වෙනසත් වෙනස් වෙලා .

අවුරුදු හැත්තෑ හතරක් තිස්සේ මේ රට විනාශවුනා.

48 ඉදන් 56 වෙනකම් රටේ පාලන තිබුනේ ධනපති ප්‍රභූ පන්තියට.

56 දී සග වෙද ගුරු ගොවි කම්කරු බලවේගය බලයට ඇවිත් රෙද්ද බැණියම ඇන්ද දහනායකලා,ඉලංගරත්නලා තේමිස්ලා වගේ පැලන්තියක් පාර්ලිමේන්තුවට ආවා.

ඒත් පාලනය අර්ධ ධනපති පාලනයක් තිබුනේ.

සිරිමා බණ්ඩාරනායක මැතිනියත් ඒ පාලනය පවත්වා ගෙන ගියා.

JR මැතිදුන්ගේ පාර්ලිමේන්තුව සංකලනයක් වුනත් උන්නැහේගේ යකඩ හස්තයට යටත්වයි රට පැවතුනේ.

ප්‍රෙමදාස පාලනය 1977 ආකෘතියක් . වෙනස් වුනේ ලේ මස් යකඩ සංස්කෘතියක් ඇති කරවමින්.

දවසින් දවස දේශපාලන සංස්කෘතිය වෙනස් වුනා.

1948 ඉදන් සංවර්ධණය වුනේ 48 පරපුරමයි.

චණ්ද්‍රිකා , රාජපක්‍ෂ යුගයන් පවත්වාගෙන ගියේ ඒ පිලිවෙතමයි.

මිනිස්සු වෙනසක් බලාපොරොත්තු වුනා.

මේ පන්තියෙන් පාලනය වෙනස් විය යුතු කියලා.

70 වේ 71 ඉදන් මිනිස්සුන්ගේ හිත්වලට වෛරය ද්වේෂය කාණ්දු කරන්න පටන් ගත්තා.

2024 වෙන කොට උපරීමයට ආවා.

ඒ වෙන කොට 71 දරුවන්ට වයස අවුරුදු පනස් පහයි.

88 දරුවන්ට තිස් අටයි.

ඔය වයස් පරතෙරය අතර වෛරය ද්වේශය කාණ්දුවුන හිත් බලය ලබා ගැණීමේ අරමුණ සාක්ෂාත් කර ගැනීමට බල ඇණියක් සකස් වුනා.

ඒ පරපුර අද පාලන බලයත් සමග වෙනසක් ඇති කරයි කියලා හිතුවත් තාම කරගන්න බැරිවෙලා.

එයාලත් පරණ පාරේම යනවා.

නැත්නම් නොදැනුවත් කමින් වලවල් වල වැටෙනවා.

කිසිදු අධ්‍යාපන වටිනාකමක් නැති වල් පැළ ටික පන්නලා හිටවපු 

අධ්‍යාපනයෙන් පොහොසත් මල් පැළ ටික කරන්නෙත් වල්පැලයයි කියාපු කට්ටිය කරපු වැඩ ටිකමයි.

පරණ පාර්ලිමේන්තුව එක්ක ගලපන කොට මේ පාර්ලිමේන්තුවේ ඉන්නවායි කියන්නේ මහාචාර්ය ,ආචාර්ය , වෛද්‍යවරු  ,ඉන්ජිනේරුවරු නීති විශාරදයන් විශේෂඥයින් කියන බුද්ධිමතුන් පිරිසක් !.

ඉදලා හිටලා බොර්ඩ් ලෑලි ගලවන අවස්ථාත් තියෙනවා 

නැතිවාම නෙමෙයි .

අළුත්ම සීන් එක හැකර්ලා ඇවිත් මහ බැංකුව සූරා ගෙන යනවා.

අර උන්නැහේලා ම දවල් බැංකුව මංකොල්ල කෑවා. ඒ නූගත් කමට.

මෙයාලා උගත් කමට විද්‍යාව හා තාක‍්ෂණය යොදවලා ඩොලර් මිලියන 2.5 කට කෙළලා. ?.

A day in the life 

ජීවිතයෙන් දවසක් .

මහා භාණ්ඩාගාර මුල්‍ය අපරාධය - 03

මාලිමා ආණ්ඩුව බලයට එද්දි දීපු ප්‍රධාන පොරොන්දුව දූෂණ, වංචා සහ හොරකම් නතර කිරීම.
හැබැයි අද ඉතිහාසයේ කවරදාකටත් වඩා මාලිමා ආණ්ඩුව යටතේ රටේ හැමතැනින්ම හොරකම්, දූෂණ, වංචා සිද්ද වෙනවා.
ඊලගට මාලිමාව ඔවුන්‍ට ඉන්න සුපිරි කණ්ඩායමක් ගැන පුන පුනා කිව්වා.
හැබැයි අද ඒ කණ්ඩායම කොතරම් දුර්වල, වැඩ බැරි සහ දූෂිත කණ්ඩායමක්ද කියලා දවසින් දවස ඔප්පු වෙනවා.
ඉතිහාසයේ කවදාවත්, කවුරුත් ශ්‍රී ලංකා මහා භාණ්ඩාගාරයේ ගණුදෙනු අතරමැද හොරකම් කරලා තිබුණේ නැහැ.
එවැනි ගණුදෙනු සාමාන්‍යයෙන් හොරකම් කරන්න බැහැ.
ඒවාට ලෝකයේ ආරක්ෂිතම ක්‍රමවේද භාවිතා කරනවා.
ඒ වෙනුවෙන් අපි ඩොලර් මිලියන ගණන් වියදම් කරනවා. අපි කෝටි ගණන් සේවා ගාස්තු ජාත්‍යන්තර ආරක්ෂණ සේවා සමාගම් වලට ගෙවනවා.
එවැනි පසුබිමක ඉතිහාසයේ මුල්ම වරට මාලිමා ආණ්ඩුව යටතේ මහා භාණ්ඩාගාරයේ ගණුදෙනුවක් හොරා කාලා.
පැහැදිලිවම මේ ගණුදෙනුව සිදුවෙලා තියෙන්නේ මහා භාණ්ඩාගාරයේ සුපුරුදු ක්‍රමවේදයට නෙවෙයි, ඉන් පිටතින්.
මේ මුදල හොරකම් කෙරෙන්නෙත් ඒ නිසා.
එවැනි තීරණයක් එනම් සුපුරුදු ක්‍රමවේදයට පිටතින් ගෙවීම් කිරීමට තීරණයක් භාණ්ඩාගාර නිළධාරීන්ට ගන්න බැහැ.
නිළධාරීන් ජීවිත කාලය මේ රැකියාව කරන, ලංකාවේ ජීවත් වෙන මිනිස්සු.
ඔවුන් මේවායේ ප්‍රතිඵල සිරගෙදර බව දන්නවා. ඉතිහාසයේ කවදාවත්, නිළධාරියෙක් හෝ කිසිම රජය භාණ්ඩාගාරය කඩලා නැහැ.
හැබැයි අවුරුදු පහකින් ආත්ම හතකට උපයන්න ආපු කට්ටියක් වෙනස්. ඔවුන්ට සීමා නැහැ.
මෙවැනි ගණුදෙනුවක් වෙනස් කිරීමට අවම වශයෙන් මුදල් අමාත්‍යංශ ලේකම්වරයාගේ සිට ඉන් ඉහළට දේශපාලන බලපෑමක් අවශ්‍යයි.
මේ හොරකම සිදුවෙන්නේ හරියටම මාසයකට කළින්.
නමුත් ආණ්ඩුව ඒ හොරකම වහගෙන හිටියා.
මේ මුදල ඩොලර් මිලියන දෙක හමාරක්. රුපියල් කෝටි අසූවක්.
මේ අපේ රටේ මිනිස්සුන්ගේ බදු මුදල්. විදේශ ශ්‍රමිකයො රටට එවන ප්‍රේෂණ.
හැබැයි කෝටි අසූවක හොරකමක් වුනාමත් ආණ්ඩුව නිහඬව, නොතකා හිටියා.
මේ ගැන ප්‍රසිද්ධ සහ විධිමත් පරීක්ෂණයක් ආරම්භ වෙන්නේත් මේ ගැන විපක්ෂය හෙළිකලාට පස්සේ.
එතකන් ආණ්ඩුව උත්සාහ කළේ මේ හොරකම යට ගහන්න.
පැහැදිලිවම දැන් ආණ්ඩුව මේ වංචාව 'හැකරෙකුගේ' පිටේ දාලා කර අරින්න හදනවා.
හැබැයි මේ ගණුදෙනුව ගැන හැකරෙකුට විස්තර දුන්නේ කවුද ?
මහා භාණ්ඩාගාරයේ ආරක්ෂිත සහ සංවේදි තොරතුරු හැකරෙකුට දුන්නේ කවුද ?
ගණුදෙනුව සිදුවෙන වෙලාවන් සහ ක්‍රමවේදය ගැන හැකරෙකු දැනුවත් කළේ කවුද ?
මාසයක් තිස්සේ මේ හොරකම යට ගහගෙන හිටියේ කවුද ?
මේ ප්‍රශ්න වලට උත්තර හෙව්වා නම් හැකරෙකුට එහා ගිය මහ මොලකරුවෙකු ගැන තොරතුරු ජනතාවට දැනගැනීමට ඉඩ ලැබේවි.
පැහැදිලිවම මේ ලෝකයේ කිසිම රටක සිදුනොවෙන ආකාරයේ, විහිලු සහගත හොරකමක්.
මේ සඳහා මුදල් අමාත්‍යවරයා වගේම මුදල් අමාත්‍යංශයේ ලේකම්වරයා වගකිව යුතුයි.
මේ පිළිබඳ ස්වාධීන පරීක්ෂණයක් සිදුවිය යුතුයි.
මේ ගණුදෙනුව පසුපස සිටින මහමොලකරුවා රටේ ජනතාවට හෙළිවිය යුතුයි.
වෙනත් රටක මෙවැන්නක් සිදුවූවා නම් ඊලග මොහොතේම මුදල් අමාත්‍යවරයා සහ මුදල් අමාත්‍යංශ ලේකම්වරයා ඉල්ලා අස් වෙලා.
මාලිමාව බලයට ආවේ එවැනි සංස්කෘතියක් ජනතාවට පොරොන්දු වෙලා.
හැබැයි ඒ වෙනුවට අනුර සහ හර්ෂන සූරියප්පෙරුම මාසයක් තිස්සේ මේ හොරකම ජනතාවගෙන් සඟවලා.
දැන්වත් මේ පිළිබඳ ස්වාධීන සහ අපක්ෂපාතී පරීක්ෂණයක් සිදුවිය යුතුමයි.
ජනතාවට හැකරෙකුගේ කතාවක් උවමනා නැහැ.
හැකරා සහ මහා භාණ්ඩාගාරය අතර සිටිනා 'හතුරා' කවුද ?
ජනතාවට දැනගැනීමට අවශ්‍යය එයයි.

- සචින් රත්වත්ත.

A day in the life 

ජීවිතයෙන් දවසක් .