ගැටඹේ බෝධිය .

මහනුවර සිට කොළඹට විහිදෙන ප්‍රධාන මාර්ගයේ 64 කණුව අසල ඉතා ප්‍රකට ගැටඹේ රාජෝපවනාරාමයේ පඬුරු දමන බෝධිය පාර අද්දර පිහිටා ඇත. මේ බෝධිය පිළිබඳ රසවත් කතා පුවතක් මෙහි දැක්වෙයි. මහනුවර සිට ගැටඹේ බෝධිය තෙක් දුර කිලෝමීටර පහක් පමණ වෙයි. මේ බෝධිය මහනුවර නිර්මාණය වූ කරත්ත සීපදවල වර්ණනා වනුයේ එදා සිය ගණනක් වූ කෝපි කොළඹට රැගෙන ගිය ගැල් රෑට නවාතැන් ගත් තිප්පලක් වශයෙනි. මේ බෝධිය සිට කිලෝ මීටර් භාගයක් පමණ දුරින් පේරාදෙණිය පොලිසිය අසලින් ඇතුළට ගිය විට එදා තුන් සිංහලයේ ම පයින් ගමන් බිමන් ගිය අය නැවැතී විවේක ගෙන සීතල දිය නා ගිමන් හළ ප්‍රකට මධ්‍යස්ථානයක් වූ හාල් මැහි කඳුර නම් හන්තාන කන්දෙන් පොළව යටින් මතු වී බුබුළු දමමින් උඩට ආ සීතල ජල උල්පත විය. පියා හා අමනාප ව කොත්මලේට පලාගිය ගැමුණු කුමරු දිවා ආහාරය ගෙන විවේක ගත්තේ ද හාල් මැහි කඳුරේදී ය. 1947 ගංවතුරෙන් මුළු ප්‍රදේශය ම වර්ෂා ජලයෙන් යට වෙද්දී ගැටඹේ බෝධිය අවට බිම ගංවතුරට යට නොවී ඉතිරි වීම සමඟ ගැටඹේ බෝධියේ හාස්කම් පැතිරී යාමට විය. වර්තමාන දියුණුවට අඩිතාලම වැටුණේ මේ හාස්කම සමඟ ය.

පේරාදෙණිය රාජෝපවනාරාම පඬුරු දමන බෝධිය පිළිබඳ රසවත් කතා පුවත දැන් විමසා බලමු. උඩරට දෙවන රාජසිංහ රජු (1636 / 1687) රජ කරන විට දිගූද මේලෝ කැස්ට්‍රෝ නමැති පෘතුගීසි සෙන්පතියා යටතේ පෘතුගීසි වරු උඩරට විශාල යුද හමුදාවක් රැගෙන විත් වට කළහ.

පරංගි හමුදාව කඳවුරු බැඳගත්තේ මහවැලි ගඟ අද්දර ගැටඹේ තොට අසලයි. පෘතුගීසීන් උඩරටට ඇතුළුවන විට මහනුවර අත හැර කඳුකරයට පළා ගිය රජු ටිකෙන් ටික නගරයට ළංවෙමින් ගරිල්ලා ක්‍රමයට සතුරා වටලන්නට විය. දැඩි වර්ෂාව සමඟ මහවැලි ගඟ උතුරා යාමට විය. ගැටඹේ බෝධිය අසල මෑතක් වනතුරු ගඟ හරහට ස්වභාවික ගල් බැම්මක් සේ විහිදී ගිය හරස් ගල්තලාවක් විය. ඉන් ගඟේ ජලය ගලායාම සිදුවූයේ ඉතා සෙමිනි. එය ගඟේ ස්වාභාවික බාධකයක් විය.

වර්ෂාව සමඟ ම රෝගාබාධ මතු වන්නට විය. පෘතුගීසීන්ගේ යුද කඳවුරේ ගබඩා කර තිබූ වෙඩි බෙහෙත් සියල්ල වර්ෂාවට තෙමී තෙත බරිත විය. පසුදා උදෑසන හිරු රැස් වැටෙන විට තෙමුණු වෙඩි බෙහෙත් ගෝනි බිම එළා සුදු වැලි ඇති ගංඉවුරේ දමා වේලන්නට විය. ගැටඹේ තොට යාව පිහිටි ගන්නෝරු කන්ද හෙවත් දිවි දොස් කන්ද එදා උඩවත්ත කැලේ - හන්තාන – බහිරව කන්ද සමඟ එක ම කැළෑ යායක් ලෙස පැතිර තිබූ දැවැන්ත කැළෑවක් විය. දිවි දොස් කන්ද මුදුනට නැඟගත් සිංහල සෙනෙවියෝ ගැටඹේ ගංඉවුරේ පෘතුගීසීන් තෙත් වූ වෙඩි බෙහෙත් ගෝනි මත එලා වේලනු දුටුවාහ. මේ බව ඊයක බැඳි රහස් තල්පතක් මඟින් රජු වෙත දැනුම් දී ඇත. රාජ නියෝගය වූයේ ඒ වෙඩි බෙහෙත් විනාශ කිරීමයි. දිවි දොස් කන්ද මුදුනේ සිට ඊතලවල බැඳි ගිණි ඇවිල වූ කරුංකා ගෙඩි බැඳ වෙඩි බෙහෙත් වෙත දුනුවලින් ඊතල කීපයක් එක්වර ම පතිත විය. වේලමින් තිබූ වෙඩි බෙහෙත් මහ හඬ නඟා පුපුරා එක ම ගිණි ජාලාවක් බවට පත් විය. ඒ සමඟ ම සැඟවී සිටි සිංහලයෝ තුවක්කු හෙලි දුනු ඊ කඩු රැගෙන පරංගීන් වෙත කඩා පැන්නාහ. අඩ හෝරාවක් ම පැවැති ගන්නෝරු සටනින් පරංගි හමුදාව සමූල ඝාතනය වූ අතර පරංගි ලෙයින් ගැටඹේ තොටේ සුදු වැල්ල රතුපාට විය. මාරාන්තික කඩු පහර කෑ දිගූද මේලෝ කැස්ට්‍රෝ තම පුතා දෙවන රාජසිංහ රජුට බාර දී අවසන් හුස්ම හෙලුවේය.

1638 ගන්නෝරු සටනින් ලැබූ ජය දෙවන රාජසිංහ රජුගේ රාජ සභාවේ සිටි කවීන් නවදෙනා මෙන්ම ප්‍රශස්ති හා හටන් කාව්‍ය කරුවන්ගේ ජය සමරු ප්‍රශස්ති කවිවලට වස්තු බීජ විය. ශ්‍රී නාමේ – පවන – රාජසිංහ රාජෝත්තමයා එවැනි ප්‍රශස්ති කාව්‍ය කීපයකි.

ගන්නෝරු සටනේ එය සිහිවීමට දෙවන රාජසිංහ රජු තම සහෝදර විජයපාල කුමරු ලවා ජය සමරු බෝධි අංකුර තුනක් සිටුවීය. ගැටඹේ රාජෝපවනාරාමයේ ඇති පඬුරු දමන බෝධිය එසේ රාජසිංහ රජුගේ නියමය පිට විජයපාල කුමරු 1638 රෝපණය කරවූවකි. එය දැනට අවුරුදු 375කට වඩා පැරැණිය. අතු පතර විහිදී ගිය දැවැන්ත ශාඛා පහක් පමණ එහි ඇත. බෝධි පූජාවලට මේ ස්ථානය නම ගිය ස්ථානයකි.

දෙවන ජය සමරු බෝධිය මීට මඳක් නුදුරින් මහනුවර ඇසළ පෙරහර දියකපන තොටුපල අසල පිහිටා ඇත. එය ගඟ අද්දර ම සරු පසක පිහිටි බැවින් මුලවට අඩි හතළිහක් පමණ යුතු හොඳින් ශාඛා පත්‍ර විහිදී ගිය වෘක්ෂයකි. ඇසළ පෙරහරේ දිය කපන දා මේ දිය කැපුම් බෝධිය අසල දහස් ගණනක් බැතිමත්හු මහ රෑ ගඟට පැන දිය කැපූ පසු නාති. මේ දිය කැපුම් බෝධියේ අතු හා පත්‍ර හරස් අතට විහිදීම විශේෂයකි. මේ අසළ අලුතින් දිය කැපුම් තොට රක්වංග විහාරය ඇරැඹී ඇත. මේ බිම්කඩ මහනුවර විෂ්ණු දේවාලයට අයිතිය.

තුන්වන ජය සමරු බෝධි අංකුරය එදා පේරාදෙණිය මල්වත්තේ සිටුවා ඇත. සරුවට වැඩී තිබූ මේ බෝධිය 1820 ඉංග්‍රීසින් පේරාදෙණි මල්වත්ත නැවත සකස් කිරීමේදී කපා දමා ඇත. ගැටඹේ බෝධිය දකින විට 1638 ගන්නෝරු සටන හා සිංහලයන් එහිදී ලැබූ අතිවිශිෂ්ට ජය එක්වර සිහියට නැඟෙයි.

#ගම්පොලයා

A day in the life

මුරණ්ඩු සහ හිතුවක්කාර කාන්තාවන්

මුරණ්ඩු සහ හිතුවක්කාර කාන්තාවන් සෑම විටම අසාර්ථකයි:

මුරණ්ඩු කාන්තාවන් තම විවාහ ජීවිතයේදී සහ ඥාතීන් සමඟ සබඳතාවලදී පවා අසාර්ථක වේ. තමන් අවට සිටින පුද්ගලයින් සමඟ කටයුතු කිරීමේදී චිත්තවේගීය බුද්ධිය සහ නම්‍යශීලීභාවය නොමැති කාන්තාවන් ඔවුන්ගේ විවාහයේ සහ ඔවුන්ගේ ජීවිතයේ විශාලතම අසාර්ථකත්වයයි.

ඇයි...?

ඇය තම ස්වාමිපුරුෂයා සමඟ ආත්මාර්ථකාමී කඹ ඇදිල්ලකට පිවිසෙන අතර, ඔහු ජය ගැනීමට උත්සාහ කිරීමට ඇගේ මමත්වයේ හඬට වැඩි කැමැත්තක් දක්වන අතර, ඇත්ත වශයෙන්ම ඇය තම ස්වාමිපුරුෂයාගේ මමත්වය සහ ඇය වටා සිටින අයගේ මමත්වය ඉදිරියේ අසාර්ථක වේ, මන්ද පිරිමින් මුරණ්ඩු බිරිඳක් සහ මුරණ්ඩු සහෝදරියක් ඉදිරියේ මුරණ්ඩු වන අතර, යටහත් පහත් කාන්තාවක් ඉදිරියේ ඔවුන් වඩාත් මෘදු වේ.

ඔළුව ශක්තිමත් ගැහැණියක් සිතන්නේ තමාගේ මතය බලකරමින් ජයග්‍රහණය කළ හැකි බවත්, ඕනෑම විරුද්ධවාදියෙකු ඉදිරියේ නැගී සිටිය හැකි බවත්ය. තම මතයේ සහ ස්ථාවරයේ මුරණ්ඩුකමෙන් ජයග්‍රහණය කළත් ඇයට ආදරය කළ, ඇයව රැකබලා ගත් හදවත අහිමි වන බව ඇයට අමතක වේ.

සියලුම සංස්කෘතීන්හි බොහෝ ආඛ්‍යාන සහ ප්‍රඥාවන්ත හිතෝපදේශ පහසුවෙන් ගමන් කරන, මෘදු, මිත්‍රශීලී, ඉවසිලිවන්ත සහ විඳදරාගත් කාන්තාවක් ප්‍රශංසා කර ඇත. තම ස්වාමිපුරුෂයාට ගරු කරන සහ මෘදු හා නුවණින් කතා කරන කාන්තාවක් නිර්දේශ කර ප්‍රශංසා කළ අතර, ඔහු ඇයට ආදරය කරන අතර කිසි විටෙකත් ඇයව අත් නොහරිනු ඇත.

තම ස්වාමිපුරුෂයාට කීකරු වී කුණාටුව පහව යාමට ඉඩ දෙන කාන්තාව ඇය සමෘද්ධිමත් වන සහ පවුල එකට තබා ගන්නා බුද්ධිමත්, තාර්කික කාන්තාවකි. නොනැමෙන වියළි දණ්ඩක් මෙන් සිටගෙන සිටින කාන්තාව ආපසු හැරවිය නොහැකි හානියක් විඳිමින් කැඩී යයි.

සම්මුති විරහිත කාන්තාව ඇගේ මතයට ඇලී සිටී. ඇය තම ජයග්‍රහණයේ මිත්‍යාව නිරතුරුව පවත්වා ගැනීමට උත්සාහ කරයි. මම දිනුවත් ඔබ පැරදෙනවා, මම හරි, ඔබ වැරදියි. එවැනි කාන්තාවක් අන් අය විනාශ කිරීමට පෙර තමා විනාශ කරයි. තවද ඇය මෙලොව පරලොව දුක්ඛිත කලකිරුණු ජීවිතයක් ගත කරයි.

විවාහ උපදේශනය පිළිබඳ මගේ අත්දැකීම් අනුව, මෙවැනි කාන්තාවන් දික්කසාදයෙන් අවසන් වන බව මට පෙනී ගියේය. ඔවුන්ගේ පවුල් සහ සමාජ ජීවිතය තුළ දැඩි ලෙස අසාර්ථක වේ. අවසානයේ ඇගේම පියාගේ පවුල සහ ඔහුගේ සහෝදර සහෝදරියන් විනාශ කරයි.

අරාබි කාන්තාවක් තම දියණියට විවාහ වූ දිනයේ දෙන උපදෙස්, සියලු සාර්ථක කාන්තාවන් විසින් කාන්තාවකට ඇති හොඳම උපදෙස් ලෙස සලකයි. ඇය මෙසේ පැවසුවාය.

"ඔහුගේ වහලෙක් වන්න...... නිසැකවම ඔහු ඔබගේ ආසන්න වහල් බවට පත් වේ".

"පිරිමින් කරුණාවන්ත, ත්යාගශීලී සහ කරුණාවන්ත ය, නමුත් මුරණ්ඩු, මෝඩ කාන්තාවක් ඔවුන් සතුරන් බවට පත් කරයි."

උපුටා ගැනීමකි

මෙම ලිපියෙහි මුල් හිමිකරුට ස්තුතියි Respect

A day in the life