සාජහන් නුඹ ආදරේ ගැන දන්න ලබ්බක් !

නුඹේ අග බිසව වුවට - 

තවත් බිසවුන් හයක් සිටියා
මගේ අයිතිය තනිව විදිමින් - 

අනිත් අයවත් බදා ගත්තා...

එක පෝලිමට දරුවො වදලම - 

වැහිරී වැහිරී ගියත් පෙරදා
දාහතර වෙනි සැරෙටත් තව - 

දරු ගැබක් මගේ කුසට දුන්නා...

දරා ගන්නට කොහෙද හයියක් - 

තවත් විදවනු නොහැකි හින්දා
දාහතර වෙනි දරුවා එක්කම - 

ඉතින් මම ඇස් පියා ගත්තා...

මරණ මංචකයේ දිගාවී - 

හඩන විට ඔබ දුකත් හිතුනා
ආයෙමත් අග බිසව තනතුර - 

කාටවත් දෙන්නැහැයි කිව්වා...

මුළු ලෝකයම පුදුම කරමින් - 

මගේ නමට ටජ්මහල නිමවා
කදුළු වේලෙන්නටත් කලියෙන් - 

මගෙම නංගීව සහේ ගත්තා..

හිතත් තලමින් ගතත් තලමින් - 

දුක් දුන්නු හැටි මැවී පෙනුනා
ලොව්ට රහසින් ටජ්මහල යට - 

මගේ කදුලැලි හුගක් තිබුනා..

ලග ඉන්නකම් දස වද දිදී - 

මැරිලා ගියහම කදුලු හලනා
සාජහන්ලට රැවටිච්ච - 

මුම්ටාස්ලා හැමතැනම සිටිනා..

සාජහන් නුඹ ආදරේ ගැන
දන්න ලබ්බක් නැහැයි හිතුනා...

උපුටා ගැනීම
Batta page
කවිය 

අනිශා ජයකොඩි ගෙ..

A day in the life

මොනවද මේ දහදුරා වැඩ ?

මොනවද මේ දහදුරා වැඩ ?


දන්නවා ඇතිනේ ලංකාවේ වංශ බෙදීමක් තියෙනවා කියලා . 

ඔය පත්තරේ මංගල කිංකිනි කොලේ තියෙන්නේ බොදු ගොවි , බොදු කරා , බොදු දුරාව කියලා . 

මම ගජමන් නෝනාගේ වරිගේ සනුහරේ ගැන හොයනකොට තමා මේ දහදුරා වැඩ ගැන දැනගත්තේ. 
ගජමන් නෝනත් දුරාව කියන වංශයට අයත් කෙනෙක් . දුරාව වංශයට ඒ කාලේ අයිති පිරිස් රජවාසලට ඉටු කරපු සේවාවල් දහයක් තිබුණා . ඉතින් ඒ සේවාවල් දහය තමා දහදුරා වැඩ කියලා කියන්නේ . 

ඔන්න බලන්න දහදුරා වැඩ .
01. අන්නානි
02. බන්නානි
03. ඒනාදී
04. මගුල්
05. සිද්දත්තු
06. විද්දත්තු
07. අලිබද්දු
08. බලිබද්දු
09. පට්ටී
10. පොරවකාර

අන්නානි ..............
දණ්ඩනායක සහ අධිකරණ නායක කියන තනතුරු තමයි මේ පෙළපතේ අයට තිබිලා තියෙන්නේ .

බන්නානි .............
අලි ඇතුන් පාලනය කරන ගජනායක නිළමේ තනතුරු හෙබෙව්වේ මේ පෙළපතේ අය.

ඒනානි ..............

නැවු හා නාවික කටයුතු ගැන පරිපාලනය කරේ මේ පෙළපතට අයත් අය.

මගුල් ..............
රාජ්‍ය සේවයට ඒ කියන්නේ රජමාලිගාවේ නොයෙක් සේවාවල් ඉටුකළේ මේ පෙළපතේ අය.

සිද්දත්තු .............
වෙදකම් කරන වෙදදුරන් අයත් උනේ මේ පෙළපතට.

වීද්දත්තු .............
ඉගැන්වීම් කටයුතු කරපු ඒ කියන්නේ ගුරු වෘත්තීය ඉටු කලේ මේ පෙළපතේ අය.

අලිබද්දු ............
ග්‍රාමසේවක වගේ ඉස්සර තිබ්බ නිලයේ කටයුතු කලේ මේ නිළයේ අය . ඒ වගේම අලින් ඇල්ලීම හා ගාල් කිරීමටත් මේ අය ඉදිරිපත් උනා.

බලිබද්දු ............
දේවාලවල දෙවියන්ට ආවතේව කරන අය අයත් වෙන්නේ මේ පෙළපතට.

පට්ටි ...............
ගොපළු රැකියාව කරේ මේ පෙළපතට අයත් පිරිස . හරක් අයිති අයත් ඉඳලා තියෙනවා මේ පෙළපතේ.

පොරවකාර ............
රජතුමාගේ රාජකීය හමුදාවේ පොරව අරගෙන සටන් කරේ මේ පෙළපතේ අය .
ඔන්න ඔහොමයි දහදුරා වැඩ සිද්ද උනේ .

සටහන :- දර්ශන ධර්මවර්ධන

A day in the life