීට අමතරව බෝවතැන්නෙන් තවත් ජල කොටසක් සහ දඹුලු ඔය ජලයෙන් කලාවැව පෝෂණය වෙනව.
ඒ වගේම කොටසක් කන්ඩලමටටත් යනව(33.3MCM).කලාවැව සහ බලලු වැව (123MCM)වැව් යුගලක් ලෙස එකට පවතින්නෙ.
කලාවැවේ ජලය යෝධ ඇල නැත්නම් ජය ගග හරහා තිසා වැවට(4.3MCM) ජලය රැගෙන යනව.කලාවැවේ ජලයෙන් කොටසක් සහ සියඹලන්ගමුව(27MCM) වැවේ ජලයෙන් රාජාංගන ජලාශය(100MCM) පෝෂණය වෙනව.
කලාවැවෙන් නාච්චිදුවට (55.7MCM)සහ නුවරවැවටත් ජලය ලැබෙනව.බෝවතැන්නෙ ජලයෙන් කොටසක් යාන් ඔය හරස් කරපු හුරැලු වැවට (67.8MCM)වැටෙනව.බෝවතැන්නෙන් ජලය කොටසක් 4.8 km දිග උමගක් (tunnel )හරහා මොරගහකන්ද ජලාශයට රැගෙන යනව."
උපුටා ගැනීම අවසන්..
මෙයට අමතරව කෘෂිකාර්මික ක්ෂේත්‍රයේ අතිවිශාල බිම් ප්‍රමාණයක් වගා කිරීම හරහා සිදුවූ වෙනස ,
මෙරට වෙනමම උප සංස්කෘතියක් බිහිකිරීමට තරම් ප්‍රබල වුණා..
ඒ මහවැලි ජනපද හරහායි...
ඉතින් මහවැලි ව්‍යාපෘතිය විනාශයක්ද මේ රටට සම්පතක්ද...?

Lal de Alwis

A day in the life

Read More

මුගලන් ක්‍රිස්තියානි ද ?;

මුගලන් ක්‍රිස්තියානි උනේ කෝමද? 

මගේ පිළිතුර -

ක්‍රිස්තියානි රජවරු ලංකාවෙ නෑ. ඉතිහාසය විතරක් නෙවෙයි පුරාවිද්‍යාත්මක සාධක පවා නෑ. තියෙන්නෙ නෙස්ටෝරියන් කුරුසය දැමූ ගල් කුලුනක්. ඒක ගැන තවම නිශ්චිත නිගමනයකට එන්න බෑ. මොකද ඒක හම්බුනේ කොහොමද කියලා තාම කාටවත් දන්නේ නෑ. ලංකාවේ ක්‍රිස්තියානි ආගම අදහන අය හිටියේ පිටරටින් ආපු වෙළෙඳ ප්‍රජාව තමයි. ස්වදේශීය ජනතාව ක්‍රිස්තියානි උනේ 16වන සියවසේ පස්සේ
- උපුටා ගැනීම Don supun

තේවත්ත පල්ලියේ මුගලන් කෙනෙක්ව ඇඳගෙන දැන් කාලයක් තිස්සේ චාටර් වෙනවා. මේක පහලොස්වන සියවසේ වීදිය බණ්ඩාරගෙයි සමුද්‍ර දේවියගෙයි පුතා වෙන ධර්මපාලවල බෞතීස්ම කරලා පෘතුගීසින් නටපු නාඩගමට දෙවනි නෑ. මේ සියල්ලම ඔය අයතනගත ආගම් රාජ්‍යට ඈඳලා අපිට ඒ කාලේ ඉඳන්ම කිරීටය සම්බන්ධවත් සුජාත අයිතියක් තියෙනවා කියලා පෙන්නන්න දරන උත්සහයන්.
මුගලන් කියන්නේ කාශ්‍යපගෙම අර්ධ සොහොයුරා. ධාතුසේන රජතුමාට හිටපු පුත්තු දෙන්නා ගැන කියද්දි මහවංසය කියන්නේ
'භින්නමාතෘක කසුප්ය සමාන මාතෘක මහබල ඇති මුගලනැයි උහු පුතුන් දෙදෙනෙක් වුහ'

භින්නමාතෘක සමාන මාතෘක කිව්වම මේ දෙන්නාගේ මව්වරුන් දෙදෙනෙක් සහ මව්වරුන් දෙදෙනා රාජවංශික ධුරාවලිය අනුව දෙයාකාරයක පිළිගැනීම් ලැබුනු දෙදෙනෙක්. කලින් ලිව්ව ලංකාවේ නිකාය බේදය ගැන ලිපි පෙලෙත් සටහන් කරා ධාතුසේන කියන්නේ මහාවිහාරීක නිර්මාණයක් කියලා. මහාවිහාර ලේඛනය වන මහාවංසයේ පරිඡ්ජේද ගනනාවක් දුටුගැමුණු රජතුමා ගැන ලිව්වට මහාවිහාරයට poster boy වෙන්නේ ධාතුසේන. එහෙම කියන්නෙ ඇයි ? මහාවංසය ලියන රාජ ලැයිස්තුවෙන්ම ධර්මාශෝක අධිරාජ්‍යාට සමාන කරන්නේ ධාතුසේනව විතරයි.

"සිවුපසයෙන් භික්ෂුන් තුටු කරවා ධර්මාශෝක මහරජහු සෙයින් තුන් පිටකයෙහිද සංග්‍රහ කලේය"
ධාතුසේනගේ ඇවෑමෙන් පස්සේ රජකම ගන්න කාශ්‍යප එක්ක මහා විහාරය දුරස්තවයි කටයුතු කරන්නේ. මහා විහාරිකයො කාශ්‍යපට පත්තනික්කුජ්ජන කර්මය සිදුකල බව මහාවංසය කියනවා. පත්තනික්කුජ්ජන විනය ගැන කලින් ආර්ටිකල් වල ලියලා තියෙනවා. මේ නිසා කාශ්‍යප යම්කිසි ආකාරයකින් ධම්මරුචිකයන්/අභයගිරි නිකාය එක්ක සමීපව කටයුතු කල බව හැඟවෙනවා

මහාවංසයේම කියලා තියෙන කාරණා අනුව.

කාශ්‍යපව ඒ ගානට අයින් කරලා තිබ්බ මහාවිහාරික භික්ෂුන් මුගලන් නැවත ලංකාවට ඇවිත් රජකම ලබා ගනිද්දි කිසිඳු විරෝධයක් හෝ වර්ජනයක් දක්වන්නෙ නෑ. ඒ වගේම මුගලන් තමන්ගේ පියා වෙන ධාතුසේනගේ අඩිපාරේ යමින් මහා විහාරය සතුටු කිරීම සිද්ධ කරනවා. මොනම ආකරයකින් හෝ ඉන්දියාවේදි මුගලන් ක්‍රිස්තියානි දහම වැලඳගත්තනන් නැවත ඇවිත් රජකම ගනිද්දි මහා විහාරිකයෝ ඊට අංශු මාත්‍රයකින් සම්මාදම් වෙන්නෙ නෑ. රාජ්‍ය බලය සහ ආගම අතර තියෙන බැඳීම එතරම්ම දැඩියි.

මුගලන්ගේ ක්‍රිස්තියානි කියන කතාව ගේන්නේ මහාචාර්ය සෙනරත් පරණවිතාන. පුරාවිද්‍යාවට කල සේවයට එතුමාට තිබෙන ගෞරවය ඒ විදිහටම තියෙද්දි මේ මුගලන් කතාව ගැන කියන්න තියෙන්නෙනන් මේ පිළිබඳව පරණවිතාන කිව්වට ඒවා ගැන සාක්ෂි දැකලා තියෙන්නෙ පරණවිතානම පමණයි. සාක්ෂි විදිහට ඉදිරිපත් කරන්නෙ එතුමා සියැසින් දුටුවැයි කියන අන්තරාලීන ලිපි. අන්තරාලීන සෙල්ලිපි. අන්තරාලීන සෙල්ලපි කියන්නේ පරණවිතාන කියන විදිහට පේන්න තියෙන සෙල්ලිපියක අකුරු අතරේ කොටා ඇති අතුරු ලිපි. එහෙම ඒවා ඇත්තටම කියෙව්වා කියන්නේ පරණවිතාන විතරයි. වෙන කවුරුත්ම එහෙම එකක් දැකලාත් නෑ, පිටපත් වෙලත් නෑ. කියෙව්වානන් යම් ආකාරයකින් පිටපත් කිරීම සිදුකල යුතුයි. නමුත් එහෙම වෙලත් නෑ. 

Inscriptions of ceylon වෙළුම් ගනනාවකට වැඩ කල පරණවිතානට එතරම්ම වැදගත් වැයි කියන "අන්තරාලීන ලිපි" මඟහැරිලා. කිසිඳු සාක්ෂියක්, අභිලේඛනයක්, ඓතිහාසික ලිඛිත මුලාශ්‍රයක් නොමැති මේ කතාව තමයි තේවත්ත පල්ලිය ඉතාමත් ලැජ්ජසහගත විදිහට කරේ තියන් යන්නේ.

ලංකාවේ ක්‍රිස්තියානි දහම පෘතුගීසීන් මේ දිවයිනට එන්න කලින් තිබුනේ නෑ කියලා කවුරුහරි තර්ක කරනවානන් ඒ ඉතිහාසය නොදන්න කෙනෙක් විය යුතුයි. ග්‍රීක, පර්සියානු, අරාබි, චීන නෞකා අනාදිමත් කාලයක් තිස්සේ නැංගුරම්ලු වරායන් තියෙන රටක් විදිහට ඉතාමත් ඈත යුගයේ සිට ක්‍රිස්තියානින් පවා පැමිණි බව අනුමාන කරන්න පුළුවන්. ඒ ඇරෙන්න ආසන්න රටවන ඉන්දියාවේ කේරළයේ ප්‍රථම ක්‍රිස්තියානි සභාව පිහිටවන්නේ ක්‍රි.ව 52 වගේ කාලයේදි සාන්ත තෝමස් විසින්. සමකාලීන ලක්දිව සංදර්භය සලකා බැලුවොත් මෞර්ය පෙළපතේ අවසාන රජු වෙන යසලාලකතිස්ස ලංකාවේ රජකරන සමයේදි තමයි කේරළයට ක්‍රිස්තියානි දහම එන්නේ.

අපි වර්තමානයේදි නොමනා ක්‍රියා සිදුකරන පුද්ගලයන් හඳුන්වන්න "නසරානියා" කියන වචනය පාවිච්චි කරනවනෙ. නසරානි වචනයේ ආරම්භය තියෙන්නෙ මෑත පෙරදිග ක්‍රිස්තියානිය වැලඳගත් සිරියානුවන්ගේ. ඇත්තටම මේ වචනේ එන්නේ නාසරෙත් නමින්. නාසරෙත්හි ජේසුස් වැනි පදය තමයි පසුව නස්රීන් = නස්රානි වෙන්නේ. මේ සිරියැක් සම්භවය සහිත ක්‍රිස්තියානිය තමයි මලබාරය නොහොත් වර්තමාන කේරළයට එන්නේ.⁣ කේරළ⁣යේ මලන්කාර් නස්රානි කාණ්ඩය මේ නමින් හඳුන්වනවා. හින්දු සමභවයක් තිබුනු කලාපයක ක්‍රිස්තියානිය විහිදීමත් එක්ක හින්දුන්ගේ සහ ක්‍රිස්තියානින්ගේ ගැටුම්වලින් නස්රානි වචනයට එන්නේ එච්චර හොඳ පිලිගැනීමක් නෙවෙයි. කාලයකට කලින් ශුද්ධවු අර්ථයක් තිබුනු නස්රානි පදය පස්සේ එන්නේ විශමාකාර ක්‍රියාවන්වල යෙදෙන්නන් හඳුන්වන්න. ලංකාවට නසරානි වචනේ එන්නේ එහෙම.

මේ මලබාර් නස්රාන් බලපෑම අනාදිමත් කාලයක පටන් ලංකාවට එන්න යන්න ඇති. අනුරාධපුරයෙන් හමුවෙන නෙස්ටෝරියානු කුරුසය ඒකට සාක්ෂියක්. නෙස්ටෝරියන් කුරුසය කියන්නේ ඉන්දියාවේ සාන්ත තෝමස් විසින් පිහටවපු ක්‍රිස්තියානින්ගේ ලාංඡනය. මේකේ තියෙන්නෙ නෙළුම් මලක් උඩින් පැන නගින කුරුසය. මර් තෝමා ස්ලීවා කියලා හඳුන්වනවා සාන්ත තෝමසුවන්ගේ කුරුසය ලෙස. ඉන්දියාවේ කෙරළයේ ඉඳන් තක්ෂිලාව, බල්ටිස්ටානය වෙනකම්ම මේවා හම්බෙනවා. එහෙම එකක් තමයි ඔය අනුරාධපුරයෙනුත් ලැබෙන්නේ. ලංකාවේ කතෝලික සභා කොඩියේ තියෙන්නෙත් මේ නෙස්ටොරියන් කුරුසය. තක්ෂිලාව (වර්තමාන පකිස්තානය) දක්වාම මේ නෙස්ටෝරියන් කුරුස තිබ්බානන් අනුරාධපුරයේ මේවා හමුවීම එතරම් දෙයක් නෙවෙයි. 

ලංකාවේ ක්‍රිස්තියානි දහමේ පැරණි බව ගැන කතෝලික සභාවට කතා කරන්න අවශ්‍යනන් කතා යුතුව තිබුනේ මේ මර් තෝමාව හෝ මලබාර් නස්රානි බලපෑම මිසක් පැරශුට් මුගලන් ගැන නෙවෙයි. වගකිවු යුතු ආයතනයක් ලෙස කිසිඳු සාක්ෂියක්, ⁣ඓතිහාසික මුලාශ්‍රයක් නොමැතිව මුගලන්ව තේවත්ත බැසිලිකාවේ ඇඳීම ලැජ්ජ නැති වැඩක්.

2023 දෙසැම්බර් 07.

මුණු පොතෙන් .

Isuru Upanada සහ 

තවත් 14 දෙනෙක්

 සමග Sheikh Irshad Sahabuddeen සිටී.

A day in the life

Read More