නානත්ථ සංඥා.

දහසක් දෙන නිති යන එන
මාවත අයිනෙහි වැජඹුන
වනස්පතියකිය දුටු දන
පිනවන විශ්මය දනවන

 
සිප් හල වෙත යනෙන අතර
සිසුවන් පැතු පලෙහි මිහිර
කුහක අයෙකු මුවින් මැතිර
පලැති රුකකි ගසමි මුගුර

වඩුවෙක් ගස ළඟ නැවතී
වට අඩි මනසින් මනිතී
දොර උලුවහු ජනෙල් ඇතී
නිවෙස් හත අටක් හැදෙතී

පරිසරවේදියෙක් මෙදැක
සිතුවේ මෙය හරි පුදුමෙක
විදුලි කියත් නොදුටුව එක
දිවි හිමියෙන් ගමි ගස රැක

 
මෝලේ හිමිකරු දෑහේ
රුපියල් මල් වැහි වෑහේ
හැම අතු අඟලක් පාහේ
ලොරි දෙක තුනකට සෑහේ

තම විමනින් බැස වඩිනා
රුක් දෙවියකු ඇස ගැටුනා
කදිමයි විසුමට මෙතැනා
සිතුවිල්ලකි පැන නැඟෙනා

 
තරුණ ලියක් මල් වයසේ
පසුකර ගියෙමුත් බොහොසේ
හැගුමක් නොදැනුනි වෙසෙසේ
සිතිවිලි විය දුර අහසේ

පී. ජී. ආරියපාල
notes of imaginary

මම උණුහුම්ම ප්‍රේමයෙනි

ගොරබිරුම් සද්ද මා වටකර

වියළි කර්කෂ සුළඟ හා සතුරුව

ඉරිතැලුන දිය සිඳුන පොළොවක

මියෙන්නට මට ඇවැසි නැත

තවම මම හරිත පැහැයෙනි

ඉතින්

එක ප්‍රේමණීයම වැළදගැනීමක් මට ඇවැසිය

අවනීතිය එතෙනවිට ගෙලෙහි රුවිතෙට

සිහිනය මේ රඟන්නේ ගිලිහෙනු පිණිසය

රහසින්වත් කළ නොහැකි විට රමණය

ප්‍රේමය රැගෙනවිත් අර අතන මරණය

මියෙන්නට මට ඇවැසි නැත

තවම මම උණුහුම්ම ප්‍රේමයෙනි

ඉතින්

එක ප්‍රේමණීයම වැළදගැනීමක් මට ඇවැසිය

වනන විට නගුට බොහොම වෙිගෙට

නැමෙනවිට කොන්ද බිමට ගෑවෙන තරමට

රඟන හැටි බලන් මොනරකොළ ඕසෙට

බිඳෙනවලු සැණින් රජමැදුරු දොරගුල

නැමෙන්නැති පිටකොන්ද

වනන්නට නගුට කොහිවෙද

මහත්හොරුනි

තුවක්කුවේ ඔය සිදුර කුමකට

විසල් පපුවකට උණ්ඩයක් වුව මිතුරුය

මියෙන්නට මට ඇවැසි නැත

මේ හුස්ම වුව තවම උණුහුම්ය

ඉතින් ප්‍රේමණීයම වැළදගැනීමක් මට ඇවැසිය

......මම හරිිත පැහැයෙනි .....

Somalatha Herath Menike 

notes of imaginary