කන්දක් වුණත් නාය යා හැකිය
අන්ධකාර රාත්‍රියක
හිතුවක්කාර කුණාටුවකට හසුව
ආර්ථික කුණාටුවකට
කෑලි කැඩිය හැකියි පුංචි දූපතක්
කොඳු නාරටිය කඩා බිඳ දමමින්
සමතලා කළ හැකිය ආත්මය
මේ එහෙව් කාලයක්
පපු කැවුතු පවා හප කරන
යක්ෂ ප්‍රේතයින්ට රජවෙන්ට ඉඩ දුන්න
ආර්ථික අයුක්තියේ උණ්ඩයෙන්
වෙඩි තිබ්බෙ වැඩ කරන මිනිසුන්ට
ඇවිලුණේ පොඩි උන්ගෙ බඩගින්න
මහ එවුන් රයිෆලය අත ගගා
දැවටුවා ලේ බිංදු වහගන්න සුදු රෙද්ද
ආර්ථික යුක්තිය
ගඳ ගහන වීදියේ කුණු ගොඩක
ලන්ද පාමුල මලක්
තැලී පොඩිවී ගොසිනි
මහ කඳු ද නාය ගොස් අවසන්ය
- සෝමලතා හේරත් මැණිකේ
(කවි නොවේ )
0 comments:
Post a Comment
ඔබගේ අවධානය යොමුවුවාට මීදුම ස්තුති කරයි.
සුබ දවසක් !.