.jpeg)
ඒ නොවැම්බරය
රක්ත වර්ණයෙන් උදම් වුණ
උණු කඳුළු වැගිරුන
මතකද ඒ නොවැම්බරය
මරා දැමුවේ ප්‍රේමයෙන් පිරුණු පපු කුහර
ඊට පස්සේ
ඉර ගිනිගත්තේ කිසිත් නොකියම
සඳත් ගිනිගත්තා එදා අලුයම
විසල් නැවකට මඟ කියූ
ඒ මහා රුවල
බිඳී දියවී ගියා මුහුදු පතුලට
මඟක් නොදැනම මුහුදු දිය මත
ඉතින් ඒ නැව ඔහේ පාවිය..
ඒ නොවැම්බරය
මල් පෙති ඉරී වෙන්වුන
විහඟුන් මරා හැංගුව
අමතකද ඒ හීතල නොවැම්බරය
උණ්ඩයට උණ්ඩයක්
මිනිසෙකුට මිනිසෙක්
ඒ සිහින කණිසම
දෝංකාරයකි තවමත්
හිතේ ඉරුණු තැන්වල
රක්ත වර්ණයෙන් උදම් වුණ
මතකද ඒ නොවැම්බරය
සෝමලතා හේරත් මැණිකේ
1 comments:
මේ මාසෙට සුදුසු කවක්
Post a Comment
ඔබගේ අවධානය යොමුවුවාට මීදුම ස්තුති කරයි.
සුබ දවසක් !.
මෙහි පලවන වියමන් බොහොමයක් වෙනත් පලකරන්නන්ගේ වියමන්ය. ඒ අතරට මීදුමද වියමන් එකතු කර ලබයි. වෙනත් වියමන් කරුවන්ගෙන් උපුටා ගත් බව සදහන් කරමින් කරන එකතු කිරීම් සදහාද ප්‍රතිචාර යොමු කල හොත් ඒවා වියමන් කරුවන්ට අගතියක් නොවන්නේ නම් පලකරනු ලැබේ.
මීදුම පල කරන වියමන් සදහා කරන ප්‍රතිචාර සාධාරණ හේතු ඉදිරිපත් නොකරමින් කරන අවලාද සුදුසු යයි හැගේ නම් පමනක් පල කරනු ලැබේ.