කෙකින්නී

සුදට සුදේ සළු ඇඳගෙන

නුවර පහන් කණු පාමුළ

අතරමං වෙලා සිටිනා

ළපටි කෙකින්නී .

කිරි මුට්ටිය ගඟේ ගියා

ගඟ ඉහළින් කොකුන් ගියා

ඉහිරුණු කිරි කඳුළු වලට

ලංසු තියන්නී .

එරන් රුවට තෝඩු නැතත්

ගෙල වට මුතු මාල නැතත්

කඩුල්ල පැන බරක් අරං

ඒවි කෙකින්නී .

වහළේ දුම් රොටු අතරින්

බතක් මාළුවක් සුවඳට

වැල් ඇඳ උඩ ගිලන් හිමිට

අනල කවන්නී .

පණ පිටින් සිරුර දන් දී

පාරමී සොයා පියඹා

විසිරුණු සළු පොට සකසා

ඒවි හිඟන්නී .

රෝ.සි.

notes of imaginary