සංඝික දානයක් .

තරගකාරී දාන නොව තමන්ට හැකි උපරිම අයුරින් සැකසීම ප්‍රමාණවත් වේ. දුන් දානයේ විපාක දනිමු යන පිරිසුදු වූ සිතින් පූජා බුද්ධියෙන් යුතුව දානය හා ඒ හා බැඳී හැම කටයුත්තක් ම අනුන්ලවා නොව තමන් ම මැදිහත් ව පිළියෙළකොට කරන්නේ නම් එය සකසා දන්දීම“ යනුවෙන් ද කියැවේ.

අද ජුලි හතයි.

අද ජුලි හතයි........
1976 වෙන්න ඕන.
ජුලි හත්වෙනිදා මම හිටියේ බොරැල්ල රිමාන්ඩ් බණ්ධනාගාරයේ.......
බාන්ඩාගාරයේ ඒහෙම නෙමෙයි.
අදට අවුරුදු හතලිස් අටකට ඉස්සෙල්ලා මගේ වයස අවුරුදූ විසි අටයි.
තරුන ජවය ..............

වටේම හිටියා දහයක් පහලොවක් තරුන පිරිසක්. ඕන ඒහෙකට ලෑස්තියි. ඒකාවන්ව. මේ ඔක්කොම අද නෑ. ඉන්න අයත් වගකීම් සහිත රහිත විශ්‍රාමිකයෝ.
අනෙක් අය භව ගමනේ යෙදිලා.
ඒ කාලේ ග්‍රාමවාසී වැඩිහිටියන්ට  

අපි නාහෙට අහන්නේ නැති කොල්ලෝ ටිකක් !
වැඩිහිටියන් නොහදුන ඒකමුතූවක් අපිට තිබුනා.
අපි දෙසැම්බර් 31 වෙනිදාට කාලා බීලා සිංදු කියලා ජනවාරි පලවෙනිදා පිලිගත්තා කතෝලික සහෝදරයොත් ඒක්ක.
සිංහල අවුරුද්ද අති උත්කර්සව සැමරවා . බයිසිකල් රේස් අවුරුද්දේ දවස පුරාම ගම් මැද්දේ උත්සවයක් මේවට ගමේ ඔක්කොම ඒකතු වුනා.වෙසක් ඒකට ගමම සැරසිලි කලා පොසොන් ඒකට කැරොල් පන්නයේ භක්ති ගීත කිව්වා.මේවාට වියදම් කරන්න දානපතියොත් හිටියා. අපි කරන්නේ පොතත් අරන් පාරට බහින ඒක.
සල්ලි එකතුවුනා. අවුරුද්දට එකතු කරපු සල්ලි පොසොන් ඒකටත් වියදම් කරන්න සමහර අවුරුදු වල ඉතිරි වුනා. පන්සලේ චෛත්‍යය හුණු පිරියම් කරලා සුදු පාට කලා පොසොන් පෝයට කලින්. 
පුංචි පුංචි නාට්‍යය ගෙන්වාගෙන ගමේ පෙන්නුවා.
අදත් ඒ් ගම තියෙනවා. තරුන ජවය නැහැ. කීයක් හරි හම්බකරගෙන හවසට වයින් ස්ටෝර්ස් ඒකට දියකරලා., දවස කෙලවර කරගන්න තනිවූන පිරිසකූයි මම දකින්නේ.
හොදට නරකට දෙකටම හිටිය මේකොළු නඩේ මුහුන දුන්න නරක යයි කියාපු වැඩක් නිසා මම ගිය ටුවර් ඒකක් තමයි අද සමරන්නේ !!.
අපේ පදිංචියේ ඉදන් ග්‍රාමීය රෝහලට යන්න බස් ගාස්තුව ශත තිහයි. එදා මගේ නංගියෙකුට බෙහෙත් ගන්න මේ රෝහලට ගිහින් ආපහු එනවා. බස් ගාස්තුව ශත හැට කොන්දොස්තර මහත්තයාට දීලා බස් එකට නැග්ගා. ටිකට් දෙක ඉල්ලපුවම මම මුදල් ගෙව්වේ නෑ කියලා කොන්දොස්තර මහහත්තයා කියනවා. ඔන්න ඕකයි අරගලේට මුල.
මටත් හරි ලැජ්ජයි. මට වඩා අපේ තාත්තට සමාජ තත්වයක් ගෞරවයක්තිබුනා. ඒ තාත්තගේ පුතා බස් එකේ හොරට යයි ද ? බස් එකේ හිටපු මගීන් සියල්ලම පාහේ දන්න අදුුරන අය.
ඉතින් ඔය ලජ්ජාව ගින්නක් බවට පත්වුනා.
බස් එක නයිට් පාක් කරන්නේ අපේ අඩවියේ .
අපිට පුරුද්දක් තිබුනා අපේ ව්‍යාපාරික ගොඩනැගිල්ලක් ඉස්සරහ පේව්න්මන්ට් එකේ කල්ලි දාගෙන පේලියට වාඩි දා ගෙන ඕපා දූප කතා කර කර හවස ගෙවා දාන.


එදා මාතෘකාව උනේ බස් එකේදී මට වුන සිද්ධිය
මේ ගොඩනැගිල්ල ඉස්සරහ බස් හෝල්ට් එකක් තිබුනා.
උදේ වීරවරයා බස් එක නයිට් පාක් කරලා , එදාට වැඩ වරලා ගදර යන්න බස් හොල්ට් එකට ආවා.
අපේ පේව්මන්ට් සාමාජිකයෝ දහයක් දොළහක් ඉන්න ඇති. සිද්ධියේ ප්‍රවෘත්තිය නිසා රබානත් හොදට රත් වෙලා.
මූද චන්ඩියා ........?
ගහමුද ......?
ගැහුවා. 
මාර කාලගෝට්ටියයි. කොන්දොස්තර මහත්තයා තුවාලත් කරගෙන ජීවිත ආරක්‍ෂාවට පසු බැස්සා.
එවෙලේ ආවේගෙට වැඩට බැස්සට ටිකක් වෙලා යන කොට මාර බයක් දැනෙන්න පටන් ගත්තා.
එන ආරංච් හොද නෑ. පොලිසිය මැර පිරිසක් හොයනවා. කොන්දොස්තර මහත්තෙකුට පහර දීලා ටිකට් පොතයි, මුදලුයි පැහැරගෙන , තුවාල සිදුකරලා. කොන්දොස්තර මහත්තයා රෝහලේ.........


තාමත් මැර පිරිස අඩංගුවට අරගෙන නැහැ.....
ලංගම ඩිපෝව වැඩ වර්ජනයක් පටන් අරගෙන......
තුන්වෙනි දවස ........දිස්ත්‍රික් ප්‍රධාන ඩිපෝවත් වැඩ වර්ජණයට එකතු වෙනවා....


මාව පොලිසියේ ටාගට් එක..........
අන්තිමට මම පොලිසියට බාර වුනා. වැඩ වර්ජණය නිමා වුනා. ඒ දවස සිකුරාදාවක් ඇප ගන්න බැහැ.එදා පොලිස් කූඩුවේ පහුවදා බන්ධනාගාර රැදවුමක, ඉරිදා බොරැල්ල රිමාන්ඩ් බන්ධනාගාරයේ . ඒ රවුම ආපහු ඇවිත් අගහරුවාදා අධිකරණයට.
අධිකරණයෙන් ඇප..........!.
1976 ජුලි කියන්නේ, රට මැතිවරණයක් මුව විට තිබු කාලයක්. මම අත පය දික්කරලා තිබුනේ එවකට රජයට අයත් වෘත්තීය සමිතියක ලේකම් කෙනකුට. කොච්චර බරපතල පීඩනයක් එන්න ඇද්ද ?.
මාව පොලිස් භාරයේ ඉන්න කොට ප්‍රදේශයේ මංත්‍රීතුමිය ආවා “‘මැරයා“ බලන්න. මට රවලා සැර දාලා “මෙයාද මිනිහා“ කියලා ඇහුවා. වටේ හිටපුු අනුගාමිකයින්ට ජොලි. 
වයසක පහේ එක්කෙනෙක් කාරලා මුණට කෙල ගහන්න බැරිකමට එලියට ගිහින් කෙල ගහලා ආවා.

සිද්ධිය වුන තැන හෝටලේ අයිතිකාර මහත්තයා ටිකට් පොතයි සල්ලියි පොලිසියට බාර දීලා තිබුනා.
මාස කිහිපයකට පස්සේ අධිකරණ චෝදනා වලින් මාව නිදහස් කලා
ජුලි හතයි නේද ?
1977 මැතිවරණයෙන් මංත්‍රීතුමිය පරාජය වුනා. කොන්දොස්තර මහත්තයා ඈත පලාතකට ස්ථාන මාරුවක් ලැබුනා.මම ධාර්මිස්ඨ සමාජය පිහිටුුවන්න ගිහින් අතරමංවුුනා. 
1989 වන විට මගේ පාට වෙනස් වෙලා.
1989 දවසක එකම වේදිකාවක මමයි මංත්‍රීතුමියයි හමුවෙනවා. මංත්‍රීතුමිය මගෙන් අහනවා “කවුද මේ ළමයා “කියලා. ?. මම මැරයා ගැන පැහැදිලි කලාම එතුමියට ඩිංගක් වෙන්න ලැජ්ජා හිතතෙන්න ඇති. මම සංවිධානය කල මැතිවරණ ව්‍යාපාරයේ ජයග්‍රහණය කරලා පැවත්වුු රැලියකදී කොන්දොස්තර මහත්තයා මාව ඔසවා ගෙන ජයග්‍රහණය සැමරුවම මම කලේ ඇස් දෙකට කදුළු පුරවගන්න එක.
ජීවිතයේ හැටි එහෙමයි.
එදායින් පස්සේ මට එරෙහි වුන කිසිවෙක් සමග අද වනතුරුත් මම එරෙහි වෙලා නැහැ.  
කිසිම විරෝධතාවයකට එරෙහිව ගිහිල්ලාත් නෑ පරුෂ වචචනයක් වත් භාවිතා කරලා නැහැ. මම අහගෙන ඉන්න පුරුදුවුනා. මම බලාගෙන ඉන්න පුරුදුවුනා. මට එය කරන්න පුළුවන් වුනා. දැන් 77 යි.
ජූලි හතෙන් මට හිමිවුන දායාදය තමයි “හික්මීම“

නැවත පලකිරීමක්. 

කතාවට එකතු කරන්න තව කතාවක් තියෙනවා.

ලංගම වැඩ වර්ජනයක කියලා කිව්වා නේ.

වැඩ වර්ජනය පටන් අරන් තිබුනේ හවස් වරුවේ ඉදන්.
උදේ වරුවේ ටීචර්ස්ලා දෙන්නෙක් ස්කෝලේ ඉදන් ගෙදර යන්න එනවා.
උදේ තිබුන බස් හවස නැහැ.
දැන් ගෙදර යන්න වෙලා තියෙන්නේ පයින්.
පයින් යන ගමන් නොසන්ඩාල කොල්ලන්ට පලු යනකම් බැන බැන ගෙදර යනවා.
කාලයක් ගිහිල්ලා .....

එක ටීචර්කෙනෙක් නොසන්ඩාලයාගේ රුකවරණයට ඇවිත්.

ඔන්න ජීවිතේ හැටි.

 

A day in the life

නානුමි නීනුම් එක්වෙන සැටි කෝමා .

කමල් පී අලහකෝන්

විටින් විට මුණු පොතේ පල කරන ලද කවි පන්ති කිහිපයක්.

කමල් පී අලහකෝන්

ඔහු රසගුලාවක්.

පද්‍යයෙන් පල කලත්, ගද්‍යයෙන් පල කලත් ස්වතන්ත්‍ර නිර්මාණයක් වුවත් නැවුම් බවක් ඔහුගේ වියමන් තුල පලවේ.

කලක් මතකයේ රැදෙන සුවදක් ඒවා තුල තිබේ.

ස්තුතියි නිහඩව මීදුමේ පලකරන්නට ඉඩදුන්නාට.

ඔහු පලකල හැටියෙන්ම ඔහුගේ ප්‍රස්ථනාවත් සමගම

ඒ හැටියෙන්ම.

ප්‍රංශයේ වැලරි බැකෝට් ගේ නඩු විභාගය

ඇය එකම එක උන්ඩයකින් සිය සැමියා සදහටම නිහඩ කළාය ! දැන් ඔහු තම දියණියච කිසි දාක, කිසිම දාක දූෂණය නොකරනු ඇත
කළු ජැකට් එකක් සහ කහ පැහැ ඕචර් ස්කාෆ් එකක් ඇඳ සිටි වැලරි බැකෝට් ඇගේ නඩු විභාගයේ තුන්වන දිනය සඳහා ඊයේ ප්‍රංශයේ සායින්-එට්-ලොයර් හි ඇසයිස් උසාවියට ​​ඇගේ ඥාතීන් සමඟ පැමිණියාය. ඇගේ ස්වාමිපුරුෂයා වන ඩැනියෙල් පොලෙට් 2016 මාර්තු 13 වන දින හිස හරහා එකම එක වෙඩි උණ්ඩයකින් ඝාතනය කළ බවට චෝදනා ලැබූ ඇය ජීවිතාන්තය දක්වා සිරදඩුවමක අවදානමට ලක්වූ විත්තිකාරිය විය.

නඩු විභාගයේදී හෙළිදරවිවූ කරුනු,
මිය ගිය මිනිසා ඩැනියෙල් පොලෙට්ය. 

විත්තිකාරිය ඔහුගේ බිරිදවූ වැලරි බැ‍කෝටිය. 

වැලරිගේ මව ජොයෙල් ඕබාගේ විය. 

1995 දී ජොයෙල් ඕබාගේ පෙම්වතා වූ ඩැනියෙල් පොලෙට් එවකට වයස අවුරුදු 12-13 ක් වූ ජොයෙල්ගේ දියණිය වූ වැලරි බැකෝට ලිංගික අතවර කිරීමේ චෝදනාවට වරදකරු විය. නමුත් ජොයෙල් සිය සහකරු සමග ඉන් අමනාප නොගෙන නිතිපතා ඔහුව බැලීමට සිරගෙදරට ගෑටුවාය. සමහර විට ඹහු අතින් දූෂණයට ලක්වූ ඇගේ දියණිය සමඟම.
වැලරි බැකෝට්ගේ 

නීතිඥ මාත්‍රේ ටොමසිනි ඇගෙන් මෙසේ ප්‍රශ්න කලේය,
‘‘ ඹබ සිරගෙදරකට මේ දරුවාව ඇගේ දූෂණය කරන්නා වෙත ගෙන යන්නේ කෙසේද? ”
‘‘ “මම බොළඳ කෙනෙක්. 

මම ඹහුට දෙවන අවස්ථාවක් ලබා දෙනවා. 

ඔව්, එය සාමාන්‍ය දෙයක් නොවන්නට ඇත ”.
“ඔබ තවමත් ඇගේ මව නේද !”, 

වැලරි බැකෝට්ගේ නීතිඥයා තියුණු ලෙස ප්‍රතිචාර දක්වයි. තම දියණිය වෙනුවෙන් කල යුතු‘‘ වගකීම අතපසු කිරීමෙන්
ඇයද ස්ත්‍රී දූෂණයට හවුල් වූ බවට” ඇයට එරෙහිව පැමිණිල්ලක් ගොනු කර ඇති බව නීතිඥා පැවසූ විට ජොයෙල් ඕබාග් නිහඩව සිටියි.

ඩැනියෙල් පොලෙට් නිදහස් වී නැවත පැමිණ ටික කලකට පසු, තම දියණිය
ඔහු කල දූෂණයෙන් ගැබි ගත් බව දැනසිටියද ඇය කිසි විටෙකත් ඔහුව සිය නිවසින් එළවා නොදැමිමාය .

එය සිය කාර්යයට උත්තේජනයක් ලෙස සැලකූ ඹහු ඇගේ දියනියට වයස 17 තෙක් තම අපයෝජනය දියත් කලේය.. ටික කලක් යනවිට තව දුරටත් මෙය ඉවසා නොසිටි වැලරි බැකෝටිගේ මව දූෂකයාව ගෙදරින් එලවා නොදමා තම වයස අවුරුදු 17 දී, නැවත ගැබිගත් වැලරි බැකෝටිව සිය නිවසින් එළියට දැමුවාය. 

මහමගට වැටුණු, දරු ගැබක් සහිත වැලරි කිසිවක් කරකියා ගත නොහැකිව අවසානයේ සිය දුෂකයා, පොලට් සමඟම ජීවත් වීමට තීරණය කලාය.

වසර ගණනක් ඹහු සමග වැලරි ජීවත් විමෙි ප්‍රතිපලයක් ලෙස ඇය තවත් දියනියන් තිදෙනෙකු බිහිකලාය.. අධික ලෙස මත්පැන් පානය කරන්නෙකු වන පොලෙට් පසුකාලීනව වඩ වඩාත් ප්‍රචණ්ඩකාරී වූ අතර එක් අවස්ථාවකදී මිටියකින් ඇයට පහර දුන්නේය. සමහර විට ඇගේ හුස්ම හිරවන තුරු හෝ සිහි මුර්ජා වෙනතුරු ඹහු ඇයට පයින් ඇන්නේය. 

පොලටි ට්‍රක් රථ රියදුරු සහායකයෙකි. කල් යාමෙිදි ට්‍රක් රථ රියදුරන්ගේ ගණිකාවක් ලෙස වැඩ කරන ලෙස පොලෙට් ඇයට නියෝග කළ අතර ගනුදෙනුකරුවන්ගෙන් ඹහු සිය බිරිද විකුණා යුරෝ 20 ත් 50 ත් අතර මුදලක් ඉපයීය. 

ඇය එය ප්‍රතික්ෂේප කළහොත් ඇයව මරා දමන බවට පොලෙට් තර්ජනය කළ බව වැලරි අධිකරනයට ප්‍රකාශ කර තිබිනි.. මෙය ශෝකාන්තයක් වුවද තවමත් ඛෙිදවාචකයක් නොවීය.

ඛෙිදවාචකය ඇරඹ්යේ පොලෙට් ඔවුන්ගේ 14 හැවිරිදි දියණියගේ වැඩෙන
මනා ලිංගික ඉන්ද්‍රයන් ගැන ඇගෙන් ප්‍රශ්න කිරීමට පටන් ගත් විටය, එනමි ඇයව විකුණා හොද මුදලක් ඉපයීම ඔහුගේ යටි අරමුණ විය. වැලරි බැකෝටි අධිකරනයට පැවසුවෙි තමාට සිදුවු දෙය තම දියණියට සිදුවීමට ඇය කිසිවිටෙක ඉඩ නොදෙන බව සහ
. “මෙය නැවැත්විය යුතු” බවයි.

2016 මාර්තු මාසයේදී, පොලෙට් විසින් තවත් ට්‍රක් රියදුරෙක් සමග ලිංගික එකවීමට වැලරිට නියෝග කිරීමෙන් පසු, ඇය ඔහු රියදුරු අසුනේ සිටියදී හිස පිටුපසට තනි වෙඩි උණ්ඩයක් ඇතුල්කර ඔහුව මරා දැමිමාය. 

ඇය ඒ සදහා මෝටර් රථයේ සගවා තබා තිබූ තම පිස්තෝලය භාවිතා කළාය. තමාට අත්විදීමට සිදුවු දෙය තම දියණියගේද ඉරණම නොවීමට ඇය වග බලාගත්තේ එසේය. 

I wanted to save her,” වැලරි අධිකරනයට පවසා තිබිනි.

පොලටිගේ පවුලේ සාමාජිකයන් උසාවියට පැමිණියේ පොලෙට්ගේ මරණය ගැන කනගාටු නොවන බව පවසමිනි. ඔහුගේ සහෝදර සහෝදරියන් ඔහුව හැඳින්වූයේ “රාක්ෂයෙක්” ලෙසයි. 

“මම ලෝකයේ වැඩිපුරම ස්තූතිවන්ත වන පුද්ගලයා වැලරි ය. ඇය දිගු කලක් මා කළ යුතුව තිබූ දේ කළා ”යැයි 59 හැවිරිදි පොලෙට්ගේ සහෝදරිය පැවසුවාය.

පසුව මෙි ගැහැණිය ඇගේ දරුවන් හතර දෙනාගේ උදව්වෙන් සිය වධකයාගේ සිරුර වනාන්තරයක සඟවා තැබීය. එහෙත් කුණුවී දිරාපත්වු මිනිසෙකුගේ සිරුර ප්‍රංශ පොලිසිය 2017 සැප්තැමිබරයේ සොයාගත්හ. 2017 ඔක්තෝම්බර් මාසයේදී ඇය අත්අඩංගුවට ගෙන පාපොච්චාරණය කර වසරකට පසුව වැලරි ඇප මත නිදහස් විය. ගිය සතියේ ඇයගේ නඩු විභාගයේදි පැමිනිල්ල ඇයට වසර 08 ක සිරදඩුවමක් ඉල්ලා සිටි විට ඇය අධිකරනය තුල සිහිසුන්ව ඇද වැටුනාය. 

හැට දහසක් ප්‍රංශ ජාතිකයෝ ඇයව නිදහස් කරන ලෙස ඉල්ලා සිය අත්සන් සමග අධිකරනයට පෙත්සමක් ඉදිරිපත් කර තිබිනි. ඊයේ අධිකරනයට පැමිණි ඇය කිසිවක් කතා නොකලාය. 

හෙට ඇයට දෙන තින්දුව Assize Court of Saône-et-Loire, ජනතාවට ප්‍රකාශ කරනු ඇත.

ප්‍රංශයේ වැලරි බෙකෝටිගේ මෙි කතාන්දරය අපේ කෘතහස්ත කවියෙකු වන රුවන් බන්දුජීවගේ ‘‘ කුණ්ඩලකේශී ‘‘ නැමති නිර්මාණය සිහි ගන්වයි. 

එකී නිර්මාණයට දේශසීමා නැත.

'කෙස්ස උස්කරන් බැද ගෙන
රෙද්ද තද කරන් ඇදගෙන
රතු බුනීල මල්පෙති බිම අතුරපු දේවී
සන්තුක නිදි ඇද වටේට -තුන් වරයක් පැදකුණු කොට
මන්න පාර හතක් දීපු කුණඩලකේසී

මාල කඩනවා සන්තුක -කංස බෙදනවා සන්තුක
රාජපුරුෂයන් නිතරම පැලට පනීවී...
බතක් මාළුවක් බැදගෙන -පියඹා ගිහින් වැලිකඩ
කසෙන් තැළුම් කෑ සන්තුක සනසපු දේවී,

සූදු කෙළිනවා සන්තුක-මඩමෙ ලගිනවා සන්තුක
මොනව කළත් මේ වෙනකල් ඉවසපු දේවී..
''එපා තාත්තේ '' කිය කිය -දූ හීනෙන් හඩන හඩින්
තිගැස්සිලා නිදි පැදුරෙන් විසි වුණ දේවී

සන්තුක නිදි ඇද වටේට
තුන් විඩයක් පැදකුණු කර
මන්න පාර හතක් දීපු කුණ්ඩලකේසී ..

[...... රුවන් බන්දුඡිව
කුණ්ඩලකේශීගේ මිනිහා සත්තුක අවම වශයෙන් තව හොදය. ඔහු කුණ්ඩලකේශීව ගණිකා වෘත්තියේ යෙදවූයේ නැත.

මා මෙි සටහන් උපුටා ගත්තේ ප්‍රංශ https://news.in-24.com/news වෙබි අඩවියෙනි. එහෙත් අල්ජසීරා පසුව සටහන් කර තිබුනේ ප්‍රංශ අධිකරණය වැලරියා බැකෝටිව නිදොස් කොට නිදහස් කල බවයි.
https://www.aljazeera.com/.../french-woman-stands-trial...

වියමන .. ප්‍රදීප් පීරිස්

මුුහුණ පොතෙන්.

A day in the life

අපේ කඳුලුත් චෙම්මිනි මිනී වලේ දරුවා වෙනුවෙන් බාර ගන්න..

“චෙම්මිනී සමුහ මිනී වලේ දරුවාට වැටෙන  කඳුලු..”

ගෝනගලදී, 

බක්මිටියාවේදී,

බක්කිඇල්ලේදී,

මහකෝන්ගස්කඩදී,

ගෝමරන්කඩවලදී,

මහරඹේකුලමදී,

බෝගමුයායේදි,

දෙටුවැවදී,

සිංහපුරදී,

බොරවැවදී,

දම්මින්නදී,

වාන්ඇලදී,

බණ්ඩාරදූවේදී,

පේරවැල්තලාවේදී,

හලඹවැවදී,

ඇතිමලේදී,

නියදැල්ලේදී,

වැලිගහකණ්ඩියේදී,

ලාහුගලදී,

අරන්තලාවේදී,

කෝන්වැවදී,

ජනකපුරදී,

කල්ලරාවේදී,

මංගලගමදී,

පානමදී,

ඉඟිනියාගලදී,

වැලිකන්දේදී,

කැබිතිගොල්ලෑවේදී,

කිරිමැටියේදී,

මහගොඩයායේදී,

ඔක්කම්පිටියේදී,

⁣ඩොලර්ෆාම්වලදී,

කෙන්ට්ෆාම්වලදී,

කෝකිලායිවලදී,

විල්පත්තු සිංහල ගම්මානයේදී,

දෙහිවත්තේදී,

නාමල්වත්තේදී,

සේරුනුවරදී,

මහදිවුල්වැවදී,

අඬන්කුලමේදී,

විල්ගම්වෙහෙරේදී,

මොල්ලිපොතානේදී,

වඩිගවැවදී,

දමන ගම්මානයේදී,

කඩවත්මාඩුවේදී,

ගොඩපොත්තේදී,

තරාවී ගම්මානයේදී,

සාගරපුරදී,

ගන්තලාවේදී,

ඇල්ල කන්තලේ සිංහල ගම්මානයේදී,

දේවාලගොඩැල්ලේදී,

මොරවැවදී,

ගල්මිටියාවේදී,

කිවුල්කඩේදී,

දීඝවාපියේදී,

පාඩුකුලමේදී,

වේවැල්කැටියේදී,

මීගස්වැවදී,

එදාවැටුනුවැවදී,

අම්පාර 16 කොලනියේදී,

තව බොහෝ තැන්වලදී,

කපාකොටා,වෙඩි තබා,කැබලි කර, චප්ප කර,පොලොවේ ගසා මරා දැමූ සිය ගනන් සිංහල දරුපැටවුන් වෙනුවෙන් වැටෙන්න උවමනා නෑ..එහෙම කඳුලක් කවදාකවත් වැටිලත් නෑ..මින් මතු වැටෙන්න උවමනාවකුත් නෑ..සිංහලයන් වෙනුවෙන් එහෙම අනුකම්පාවක්  ඉතිහාසයෙන් ලැබිලා නෑ..

අපි නිහඬවම ඒ සිංහල දරු පැටවුන් සහ මවුවරුන් පෝලිමට වලදැමුවා..දැන් උන් නිහඬවම මහපොලොවට පස් වෙලා ඇති..උන් වලදාපු තැන් කාටවත් මතක නැතිවත් ඇති..කිසිම අවශේෂයක් ඉතිරි නොකර මැකිලාම ගිහින් ඇති..

අපේ කඳුලුත් චෙම්මිනි මිනී වලේ දරුවා වෙනුවෙන් බාර ගන්න..

 

-මාලින්ද ඩයස්-

A day in the life

සෙම්මිනි අවාසනාව

මෙම වියමන උතුරේ දරුවෙකු විසින් මට “ අංකල් බලන්නකෝ” යන ඇමුනුමත් සමග යොමු කර තිබිනි.

“ දකුනෙත් 88 - 89 සිදුවුනේ මෙයමයි.” මම පැවසුවෙමි.

යුද්ධය මට නම් අර්ථ ගන්වන්නේ මුහුණට මුහුණ ලා සටන් කරන්නකි.

දැන් යුද්ධය වෙනස් වෙලාය.

සතුරා කවුදෑයි හදුනා ගන්නේ විවිධ නිර්නායකයන් මතය.

මේ පරීක්ෂණ අසරණ මිනිසුන්ගේ ජීවිත අවසන් කරන්නේ අවාසනාත්මක අයුරින්ය.

උතුරේ දකුණට ඇති විරසක බව කෙසේ සමනය වන්නේ දැයි පහත උදෘතයත් සමග හිතන්න.

මට නම් ඇත්තේ මහත් කල කිරීමක්ය.

දෙපාර්ශයම විනාශ කර ඇත්තේ ජීවිතයන්ය…………..

හිටපු අමාත්‍ය ගාමිණී ලොකුගේ.

ඔය පිස්තෝල දීපු කතා, ගිනි තියපු කතා සිදුවෙනකොට එක්කෝ අපි පොඩි ළමයි, එක්කෝ අපි නූපන් අය.

ශ්‍රී ලංකාවේ නූතන ඉතිහාසය ගැන (1948-2022) කියවගන්න තියෙන මූලාශ්‍ර ගොඩක් එක එක්කෙනාගේ දෘෂ්ටිකෝණ වලින් බලලා ලියපු ඒවා මිසක්, මධ්‍යස්ථ ඒවාම නෙමෙයි. ඒ නිසා අලුත් පරපුර බොහෝ අය දිහා බලන්නේ වෛරයෙන්. ඒක ඉතා නරක තත්වයක්.

ඒත් 2001දී පත්වුණු පාර්ලිමේන්තුවෙන් පස්සේ එවකට උග්‍ර එක්සත් ජාතික පාක්ෂිකයෙකු (දැන් ඉන්න බයි/ජෙබයි වගේ) වුණු එක්තරා පුද්ගලයෙකුගේ වීර කතා වලින් තමයි මම ගාමිණී ලොකුගේ ගැන අහගත්තේ. එතකොට පොඩි ළමයෙකු වුණත් මම තේරුම් ගත්තා ඒ මනුස්සයා නම් ඒ තරම් හොඳ මිනිහෙකු වෙන්න බැරි බව. ඒත් පාක්ෂිකයාට ඔහු වීරයෙක්.

එවකට නිදහස් පක්ෂය මූලික සන්ධානයේ හිතවාදීන් මේ මනුස්සයාට ඇඟිල්ල දිගුකරමින් කිව්වේ, "අහවලා මැරුවේ මූ ය, අහවල් මැර වැඩේ කළේ මූ ය", වගේ කතා. 2007 වර්ෂය ආවා. එතකොට මම යෞවනයෙක්.

ඔන්න ගාමිණී ලොකුගේ බල්ටියක් ගහලා මහින්ද රාජපක්ෂ ළඟට පැන්නා. ඊටපස්සෙ මොකද වුණේ? අර නිදහස් පක්ෂය ප්‍රමුඛ සන්ධානයේ (බැන බැන හිටපු) අයට ගාමිණී ලොකුගේ ආණ්ඩුවට ආපු එක මාර හයියක් වුණා. "මෙහෙම උනුත් ඉන්න ඕන, නැත්නම් ගම කන්ට්‍රෝල් නෑ", කියපු අයත් හිටියා. පිළියන්දල, කැස්බෑව, හොරණ පාතාලේ තද වුණා. කට්ටිය රස්සා ඉල්ලන්න ලියුම් අරගෙන ලොකුගේලගෙ ඔෆිස් ඉස්සරහ කැඹිරුවා. අපි එහෙම කළේ නෑ. අපේ ආඩම්බරය ඒක.

ඒත් එහෙම හිටපු නිසා අපි බැනුම් ඇහුවා. පොඩි පුතාලගේ අරගල වලට කලින්, 2007/08 ඉඳලා දූෂණයට භීෂණයට විරුද්ධව හිටගත්තු මම වගේ පොඩි කොල්ලන්ට නිදහස් සන්ධානේ පාක්ෂිකයන්ගෙන් "දේශද්‍රෝහීන්" කියලා අහගන්න වුණා.

ඊළඟට එක්සත් ජාතික පක්ෂ ආධාරකරුවො ටිකෙන් ටික ගාමිණී ලොකුගේ කරපු වැරදි හෙළිකරන්න පටන් ගත්තා. වීරයා කරපු අයම ලොකුගේව ද්‍රෝහියා කළා. ඒත් ලොකුගේ වැටුණේ නෑ. ආණ්ඩුවේ ප්‍රබල ඇමතිකම් දරන ගමන්ම ඔහුගේ දේශපාලන ගමන ඉස්සරහට ගියා. සන්ධානය ඔහුව රැක්කා. අපි දිගටම බැනුම් ඇහුවා.

අද 2025 ජුනි. ගාමිණී ලොකුගේ අන්තරා වෙලා. ඉස්සර ලොකුගේව රැකපු දෙපාර්ශවයටම දැන් ගාමිණී ලොකුගේව පේන්න බැරිවෙලා. ඔහුගේ දූෂණ, වැරදි ගැන බරටම කතාවෙනවා. ඔහුගේ මරණයට විහිළු කරනවා. සතුටු වෙනවා.

මරණයක් අයිති වෙන්නේ සොබාදහමට. මම කිසිම මරණයකදී කිරිබත් කෑවේ නෑ. මම කිසිවෙකුගේ මරණයට හිනාවෙන්නේ නෑ. ඒක ලෝක සාරධර්ම වලට පටහැනියි. ඒත් ලොකුගේගේ කාර්යාලය ඉස්සරහ ලියුම් අරගෙන හිටගෙන හිටපු දෙමව්පියන්ගේ දරුවන් මියගිය ලොකුගේට හිනාවෙනවා.

මේක ඇතුළේ ලොකු පණිවිඩයක් තියෙනවා. 

දේශපාලකයන් ගැන නෙමෙයි, අපේ රටේ මිනිස්සු ගැන.

- අසංක හදිරම්පෑල.

A day in the life

මී තෙල්

නීරෝගී දිවිපෙවෙතක් හිමිකරගෙන ආයුෂ වැඩිකරගැනීමට ඔබත් කැමතිද?

එසේනම් අද අප ඔබට ගෙන එන්නේ අද අපේ රටේ අපට හමුවන පරිසර හිතකාමි ශාක අතර මුල් තැනක් ලබාගන්නා දේශීය ආහාර රටාවත්,දේශීය වෙදකමත් කෘෂිකර්මාන්තයත් සමග අපූරු බැදියාවක් ඇති ජාතියේ පොහොර ගස,විශ්ව සර්ව රෝග නාශකය ලෙස හදුන්වන පංචාංගයම ප්‍රයෝජනයට ගත හැකි මී ගසෙන් ලබාගන්නා මී තෙල් පිලිබදවයි.

ප්‍රථමයෙන්ම මී ගස පිලිබදව සැලකුවහොත් මී ගසේ කොල, පොතු, ගෙඩි,මුල්,මල් ආදී පංචාංගයම ප්‍රයොජනවත් ශාකයක් වන අතර එකල රජ සමයේ මී ගසක් කැපූ පුද්ගලයෙකුට හිමිවූ දඩුවම වන්නේ මරනයයි.ඒ තරම්ම වටිනාකමක් එකල මෙම මහගු ශාකයට ලැබිණ.

අතීතයේ පටන් ගොවියා මෙය තම ගොවිතැන් කටයුතුවල සගයෙකු ලෙස සැලකූ අතර පළිිබෝධ පාලනය සදහාද යොදාගන්නා ලදී.මීට අමතරව කොල දිරපත්වීමෙන් පසට එකතුවීමෙන් පස ඉතාසරවත් වේ.දහවල් කාලයේ මෙන්ම රාත්‍රි කාලයටද ඔක්සිජන් පිටකරන මෙම ශාකය දිව්‍යමය ගුන ඇති සොබදහමේ අපූරු නිර්මාණයකි.

මී ගසේ ඇති ප්‍රයොජනවලින් බිදක්:-

*මීතෙල් ආයුර්වේදයට අනුව එන පස්තෙල් වලින් එකක් වන අතර කැඩුම් බිදුම් වෙදකම් සදහා බහුලව යොදාගනී.
*මීතෙල් යොදා ආහාර පිසීමෙන් ශරීරයේ කොලෙස්ටරෝල් මට්ටම පාලනය කරගත හැක.
*බඩ වේලිමට මීතෙල් මහගු ඔසුවකි.
*ශරීරයේ ස්නායු ශක්තිමත් කර ප්‍රකුර්තිමත් කරයි.
*අර්ශස් රෝගය සදහා මීතෙල් වලින් පිසූ ආහාර ඉතාගුණදායී වේ.
*සමේ ඇති දද කුශ්ට සදහාද මී තෙල් ආලේප කරයි.
*ඇගපතේ වේදනාවක් ඇති විට මී තෙල් ආලේප කිරීමෙන් ඉතා ඉක්මනින් සහනය ලැබේ.
*සන්ධි වල ඇතිවන වේදනාවන් කැක්කුම් සදහා මීතෙල් ලෝහ හැන්දකට ගෙන මදක් රත්කර ආලේපයෙන් සන්ධි වේදනාව සමනයවේ.
*නිවසේ කරදරකාරී මීයන් පලවාහැරීමට නැකතක් බලා මී පොතු නිවසේ ඒ ඒ ස්ථාන වලින් තැබීමෙන් මියන් පලවාහැරිය හැකි බව ගැමි මතයයි.
*සෙම ගතියක් ඇතිවිට මී පොතු කුඩුකර කෝපිමෙන් පානය කල හැක. නැතහොත් කිරි සමග මිශ්‍ර කර පානය කල හැක.
*විදුරුමස් දියවීම, මුඛයෙන් ලේ ගැලීම, මුඛදුර්ගන්ධය, සෙම්ප්රතිශ්යාව වැනි රෝග සඳහා මී මැස්සන් ගුණදායකවේ. දිනපතා එකම කසායකින් මුඛය සේදීමෙන් මෙම සියලු රෝග සුව කර ගත හැකිය.
*මී මැස්සන් කුඩු කර සමට ආසාත්මිකතාවයක් ඇති ස්ථානවල ආලේප කරන්න.
*ගැහැණු රින්ගේ පයිර් ප්රජනන පද්ධතිය මී පැණි ආශ්රිත රෝග සඳහා භාවිතා කළ හැකිය. මී පැණි මල් තම්බා මිරිකා මී පැණි සාදා ගත හැකිය.
*තම්බන ලද සරම්ප සහ පානය ආමාශය ආශ් රිත රෝග සුව වේ.
*හෘද රෝග ඇති හෝ නැති ඕනෑම කෙනෙකුට කසාය ලෙස මී පැණි තම්බා පානය කිරීම හොඳය.
*ගොවිබිම් මී ගස්වල පලතුරු කන්න එන වවුලන් කුඹුරු වලට වැටෙන නිසා කුඹුරු කඩා වැටෙනවා. 

මෙම පැටවුන් ගිනි පෙට්ටියක ප්‍රමානය යූරියා කිලෝ ග්රෑම් 3 ක් අඩංගු වේ.

දේශීය ගෘහණියන් මී මැස්සන්ගෙන් මී පැණි ගෙන භාජනයක තම්බා සාස්පාන් එකකට වත් කරන්න.
පැණි තෙල් වල:-

* ඔලෙයික් අම්ලය 45%
* සිට් රියෝන් අම්ලය 18% කි
* ලිනෝලියන් 14% ක් බව පර්යේෂණ වලින් තහවුරු වේ.
දැන් සෘජුව හා වක්‍්‍රව අපි පොල්තෙල් භාවිතා කරන විට ඔබට මී තෙල් භාවිතා කළ හැකිය.
වර්තමානයේ, සමහර බටර් සහ මාගරින් නිෂ්පාදන සමාගම් ඔවුන්ගේ නිෂ්පාදනවල ගුණාත්මකභාවය වැඩි දියුණු කිරීම සඳහා මී පැණි තෙල් භාවිතා කරයි.

මී ගහක් මේක කියවනවා දැකලා තියෙනවද? 

අපි ඉන්නේ ෆාමසියකින් පැණි තෙල් කුප්පියක් ගන්න තැනට. මෙයට හේතුව මෙම වටිනා ශාක අප විසින්ම විනාශ කර ඇති බැවිනි.
එවැනි පැළයක් සිටුවිය හැකි නම් එය අපට හොඳ පිටුවහලක් වනු ඇත. එසේ නම්
ඔබ අද මී ගසක් රෝපණය කර අනාගත ජාතියට ඔබේ වටිනාකම ලබා දීමට වග බලා ගන්න. එවිට ඔබත් පූර්ණ මිනිසෙකු බවට පත්වනු ඇත.

උපුටා ගැනීම 

- ඇනෝමි ඉඹුලාන
පළවෙනි වෙඩිල්ල තිබ්බේ අපේ වත්තෙන්.

ජීවිතේ දවසක්

දුරකතනයේ සිග්නල්

1. ඔබේ දුරකතනයේ පෙන්වන සිග්නල් බාර් (signal bars) දළ අදහසක් ලබා දුන්නත්, එය නිවැරදිම මිනුමක් නෙමෙයි. වඩාත් නිවැරදි මිනුමක් තමයි dBm (decibel-milliwatts) අගය. මෙය සෘණ අගයක් වන අතර, -50 dBm යනු ඉතා හොඳ සංඥාවක් වන අතර, -120 dBm යනු ඉතා දුර්වල සංඥාවක් (සම්පූර්ණයෙන්ම සංඥා නැති තරම්) වේ.

ඇන්ඩ්‍රොයිඩ් (Android)

දුරකථන සඳහා

Settings (සැකසීම්) වෙත යන්න.

About Phone (දුරකථනය ගැන) හෝ About Device (උපාංගය ගැන) තෝරන්න.Status (තත්ත්වය) හෝ SIM status (සිම් තත්ත්වය) තෝරන්න.

Signal Strength (සංඥා ශක්තිය) හෝ Cellular Signal Strength (ජංගම සංඥා ශක්තිය) යටතේ ඔබට dBm අගය දැකගත හැකියි. (සමහර දුරකථන මාදිලිවල මෙය සොයා ගැනීම තරමක් වෙනස් විය හැකියි. ඔබට "Field Test Mode" යෙදුමක් හෝ විශේෂ කේතයක් අවශ්‍ය විය හැකියි.)

අයිෆෝන් (iPhone) සඳහා

දුරකථන යෙදුම විවෘත කරන්න.

*3001#12345#* අංකය අමතන්න.

මෙමගින් "Field Test Mode" විවෘත වේ. මෙහිදී ඔබට Rsrp (Reference Signal Received Power), Rssi (Received Signal Strength Indicator) වැනි අගයන් දැකගත හැකියි. මේවා dBm අගයන් වන අතර, සංඥා ශක්තිය පෙන්නුම් කරයි.

ඔබේ නිවසේ විවිධ ස්ථානවල මෙම dBm අගය පරීක්ෂා කිරීමෙන් හොඳම සංඥා ලැබෙන ස්ථානය හඳුනාගත හැකියි.

**************

2. ජාල ක්‍රියාකරුගේ ආවරණ සිතියම් පරීක්ෂා කරන්න (Network Coverage Maps)

ශ්‍රී ලංකාවේ ප්‍රධාන ජංගම දුරකථන ජාල ක්‍රියාකරුවන් වන Dialog, Mobitel, Hutch වැනි ආයතන ඔවුන්ගේ වෙබ් අඩවිවල ආවරණ සිතියම් (coverage maps) සපයයි.

ඔබේ ජාල ක්‍රියාකරුගේ වෙබ් අඩවියට පිවිසෙන්න.

"Coverage Map" හෝ "Network Coverage" වැනි කොටසක් සොයන්න.

ඔබේ නිවසේ ලිපිනය හෝ ප්‍රදේශය ඇතුළත් කර ඔබේ ප්‍රදේශයේ සංඥා ආවරණයේ තත්ත්වය (2G, 3G, 4G/LTE, 5G) පරීක්ෂා කරන්න.

මෙම සිතියම් මගින් ඔබේ ප්‍රදේශයට ඇති ආවරණය පිළිබඳ දළ අදහසක් ලබා ගත හැකියි.

********************

3. වෙනත් ජාල ක්‍රියාකරුවන්ගේ SIMපත් පරීක්ෂා කරන්න

ඔබට දැනට භාවිතා කරන ජාලයේ සංඥා දුර්වල නම්, වෙනත් ජාල ක්‍රියාකරුවන්ගේ SIMපත් භාවිත කර සංඥා තත්ත්වය පරීක්ෂා කිරීම හොඳම ක්‍රමයකි.

මිතුරන්ගෙන් හෝ ඥාතීන්ගෙන් වෙනත් ජාලවල SIMපත් ලබාගෙන ඔබේ දුරකථනයට දමා බලන්න.

එක් එක් SIMපත දමා ඔබේ නිවසේ විවිධ ස්ථානවල dBm අගයන් පරීක්ෂා කරන්න.

මෙමගින් ඔබේ නිවසට වඩාත් හොඳින් ක්‍රියා කරන ජාලය කුමක්දැයි හඳුනාගත හැකියි.

********************

4. නිවසේ විවිධ ස්ථානවල පරීක්ෂා කිරීම

 ජනේල අසල: ජනේල අසල සංඥා බොහෝ විට හොඳයි.

පිටත: නිවසෙන් පිටත පරීක්ෂා කරන්න. ඇතුළතට වඩා පිටත හොඳ සංඥාවක් තිබිය හැකියි.

උස ස්ථාන: නිවසේ ඉහළ මහල්වල හෝ උසින් වැඩි ස්ථානවල සංඥා හොඳ විය හැකියි.

බාධා (Obstacles) අවම ස්ථාන: ඝන බිත්ති, ලෝහ වහලවල්, ගස් වැල්, හෝ වෙනත් ගොඩනැගිලි වලින් ඈත්ව සංඥා වඩා හොඳ විය හැකියි.

*********************

5. දුරකථනයේ තත්ත්වය පරීක්ෂා කරන්න

දුරකථනයේ හානි: ඔබේ දුරකථනයේ ඇන්ටෙනාවට හෝ අභ්‍යන්තර සංරචකවලට හානි වී ඇත්නම් සංඥා දුර්වල විය හැකියි.

මෘදුකාංග යාවත්කාලීන කිරීම්: ඔබේ දුරකථනයේ මෘදුකාංගය (firmware) යාවත්කාලීන කිරීමෙන් ඇතැම් සංඥා ගැටලු නිරාකරණය විය හැකියි.

***********************

6. Wi-Fi ඇමතුම් (VoWiFi/Wi-Fi Calling) භාවිත කිරීම

ඔබේ නිවසේ දුරකථන සංඥා දුර්වල වුවත් හොඳ Wi-Fi අන්තර්ජාල සම්බන්ධතාවයක් තිබේ නම්, ඔබේ ජාල ක්‍රියාකරු Wi-Fi ඇමතුම් සේවාව සපයන්නේ නම්, එය භාවිත කළ හැකියි.

මෙය ස්වයංක්‍රීයව ක්‍රියාත්මක වන අතර, ඔබේ දුරකථනය Wi-Fi හරහා ඇමතුම් සහ කෙටි පණිවිඩ යවයි.

මෙම පියවර අනුගමනය කිරීමෙන් ඔබේ නිවසට ලැබෙන හොඳම දුරකථන සංඥා තත්ත්වය කුමක්දැයි ඔබට නිවැරදිව හඳුනා ගත හැක.

#FMTV

A day in the life

තිබ්බටු

මුත‍්‍රා ගල් දිය කරන, 

රුධිරය පිරිසිදු කරන තිබ්බටු . 

 

වියළි කලාපයේ හේන්වල ඉතා සරුවට වැවෙන තිබ්බටු හේනකදීම හේන් බතක් සමඟ ආහාරයට ගැනීමට මටද අවස්ථාවක් ලැබුණි. ඔවුන්ගෙන් මෙම තිබ්බටු මාළුව සකසා ගන්නා ආකාරය දැනගත් පසු වැටහුණේ මෙම හේන් හොද්දේ සියලූ ආකාර රස ගුණ තිබූ බවය. 

 

එම තිබ්බටු මාළුව සකසා තිබුණේ මේ ආකාරයෙනි. තිබ්බටු කහ ලූණු මිශ‍්‍රකර තම්බාගෙන තිබුණේ හාල්මැස්සන් අහුරක්ද දමාය. හොඳින් තැම්බුණ පසු එය වෙන භාජනයකට අස්කර එයට පොල් තෙල් ටිකක් දමා රත්කර රතුඵෑණු කොච්චි හා කොච්චි කොළද පොල් සමඟ මිශ‍්‍ර කර පොල් වතුර දමා හොඳින් පොඩි කර තිබුණි. තුනපහ ස්වල්පයක්ද දමා කලින් තම්බා ගත් තිබ්බටු හා හාල්මැස්සන් මිශ‍්‍රණය සමඟ නැවත ලිප තබා හැන්දෙන් පොඩි කර තිබුණි. මෙය මා ජීවිතයේ ගත් ආහාර අතර අමතක නොවන ආහාරයක් වූ බව වසර 20කටත් වඩා ගතවී තිබුණද මගේ මතකයෙන් ඈත්වී නැත. 

 

අපගේ මාතෘකාව වන තිබ්බටු කන්ඨකාරිකුලය යන solanaceae ටය. තිබ්බටු ගසේ උද්භිද විද්‍යාත්මක නාමය Solanum Indicum Linn යනුවෙනි. මෙම ගසේ ගෙඩි වලින් ව්‍යංජන සකසන අතර ගසේ පංචාංගයම ඖෂධ පිණිස භාවිතා කරයි. අඩි 4ක් 5ක් පමණ උසට වැවෙන තිබ්බටු ගස නිල් මල් පිපෙන වර්ගය හා සුදුමල් පිපෙන වර්ගය ලෙස දෙවදෑරුම්ය. සුදුමල් වර්ගයේ ගෙඩි තරමක් විශාලය. වාතය හා සෙම සමනය කරන ගුණ පිරි නිසා සෙම් කුපිත වූ විට හා වාතය සමනයට යොදා ගනී. 

 

ආහාර පරිපාචන ක‍්‍රියාවලිය හොඳින් සිදුකිරීමට සමත් තිබ්බටු ආහාරයට ගැනීමෙන් පණුවන් නැසේ. ආහාර රුචිය ඇතිකරයි. එම නිසා බඩගිනි අඩු අයටද, ආහාර රැචිය අඩු අයටද, ග‍්‍රහණී රෝග ඇති විටද, උදර වේදනාව ඇතිවිටද සුදුසුය. හෘදය වස්තුව උත්තේජනය කරන ගුණය ඇත. රුධිරය පිරිසුදු කරන ගුණය ද ඇති අතර තිබ්බටු ශාකයේ පංචාංගය සිරුරේ ඉදිමුම නැති කරයි. 

 

නරක්වූ කුපිත වූ සෙම ඉවත් කිරීමේ ගුණය ඇති අතර ස්වාස රෝග අවස්ථා වලදී හුස්ම ගැනීම පහසු කරවයි. කැස්ස ප‍්‍රතිශ්‍යාව, ස්වර භේද හෙවත් උගුර බැරැන්ඩිය ඇතිවිටද හික්කා රෝගින්ටද ආහාර පිණිස ගැනිම සුදුසුය.

මුත‍්‍රා ගල් දිය කිරීමද තිබ්බටු වලට හැකියාව ඇත. තිබ්බටු ඇටවල ගර්භාෂය සංකෝචනය කරන ගුණය ඇත. එමනිසා ඔසප් ශ‍්‍රාවය අඩු අයට ඔසප් සමයේ ආහාරයට සුදුසු අතර දරුවන් ලැබූ මුල් කාලයේ (සූතිකා සමයේ) ගැනීම සුදුසුය. 

එහෙත් රුධිරය පිටවීම වැඩි අයට අහාර පිණිස නොගත යුතුය. 

යෝනි මාර්ගයේ කැසීම් ඇති විට අමු කහ සමඟ අඹරා ගෑමෙන් කැසීම සුවවෙයි. වාජීකරණ ගුණය ඇති නිසා තරුණ වියේ සිට නිතර ආහාරයට ගැනීමෙන් කාම ශක්තිය වැඩි වෙයි. 

 

ඇට චූර්ණය නස්‍ය කිරීමට වෛද්‍යවරු භාවිතා කරයි. කාමලා රෝගයටද, ග‍්‍රහණි හා මාන්දම් රෝග වලදී ද , නේත‍්‍රා රෝගවලදී ද භාවිතා කරන තිබ්බටු කායම,තිබ්බටු ගෙඩි ඉස්ම, අමුකහ ඉස්ම, අමු ඉඟුරු ඉස්ම, කිතුල් හකුරු, කිතුල්පැණි හා මිශ‍්‍රකර නැවුම් වළඳක දමා ගිනි රස්නය වැදෙන සේ ලිප ළඟ තබා වරකට කෝප්ප කාලක් ගැනීමට නියම කොට ඇත. 

 

මේ ආදී ඖෂධමය හා ආහාරමය ගුණ පිරි තිබ්බටු ග‍්‍රෑම් 250ක මිල ගැන බැලීමේදී පවා වගාකිරීමෙන් ආර්ථිකමය වටිනාකමක්ද වැඩි ශාකයකි 

 

උපුටා පලකලෙමි 

ස්තුතියි -- K.K ශ්‍රියානි මහත්මියට 

A day in the life