එජාපයට සහ ජවිපෙයට ඥාණය දෙනු මැනවි.

බස්නාහිර පලාත් සභා මැතිවරණය අවසන් විය. සුළු ජාතීන් බහුතර ඡන්දදායකයින් වන මැතිවරණ කොට්ඨාශ පහක එක්සත් ජාතික පක්ෂයට බහුතරය ලබා දෙමින් අනෙක් සියළුම මැතිවරණ කොට්ඨාශ එක්සත් ජනතා නිදහස් සන්ධානයට බහුතරය ලබාදීමට ජනතාව කටයුතු කලේය.
සිංහල බෞද්ධ ඡන්ද පදනම උතුරේ විසදුම නිවරදි බව තීන්දු කලත් සුළු ජාතික ජනතාව තවමත් දෙගිඩියාවකින් පසුවෙන්නේද ? .මුස්ලිම් සහ ද්‍රවිඩ ජනතාව මානුෂික මෙහෙයුම් දෙස වෛරයෙන් බලන්නේද ?. යන්න අපට සිතන්න ඉඩදී ඇති බවක් මෙම ප්‍රතිඵල දෙස බලන මට ප්‍රශ්න දෙකක් ඉතිරිවිය.
එක්සත් ජනතා නිදහස් සන්ධානයට ඡන්දය දුන් ඡන්දදායකයින්ගෙන් අතිවිශාල ප්‍රතිශතයක් තම කැමැත්ත පල කලේ සන්ධාණයටවත් අපේක්ෂායනටවත් නොව ජනාධිපතිවරයාටය. එතුමාගේ ජනප්‍රියතාවය නොවන්නට පුරසාරම් දොඩන්නට අනෙක් අයට කිසිවක් ඉතිරිවන්නේ නැත. ශ්‍රීලනිපය තුල නොතිබු ජවිපෙය රැගෙන ආ දේශප්‍රේමිත්වයේ ධජය මහින්දයන් අත ලෙල දෙද්දී ජවිපෙය කුණු ගොඩවල් බදා ගෙන වලපල්ලට යන්න පටන් ගෙන තිබෙන බවක් පෙනෙන්නට ඇත. ජනාධිපතිතුමා සුළුජාතීන් බහුතරයකගේ ආකර්ෂණය , විශ්වාසය දිනාගැනීමට වත්මනයේ ගන්නා යම් යම් පියවර සාර්ථක වුවහොත් රනිල් වික්‍රමසිංහයන්ට සිදුවන්නේ දවල් සිහින බලමින් නිදන්නටය.
එක්සත් ජාතික පක්ෂය ජයගත් මැතිවරණ කොට්ඨාශ පහ යම් තරමකින් දුමින්ද සිල්වා තිලංග සුමතිපාල වැනි එජාප චරිත එක්සත් ජනතා නිදහස් සන්ධානයට එම ආසනවලදී තම චන්ද ප්‍රමාණය වර්ධනයට හේතු සාධකයක් විය. කරු එජාපයට යලිත් සේන්දුවූවත් නාය යාම වලක්වා ගැණිමට නොහැකි බව ගම්පහ ප්‍රතිඵලය පෙන්වා දෙන්නේය.කෙලෙසවුවත් ජන චින්තනය දේශප්‍රේමී වින්තනය ක් තුල සිටින බවක් නිගමනය කළ හැක.ඔවුන් ආර්ථික අපහසුකම් තඹයකට නොසලකමින් රටේ ඒකීය භාවයට මුල් තැන දෙමින් කටයුතු කරන බව නම් පැහැදිලිය.
ත්‍රස්තවාදය පරාජය කල නොහැකිය යන මානසිකත්වයෙන් කටයුතු කල රනිල් දක්වා වු නායකත්වය ජනතාව විසින් ප්‍රතික්‍ෂේප කලේ මහින්දයන් ජනාධිපති කරවීමෙනි. සියළු සම්පත් එම මැතිවරණයේදී අත්පත් කරගෙන සිටි රනිල් පරදවා අමාරුවෙන් ජනාධිපතිවරණය ජයගත් මහින්දයන් වටා රොක්වන ජනතාව‍ගේ විඥාණය වැලද ගැණිමට එජාපයට නොහැකි වුවහොත් තව තවත් පල්ලම් බැසීමට සිදුවනු ඇත.
එජාපයට තවදුරටත් රනිල් නායකත්වයේ තබා ගෙන නම් ඒ ගමන යාමට නොහැකිවන අතර ජනතා විශ්වාශය ඇති නායකත්වයක ආදේශයක් වහාම එජාපයට අවශ්‍ය බව නම් පැහැදිලිය. ජවිපෙය , ජනාධිපතිවරණයෙන් පසු ඔවුන් කටයුතු කළ යුතු කෙසේද යන්න සාකච්චාවු කරුණු නැවත නැවතත් විමර්ශණය කර නිවරදි මගට ආ යුත්තේ රටට ජවිපෙයද අත්‍යවශ්‍ය දේශපාලන බලවේගයක් බැවිනි. (“ඇත්ත වෙනුවට නැත්ත “ පොතෙහි ඇතුලත් සෝමවංශ, නන්දන ගුණතිලක, විමල් වීරවංශ මත පලකිරීම් කියවන්න )

වර්තමානයේ LTTE ය ඇමරිකාවේ කෙමනක්‍ වෙලාද?

කොටි සංවිධානය යුධමය වශයෙන් අන්ත අසරන තත්වයකට පත්ව තිබේ. ඔවුන් අනියම්ව පාලනය කල ප්‍රදේශවල ජනතාවද පසුගිය වකවානුව තුල ස්වර්ග රාජ්‍යයක් බලාපොරොත්තුව අනන්ත දුක් කන්දරාවක් උසුලා ඇති බව රාජ්‍ය පාලනයට නිරාවරනය වන එම ප්‍රදේශයන් හී දුගී සමාජ ආර්ථිකය විමසන අපට පැහැදිලි වේ. ජත්‍යන්තර සංවිධාන කොටි පාලන ප්‍රදේශවල සිට සමාජ සුබ සාධනය පිනිස කල කෙන්ගෙඩියක් නොමැති බව අසරන මිනිසුන්ගේ ජීවන පරිසරය දෙස බලනවිට නිරාවරනය වේ. ඔවුන්ගේ ආර්ථිකය .දු දරුවන්ගේ අධ්‍යාපනය සුඛිත ජීවන රටාව මේ සියල්ල වර්තමානය වන විට විනාශව ගොසිනි.
යාපනයේ සිත්තන්කර්නි නම් ප්‍රදේශයේ ජීවත්වු මගේ මිත්‍රයෙකු මීට වසර විසිපහකට පමන පෙර මේ සියල්ල ලඝු කොට කී අනාවැකියක් මට සිහිපත් වේ. මම ජවිපෙ මෙන් සංවිධානයක් ලෙස කොටි සංවිධානය එකල විග්‍රහ කලෙමි.මම විශ්වාස කලේ යම් කලක දේශපාලනය තේරුම් ගැනීමෙන් පසු කොටි සංවිධානය ප්‍රජාතන්ත්‍රවාදී ප්‍රවාහයට එක්වීම සිදුවන බවයි. ඔහු “අපවත් විනාශ කර රටත් විනාශ කර මේ මිනිස්සුත් විනාශවනවා හැරෙන්නට වෙනත් දෙයක් සිදුවන්නේ නැත ” යන්න මට එදා පැහැදිලි කරන ලද්දකිද. මේ මිත්‍රයා අසනීපවු තම බිරිදට නිසි ප්‍රතිකාර කර ගැනීමට නොහැකිව තම බිරිදත් වයස අවුරුදු දහයක පමන පුත්‍රයාත් අහිමි කර ගත්තේය. උග්‍ර ලෙස කොටි ක්‍රියාකාරකම් සිදුවු අවධියක සිදුවු මෙම මරණ සදහා කොළඹ සිටි ඔහුට සහභාගීවීමට පවා නොහැකිවිය. පසු කලක ඉතිරි දරුදෙදෙනාත් සමග කෙටි කලක් වැල්ලවත්තේ පදිංවිව සිට විදේශ ගතවිය.
කොටි සංවිධානයට යහපත් දේශපාලන අරමුණු නොතිබූ බව අද වන විට පැහැදිලි වන්නකි. ඹවුන්ගේ අනියම් පාලන ප්‍රදේශ කාන්තාර බවට පත් කරගෙන ඇත. මිනිසුන් දුගියන් බවට පත් කර ඇත. අවුරුදු තිහක් තිස්සේ තම දේශපාලන අරමුන සාර්ථක කර ගැණීමට මිනී මැරීම හැර වෙනත් ව්‍යාපෟතියක් කොටි සංවිධානය කර නැත. තම අනියම් පාලන ප්‍රදේශයේ ජනතාව උදෙසා ත්‍රස්ත්‍රවාදී ක්‍රීයාකාරකම් පිණිස විනාශ කර ඇති ධනස්කන්දය යොදවා සංවර්ධනය කලා නම් කොටි සංවිධානය මේ එන විට උතුරේ නියම පාලකයන් බවට පත් වනවා නො අනුමානය.
තනියෙන් කන්න යාමේ න්‍යාය කොටි සංවිධානය පිට පටවා රජිව් ගාන්ධිගේ යුගයේ අපේ රට ඇමරිකාව දෙසට ඇදී යාම මෙල්ල කරගත් අතර , ඇමරිකාව විසින් අප ඉන්දියාව දෙසට ඇදී යාම නෝර්වේ බලල් අතක් කර ගනිමින් ඉටුකරගත්තාවත්ද ?. ජත්‍යන්තර බලපෑම් කොතෙකුත් ආවත් පසුගිය වකවානුව තුල කරුණු පැහැදිලි කර දී හෝ නෑසුනා වගේ සිට හෝ මේ තත්වසන් සමනයකට පත් කර කොටි සංවිධානය මෙල්ල කර ගැනීමට වත්මන් ආණ්ඩුවට හැකිවිය.
ඉන්දියාව අස්ථාවර කර ගැණිමේ පහසුවක් ඇමරිකාව දකින බවක් තමිල් නාඩු සාධකය හා ආදේශවන කොටි සංවිධානය පෙන්නවන බැවින් තවදුරටත් කොටි සංවිධානය ආරක්‍ෂා කර ගැණිමේ පිලිවෙතක් ඇමරිකාවට ඇතිවිය හැක. අසරනවූ මිනිසුන් තිස් හතලිස් දහසක් ප්‍රාන ඇපකරුවන් පිරිසක් ලෙස රදවා ගෙන සිටින අමානුෂික කොටි සංවිධානයට ආයුධ බිම තබා යටත් වෙන්න නොකියන ජත්‍යන්තර බලපෑම් ප්‍රජාතන්ත්‍රවාදී රජයකට සටන් විරාම යෝජනා කරන්නේ ඇමරිකාව වැනි රටවල වෙනත් අරමුණු ඇති බැවින් බව නම් පැහැදිලිය. ඔවුන් තම බල තුලනය පවත්වාගෙන යාම සදහා වත්මන් කොටි නායකත්වය විනාශවුවත් වෙනත් ආදේශකයක් ඒ සදහා අනාගතයේදී නිර්මාණය කරනු ඇත.

ශ්‍රී ලංකාවේ ත්‍රස්තවාදය.

අතීතයේ අප අතරේ භාවිතාවූ කොමිනියුස්ට් වාදය එකල පැවති ආණ්ඩුවලට අද ත්‍රස්තවාදය තරම් බියගෙන දෙන පදයක්. කොමිනියුස්ට්වාදීන් සහ සමසමාජ වාදීන් පිලිබදව ජනතාව තුළ ඇති කර තිබුනේ බියකරු ආකල්පයක්. ශ්‍රී ලංකාවේදී නාගරික කම්කරු පංතිය, ගම්බදට වෙන විට අඩු ආදායම්ලාභීන් සහ යම් යම් කුළ අතරත් , විප්ලවීය හැගීම් ඇති තරුණ වයසත් කොමිනියුස්ට් සහ සමසමාජ දේශපාලන පක්ෂළ වලට කිසියම් ස්ථාවරයක් තිබුනා. 1956 දී ශ්‍රී ලංකා නිදහස් පක්ෂයේ ආගමනයත් සමගම ගම්බදව පැවති කොමිනියුස්ට් සහ සමසමාජවාදී දේසපාලන නැඹුරුව ටිකින් ටික දියවී ගියා.1948-1970 දක්වා පැවති දක්ෂිණාංශික සහ අර්ධ දක්ෂිණාංශික ආණ්ඩු තුල තිබු හිතුවක්කාරි පිලිවෙත නිසා ජනතා විමුක්ති පෙරමුණ අනෙක් වාමාංශික දේශපාලන පෙරමුණු බෝර්ඩ් ලෑලි වලට සීමා කරමින් පෙරමුණ ගත්තා.

1970 දී ජනතා විමුක්ති පෙරමුණ විසින් ගම්බදව පැවති දක්ෂිණාංශික සහ අර්ධ දක්ෂිණාංශික දේශපාලන ඒකාධිකාරී නායකත්වයෙන් පීඩිත කොටස් එක්රැස් කරගෙන නිෂ්පාදනය කළ “වේ ගුවේරා “ ව්‍යාපාරය අප හදුනාගත් පළමු ත්‍රස්තවාදී ව්‍යාපාරයයි.නමුත් 1956 එජාප පළමු දෙකඩ වීමේ පටන් රාජ්‍ය ත්‍රස්තවාදය මෙරට පැවතුනා.ගම්බද මෙන්ම නාගරිකවද එකල මැතිවරණ වලදී එජාපය ප්‍රතිවිරුද්ධ පාක්ෂිකයන් ගේ මැතිවරණ සහභාගිත්වය වැලක්වුවේ පොළු මුගුරු, අත් බෝම්බ, කඩු කිණිසි, වැනි ප්‍රාථමික යුද උපකරණ භාවිතයෙන්.සුප්‍රසිද්ධ වයඔ මැතිවරණයත් ත්‍රස්තවාදයක්.

ත්‍රස්තවාදය කියන්නේ දෙපැත්ත කැපෙන කඩුවක්.අපේ ඡන්දෙන් පත්වෙච්ච ආණ්ඩු වලට විජේවීර, ප්‍රභාකරන් ත්‍රස්තවාදියෝ. විජේවීරගේ, ප්‍රභාකරන්ගේ අනුගාමිකයන්ට ආණ්ඩු අනුගමනය කරන්නේ ත්‍රස්තවාදි පිලිවෙතක්.

1971 විජේවීරගේ කැරැල්ලත් 1989 අවදිවීමත් නිසා ආණ්ඩු යම් මෙල්ලවිමක් වුනා කියලා අපිට පිලිගන්න වෙනවා .
විජේවීරත් , ප්‍රභාකරනුත් ඉල්ලන්නේ දෙන්න බැරි දේවල් . ත්‍රස්තවාදයේ ස්වභාවය එහෙම තමයි. ගෙදරක වුනත් අම්මටයි තාත්තටයි දෙන්න බැරි දෙයක් ලබා ගන්න ඉල්ලීමක් කරනවා පුචි දැනුම් තේරුම් නැති දරුවෝ . කාර් එකක් ඉල්ලා කරන උද්ඝෝසනයක් සෙල්ලම් කාර් එකකින් තෘප්තිමත් නොවනවිට පොඩි එකාට වෙන්නේ ප්‍රහාරයකින් පස්සේ නිහඩ වෙන්න.මේ දෙන්නගෙන් විජේවීරට වුනේත් ඒක. ප්‍රභාකරන්ට වෙන්නෙත් ඒක.

උතුරේ සහෝදර ජනතාවට සෙල්ලම් කාර් එකක් වත් අනිවාර්යෙන්ම ලැබේන් ඕනී.1971, ආයෙත් 1989 දකුනේ වගේ 2009 ත්‍රස්තවාදය පරාජය සනිටුහන් කරනවිට , ත්‍රරස්තවාදය නිද්‍රාවට පත්කිරීම වෙනුවට සදාකාලික මරණයට පත් කිරීමට කවුරුත් එකතු වෙලා වැඩ පටන් ගන්න ඕනී කාලය ඇවිල්ලා තියෙන්නේ.
ඡන්ද අමතක කරලා තනතුරු අමතක කරලා වැඩට බහින්න ඕනි කාලයයි මේ.

කොටි සංවිධානයේ උපත. 02

1970 දශකය කොටි සංවිධානය බිහිවිමේ වාතාවරණය ඇතිවු යුගය ලෙස සැලකේ.සන්නද්ධ කන්ඩායම් බිහිකල නායකයින් එකල ද්‍රවිඩ එක්සත් විමුක්ති පෙරමුණේ තරුණ සංගමය වටාවු දෙමළ තරූණ ලීගයේ සහ දෙමළ ශිෂ්‍ය ලීගය වටා ගොණුවී සිටියා.1974 වසර දී වඩුකොඩෙහිදී ද්‍රවිඩ එක්සත් පෙරමුණ ගෙනා “තමිල් ඊලාම් යෝජනාව” සම්මත කරගන්නවා. ප්‍රජාතන්ත්‍ර රාමුව තුල ක්‍රියාත්මක ද්‍රවිඩ එක්සත් විමුක්ති පෙරමුණේ ප්‍රධාන පෙල මෙම සම්මුතිය සමග ගියේ හෙමින් ගමනක්. තරුණ කොටස මේ මන්දගාමීත්වවය පසකලා දෙමළ සන්නද්ධ සංවිධාන පිහිටුවා ගන්නවා.
ප්‍රභාකරන්ද සම්බනධවු ප්‍රථම සන්නද්ධ සංවිධාණය වාර්තාවන්නේ ධනබාලසිංහම් හෙවත් චෙට්ටි විසින් මෙහෙයවන පාතාල කණ්ඩායමක් .( මීදුම- ප්‍රභාකරන් සම්බන්ධ කරගන්න) මෙම සංවිධානයට දේශපාලන මුහුණක් ලැබෙන්නේ ‍එවකට කෝපායි පාර්ලිමේන්තු මන්ත්‍රීව සිටි අලාල සුන්දරම් මහතා අතින්. ඔහු මෙම සුළු කන්ඩායම “ ද්‍රවිඩ නව කොටි “ නමින් බෞතීස්ම කරනවා.
1972 නව ජනරජ ව්‍යස්ථාව එලිදැක්වීමේදි උතු‍රේ ඇතිවු යම් යම් විරෝධතා ද්‍රවිඩ තරුණ සටන්කාමීත්විය ප්‍රදර්ශනය කල මුල් අවස්ථාවක් .1975 .07.27දින යාපනයේ පුරපති ඇල්ෆුර්ඩ් දුරේඅප්පා වෙඩි තබා ඝාතනය කරනවා.1978.09.07 දින රත්මලාන ගුවන් තොටුපලේදි ඇව්රෝ ගුවන් යානය පුපුරවා හරින්නේ 1978 ආණ්ඩු ක්රමම ව්‍යවස්ථාවට විරෝධය පාමින්. ද්‍රවිඩ සංන්නද්ධ කන්ඩායම් අවධිවු බව දක්වන වෙඩි මුර ලෙස මේවා හදුන්වන්න පුළුවන්.
1976 .05.05 දින උමා මහේෂ්වරම් ගේ සභාපතිත්චයෙන් ද්‍රවිඩ ඊළාම් විමුක්ති කොටි සංවිධානය LTTE ය බිහිවෙනවා . වේළුපිල්ලේ ප්‍රභාකරන් එහි අණදෙන නිළධාරියායි. “ ද්‍රවිඩ නව කොටි “- ද්‍රවිඩ ඊළාම් විමුක්ති කොටි සංවිධානය" ලෙස නම් වී කලඑලි බසින්නේ උමා මහේෂ්වරම් අතින්. උමා මහේෂ්වරම් වෘත්තීයෙන් මිණුම්දෝරුවෙක් . ඹහු කොළඹ කේන්ද්‍රකරගෙන අනෙක් ද්‍රවිඩ දේශපාලන පක්‍ෂ හා සම්බන්ධ වෙමින් සංවිධාණයයේ අත්තිවාරම සවිමත් කරනවා.
පසුකාලීනව ඇතිවු මතවාද නිසා උමා මහේෂ්වරම් වෙන්වනවා. එතනට පත්වෙන්නේ රාගවන්. මහුගෙන් පසු ප්‍රභාකරන් නායකත්චනයට පත්වනවා.
1974 වසර දී වඩුකොඩෙහිදී ද්‍රවිඩ එක්සත් පෙරමුණ ගෙනා “තමිල් ඊලාම් යෝජනාව” මතවාදයක් කරගත් ද්‍රවිඩ සංවිධාන අතර “ ටෙලෝ, ප්‍රදියපාදෙයි කුමාර පුරම් ගෲප්, ඊරෝස්,EPRLF,ප්ලොට්, ද්‍රවිඩ ඊළාම් විමුක්ති හමුදාව, EPDP, ENDLF “ වැනි සංවිධාන පසුකාලීනව අක්‍රීය කරමින් නැත්තම් පළවා හරිමින් වේළුපිල්ලේ ප්‍රභාකරන්ගේ LTTE ය උතුරේ නායකත්වය අත්පත් කරගත්තා.

ප්‍රහාකරන් - කොටි සංවිධානයේ උපත. 01.

ප්‍රභාකරන් මීදුම තුල සටහනකට පාදක නොවුනේ මන්ද යයි මම ‍බොහෝ විට සිතමි. භූමියේ අයිතියත් මිනීමැරීමේ අයිතියත් පැහැර ගැණීමේ අයිතියත් නොමැතිව සර්ව සාධාරණ පාලන ක්‍රමයක් නියෝජනය කරන මත වාදයක සිටින ප්‍රභාකරන් කෙනෙක් සිටියා නම් ඔහු මගේද වීරයෙකු වනවා නියතයි.එහෙත් කෙටි කලක් ද්‍රවිඩ සහෝදර වරුන්ගේද වීරවරයෙකුවු ඔහු වර්තමානයේ නම් සියළු අන්ත ජරා වැඩ වල නිරත යක්ෂයෙක්.

1954.නොවැම්බර් මස 26 දා යාපනය රෝහලේදී උපත ලද වේළුපිල්ලේ ප්‍රභාකරන් අදට අවුරුදු 54 මාස 03 දවස් 05ක් ජීවත්ව තිබෙනවා. ඔහුගේ පියා වල්ලීපූරම් පාර්වතීගේ තිරුවෙන්කනම් වේළුපිල්ලේ මහතායි. වෟත්තියෙන් දිස්ත්‍රික් ඉඩම් නිලධාරියෙක්.මව ගැන මීදුම දැනුවත් නෑ. බිරිද මදිමාදනී යාපනය විශ්ව විද්යාබලයේ වෛද්‍යපීඨ ශිෂ්‍යාවක්.
ප්‍රභාකරන්ගේ මූලික අධ්‍යාපනය මඩකලපුවේ පාසලකින් ඇරඹි පසුව වැල්වෙටිතුරේ විදම්බරම් විදුහලේ හත්වෙනි ශ්‍රේණියෙන් අවසන් වුනා. වැල්වෙටිතුරේ නගරය එකල හොර ජාවාරම්වල තෝතැන්නක් .ඉන්දියාව වෙරළ තීරය සම්බන්ධ් කර ගෙන බෝහෝ හොර බඩු ලංකාවට ගෙන ආවේ වැල්වෙටිතුරේ හරහායි. ප්‍රභාකරන්ගේ ජීවන වෟත්තිය ඇරඹෙන්නේ මේ හොර ජාවාරම්වල වල නිරත ජාවාරම් කරුවන්ගේ සේවකයෙකු ලෙසයි.

උතුරුකරය ඉතාමත් ප්‍රබල ලෙස කුල ගෝත්‍රයේ වටිනාකම් සොයන සමාජයක්. ප්‍රභාකරන් මුහුදු ධීවරයන්ගේ පීඩිත කුළයක්වු කාර්රියාර් කුළය නියෝජනය කරන්නෙක්.ඉතාමත් අඩු ජනගහණ අනුපාතයක් නියෝජනය කල මෙම කුළය (10%) අධිපති ප්‍රභූන් අයත්වු වෙල්ලාල කුළයේ ජනතාවගේ අවමානයට සහ පීඩනයට ලක් වූවෝ පිරිසක්. ප්‍රභාකරන්ට සමාජ ගතවීමට මෙම කුළ පීඩනය.අඩු අධ්‍යායපනය, සමාජ ස්ථරය, විශාල බලපෑමක් වුනා.හොර ජාවාරම් වලින් මිළ මුදල් උපයා ගත්තත් යාපනයේ සමාජය තුළ හිස ඔසවන්න මෙම කාරනා විශාල බාධාවක් උනා ස්ථීර වශයෙන්ම.
යෞවනයේදී මෙම හේතූන් නිසා ඉච්චා භංගත්වයටත් වැඩි වැඩියෙන් හොර ජාවාරම් වලින් මුදල් උපයා ගැණිමට ආරක්ෂක ආවරනයක් ලබා ගැණීමටත් දෙමළ සටන්කාමී සංවිධාන හා එක්වෙන ප්‍රභාකරන් 70 දශකයේ දෙමළ තරූණ ලීගයේ සහ දෙමළ ශිෂ්‍ය ලීගයේ කටයුතු කරන්න පටන් ගන්නවා.පසුකාලීනව තංගතු‍රෙයි සහ කුට්ටමණීලාගේ දෙමළ සන්නද්ධ ව්‍යාපාරය හා සම්බන්ධරවන ප්‍රභාකරන් 1975 දී යාපනයේ පුරපති ඇල්ෆර්ඩ් දුරේඅප්පා වෙඩි තබා ඝාතනය කරනවා.මේ සිද්ධියත් සමග දෙමළ සන්නද්ධ ව්‍යාපාරය තුළ ප්‍රතිරූපයක් ගොඩනගා ගන්නවා.අනතුරුව ගතවන කාලය තුල මිතුරු පසමිතුරු සියළු දෙමළ සංවිධාන විනාශකර දෙමළ ඊලාම් කොටි සංවිධානය ගොඩ නගා ගෙන ද්‍රවිඩ ජනතාවගේ එකම නායකයායි කියවා ගන්නවා.

රට වෙනුවෙන් සාධාරණ වෙන්න රනිල් මහත්තයෝ.

ඉන්දියාවේ “ඒෂියන් ඒජ්”පුවත් පත සමග පෙබරවාරි 19 වෙනිදා සම්මුඛ සාකච්චාවකට එක්වන විපක්‍ෂ නායකතුමාගේ දේශමාමක යහපත් ආකල්පයෙන් යුතු පුකාශ කිහිපයට ප්‍රශංසා කලයුතුයි. (2009.පෙබරවාරි දිවයින ) එතුමාගේ ප්‍රකාශයේ සාරාංශයක් පහතින් වියමන් කරන්නම්.
1.රාජ්‍ය පාලනය තහවුරු කරලීම පිණිස එජාපය යුද මෙහෙයුම් සදහා නිරතුරුම සහය දෙනවා.
2.දශක තුනක් තිස්සේ දික් ගැස්සෙන ශ්‍රී ලංකාවේ ගැටළුව හේතුවෙන් රටේ ආර්ථිකයට ඉතාමත් අහිතකර බලපෑම් එල්ලවී තිබෙනවා.
මේ නිසා ජාතීන් අතර බෙදීම් සමනය කර ගැනීමට නොහැකිව තිබෙනවා.
3.වර්තමාන සාමප්‍රදායික යුද මෙහෙයුම් හමුවේ විජයග්‍රහණය ලබන යුද විරුවන්ගේ කැපකිරීම් සදහා නිසි ගෞරවය හා ආචාරය මවුන් වෙත ලබා දිය යුතුයි.
4.සටනේ දී ජීවිත හාණිවන රනවිරුවන්ගේ ප්‍රමාණය ඉහල නමුත් ආණ්ඩුව එය ප්‍රකාශයට පත්නොකරයි. ( ආණ්ඩුව හමුදාවේ චිත්ත ධෛර්ය බිද වැටෙන නිසා ඒ බව හෙලි නොකරයි.)
5.රනවිරුවන්ගේ සැබෑ කැපවීම ආණ්ඩුව අගේ නොකරයි.
6.LTTE ය මුලතිව් කෑලෑව තුල ගරිල්ලා සටනකට මාරුවිය හැකි බවත් එය කාලයක් දික් ගැස්සෙන බවත් අනතුරු හගවයි.
7.ආණ්ඩුව උතුරේ වැසියන්ගේ සහයෝගය ලබා ගත යුතු දේහපාලන තීරණයකට එලබ විය යුතුයි.
8.2005 ජණාධිපතිවරණයේදී LTTE ය සාමය වෙනුවට ගෞරවණීය සාමය අපේක්ෂා වෙන් එජාපයට චන්දය දීම උතුරේ වැසියන්ට තහනම් කළා.
9.ප්‍රභාකරන් රටෙන් පැන යාමට සූදානම් නැහැ.
10.තවත් යුධ උපකරණ බොහෝමයක් හමුදාව විසින් සොයා ගෙන නැහැ.
11.LTTE ය ලක්ෂ දෙකක් පමන සටන් බිම් වල කොටු කර තබා තිබෙනවා . ඔවුන් මුදවා ගත යුතුයි. එය කල හැකියි.
විපක්ෂ නායකතුමා දේශපාලන වේදිකාවේ මොනවා කීවත් මෙවර රටෙන් බැහැරව සිට කර ඇති ප්‍රකාශය නම් ටිකක් සමබරයි . එතුමා අපේ විපක්ෂ නායකතුමා නිසා ආණ්ඩුවත් සමග සාධාරණ විවේචන තියෙන්න ඕනී. නැත්නම් ආණ්ඩුවේ අඩුපාඩු හදා ගන්නත් බැරිවෙනවා. ආණ්ඩුවත් තිරිංග නැති ගමනකට පිවිසුනොත් ආයෙත් කොච්චර හොද වැඩ කලත් චන්ද්‍රිකා , ප්‍රේමදාස කාලේ වගේ හිතුවක්කාර වැඩ කරයි. එහෙම වුනොත් රට ආයෙත් පරණ තැනමයි.
රනිල් මහත්තයත් මහත්මයෙක් වගේ බ්‍රේස්ලට් චුවිංගම් දෙන්නම් කියලා අපි රවටලා ඔන්න ප්‍රභා මේ ටික-ඔයාට මට මේ ටික , යාළුවනේ වරෙල්ලා. නෑදැයිනේ වරෙල්ලා ඉතිරි ගොඩ අපිට කියන්නේ නැතිව සත් භාවයෙන් යුතුව හැමදාමත් රට වෙනුවෙන් සාධාරණ වෙන වන වනම්
රනිල් මහත්තයෝ. ඔබතුමාටත් ජනාධිපති වෙන්න අපි කඩේ යන්නම්.

භාවනාව වර්තමානයේදී

භාවනාව මෙන්ම බුද්ධ ධර්මය ගැඹුරින් හැදැරීම අද බොහෝ දෙනා සාකච්ඡා කරන මාතෘකාවකි .මෙවැනි සමහරු අතර සෝවාන් වූ අයත් අනාගාමි වු අයත් සිටින බව ප්‍රකාශිතව පවතී. අධ්‍යාපනික කටයුතු ඉහල මට්ටමට ගිය විශ්‍රාමික බොහෝ දෙනා බුද්ධ ධර්මය යිළිබද පොත පත පරිශීලනය කිරිමට වැඩි නැඹුරු තාවයක් දක්වන බවක් සම්ප්‍රදායික පන්සල් විහාරස්ථාන වලින් බැහැරව ඇතිවී ඇති භාවනා මධ්‍යස්ථානවලට වඩාත් යොමුවන බවක් දක්නට ලැබේ.
මා බෞද්ධයෙකු වුවත් ගැඹුරින් බුද්ධ ධර්මය හැදෑරුවෙක් නොවෙමි. සෝවාන් ,සකෘදාගාමි අනාගාමි රහත් යයි මාර්ග ඵල හතරක් පිළිබදව පොත පතින් ඉගන තිබේ.අනුරාධපුර යුගයේ ද රහතුන් වහන්සේලා වැඩ සිටි බවක් ද ඉතිහාසය කියවන විට හමුවේ. මාර්ග ඵලයක් ලබා ගැණීමට අපමණ වීර්ය (වෙහෙස) දැරිය යුතු බවත් බුද්ධාගම පොත් පත්වල සදහන් වේ. මමත් එලෙස සිතමි.
මාර්ග ඵල වර්තමානයේ හෑල්ලුවෙන තරම මට නම් විමතියකි. මාර්ග ඵල යන්න විශ්ව විද්‍යාල වලන් පිරිනමන BA,MA PHd Bsc. වැනි උපාධි දැයි විමසුවොත් එයත් පුදුමයට කරුණක් නොවේ. භාවනා පංති පැවත්වේ. සහතික පත්ද ප්‍රධානය වේ. ඒවාට යන අය සෝවාන්වේ අනාගාමි වේ.(අනා -ගමි නොවේ.)
පසුගිය දිනක මාර්ග ඵල ලාභි මගේ මිත්‍රයෙකු මුන ගැසිනි . රජයේ ඉහල නිලයක් දැරූ ඔහු සේවයෙන් විශ්‍රාම ගෙන දූ දරුවන්ගෙන් නිදහස්ව පූර්ණ කාලිනව බුද්ධ ධර්මය හදාරමින් භාවනා මධ්‍යස්ථානයක භාවනායෝගීව දවස ගෙවයි.ඔහුගේ වර්තමාන ජීවිතය මට නම් මහත්ම පෙරළියකි.රාජ්‍ය සේවය කල යුගයේ වර්තමානයේ මෙන් ජීවන රටාව ගොඩ නැගී තිබුනානම් යහපත් රාජ්‍ය සේවයකුත් සේවයේ පිනින් කියන මාර්ග ඵල ලබන්නට එකල ඹහුට තිබිනි.අපා ගත වන සේවයක යෙදුන ඔහු අද සිල් රකී.ඒ මදිවට මාර්ග ඵලයකට පත්ව ඇති බව ප්‍රචලිත කරයි.
බුදුරජානන් වහන්සේ දාර්ශනිකයෙකි. යහමග යන්නට මග පෙන්වු උත්තමයෙකි.වර්තමානයේ විද්‍යාත්මකව තහවුරු කරගන්නා බොහෝ දේ අතීතයේදි දේශනාකල විද්වතෙකි.
අපි පන්සිල් පද පහ සලකා බලමු .සතුන් නොමරන්ටත්,සොරකම් නොකරන්ටත්, බොරු නොකියන්ටත් කාමයේ වරදවා නොහැසිරෙන්ටත් මත්පැන් පානය නොකරන්ටත් පන්සිල් පද පහෙන් පොරොන්දු කර ගනී.මේ සරල ශීලය රැකීමෙන් පමනක් සියළු දුෂ්චරිතයන්ගෙන් මිදුන ජීවිතයක් ගොඩනගා ගත හැකියයි මම සිතමි.සතුන් යනු සිව්පාවුන් පක්ෂීතන් දිය ගොඩ ජීවත්වන නානාවිධ උරගයින් මසුන් පමනක් නොවේ. මිනිසුන්ද අයත්වේ.කාමයේ වරදවා හැසිරීම ස්ත්‍රී පුරුෂ යම් යම් චර්යාවන්ට පමනක් ලඝු කොට සිතිය යුතු නොවේ. මත්පැන් පානය කිරීමේ ආදීනව අමුතුවෙන් කිවයුතු නොවේ සම්මත රටාවන්ගෙන් බැහැර වීමෙන් කොයි තරම් අසහනයන් ජීවිත තුල ඇතිවන්නේද යන්න අපිට අත්දැකීම් පරිසරයෙන් කොයිතරම් ලැබී ඇත්ද ?.මම වියමන් කලේ වර්තමානයේ භාවනාව ගැන උවත් පන්සිල් ගැන සදහන් කලේ පන්සිල් රැකීමවුවත් ජීවිතයේ සැනසිල්ලට හේතුවක් වන බැව් දක්වන්නටයි.
අත්දැකීම් ඇත්තෝ වෙත්නම් භාවනාව ගැන අදහස් පලකරත්වා මගේ ආරධනාවයි.

ජනතා විමුක්ති පෙරමුණ.

පුජාතන්ත්‍රවාදි ප්‍රවාහයට එක්වු පසු “උනුත් එකයි -මුනුත් එකයි “කියා කියන්න හැකියාව තිබු දේශපාලන පක්‍ෂයක් ලෙස ජනතා විමුක්ති පෙරමුණ මම දුටුවෙමි.උන්ටත් මුන්ටත් වඩා පරමාදර්ශී දේහපාලනයක නියළුන මේ වීරයෝ අද යන ගමන් මග කිසිසේත්ම සුබදායක ගමන් මගක් නම් නොවේ.ජාතියක් වශයෙන් අපි අද ලබා ඇති ප්‍රතිලාභ බොහොමයකටත්, කොන්ද කෙලින් තබාගෙන ඒකීය රටක් ගැන කතාකරන්නවත් උරුමය සකස් කර දීමේ ගෞරවය හිමි වන්නේ ජනතා විමුක්ති පෙරමුණටයි. රට පාවාදීමේ දේශද්‍රෝහී කුමන්ත්‍රණ , පිඹුරුපත් අක්‍රීය කල ජනතා විමුක්ති පෙරමුණ අයවැය පරද්දා මේ රජය අක්‍රීය කරන්න උත්සහා ගත්තේ ඇයිද යන්න මට පිළිතුරු නැති ප්‍රශ්නයකි.
ජනාධිපතිවරණයේදී සියළු ජයග්‍රහණ සාධක රනිල් දෙසට යොමුව තිබියදී මහින්ද ජයග්‍රහණය කරවීමට ජනතාව පෙල ගැස්වු ජනතා විමුක්ති පෙරමුණ රට මුදවාගැණිමේ මගට යොමු වන විට මහින්ද දඩුකදේ ගැසීමේ ස්ථාවරයකට මාරුවිය.එයින් අස්ථාවර තත්වයකට පත්වු ආණ්ඩුව කප්පන් ගෙවමින් එජාපයේ පිරිසක් රජයව එක්කර ගැණිමටත් විමල් වීරවංශ පිරිස ජනතා විමුක්ති පෙරමුණෙන් වෙන්වීමත් සිදුවිය. ජනතා විමුක්ති පෙරමුණ පසුකාලය වන විට එජාපයේ න්‍යාපත්‍රයකට කටයුතු කරනබවක් විද්‍යාමාන කල බවක් හැගෙන්නට විය.
විවිධ කන්ඩායම් රජයට එක්ව රජය ශක්තිමත් වුවත් ජනතා විමුක්ති පෙරමුණ රජය සමග කටයුතු කලානම් මෙතරම් විශාල ඇමතිවරු සංඛ්‍යාවක් අපට පාර්ලිමේන්තුව තුල හමුනොවන්ට බෝහෝ විට ඉඩ නිර්මාණය වන්නට තිබිණි. ජනතා විමුක්ති පෙරමුනේ මතවාදයන් සමග ශ්‍රීලනිප මතවාදයන් පෑහෙන්නේ නැතිවුවත් කවුරුත් එක්ව කපා ගත් මාර්ගයේ යාමට ‍ පෙලගැසීම ජනතාවට සාධාරනවුවකි. ජනතා විමුක්ති පෙරමුණට එය කල නොහැකි විය. ඔවුන් ස්වභාවයෙන්ම දැඩි මතධාරීන් වීම සහ සාධාරණව එකගවීමට මැලිකමක් දක්වන බවක් මම දකිනා දුර්වල කමක් ලෙස සදහන් කල යුතුය.
උදාහරණයක් ලෙස ලෝක බැංකුවේ ප්ලග් එක ගලවන්න යෝජනා කිරීම ප්‍රායෝගිකව සලකා බලමු. මෙලෙස කියන න්‍යායචාරීන් තමන්ගේ නිවස ඉදිකරන්න නිවාස ණය රැගෙන ඇත. ගමන් බිමන් යන්න රැගෙන තියෙන යතුරු පැදිය කුඩා මෝටර් රථයේ සිට ඩබල් කැබ් රථයට දක්වා ලීසිං පහසුකම් ලබා ගෙන ඇත.ඉතින් රටක් ගොඩ නගන්න ලෝක බැංකුවේ ප්ලග් එක ගලවා පුළුවන්ද ?.( මේ ඇත්තන්ගෙන් සමහරෙක් දැන්නම් ප්ලග් එක ගලවා බැරි බව තේරුම් අරගෙන ඇත )
ජනතා විමුක්ති පෙරමුණ ප්‍රායෝගික දේශපාලනයට කවදා එයිද ?.එදාට යලිත් ජය නියතය.

මැතිද රනිල්- කාලො අයංතෙ.

මව් බිම නැත්නම් මරණය කියා අපට ඉගැන්වු ජවිපය පසු කලක මව් බිම මහින්දයන්ට බාර දී තම පක්ෂ යට මරණය තෝරා ගත්තේය.අද ජනතාවගේ සටන් පාඨය වී තිබෙන්නේ මව්බිමයි. ඒ සටන් පාඨය අතට ගත් මහින්දයෝ වයඹත් මධ්‍යමත් ඉතා පහසුවෙන් ජයගත්තේය.

එජාපය කෙසේ වෙතත් රනිල් ගේ ගමන යෙදී ඇත්තේ සුළගට විරුද්ධ දිශාවටය.රනිල්ට ඒ ගමන යන්න හැර එජාපයට ජනතාව යන දිශාවට ගමන් ඇරඹීමට කාලය පැමිණ ඇති බවට වයඹත් මධ්‍යමත් නැවතත් බලවත් ඉල්ලීමක් කර ඇත.

වයඹටත් මධ්‍යමටත් අතවැනු පසුගිය මාස කිහිපය ‍තේ, රබර්, මෙන්ම සුළු අපනයන බෝග වලට අයහපත් කාලයක් විය. එළවළු මිල පහත වැටී තිබුන අතර පොහොර කෟෂිරසායන පිරිවැය අධික නිසා ගොවියෝ අලාබ ලබන වගා ආර්ථිකයකට මුහුන දී සිටියේය.වී ගොවිතැන පමනක් වාසිදායක මට්ටමක පැවතුන අතර පොල් වෙලද පොල සම මට්ටමක පැවතින.මේ සාධක තිබියදී පවා උතුර- නැගණහිර ප්‍රශ්නය සදහා ආණ්ඩුව ජනතාවගේ මතවාදය හා සම්පාතව කටයුතු කරන බැවින් දේශපාලන අරටු හැර මධ්‍යස්ථ මතධාරී ඡන්දදායකයෝ ආණ්ඩුවට සහයෝගය දැක්වීය.ජනාධිපතිවරයා කෙරෙහි විශාල විස්වාසයක් ඇතිබව ප්‍රකට කරන ප්‍රතිඵලයක් මිස ප්‍රාදේශීය දේශපාලකයන් ගේ ජනප්‍රියතාවය දක්වන ප්‍රතිඵලයක් ලෙස මෙම ප්‍රතිඵල තක්සේරු කල නොහැක.

වතුකරය පාන්පිටි මිල ඉහල යාමත් සහල් මිල ඉහල යාමත් අනෙකුත් පරිභෝජන ආහාර ද්‍රව්‍යය ඉහල මට්ටමක පැවතීමත් නිසා පීඩාවට පත්ව සිටියේය.නුවරඑළිය -මස්කෙළිය මැතිවරණ කොට්ඨාසය තොන්ඩමන් ,චන්ද්‍රසේකරම් ආණ්ඩුව සමග සිටියදී පවා ආණ්ඩුව කෙරෙහි ඇති විරෝධාකල්ප වෙනස් කර ගැණීමට තවත් කාලය අවශ්‍ය බව නිවේදනය කර ඇත.

මේ ජයග්‍රහණ සදාකාලික ශ්‍රීලනිප ප්‍රමුඛ පෙරමුනේ ජයග්‍රහණ නොවේ. ජනතාව අතීතයේ මෙන් දේශපාලණ අන්ධභාවයෙන් යුතුව වර්තමානයේ කටයුතු නොකරයි.රනිල් තේරුම් ‍නොගත් ඒ සත්‍යය දැන්වත් තේරුම් ගත යුතුවේ. ජනතාවට ආණ්ඩුවල අතිධාවන ක්‍රිකාරකම්වලට තිරිංග දැමීමට බලවත් විපක්ෂ යක් අවශ්‍යවේ. එය නිර්මාණයවීමට ඉඩ තබා එජාපය හැර දමා යාමට රනිල්ට කාලය පැමිණ තිබේ.

මධ්‍යම සහ වයඹ

ආණ්ඩුව උත්තර පත්‍රයකුත් එජාපය සහ ජවිපෙය ප්‍රශ්න පත්‍රයකුත් මධ්‍යමම සහ වයඹ
ඡන්දදායකයින් වෙත බෙදා දී තිබේ. 14 දා පස්වරු 4.00වන විට ඡන්දදායකයින් මේ ගොල්ලන්ගේ උත්තර පත්‍රය නැවත සමීක්ෂයණය කර , ප්‍රශ්න පත්‍රවලට උත්තර සකස් කර දෙනු ඇත.
ආණ්ඩුවේ වේදිකාව මහින්ද සහ මහින්දට කඩේ යන අති දක්ෂ නඩයෙන් පිරී පැවතිනි. රනිල්ට තිබුනේ බොල් නිසරු තර්කත් දියාරු කටවල් කිහිපයක් සමග ජනතාව සමග උදාසීන පොරයකි.
මහින්ද යුද්ධය අලවි කරනවිට , යුද්ධ‍ය ඉවරනම් කන්න දියව් යයි - රනිල් සහ ජවිපෙය බඩ අලවි කරන්නට උත්සහා දැරීය. මේ දිනවල ජනතා අවධානය උතුරේ යුද්ධය නිසා බඩට තවමත් මුල් තැන ලැබී නැත.
නුවරඑළිය දිස්ත්‍රික්කය එජාපයට අති විශාල බහුතරයක් ඇති දිස්ත්‍රිනක්කයකි. ජනාධිපතිවරණයේ ප්‍රතිපල හා සසදන විට නුවරඑළිය දිස්ත්‍රික්කය ආණ්ඩුවට අභියෝගයකි. එහෙත් තොන්ඩමාන් සහ චන්ද්රිසේඛරම් සාධකය ආණ්ඩුව සමග සිටින නිසා යම් සහනයක්ආණ්ඩුවට ලැබුනත් මනෝ ගනේෂන්ගේ අත්හදා බැලීම් ආණ්ඩුවට කිසියම් බලපෑමක් වනු ඇත.
සිංහල බහුතර ඡන්දදායකයින් ආණ්ඩුවට සහයෝගය දක්වනුයේ යුද්ධයත් සමග රනිල්ගේ අදක්‍ෂ දේශපාලන කළමනාකරනයත් සැලකිල්ලට ගන්නා නිසාය. ජාතික දේශපාලනය තුලදී එස්.බී. ජනප්‍රිය චරිතයක් බවට පත්ව තිබුනේ අතීතයේදීය. ඔහුගේ හැකර කට දකුණු ඉන්දියාණු චිත්‍රපටියක ජෝකරයෙකුගේ කටට නොදෙවිනි නිසා අද අවලංගු කාසියක් බවට පත්ව ඇත. ඔහුගේ උපන් ගම යම් තරමකින් සැලකුම් කලත් එය දිස්ත්‍රික්කය තුල එජනිස ඡන්ද පදනමට විශාල හානියක් නොවනු ඇත.සියළුම පක්ෂප වයඹට වඩා මධ්‍යමට වැඩි අවධානයක් තිබුනේද යයි සැක ඇතිවන තරමට ප්‍රචාරක කටයුතු මෙහෙවුන බවක්ද පෙනෙන්නට තිබිනි.
පසුගිය මාස කිහිපය සුළු අපනයන බෝග සහ තේ වලට අඩු මිලක් ලැබීම එලවළු පොහොර කෘෂි රසායන වලට වැඩි වියදමක් දැරීම වගේම නිෂ්පාදිත එලවළු සදහා සාධාරන වෙළද පොලක් නොලැබීම යන කරුණුද පලාත් දෙකේම අසන්නට ලැබෙන අසහනාකාරී මැසිවිලිය.
මේ සියල්ලටම පුතිචාර 15 දිනට හිරු පායනවිට අපට දක්නට ලැබෙනු ඇත.