අපි පුංචි කාලේ කතා අසා ඇත.
මේ කතාවල රසවත් කම මිසක ඒවායින් කියන දේ ගැන අවධානයක් අපට තිබුනේම නැත.
ඊසෝප් හොද කතා කාරයෙකි.
ඔහුගේ කතා පන්සියයකට වඩා ලෝකයේම ජනතාව රසවිදින්නේය.
ඊසොප් ගේ උපත ග්රීසියේ දී මින් අවුරුදු 2600 කටත් වඩා අතීතයේ සිදුවිය.
සමහර මතයන්ට අනුව ඊසොප් කල්පිතයකි.
ඊසොප්ගේ කතා තම තම රටවල් වලදී තමන්ගේ වී ජනතාව අතර නැවත තැවතත් ඉපදුනේය.
අද මම තෝරා ගත් නිල් බාල්දියට වැටුන නරියාගේ කතාවද එවැන්නකි.
නරි දවල්ට ගමන් බිමන් යන්නේ නැත.
ඒ උන්ගේ ආරක්ෂාවටය .
දවල් කාලයේ කැළයේ සැගවී සිට රාත්රි කාලයේ එළියට එන නරි ගම්බිම් වදින්නේය.
මේ කතාව කියන කාලයේ නොයෙක් නොයෙක් සබන් කුඩු තිබුනේ නැත. වොෂින් මැෂින් තිබුනේ ද නැත.
දැන් නම් රෙදි විතරක් නෙමෙයි තව තවත් දේවල් සෝදා මඩ දියකර හරින්න නා නා විධ වොෂින් මැෂින් ඇත. .
මෙසේ ඇවිද යන නරියෙකු ඒ කාලේ ලොන්ඩරියක රෙදි සුදුපැහැ වර්ණ කර ගැනීමට සකස් කර තිබු නිල් බාල්දියකට වැටුනේය.
කලබල වී නිල් බාල්දියේ දැගලු නරියා ඇග පුරාවටම හොදටම නිල් පාටින් වර්ණවත් විය.
අන්දුන් කුන්දුන් වු නරි රාළ කැලයට දිව ගොස් පුරුදු නවාතැනේ සැගවුනේය . පාන්දර හිරු එළිය මෝදුවන විට ඔහුගේ වෙනස ඔහුටම පේන්නට විය.
“ පෙරළුන පිට තිබුන පිටට වඩා හොදයි“ යයි සිතු ඔහු අනෙක් සතුන්ටත් පේන්න කැලේ එහාට මෙහාට උජාරුවට යමින් රගපාන්නට පටන් ගත්තේය.
අනෙක් සතුනට පෙනුනේ ඔහු තම වන අඩවියට පාත් වු විශේෂිතය සත්වයෙක් ලෙසින්ය.
අපිටත් කලින් කලට එහෙම පෙනුන අවස්ථා එමටයි නේ .
අවුරුදු හැත්තෑ හයකට පස්සේ අපිටත් විශේෂිතයෙක් අවශ්ය වු බව සිහිපත් වන්නේය.
අපිත් වෙනස්වී වෙනසක් කලේය.
හිටපු හැටිය පීල්ල පනින මගේ ශෛලිය අමතක කර කතාව පීල්ලට ගනිමුකෝ ආයෙත්…….
එවකට සතුන්ගේ පාලකයා වි සිටියේ මහළු සිංහයෙක්. ඔහුගේ පාලනය නුරුස්සමින් සිටි සතුන් සියළු දෙනා එක්ව මේ විශේෂිත සත්වයා ඒකමිතිකව තමන්ගේ රජ බවට ඔහු පත් කර ගත්තේය.
මාසේ පෝය ගෙවී සද මෝරන්නට පටන් ගෙන .
පුරා පෝයත් ලැබ සද දිදුලන්නට විය.
පෝය හතක් ඉවසන්නටවත් රජවු නිල් සත්වයාට ඉවසීම නැතිව
අමුතු සත්වයාගේ ඉවසීමේ සීමාව …..රතුකට්ට ඉක්මවීය.
වනයේ උස් ගලක් උඩට නැග්ග අමුතු සත්වයා තම සුපුරුදු හඩ වනය පුරා පැතිර වීය.
සුපුරුදු හඩ විමසන සත්වයනට රජ කවුදැයි හදුනාගත හැකිවිය.
අනෙක් සතුන් රජ පළවා හැරීමට තැනින් තැන රැස්ව කතා කරන්න පටන්ගත්තේය.
තවමත් ඒ කතා අහුමුළුවල මුණු මුණු වල පැතිරෙන්නේ පත් කර ගත් පසු වෙනස් කර ගන්න අපහසු නිසාය.
.jpeg)
