.jpeg)
මහගෙදර කුස්සියේ පැදුරු ආනක තිබුණු
රටා පැදුරක් අරන් දිග අරින්නෙමි සොඳින්
රතුපාට සුදුපාට ජ්‍යාමිතික හැඩ මවන
රමණීය පන් පැදුර මගේ ඇස ගැටෙනවා .
මිටි බංකුවේ හිඳ යොදා කඩිසර දෑතවකුටු වී නැමීගෙන රෑපුරා නිදි වරානිදි කුමාරිගෙ ඉඳන් කියූ රස ජන කතාපන් ගහක් ගානේම තැවරිලා තියෙනවා .
අත්තම්මගේ සුමුදු පන් පැදුරෙ නිදියන්ටපොරකාපු දඟ එවුන් රටෙත් නෑ දැකගන්ටකඳු ශිඛර තැනිතලා නිම්න හා බඩවැටි දපැදුර මත දිග හැරුණු අපූරුව පෙනෙනවා .
සැවැන්දර සුවඳ දෙන කම්බාය ඇන්දාමඋකුලෙ හිස තියාගෙන ඇස් පියං ඉන්නවාඔළුවෙ නිය ගගහ ඈ සෙත් පිරිත් කියනකොටපොඩි වුන්ට පන් පැදුරෙ රස හීන පේනවා .
කාල යානය දිගේ අතීතෙට දුවනකොටසිහිනයෙන් ගෑ සුවඳ පන් පැදුරෙ එතෙනවාපරිගණක සිරමැදිරි අතර අපි දැවෙන කොටබිඳුණු ලෙන්ගතු හැඟුම් හිතේ ඉකි බිඳිනවා .
---------රෝ.සි.
1 comments:
අත්තම්ම කෙනෙක්ගේ ගෙදරක පැදුරුවල නිදාගෙන තිබෙනවා . ඇත්තටම ලෙන්ගතුයි ඒක
Post a Comment
ඔබගේ අවධානය යොමුවුවාට මීදුම ස්තුති කරයි.
සුබ දවසක් !.
මෙහි පලවන වියමන් බොහොමයක් වෙනත් පලකරන්නන්ගේ වියමන්ය. ඒ අතරට මීදුමද වියමන් එකතු කර ලබයි. වෙනත් වියමන් කරුවන්ගෙන් උපුටා ගත් බව සදහන් කරමින් කරන එකතු කිරීම් සදහාද ප්‍රතිචාර යොමු කල හොත් ඒවා වියමන් කරුවන්ට අගතියක් නොවන්නේ නම් පලකරනු ලැබේ.
මීදුම පල කරන වියමන් සදහා කරන ප්‍රතිචාර සාධාරණ හේතු ඉදිරිපත් නොකරමින් කරන අවලාද සුදුසු යයි හැගේ නම් පමනක් පල කරනු ලැබේ.