කතාබහ

ජීවිතය කියවමු.

ජීවිතය……..

මට හිතුනා තාත්තගෙන් පටන් ගන්න.

ගම්පෙරලියේ ජිනදාස "මලය රටට" යනවා.ඒ කියන්නේ වියලි කලාපයට. ජිනදාස අසාර්ථක වෙනවා.

පියල් කොළඹට සේන්දු වෙලා සාර්ථක වෙනවා.

ගම්පෙරලිය සිදුවන කාලේ දකුනේ උදවිය රැකියා සොයාගෙන දිවයිනේ සී සී කඩ වෙනවා.

දකුනේ නතරවුන අයට ප්‍රශ්න ,ගැටලු විසදා ගන්න දහ අතේ කල්පනා කර කර ඉන්න කොට මේ සී සී කඩ ගිය පරපුර එක එකතැන්වල සාර්ථක වෙනවා.

අසාර්ථකවුනා නම් චූටිම චුටී දෙනෙක්.

දිවයිනේ හැම ගම්පියසකම මාතර වැලිගම අහංගම ගාල්ල නමින් ස්ටෝර්ස් , හෝටල් ,බේකරි.ග්‍රොසරීස් , ටෙක්ස්ටයිල් ව්‍යාපාර ඇරඹෙනවා. මේවා පුංචියට පටන් අරන් ස්ථාවර වෙනවා.

මේවායේ අර්ථපතීන් “ මුදලාලි “ ලා වුනා. වැලිගම මුදලාලි ඉන්නේ හැටන් වල. ඒ වගේ හැම නගරයකම වැලිගම , අහංගම ගාල්ලේ මුදලාලිලා හිටියා.

අන්තිමට කතාවක් හැදුනා “ බෙන්තර ගගෙන් එහා ඉදන් ඇස් ඇරුන පූස් පැටියෙක් වත් මෙගොඩට ගේන්න එපා “ කියලා

මාර්ග පද්ධතිය අද වගේ නොදියුණු ඒ කාලේ කොළඹට නැත්නම් පානදුරේට ඇවිල්ලා තමයි දකුනේ උදවිය සී සී කඩ වුනේ .ඒක කරන්න බෙන්තර ගගෙන් එගොඩ වෙන්න එපාය.

අපේ තාත්තත් ගැටවරකාලේ දකුණට ආයුබොවන් කිව්වා. දැන් වගේ ලොකුවට අඩුම කුඩුම ගොඩක් පොදි බැදගෙන නෙමෙයි.

තාත්තා අබිමානෙට කියන්නේ “ මම ගෙනාවේ සරමයි බැනියමයි විතරයි බන් “ කියලා.

ඒ ඇවිල්ලා නුවරඑළියේ , දික්ඔයේ., තලවාකැලේ තැනින් තැන කලින් කල පලින් පල ඉදලා හපුතලේට ඇවිල්ලා

අහංගම ව්‍යාපාරිකයෙක් ගාවා වැඩ කරලා .

හපුතලේ ව්‍යාපාරිකයාට විවිධ තැන්වල ව්‍යාපාරික ස්ථාන කිහිපයක් තිබිලා .අවසානයේ බෙලිහුල්ඔය තිබුන එතුමාගේ ව්‍යාපාරක ස්ථානයේ කටයුතු කරමින් ඉන්න ගමන්.

.පුංචි කාමරයක් කුලියට අරන් බුලත් දුම්කොල පුවක් වගේ පුංචි පුංචි දේවල් අළවි කරන්න පටන් ගත්තා.

එතන තමයි තාත්තගේ ඇරඹුම.

අපේ උපත. තාත්තාට අම්මා මුණ ගැහුනා. ගෙවල් දොරවල් හැදුවා වතුපිටි උරුම කරගත්තා අහංගමින් සහෝදරයෝ එක් කරගනවිත් එයාලා ව්‍යාපාරිකයෝ කලා.

අවුරුදු අසු අටක් ආයු විද මිය පරලොව ගියා.

අද තාත්තගේ දරුවෝ රත්නපුර දිස්ත්‍රික්කයේ සී සී කඩ ගිහින් පැල වෙලා. සමහරු ඇමරිකාවේ. තවත් සමහරු ඔස්ට්‍රේලියාවේ.ජාතික තලයේ සමාජ සේවකයෝ ,රාජ්‍ය නිළදාරින් ව්‍යාපාරිකයෝ..

තාත්තට සමවෙන්න අපිට කවදාමවත් බැහැ. තාත්තා විශිෂ්ඨයෙක්.

කාලය ගෙවෙනවා ..වසරින් වසරට

දැන් මම ජීවිතය සැදෑසමයේ.

මේ පින්තුර උපුටාගත්තේ මුහුණු පොතෙන්.
මම ස්තුතිවන්ත වෙනවා මුල් පලකිරීම කල පරිසරලෝලියාට.
පරෙයියන්ගල ගම්වාසින් හදුන්වන්නේ පඹහින්න කදු වැටිය කියලා.ඒත් පරෙයින්ගල කියලා හැදින්වීම නිවරදියි.
පඹ - හින්න. යටත් විජිතවාදීන් අපි ආක්‍රමණය කරලා හිටපු කාලේ ඌවට උඩරටට එන සේනා පිළිබදව ඔත්තු බලන ලද ආරක්‍ෂක කපොල්ලක්. ඒ සදහා පරෙයියන්ගල යොදා ගන්න ඇති කියලා හිතනවා. පඹහින්න කියන නම ඇතිවෙලා තියෙන්නේ එකල පැවති සටන් වලදී සතුරු සේනා මුලා කරන්න පඹයින් ප්‍රදර්ශණය කරලා තිබුනා කියන මතයෙන්.
පරෙයියන්ගල සිට බලාපුවහම හම්න්තොට දක්වා දකුණු ප්‍ර දේශය සහ පහල ඌව පැහැදිලි භුමි දර්ශණයක් පෙනෙනවා.
ස්වභාව සිරියෙන් පිරී නිදහසේ සිටි පරෙයියන්ගලට සබරගමුව විශ්ව විද්‍යාලීය සිසුන් චාරිකා කරන්නට පටන් ගත්තා.පේරාදෙණියට හන්තාන වුන නිදහස් පරිසරය සබරගමුවට ආදර කන්ද වුනා. දැන් වැඩියෙන් භාවිතයේ ඇත්තේ ආදර කන්ද නමින්.
දැන් පරෙයියන්ගලට නිදහස නැතිවෙලා. වන විනාශය හේතුවෙන් අඩවි වන ආරක්‍ෂකයොත් ගම්වැසියනුත් කන්ද නගින්න තහංචි දාලා.
නැත්නම් ජුනි - සැප්තැම්බර් අතර කාලය මේ පරිසර සංචාරයට සුදුසුම කාලයයි.