ක්‍රිස්තු පූර්ව 400 ශීතකරන

ක්‍රිස්තු පූර්ව 400 පමණ ජීවත් වූ අතීත මිනිස්සුත් "ශීතකරන" පාවිච්චි.කරලා තියෙනවා කියලා කිව්වොත් ඔබ ඒක විශ්වාස කරනවද?

විදුලිය සොයා ගැනීමටත් බොහෝ කාලයකට පෙර සිටි පර්සියානු (වර්තමාන ඉරානය) ජනයා "ශීතකරන" භාවිතා කරලා තියෙනවා. පර්සියානු බසින් මේවා "යක්චාල්" ලෙස හැඳින්වෙනවා. යක්චාල් යන්නෙහි තේරුම 'අයිස් වළ' යන්නයි.

වාෂ්පීකරණ සිසිලනකාරකයක් ලෙස ක්‍රියා කරන මේ ශීතකරණ ව්‍යුහය පොළවට ඉහළින් ගෝලාකාර හැඩයක් සහ භූගත ගබඩාවක් ලෙස කොටස් දෙකකින් සමන්විතයි. ඒ වගේම ඝන තාප ප්‍රතිරෝධී ඉදිකිරීම් ද්‍රව්‍ය වලින් භූගත අවකාශය හොඳින් පරිවරණය කර තිබෙනවා. මේ ගබඩා තුල ආහාර ද්‍රව්‍ය මෙන්ම අයිස් ද ගබඩා කර තිබූ බව සඳහන් වෙනවා.

මේ යක්චාල් ඉදිකර තියෙන්නේ බොහෝවිට කාන්තාර තුලයි. කාන්තාර දේශගුණයේ අඩු ආර්ද්‍රතාවයෙන් ජලය වාෂ්පීකරණය ප්‍රවර්ධනය වීම ඊට හේතුවයි. ඒ වගේම හිරු බැස ගිය පසු වාතයේ සිසිලන වේගයත් අනෙක් ගොඩබිම් ප්‍රදේශ වලට වඩා කාන්තාරයේදී වේගවත් වෙනවා. ඉහළ උන්නතාංශ වල පිහිටා ඇති සමහර කාන්තාර ප්‍රදේශවල රාත්‍රියේදී උෂ්ණත්වය හිමාංකයට වඩා පහත වැටෙනවා.

මේ වාෂ්පීකරණ සිසිලන පද්ධතිය ක්‍රියාත්මක වූයේ උල්පත් වලින් qanats නම් විශේෂ ජල මාර්ග හරහා ගෙන එන ජලය හරහා යි. මේ ජලය යක්චාල් අසලදී තටාක වලට එකතුවෙන අතර ශීත සෘතුවල රාත්‍රි කාලයේදී මේවා අයිස් බවට පත් වෙනවා. පර්සියානුවන් මේ අයිස් යක්චාල් තුල ගබඩා කරනවා. උණුසුම් කාලවලදී නම් අවට ඇති අයිස් කඳු වලින් අයිස් කඩා ගෙනවිත් තැන්පත් කරන්නත් ඔවුන් කටයුතු කරලා තියෙනවා.

යක්චාල් ඉදිකරලා තියෙන්නේ "සරූජ්" නම් අද්විතීය ජල-ප්‍රතිරෝධී බදාමයකින් වන අතර එය වැලි, මැටි, බිත්තර සුදුමද, අලුහුණු, එළු ලොම් සහ අළු නිශ්චිත අනුපාතයකින් යොදාගෙන සකස් කරලා තියෙනවා. ඒ බදාමය තාප හුවමාරුවට ප්‍රතිරෝධී වෙනවා වගේම සම්පූර්ණයෙන්ම ජලයට ද ප්‍රතිරෝධී වෙනවා. මේ කේතු හැඩැති ව්‍යූහය සාමාන්‍යයෙන් මීටර 18ක් පමණ උසයි.

මේ නිර්මාණය අතීත පර්සියානු ඉංජිනේරු ශිල්පයේ විශිෂ්ටත්වය ලෝකයට කියාපානවා.

අතීත මිනිසුන් ඔවුන්ගේ තාක්ෂණය තුල සොබාදහම ඉක්මවා නොයමින් සොබාදහමෙන් වැඩ ගන්නෙ කොහොමද කියලා අපිට හරි අපූරුවට පෙන්නලා දීලා තියෙනවා කියලා මේක දැක්කම හිතෙනවා නේද?

Chathranga Priyadarsana

meta.

A day in the life

රම්මල කන්ද

හම්බන්තොට ඇති තෙත් කළාපය

රම්මල කන්ද

හම්බන්තොට දිස්ත්‍රික්කයේ බටහිර ගිරුවා පත්තුවේ වලස්මුල්ල ප්‍රාදේශීය ලේකම් කොට්ඨාසයේ පිහිටි රම්මල හෙවත් රන්මලේ කන්ද පිහිටා තිබෙන්නේ. තංගල්ල නගරයේ සිට කිලෝ මීටර 34ක් දුරින්. මාතර සිට කිලෝ මීටර 52ක් දුරයි. විතාරන්දෙණිය, වීරකැටිය, කොටබෝධිය හරහා ජුලම්පිටිය පාරේ පැමිණ රම්මල් කන්ද පාමුලට එන්න පුළුවන්. කන්ද උසින් අඩි 2700ක් දක්වා පැතිර යනවා. කඳු අඩවිය විශාලත්වයෙන් වර්ග කිලෝ මීටර 268ක් වෙනවා. හම්බන්තොට දිස්ත්‍රික්කයේ උස ම තැන වන්නේ ද මේ කඳු මුදුන යි. රම්මල් කන්ද වටා පිහිටි පරිවාර කඳු ලෙස දෙනිය කන්ද, කරවිල කන්ද, මැද කන්ද, බෙංගමු කන්ද, හුළං කන්ද වේගිරිය කන්ද සැලකිය හැකි යි. එහි විශාලත්වය අක්කර 2000ක් පමණ වෙනවා.

11-12 සියවස්වලදී මේ අවට නිතර යුදගැටුම් සිදුවුණු අතර රණ මල යන්න පසුව රන්මල වූ බවට මතයක් පවතිනවා. කැලෑවෙන් වැසුණු කන්ද යන අරුතින් රන්මල වූ බව තවත් අදහසක්.



තෙත් කලාපයේ ගස්වැල්
හම්බන්තොට කියන්නේ නිතර ඉඩෝරයෙන් බැටකන ශුෂ්ක කලාපයට අයත් ප්‍රදේශයක්. නමුත් මේ දිස්ත්‍රික්කයේ පිහිටි නිවර්තන තෙත් වනාන්තරයක් තමයි රම්මලේ කන්ද කියන්නේ. වැඩි දෙනකු නොදැන සිටියත් මෙහි දැක ගත හැක්කේ තරමක සිසිල් දේශගුණයක්. මැයි සිට සැප්තැම්බර් දක්වා නිරිතදිග මෝසමින් ද නොවැම්බර්- දෙසැම්බර් මාස දෙකේ ඊසානදිග මෝසමින් ද මේ ප්‍රදේශයට වර්ෂාව ලැබෙනවා.
පහතරට නිවර්තන කලාපයේ වැවෙන හොර, බක්මී, මල්බුරුත, කුඹුක්, ඉඳි, කැකුණ, අංකෙන්ද, කිතුල් ආදී ශාක වර්ග රාශියක් මේ වනපෙතේ වැවෙනවා. වෙනිවැල්, කුඩුමිරිස ඇතුළු ඖෂධීය වැල් වර්ග රාශියක් ද දැකගත හැකි යි. රම්මල කඳුවැටියෙන් ආරම්භ වන සපුගහදොළ, බිසෝඇල්ල පිගලැල්ල දොළ ආදි දොළ මාර්ගවලින් කිරම ආර පෝෂණය වෙනවා. එහි ප්‍රධාන ජල පෝෂක ප්‍රදේශය වන්නේ රම්මල රක්ෂිත වනය යි.
ඉතිහාස පුවත්

මහාවංශයේ රම්මල කන්ද සඳහන් වන්නේ “සුවණ්ණමලය”නමින්. මේ ප්‍රදේශය ලංකා ඉතිහාසයේ මුලින් ම සඳහන් වන්නේ පළමුවන විජයබාහු රජ දවස යි. කුඩා කාලේ විජයබාහු කුමරු හා ඥාතීන් සතුරු සේනාවලින් ආරක්ෂාවීමට රම්මල අඩවියේ රෙමුණ හෙවත් සිත්නරු බිම් ප්‍රදේශයේ බුදල්නාවන් නම් පුද්ගලයාගේ රැකවරණය ලැබූ බව පනාකඩුව සන්නසේ සඳහන් වෙනවා.



සිත්තම් ගල්ලෙන

පළමුවන පරාක්‍රමබාහු රජ සමයේ සුගලා බිසව සමඟ පැවති සටන්වලදී රම්මල අඩවියේ කඳවුරු කිහිපයක් ම පිහිටුවා ගත් බව මහාවංශය සඳහන් කරනවා. මාවරල, බෙරලපනාතර, ඌරුබොක්ක, පුවක්දණ්ඩාව, බෝවල, කටුවන ආදී ස්ථාන නාමවලින් ඒ බව පැහැදිලි වෙනවා. රම්මල කන්ද ආශ්‍රිත ව සිත්තම් ගල්ලෙන, කටුවන ශ්‍රී මහා විහාරය, අඹගහහෙන් පුරාණ විහාරය ඇතුළු පැරණි විහාර කිහිපයක් ද දැකගත හැකි යි.
විජයබාහු කුමරු රම්මලේ කන්දේ “රෙමුණුගල කඳවුර” බැඳි බව සඳහන් වෙනවා. රම්මලට ආසන්නයේ ඇති බෝවලදී විජයබාහු කුමාරයා” ,“ලොකේෂ්වර” සමඟ යුද කොට ජය අත්පත් කර ගත් බව ද මහාවංශය විස්තර කරනවා.
බුද්ධ වර්ෂ 2234 වැන්නෙහි ලියූ “කොලවෙනිගම විහාර සන්නසේ සඳහන් වන්නේ දන්ත ධාතුව ටික කලක් රම්මලේ කන්දේ සඟවා පැවති බවයි. “බියට පත් මහ සඟන දන්ත ධාතූන් වහන්සේ ප්‍රධානව වස්තූන් ද ගෙන රහසින්ම කොලවින්න විහාරය අතහැර වන වැදී මහ හිමයන් පසු කර රෝහණ දේශය බද රංමලේ නමැති ගිරට පැමිණ එහි වූ ගුහාවක දන්ත ධාතූන් වහන්සේ සඟවා තබා….” යන පාඨයෙන් ඒ බව පැහැදිලි වෙනවා.

ස්තුතිය ' පහ දිනන හපන්නු

Manel Abeysinghe

A day in the life

පන් පැදුර

 

මහගෙදර කුස්සියේ පැදුරු ආනක තිබුණු
රටා පැදුරක් අරන් දිග අරින්නෙමි සොඳින්
රතුපාට සුදුපාට ජ්‍යාමිතික හැඩ මවන
රමණීය පන් පැදුර මගේ ඇස ගැටෙනවා .

මිටි බංකුවේ හිඳ යොදා කඩිසර දෑත

වකුටු වී නැමීගෙන රෑපුරා නිදි වරා

නිදි කුමාරිගෙ ඉඳන් කියූ රස ජන කතා

පන් ගහක් ගානේම තැවරිලා තියෙනවා .

අත්තම්මගේ සුමුදු පන් පැදුරෙ නිදියන්ට

පොරකාපු දඟ එවුන් රටෙත් නෑ දැකගන්ට

කඳු ශිඛර තැනිතලා නිම්න හා බඩවැටි ද

පැදුර මත දිග හැරුණු අපූරුව පෙනෙනවා .

 

සැවැන්දර සුවඳ දෙන කම්බාය ඇන්දාම

උකුලෙ හිස තියාගෙන ඇස් පියං ඉන්නවා

ඔළුවෙ නිය ගගහ ඈ සෙත් පිරිත් කියනකොට

පොඩි වුන්ට පන් පැදුරෙ රස හීන පේනවා .

කාල යානය දිගේ අතීතෙට දුවනකොට

සිහිනයෙන් ගෑ සුවඳ පන් පැදුරෙ එතෙනවා

පරිගණක සිරමැදිරි අතර අපි දැවෙන කොට

බිඳුණු ලෙන්ගතු හැඟුම් හිතේ ඉකි බිඳිනවා .

 

---------රෝ.සි.

A day in the life

මඤ්ඤොක්කා වලින් කේක්.

මඤ්ඤොක්කා කියන්නෙ ඉතිං ගොඩක් රසවත් කෑමක්නෙ..පිලිකා මර්ධන හැකියාව තියනව කියල හොයාගනත් තියනවනෙ.....

ඒ හින්දා ඉතිං ......මඤ්ඤොක්කා අලේට දෙන්න තියන දස වධ ඔක්කොම දෙනව 'තම්බනව , මාලුවට උයනව , මලවනව , චිප්ස් වගේ බැදලත් කනව...

ග්ලූටන් සහිත පාන්පිටි කෑම වෙනුවට ,පිටි කරල ...පිට්ටු , රොටී , තෝස , ඉඳිආප්ප ,පීසා ඔය ඕනම දෙයක් හදන්නත් පුලුවන්නෙ හාල්පිටි ටිකක් මිශ්‍ර කරලා ...

ඒත් ඔයාල දන්නවද , පාන්පිටි නැතුව අමු මඤ්ඤොක්කා වලින් රසම රස කේක් හදන්න පුලුවන් කියල ...අපේ සමූහෙ මුල් අය නම් දන්නවා..ඒත් මේ අලුත් අයට...

හරිම ලේසී ..හරිම රසයි .. අපිටත් කියල දුන්නෙ අපේ ශානි සොයුරිය..අපිට අබිං කන්න පුරුදු කරා වගේ තමයි ඉතිං 

දැන් මඤ්ඤොක්කා පඳුරක් ගලවපු ගමන් මතකෙට එන්නෙ ...කේක් තමයි..

ඒ තරමට ඒකට ඇබ්බැහි වෙනව...

 

අපි වැඩිපුර පැණිරස කෑම ආසා නැති උනත් දරුවො ආසා දෙයක් හදල දෙන්නත් එපෑ..හැබැයි ඉතිං දීල පිරිමහන්න නම් බැහැ ..ආයෙමත් ඉල්ලයි..ඒ තරම් රසයි ...

ඔයාලත් හදල බලන්නකො ..කොහොමද කියල .....

මුලින්ම භාජනයක් අරන් සීනි මේස හැඳි දෙකක් විතර දාල කැරමල් කරල නිමෙන්න තියන්න.. කේක් හදන භාජනේම හොඳයි ....

පසුව මඤ්ඤොක්කා ග්‍රෑම් 300 ක් විතර අරන් කැරට් ගානව වගේ ගාලා ,දිය යන්න හොඳින් මිරිකල බ්ලෙන්ඩර් කප් එකට දාගන්න..ඒකටම සීනි ග්‍රෑම් 200 ක්, පොල් මිටක් ,මිටිකිරි අඬුකෝප්ප බාගයක් ,බිත්තර දෙකක් , ෆ්‍රෙෂ් මිල්ක් අඬුකෝප්ප බාගයක් ,බටර් හෝ මාගරින් මේස හැඳි දෙකක් (ඒවා නැති නම් මුඩු නැති සුදු පාට පොල්තෙල් ගන්නත් පුලුවන් )

මේ සේරම හොඳින් බ්ලෙන්ඩර් කර ගන්න ..

උකු මිශ්‍රණයක් උනාම වෙනම භාජනේකට දාල ,ඒකට වැනිලා බිංදු කීපයක් ,බේකින් පවුඩර් තේ හැඳි බාගයක් විතර දාල , හොඳින් මිශ්‍ර කරල ,මුලින් කැරමල් කරපු භාජනේට දාල අංශක 180 ට විනාඩි 45 විතර දාල කේක් එක හදාගන්න ...සමහර වෙලාවට ස්ටීම් කරල ..එහෙම නැත්නම් ලිපේ තියලත් පුලුවන් වේවි ....

මේ තියෙන්නෙ මම හදපුවා....

ඉතිං ඔයාලත් හදල බලල අපිටත් කියන්න .. කොහොමද කියල ..*ඇබ්බැහි වෙන සුලුයි *

මඤ්ඤොක්කා තියන අය හදන්න ..නැති අය කඩෙන් ගෙනල්ලා හදන්න..හැබැයි මඤ්ඤොක්කා පඳුරු කීපයක් හිටව ගන්නත් අමතක කරන්න එපා....

Ramani Senanayaka

A day in the life

බේත් හේත් එක්ක " up lifting" වචනත් කවලම් කරමු .

ඊයෙ හවස් අතේ තාත්තාව දොස්තර මහත්තයාට පෙන්නන්ඩ තිබුනනෙ. ඉතිං පහකුත් ගානට පිටත්වෙලා යන අතර මග මං ඕනවටත් වඩා කතා කර කර හිටියටමොකද වෙනදට තොරතෝන්චියක් නැතිව ගිරව් රෑනකට හරියන්න කතාකරන තාත්තා සෑහෙන්න නෙවෙයි නොසෑහෙන්න නිශ්ශබ්දයි.

මේ හවස් වරුවෙ, එක එක අසනීපවලට බේතක් හේතක් අහගන්න ආ හැම වයසකම ගැහැණුන් මිනිසුන් ළමා ලපටින්ගෙන් මේ පෞද්ගලික ඉස්පිරිතාලේ පිරිලා. තාත්තයි අම්මයි , මායි ආන් ඒ රොත්තට එකතුවෙලා බලා ඉඳිල්ල පටන් අරන් ඒ හැටි වෙලාවක් නොගිහින් අපිට දොස්තර මහත්තයව හම්බෙන්න පුළුවන් වුණා.
වෙනදාට තාත්තගෙ ලෙඩ ගැන දොස්තරටත් උගන්නන්ඩ තරම් කතාකරන අපේ තාත්තා ඊයේ ඒ පුංචි වෛද්‍ය කාමරය ඇතුලේ බොහෝම නිසොල්මනේ වාඩිවෙලා ඉද්දි ජීවිතයේ පළවෙනි වතාවට මට දැණුනා "කතා කරන මිනිසුන් "කතා නොකරන කොට දැනෙන මහා අමුතු, නුපුරුදු වේදනාව.
ආපිට එද්දි නිට්ම්බුවෙන් වම් පැත්තට හරවල ගෙදර එනවා වෙනුවට මං ඒ දෙන්නත් එක්ක අයිස් ක්‍රීම් දාපු ෆෘට් සැලඩ් කන්න ගියානේ. එතකොට මට මත්ක්වුනේම පහේ ශිෂ්‍යත්වෙ පාස් වෙලා ලොකු ඉස්කෝලෙකට යන දවසේ කොළඹ කොහේදෝ සයිවර් කඩයකින් තෝසෙ කාපු දවස...
" කන්න කන්න චූටි දුවේ, තව පොඩ්ඩක් කන්න, තව මොනවද ඕනේ?
එහෙම අහපු තාත්තාගේ ඒ දෙබසම මං ආපිට ඔහුට කියමින් හිටියා...
"කන්න කන්න තාත්තේ...තව චුට්ටක් කන්න...."
උසට උසේ කට කපලා තිබුණු අයිස් ක්‍රීම් තලියක්ම දාපු සැලඩ් වීදුරුවෙන් තාත්තා ඕන්නම් කටවල් තුනක් කන්ඩැති. මට දකුණෙන් හිටපු අපේ අම්මා ඒක බොහෝම රසවත් බවත් දැන් ආයෙ රෑට කන්න ඕනෙ නැතිබවත් කියමින් හිටිය.
කොහොමින් කොහොම වුණත් ඒ හැන්දෑවරුව
මට හරි ලස්සන මතකයක්. මං ටිකක් ඕනෙවට වඩා හිනහත් වුණා. ආපිට එද්දි පහුවෙවී යන කඩ සාප්පු දිහා බල බල එමින් හිටි අම්මයි තාත්තයි දිහා බලා ඉද්දි මට හිතුනෙම,
වරමක් ලැබුණොත්, මං "කාලය නතර කරනවා" ඒ අය නිරෝගීව සතුටින් ලස්සනටම හිටපු තැනක...
අමතක වෙන්ඩ කලින් තව බොහෝම හින්චි දෙයක් කියන්නත් තියෙනවා...
ලෙඩක් දුකක් හැදුණු දන්නා කියන මනුස්සයෙකුගේ සැප සනීප අහල දුරකථන ඇමතුමක් දෙන එක අපි සාමාන්‍යයෙන් කරන දෙයක් නේ.
හැබැයි,
ඔන්න ඔය ඇමතුම් අතරෙදි අපි ඒ හැටි හිතන්නේ නැතිව මේන් මෙහෙමත් කියනවා,
" ආං අහවලාට ඔහොම වෙලා මේන් මෙහෙම වුණානේ"
" ඕක මෙහෙමත් වෙලා ඇතිානේ. ඔය දොස්තර ගොල්ලන්ට හරියට ඕවා අහුවෙන්නේ නෑ අප්පා"
" අපේ පැත්තෙ මනුස්සයෙක් ඔහොම වෙලා ඉඳලා එකපාරට මලානේ"
" ඕවම තමා මටත් තිබුණේ, බේත් වලින් ඕක අඩුවෙයිද කියල කියන්න්ඩ බෑ අනේ"
බේතක් හේතක් වෙදකමක් විතරක් නෙමෙයි. ඕනෙම දෙයක් විශ්වාසයෙන් පටන් අරන් කරගෙන යනකොට ඒකෙන් ලැබෙන ප්‍රතිඵල ඉතාම ඉහළයි. ඒත් අපි එතරම් හිතන්නෙ නැතිව ලෙඩට දුකට පත්වෙච්ච මනුස්සයෙක්ගේ හිතට " අපි දන්න, දැනෙන, හිතෙන, අනුමාන කරන, ඇහුණු " සිතිවිලි ඇතුල් කරද්දි දෙතුන් පාරකට වැඩිය හිතන්ඩ ඕනය කියලයි මට නම් හිතෙන්නේ.
බේත් හේත් එක්ක " up lifting" වචනත් කවලම් කරොත් ඒවා මැජික් අරිෂ්ට වගේ වැඩ කරයි කියලා මට නිකමට වගේ හිතෙනවනෙ. ඔයාටත් එහෙම හිතුන වග මට සහතිකයි.
වචන හරියට දැලි පිහිය වගේ. හැඩ වැඩදාලා රැවුල කොන්ඩෙ බාලා හිතක් සතුටු කරන්න වගේම, පැත්තට තියලා ඇදලා දාලා ආත්මයක් ඔත්පල කර කර මරා දාන්නත් පුළුවන්.
සුභ දවසක් වේවා!

තුෂාරි විජේරත්න

Dove Greens Miracle Youtube Channel

2024/08/08

A day in the life

මුඛ පිළිකාවේ ලක්ෂණ

මුඛ පිළිකාවේ ලක්ෂණ සහ රෝග ලක්ෂණ

මුඛ පිළිකා යනු මුඛය සෑදෙන ඕනෑම කොටසක වර්ධනය වන පිළිකාවකි. මුඛ පිළිකා ඇතිවිය හැක්කේ කොතැනින්ද?

•  තොල්
•  විදුරුමස්
•  දිව
•  කම්මුල්වල අභ්‍යන්තර පටලය
•  මුඛයේ උඩ තල්ල
•  මුඛයේ යටි තල්ල  (දිව යට)

දුම්කොළ භාවිතය සහ අධික මත්පැන් භාවිතය ඇතුළු මුඛ පිළිකා ඇතිවීමේ අවදානම වැඩි කළ හැකි විවිධ සාධක තිබේ. මුඛ පිළිකා ඇතිවීමේ අවදානම වැඩි කරන සාධක

•  සිගරට්, සුරුට්ටු, පයිප්ප, හපන දුම්කොළ සහ දුම්කොළ ඇතුළු ඕනෑම ආකාරයක දුම්කොළ භාවිතය
•  අධික මත්පැන් භාවිතය
•  ඔබේ තොල්වලට අධික හිරු එළියට නිරාවරණය වීම
•  ලිංගිකව සම්ප්‍රේෂණය වන වෛරසයක් වන මානව පැපිලෝමා වයිරසය (HPV) )
•  දුර්වල වූ ප්රතිශක්තිකරණ පද්ධතියක්.

මුඛ කුහරය සහ ඔෙරෆරින්ජියල් පිළිකා වර්ධනය වීමේ ජීවිත අවදානම පිරිමින් සඳහා 60 න් 1 ක් සහ කාන්තාවන් 140 න් 1 ක් පමණ වේ. මේ නිසා, ඔබ රෝගයේ ලක්ෂණ සහ රෝග ලක්ෂණ දැනගැනීම වැදගත් වේ.
මුඛයේ පිළිකා රෝග ලක්ෂණ
සුව නොවන තොල් හෝ මුඛයේ තුවාලයක්. සති දෙකකට වඩා වැඩි කාලයක් පවතින යම් නොනවතින රෝග ලක්ෂණ සහ රෝග ඇත්නම් ඔබේ වෛද්‍යවරයා හෝ දන්ත වෛද්‍යවරයා හමුවන්න.

A day in the life

Queen Farida

ෆරීඩා රැජිනගේ සහ ඊජිප්තුවේ ෆාරුක් රජුගේ විවාහය සැබවින්ම සිත් ඇදගන්නා සුළු කතාවක්. නමුත් එය ඔවුන්ගේ අඳුරු හැරීමක් විය. ඔවුන්ගේ සම්බන්ධතාවය පිළිබඳ කුතුහලය දනවන කරුණු කිහිපයක් බෙදා ගැනීමට මට ඉඩ දෙන්න:

1. විශේෂ සම්බන්ධතාවය

සෆිනාස් සුල්ෆිකාර් ලෙස උපත ලැබූ ෆරීඩා රැජිනට ආරම්භයේ සිටම බලගතු සම්බන්ධතා තිබුණි. ඇගේ මව නස්ලි සබ්රි රැජිනගේ පරිවාර කාන්තාවක් ලෙස සේවය කළාය. මෙම සම්බන්ධය ඉක්මනින්ම ෆරීඩාගේ ජීවිතය සදහටම වෙනස් කලේය.

2. රෝයල් ක්‍රෂ්

1937 දී, ෆරීඩාට යන්තම් වයස අවුරුදු 15 දී, ෆාරුක් රජු මාලිගාවේදී ඇයව දුටුවේය. ඔහුට ඈ කෙරෙහි ඇතිවු ඇල්ම ඔහුගේ වරප්‍රසාද ලත් සැලැස්මකට අනුව ඔහු ෆරීඩා සහ ඔහුගේ සහෝදරියන් සමඟ පවුලේ නිවාඩුවක් සඳහා ශාන්ත මොරිට්ස් වෙත යාමට කටයුතු කළේය. ෆරීඩාගේ දෙමාපියන් විරුද්ධවු වත් එය පලක් නැති විය. එය "රාජකීය අණක්" ලෙස සැලකේ.

3. විවාහ යෝජනාව

ගමනෙන් පසු ෆාරුක්ට ෆරීඩා ගැන සිතීම නවත්වා ගත නොහැකි විය. ඔහු විවාහ යෝජනා කළේ උපකල්පිත වචන වලින් වුවද. පුදුමයට කරුණක් නම්, ෆරීඩාගේ පියා ෆාරුක් සමඟ විවාහ වීමට එරෙහිව ඇයට අනතුරු ඇඟවූයේ රජු සමඟ විවාහය අභියෝගාත්මක වනු ඇති බවට අනාවැකි පළ කරමිනි.

4. Idiot Suitor කෙනෙක්

ෆාරුක්, ඔහුගේ රාජකීය පදවිය තිබියදීත්, හරියට කටයුතු කලේ නැත. ඔහු කම්මැලියෙක් වූ අතර ඊටන් ප්‍රවේශ විභාගයෙන් අසමත් විය. ඇය රජුට පමණක් නොව ෆාරුක්ට කැමති බව ෆරීඩා දැන සිටියාය. ඔවුන්ගේ විවාහ මංගල්ල‍යට ආසන්න දිනක ඇය ප්‍රකාශ කළේ තමා ඔහුට  නොවන සමීප නොවන බවයි.

5. ඛේදජනක විවාහය

ෆාරුක්ට බොහෝ අනියම් බිරිඳක් සිටි බවත්, ෆරීඩා ගැන සැලකිල්ලක් නොදැක්වූ බවත්, ඇයව පිළිගැනීම්වලින් බැහැර කළ බවත් වාර්තා වේ. පිරිමි උරුමක්කාරයෙකු නොමැතිකම ඔවුන්ගේ විවාහ දුෂ්කරතා වැඩි කළේය. අවසානයේදී, ඔවුන් 1948 දී දික්කසාද වූ අතර, ෆාරුක්ගේ නින්දාවට හා ඊජිප්තුවෙන් පිටුවහල් කිරීමට හේතු විය.

ඔවුන්ගේ ආදර කතාව, බල අරගල සහ බලාපොරොත්තු සුන්වීම පිළිබඳ හද කම්පා කරවන කථාවක් බවට පත් විය. ෆරීඩා රැජිනගේ අත්දැකීම රාජකීය සමිතිවල සංකීර්ණතා පිළිබඳ අනතුරු ඇඟවීමේ කතාවකි.

The marriage of Queen Farida and King Farouk of Egypt was indeed a captivating tale, but it took a dark turn. Let me share some intriguing facts about their relationship:
1. Special Connection
Queen Farida, born Safinaz Zulficar, had influential connections from the start. Her mother served as a lady-in-waiting to Queen Nazli Sabri, the current consort of Egypt. This connection would soon change Farida's life forever.
2. Royal Crush
In 1937, when Farida was just 15 years old, King Farouk noticed her during a palace visit. His infatuation led to a privileged plan: he arranged for Farida to join him and his sisters on a family vacation to St. Moritz. The tensions escalated as Farida's parents resisted, but it was considered a "royal command".
3. Marriage Proposal
Farouk couldn't stop thinking about Farida after the trip. He proposed marriage, albeit couched in hypothetical terms. Surprisingly, Farida's father warned her against marrying Farouk, predicting that marriage to a king would be challenging.
4. An Idiot Suitor
Farouk, despite his royal title, wasn't exactly a catch. He was lazy, spoiled, and failed his entrance exams to Eton. Farida knew she liked Farouk the man, not just the king. On the eve of their wedding, she asserted that she wouldn't be his doormat.
5. Tragic Marriage
Farouk reportedly had numerous mistresses, showed no consideration for Farida, and excluded her from receptions. The absence of a male heir added to their marital woes. Eventually, they divorced in 1948, leading to Farouk's humiliation and exile from Egypt.
Their love story, once promising, turned into a heartbreaking saga of power struggles and disappointment. Queen Farida's experience serves as a cautionary tale about the complexities of royal unions

Saul Brizo Sultones

 

A day in the life

තීන්දුවක්.

මදුරුවෙක්

මකුනෙක්

කූඩැල්ලෙක් හා

සමනලියක්............!

---------------------------

මදුරුවාගේ කට උත්තරය :-

අට හමාරට විතර

මැලතියන් විසට බේත් අරගෙන

ගිරිබාවෙ හංදියට

මම හරකෙකුගෙ පිටේ වහල ආවා.......

පරිවාර රථ මැදින් මොකෙක්දෝ ඇමතියෙක්

" අන්න හරකෙක් " කිව්වා ............

ඇය ගල් බංකුවේ ඉන්නකොට

මං යටි තොලේ ලේ ටිකක් බිව්වා

පෙු්මයේ සදාතන ස්මරණ

ලය පිරී කිහිල්ලේ හැංගුනා

තටු දෙකම හිත රිදී පෑරුනා............

ඇය මනමත්ව පැනි බුංදි හප හපා හිටියා

නෙරෙංචිද කටුපිලද මාලයක් තිබුනා

දෙවැනිවර කලවයට විදින විට

වම් අතේ පෙම්පහස කොන්ද උඩ පිපුනා.......

 

මකුනාගේ කට උත්තරය :-

ඈ දෙපැත්තෙන් හංසයෝ එල්ලගෙන හිටියා

බෙල්බොටම අස්සෙ මං හිරවෙලා තැවුනා

බත්කෙණ්ඩ හපනකොට හිමාලය සැලුනා

ගිරිබාව ටවුමෙදිත් මට තනිය දැනුනා...........

සමනලය "කොරෙක්ස්-ඩී"බිව්ව මට මතකයි

බේත් බොන සමනල්ලු මට හරිම අපුලයි

සමනලිය අතින් ගෙන ඇලට බට ඒ මොහොත

ස්වාමිනි ඡන්දයක් නෑ වගේ බියකරුයි........

 කූඩැල්ලාගේ කට උත්තරය :-

තඩි කිඹුලන්ගෙ ලේ බිව් දියවන්නාවේ

මොට කඩු අතුල්ලපු හැටි කඩුගන්නාවේ

මලකඩ රහ මොකද ලේ කොටදෙනියාවේ

සමනලියකගෙ තටු ඇයි මේ ඇන්නෑවේ ........

විලුඹේ එල්ලුනා දියනයි ඒක දනී

සමනලියකට ඕනෑමද මලක " හනී "

කඩු ටික අරන් යුද්දෙට ගිය රටක " ෆොනී "

කුරුණෑගලට මං ගෙනියනු මැනවි " ජොනී "

බීපු බලල් කුනුවල ලේ හිඳුනි ඉරූ

දියඹෙ ඇගේ වත සේදී මැකුන'යුරූ

විරාජිනි පෙම් පනිවිඩ පාස් කෙරූ

සාමිනි සමනලිය මරලා තිබුන'යුරූ............

කපුටාගේ අවසාන තීන්දු ප්‍රකාරව :-

ව්‍යවස්ථාවෙ ප්‍රතිපාදන අනුව මට

එල්ලා මරමි සමනලයා හෙට අටට

ප්‍රේමය ගස්ස වී හේදී ගිය කලට

නැප්කින් සබන් පවුඩර් මොන මඟුලකට.....

නිමන්නට පෙරාතුව :-

හැපී බිඳ වැටුනු පෙම් පාරාදීසේ

මිනී අළු පිරුනි බටහිර ආකාසේ

අදත් බැලුවොතින් හැරිලා මහපාරේ

තියෙනව ඇගෙ සොහොන වැලිසර-මහබාගේ.!!!

නාගොල්ලාගොඩ ධර්මසිරි බෙනඩික්
A day in the life