පස් පියුම් සුසැදි නිල් වනපෙතින්
පියාඹා
හිමව් ගිරි අරණ හැර අහස් කුස
සිසාරා
උකුසු ඇස යොමන්නෙමි සැබෑ ප්‍රේමය
සොයා
විශ්වයේ සත්සරට සවන් දී නෙතු
අයා.
ප්‍රිය සොඳුරියගෙ ඩහදියෙන් රස කර
සැදූ
බත් පතින් වෙන ළඳක හා සුරතල්
ලැබූ
ලැගුම්හල් රහස් සුව පතා සිත නිති
යෙදූ
දයාබර සැමියන්ගෙ වෙස් මුහුණු නෑ
අඩු .
සයුරු තෙර ,මල් උයන් කියන සුන්දර
කතා
අසන්නෙමි ; හැඳින්නෙමි අසංවර පෙම්
කතා
මුහුණු පොත වැළඳ ගත් උමතු රාගය
පතා
මත් බිඟුන් බාඳුරා මලට රැවටී
යතා .
තමා සතු මල් උයන් වල් වැදෙනු බල
බලා
අනුන් සතු කඩුපුලට වශී වෙයි මනු
සතා
හැරෙමි ආපසු ,මෙවන් ලොවක් කුමටද
සිතා
අසපුවක් බඳු පැලක් දිටිමි ,මනරම්
ඉතා.
කාලයේ පින්තාරු ලකුණු සටහන්
කෙරූ
පිල් කඩේ ගැහැණියකි ;ඔහු ළයේ හිස
හෙවූ
නිහඩවම ,නැගෙන පුර හඳ එළිය තනි
මැකු
අසිරිමත් ප්‍රේමයක් දුටිමි දෙහදක්
වෙලූ.
No comments:
Post a Comment