ආතල් කතාවක්.

ෆියුස් අයියා.

අද කතාව දශක පහක් පමන පරණවු කථාවක් .
අදට ගලපගන්න මොනවත් තියෙනවද ? නැද්ද කියලා මට හිතා ගන්න බැහැ.
සමහර විට තියෙන්නත් පුළුවන් මේ දේශපාලන කන්කරච්චල් අහන කොට.
කතාවට එන්න ඉස්සෙල්ලා අතුරු කතාවකට එන්නම්.
මෙල්බර්න් වල ඉන්නවා මගේ සහෝදරයෙක්. එයා ජාතික වශයෙනුත් සහෝදරයෙක් නිසා දෝ දවසට මුණුපොතේ පෝස්ට් දෙක තුනක් පලකරනවා.
මේ නිසාම එයා මග හරින කරදරයක් ලෙස සලකන ඥාති මිත්‍රයින් ලංකාවේ ඉන්නවා.
එයාට ඒක තේරුම් ගන්න බැහැ. තේරුම් කරලා දෙන්නත් බැහැ.
ඒකත් කරුමයක් තමයි.

ඔන්න ෆියුස් අයියා.

ෆියුස් ලියන මහත්තයා කියලත් කියනවා. වෙළද සලක කළමනාකාර මහත්තෙක්.
හවසට පොඩි අඩියක් ගහන චරිතයක්.
පදමට ආපුවහම මතක් වෙන හැම විරුද්ධවාදියාම ප්‍රසිද්ධ වේදිකාවේ විවේචනය කරනවා.
ප්‍රසිද්ධ වේදිකාව කියුවේ එයාගේ වෙළදසැල ඉදිරිපිට පිල.
එතන ජනතාව අමතන්න හොද වේදිකාවක්.
දැන් කාලේ සතියෙන් සතියට අළුත් මාතෘකා එනවා වගේ එයාටත් එකක් එවර වෙන්න එකක් ජනතාව අමතන්න මාතෘකා උපදිනවා.
සමහර විට එයාගේ ගණුදෙණු කරුවෙක්, නැත්නම් අසල්වාසියෙක්, එහෙමත් නැත්නම් වෙනත් වෙළද සැලක අයිතිකාරයෙක්. තරාතිරමක් බලන්නේ නැතිව කවුරුන් හෝ මාතෘකා වෙනවා.
මේක හවස් යාමෙට කන්කරච්චලයක් !.
මෙයා කතෝලිකයෙක්.
මේ කියන කාලේ ගමේ පල්ලියේ ඝණ්ඨාර කුළුණ ප්‍රතිසංස්කරණය කරලා අළුත් ඝණ්ඨාරයක් සවිකලා.
කවුරුන්දො නොසන්ඩාලයෝ පිරිසක් මේ ඝණ්ඨාරයේ සවිකල අළුතම සොරකම් කරලා.
පියුස් ලොක්කට හොද කටගැස්මක්.
මනුස්සයා හවස් ජාමෙට පොඩ්ඩක් දාගෙන ජනතාව අමතන්න පටන් ගත්තා
පන්සලේ ලොකු හාමුදුරුවන්ගෙන් පටන් අරන් දවසින් දවස ගමේ ඉන්න එක එක්කෙනා අමතනවා . සිංහල අණ්ඩර දෙමළ හැම භාෂාවෙන්ම.
කාගේවත් ප්‍රතිචාර නැහැ.

මෙහෙම ගිහින් දවසක එක සවසක කඩ වීදියේ මුදලාලි කෙනෙක් මාතෘකා කරගෙන චෝදනා පත්‍රය දිග අරින්න පටන් ගත්තා.
ආලවට්ටම් දාලා.
මුදලාලි හතර රියන් පුරුෂයා. වැඩි කතා බහක් නෑ. 

කලබලයක් ඇත්තෙත් නැහැ.
හිමින් සැරේ ඇවිත් පියුස් ලොක්කගේ වේදිකාවට ගොඩවුනා.
කතාවක් නැහැ .අත ඉස්සුවා කණ හරහා.
ජනතාව අමතන හඩ එක පාරට නතර වුනා.
ෆියුස් ලොක්කා මිදුලේ බඩ ගානවා.
මුදලාලි ගානක් නැතිව ආපහු යන්න යනවා.
එදයින් පස්සේ ජනතාව අමතන වැඩේ අතහැරුනා. අපට හවසට ගන්න තිබුන “ ආතල් “ එකත් නැතිවුනා.

A day in the life

අටංගෙඩිය

දන්නවද අටංගෙඩිය ගැන..
ඇත්තෙන්ම විවාහ මංගල්‍යයක් කියන්නෙම ආගමික,සංස්කෘතිකාංග වලින් පිරුණු මහෝත්සවයක්.අතීත ජන සමාජයේ ඉතිම් අද වාගේ මංගල යෝජනා තීරු තිබුණේ නැහැනේ.අදටත් විවාහයකදී අතරින් පතර මගුල් කපුවෙකුගේ මැදිහත් වීම සිද්ද වුනත්,බොහෝ විට සිද්ද වන්නේ තරුණයා හා තරුණිය එක්ව විවාහයට අවශ්‍ය සියල්ල සංවිධානය කරන එක.ඒත් අතීතයේ විවාහයක දී සාම්ප්‍රදායික අතරමැදියා වුණේ මඟුල් කපුවා. බොහෝ වෙලාවට එදා ජන සමාජයේ විවාහ කටයුත්තක් සිදුවුණේ දෙමාපිය කැමැත්ත මත ඔවුන්ගේ ආශිර්වාදය මැද. අද වාගේ දුටු ඇහැට විවාහවීම තිබුනේම නැති තරම්.
ඔන්න ඔය විදියට අතීතයේ විවාහ මංගල්‍යයක් ඉෂ්ට සිද්ධ කරන්නට මත්තෙන් ඉස්සෙල්ලාම කරන්නේ ගම ගෙදර බලන්න යන එක.
කපු මහත්තයාගේ හෝ සමීපතමයකු ගේ මාර්ගයෙන් යෝජනා ගෙනෙන මනාලිය බලන්න මනාලයා ඔහුගේ මාපියන් ,වැඩිහිටියන්,සමීපතමයන් කිහිපදෙනෙක් එක්කාසු කොට ගෙන මනමාලියගෙ ගේදොර බලන්න පිටත් වෙනවා.ඒ විදියට යන ගමනේ පෙනුම් පෙට්ටියක් රැගෙන යන්න නම් අමතක කරන්නේ නෑ.මොකක්ද එතකොට මේ පෙනුම පෙට්ටිය කියන්නේ
දන්නවද ⁣ඒක ඇතුළෙ තියෙන්නේ ඉඹුල් කිරිබත්...
ඉඔුල් කියන්නේ කොට්ට වලටනේ..නිදන කොට්ටෙට හෙම නොවෙයි හොඳද...අර ගස් වල හැදෙන කොට්ට ගෙඩි දන්නවා නේද..අන්න ඒ වගේ හැඩය නිසා තමයි මේවට ඉඹුල් කිරිබත් කියන්නේ.මම හිතනවා හදන විදිහත් ඔයාලා අනිවාර්යෙන්ම දන්නවා ඇති කියලා.මුලින්ම කිරිබතක් උයාගෙන පස්සේ සාමාන්‍ය ප්‍රමාණයට ඒ කිරිබත් ගුලියකට මැදට පොල් පැණි මැදි කරලා තල් කොළයක් අධාරයෙන් අර කීව කොට්ට ගෙඩියක හැඩයට හදාගන්නව.අද කාලෙනම් තල් කොළයක් වෙනුවට ඉටි කොලයක ආධාරයෙනුත් රවුම් කරල හදනවා මම දැකල තියෙනව .
ඔන්න ඉතින් ඔය කියාපු ඉඹුල් කිරිබත් පුරවාපු පෙට්ටියක් අරන් තමයි ගමගෙදර බලන්න මනමාලිගෙ ගෙට ගොඩ වෙන්නෙ.ගෙට ගොඩ වෙනවත් එක්කම මේ පෙන්නුම් පෙට්ටිය එහෙමත් නැත්තම් ඉඹුල් කිරිබත් පෙට්ටිය මනාලියගේ පියා ට තමයි බාර දෙන්නේ.
ඊට පස්සේ ඉතින් ගිය පිරිස ආගිය තොරතුරු හෙම දොඩලා,දවල් කෑමත් සප්පායම් වුනාට පස්සේ ඔන්න ඉතින් මනමාලිය ලස්සනට හැඩ වැඩ කරලා බුලත් හෙප්පුවක් හෙම අතට දීලා මනමාලයාගෙ ඉස්සරහට යවනවා.මනමාලිත් ඉතින් බුලත් හෙප්පුව මනමාලයාගේ අතට දීලා ආචාර සමාචාර කරන්න අමතක කරන්නෙත් නෑ.
ඔන්න ඔය විදිහට ගිය කරුණු කාරණා අහවර උනාට පස්සේ අර මුලින් ගෙනාපු පෙනුම් පෙට්ටිය ආපහු ඔවුන්ටම ලැබෙනවා.ඒක ඇතුලේ ඉතිම් මුලින් දෙනකොට තිබුනේ ඉඹුල් කිරිබත් පුරවලානේ.පෙට්ටිය හිස් වෙලා තිබුනොත් ඔන්න ඒකෙන් කියන්නේ මනමාලියගේ පාර්ශවය මේ මංගල යෝජනාවට කැමැති බවයි..
හැබැයි ඉතින් අර මුලින් තිබ්බ ඉඹුල් කිරිබත් ටික ආපහු දෙද්දීත් එහෙම්මම තිබ්බොත් ඒකෙන් කියන්නේ මනමාලිගෙ පාර්ශවය මීට අකමැති බව...
ඔන්න ඉතින් ඔය විදිහට මංගල යෝජනාවක් සඳහා මනාලයා විසින් මනාලියගේ ගෙදර යනකොට ගෙන යන පෙනුම් පෙට්ටිය එහෙමත් නැතිනම් ඉඹුල් කිරිබත් පෙට්ටියට තමා මේ අටංගෙඩිය කියලා කියන්නේ...

සඳමාලි කරුණාරත්න
උපුටා ගැනීමකි
අතීතාවර්ජනා...
ස්තූතියි කතු අයිතිය ට 

මුණු පොතට 

Priyantha Perera

A day in the life