මම එන්නේ නෑ දාමහන යන්න

අගෝස්තු හතරවෙනිදා.
"ලෙඩ,රෝග යනු වැරදි ලෙස ජීවත් වෙනවාට පරිසරයෙන් ලැබෙන දඩුවමකි "
යැයි කියමනක් සහෝදර කමල් පී අලහකොන් පසුගිය දිනක ලියා තිබිනි.
මා තරම් වියපත් නුවද  ඔහුටත් හැට පැන ඇත.
ලෙඩ දුකට පත්වු පසු තරුන වියේ ඔරොත්තු දෙන තරමින් දැන් ඔරොත්තු දෙන්නේ නැත.
අස්ථියක් බිදුන හොත් පැටි වියේදී සතියක දෙකදී යා වුනත් දැන් මාස හතරක් පහක් බලා ගෙන සිටිය යුතුය.
සෙම්ප්‍රතිශ්‍යාවක් වුනත් බෙහෙතක් එහෙතක් කලත් සැනකින් සුවපත් වෙන්නේ නැත.
කොත්තමල්ලි ඉගුරු ටිකක් එක් කර  තම්බා පෙරා දුන් එක් කෝප්පයක් පානය කර සුවපත්වු කාලය ඉක්මවා ගොසින් දැන් නතර වෙන්නේ වෛද්‍යවරයෙකුගේ පෙති ගොඩක් ගිල දැමු පසුය.
කාලය එතරම් දුරට ගලා ගොස් ඇත.
මේ රඹුටන් වාරයයි.
වෙන අවුරුදු වලට වඩා පලදාව සරුසාරය.
ගස් රතුපාටින් , කහපාටින් වෛවරණ වෙලා විසිතුරුය.
වැඩි දියුණු කල වර්ග පැණි බේරෙන ලොද ගැලවෙන ප්‍රනීත රස කන්න කන්න තවත් කන්න හිතෙන සුළුය.
ටික දිනක සිට හිසේ කැක්කුම , හිසේ බරගතිය ,පෙනීම අවුල් සහගතවීමෙන් පටන් ගත් විප්ලවය ......
සිරුර සමබර නොවීම , අධික නිදිමත  නිසා වෛද්‍යවරයෙක් කර යොමු වීම දක්වා විජයාග්‍රාහී ගමනකට මග පෙන්වීය.
දියවැඩියාව පාලනය කරගත්තේ පෙති ගිල දැමීමෙනි.සීනි මට්ටම සාමාන්‍ය ලෙස පාලනය කරමින් සිටියෙමි.
දැන් ප්‍රමානය ඉක්මවා දර්ශකය රජ ගමනක් ගොසින්ය.
ඖෂධ මාත්‍රාව වැඩි කරමින් සීනී මට්ටම පාලනයට යටත් කර ගත්විට......
නැවතත් ශරීර කූඩුව බිම්ගතවිය.
රඹුටන් ගස් සිනාවෙන විට මට උරු ජුවල්ය.
මට ආයෙත් කමල් ගේ කතාව මතක් වෙන්නේ ටිකක් වෙනස්වය.
“තමන්ගේ තරම දැනගෙන කන්න බොන්න ඕනෑය.“
පුංචි මුණුපුරා ---පුංචියි කීවත් තුන වසරේ.
උගේ කතා ව්‍යාංගයෙන්ය.
“ඔන්න නොකිවුවයි කියන්න එපා“
“මම එන්නේ නෑ දාමහන යන්න “
“සීයට තනියෙන් තමයි යන්න වෙන්නේනේ.“
මේ තරවටුව කරන්නේ අපිට  කිට්ටුම ආදාහනාගාරය තිබෙන්නේ දාමහන බැවින්ය.
කමල් කීවේ ....
"තමාගේ තරම දැන ගැනීමට නම් ලෙඩ වෙන්නට ඕනෑ" ය කියා කියාය.
ඒකත් හැබෑව ය.
"මා නැතුව ලෝකය නොකැරකේ " යැයි අප සිතා සිටින්නෙමු.
නැත.

"අප නැතිවද ලෝකය කැරකේ".

A day in the life

වතුර දාන්න මලක් පිපෙන තරමට

"ළමයෙක් කියන්නේ කුඩා වැඩිහිටියෙක් නොවේ. ඒ නිසා ඔහුට සෙමින්- ටිකෙන් ටික -සහ හොඳින් උගන්වන්න."

– Jean-Jacques Rousseau

ඉස්කෝලෙක ප්‍රින්සිපල්ගේ ඔෆිස් එකේ උඩම තැනක රූසෝ ගෙ මේ වාක්‍යය ගහල තියෙනව දැක්කා. ඒකත් එක්ක ආපු ගොඩාක් කමෙන්ට් දිහා බලද්දි මේක ලියන්නම ඕනේ කියලා හිතුනා. 

ඒකයි මේ සටහන.
අධ්‍යාපනය කියලා කියන්නේ හිස් භාජනයකට වතුර පුරවන එක නෙමෙයි. ඒක වැඩෙන මොලයක් පෝෂණය කරන්න වතුර වත්කරන එක. ඒක තවමත් වර්ධනය වෙමින් පවතින මනසක් හඳුනාගෙන, ආදරයෙන් මල් පිපෙනකන් ගොඩනඟන ක්‍රියාවලියක්.
රූසෝගේ ප්‍රසිද්ධ අදහස අද සෞඛ්‍යය විද්‍යාවෙන්, මනෝ විද්‍යාවෙන්, සහ අධ්‍යාපන විද්‍යාවෙන් ලස්සනට විස්තර කරනවා.
දරුවෝ ඉගෙන ගන්න විදිය- හිතන විදිය- එයාලගේ හැඟීම් කළමනාකරන විදිය- මේ ඔක්කොම වැඩිහිටියන්ගෙන් වෙනස්. එයාලගේ මොලය තාම වැඩෙමිනුයි පවතින්නේ. මේ වෙනස්කම් ඔලුවෙ තියාගෙනයි අපි එයාලට ඉගැන්විය යුත්තේ.

ඇයි දරුවෝ වැඩිහිටියන්ගේම කුඩා සතෙක් නොවන්නේ?
ස්නායු විද්‍යාඥයෝ පැහැදිලිවම පෙන්නලා තියෙනවා මනුස්සයෙක්ගේ පූර්ව මස්තිෂ්ක බාහිකය සම්පූර්ණයෙන්ම මෝරලා ඉවර වෙන්නේ වයස අවුරුදු විස්ස පැන්නට පස්සේ කියලා. මේ පූර්වමස්තිශ්ක බාහිකය තමයි අපේ ආවේග පාලනය කරන්න -සංවිධානය කරන්න - තර්කානුකූලව හිතන්න වග කියන්නේ.

ඒ හින්දා අපි ළමයෙක්ට උගන්වන්න ඕන, මොලේ නෑ හරි, මොලේ අඩුයි කියල හරි හිතාගෙන. මේ කාරණා තුන අපේ ඔලුවෙ තියා ගන්නම ඕන.

1. එයාලට අවධානය තියාගන්න පුළුවන් ප්‍රමාණය හරි කෙටියි.
2. ඒ වගේම එයාලා හිතාගන්නවා කෙලින්ම එයාලට දැනෙන දේ. ඒක ඇතුලේ හංගල කියන දේ එයාලට තේරෙන්නේ නැහැ.
3. ඒ වගේම එයාලට නැවත නැවත කියල දෙන්න- උදාහරණ සහිතව කියල දෙන්න- රූප සටහන් වලින් පෙන්නල දෙන්න- එහෙම නැත්නම් මෙහෙමයි වෙන්නේ කියලා ඇඳලා කියන්න මේ වගේ දේවල් අවශ්‍ය වෙනවා.

උදාහරණයක් විදිහට අවුරුදු හතක ළමයෙකුට 'ඔයා වගකීමෙන් වැඩකරන්න පුතා' කියලා කිව්වට වැඩක් නෑ. එයාට බෑග් එක අස් කරන්න- හැමදාම දත් මදින්න- සපත්තු හරි තැනින් තියන්න - වගේ චෙක් ලිස්ට් එකකින් එහෙම නැත්නම් පින්තූරවලින් ඒක කිව්වොත් එයා ඒ ටික පිළිවෙලට කරයි.

විද්‍යාඥයෝ පෙන්නන විදියට එයාලට වැඩ කරන්න ඕනේ මතකය හා අවදානය පවත්වා ගැනීමේ කාලය හරිම සීමා සහිතයි.
ඒ හින්දා දරුවෙක්ට මතක තියාගන්න පුළුවන් නව සංකල්ප තියෙන්නේ, එක වෙලාවකට එකක් විතර. එකපාර ගොඩක් දෙන්න ගියහම එයාලා කලබල වෙනවා වගේම එයාල ඒක අත ඇරලා දානවා. මල්පැලේකට වතුර වැඩිවුනාම කූණු වෙනව වගේ.
ඒ නිසා එකවර වැඩි දේවල් උගන්වන්න හොඳ නැහැ. ඒ වෙනුවට පියවරෙන් පියවර උගන්වන්න වෙනවා. 

ටිකෙන් ටික කියන්නෙ ඒකයි.

උදාහරණයක් විදිහට දශම, බාග සහ ප්‍රතිශත එකවර උගන්වනවට වඩා, ඒවා වෙන වෙනම, උදාහරණ සහ ක්‍රියාකාරකම් සමඟ ඉගැන්වීම වඩා විධිමත්. මොකද ඒවා ගැන අවුරුදු දහයක ළමයෙකුට තේරෙන්නේ නැහැ. අපි ඒවා හිමින් සීරුවේ තමයි එයාගේ මොළේට කා වද්දන්නේ? ඒ හින්දා අපි පහේ පන්තියේ ළමයෙකුට අනුකලනය උගන්වන්නේ නැහැ. අපි ඒකට එයා හෙමින් සීරුවේ සූදානම් වුණාට පස්සේ උසස් පෙළ පන්තියේදී ඒ ටික උගන්වනවා.

එයාලා ඉගෙන ගන්නේ ක්‍රියාකාරකම් සහ කුතුහලය තුළින් විමසා බැලීම තුළින්.

දරුවෝ හොඳින්ම ඉගෙන ගන්නේ එයාලට ලැබෙන අත්දැකීම් තුළින් වගේම ස්වභාවික පරිසරයේදී එයාල දකින දේවල් වලින්. එහෙම නැතුව බලෙන් පෙන්නලා උගන්වන පාඩම් වලින් නෙමෙයි. මේ ක්‍රියාවලිය තමයි මොන්ටිසෝරියේදි සිද්ධ වෙන්නේ. ඒකෙදි දරුවෝ එයාලගේ දැනුම හදාගන්නේ අත්දැකීම් වලින් කරලා බලලා.

උදාහරණයක් විදිහට අවුරුදු හයක ළමයෙකුට එක එක භාජනයකට අල්ලන වතුර දාරිතාව බලන්න විවිධ හැඩ තියෙන බාජන ටිකක් එක්ක වතුර ටිකක් දුන්නහම තේරෙනවා. පස්සෙ බැරියැ ආකීමිඩීස්ගේ සොයාගැනීම් ටිකත් එක්ක, ඒකට වෙනම සමීකරණ දාලා පෙන්නන්න.

එයාලා අත්දැකීම් තුළින් ඉගෙන ගන්නවා.
විශේෂයෙන්ම ක්‍රීඩාව හා ක්‍රියාකාරකම් තුළින්. ක්‍රීඩාව දරුවාගේ මොලේ සංවර්ධනය කරනවා වගේම එයාට මොළේ සියලුම කළමනාකාරීත්වය, නිපුණතා සහ නිර්මාණශීලීතාවයත් එක්ක පරිකල්පනයත් දියුණු කරනවා.
අපිට ඉගෙන ගන්න උනන්දු කරවන ලොකුම සාධකය තමයි හැඟීම්.

අපිට අපේ හැඟීම් පාලනය කරන්න උදව් වෙන ලිම්බික් සිස්ටම් එක දරුවන්ගේ පුදුම විදිහට ක්‍රියාකාරී‍යි. ඒ හින්දා එයාලා හැමතිස්සෙම හැඟීම් එක්ක තමයි ඉගෙන ගන්නේ. එයාලට ආතතිය බය ලැජ්ජාව වගේ දේවල් ආවොත් එයාලා ඉගෙන ගන්න එක අතැරලා දානවා.

ඒ හින්දා පන්ති කාමර ඇතුළෙ කරන සමහර දඩුවම්- හයියෙන් ළමයෙකුට කෑ ගහන එක- එහෙම නැත්තං දැඩි දඬුවමක් දෙන එක- හිත රිදෙන විහිලු කරන එක වගේ දේවල් හින්දා ළමයි කට වහගන්නවා. එයාලා ආපහු දිරිගැන්වෙන්නෙ නැහැ. එහෙම නැත්නම් ආපහු ගොඩනැගෙන්නෙ නෑ. ඒ වගේමයි ධනාත්මක දේවල් එක්කයි එයාලා විශ්වාසය ගොඩනගා ගන්නේ. ලොකු හරියක්, ඉමොජි එකක්, ප්‍රසංසාවක්, අත්පුඩියක්, පන්තියේ ඉස්සරහට කැදවීමක් එයාලව දිරි ගන්වනවා.

අපේ ඇඟ ඇතුලෙන්ම ඉගෙන ගන්ඩ ඕනේ කියලා එන දැනීම එහෙම ඇත්නම් මෝටිවේශන් එක.

එයාලා ඕනෑවට වඩා ආතතියට ලක් කිරීමෙන් වගේම එයාලට හැමදේම ඇඟිල්ලෙන් ඇන යන කරගන්ඩ යන එකෙන් එයාලා ඉගෙන ගන්නවට වඩා එයාලා කැමතියි එයාලා පිළිබඳ එයාලට අවබෝධයක් ඇවිල්ලා එයාලා ගැන විශ්වාසයක් ගොඩනැගීම තුළින් ඉගෙන ගන්න ලැබෙනවාට . ඒක අපි කියනවා ඇඟ ඇතුලෙන්ම එයාලව උද්දීපනය කරනවා කියලා.

ඒ වගේම ළමයෙක්ට එයාගේ තියෙන වර්තමාන හැකියාවන් එක්ක ඉගෙනීම වෙනස් වෙන්න ඕන. ඒ නිසා එයාගේ මට්ටම දැනගෙනයි අපි ඊට වැඩිය උඩ ලෙවල් එකේ ඒවා උගන්වන්න ඕනේ. එහෙම නොකළොත් ඊට වැඩිය අඩු දෙයක් ඉගෙන ගන්නකොට එයාලා කඩා වැටෙනවා වගේම එයාලා ඉගෙන ගන්න එක අත ඇරලා දානවා. ඒ උනාට තව කෙනෙක්ගෙ උදව්වෙන් එයාලව අපිට ඕනේ විදියට අඹන්ඩ පුළුවන්. එයාට අද අපි උදව් කරොත් හෙට එයා තනියෙන් නැගී සිටිනවා.

ළමයෙක් ව්‍යාකරණ සහිතව වාක්‍යයක් ලිව්වහම රතු පෑනෙන් එකෙ ග්‍රැමර් චෙක් කරනවට වඩා ඒකේ කොහොමද වාක්‍ය පටන් ගන්නේ- කොහොමද ඒකට උදව් කරන්නේ- එහෙම නැත්නම් වාක්‍යයක් ගොඩනගන්නේ කොහොමද- කියලා අපි ඒක ප්‍රැක්ටිස් කරන තරමටයි ඒක ළමයෙක් ඔලුවට යන්නෙ.

ඒ නිසා දරුවන්ට හෙමින් පියවරෙන් පියවර හොඳින් උගන්වන්න. මතක තියාගන්න ඕනේ කාරණය තමයි දරුවෙක් කියලා කියන්නේ හිස් භාජනයක් නෙමේ, පුළුවන් තරම් වතුර පුරවන්න. ඒක උස්සගෙන යන්න පුළුවන් ප්‍රමාණයට ටිකෙන් ටික පුරවන්න. ළමයා ලොකු වෙනකොට අපිට ගොඩක් පුරවන්න පුළුවන්. ඒ වගේම එයාලට උගන්වනකොට අපිට ගොඩක් වෙලාව යයි. අපිට එයාල ගැන සහකම්පනයෙන් හිතන්න සිද්ධ වෙයි වෙයි. ඒ වගේම එයාලට පහසුවෙන් ගොඩ නැගෙන්න පුළුවන් ක්‍රම අත්හදා බලන්න සිද්ධවෙයි. මතක තියාගන්න ඕන දේ තමයි එයාලාගේ මොළයෙන් එයාල තාම වැඩිලා ඉවර වෙලා නැහැ. එයාලා හරිම වෙනස් ජීවීන් කණ්ඩායමක්.

ඒ හින්ද රූසෝ දරුවොන්ට හිමින් පියවරෙන් පියවර හොඳින් උගන්වන්න කියලා කියනකොට ඒ මොන ඉස්කෝලෙද එහෙම කරන්නේ කියලා අහනවාට වැඩිය ඔයා උගන්නන ඉස්කෝලේ ඒ විදිහට කරන්න උත්සාහ කරන්න. ඒකට කාලයක් යාවි. ගොඩක් ඉවසන්න සිද්ධ වෙයි. ඒ වගේම ඒ ලමයා ඔයාගේ දරුවෙක් කියලා ඔයාට සහකම්පනයෙන් හිතන්න සිද්ධ වෙයි. ඒ හින්දා පුරවන්නම් වාලේ පුරවන්නැතිව අපිට ගෙනියන්න පුළුවන් ගානට ළමයෙක්ගෙ මොළේට දැනුම දෙන්න ඕන.

සෙමින්, හොඳින්, ආදරයෙන් උගන්වන්න

දරුවෙකුට උගන්වන්න ඕන මෙන්න මේ අභ්‍යන්තරයෙන් වර්ධනය වන මනසක් හඳුනාගෙනයි. ඔවුන්ට විභාගයක් සදහා පමණක් නොව, ජීවිතය සදහා උගන්වන්න ඕනේ.

අද අපි කරන්නේ මොකද්ද?
අද ලංකාවේත්, ලොවම පුරාත් ළමයින්ගේ අධ්‍යාපන ගමන වගේම ඔවුන්ගේ ළමා කාලයත්, අවධානයේ හා කාර්යබහුලත්වයේ පීඩනයක් යටතේ පැවැත්වෙන එකක් වෙලා තියෙනවා.

අධ්‍යාපන කරිකියුලම් එකට අදාලවත්, අමතර පන්ති ගමන්, අනවස්‍ය ඒත් ආකර්ශනීය විභාග සාධනයක්, මවිතයට පත් කරවන ඉලක්ක, සහ ඔබ-මම වගේම දෙමාපියන්ගේ බලාපොරොත්තු හින්දයි ඒ.

මේ හැම එකම එකට එකතු වුණාම ලැබෙන්නේ කුමක්ද?
*හෝඩිය උගන්වන්න කලින් අනාගතය සැලසුම් කරන වැඩසටහනක්.

*සිසුවෙකුට නොව, කුඩා වැඩිහිටියෙකුට සපයන ලද පාඩම්කිරිමක්.

අද ළමයින්ගේ දිනපතා කාලසටහන බලද්දි අපිටත් පිස්සු හැදෙනවා

උදේ පහමාරට විතර නැගිට්ට තැන ඉදන් එයාලා ඉස්කෝලෙ යන්න ලෑස්ති වෙන එකයි, ඉස්කෝලෙට යන එකයි, ඊට පස්සේ අමතර පන්ති වලට යන එකයි කාල බීල නිදාගන්න එකයි කරද්දී රෑ දහය වෙලා ඉවරයි. එයාලගේ කාල සටහනේ පැය 6ක්ම එයාලා ඉන්න ඉස්කෝලේ ඇතුලේ. ඒ හින්දා ඉස්කෝලේ ඇතුලෙදී එයාලගේ ඔලුව සංවර්ධනය කරන ක්‍රියාවලියේ බහුතරය කරලා තියෙන්න ඕනෑ.

ඒ අතරේ කාලසටහනට යටින් මේ ටිකත් සිද්ධ වෙනවා
තරඟකාරිත්වය
ආතතිය
පරස්පර සසඳීම්

අනුන්ගෙ හීන

අද අපි පුංචි දරුවන්න්ගේ විභාග ජයග්‍රහණයක් සදහා උන්ගේ ජීවිතය සම්පූර්ණයෙන්ම විකුණනවා.

අපි කොහොම කොච්චර වැරවීරිය දාලා ඉගැන්නුවත් මොලය ඉගෙන ගන්නේ තවත් විදිහකට.
මනසට එකවර දැනුම ගබඩා කරන්න පුළුවන් ප්‍රමාණය සීමිතයි.
අපි ඔවුන්ට විෂයන්, අමතර විෂයන්, සහ සපොර්ට් පැකේජ් එකක් එක්ක දවස පිරවූවට:
ඒ මනසක් -ඉගෙනගන්න එකක්.

ඒ මනසක් -ගැටෙන එකක්.

මේ අධ්‍යාපනයක් නොවෙයි – මේක යුද්ද පුහුනුවක්

ඒ හින්දා අනුකලනය උගන්නන්ඩ ඕනේ වයසට එනකම් අනුකලනය උගන්නන්න එපා. හැබැයි ඒක ඉගෙන ගන්න අවශ්‍ය පුංචි පුංචි දේවල් හෙමින් ටිකෙන් ටික පියවරෙන් පියවර ආදරයෙන් ළමයගේ මොළයට දැනෙන්න සලස්වන්න.

උගන්වන එකයි ළමයට එන බුද්ධියයි අතර ලොකු පරතරයක් තියෙනවා.
අද උගන්වන කරිකියුලම් එකෙන් දරුවාට දැනීමක් දෙනවාද?

නෑ. ඒක මොහොතකට විභාගයට ලියන්න පුළුවන් දේවල් දෙන්න උත්සාහ කරන එකක්.

විද්‍යාත්මක වශයෙන් Meaningful Learning කියන විදියට මතකයේ තබාගන්නෙ
අවබෝධයක් ඇතිවන දේවල්
සම්බන්ධතා සහ තේරුම් ඇති දේවල්

පුනරීක්ෂණ සහ ක්‍රීඩා සහිත දේවල්

ඒ වෙනුවට අද තියෙන්නේ මොකක්ද?
පුළුවන් තරම් උපරිමයෙන්ම ළමයාගේ ඔළුවට දාන්නම්. හැබැයි විභාගයට ලියාගන්න බැරි වුනොත් නං අපි ඒකට වග කියන්නේ නෑ. ඇති තරම් උගන්නලයි තියෙන්නේ.

උගන්නන්නෙම නැති ඉස්කෝලවලට මේ වාක්‍ය ගැලපෙන්නේ නැහැ. ඒ හින්දා එයාලා අඩුම ගානේ පොඩ්ඩක් හරි උගන්වන්න පටන් ගන්න

ආදරයෙන් උගන්වන්න.

අද තරඟයෙන් පීඩනයෙන් ගොදුරු වෙන ළමයෙකුට, අපේ ආදරේ, වටපිටාව, සහ උවමනා මනසක් විතරයි මතක වෙනෙ.

ඒ හින්දා දරුවෙකුට උගන්වනකොට මතකම තියාගන්න මේ උගන්නන්නෙ විභාගයකට නෙමෙයි දරුවෙකුට.

“මම ඔයාට උගන්වන්නේ විභාගය ජයගන්න නෙවෙයි. මම උගන්වන්නේ ජීවිතය ජයගන්න.”

එයාට වතුර දාන්න මලක් පිපෙන තරමට

එයා දකින හීනේ කොටස්කාරයෙක් වෙලා එයත් එක්ක හීනෙට යන්න. එහෙම නැතුව අනික් මිනිස්සුන්ගේ හීන වලට පාර කපන්න දරුවාව පාවිච්චි කරන්න එපා.

වෛද්‍ය කිලෝශිනී හෙන්දවිතාරන

 

A day in the life

පළමුව තමන් විමසමු .

විවාහ වී ඉතා සතුටින් කාලය ගතකල යුවලක් සිය විසිපස්වැනි සංවත්සරය සැමරූවා.
ඉන් දින කිහිපයකට පසුව සැමියා විසින් එක කරුණක් වටහාගත්තා.
එනම් සිය බිරිඳගේ කන් ඇසීම දින කිහිපයක සිට ඉතාමත් දුර්වල මට්ටමකට පත්ව ඇති බව.
"සමහරවිට ඇයට ශ්‍රවනාධාරකයක් අරන් දෙන්න වේවි"
ඔහු සිතුවා.
නමුත් මේ පුද්ගලයාට සිතාගන්නට බැරිඋනා ඇයගෙන් ඒ පිලිබඳව ඇසිය යුත්තේ කොහොමද කියල.
"ඇය මාව වරදවා වටහා ගත්තොත්"
ඔහු තමාටම කියාගත්තා.

පසුව මේ පුද්ගලයා තීරණයකට එලැඹුනා.

එනම් පවුලේ වෛද්‍යවරයා මුනගැසී උපදෙස් ලබාගැනීමටයි.
විස්තරය සාවදානව අසාසිටි වෛද්‍යවරයා ඔහුට උපදෙස් කිහිපයක් ලබාදුන්නා.
එය ඇගේ කන් ඇසීම පිලිබඳව තහවුරු කරගැනීමටයි.
"ඔබ නිවසට ගොස් ඇගෙන් අඩි 20ක දුරක් ඈතට යන්න."
"සාමාන්‍යයෙන් ඔබ ඇයට කතාකරන ශබ්දයෙන්ම ඇයට කතාකරන්න."
"නිරීක්ෂනය කරන්න ඇයට ඔබව ඇහෙනවද කියල"
"ඇයට ඇහෙන්නෙ නැත්තන් දුර ප්‍රමාණය අඩි 10කට අඩු කරන්න.
මේ ආකාරයට ඇගෙන් ප්‍රතිචාරයක් ලැබෙන තුරුම උත්සහ කරන්න"
වෛද්‍යවරයා තවදුරටත් කතාකලා.
"අවසානයේ ඔබට ඇය ප්‍රතිචාර දැක්වූ දුර ප්‍රමාණයට අනුව අපිට ඇස්තුමේන්තු කරන්න පුලුවන් ඇයට අවශ්‍ය ශ්‍රවනාධාරකය පිලිබඳව"
උපදෙස් ලබාගෙන නිවසට ගිය සැමියා ඊලඟ දිනයේ සිය බිරිඳ දිවා ආහාරය සූදානම් කරමින් සිටිනු දුටුවා.
වෛද්‍යවරයාගේ උපදෙස් අත් හදා බැලීමට මෙය අවස්තාවක් බව මොහු සිතුවා.
අඩි විස්සක් ඇගෙන් දුරට ගොස් මෙසේ ඇසුවා.
"බබා දවල්ට මොනාද උයන්නෙ"
මොහොතක් ඇගේ ප්‍රතිචාරයක් වෙනුවෙන් ඔහු බලා සිටියා.
නමුත් ඇගෙන් කිසිම පිළිතුරක් ලැබුනේ නැහැ.
දෙදෙනා අතර දුර ප්‍රමාණය අඩි කිහිපයක් අඩුකොට නැවතත් එම ප්‍රශ්නයම ඇසුවා.
එවරද ඔහුට බිරිඳගෙන් කිසිම ප්‍රතිචාරයක් ලැබුනේ නෑ.
ඉන්පසුව ඔහු දුර ප්‍රමාණය අඩි 10කට අඩුකොට උත්සහ කලා.
නමුත් ඇයගෙන් එවරද කිසිම පිළිතුරක් ලැබුනේ නෑ.
පරතරය අඩි 5කට අඩුකොට ඔහු නැවතත් එයම ඇසුවා.
"බබා දවල්ට මොනාද උයන්නෙ"
නමුත් කිසිම ප්‍රතිචාරයක් නැහැ.
ඇගේ කන් ඇසීම ඉතාමත් දුර්වල මට්ටමකට පත්වී තිබෙන බව සිතා ඔහු කනගාටු උනා.
මෙවර ඔහු ඇය ලඟටම ගොස් ඇගේ පිටුපසින් හිටගෙන මෙසේ ඇසුවා.
"පැටියො,දවල්ට ඔයා උයන්නෙ මොනාද"
එවිට ඇය ඔහු දෙස හැරී බලා මොරදුන්නා.
"පස්වෙනි වතාවට.........
පස්වෙනි වතාවට මේ කියන්නෙ,
චිකන්,චිකන්,චිකන්,
ඔයා අනිවාර්යයෙන්ම හෙටම ගිහින් ඔයාගෙ කන්දෙක චෙක් කරගන්න"

බොහෝ අවස්තාවලදී ප්‍රශ්නය තියෙන්නෙ අපි ලඟ.
ඒත් අපි උත්සහකරනව තවත් කෙනෙකු පිට වරද පටවන්න,
නිවැරදි අවබෝධයක් නැතිව.
ඒ වගේම ගොඩාක් ලේසියි අනිත් අයගෙ වැරදි හොයන එක,
තමන්ගෙ දේවල් ගැන සොයල බලනවට වඩා.
අපිට අනිත් අයගෙ ගැටලුවක් තියෙනව කියල හිතෙන බොහෝවෙලාවට තීරණයකට එන්න කලින්,
අපේ අභ්‍යන්තරය ගැනත් අවධානය යොමුකරන්න ඕනෙ.
මන්ද,
බොහෝ අවස්තාවලදී ප්‍රශ්නය තියෙන්නෙ අපි ලඟනම් ඒකෙ පිළිතුරත් තියෙන්නෙ අපි ලඟමයි.

උපුටා ගැනීමකි.

A day in the life

එන්.එම් ට එරෙහිව ෆීලික්ස්.

දේශපාලනයේ කලක් එකට සිටි එහෙත් මතවාදීව ප්‍රබල ලෙස ගැටුණු දේශපාලනඥයන් දෙදෙනෙක්..
ඔවුන් දෙදෙනාම මුදල් ඇමතිවරු ලෙස කටයුතු කර තිබෙනවා..
ඒ අතරින් ආචාර්ය එන්.එම්. පෙරේරා මුදල් ඇමතිවරයෙක් වශයෙන් විශිෂ්ටයි..
මේ රටේ ආර්ථිකය ශක්තිමත් කිරීමට විශිෂ්ටතම කාර්යභාරයක් කළ මුදල් ඇමතිවරයා ලෙස 1970/1975 කාලය තුළ න් ඔහු මුදල් අමාත්‍ය ධුරය දැරූ සමයේ ඔහුගේ කාර්යභාරය හඳුන්වන්න පුළුවන්..

සිරිමාවෝ බණ්ඩාරනායක මැතිනියගේ නායකත්වයෙන් යුතුව 1970 බිහිවුණු සමගි පෙරමුණු රජය යටතේ,

දේශීය කෘෂි කර්මාන්තය සහ දේශීය කර්මාන්ත නගා සිටුවමින් ආර්ථිකය ශක්තිමත් කරමින් රට පාලනය කළ මුල් වසර පහ අවසාන වන විට විදෙස් ණයවලින් තොරව ආර්ථිකය අයවැය සමබර කිරීමට හැකි තරම් හොඳ තත්ත්වයක අප හිටියා..
ලෝකය පුරා දරුණු ආහාර හිඟයක් දුර්භික්‍ෂයක් පැතිර ගිය 1973 වසරේ ශ්‍රී ලාංකික ජනතාව ඉන් මුදවා ගැනීමට රජයේ දේශීය කෘෂිකර්මාන්තය පිළිබඳ ඒ කළ පවත්වාගෙන ගිය ප්‍රතිපත්තිය බොහෝ දුරට හේතු වුණා..
එක්සත් ජාතීන්ගේ සංවිධානයේ ලෝක ආහාර හා කෘෂිකර්ම සංවිධානය World Food and Agriculture Oganisation සංවිධානය විසින් ඒ වෙනුවෙන් රී ලංකා අග්‍රාමාත්‍යවරිය ඔවුන් පිරිනමන ඉහළම සම්මානය වූ " සිරිස් " පදක්කමෙන් පුදනු ලැබුවේ එම සංවිධානයේ මහ ලේකම් ආචාර්ය එඩ්වර්ක් සවුමා පුද්ගලිකවම ශ්‍රී ලංකාවට පැමිණයි..
එමෙන්ම මෙරට බොහෝ කර්මාන්ත ක්ෂේත්‍රවල විශාල පුනරුදයක් ඇතිවුණා..
යකඩ වානේ පිඟන් වීදුරු ටයර් පෙහෙකම්හල්
උදලු බැටරි බොහෝ ක්ෂේත්‍රවර කර්මාන්ත ඇති වුණා...
මුදල් අමාත්‍යවරයා වශයෙන් ආචාර්ය එන්.එම්. පෙරේරා ගෙන් ලැබුණු දායකත්වය අති විශාලයි.
මුදල් අමාත්‍යවරයා වශයෙන් ඔහු ඉදිරිපත් කරන අයවැය දෙස මුළු රටම බලා සිටියා.
සඟවාගෙන සිටින මුදල් එළියට ගැනීමට ඔහු එකල තිබුණු ලොකුම නෝට්ටුව වන රුපියල් සීයේ නෝට්ටුව අවලංගු කර නව නෝට්ටුවක් මුද්‍රණය කිරීම නිසා සඟවාගෙන තිබූ සල්ලි බොහෝ ප්‍රමාණයක් එළියට ආවා..
වර්තමානයේත් රජයට අවශ්‍ය නම් විශාල මුදල් ප්‍රමාණයක් සොයාගත හැකි අවස්ථාවක් ක්‍රියාමාර්ගය අනුගමනය කළොත් කරන්න පුළුවන්..
නමුත් පසුව මෙතෙක් කිසිම රජයක් එවැනි දෙයක් කරේ නෑ..
අවාසනාවකට මෙන් 1975න් පසු ශ්‍රී ලංකා නිදහස් පක්ෂයේ සහ ලංකා සම සමාජ පක්ෂය අතර ඇතිවුණු යම් මත ගැටුම් තත්ත්වයක් නිසා ලංකා සම සමාජ පක්ෂයේ අමාත්‍යවරුන් සහ මන්ත්‍රීවරුන් රජයෙන් ඉවත් වුණා..
ඒවා අර්බුදයට යේ ශ්‍රී ලංකා නිදහස් පක්ෂ පාර්ශවයේ ප්‍රබල ඇමතිවරයෙකු වූ ෆීලික්ස් ඩයස් බණ්ඩාරනායක මහතා ද දායක වූ බවට එකල ප්‍රචාරයක් තිබුණා..
යටියන්තොට පාර්ලිමේන්තු මන්ත්‍රී ආචාර්ය එන් එම් පෙරේරා මුදල් අමාත්‍ය ධූරයෙන් ඉවත්වද්දී,
1972 ශ්‍රී ලංකාව ජනරජයක් බවට පත් වූ නව ආණ්ඩුක්‍රම ව්‍යවස්ථාව සම්පාදනය කළ අගලවත්ත පාර්ලිමේන්තු මන්ත්‍රී ආණ්ඩුක්‍රම ව්‍යස්ථා සම්පාදන සහ වැවිලි කර්මාන්ත අමාත්‍ය ධුරය දැරූ ආචාර්ය කොල්වින් ආර් ද සිල්වාත් පානදුර පාර්ලිමේන්තු මන්ත්‍රී ප්‍රවාහන අමාත්‍ය ඉදිරිය දැරූ ලෙස්ලි ගුණවර්ධනත්, අමාත්‍ය ධුර වලින් ඉවත්ව ගියා..
ඉන්පසුව මුදල් අමාත්‍ය ධුරයට පත් වූයේ ෆීලික්ස් ඩයස් බණ්ඩාරනායක..
ඔහු දක්ෂ දේශපාලනඥයෙක් වුවත් ආචාර්ය එන්.එම් .පෙරේරා ඇතුළු කණ්ඩායම රජයෙන් ඉවත් වීමෙන් සමගි පෙරමුණු රජයට වූ හානිය ඉතාමත්ම දරුණු එකක් වුණා..
ඉන් ටික දිනකට පසු සමග පෙරමුණු රජයේ අනෙක් පාර්ශය වූ ශ්‍රී ලංකාවේ කොමියුනිස්ට් පක්ෂයත් සමග පෙරමුණු රජයෙන් ඉවත් වුණා..
ඒ නායක අකුරැස්ස පාර්ලිමේන්තු මන්ත්‍රී දොස්තර එස්.ඒ වික්‍රමසිංහ සහ මැද කොළඹ තුන්වෙනි පාර්ලිමේන්තු මන්ත්‍රී නිවාස සහ ඉදිකිරීම් අමාත්‍ය දුරය දැරූ පීටර් කේනමන් ඇතුළු කණ්ඩායමද සමගින්..
ලංකා සම සමාජ පක්ෂයේ අමාත්‍යවරුන් තිදෙනා ‍රී ලංකාවේ කොමියුනිස්ට් පක්ෂයේ අමාත්‍යවරයාත් අමාත්‍ය ධුර දැරූ අමාත්‍යංශ ඔවුන්ගේ කාලසීමාවලදී රටට අමතක නොවන මෙහෙයන් ඉටුකළා..
කුලී නිවැසියන්ට දීර්ඝ කාලයකට පසුව තම නිවාස අයිතිවීමේ නිවාස පනත ක් පිටර් කේනමන් විසින් ගෙන එනු ලැබූ අතර,
ප්‍රවාහන අමාත්‍ය ලෙස්ලි ගුණවර්ධනගේ පාලන කාලය තුළදී ලංගම සභාපති ධුරය දැරූ
ලංකා සම සමාජ පක්ෂයේ හිටපු අමාත්‍යවරයෙකුද වූ අනිල් මුණසිංහගේ පාලන කාලය ලංගම ඉතිහාසයේ ස්වර්ණමය යුගය ලෙස සැලකෙනවා..
ලංකාව ඩොමිනියන් තත්ත්වයෙන් මිදී,
ස්වෛරී ජනරජයක් බවට පත්වූ 1972 ජනරජ ව්‍යවස්ථාව,
එම ක්ෂේත්‍රයේ ප්‍රවීණයකු වූ අමාත්‍ය දුරය දැරූ ආචාර්ය කොල්වින් ආර් ද සිල්වාගේ නිර්මාණයක්..
1978 ව්‍යවස්ථාව මේ වන විට විසි තුන් වතාවක් පමණ සංශෝධනය කර ඇතත්,
1972 කොල්වින් ආර් ද සිල්වා සම්පාදනය කළ ජනරජ ව්‍යවස්ථාව 1978 ජේ ආර් යටතේ ගෙන ආ රට අර්බුද රැසකට මුහුණ දෙන ආණ්ඩු අවස්ථාව ගෙන එන තෙක් ,
එක් වතාවක්වත් සංශෝධනය කිරීමට සිදුවූයේ නැත්තේ විශිෂ්ටත්වය නිසායි.
1977 වසරේ ජේ.ආර්.ජයවර්ධනයගේ නායකත්වයෙන් යුත් එක්සත් ජාතික පක්ෂ රජය ඉතිහාසයේ නොසිතූ විරූ මහා බලයක් ලබා ගත්තේ සමගි පෙරමුණ තුළ ඇතිවූ බෙදීම තුළින් ඇතිවුණු කඩා වැටීම නිසායි...
ඒ සඳහා ෆීලික්ස් ඩයස් බණ්ඩාරනායක අතින් යම් වරදක් සිදු වුණානම් එය ඉතිහාසයේ ඉතාමත් දරුණු වැරැද්දක්..
මන්ද 70/ 75 ගමන තව වසර දහයක් පහළොවක් යන්නට පුළුවන් වුණා නම්,
අද ඉන්දියාව ලැබූ ආර්ථික ජයග්‍රහණ ඊට කලින් අපට ලබාගන්නට තිබුණා..
1962 වසරේ රාජ්‍ය විරෝධී හමුදා කුමන්ත්‍රණයෙන් රටේ ප්‍රජාතන්ත්‍රවාදයේ බේරා ගැනීම සඳහා විශිෂ්ට කාර්යභාරයක් ඉටුකළ ෆීලික්ස් ඩයස් බණ්ඩාරනායක,
1971 කැරැල්ලෙන් පසුව අපරාධ යුක්ති විනිශ්චය කොමිෂන් සභාව පිහිටුවීමේදීද මූලිකත්වය ගත්තා..
1970 වී මහ මැතිවරණයෙන් වැඩිම වැඩි ජන සංඛ්‍යාවකින් පාර්ලිමේන්තුවට පත්වුණේ ඔහුයි..
ඒ දුම්පේ ආසනයෙන් වැඩි ඡන්ද විසි දෙදහසකට වැඩි, වැඩි ඡන්ද සංඛ්‍යාවක් ලබා ගනිමින්.
එවර ඔහුගේ නාමයෝජනා පත්‍රයේ එක් අත්සනක් තබා තිබුණේ මගේ මවගේ පුංචි අම්මා..
එතුමිය මල්වානේ පදිංචිව සිටියා..
ඔහු නීති ක්ෂේත්‍රයේ කෙතරම් කීර්තියක් අත් කරගෙන තිබුණාද යන්නට හොඳම උදාහරණයක් තියෙනවා..
1971 කැරැල්ලෙන් පසුව ජවිපෙ නායක රෝහණ විජේවීර ඇතුළු කණ්ඩායම,
ෆීලික්ස්ටර්ස් බණ්ඩාරනායකගේ ප්‍රධානත්වයෙන් සිදුවුණු ක්‍රියාවලියකින් පසුව,
අපරාධ යුක්ති විනිශ්චය කොමිෂන් සභාව පිහිටුවා ඒ යටතේ සිදුකරනු නඩු විභාගයෙන් පසුව සිරගත කෙරුණු ලැබුවා..
1978 වසරේ ජේ.ආර්.ජයවර්ධන රජය විසින් ම එම සිරගත කරනු ලැබූ සියලු දෙනා නිදහස් කරනු ලැබුවා...
ජනාධිපති කොමිසමක් මගින් ජනාධිපති
ජේ.ආර්. ජයවර්ධන විසින් බණ්ඩාරනායක මැතිණියගේත් ෆීලික්ස් ඩයස් බණ්ඩාරනායක මහතාගේත් තවත් කීප දෙනෙකුගේත් ප්‍රජා අයිතිය ඉතාමත් අත්තනෝමතික ලෙස අහෝසි කර දමා තිබුණා..
1982 වසරේ පැවැත්වීමට නියමිත මහ මැතිවරණය ඉතාමත් දූෂිත ජනමත විචාරණයක් මගින් ජයවර්ධනගේ පාලනය විසින් වළක්වනු ලැබුවා..
එම ජනමත විචාරණය දූෂිත සහ නීති විරෝධී එකක් ලෙස නියම කරන මෙන් ඉල්ලමින් රෝහණ විජේවීර නීති මගට පිවිසුණා..
ඔහු ඔහුගේ නඩුව වෙනුවෙන් තෝරා ගත් නීතිඥයා වූයේ ෆීලික්ස් ඩයස් බණ්ඩාරනායකයි
අතීතයේ තමාගේ ප්‍රබල විරුද්ධවාදියෙකු වුවත් මෙම නඩු කටයුත්ත සඳහා වඩා සුදුස්සා ලෙස විජේවීර විසින් ෆීලික්ස්ව විශ්වාස කළා..
1983 ජූලි කලබල සමග රජය ඉතාමත් අසාධාරණ ලෙස ජනතා විමුක්ති පෙරමුණත් ලංකා සම සමාජ පක්ෂයත් ,
ශ්‍රී ලංකාවේ කොමියුනිස්ට් පක්ෂයත්,
නව ලංකා සම සමාජ පක්ෂයත්,
තහනම් කිරීම නිසා ඉන් අනතුරුව ප්‍රසිද්ධ දේශපාලනයෙන් විජේවීර ඉවත් වී යාමත් සමගම එම නඩුවද ඉදිරියට ගියේ නැහැ..
අද උදෑසන හමු වූ මේ ඡායාරූපයත් සමගම ඉතිහාසය මතකයට ආනිසා මෙලෙස සටහන් කළා..
ආචාර්ය එන්.එම් පෙරේරාට ආචාර්ය උපාධි දෙකක් ආර්ථික ක්ෂේත්‍රය සම්බන්ධයෙන් තිබෙන ප්‍රාමාණික උගතෙක්...
ඔහු දක්ෂ ක්‍රිකට් ක්‍රීඩකයෙක්..
ආනන්ද කණ්ඩායමේ නායකයෙක්..
ක්‍රිකට් සල්ලි වලට යට නොවුණු යුගයක ක්‍රිකට් පාලක මණ්ඩලයේ සභාපතිවරයෙක්.
ඔහු විපක්ෂයේ සිටියදී පවා ,
එවකට අගමැති ධුරය දැරූ ඩඩ්ලි සේනානායක අග්‍රාමාත්‍යවරයා යම් ගැටලු රජයට ඇතුළු අවස්ථාවලදී උපදෙස් ලබාගත්,
එමෙන්ම අගමැතිවරයාගේ ඉල්ලීම අනුව එම ප්‍රශ්න නිරාකරණය කර ගැනීමට උපදෙස් දුන්,
මහත්මා දේශපාලනයේ මිනිසෙක්..
මේ මිනිසුන් සතු පෞර්ෂය සහ උගත්කම නිසා ලෝකයේ ඕනෑම තැනක ,
ගෞරවනීය පිළිගැනීමකින් යුතුව,
ශ්‍රී ලංකාව නියෝජනය කිරීමේ හැකියාවක් තිබූ බව අවිවාදිතව පක්ෂ විපක්ෂ සියලු දෙනා පිළිගන්නා සත්‍ය කරුණක්...

... ලාල් ද අල්විස්...

A day in the life

පේර කොළ

පේර කෑමට පමණක් නෙවෙයි, එහි කොළද අපේ පරණ වෛද්‍ය සම්ප්‍රදායන්හි විශේෂ ස්ථානයක් හිමිකරගෙන තිබුණා.
පේර කොළට ඇති දියවැඩියාව පාලනය කිරීමේ, කනස්සල්ල සහ උණ අවම කිරීමේ වටිනා ඖෂධ ගුණ විශාලව පිළිගන්නා ලදී. ගෙදර බඩු තේරීමේදී හැමෝම අතහැර දමන මේ කොළ, අද වෙනකොට බෙහෙවින් සෙවූ සෞඛ්‍ය විකල්පයකි. තේ එකක් හදලා බොනවා නම් පේර කොළ එක්කත් උසස් ප්‍රතිඵල ලැබේ. කෑමට පේර කාලා කොළ දමන එක නවත්තන්න ඒවෙන් සත්‍ය ඖෂධයක් හදන්න පුළුවන්!

පේර කියන්නේ අපි හැමෝම දන්නා රසවත් ගුණවත් පලතුරක්.

බොහෝ නිවෙස්වල පේර ගසක් දකින්නට හැකියාව ලැබුණත් පේර ගෙඩි පලතුරු විදියට ආහාරයට ගන්නවා හැර පේර කොළවලින් නම් නිසි ප්‍රයෝජනයක් ගන්නේ නැතුව ඇති.
නමුත් පේර කොළ සතුව ඉතාමත් වටිනා ඖෂධීය ගුණයන් බොහොමයක් අන්තර්ගත වෙනවා.
හිසකෙස්වලට සමට වගේම සිරුරේ නීරෝගි පැවැත්මටත් පේර කොළ අපිට භාවිතා කරන්නට පුළුවන්.
ඉතින් අද අපි කතා කරමු මේ පේර කොළවලින් ලබාගත හැකි සෞඛ්‍යමය ප්‍රතිලාභ පිළිබඳව.
පේර ගෙඩිවල වගේම කොළවලත් විටමින් A, C, B 2, පොටෑසියම්, තන්තු සහ ලයිකොබින් යන පෝෂක සංඝටක අන්තර්ගත වෙනවා.
ඒ වගේම ක්ෂුද්‍ර ජීවී නාශකයක් ලෙසත් ක්‍රියා කරන්නට මේ පේර කොළවලට හැකියාව පවතිනවා.
මේ පේර කොළ තම්බා හෝ අඹරා යුෂ ආදිය ගැනීමෙන් බාහිරව ආලේප කරන්නත් ඒ හැරුණාම තේ පානයක් ලෙස තම්බා පානය කිරීමත් නිරෝගී පැවැත්මක් සඳහා අපිට උදව් වෙනවා.
ඒ විතරක් නෙවෙයි දිගුකාලීනව ඇතිවන කැස්ස සඳහා පේර කොළ කැඳ ඉතාම ගුණදායක ඔසුවක් ලෙස එදා සිටම පැවතුණා.
ඒ හැරුණාම සතියකට දවසක් හෝ පේර කොළ කැඳක් පිසගෙන පානය කළ හැකිනම් එය ඔබේ නීරෝගි බවට විශාල අත්වැලක් ලැබෙනවා නොඅනුමානයි.
පේර දළු කැඳ
පේර කෑවට පස්සේ කොළෙත් මේ විදිහටම භාවිතා කරන්න
අවශ්‍ය ද්‍රව්‍ය;
පේර කොළ ග්‍රෑම් 250 ක් පමණ
හීනටි සහල් මිටක්
සුදු ළූණු බික් 3 ක්
රතු ළූණු ගෙඩි 2 ක්
ඉඟුරු
මිටි කිරි කෝප්පයක් සහ දියකිරි
කරපිංචා කොළ මිටක්
කුරුඳු පොත්තක්
ගම්මිරිස් ඇට 2-3 ක්
දෙහි යුෂ තේ හැන්දක්
රස අනුව ලුණු
ගලායන ජලයෙන් හොඳින් සෝදා පිරිසිදු කරගත් පේර කොළසමඟ බ්ලෙන්ඩර් කරගෙන යුෂ ලබා ගන්න.ඉඟුරු, සුදු ළූණු, ගම්මිරිස් ඇට යන්තම් තලා එයට ලියාගත් රතු ළූණු එකතු කරන්න.හීනටි සහල් සෝදා වතුර දමා එයට තලාගත් ඉඟුරු සුදු ළූණු ගම්මිරිස් හා කුරුඳු පොත්ත සහ ලියාගත් රතු ළූණු එකතු කර පිස ගන්න.බත ඉදුණු පසු එයට මිටිකිටි දමා පිස කොළ යුෂ දමා විනාඩියක් පමණ උතුරුවා ගන්න. ලිපෙන් ඉවත් කරගෙන අවශ්‍ය පමණට ලුණු සහ දෙහි යුෂ එක් කර උණුසුම්ව පානය කරන්න.
පේර කොළවලින් ලබාගත හැකි සෞඛ්‍යමය ප්‍රතිලාභ;
හිසකෙස් වර්ධනය වේගවත් කරනු ලබයි. හිසකෙස් වැටීම පාලනය කරන සහ හිසකෙස් වර්ධනය වීම වේගවත් කරන, හිස්සොරි පාලනය කරන අපූරු හැකියාවක් ඇති පේර කොළ පහත සඳහන් ආකාරයට ඔබට භාවිතා කරන්නට පුළුවන් .
පේර කොළ ජලයේ හොඳින් තම්බා ගෙන එය නිවෙන්නට තබා ඒ ජලයෙන් හිස සෝදා හරින්න.
තලපයක් වන සේ අඹරා ගත් පේර කොළ හිස් කබලේ හොඳින් ආලේප කර සම්බාහනය කර මදවේලාවකින් සෝදා හරින්න.
මෙය හිස්සොරි සඳහා වඩාත් සුදුසුයි .
සම දීප්තිමත් කරයි.
මුහුණේ ඇතිවන රැළි වැටීම, කළු ලප, සමේ ඇතිවන රතු ලප හා පැල්ලම් ආදී සමේ ගැටළු බොහොමයකටම අඹරා ගත් පේර කොළ මුහුණේ ආලේප කරන්න. එය වඩාත් තරුණ පෙනුමක් සඳහා වැදගත් වේවි.
විෂබීජ නාශක ගුණයෙන් සමන්විතයි.
කුරුලෑ ඇතිවීම වළක්වයි. පේර කොළ කුරුලෑ ඇතිවෙන්නට හේතුවන ඇසට නොපෙනෙන ජීවීන්ට ඉතා අහිතකර අතර පේර කොළ සතු ප්‍රති බැක්ටීරියා ගුණ මගින් කුරුලෑ ඇතිවීම අවම කරනු ලබනවා.
දත් රෝග සුව කරයි. දත් කැක්කුම සඳහා ක්ෂණික සහනයක් පේර කොළ කිහිපයක් සැපීමෙන් ලබා ගන්නට පුළුවන්.
මුඛ දුර්ගන්ධය සහ විදුරුමස්වලින් ලේ ගැලීම සමනය කරයි.
කෘමී විෂ නසයි.
පේර කොළ අඹරා කෘමීන් දශ්ඨ කළ ස්ථානවල ආලේප කිරීමෙන් ඒ විෂ නැතිවී සුවය ලබාදෙනවා.
සීරීම්, කැපුම් තුවාල හා දද කුෂ්ට සුව කරයි.
පේර කොළ පානයෙන් ලබාගත හැකි සෞඛ්‍යමය වාසි
කැස්ස සමනය කරයි.
මුත්‍රා දැවිල්ල සමනය කරයි.
මේ සඳහා ග්‍රෑම් 10 ක පේර කොළ යුෂ හා ග්‍රෑම් 50 ක මුද්දරප්පලම් එකට මුසුකොට උදෑසන සහ රාත්‍රියට පානය කරන්න.
පිළිකා ඇතිවීම වළක්වයි. ලයිකොෆීන්, ක්වෙර්සෙටින්, විටමින් C ඇතුළු ප්‍රතිඔක්සිකාරක පිළිකා සෛල වර්ධනයට එරෙහිව ක්‍රියා කරනු ලබනවා.
පුරස්ථි ග්‍රන්ථියේ පිළිකා හා පියයුරු පිළිකා ආදී තත්ත්වයන්ගෙන් ආරක්ෂා වීම සඳහා පේර කොළ පානය ඉතාම වැදගත්.
අහිතකර කොලෙස්ටරෝල් මට්ටම පාලනය කරයි.
දියවැඩියාව රෝගයට ගුණදායකයි. තන්තු බහුල වීම සහ අඩු ග්ලයිසමික් දර්ශකය හේතුවෙන් පේර කොළ දියවැඩියාව ඇතිවීමේ අවදානම අඩුකරන අතර රුධිරයේ සීනි මට්ටම හොඳින් නියාමනයට උපකාරී වෙනවා.
සිරුරේ බර අඩු කරගන්නට උපකාරී වෙයි.
අජීර්ණයට සහනය ලබාදෙයි. ඒ සඳහා පැය 8 ට වරක් පෙර කොළ තම්බාගත් ජලය පානය කළ යුතුයි.
තරබාරුව අඩු කරයි. ඒ නිසා සිරුරේ බර අඩු කර ඇඟ කෙට්ටු කරගන්නට පේර කොළ පානය ඉතාම සුදුසුයි.
රාත්‍රී අන්ධතාවය ඇතිවීම වළකා ඇස්වල සෞඛ්‍ය යහපත් කරන්නට උපකාරී කරයි. 
--Love - ආදරය
A day in the life

අධ්‍යාපන ප්‍රතිසංස්කරන 5

අ.පො.ස. සාමාන්‍ය පෙළ විභාගය 2026 සිට:
නව විෂය නිර්දේශය සහ GPA ක්‍රමය - සවිස්තරාත්මක මාර්ගෝපදේශය
2026 වසරේ සිට ක්‍රියාත්මක වීමට නියමිත අ.පො.ස. සාමාන්‍ය පෙළ විභාගයේ නව විෂය නිර්දේශය සහ ප්‍රතිඵල නිකුත් කිරීමේ GPA (Grade Point Average) ක්‍රමය පිළිබඳව ඔබ දැනුවත් කිරීම සඳහා මෙම සවිස්තරාත්මක තොරතුරු ඉදිරිපත් කරමු. මෙම වෙනස්කම් සිසුන්ගේ අධ්‍යාපන බර අඩු කර, ඔවුන්ට වඩාත් ගැඹුරින් අධ්‍යයන කටයුතු කිරීමට සහ ජාත්‍යන්තර ප්‍රමිතීන්ට අනුකූලව ඔවුන්ගේ හැකියාවන් ඇගයීමට අවස්ථාව ලබා දෙනු ඇත.
නව විෂය නිර්දේශය: විෂයයන් 7ක්
නව ක්‍රමය යටතේ සිසුන්ට විෂයයන් 10ක් වෙනුවට විෂයයන් 7ක් හැදෑරීමට සිදු වේ. මෙය සිසුන්ගේ විෂය බර අඩු කර, ඔවුන්ට වඩාත් ගැඹුරින් අධ්‍යයන කටයුතු කිරීමට අවස්ථාව සලසා දීම අරමුණු කරයි.
අනිවාර්ය විෂයයන් 5ක්:
මෙම විෂයයන් සියලුම සිසුන් විසින් හැදෑරිය යුතුය.
* මව්බස: සිංහල, දෙමළ හෝ වෙනත් පිළිගත් මව්බසක්. (Credits: 3)
* ඉංග්‍රීසි: සන්නිවේදන කුසලතා, කියවීම, ලිවීම සහ කථනය. (Credits: 3)
* ගණිතය: ගණිතමය සංකල්ප, ගැටලු විසඳීම සහ තර්කනය. (Credits: 3)
* විද්‍යාව: භෞතික විද්‍යාව, රසායන විද්‍යාව, ජීව විද්‍යාව යන ක්ෂේත්‍ර ආවරණය වන පරිදි පොදු විද්‍යාව. (Credits: 3)
* ආගම: බුද්ධාගම, හින්දු ආගම, ඉස්ලාම් ආගම හෝ කිතුනු ආගම. (Credits: 2)
මුළු අනිවාර්ය විෂයයන් සඳහා Credits: 14
තෝරාගත හැකි විෂයයන් 2ක්:
මෙම විෂයයන් දෙක සිසුන්ට ඔවුන්ගේ රුචිකත්වය සහ අනාගත අරමුණු අනුව පහත කාණ්ඩවලින් තෝරාගත හැක. සෑම තෝරාගත් විෂයයකටම Credits 2ක් හිමිවේ.
* දෙවන ජාතික භාෂාව (Second National Language)
* තොරතුරු හා සන්නිවේදන තාක්ෂණය (Information and Communication Technology)
* ඉතිහාසය (History)
* පුරවැසි අධ්‍යාපනය (Civic Education)
* සෞඛ්‍ය හා ශාරීරික අධ්‍යාපනය (Health and Physical Education)
* තාක්ෂණය (Technology): (මෙය පුළුල් ක්ෂේත්‍රයකි)
* සංචාරක හා ආගන්තුක සත්කාර කළමනාකරණ තාක්ෂණය (Tourism and Hospitality Management Technology)
* නිර්මාණ හා ඉංජිනේරු තාක්ෂණය (Design and Engineering Technology)
* පශු සම්පත් නිෂ්පාදන තාක්ෂණය (Livestock Product Technology)
* කලාත්මක නිෂ්පාදන තාක්ෂණය (Artistic Product Technology)
* ව්‍යවසායකත්වය හා ඊ-වාණිජ්‍ය තාක්ෂණය (Entrepreneurship and E-commerce Technology)
* භූගෝල විද්‍යාව (Geography)
* සෞන්දර්යය අධ්‍යාපනය (Aesthetics Education):
* පෙරදිග සංගීතය (Oriental Music)
* බටහිර සංගීතය (Western Music)
* කර්ණාටක සංගීතය (Carnatic Music)
* පෙරදිග නැටුම් (Oriental Dance)
* භරත නැටුම් (Bharatha Dance)
* බටහිර නැටුම් (Western Dance)
* නාට්‍ය හා රංග කලාව (Drama and Theatre)
* චිත්‍ර (Art)
* ව්‍යවසායකත්වය හා මූල්‍ය සාක්ෂරතාව (Entrepreneurship and Financial Literacy)
මෙම විෂයයන් 7ක් තෝරාගැනීමෙන්, සිසුන්ට විෂයයන් ගණනාවකට විසිරී නොගොස් තමන්ට වැදගත් වන ක්ෂේත්‍ර කෙරෙහි අවධානය යොමු කිරීමට හැකි වේ.
GPA (Grade Point Average) ක්‍රමය
නව ක්‍රමය යටතේ විභාග ප්‍රතිඵල A, B, C, S, F යන අකුරු ශ්‍රේණි වෙනුවට GPA ක්‍රමය මගින් නිකුත් කෙරේ. GPA යනු සිසුවෙකු විෂයයන් ගණනාවක ලබාගත් සාමාන්‍ය ලකුණු මට්ටම සංඛ්‍යාත්මකව දැක්වීමේ ක්‍රමයකි. මෙය ජාත්‍යන්තරව පිළිගත් ක්‍රමයක් වන අතර, සිසුන්ගේ සමස්ත අධ්‍යයන කාර්ය සාධනය වඩාත් නිවැරදිව පිළිබිඹු කරයි.
GPA ක්‍රමය ක්‍රියාත්මක වන ආකාරය (අපේක්ෂිත පරිදි):
* ලකුණු ශ්‍රේණිගත කිරීම: සෑම විෂයයකටම ලබාගන්නා ලකුණු ප්‍රතිශතයක් හෝ ලකුණු පරාසයක් මත පදනම්ව, ඊට අදාළ ලක්ෂ්‍ය අගයක් (Grade Point) ලබා දෙනු ඇත. (මෙම ලක්ෂ්‍ය අගයන් අධ්‍යාපන අමාත්‍යාංශය විසින් නිල වශයෙන් ප්‍රකාශයට පත් කළ පසු වෙනස් විය හැක. පහත දැක්වෙන්නේ උදාහරණයක් පමණි):
* 90-100% = 4.0
* 80-89% = 3.7
* 70-79% = 3.3
* 60-69% = 3.0
* 50-59% = 2.7
* 40-49% = 2.0 (සමත්)
* 39%ට අඩු = 0.0 (අසමත්)
* සෑම විෂයයකටම ලක්ෂ්‍ය අගයන්: ශිෂ්‍යයෙකු විෂයයන් 7 සඳහා ලබාගන්නා ලකුණු අනුව, එම එක් එක් විෂයයට අදාළ ලක්ෂ්‍ය අගය (Grade Point) ලබා දෙනු ඇත.
* GPA ගණනය කිරීම: අවසාන GPA අගය ගණනය කරනු ලබන්නේ සියලුම විෂයයන් සඳහා ලැබුණු ලක්ෂ්‍ය අගයන්ගේ සාමාන්‍යය ගැනීමෙනි.
උදාහරණයක්:
යම් සිසුවෙකු විෂයයන් 7 සඳහා පහත ලක්ෂ්‍ය අගයන් ලබා ගත්තා යැයි සිතමු:
* ගණිතය: 3.7
* ඉංග්‍රීසි: 3.3
* මව්බස: 4.0
* ආගම: 3.7
* විද්‍යාව: 3.0
* තෝරාගත් විෂය 1: 3.5
* තෝරාගත් විෂය 2: 3.2
මුළු ලක්ෂ්‍ය අගයන් එකතුව = 3.7 + 3.3 + 4.0 + 3.7 + 3.0 + 3.5 + 3.2 = 24.4
GPA = මුළු ලක්ෂ්‍ය අගයන් එකතුව / විෂයයන් ගණන
GPA = 24.4 / 7 = 3.48 (ආසන්න වශයෙන්)
මේ අනුව, එම සිසුවාගේ අවසාන GPA අගය 3.48 ක් වනු ඇත.
GPA ක්‍රමයේ වාසි:
* වඩාත් නිවැරදි ඇගයීමක්: GPA ක්‍රමය මගින් සිසුවෙකුගේ සමස්ත කාර්ය සාධනය පිළිබඳ වඩාත් සවිස්තරාත්මක හා නිවැරදි චිත්‍රයක් ලබා දේ.
* අධ්‍යයන පීඩනය අඩු කිරීම: තනි විෂයයක අසමත් වීමක් හෝ අඩු ලකුණක් සමස්ත ප්‍රතිඵලයට දැඩි ලෙස බලපානවාට වඩා, GPA ක්‍රමය යටතේ සමස්ත සාමාන්‍යය සැලකිල්ලට ගැනීමෙන් සිසුන්ට ඇති පීඩනය අඩු විය හැක.
* ජාත්‍යන්තර ප්‍රමිතීන්: බොහෝ ජාත්‍යන්තර අධ්‍යාපන පද්ධතිවල GPA ක්‍රමය භාවිතා වන බැවින්, උසස් අධ්‍යාපනය සඳහා විදේශගත වීමට අපේක්ෂා කරන සිසුන්ට මෙය වාසියක් වනු ඇත.
* උසස් පෙළට මග පෙන්වීම: සිසුන්ගේ සමස්ත හැකියාව සහ රුචිකත්වයන් වඩා හොඳින් පිළිබිඹු කරන බැවින්, උසස් පෙළට විෂය ධාරාවක් තෝරා ගැනීමට මෙය වඩාත් ඵලදායී මග පෙන්වීමක් ලබා දිය හැක.
* සාපේක්ෂ ඇගයීම: මෙම ක්‍රමය තුළ සිසුන්ගේ සාපේක්ෂ කාර්යසාධනය වඩා හොඳින් තක්සේරු කිරීමට අවස්ථාව ලැබෙනු ඇත.
අභියෝග සහ සැලකිලිමත් විය යුතු කරුණු:
* අවබෝධය: GPA ක්‍රමය පිළිබඳව සිසුන්, දෙමාපියන් සහ ගුරුවරුන් නිසි ලෙස දැනුවත් කිරීම අත්‍යවශ්‍ය වේ.
* සමත් වීමේ මට්ටම්: GPA ක්‍රමය තුළ සමත් වීමට අවශ්‍ය අවම GPA අගය සහ එක් එක් විෂය සඳහා සමත් වීමේ නිර්ණායක පැහැදිලිව අර්ථ දැක්විය යුතුය.
* ගණනය කිරීමේ විනිවිදභාවය: GPA ගණනය කරන ආකාරය සහ ලකුණු සඳහා ලක්ෂ්‍ය අගයන් ලබා දෙන ආකාරය පිළිබඳව විනිවිදභාවයක් තිබිය යුතුය.
මෙම නව ක්‍රමය ශ්‍රී ලංකාවේ අධ්‍යාපන ක්ෂේත්‍රයේ විශාල වෙනසක් ඇති කරනු ඇතැයි අපේක්ෂා කෙරේ. එහි සාර්ථකත්වය රඳා පවතින්නේ නිසි සැලසුම්කරණය, ක්‍රියාත්මක කිරීම සහ අදාළ පාර්ශ්වයන්ගේ සහයෝගය මතයි. මෙම වෙනස්කම් සිසුන්ට වඩාත් අර්ථවත් හා ප්‍රතිඵලදායී අධ්‍යාපන අත්දැකීමක් ලබා දෙනු ඇතැයි විශ්වාස කෙරේ.

උපුටා ගැනීමකි.

A day in the life

අධ්‍යාපන ප්‍රතිසංස්කරණ 4. ඉතිහාසය .

අධ්‍යාපනවේදය ගැන දැනුමක් නැති කෙනෙක් විදියට ඉතිහාසය සාකච්ඡාවට මගෙන් (කවුරුත් ඉල්ලපු නැති) සත දෙක...
(Disclaimer: ඉතිහාසය පාසල් විශය මාලාවෙන් අයින් කරල නෑ කියල මම දන්නව. ඒත් මේ වෙලාවෙ යන කථිකාව මේ ගැන අපිට විවිධ අදහස් කතා කරන්න අවස්ථාවක්. මේ අදහස් දැනටම ඇක්ඩමියාවෙ කතා වෙන දේවල් නම් මගේ ඉග්නොරන්ස් එකට කමා කරන්න.)

1. ඉතිහාසය උගන්නන්න ඕන. අනන්‍යතා අර්බුද ගැන අපි කතා කරනව හොඳටම මදි. අපේ මුලු ජීවිතයම ගත වෙන්නෙ මම කවුද කියන ප්‍රශ්නෙට උත්තර හොයන ගමන්. මම කවුද කියන එකේ උත්තරයට අපි කවුද කොහෙන්ද එන්නෙ කියන එක අතිශයින් වැදගත් කොටසක්. ඒක සම්පූර්ණ උත්තරයම නොවුනත් ඒක නැතුව බහුතරයකට මම කවුද කියන එකට උත්තරයක් හොයාගන්න බෑ. අනිත් පැත්තෙන් ඉතිහාසය කියන්නෙ අනාගතයට රෝඩ්මැප් එකක්. ඉතිහාසය දන්න තරමට වර්තමානය තේරුම් ගන්න ලේසියි. අද වෙන ගොඩක් දේවල් අතීතයේ නැවත නැවත සිදු වෙලා තියෙනව. ඉතිහාසය නොදැන වර්තමානයේ ඉඳන් අනාගතයට මුහුණ දෙන එක කිසිම දෙයක් පාඩම් නොකර විභාගයක් ලියනව වගේ.

2. අපි ඉතිහාසය ඉගෙනගන්න විදිය මීට වඩා සෑහෙන්න හොඳට කරන්න පුලුවන්. අපි ඉතිහාසය ඉගෙන ගත්තෙ තනි narrative එකක් විදියට. ඒත් ඉතිහාසය කීයටවත් තනි නැරටිව් එකක් නෙවෙයි. එකම සිදුවීම වාර්තා කරල තියෙන විදි වෙනස්. ඒ සිදුවීම් ගැන එකිනෙකාගෙ Perspectives වෙනස්. ඉතිහාසය ඉගෙන ගන්න ඕන මේ එකම සිදුවීම ගැන different accounts සහ different perspectives ඉගෙන ගැනීමක් ලෙස. එතනදිත් අපි ඉගෙන ගන්නෙ ඉතිහාසය විතරක් නෙවෙයි. 

කුඩා වයසෙදිම අපි තේරුම් ගන්නව එකම සිදුවීමක් උනත් ඇත්තටම ඒක දිහා බලන අය අනුව සිදුවීම් කීපයක් කියල. තමන්ගෙ පටු දැක්ම වෙනුවට වෙනස් අයගෙ ඇස් වලින් සිදුවීම් දිහා බලන්න පොලඹවනවා. එකම සිදුවීම වෙනස් අර්ථකථන ඇතුව දකින්න පොලඹවනවා. මට හිතෙන්නෙ මේ ස්කිල් සෙට් එක උගන්නන්න පුළුවන් එකම "විශය" ඉතිහාසය විතරයි. ඒ ස්කිල් සෙට් එක ජීවිතයට කොච්චර වැදගත්ද කියන එක මට overemphasize කරන්න බැරි තරම්. අන්තර් පවුල් සම්බන්ධතා, පවුලෙන් පිට සමාජයේ අන්තර් පුද්ගල සබඳතා, දේශපාලනය යනාදී හැම තැනම මේ ස්කිල් සෙට් එක අත්‍යවශ්‍යයි. ඇත්තටම මේ ස්කිල් සෙට් එක නැතුව ජීවත් වෙන එක handicap එකක් එක්ක ජීවත් වෙනව වගේ. අවාසනාවකට වගේ ඇත්තටම සමාජයෙන් බහුතරයක් ඒ ස්කිල් සෙට් එක අතින් hadicapped මට හිතෙන්නෙ.
3. දෙවෙනි පොයින්ට් එකේ විදියට ඉතිහාසය ඉගෙන ගන්න දැන් තරම් ලේසි කාලයක් තවත් නෑ. ඒකට හේතුව AI. දැන් හැම AI එකේම ෆ්‍රී වර්ශන් එකක් තියෙනව. අනාගතයේ (ඒ කියන්නෙ හෙට ඉඳන්ම) ළමයි ඉස්කෝලෙ හැම දේටම AI පාවිච්චි කරනව අපි හා කිව්වත් එපා කිව්වත්. ඒත් AI පාසලට intergrate කරන්න හොඳම තැනක් තමයි ඉතිහාසය වගේ විශයන්. ඉතිහාසය කියන්නෙ කරුණු වගේම interpretations. ඒ නිසා AI පාවිච්චි කරන්න එපා කියනව වෙනුවට ටීචර්ස්ලටම කියන්න පුළුවන් ඔයා හෙට එනකොට ඩොනමෝර් ප්‍රතිසංස්කරණ ගැන ක්‍රිටිකල් ඇනලිසිස් එකක් ලියාගෙන එන්න කියල. 

අනිවාර්යයෙන් ලමය කරන්නෙ ඔය ප්‍රශ්නෙ අහල උත්තරේ කොපි පේස්ට් කරන් එන එක. ඒත් ඊළඟ ස්ටෙප් එකේ තමා මැජික් එක තියෙන්නෙ. ඊළඟ දවසෙ හෝම් වර්ක් බලනකොට උත්තරේ කියවනව වෙනුවට ලමයගෙන් අහන්න ඕන ඔයාට මේකෙන් තෙරුනේ මොනවද කියල පන්තියට කියන්න කියල. ඔතනදි අනිවාර්යයෙන් එක එක කෙනාගෙ තේරුම් ගැනීම සම්පූර්ණයෙන් වෙනස් වෙනව. 

අනික ඕක ඉංග්‍රීසියෙන් නම් ඇහුවෙ ඉංග්‍රීසි තේරුම් ගැනීම අනුව තවත් වෙනස් වෙනව. ඒත් ඒක තමා මේ exercise එකේ පොයින්ට් එක. එක රැයින් මේකෙ ප්‍රතිඵල පේන එකක් නෑ. නමුත් ටික ටික සතතාභ්‍යාසයේ යෙදෙනකොට ලමය ක්‍රිටිකල් තින්කින් ඉගෙන ගනියි. ඉංග්‍රීසි ඉගෙන ගනියි. පන්තිය ඉස්සරහ මිනිත්තු පහක් කතා කරන්න පබ්ලික් ස්පීකින් ඉගෙන ගනියි. තමන් කියපු කතාවට සම්පූර්ණයෙන් අනිත් පැත්ත කියපු පන්තියෙ අනිත් ළමයගෙ මතයටත් රෙස්පෙක්ට් කරන්න ඉගෙන ගනියි. 
මැත්ස්, සයන්ස් හෝ ලැන්වේජ් වලට වඩා ඉතිහාසය විශය මේ විදියට උගන්නන්න ලේසියි. ටිචර්ස්ලට සෑහෙන්න ක්‍රියේටිව් වෙන්න පුළුවන් මේකෙදි.
(හැමෝටම AI වලට ඇක්සස් නෑ කියන්න එපා දැන්. බහුතරයකට ලේසියෙන් ඇක්සස් හදල දෙන්න පුලුවන්. දැනටත් හැමෝටම අධ්‍යාපනයේ රිසෝසස් වලට ඇක්සස් නෑ. කවදාවත් එහෙම තියෙන්නෙත් නෑ.)

මගෙ පොයින්ට් එක තමා ඉතිහාසය කියන්නෙ ඉස්කෝලෙ උගන්නන්න පුළුවන් වැදගත්ම විෂයක් කියන එක. ඒක "ජීවිතේට" ගණිතය හෝ භාෂාව තරම්ම වැදගත්. නිර්මාණශීලී විදියට ඉගැන්නුවොත් ඉතිහාසය අපි ඉස්කෝලෙන් අපිට උගන්නන වැදගත්ම "life skills" සෙට් එක ඉගෙන ගන්න විෂය වෙන්න පුලුවන්. 

 Naveen Udawella 

A day in the life

අධ්‍යපන ප්‍රතිසංස්කරණ - 3

Education reforms have arrived.

Mother Buddha.. We're dead.. That's what it is.
Mothers are more upset than children.
Guys... Call the captured house.
Watch FB watch YOUTUBE
In the meantime, stories are spreading.
That's why what is this?
Reforms.
I'm trying to put it a little simpler.
It's not just the Olevel guys here.
For those who want to do A/L
STEM (Science -Technology -Engineering -Maths )
A subject category has been identified.
So those who do A/L
It's worth understanding.
The first change proposed here is
Instead of the 9 core subjects currently being studied in Olevel
Containing only 7 subjects
A lot of kids like that job.
There will be 5 general subjects.
At that five
Mother Tongue
English language
Mathematics
Science
Includes the study of religion and values
There will be three credits for each of these subjects and
For the study of religion and values only
I get two credits.
And then there's
As the children like
Subjects you can choose
You have to choose two of them.
It's about including history.
Reluctance goes a little too often these days.
History must be inevitable.
Do you want to choose that?
That's how the story goes.
Here's what you want.
Subjects you can choose
Second National Language
Information and Communication Technology
History
Citizen Education
Health and Physical Education
Technology
Geography
Aesthetic Education
Entrepreneurship and Financial Literacy
But in order to provide the necessary access to the Higher Level
STEM (Science -Technology -Engineering -Maths ) Subjects and
Humanities and Social Sciences or Management
Subjects related to the curriculum can be studied.
If a student chooses STEM, that student
STEM subject category including Mathematics and Information Technology
4 subjects to be studied,
They are from humanities and social sciences category.
There are two subjects to study, including history and aesthetics.
In addition, they must pursue vocational training in one subject.
When selecting subjects under these subject categories
Students under all subject categories
History and aesthetics have to be studied.
That's why history and aesthetics are in the coming story.
The argument changes here.
Not only that, in addition to the 7 core subjects
Additional subjects have to be studied.
There are also plans to replace ABCS with a GPA.
By introducing the CREDIT system, this GPA system will be adopted.
According to this new educational reform
The following subjects and the following credits should be earned.

අනිවාර්ය විෂයන් 05: ක්‍රෙඩිට් 14
තෝරාගත් විෂයන් 02: ක්‍රෙඩිට් 04
වැඩිදුර අධ්‍යාපන විෂයන් 07: ක්‍රෙඩිට් 14
තීර්යක් විෂයයන් (transversal): ක්‍රෙඩිට් 03
ඒ අනුව සිසුන් සාමාන්‍ය පෙළ සඳහා ඉහත විෂයන් අධ්‍යයනය කළ යුතු
අතර උපයා ගතයුතු මුළු ක්‍රෙඩිට් සංඛ්‍යාව 35ක්

ඉතින් මේ ප්‍රතිසංස්කරණ ගැන දරුවන්
ගොඩක් ඔලුවට අරන් වද වෙන්න එපා
ඒවා හිමින් සැරේ සිදුවේවි .
අපි අපේ වැඩේ කරගෙන යමු
යහපත් දෙයක් වෙයි කියලා හිතමු
ඒ වගේම අපේ අදහස්
හොඳ විදිහට බෙදා ගමු
අඩුපාඩු කතා කරමු

උපුටා ගැනීම

https://www.bbc.com/sinhala/articles/c1wpyw9w954o.lite

A day in the life