නවවන වගන්තිය අනතුරක.

කටුනායක ගුවන් තොටුපළේදී රුපියල් කෝටි 110කට අධික මත්ද්‍රව්‍ය තොගයක් සමඟ චීවරධාරීන් 22 නමක් අත්අඩංගුවට පත්වීම මෙරට බෞද්ධ ඉතිහාසයේ සිදු වූ අවාසනාවන්තම සහ ලජ්ජා සහගතම සිදුවීමක් බව නොරහසකි. එහෙත්, මෙම සිදුවීමේ කාලීන සැකසුම (Timing) සහ ඉන් අනතුරුව සමාජගත කෙරෙන මතවාද දෙස ගැඹුරින් බැලීමේදී පෙනී යන්නේ, මෙය හුදෙක් ජාවාරමක් නොව, මෙරට ආණ්ඩුක්‍රම ව්‍යවස්ථාවේ 9 වන වගන්තිය ඉලක්ක කර ගනිමින් දියත් වන මහා පරිමාණ කුමන්ත්‍රණයක තීරණාත්මක පියවරක් බවයි.

1) සූක්ෂ්ම "ඇම" සහ තරුණ භික්ෂු පරපුර බිලිගැනීම
මෙම ජාවාරම සඳහා තෝරාගෙන ඇත්තේ විශ්වවිද්‍යාල අධ්‍යාපනය ලබන, සමාජ මාධ්‍ය හරහා සක්‍රිය තරුණ භික්ෂූන් පිරිසකි. "නොමිලේ තායිලන්ත සංචාරයක්" යන ආකර්ෂණීය ඇම හරහා ඔවුන්ව පොළඹවා ගැනීමත්, සංචාරය අතරතුර ඔවුන්ව විනය විරෝධී ක්‍රියාවලට (ගිහි ඇඳුම, දුම්පානය) අදාල සාක්ෂි ලෙස රඳවා ගැනීමත් මගින් මෙම පිරිස කළු කලාපයකට (Blackmail zone) තල්ලු කර ඇත.
මෙහි ඇති භයානකම තත්ත්වය නම්, මීට පෙර භික්ෂූන් වහන්සේලා විදේශගත වීමේදී පැවති මහානායක හිමිවරුන්ගේ සහ බෞද්ධ කටයුතු කොමසාරිස්වරයාගේ නිර්දේශ ලබා ගැනීමේ නීතිය සූක්ෂ්ම ලෙස වර්තමාන ආණ්ඩුව ඉවත් කර තිබීමයි. මෙය ජාවාරම්කරුවන්ට මාවත විවෘත කිරීමක් නොවන්නේද?

2. "නරක දේශීය භික්ෂුව" සහ "හොඳ විදේශීය භික්ෂුව" - මනෝවිද්‍යාත්මක බෙදීම
කටුනායක සිදුවීමට සමාන්තරව මෙරට තුළ "සාම පාගමනක" යෙදෙන ඇමෙරිකානු භික්ෂූන් පිරිසක් පිළිබඳ පුවත් මැවේ. දේශීය භික්ෂුව මත්ද්‍රව්‍ය ජාවාරම්කරුවෙකු ලෙස හංවඩු ගසන අතරතුර, විදේශීය භික්ෂුව සරල, සිල්වත් උත්තමයෙකු ලෙස මාධ්‍ය සහ NGO හරහා "මාර්කට්" කරනු ලබයි.

මෙය ඉතා සැලසුම්සහගත Soft Power මෙහෙයුමකි. මෙහි අවසන් ඉලක්කය වන්නේ:-
දේශීය භික්ෂු පරපුර කෙරෙහි ඇති මහජන ගෞරවය විනාශ කිරීම.
භික්ෂුව සහ ගම අතර පවතින ඓතිහාසික බැඳීම බිඳ දැමීම.
"ලංකාවේ භික්ෂූන් නරක බැවින් ඔවුන්ට ව්‍යවස්ථාපිත රැකවරණයක් අවශ්‍ය නැත" යන මතය සාමාන්‍ය ජනතාවගේ උපවිඥානය තුළ තැන්පත් කිරීම.

3. 9 වන වගන්තිය අහෝසි කිරීමේ ව්‍යවස්ථාපිත උගුල
ආණ්ඩුක්‍රම ව්‍යවස්ථාවේ 9 වන වගන්තිය මගින් බුදුදහමට හිමිව ඇති "ප්‍රමුඛස්ථානය" සහ ශාසනය "ආරක්ෂා කර පෝෂණය කිරීමේ" රජයේ වගකීම නිරාගමික බලවේගවලට සහ විදේශීය උවමනාවන්ට විශාල බාධාවකි.
මෙම වගන්තිය අහෝසි කිරීමට නම් මහජන විරෝධයක් නොමැති විය යුතුය. භික්ෂූන් වහන්සේලා 22 නමක් මත්ද්‍රව්‍ය සමඟ අත්අඩංගුවට පත්වීම වැනි "කම්පන සහගත පුවත්" හරහා බෞද්ධ සමාජය තුළම කළකිරීමක් ඇති කර, "මේ වගේ අය ඉන්න ශාසනයක් මොකටද පෝෂණය කරන්නේ?" යන ප්‍රශ්නය සමාජගත කිරීම මෙහි ප්‍රධාන උපායමාර්ගයයි.

විශේෂයෙන් මතක් කිරීම:-
මා විසින් පසුගිය 22දා පල කරපු "අධ්‍යාත්මික වෙස් මුහුණට යටින් දිවෙන භූ-දේශපාලනික උගුල: "සාමයේ පාගමන" කා වෙනුවෙන්ද?
https://www.facebook.com/share/1GwzxLWBWY/ ලිපියෙහි අවසාන කොටසෙහි මා පැහැදිලිවම සදහන් කරනු ලැබුවා "එළඹෙන 28 වනදා දක්වා ක්‍රියාත්මක වන මෙම පාගමන පිළිබඳව අප අවධියෙන් සිටිය යුතුය" යන්න මොකද මේ කාලය තුළ රටේ ව්‍යවස්ථාවේ 9 වෙනි වගන්තියට අදාලව කුමන හෝ සිදුවීමක් රට තුල සිදුවිය හැකි නිසා.නමුත් ඒ ලිපිය කියවපු අති බහුතරය මට නිරාගමිකයා, ආණ්ඩු විරෝධියා, අවජාතකයා, බුද්ධාගම එරෙහි NGO කාරයා ආදී වූ අපහාස, අපහාස, මඩ, අවලාද වලින් සංග්‍රහ කරා."

4. පාස්කු ප්‍රහාරය සහ දේශපාලන කුමන්ත්‍රණයේ සෙවනැලි
පසුගිය කාලසීමාවේ පාස්කු ප්‍රහාරයේ මහමොළකරුවන් සෙවීම පිළිබඳව පල්ලිය සහ සිවිල් සංවිධාන දැඩි බලපෑමක් එල්ල කරමින් සිටියදී, හදිසියේම භික්ෂූන් පිරිසක් මෙවැනි ජාවාරමකට හසුවීම සැක සහිතය. මෙය ජනතා අවධානය වෙනතකට යොමු කිරීමට හෝ භික්ෂු බලය දේශපාලනිකව හුදෙකලා කිරීමට කළ පාවාදීමක්ද යන සැකය බැහැර කළ නොහැක.
"භික්ෂුව යනු සිංහල බෞද්ධ පදනමේ මුරදේවතාවාය. එම මුරදේවතාවා අශීලාචාර මත්ද්‍රව්‍ය ජාවාරම්කරුවෙකු ලෙස පෙන්වූ පසු, එම පදනම බිඳ දැමීම ඉතා පහසුය."

5. මහානායක හිමිවරුන්ගේ මැදිහත් වීමේ අවශ්‍යතාවය
අත්අඩංගුවට පත් වූ පිරිසට සිවිල් නීතිය යටතේ දැඩි දඬුවම් දිය යුතු අතරම, ඔවුන්ව වහාම ශාසනයෙන් නෙරපා හැරිය යුතුය (පාරාජිකාපත්තියට පත්වීම නිසා). එහෙත්, මෙම වැරැද්ද පලිහක් කරගෙන සමස්ත බෞද්ධ උරුමය විනාශ කිරීමට සැරසෙන විදේශීය බුද්ධි මෙහෙයුම් සහ නිරාගමික කුමන්ත්‍රණ පිළිබඳව ජනතාව අවදියෙන් සිටිය යුතුය.
විදේශ ගමන් බලපත්‍ර නිකුත් කිරීමේදී මහානායක හිමිවරුන්ගේ අනුමැතිය අනිවාර්ය කිරීමේ නීති නැවත බලාත්මක කිරීමත්, භික්ෂූන් වහන්සේලාගේ විනය අධීක්ෂණය සඳහා වෙනම යාන්ත්‍රණයක් සකස් කිරීමත් රජය සතු 9 වන වගන්තියේ වගකීමක් ලෙස අප දකිමු.

සාරාංශය:
මෙම සිදුවීම අහම්බයක් නොවේ. එය දේශීය භික්ෂුව "අපරාධකරුවෙකු" කර, විදේශීය භික්ෂුව "සම්මතය" කර, අවසානයේ 9 වන වගන්තිය අහෝසි කර ලංකාව නිරාගමික කොලනියක් බවට පත් කිරීමේ "මහා කුමන්ත්‍රණයක" මුල් අදියරයි. බෞද්ධ ජනතාව අත්අඩංගුවට පත් වූ 22 දෙනා දෙස බලා හඬා වැලපෙන අතරතුර, ජාත්‍යන්තර බලවේග අපේ ව්‍යවස්ථාවට අත තබමින් සිටින බව අමතක නොකළ යුතුය.

#SriLanka #Article9 #9වනවගන්තිය

#SaveBuddhism #Katunayake #කටුනායක

#PsychologicalOperation #SoftPower

#අවදියෙන්සිටින්න #කුමන්ත්‍රණ #Geopolitics

#ngopolitics #BuddhistHeritage

#දේශීයභික්ෂුව #ශාසනය #සංඝරත්නය

#ProtectTheLegacy #CurrentAffairsSL

#LKA #SocialMediaAnalysis #දේශපාලනය

#සත්‍යය #ANURAKUMARADISSANAYAKE #AnuraKumara #සිංහල #බෞද්ධ

 Adeesha Nikeshala Isurunatha

A day in the life 

ජීවිතයෙන් දවසක් .

Read More

සුව පහසු නිවහනක්.

ලක්ෂ 200ක් විතර ණය වෙලා, අවුරුදු 20ක් ඒ ණය ගෙවන ගමන්, දහවල් කාලයේ ඒ කොන්ක්‍රීට් පෙට්ටිය ඇතුලේ රස්නයෙන් තැම්බෙන එකද ඇත්තටම "ලක්සරි" කියන්නේ?

අපි හැමෝම ඉන්නේ තනිකරම "සිමෙන්ති පිස්සුවක". ගඩොල්, වැලි, සිමෙන්ති මිල අහස උසට ගිය රටක, අපේ කකුල් යට තියෙන පසෙන් මාළිගාවක් හදන්න පුළුවන් කියලා කවුරුහරි කිව්වොත් ඔබ පිළිගන්නවාද?

නෑ, මම මේ කියන්නේ අර පරණ වැරහිච්ච මැටි ගෙවල් ගැන නෙවෙයි.

අද ලෝකයේ මිල අධිකම රිසෝට් සහ Eco-Luxury නිවාස හදන්නේ CSEB (Compressed Stabilized Earth Blocks) තාක්ෂණයෙන්. මේක දියුණු රටවල අතිශය ජනප්‍රිය වෙන්නේ හේතු දෙකක් නිසා. එකක් වියදම, අනිත් එක අසමසම සෞඛ්‍යමය වාසිය.

නමුත් ඇත්තම කතාව මේකයි...

සාමාන්‍ය සිමෙන්ති ගෙයක දවල්ට ඇතුලේ රස්නය සෙල්සියස් අංශක 32ක් වෙද්දී, නිවැරදිව හදපු මැටි නිවසක රස්නය අංශක 26-27 මට්ටමේ පවත්වා ගන්න පුළුවන්. ඒ කියන්නේ ඔබට AC එකක්, අඩුම ගානේ ෆෑන් එකක්වත් නැතුව සුවදායක නින්දක් ලබන්න පුළුවන් කියන එකයි.

මැටි ගෙදරක් ලක්සරි විදිහට හදන A to Z පාඩම මෙන්න:

1. පස පරීක්ෂාව: හැම පසක්ම හරි යන්නේ නැහැ. මැටි සහ වැලි නිවැරදි අනුපාතයට තියෙන "ලැටරයිට්" (Laterite) පස තමයි හොඳම.

2. ස්ථාවර කිරීම (Stabilization): පස් වලට 5% - 8% වගේ බොහොම පොඩි සිමෙන්ති ප්‍රමාණයක් හෝ හුණු (Lime) මිශ්‍ර කරලා මැෂින් එකකින් තද කරලා ගන්නා බ්ලොක් ගල්, සාමාන්‍ය ගඩොල් වලට වඩා ශක්තිමත්.

3. ප්ලාස්ටර් එක: මෙන්න මෙතනයි රහස තියෙන්නේ. මේ බිත්ති වලට සිමෙන්ති ගාන්නේ නැහැ. ඒ වෙනුවට සිහින් මැටි සහ හුණු මිශ්‍ර කරලා දෑතින්ම පොලිෂ් කරනවා (Burnishing).

4. Waterproofing: පස් බිත්ති වලට වතුර උරන එක නවත්තන්න ලින්සීඩ් ඔයිල් (Linseed oil) හෝ මී ඉටි භාවිතා කරලා කිරිගරුඬ වගේ දිලිසෙන ෆිනිෂ් එකක් ගන්න පුළුවන්.

ඔබට හිතෙන්න පුළුවන් මේක "ගොඩේ" වැඩක් කියලා. ඒත් Sri Lands අපි දකින විදිහට, නූතන ලෝකයේ ලොකුම සුඛෝපභෝගීත්වය තමයි ස්වභාවික පරිසරයත් එක්ක ගැලපිලා, කිසිම ණය බරක් නැතුව, නිදහසේ හුස්ම ගන්න පුළුවන් නිවසක් හිමි කරගන්න එක.

නිකමට හිතන්න, බිත්ති වලට වටිනා ප්ලාස්ටර් එකක් හෝ පේන්ට් එකක් ඕනේ නැති නිසා විතරක් ඔබේ වෝලින් (Walling) වියදමෙන් 20%ක් විතර ඉතුරු කරගන්න පුළුවන් මූල්‍යමය බුද්ධියක් ඔබට තියෙනවාද?

මෙන්න මේ ප්‍රායෝගික තාක්ෂණය අපේ රටේ මිනිස්සුන්ට පෙන්නන්න ඕන නිසා, අපි මේ ගැන සම්පූර්ණ වීඩියෝ මාලාවක් සහ හදන විදිහ පියවරෙන් පියවර Sri Lands YouTube Channel එකට එකතු කරනවා. මේක අකුරුවලින් කියවනවාට වඩා ඇස් දෙකෙන් දකිද්දී ඔබට තේරෙයි මේක කොයිතරම් Elite Level මොඩර්න් වැඩක්ද කියලා.

ඔබත් සල්ලි නාස්ති නොකර, බුද්ධිමත් විදිහට නිවසක් හදන්න හිතන කෙනෙක් නම්, මැටි ගැන තියෙන පරණ අදහස අයින් කරලා මේ අලුත් විදිහ ගැන මොකද හිතෙන්නේ? ඔබේ අදහස පහලින් කොටන්න.

#SriLands #EcoLuxury #MudHouse #SmartLiving #SriLankaConstruction #Sustainability #FinancialFreedom


ශ්‍රී ලෑන්ඩ්ස්.

A day in the life 

ජීවිතයෙන් දවසක් .

Read More

Male and Female .

"Male" සහ "Female" වචන දෙකේ නොදන්නා ඉතිහාසය
​අපි හැමෝම දන්න "Male" සහ "Female" කියන වචන දෙක දැක්කම අපිට හිතෙන්නේ "Male" කියන වචනයට ඉදිරියෙන් "Fe" කෑල්ලක් එකතු වෙලා "Female" හැදුණා කියලයි. හැබැයි භාෂා ඉතිහාසය (Etymology) පරීක්ෂා කරද්දී පෙනී යන්නේ මේ වචන දෙකේ උපත හා මාර්ග දෙකක් බවයි!
​මෙන්න ඒ අපූරු කතාව:
​1. "Male" වචනය ආ හැටි
​මෙය බිහිවෙන්නේ ලතින් භාෂාවේ "masculus" කියන වචනයෙන්. එහි අර්ථය "පිරිමි සත්වයා" යන්නයි. පසුව එය පැරණි ප්‍රංශ භාෂාවේ "masle" ලෙසත්, පසුව "mâle" ලෙසත් වෙනස් වෙමින් ඉංග්‍රීසි භාෂාවට "Male" ලෙස එකතු වුණා.
​2. "Female" වචනය ආ හැටි
​මෙය "Male" වචනයෙන් බිහිවූවක් නෙවෙයි. මෙහි මුල් ලතින් වචනය වන්නේ "femella" යන්නයි. එහි තේරුම "තරුණිය" හෝ "කුඩා ස්ත්‍රිය" යන්නයි. මෙය ඉංග්‍රීසි භාෂාවට ආවේ ප්‍රංශ භාෂාවේ "femelle" කියන වචනය හරහායි.
​3. වෙනස් වුණේ කොහොමද?
​14 වන සියවසේදී ඉංග්‍රීසි ලේඛකයන් "Male" සහ "Femelle" කියන වචන දෙක එකිනෙකට පටහැනි අර්ථ දෙන නිසා, ඒවායේ ලියන රටාව සමාන විය යුතුයි කියා තීරණය කළා. ඒ අනුව "Femelle" යන අක්ෂර වින්‍යාසය "Female" ලෙස වෙනස් කළා. පෙනුම සමාන වුණාට මේ වචන දෙකේ පරම්පරාවන් දෙකක්!
​Man සහ Woman වුණේ කොහොමද?
​පැරණි ඉංග්‍රීසි වල "Man" කියන්නේ පොදුවේ ඕනෑම මනුෂ්‍යයෙකුටයි.
​පිරිමියා හැඳින්වූයේ "Werman" (Werman = Man) ලෙසයි.
​කාන්තාව හැඳින්වූයේ "Wifman" (Wifman = Woman) ලෙසයි.
​පසුව "Werman" කියන වචනය නැතිවී ගොස් පිරිමියාට "Man" යන පොදු නාමය ඉතිරි වූ අතර, "Wifman" යන්න කාලයත් සමඟ "Woman" බවට පත් වුණා.
​ මේ වගේ අමුතු තොරතුරු දැනගන්න දිගටම අපිත් එක්ක එකතු වෙලා ඉන්න!
​#LanguageHistory #EnglishEtymology #MaleAndFemale #Facts #Linguistic #HistoryOfWords #NomadDiaries

#NomadDiaries

A day in the life 

ජීවිතයෙන් දවසක් .

Read More

කුල මානය සහ හීන මානය.

කළුතර - මතුගම පමණක් තියෙන කුලයක් තියෙනවා.
එහි නම "දෙමල ගස්තර".
මේ කුලය කුල ශ්‍රේණිගත කිරීම් හි අඩියේ තියෙන කුලයක්.
මේ කුලයේ අය ජීවත් වෙන්නේ කළුතර මතුගම පමණයි.
මම කුල පද්ධතිය විශ්වාස කරනා හෝ ඒ ගැන අඹමල් රේණුවක දැනුමක් ඇති හෝ හැදෑරීමක් කළ අයෙකු නෙවෙයි.
මම දැනට මා ජීවත් වූ ජීවිත කාලය පුරාම කුල පද්ධතිය, ඒ නිසා සිදුවන නොකටයුතුකම් පහත් කරමින් කතා කළ, ඒවා අවඥාවට ලක් කළ පුද්ගලයෙක්.
කුල පද්ධතිය අප කලාපයේ පමණක් ඇති ගෝත්‍රීක බෙදීමක් ලෙස දැකපු පුද්ගලයෙක්.
තාමත් ඒ අදහසේ වෙනසක් නැහැ.
නමුත් මට මගහැරුනු තැනක් තමයි ජීවිත කාලය පුරාම මිනිහෙක් හෝ ගැහැණියක් තමන් අඩු කුලයේ බව දැනගෙන ජීවත් වෙද්දී ඔවුන්ට ගොඩනැගෙන හීනමානය.
මේ හීනමානය නිසාම ඔවුන් ඉතාම සමාජ විරෝධි, විනාශකාරීන් බවට පත් වෙනවා.
ඔබ සමාජයේ ඔය රැඩිකල් කියනා මතධාරීන් අධ්‍යනය කරන්න.
බොහෝ විට ඔවුන් හේතු තුන හතරක් නිසා පීඩාවට ලක් වූ මිනිසුන්.
එකක් කුලය. එහෙම නැත්නම් දරිද්‍රතාවය. එසේ නැත්නම් රූපය.
ඔබ ඔය ෆේස්බුක් එකේ සමාජය, සංස්කෘතිය විනාශ කරන්න උත්සාහ කරන හෝ ඉන් එහා ඒ වෙනුවෙන් කතා කරන මිනිස්සු අධ්‍යනය කරන්න.
ඔවුන් ඉන්නේ අඳුරු කලාපයක.
ඔබ බලන්න ගුරුවරුන්ට සාරිය එපා කියමින් සටන් වදින රැඩිකල් කාන්තාවන්.
ඔබ බලන්න ඉතිහාසය අමු අමුවේ විකෘති කරන යූටියුබ්කරුවන්.
වැඩිය උවමනා නැහැ. එක්තරා රැඩිකල් පුද්ගලයෙකු සිටිනවා. මට මතකයි එක තැනක ඔහු කිව්වා ඔහුට පොඩි කාලයේ කන්න තිබුණේ නැහැ.
ඒ නිසා ඔහුට සල්ලි ආවට පස්සේ ඔහු අසීමිතව කෑවා කියලා.
ඒ තමයි මිනිස්සු 'ඇරියස්' කවර් කරන හැටි.
ඔවුන්ගේ මූලික අදහස්, ක්‍රියා, අරගලයම බැඳීලා තියෙන්නේ සමාජ වෛරයක් උඩ.
ඉතා සුලුතර පිරිසක් මේ අඳුරු කලාපයේ ඉපදී සිටියත්, පසුව ජීවිතය ගොඩනගාගෙන ආලෝකයට පැමිණෙනවා.
ඔවුන් සමාජයට වෛර කරන්නේ නැහැ.
නමුත් බහුතරය, ඔවුන් ජීවිතයේ එක් පැත්තකින් සාර්ථක වූවත් අර හීනමානය සහ වෛරය විසින් ඔවුන් මෙහෙයවනවා.
වික්ටර් අයිවන් 1971 කැරැල්ලෙන් ඉවත් වී පසුව ඒ ගැන පොතක් ලිව්වා.
1971 කැරැල්ලේ කුල පසුබිම ගැන. එහිදී ඔහු 71 කැරැල්ලට සහභාගී වූ ජවිපෙ නායකයන්ගේ කුල පසුබිම සාකච්ඡා කරනවා.
එමෙන්ම කැරැල්ලට වැඩිපුරම පිරිස් සහභාගී වූ ප්‍රදේශ වල කුල සංයුතිය සාකච්ඡා කරනවා.
කැරැල්ලට සහභාගී වූ අති බහුතරය සමාජයේ පීඩිත, ඊනියා ශ්‍රේණිගත කිරීම් හි පහත් යැයි සම්මත කුල.
වික්ටර් අයිවන් තර්ක කරන්නේ 1971 කැරැල්ල එවැනි පීඩිතයන්ගේ හීනමාන සංතෘප්ත කර ගැනීමේ අරගලයක් මිසෙක, ජාතික අරමුණක් වෙනුවෙන් කළ පුළුල් අරගලයක් නොවන බව.
දමිල සමාජයේ ගොඩනැගුනු කොටි සංවිධානයෙත් පසුබිම, කුලය.
නැවත මාතෘකාවට ආවොත් දෙමල ගස්තර කුලය ගැන මා දැනගන්නේ දින දෙකකට පමණ පෙර.
මේ ආණ්ඩුව විශාල වශයෙන් දමිල ගස්තර කුලයේ පිරිස් ඔවුන්ගේ කුලය නිසාම රාජ්‍ය ආයතන වල ඉහළ තනතුරු වලට පත් කරනවා.
දැනට මේ කුලයේ ඉහළම සාමාජිකයා මාලිමාව නියෝජනය කරන නියෝජ්‍ය ඇමැතිවරයෙක්.
මගේ තර්කය මිනිස්සු දේශපාලනය කරන්න ඕන ජාතික අරමුණකට.
ජාතික දැක්මකට, නව අදහස් වෙනුවෙන්.
කවුරුන් හෝ තමන්ගේ පුද්ගලික ජීවිතයේ ඇරියස් කවර් කිරීමට දේශපාලනය කරලා, රටේ බලය ගත්තොත් රට එතැනින් නතර වෙනවා.
ඔවුන් එතැන් සිට දේශපාලනය කරන්නේ දැක්මක් වෙනුවෙන් රට ගොඩනගන්න නෙවෙයි.
මුලු ජීවිත කාලයේම තමන්ට මග හැරුණු ආතල් ගන්න සහ තමන්ගේ හීනමාන සංතෘප්ත කර ගැනීමට නිසා.
අද ලාල් කාන්තලාට, සමන්ත විද්‍යාරත්නලාට වෙලා තියෙන්නේ ඒක.
තමන් නිර්ධන පන්තියේය කියලා දේශපාලනය කරපු ඔවුන්, අද ඔවුන්ගේම හීනමාන විසින් ගිලගෙන තමන් එසේ නොවන බව රටට පෙන්වීම මූලික වැඩේ කරන්.
ඔවුන්ට එදා කතා අමතක වෙලා හෝ ඒවා අද 'රිග්‍රෙට්' කරනවා.
ඔවුන් උපයන ධනය අයතා වත්කම් බව බබෙක් නොවන ඕනෑම අයෙකුට තේරෙනවා.
නමුත් හීනමාන වෙනුවෙන් ඔවුන් දිගටම උපයනවා. ගෙවල් හදනවා.
රටේ වැඩක් කරන්නේ හෝ කෙරෙන්නේ නැහැ.
අද ඇමතිලා, නියෝජ්‍ය ඇමතිලා ව්‍යාපාරිකයන් ඉදිරියේ දෙකට නැවෙන්නේ, දිනපතා ඔවුන් එක්ක බොන්නේ අර හීනමාන නිසා.
ඔවුන් හිතනවා 'කළින් හිටපු ඇමතිලත් මෙහෙම තමයි කළේ. අපිත් උන්ගේ තත්තවයට එන්න ඕන' කියලා.
ඉතින් ඔවුන් කොළඹ ව්‍යාපාරිකයන්ගේ කරට අත දාගෙන බොනවා.
ව්‍යාපාරිකයන් ඔවුන් අල්ලේ නටවනවා.
ඔබ දැකලා තියෙනවද කොළඹ ව්‍යාපාරිකයෙක් මේ ආණ්ඩුව විවේචනය කරනවා ?
නැහැ.
මේ ඩීල් එකක් දාගන්න පහසුම ආණ්ඩුව.
ඉස්සර ඔබට ඩීල් එකක් දාගන්න උවමනා නම් මිලියන පහක් - දහයක් විසි කරන්න වුණා.
ඇමතිගේ සම්බන්ධීකරන ලේකම්ගේ ඉදලා ෆෝන් එක හැන්ඩ්ල් කරන PA ට පවා වාත වෙන්න වුණා.
මම කියන්නේ ඒක හරියි කියලා නෙවෙයි.
නමුත් අද ඔබට ඩීල් එකක් දාගන්න උවමනා බ්ලැක් ලේබල් බෝතලයක් සහ කොළඹ කොහේහරි අපාර්ට්මන්‍ට් එකක් විතරයි.
ඒ නිසාම එදාට වඩා බොහෝ ගුණයකින්, හැම කුඩා ටෙන්ඩරයකටම සහ රාජ්‍ය මිලදී ගැනීමකටම අද ඩීල් එකක් වැටෙනවා.
වෝටර් බෝර්ඩ් එකේ කෙමිකල් ටිකේ ඉඳලා, බාල ගල් අගුරු ගේන්න, ඉන්දියාවෙන් ගේන හාල් ටිකට, ප්ලග් බේස් එකට පවා ඩීල් වැටෙනවා.
ඔබ බලන්න ඒ කාලේ පාර්ලිමේන්තුව.
මේ තමයි ඉතිහාසයේ වැඩිම පිරිසක් 'කෝට්' අඳින ආණ්ඩුව.
නමුත් මේ තමයි වැඩිම පිරිසක් පාර්ලිමේන්තුවට එන්න පෙර 'කෝට්' නොඇඳපු මිනිස්සු හිටපු ආණ්ඩුව.
ඒවා සියුම් හීනමාන.
මේ ආණ්ඩුවේ සියලූම දෙනා ඉංග්‍රීසි කතා කරන මිනිස්සුන්ට බයයි. ඔවුන් කෙරෙහි සියුම් ගරුත්වයක් තියෙනවා.
මේ ආණ්ඩුවේ සියලූම දෙනා මිනිස්සු තමන් මුන ගැහෙන්න එන වාහනය දිහා බලනවා. ඔවුන් වාහනයට බයයි.
ඒවා ජාතික තලයේ දි රටක් විනාශ කළ හැකි මානසිකත්වයන්.
මාලිමාවේ කණ්ඩායම බලන්න.
අපි ජේවිපි මිනිස්සු අමතක කරමු.
ඔබ ගන්න ඔවුන්ගේ ඉහළම, ඔවුන් ශිෂ්ඨ කියලා මාකට් කරන චරිත දෙක.
අගමැති හරිනි අමරසූරිය. හරිනි කොළඹ කාන්තාවක්.
හැබැයි ඇය පුද්ගලික හේතුවක් නිසා කොළඹ සමාජයේ කොන් වෙලා හිටපු, 2019 දිත් නැති වෙච්ච පූසො ගැන පෝස්ට් ශෙයා කර කර හිටපු කෙනෙක්.
දෙවැන්නා අධිකරන ඇමති හර්ෂන නානායක්කාර. නීතිඥයෙක්.
හැබැයි නීතිඥ සමාජයේ තුන්වෙනි ස්ථරයේ නීතිඥයෙක්.
කළින් ආණ්ඩු වල හිටියේ ජී. එල් ලා. විජේදාස රාජපක්ෂ ලා, අලි සබ්‍රි ලා. නීතිඥ ක්ෂේත්‍රයේ ඉහළම ඉඳපු කට්ටිය.
හර්ෂන ලා ඒ පීරමීඩයේ බොහෝ පහත හිටියේ.
අද ඔහු අධිකරන ඇමති. ඔහු එයට සැබැවින්ම සුදුසුද ?
අනුර කරුණාතිලක. PhD එකක් නැතිව විශ්ව විද්‍යාලයේ උගන්වපු මිනිහෙක්.
මාලිමාවේ 159 දෙනාගේ සුදුසුකම් එකින් එක පරීක්ෂා කරන්න.
ඔවුන්ගේ පසුබිම, ඔවුන් මේ තනතුරු වලට එන්න කළින් ඔවුන්ගේ ක්ෂේත්‍රයේ ඔවුන් කොතරම් 'ඉහළ' ඉඳපු පිරිස් ද කියලා හොයලා බලන්න.
ඔවුන් සියලූම දෙනාම තමන්ගේ ක්ෂේත්‍ර වල පහලම අඩියේ සිටි පිරිස්.
කළින් ආණ්ඩු වල ත්‍රාඩයො හිටියා.
මර්වින් සිල්වා ලා හිටියා.
හැබැයි ඒ ආණ්ඩු පාලනය කළේ, විෂන් එක හැදුවේ, තින්ක් ටෑන්ක් වුණේ වෙන පිරිසක්.
ඔවුන් ඔවුන්ගේ ක්ෂේත්‍ර වල ඉහළටම ගියපු, බුද්ධිමත්, වැදගත් මිනිස්සු.
මේ ආණ්ඩුවේ විශේෂත්වය මේ ආණ්ඩුවේ 159 ම අඩු වැඩි වශයෙන් මර්වින් සිල්වා ලා.
මර්වින් මෙන් ගහේ බඳින්න නොයන පිරිස් පවා චින්තනයෙන් මර්වින් සිල්වා ලා.
අද රට නැවතිලා තියෙන්නෙත්, මාලිමා ආණ්ඩුව මුහුණ දෙන ප්‍රධාන දේශපාලනික අර්බුධයත් ඒක.
මාලිමාවේ ජාතික දේශපාලනයම ගොඩනැගිලා තියෙන්නේ මිනිස්සු කණ්ඩායමකගේ පුද්ගලික හීනමාන සංතෘප්ත කර ගැනීම වෙනුවෙන්.
ඔවුන්ට කාලයක් නොලැබුනු පිළිගැනීම, මුදල් ඉපැයීම වෙනුවෙන්.
ඔවුන්ට කාලයක් බොන්න බැරිවුනු විස්කි බොන්න, කාන්තාවො එක්ක නිදාගැනීම වෙනුවෙන්.
ආණ්ඩුවේ මූලික වැඩේ ඒක.
ඔවුන්ට වෙනත් ජාතික දැක්මක්, ජාතික අදහසක් නැහැ.
මාලිමාවට තමව දිට්වා කුණාටුවෙන් හානි වෙච්ච පාරවල් ටික හදාගන්න බැරි ඒකයි.
හැබැයි ඔවුන් කොළඹ ව්‍යාපාරිකයන්ට දෙවරක් එකම බිලට මුදල් ගෙවීමට මුදල් තිබෙනවා.
මේ අවුරුදු පහ ශ්‍රී ලංකාවට අපතේ යන, කිසිම වැඩක් නොකරෙන, එක තැන පල් වෙන හෝ පසුපසට යන අවුරුදු පහක්.
අවම වශයෙන් එතැනින් නතර වුනොත් ඇති. මේ කට්ටිය ඔවුන්ගේ මට්ටමේ අලුත් පාරකට රට දැමුවහොත් ශ්‍රී ලංකාවට නැවත ගොඩ ඒමක් නැහැ.

- සචින් රත්වත්ත 

- 2026.04. 29

A day in the life 

ජීවිතයෙන් දවසක් .

Read More

මැයි දිනය.

ක්‍රි. ව. 1880 දශකයේ මැද භාගය වන විට ඇමෙරිකාවේ කම්කරුවන් දිනකට පැය 10-12ක් වැඩ කළ අතර, ඊට එරෙහිව කම්කරුවන් උද්ඝෝෂණ හා වැඩවර්ජනවල නිරත වන විට ව්‍යාපාරිකයන් එම විරෝධතා මැඬපැවැත්වීමට ස්ට්‍රයික් බ්‍රේකර්ලා (වැඩ වර්ජන බිඳින්නන්) සහ පෞද්ගලික ආරක්ෂකයන් යොදා ගත්හ.

මෙවැනි පසුබිමක් තුළ 1886 මැයි 1 දින ඇමෙරිකා එක්සත් ජනපදය පුරා කම්කරුවන් පැය 8ක වැඩ මුරයක් ඉල්ලා වැඩ වර්ජනයක යෙදුණු අතර, විශේෂයෙන් චිකාගෝහි හේමාකට් චතුරස්‍රය පුරා පමණක් 40,000ක පමණ කම්කරුවන් පිරිසක් එදින විරෝධයට සහභාගිවී සිටියහ. මැයි 3 දින වන විට මැකෝමික් අස්වනු යන්ත්‍ර කම්හල ඉදිරිපිටදී පොලිසිය විසින් වැඩ වර්ජනකරුවන් වෙත වෙඩි තබා ඇති අතර, එමගින් අවම වශයෙන් කම්කරුවන් 2 ක් මියගියහ. ඒ සමගම මැයි 4 පොලිස් ප්‍රචණ්ඩත්වයට විරෝධය දක්වමින් හේමාකට් චතුරස්‍රයේ සාමකාමී රැස්වීමක් කැඳවනු ලැබීය. එයට 3,000ක් පමණ සහභාගි වූ අතර, චිකාගෝ නගරාධිපතිවරයා පවා එය සාමකාමී බව පවසා පිටව ගියේය. පසුව පොලිසිය පැමිණ රැස්වීම විසුරුවාහරින ලෙස නියෝග කළේය. එවිට හඳුනා නොගත් කෙනකු විසින් පොලිස් නිලධාරීන් පිරිසක් මත ඩයිනමයිට් බෝම්බයක් විසි කරන ලදී. එය පිපිරීමෙන් පසු පොලිසිය විසින් පිරිස වෙත අහඹු ලෙස වෙඩි තැබූ අතර, එමගින් පොලිස් නිලධාරීන් 7 ක් (තවත් 60ක් තුවාල ලැබූහ) සහ සිවිල් වැසියන් 4 – 8 දෙනකු පමණ මියගියහ.

බෝම්බය විසි කළ තැනැත්තා කිසිදා හමු නොවූ නමුත්, අරාජකවාදී නායකයන් 8 දෙනකු “කුමන්ත්‍රණයකට” චෝදනා කර වරදකරුවන් කරන ලදී. මෙම නඩු තීන්දුව කෙතරම් ඛේදවාචකයක් වීද කියතොත්, ඔවුන්ගෙන් සමහරෙක් එදින එහි සිටියේවත් නැත. ඉන් 4 දෙනකු 1887 නොවැම්බර් 11 වැනිදා එල්ලා මරා දමන ලදී.

මේ අසාධාරණය සිදුවී වසර 3ක් ගිය තැන එනම් 1889 පැරිසියේදී ෆෙඩි්‍රක් එංගල්ස්ගේ නායකත්වයෙන් පවත්වන්නට යෙදුණු දෙවන ජාත්‍යන්තරය විසින් මෙම සිදුවීම සිහි කිරීම සඳහා මෙතැන් සිට සෑම වසරකම මැයි පළමු වෙනිදා ජාත්‍යන්තර කම්කරු දිනය ලෙස ප්‍රකාශයට පත් කළේය.

- දිවයින .

අප්රේල් 29.

A day in the life 

ජීවිතයෙන් දවසක් .

Read More