වෙනස

පිඹිනවා වගෙ ඇහෙනවා මට

පැට්ටේරියේ හයේ සංඟුව

ඔබ එතැයි මග බලනවා මම

නැවතිලා පෙර උන්නු වංඟුව

මේ තමයි ඉරණම අපේ දැන් දුක්

වෙන්නෙ ඇයි අනේ බම්ඹුව

ලත වුනොත් හිත හිතා මේ ගැන

සුදෝ මට හැමදාම බිංදුව

මව් පියන්ටත් දුක හිතී ඇති

දැන් එදා ගැන මටත් පිම්ඹුව

උං ඉතිං හැමදාම දුන්නේ

මගේ දිවියට අඩුම ලංසුව

හිත හදාගෙන අයින් වෙමු අපි

තවත් මග තොට නොවී සංඩුව

එහෙම බැරිනම් පැනල යමු අපි

පස්සෙ හොඳවෙයි නේද වස්තුව

කාන්ති ඉපලවත්ත

notes of imaginary

ආචාර්ය ඊ.ඩබ්ලිව් . අදිකාරම් මැතිතුමා.

තම වැටුපෙන් රුපියල් දහය බැඟින් ඉතිරි කොටගත් මුදලින් නුගේගොඩ අනුලා විදුහල ඇරඹූ ආචාර්‍ය ඊ. ඩබ්ලිව්. අදිකාරම් තුමා ෴

1905 වසරේ මාර්තු මස 29 වන දින සරනේලිස් සහ සිසිලියානා යුවළට පුත් කුමරකු ලැබිණි. පුතුට දොන් එඩ්වඩ් විනිප්‍රඩ් බ්‍රිටෝ අදිකාරම් යනුවෙන් නම් තැබිණ. සුරතලයට ඇමතුවේ ‘විනී’ යන නමිනි. විනීට නැගණියක් ද හිමි විය. ඈ මෝඩ් මිලී වූවා ය. මේ වනවිට දෙහිවල පදිංචි වී සිටිය ද ‘විනී’ පුතුගේ මවගේ උපන් ගම වැල්ලම්පිටියේ වෙන්නවත්තේ ය. විනී කුඩා කල දීම පියා හදිසියේ මිය ගියේ ය.

විනී ගේ මවු සිය සැමියාගේ අකල් වියෝවෙන් පසු දරුවන් ද කැටුව තම ගම් පියසට පැමිණියේ දෙහිවල ශාන්ත මේරි විදුහලේ විනී ඉගෙනුම ලබමින් සිටියදී ය. එය පල්ලියේ ඉස්කෝලයකි. පසුව වැල්ලම්පිටියට පැමිණීමෙන් බොරැල්ල, වෙස්ලි විදුහලට ‘විනී’ ඇතුළත් කෙරිණි. එහි දීප්තිමත් ශිෂ්‍යයකු ලෙසින් ඉගෙනුම කරන විනී වෙස්ලි විදුහලට නිවසේ සිට යන්නේ එන්නේ පා ගමණිනි. කි.මී. 7 ක පමණ දුරක් පයින් ම පාසලට යන්නට ඔහුට සිදුවූයේ බස් ගාස්තුව පවා නැති බැවිනි.

ඒ වනවිට ගමට නුදුරු කලවිටිගොඩැල්ල පුරාණ විහාරස්ථානයේ දහම් පාසලට ද ගිය ‘විනී’ පාසලට වඩා වැඩියෙන් ඇලුම් කළේ දහම් පාසලට ය. ඔහුගේ දිවි මඟ ඔපවත් කරන්නට එහි සද්ධානන්ද හිමියන් ගේ සමීපතම ඇසුර ඉවහල් වූ බව ද පැවසෙයි.

පා ගමනින් පාසලට යන ‘විනී’ දහවල කුසගින්නේ ය. වතුර බී කුස පුරවා ගත්ත ද පන්තියේ දක්ෂතම සිසුවා ඔහු ය. ඉතාමත් කෙසඟ සිරුරකින් හෙබි විනී නිතර නිතර අසනීපයෙන් පෙළෙන්නට විය. එහෙත් ඒ සියල්ල යටපත් කර ගනිමින් ඔහු ඉගෙනුමට මුල් තැන දුණි.

දහම් පාසලේ අවසාන ශ්‍රේණියේ විභාග ප්‍රශ්න පත්‍ර බැලීමට වැඩම කළේ අග්ග මහා පණ්ඩිත බළන්ගොඩ ආනන්ද මෛත්‍රෙය හාමුදුරුවෝ ය. උන් වහන්සේ ‘විනී ගේ ප්‍රශ්න පත්‍රය ද බැලූහ. සැකයක් මතුවිණි. ඒ මේ කොලුවා පොතක් බලාගෙන පිළිතුරු ලියා ඇති බවට ඇති වූ සැකයකි. මේ පිළිබඳ ව සැක හැර දැන ගැනීමට තීරණය කළ හිමියෝ ‘විනී’ පසෙකට කැඳවා ගත්තේ ය.

“මං මේ අහන අභිධර්මයේ එන ප්‍රශ්න වලටත් හරි උත්තර දුන්නොත් තමා හොඳ” පැවසූ උන් වහන්සේ අභිධර්මයේ ගැඹුරු තැන් අළලා පිළිවිසී ය. ‘විනී’ සන්සුන් ව ඇසූ සියලු පැනයනට පිළිතුරු දුනි. සැකය දුරු කරගත් හිමියෝ ‘බොහොම හොඳා’ යැයි විනී ගේ හිස අත ගෑවේ ය.

ක්‍රේම්බිජ් කනිෂ්ඨ විභාගය සමත් වූ විනී නොහොත් ඊ.ඩබ්ලිව්. අදිකාරම් කේම්බ්‍රිජ් ජ්‍යෙෂ්ඨ පන්තියට ද ඇතුළත් වූයේ ය. එහිදී එස්.ජේ.වී. චෙල්වනායගම් නම් අපූර්වතම ගුරුපියකුගේ ඇසුරට ඔහු පාත්‍ර විණි. ඔහුගේ ගුරු හරුකම් අවවාද උපදේශ විනී ගේ යහපතටම හේතු විය.

ඔහු 1926 වසරේ දී ශාස්ත්‍රවේදී සාමාන්‍ය උපාධියට (බී.ඒ.) පෙනී සිටීමෙන් අනතුරුව ප්‍රතිඵල බලා සිටියේ ය. ඒ අතරේ දී විනීට හමු වූයේ ජේ.වී.සී. චන්ද්‍රසේකර මහතා ය. හේ යුනිවර්සිටි කොලීජියේ රසායන විද්‍යා අංශයේ ප්‍රධාන ආචාර්යවරයා ය. ඔහු දුන් ලිපියක් ද රැගෙන මේ තරුණයා කොළඹ නාලන්දා විදුහලට ගොස් එහි විදුහල්පතිවරයා හමුවූයේ ය. ඒ උප ගුරු පත්වීමක් ලැබ ගන්නට ය. නොහික්මුණු විදුහල්පතිවරයා විනී ට සරදම් ස්වරයෙන් අමතමින් කතා කරන්නට වූයේ ය. ‘බී.ඒ. කියන්නෙත් උපාධියක් ද? තමුන්ට පන්තියක් පාලනය කරන්ට පුළුවන් ද? කරුණාකරල ඔය තියෙන රජයේ ලිපිකාරකමකට ඉල්ලුම් කරන්ඩ” යි හෙතෙම කියා සිටියදී ආපසු හැරී පැමිණි විනී තිර අදිටනකට එමොහොතේදී ම පිවිසියේ ය. එනම් දර්ශනපති (පී.එච්.ඩී.) උපාධිය ලබා ගැනීමේ අදිටනයි.

අනතුරුව ‘ලක්දිව පුරාතන බෞද්ධ ඉතිහාසය’ නමින් ග්‍රන්ථයක් ඉදිරිපත් කරමින් දර්ශනපති උපාධිය ලබා ලන්ඩන් විශ්වවිද්‍යාලය බලා පිටත් ව ගියේ ය. ඒ 1933 වසරේ දී ය. ඒ වසර අග දී පෙරළා පැමිණි එතුමා කෝට්ටේ ආනන්ද ශාස්ත්‍රාලයේ අධිපති ධූරයට පත් වූයේ ය. 1939 වකවානුවේ ලෝක මහා සංග්‍රාමයේ දී ආනන්ද ශාස්ත්‍රාලය ද හමුදාවේ ප්‍රයෝජනයට ගැනීමෙන් පාසලට අනර්ථයක් සිදුවිණි.

ඒ හේතු කොට ගෙන බෞද්ධ පසුබිම යටතේ මහරගම විද්‍යාකර, නුගේගොඩ අනුලා පාසල් ඇරඹූ අතර මතුගම ආනන්ද ශාස්ත්‍රාලය, කරවනැල්ල මහා විදුහල, බත්තරමුල්ලේ මහා විදුහල, උඩහමුල්ල මහා විදුහල, මහාමායා මහා විදුහල ආරම්භ කෙරිණි. ඔහු වැටුපෙන් රුපියල් දහය බැඟින් ඉතිරි කොටගත් මුදලින් නුගේගොඩ අනුලා විදුහල ඇරඹීම ඉතිහාසයට ද එක් වී තිබේ. දරු පරපුර උදෙසා නැණැස පෑදීමට පාසල් රැසක් ආරම්භ කළ ඊ.ඩබ්ලිව්. අදිකාරම් තුමන්ගේ නාමය අනුස්මරණීය ය.

යම් යම් සිත් බිඳී යන කාරණා හේතුවෙන් තමන් සතු සියලු දෑ හිත මිතුරනට පවරා දුන් අදිකාරම් තුමන් හදිසියේ ඉන්දියාවට ගියේ ය. එහෙත් අධ්‍යාපන ක්ෂේත්‍රයට ඔහුගේ අඩුව තදින් දැනිණි. නැවත කැඳවූ ඔහු පරම විඥානාර්ථ බෞද්ධ සමාගමේ පාඨශාලා සාමාන්‍යාධිකාරි පදවියෙන් පිදීය. තමන් සිදුකළ සේවයෙන් විශ්‍රාම ගත්ත ද විශ්‍රාම වැටුප ප්‍රතික්ෂේප කළ එතුමා පරම විඥානාර්ථයෙන් ද ඉවත් ව අවිහිංසාව පෙර දැරි වූ තම චින්තනය ඉවහල් කර ගනිමින් දරුවන් හා තරුණයන් යහමඟට ගැන්මේ සමාජ සත්කාරයේ නියැළෙන්නට වූයේ ය. ඔහු මහා චින්තකයකු සේ ම දාර්ශනිකයකු වූ ජේ. ක්‍රිෂ්ණමූර්තිතුමාගේ දේශනාවෙන් තම දිවිය ප්‍රභාස්වර කර ගත්තේ ය. සෑම වසරක් අගදී ඒ දේශනාවට සහභාගි වීම හේ අත්‍යවශයෙන් කළේ ය.

පාලි භාෂාව පිළිබඳ විසල් දැනුමකින් යුතු එතුමා සංස්කෘත, ජර්මන්, ඉංග්‍රීසි භාෂා පිළිබඳ ප්‍රවීණයකු විය. පාලි ග්‍රන්ථ අතුරින් වඩාත් ප්‍රිය කළේ ඛුද්දක නිකායේ සූත්‍ර නිපාතයට හා ධම්මපදයට ය.

ඔහුගේ තේමා පාඨය වූයේ තමා සම්මතයෙහි පිහිටා අන් අයට උපදෙස් දිය යුතුය යන්න ය. විද්‍යාව පිළිබඳව ද හසළ දැනුමින් පිරිපුන් ඔහු සිංහලයෙන් විද්‍යාව ඉගැන්විය හැකි බව කී අය අතර පුරෝගාමියා වන්නේ ය. ඒ සඳහා 6 වැන්නේ සිට ජ්‍යෙෂ්ඨය දක්වා සාමාන්‍ය විද්‍යා පොත් පෙළක් සම්පාදනය කළේ ය. ඊට අමතරව විද්‍යාවේ පාරිභාෂික වචන මාලාව සකස් කළේ ය.

සාමාන්‍ය ජනතාවට හා සිසු කැළට විද්‍යා අධ්‍යාපනය ලබාදීමට කැප වූ එතුමා පුවත්පත්වලට තීරු ලිපි ලියුවේ ය. එම්.ඩී. ගුණසේන සහ සමාගමේ සංස්කාරකත්වයෙන් නවීන විද්‍යා මාසික සඟරා පෙළක් ද එළි දැක්වූයේ ය. ගුවන් විදුලි සාකච්ඡා, එස්.ජේ. ද වීරසිංහ දේවගැතිතුමා මෙහෙයවූ බුද්ධි මණ්ඩල සාකච්ඡා සඳහා ලබාදුන් දායකත්වය සුවිශේෂී කොට සැලකේ. විවිධ ප්‍රදේශවල යමින් එතුමා කරන ලද දෙසුම් හි සාරාංශය රැගත් ලිපි ඇතුළත් සිතිවිලි නමැති පොත් මාලාව ජනයා අතර වඩාත් ප්‍රචලිත වූයේ ය.

“සමාවෙන්ඩ මහත්මයා, මේ සභාවට පැමිණි ඔබතුමා වියත් දෙසුමකින් අපව දැනුවත් කළා. එහෙත් සභාව ආරම්භයේදී පන්සිල් සමාදන් වීමේ දී ඔබතුමා පන්සිල් නො ගෙන සිටියා.” දිනක් දෙසුමකට සහභාගි වීමට ගිය අදිකාරම්තුමන්ගෙන් සභාවේ තරුණයකු එසේ විමසුවේ ය. වියතාණෝ සන්සුන් ලීලාවෙන් මෙසේ පිළිතුරු දුන්නේ ය.

“ඔව් – ඒක ඇත්ත – මං එක් වරක් පන්සිල් සමාදන් ව තිබෙනවා. මා ආයෙත් සමාදන් විය යුතු නැහැ. මන්ද – මා පන්සිල් රකින අයකු නිසා.”

සත්‍ය හෙවත් සැබෑ දේ කුමක්ද කියා දැකීමත් ඒ දැකීමෙන් ඇතිවන විලෝපයෙන් මෛත්‍රිය පහළවීමත් සිදුවන බව පැවසූ මේ චින්තකයාණෝ තම දේශන හා ලේඛනවලින් ඒ සත්‍ය පාඨකයාට විමසා බලන්නට ආරාධනය කළේ ය. බොහෝ දෙනා සිතන ආකාරයට නොසිතූ ඔහු බුදුදහමේ ආභාසයෙන් හා සොබාදහමේ නිරීක්ෂණයෙන් තම චින්තනයේ ස්වාධීන, නිර්භය හා නිරවුල් බව පෙන්වාදීමට වෙහෙසුණේ ය. මහා දැනුමකින් යුතු අදිකාරම්තුමා නොදන්නා දේ විශ්වාස කිරීමට හෝ ඒ පිළිබඳ කතා කිරීමට මැලිවිය. නොදන්නා දේ නොදන්නා බව කීවේ ය. බොහෝ විට ඔහුගේ ප්‍රකාශ මෙරට මහත් ආන්දෝලනයකට තුඩු දුන් අතර උසස් ගුණ වැයුම් ද තියුණු අපහාස සරදම් ද ඔහුට හිඟ නොවීය.

අදිකාරම්තුමන් දුක සැප හමුවේ හඬා වැටුණේ නැත. ඒ ඔහුට චින්ත චෛතසික සම වැදීමක් තිබූ නිසා බව කියැවේ. දිවියේ ඉහළම සතුට හෝ දාර්ශනික හරයන් අදිකාරම් තුමා විඳගත්තේ මැදහත් සිතින් යැයි ද පැවැසේ. සියල්ල මැදිහත් සිතින් එකසේ පිළිගත් එතුමා එක් දිනෙක ඉකි බිඳ බිඳ හැඬුවේලු. ඒ මරණයක් වෙනුවෙනි. දාර්ශනිකයකු වූ පසුව ද මුල් වරට එතුමා හඬා වැලපුණේ 1973 ජනවාරි මස 7 වනදා ය. ඒ ඊරියගොල්ල සූරීන් මළදා ය. එතුමා සමඟ සමීපයේ පසුවූ ඩඩ්ලි ද හැඬුවේ ය. තමන්ගේ විශිෂ්ටතම දේශපාලනඥයා මිය යාමේ ශෝකයෙන් ඩඩ්ලි හැඬුවේ ය. එහෙත්, අදිකාරම්තුමා ඉකි බිඳීමින් හඬන්නට වූයේ තම සිත්හි ලැඟුම් ගෙන සිටි කෘතහස්ත, අවංකම බුද්ධිමතා වියෝ වීම නිසා ය.

1922 වසරේදී කොළඹ යුනිවර්සිටි කොලීජියට පැමිණෙමින් 1930 දී ශිෂ්‍යත්වයකින් ලන්ඩනයට පිවිසෙමින් 1931 දී ශාස්ත්‍රපති (එම්.ඒ) උපාධිය ද 1934 දී දර්ශනපති (පී.එච්.ඩී) උපාධිය ද සමත් වෙමින් ආචාර්ය එන්.එම්. පෙරේරා, රොබට් ගුණවර්ධන, දොස්තර එස්.ඒ. වික්‍රමසිංහ ආදීන්ගේ ඇසුර ද ලැබුවේ ය. ශ්‍රී ලංකාවට නිදහස ලබා ගැනීමට මුල පිරීමක් ලෙසින් එන්.එම්. සමඟ කතිකාවක් එංගලන්තයේ දී ආරම්භ කළේ ය. බෞද්ධ අධ්‍යාපනයට මහත් සේ කැප වූ එතුමා 1966 – 1970 දී ජාතික අධ්‍යාපන සභාවේ සාමාජිකත්වය ද හෙබවූයේ ය.

1976 – 1983 දී ශ්‍රී ජයවර්ධනපුර විශ්ව විද්‍යාලයේ කුලපතිධූරය ද හෙබ වූ එතුමා බුදුදහමට අනුගත චර්යාව ජනයා අතර රඳවා තබන්නට දිවා රෑ වෙහෙසී කැපවී ක්‍රියා කළේ ය. දැඩි සේ ඇලුම් කළ ජේ. ක්‍රිෂ්ණමූර්ති තුමා ගේ දෙසුමට සහභාගි වන්නට සූදානමින් පෙරදා එනම් 1985 වසරේ දෙසැම්බර් මස 28 දා නිදි යහනටවන් එතුමා නැවත මෙලොව එළිය නොදුටුවේ ය. සිතේ පැවැති සුපසන් බවින් යුතුව ම එතුමෝ දැයෙන් සමුගත්හ.

- උපුටාගැනීමකි -

notes of imaginary

මේක මරු රටක්.

මන්ත්‍රියෙක්, රාජ්‍ය ඇමතියෙක් , ඇමතියෙක් කියන චරිතවලට වටිනා කමක් තියෙන්න ඕනි.

ඒත් සමහරු වැඩ කරන්නේ - වළං කඩේට පැන්න ගොන්නු වගේ. දන්නවනේ ගොනා කරන දේ.

පසුගිය දාක පොස්පේට් එකට ගිය ඇමති නාගත්ත නා ගැනිල්ල හවසට වයින් ස්ටෝර්ස් එකක් ලගට ගියාම නාගන්න හුදී ජනතාව ලගවත් නැහැ.

මේ මනුස්යා “ කචල් මේකර්“ කෙනෙක්ගේ චරිතය රගපෑවානේ  මරුවට.

මට පුදුම අපේ පාර්ලිමේන්තුව ගැන. ව්‍යවස්ථාදායකය කියන වචනයෙන්ම කියන්නේ නීති අන පනත් දෙන තැන කියලා. දෙන්න හදන්න එපාය. හදන එකට හුදීජනතාවගෙන් නියෝජිතයෝ පත් කරලා  යවලා තියෙනවා. මේ වැඩේට විවිධ වෘත්තිකයො පත් කරල ඉන්නවා කියලයි කියන්නේ. ඔය නීතිඥයෝ, විවිධ විෂයයන් හදාරපු ආචාර්ය මහාචාර්ය වරු ව්‍යාපාරිකයෝ ............ව්‍යාපාරිකයෝ කිව්වම විවිධ ක්‍ෂෙත්‍රවල ව්‍යාපාරිකයේ ඉන්නවා. හොරට මත්පැන් පෙරන , මත්ද්‍රව්‍ය බෙදාහරින , කුලියට මිණීමරන ඒ ගොල්ලත් දැන් කාලේ හදුන්වන්නේ ව්‍යාපාරිකයෝ කියලනේ.

ඉතින් මේ ගොල්ලා තමයි අණ පනත් හදලා වාද විවාද කරලා ඡන්දේ දීලා වැඩි ඡන්දෙන් සම්මත කරලා ගැසට් කරලා නීතිගත කරන්නේ. මේ නිෂ්පාදනය කරන  පැක්ටරියට කියන්නේ පාර්ලිමේන්තුව කියලා.

මේ පැක්ටරියෙන් ක්‍ෂෙත්‍රචාරකාවකට ගිය රාජ්‍ය ඇමතියෙක් ගේ කතා වස්තුවක් තමයි මේ වීඩියෝ එකේ තියෙන්නේ ගිහින් බලන්නකෝ.

 https://youtu.be/UDxf6ybOuUQ

වළං කඩේට ගිය ගොනා මොකද කරන්නේ කියලා.

notes of imaginary

( අ) සමබර මාධ්‍ය.

දකුනේදී මාලිමාවක් වුයේ නම්  අලි, පොහෝට්ටු  ටෙලිපෝනයෙන් පහර කෑමටත් ,

අලියෙක් වුවොත් මාලිමාවෙන් , ටෙලිපෝනයෙන් පහරකෑමටත්,

පොහොට්ටුවක් වුනොත් මාලිමාවෙන් සහ ටෙලිපෝනයේ  ප්‍රහාරයටත් ,

ටෙලිපෝනයක් වුනොත් මාලිමාවේත් පොහොට්ටුවේත් අලින්ගෙන් පහරකෑමටත්

කාටවත් නැති එකාට හතර වටින්ම ප්‍රාහාර එල්ලවීමත් මේ දවසේ දේශපාලන ක්‍රියාකාරකම වී තිබේ.

ඔය කාගෙවත් එළියෙන් බැබලෙන්න අදහස් නොකරන එකාට හැමෝම පෙනෙන්නේ එකම මල්ලේ ගොරකා ලෙසයි.

උතුරේදී ද ජනතාවත් මේ අර්බූදයට මුහුණ දෙති. අර මම මුලින් කී ලකුණු පමනක් වෙනස් වී  ඇත.

හැම එකාම බලයට මහත් පොරයක යෙදී සිටිති.

මිත්‍යාව වපුරන්නේය. බිය ඇති කරන්නේය.ගොඩ වැඩි කරගන්න ඕනෑම අළුගුත්තේරු වැඩක් කතාවක් කීමට පසුබට වන්නේ නැත.

 

මේ දිනවල ඇමතියා තනතුරෙන් යන තුරු   රෝහල් වල  රෝගීන්  මියයන්නේය. ඇමතියා ගිය පසු  මේ  අර්බුදය නිමවන්නේ ද?. ඖෂධ යනු හොද ජාවාරමකි. කුඩු මත්ද්‍රව්‍ය වලට වඩා නීත්‍යානුකූල අලවියක් ඇති ඖෂධ පහලම මට්ටමේ වෛද්‍යවරයාගේ සිට ඇමතියා දක්වා කොමිස් ආදායම් ලබන ව්‍යාපාරයකි.

විදේශීය ඖෂධ නිෂ්පාදකයන් සහ ආනයනකරුවන්  මෙහෙවන මාෆියාවකි. සේනක බිබිලේ මැතිතුමන් ජීවිතයෙන් වන්දි ගෙවන ලද්දේ ‍මේ විදේශීය ඖෂධ නිෂ්පාදකයන් සහ ආනයනකරුවන්ට අලාබදායිවු ඖෂධ ප්‍රතිපත්තියක් බිහිකළ බැවිනි.

ඇමතියාගේ පටන් සියළු දෙනා ජාවරම් කරුවෝය. සියළු ආනායනකරුවන් සමසේ ජාවාරමට සහභාගීවී නම් රෝගීන් රෝහල්වල හදිසියේ මිය යන්නේ නැත.

සියල්ලෝම බෙදා ගෙන කන්නේය.

රෝගියා අසරනව මිය යන්නේය. මෙවන් ප්‍රසිද්ධියක් නොලැබෙන්නේය.

 

මෙයත්  එවැනි මාධ්‍ය අසාධාරණයක් පිළිබදවු ප්‍රවෘත්තියකි අසාධාරණය සිදුවුයේ විපක්‍ෂනායකවරයාටයි. අපට නොවේ.

 

දළදා පෙරහැර පවත්වන කාලවකවානුවේ වැය වන විදුලියට  විදුලි බල මණ්ඩලය විසින් දියවඩන නිළමේට ඇස්තමේන්තුවක් ඉදිරිපත් කර එහි වටිනාකම තැන්පත් කරන ලෙස ඉල්ලා ඇත.

විපක්‍ෂ නායකයාට අනුව මෙය ජඩ නින්දිත ක්‍රියාවකි. බෞද්ධ ජනතාවට කරන ලද නිග්‍රහයකි

විදුලි බල මණ්ඩලය පවසන්නේ හැම වර්ෂයේම මෙසේ ඇස්තමේන්තුවක් ඉදිරිපත් කරන බවයි.

දියවඩන නිළමේ පවසන්නේ  බිල්පත  අනුව පෙරහැර අවසන්වු පසු සෑම වර්ෂයකම විදුලි බල මණ්ඩලයට මුල් ගෙවා ඇති බවයි.මෙවර ඇස්තමේන්තුවක් එවමින් විදුලි බල මණ්ඩලය මුලින් මුදල් තැන්පත් කරන මෙන් ඉල්ලා ඇති බැවින් පෙරහැරට පෙර මුදල් ගෙවන බවයි.

 

දළදා මාලිගාව පොහොසත්ය. විදුලි බල මණ්ඩලය දුප්පත්වි ඇත.

 

එකම ප්‍රවෘත්ති විකාශණයේ මේ ප්‍රවෘත්ති තුනම විකාශණය වු විට විපක්‍ෂනායක තුමාගේ ප්‍රකාශයේ හුලං බැස ගොසිනි.

 

විචාරශීලි ජනතාව දේශපාලන කතාබහ තක්සේරු කරමින් සිටී. අතීතය අමතක නොකර වර්ථමානය ගලපයි.එහෙයින් බලයට බලා සිටින කොයි කවුරුවත් කෙටි මං නොසොයා  යායුතුවේ.

notes of imaginary

මා වෙනුවෙන් පමණක්ම නොවෙයි .

මහතුනේ

මේ මහා වෑයම

මා වෙනුවෙන් පමණක්ම නොවෙයි

ඔබ,මා,අප වෙනුවෙනුයි මේ අරගලය

අර විසල් ප්‍රාසාද පවුරු තුළ

අපේ දහදිය කඳුළුද

අපේ බදු මුදල්ද නිධන්ගත වී ඇත.

ඒ සා අයුක්තියක් ළඟ

නිහඬ විය හැකිද ප්‍රේමණීය මිනිසෙකුට

සත්‍යවාදී මිනිසෙකුට

මහතුනේ

ආර්ථික අයුක්තිය

රැගෙන යා හැකියි මහා යුද්ධයකට

අවතැන් විය හැකියි දහස් ගණනක්

විය හැකියි ඊළඟ පරපුරට මළගමක්

හිරු නොනගින

මහා අඳුරකට වුව

රැගෙන යා හැකියි ආර්ථික අයුක්තියකට

මහතුනේ

ඉවසාගත නොහීනම් මේ නැගිටීම

වෙඩි උණ්ඩයක් එවිය හැකියි මා වෙතට

මියගිය පසු වුවද මා

මේ අරගලය නුඹට නවතා දැමිය නොහැකිමය

දිනෙක ,

යුක්තියේ සුවඳ නුඹට දැනෙනු ඇත.

මහතුනේ

නිමාවූ පසුව මේ මෙහෙවර

හිනාවුණ පසුව අනාගත පරපුර

මල් නැතුවාට කමක් නැත

දමා ගසන්න ගල් මුඟුරු

දරාගත හැකිය ඒ රිදුම

සෝමලතා හේරත් මැණිකේ

(කවි නොවේ)

මුහුනු පොතට එක් කල පද පෙලකි.

notes of imaginary

උදාසීන රජුන් හිංසාකාරී රජුන්ට වඩා අගෙයි.

එදිනෙදා අහල බලන දේවල් සමග සිහිවන එක් දෙයක් නම් ඊසොප් ගේ කතාන්දර අදටත් ගැලපෙන්නේ නොවේදැයි යන්නය.   ඊසෝප්ගේ කතා උපහාසයෙන් සහ උපහැරනයෙන් යුක්ත විය. මින් අවුරුදු දෙදහස් පන්සියකටත් ,ක්‍රිස්තු පූර්ව හයසියයේ පමන ඉහත ඉතිහාසයේ ග්‍රීසියේ   ඊසොප් වාසය කලේය.

මේ කතා  ඊසොප් සොයා ගිය  චාරිකාවකදී හමුවු අපට ගැලපෙන කතා විය හැක.  ඒ චාරිකාව අතර ඔහු ගැනත් කතාවලදී  හමුවන පාත්‍රවර්ගයා,ගැනත් යම් යම්  සටහන් එකතුකරන බව සටහන් කරමි.

අද  කතාවේදී හමුවන එක් චරිතයකි සියුස්.

ඔහු  ග්‍රීසියේ ඔලිපස්කන්දේ වාසය කලේය. සෑම ප්‍රධාන ග්‍රීක දෙවිවරුන්ගේ පියා සහ රජතුමා වුයේ සියුස්ය .  ඔහු සියළු මනුෂ්‍යයන්ගේත්  සත්‍වයින්ගේත් මැවුම්කාරයා විය.

සිංහල වහරේදී සියුස් යන්නෙන් අදහස් වන්නේ අහසය .  සියුස් සියල්ලේම මැවුම් කාරයා හෙයින් කළ කී ක්‍රියාකාරකම් අනන්තය. අප්‍රමානය. වලාකුලූ රැස් කර වැස්ස මැවුවේත් සියුස්ය. ඔහුගේ අවියවුයේ හෙන පහරය.

සියුස් ගේ පෞද්ගලික ජීවිතය ගැනත්  කතා බොහෝය. ඔහු හංසයෙකු,ගවයෙකු හෝ වෙනත් විලාශ මවා ගෙන මිනිස් ලොවට පැමිණ අන් ස්ත්‍රීන් ඇසුරු කල කතා පුවත් ඇත.

එබදු එක් කතාවක ඔහුගේ අනියම් බිරිද  වුයේ ‘අල්ක්මිනා “ නම් කතක්ය  .සියුස්ට දාව ඇයට හෙරැලීස් ( හර්ක්‍යුලස් HERCULES  ) උපන් බවට  විශ්වාශයක් ග්‍රීකයන් අතර පවතින්නේය. ජනප්‍රවාදයේ සියුස්ගේ  බිරිද වු “ හේරා“  මෙම අනාචාරයට වෛර කලේය. ඒ නිසාවෙන්දෝ ඈ හර්කියුලස්ටත් වෛර කලේය.

 මැව්ම්කාරයා වු සියුස් හමුවන්න නිතර නිතර මිනිසුන් සහ සතුන් ගොස් තම අඩු ලුහුඩුකම් පිලිබදව පැමිණිලි කලේය.උදව් උපකාර ලබාගත්තේය.

 එසේ පිට පතා ගිය  මැඩි දූත කන්ඩායමක අවබෝධතා ගිවිසුමක් හා ව්‍යාපෘතියක් පිලිබද වාර්තාවක් අද කතාවට පාදක වන්නේය.

එක් විලක ජීවත්වු මැඩි රැළකට  තම ගහනය වැඩි  වන විට පාලන අර්බුධ ඇතිවන්නට විය . නිසි පාලකයෙක් නොවු බැවින් මේ තත්වය දිනෙන් දින වර්ධණය වී නිතර නිතර කණ්ඩායම තුල අරගල ඇතිවන්නටත් සටන් ඇතිවීමත් සිදුවිය.

 මෙම තත්වය පාලනය කරගැණිමට නොහැකිවු විට සියල්ලෝ එකතුවී සාකච්ඡා කර මෙයට උපක්‍රම සෙවීය.  තමන්ට පාලනය කිරීමට රජෙකු සිටියහොත් මේ තත්වය පාලනය කර ගත හැකි බව අවසානයේදී ඔවුන්ට අවබෝධ විය.    මැඩියෝ  සාකචඡා පවත්වා තීරණයකට එළඹ  තමන්ට රජෙකු ලබා දෙන ලෙස ඉල්ලා සියුස් *** දෙවියන් වෙත දූත කණ්ඩායමක්  යවීය.

මේකටත් මා ලගට එන්න තරම් මුන් කොතරම් මෝඩදැයි සිතු සියුස් දූතයා හට “මම මේකට විසදුමක් දෙන්නම් “ කියා  ආපසු හරවා එවීය.මැඩියෝ බලාපොරොත්තු සහිතව ටික දිනක් බලා සිටියේය. එක් දිනක පාන්දර විලෙන් විශාල ශබ්දයක් ඇතිවිය. මැඩියෝ බියපත්ව විල් පත්ලේ සැගවී වෙන්නේ මොකක්දැයි විමිලිමත්ව සිටියේය. ටික වෙලාවක් මෙසේ සැගවී සිටින විට කැළඹුන විල් දිය ක්‍රමයෙන් නිසල විය.       එකා දෙන්නා දිය මතට පැමිණ විපරම් කරන විට පාවෙමින් ති‍බෙන දර කොටයක් දුටුවේය.

විශාල ශබ්දයත් සමග විල් පතුලට ගිය මැඩියන්ට දුත ගමන් ගිය මැඩි කණ්ඩායමේ ප්‍රධාණියා ,   මේ සියුස් පත් කල රජා යයි  මැඩියන්ට හදුන්වා දුන්නේය. එදා සිට දර කොටය මැඩියන්ගේ  රජතුමා බවට පත්වුනේය.

අළුත් රජතුමා පැමිණි පසු මැඩිරැළ සන්සුන් විය. විවිධ ක්‍රියාකාරකම් කරමින් ජීවත්වු නිසා විලේ පරිසරයද නැවුම් විය.නිසලවු කොටය පාවෙමින් ඔහේ තිබුන අයුරු නිරීක්‍ෂණය කල විප්ලවකාරී තරුන මැඩියෝ එකා දෙන්නා කොටය මතට ගොඩ නැගුනේය.කොටය නිසොල්මනේ පාවෙමින් තිබුනා හැර මැඩියන්ට ප්‍රතිචාර නොදැක්වීය. කලක් යන විට මේ නිහඩ ප්‍රතිචාරය නිසා කොටයට තිබු බිය සැලකීම විශ්වාශය මැඩියන්ගෙන් තුරන් වී ගියේය

විල තුල තරුන මැඩියන් යලිත් අරගල විප්ලව කරන්නට පටන් ගත්තේය. මේ නිසා විල යලිත් කැළඹුනේය. කළකිරීමටත්  පත් මැඩියෝ මෙබදු රජෙකු තම වරිගයට නින්දාවක් යයි සිතුවේය. ඔවුන්  යලිත්  සියුස් වෙත යාමට තීරණය කලේය.

මැඩියෝ නැවතත් සියුස් වෙත ගොස් වෙන රජෙකු පත් කර එවන මෙන් අයද සිටියාය. මින් උදහසට පත්වු සියුස්  හොද වැඩක් කරන්නෙමියි අදිටන් කර නාගයෙකු රජු ලෙස පත් කර විල වෙත එවුවාය.

නාගයා තනතුරට පත්ව ආපසු යලිත් විල සන්සුන් විය. එහෙත් විලේ සිටි මැඩියන් එකා දෙන්නා අතුරුදහන් වන්නට පටන් ගත්තේය. මැඩියන්ට කරුණු කාරනා වැටහෙන විට පමා වුනා හොදටම වැඩි වී  තිබුනේය. අවසානයේ නාගයා පමණක් විලේ රජ කරමින් සිටින අතර සියළු මැඩියන් අතුරුදහන්ව තිබුනේය.

ඊෂොප් , “උදාසීන එහෙත් අහිංසක රජුන් සිටීම හිංසාකාරි දුෂ්ඨ පාලකයන් සිටිමට වඩා හොදයයි “ .....පවසමින් අදට සමු දුන්නේය.

 

notes of imaginary

පින් අණුමෝදනාවක්.

පෙනීම අඩුය. ඒ නිසා ඇතිවු අතුරු ආබාධද ගත වෙලා ගෙනය.

බැරිම තැන........................

එක් දවසක මම මගේ ඇසත් අරන් අක්‍ෂි වෛද්‍යවරයෙකු  හමුවිය. 

එතුමාගේ මතය වුයේ ඇසේ සුදඉවත් කළ යුතු බවයි. 

මම බිය වුනෙමි. අක්‍ෂි ශල්‍යකර්මයක් ?.

 බයවුනා නේද ? මේක සිම්පල් වැඩක්නේ. 

එතුමා මා තුල ඇතිවු විශ්වාශය මගේ බිය තුරන් කලේය. 

ඊළගට මගේ මුදල් පසුම්බිය සිහිපත් විය. ඒ ගැන වැඩිදුර නොසිතමින් “මම කාචයක් අරන් දෙන්නද ? එතුමාගෙන් විමසුවෙමි. 

ඇයි අපි ළග තියෙන ඒවා “ ඩියුරබල් නැද්ද ? “ එතුමන් සැහැල්ලුවෙන් මට ප්‍රශ්නයකින් දමා ගැසුවේය. 

මම නිහඩව එකගත්‍වය පළකලා මතකය. 

දින නියමවිය. 

කාචයේ ප්‍රමානය මැනගත යුතුය. 

මම රෝහලේ අක්‍ෂිතාක්‍ෂණ වේදියානන්ට යොමු විය. 

ඉතාමත් සුහදශීලි සේවාවකින් ඒ කටයුත්ත නිමවිය. මම සහයිකාවටද ස්තුතිවන්ත වෙමින් එම අංශයෙන් බැහැරට පැමිණියෙමි. එහි සේවය කළ මේ මහත්ම මහත්මීන් දෙපල ඉතාමත්ම සංයමයකින් රෝගීන්ගේ පරීක්‍ෂණ කටයුතු කළ බව නම් පළකල යුතුමය. පරීක්‍ෂණාගාරය දොරටුව ඉදිරිපිට තම වාරය එළබෙන තෙක් නොඉවසිල්ලෙන් සිටින රෝගීන්ට අංක ලබා දී පෙළගස්වා සිටියත් නුහුරු පරිසරයක ඔවුන්ගේ හැසිරීම අසංවරය. එය 

ඔවුන්ගේ නොදැනුවත් කමය. නැත්නම් නුපුහුණුවය. 

ඊලගට යොමුවුයේ අක්‍ෂි පරීක්‍ෂාවට වෛද්‍යාගාරයටය. අඩියෙන් අඩියට එක් එක් පියවර රෝගියා යොමු කිරීමේ සැලසුම් සහගත ක්‍රමයක් එහි විය. තදබදයක් නොමැත.ඇස පිලිබද දත්ත රැස්කර ගත් එම අංශය විසින් මා ශල්‍යකර්මය සදහා සුදුසු පුද්ගලයෙකු බවට පත් කලේය. 

 මට පෞද්ගලිකව ශල්‍යකර්මයට පෙර දින ECG , ESR යන පරීක්‍ෂණ වාර්තා රැගෙන එන ලෙස නියමවිය. 

 ශල්‍යකර්ම දිනය පසුව දන්වන්න බව පවසමින් දුරකථන අංකය ලබා ගත්තාය. වෛද්‍යාගාරයේ සේවයේ නියුතු ලොකු කුඩා සියළු තරාතිරම් වල සේවය වීනිතය, කරුනාවන්තය, ක්‍රමවත්ය. ඔවුන් සේවය කරන්නේ පෞද්ගලික රෝහලක සේවය කරන මානසිකත්‍ව යෙන් යුතුවය.

මේ මා දකින්නේ සිහිනයක් නොව සැබෑවක්මය. 

සතියක් ඉක්මවන්නට පෙර මට ඇමතුමක් ලැබුනේය. 

“බදාදා ශල්‍යකර්මයට පැමිනෙන්න.“ 

මේ වනවිට බිය පිළිබදව පැවත් මානසිකත්‍වය බිංදුව කරා පැමිණ තිබිනි. නිතර කතා බහ කරන මා මෙන් REBORN BODY ඇත්තෝ මගේ ඇස්දෙකම කරගත්තා දැන් නියමෙට පේනවා. HUNDREDS THOUSANDS විතර ලෑස්ති කර ගනින්. එක ඇහැක් නේ. 

 තවත් එකියක් NOTHING නේ බන් . මාත් කර ගත්තා යයි කීවේය.

මමත් EE’……sy නේ කීවත් ටිකක් චකිතයෙන් සිටියේය. 

එක එකා එක අදහස් පැවසුවත් ඒවා ධණ ආකල්ප විය. 

මම නියමිත දින ශල්‍යාගාරයට ගියෙමි. 

කාර්ය මණ්ඩලයම අති විශිෂ්ඨය. 

ඔවුන්ගෙන්  මගේ මෙන්ම පැමිණ සිටි අනෙකුත් ශල්‍යකර්මයට බදුන්වු සියල්ලන්ම  ලගම ඥාතින් පිරිසක් මෙන් සැලකුම් ලැබීය. 

මම දතක් ගලවා ගන්නට ගොස් ලබන සියුම් වේදනාවක්ද තරම් නොලබා ඇසක ශල්‍යකර්මයක් කර ගත්තේය. 

අවසානයේ කෙටි අහාරයකින්ද තේ කෝප්පයකින්ද සංග්‍රහ ලැබ පැය කිහිපයකින් නිවසට පැමිණියේය. 

පසුදින සායනයට ගිය මටත් පෙරදින ශල්‍යකර්මය කරගත් හතලිහක පමන පිරිසකගේ ඇසේ ආරක්‍ෂක වැස්ම ඉවත් කර නැවත පරීක්‍ෂා කර ඖෂධ යොදන අන්දම සහ උපදෙස් ඇතුළු පොදු දේශණයක් ලබා දුන්නේය. 

දැන් මගේ කොටසය. නියමිත වෙලාවට බෙහෙත් දමා ගැණීම. 

පින් සහ ස්තුතියි 

 කහවත්ත රෝහලේ අක්‍ෂි සායනයේ සියළු කාර්ය මණ්ඩලයට. 

 notes of imaginary

ණයචක්ක පවත්තන සූත්තරය

නලින් ද සිල්වා ගේ අදහසක්.

ජාමූල කරන්නේ අප තව තවත් ණයකාරයන් බවට පත් කිරීම මිස අනෙකක් නො වෙයි. එය කරන්නේත් තම කොන්දේසිවලට අප යටත් කිරීමෙන්. ඔවුන් පළමුව අප ලවා රට බංකොළොත් බව ප්‍රකාශ කෙරෙවුවා. එය කෙළේ මහා බැංකුවට අවුරුද්දකට පමණ පෙර අධිපති ලෙස පත් කෙරුණු නන්දලාල් වීරසිංහ. ඔහු ඒ තනතුරට පත් කෙරුණේ ගෝඨාභය රාජපක්‍ෂ විසින්. ගෝඨාභයට ඒ උපදෙස දුන්නේ කවුද කියන එක ප්‍රශ්නයක්.

නන්දලාල් වීරසිංහ මහා බැංකුවට අලුත් කෙනකු නො වෙයි. ඔහු එහි ඉහළ තනතුරු දැරූ අයෙක්. ආර්ථික අර්බුදයට හේතුව රාජපක්‍ෂලා ගසා කෑම යන පට්ටපල් බොරුව නිර්මාණය කෙළේ කවුරුන් වුවත් එයින් නන්දලාල් වීරසිංහ වැනි මහා බැංකුවේ උසස් තනතුරු දැරූ අයත් වගකීමෙන් නිදහස් කෙරුණා. ඒ අය මහා බැංකුවේ සිටිය දී ම තමයි ප්‍රශ්නය උග්‍ර වුණේ. අධි පොළියට ස්වෛරී බැඳුම්කර මගින් වැඩියෙන් ම ණය ලබා ගත්තේ රනිල් අගමැති ව සිටි ජඩපාලන ආණ්ඩුවෙන්. නන්දලාල්ලා එයට විරුද්ධ වුණු බවට ආරංචියක් නැහැ.

මා දන්නවා මා මෙසේ කියන විට මා රාජපක්‍ෂවාදියකු හා තවත් කතා කියමින් මට උපහාස අපහාස කරන පඬි නැට්ටන් ඉන්න බව. එය මට ප්‍රශ්නයක් නො වෙයි. මා වැඩ කරන්නේ මගේ මරණයෙන් පසුවවත් ගුණකථනයක් කියවා ගැනීමේ අරමුණකින් නො වෙයි. ඔය එක ගුණකථනයකින්වත් මගේ සසර ගමන කෙටි කෙරෙන්නේ නැහැ. මා රාජපක්‍ෂවාදියකු වීම නොව වී ඇත්තේ මහින්ද හා ගෝඨාභය රාජපක්‍ෂ ජාතිකත්වය වෙනුවෙන් නායකත්වය දීමට පත්වීමයි. මහින්ද එතැනට තල්ලු කෙරුණේ ජාතිකවාදීන් විසින්.

අද නන්දලාල්ලා කරන්නේ මධ්‍යම පංතිය තව තවත් හුරතල් කිරීමක් පමණයි. මා මධ්‍යම පංතිය කියන්නේ ආකල්පමය මධ්‍යම පංතියකට. ඔවුන් දුගියන් වෙන්න පුළුවන්. එහෙත් ඔවුන්ට ඇත්තේ සමාජයේ ඉහළ නැගීමේ ආශාව. පඬි නැට්ටන්ටත් එහෙමයි. ඔවුන් තම උගත්කම ප්‍රදර්ශනය කරමින් හරි සමාජයේ ඉහළ වැජඹෙන්න උත්සාහ දරණවා. එය විවිධාකාරයෙන් වෙන්න පුළුවන්. සමාජයේ බොහෝ දෙනකුට මධ්‍යම පාංතික ආකල්ප තියෙනවා. කිසිවකු හරි කියනවා ද සමාජයීය විද්‍යා මානව ශාස්ත්‍ර උගතුන්ගේ දියණියන් විශ්වවිද්‍යාලයේ දී ඉංගිරිසි විශේෂ පාඨමාලා හැදෑරීමට ඇති සම්භාවිතාව වැඩිවන්නේ කෙසේ ද කියා.

මා කිසිවකුටවත් අපහාස උපහාස කරනවා නො වෙයි. මධ්‍යම පාංතික ආකල්ප සමාජයේ ඔඩු දුවා ගොස්. අපට අවශ්‍ය අප දන්නා හඳුනන අයට වඩා කිනම් ආකාරයකට හරි සමාජය උසස් යැයි සලකන දේ අත්පත් කර ගන්න. ලොකු ගෙයක් සුවපහසු මෝටර් රථයක් බටහිර දැනුම ගැන කියන්න හැකියාවක් ආදිය ඒ සඳහා උදාහරණ. ඒ අතර සමහරුන්ගේ මිතුරු සමාගම්වල එහෙමත් නැත්නම් කවවල සිංහල බෞද්ධ සංස්කෘතිය පාච්චල් කිරීම අපේ දැනුම මිථ්‍යා බව පැවසීම වැදගත්කමක් තත්වයක් ලබා ගැනීමට උදවු උපකාර වෙනවා.

ඒ මොනව වුනත් හොඳ සමාජ තත්වයක් කියන දේ ලබා ගැනීමට මුදල් අවශ්‍ය වෙනවා. එහෙත් අප මුදල් හොයන්නේ නැහැ. මුදල් හොයන්නේ නැහැ කියන එකෙන් මා අදහස් කරන්නේ රැකියාවක් නොකරන බව නො වෙයි. රැකියා කිරීමේ දී අප කරන්නේ වෙනත් අය හොයන මුදල් අප වැටුප් ලෙස ලබා ගැනීම. අප කරන නිෂ්පාදනයක් නැහැ. මධ්‍යම පංතිය නිෂ්පාදනයක් කරන්නේ නැති තරම්. මගේ ජීවිතයේ දී මා කළ නිෂ්පාදනයකුත් නැහැ. කොළඹ දී හා කැලණියේ දී උගන්වන්නේ නැතිවත් වැටුපක් ලබා ගත්තා. ජී එල් පීරිස් එයට කිවුවේ ජාතික චින්තනය උගන්වනවා කියා. ගුරුත්වාකර්ෂණ බලය නිවුටන්ගේ හිතළුවක් බව කී විට කැලණියේ ප්‍රබුද්ධ ආචාර්යවරු මට විරුද්ධ ව සිසුන්ට අත්පත්‍රිකා බෙදුවා රැස්වීම් තිබ්බා. ආසනික් ප්‍රහාරය මතක ද?

අද මේ මධ්‍යම පංතිය ප්‍රසාරණය වෙලා ජනගහණයෙන් විශාල බහුතරය බවට පත්වෙලා. ඔවුන්ගේ ඕනෑ එපාකම් පිරිමහන්න ඩොලර් ඕන. නන්දලාල් ණය ලබා ගන්න ජාමුලෙත් එක්ක වැඩ. රනිල් තව තවත් ණය ගන්න මිසක් ණය ගෙවන්න දන්නෙ නැහැ. අද රට ආණ්ඩු කරන්නෙ ජාමුලෙ. රනිල් එහි නියෝජිතයා පමණයි. පාර්ලිමේන්තුව අද ජාමලෙ රබර් මුද්‍රාව බවට පත්වෙලා. සමහරවිට පාර්ලිමේන්තු ඉතිහාසයෙ වෙනත් අයකු වෙනුවෙන් පාර්ලිමේන්තුව සෙනසුරාදා දිනයක පළමු වතාවට රැස්වෙන්නෙ අද වෙන්න පුළුවන්.

විදේශ ණය ප්‍රතිව්‍යුහගත කරන විට ණය හිමියා බලවත් වෙනවා. දේශීය ණය ප්‍රතිව්‍යුහගත කරන විට ණය කාරයා බලවත් වෙනවා. ඔය මොන කතා කිවුවත් අපේ අරමුදල්වලට ලැබෙන පොළිය අඩුවෙනවා. මධ්‍යම පංතියට ඉන් පාඩුවක් වෙනවා. තාවකාලික ව ඒක වහා ගන්න විදුලි බිල අඩු කරන්න පුළුවන්. එහෙම නැත්තන් වෙන මොකක් හරි උප්පරවැට්ටියක් කරන්න පුළුවන්.

ඒත් කෝ නිෂ්පාදනය. පොල්පොට් කළා වගේ මධ්‍යම පංතිය බලෙන් කුඹුරට යවන්න බැහැ. අපට ආයෝජකයන් එන්නෙ නැහැ. ආයෝජන මණ්ඩලය අවුරුදු තිහක හතළිහක කාලයක ආයෝජකයන් කීිදෙනකු ආනයනය කළා ද? පඳුරකට ගැහුවත් ආර්ථික විද්‍යාඥයන් කිහිප දෙනකු විසිවෙන රටක නිෂ්පාදනයක් කරන්නෙ කොහාමද කියල දන්න අයෙකු නැහැ. දන්න එකම දේ වැඳලා හරි තව තවත් ණය ගන්න එකයි උප්පරවැට්ටියක් කරන එකයි. මෙය ණය පවත්තන වැඩක්. අප චක්‍රයක යනවා. ණය පවත්තන චක්‍රයක්. ඒකත් සූත්තරයක්. - නලින් ද සිල්වා

notes of imaginary

පැවිද්ද.

හාමුදුරුවරුන් පිලිබදව ලියවෙන පලවෙන දේවල් සුබදායක නොවන කටුක පුවත් වලින් යුක්තය.

මේවා බෞද්ධාගමිකයන්ගේ සිත් පාරන සුළුය.

දායකයින් ප්‍රතිචාර දක්වන්නේද පෙර මෙන් නිහඩව නොව ඉතාමත් ප්‍රචණ්ඩකාරීවය. බොහෝ විට උඩ බලා ගෙන කෙළ ගැසුවිට තම මුහුණට නොවැටෙන්නාක් මෙන් සිතාය.

සිදුහත් චරිතය කියවන විට අපට සිදුහත් බෞද්ධත්වය  ලබා ගන්නා තෙක් සසර සම්පත් අවබෝධයෙන් බැහැර කරමින් ගමන් කල අන්දම විවරණය වන්නේය. උන්වහන්සේ අඅවබෝධයෙන් ලෞකික සැප සම්පත් අත්හැරියේය. වර්තමාන සඝ පරපුර ඇතිවන්නේ එවැනි අල්පමාත්‍ර අවබෝධයක් දරා ගෙන නොව කිසියම් රැකියාවකට කෙනෙකු බදවා ගන්නා ආකාරයෙන් ය.

කුඩා කල මහණ කර ගන්නා පුංචි දරුවන් කෙමෙන් පන්සල තුල මුහුකුරා යන විට, සමහරුන් උපැවදිව ගිහි ගෙය ආක්‍රමණය කරන්නේය. තවත් සමහරුන් පන්සල තුල රැදෙන්නේය. ඔවුන් තම ජීවිත කාලය ගෙවන වයස් කාණ්ඩ තුල හැසිරෙන ආකාරය අප බලාපොරොත්තුවන භික්‍ෂුත්‍වයට නොගැලපෙන බව දක්නට ඇත. එය මම දකින්නේ අවබෝධයකින් තොරව පැවදිවන්නන් තම ජීවිතය සංඝ චරියාවත් සමග කරන චිත්ත අරගලයක් ලෙසය ක්‍රමයෙන් පැසුණු වයස තෙක් පැවදි දිවියේ සිටිය හොත් වස්තු තන්හාව බැහැර කල පැවිද්දන් තුල ගිහි අප බලාපොරොත්තුවන ස්වාමීන් වහන්සේලා වැඩ හිටින්නේය.

එදා ගමේ පන්සලේ හාමුදුරුවෝ ගමේ උපදේශකයා විය. ආදර්ශමත් චරිතයක් විය. දායකයන් ගෙන් යැපුණු උන්වහන්සේලා දායකයින්ටද කිසියම් බැදීමකින් යුතුවිය. කලාතුරකින් නින්දගම් රකින පවුල් රකින නායක උන්නාන්සේලාද මේ අතර ඉද හිට හමුවිය. ඒත් උන්නාන්සේලාත් අනාගත් ස්වරූපයෙන් නොව වැදගත් ස්වරුපයෙන් ගිහි සම්පත් විදිමින් සමාජයේද ඉහලින් වැජඹුනේය. පසුකාලිනව උසස් අධ්‍යාපනය සදහා විශ්ව විද්‍යාල වලට ගිහියන්  සමග යොමු වීමත් ,රජයේ රැකියා ලාභීන්වීමත්, නිසා ඔවුන්ගේ ආර්ථිකව ස්වාධීන විය.දායකයින්ට තිබු බැදීම අඩුවිය.

අද දේශපාලනය , ව්‍යාපාර,මුදල් අරමුණුකරගෙන කරනු ලබන නොයෙක් ක්‍රියාකාරකම් වල යෙදෙමින් ලෞකික  ජීවිතේ සැප සම්පත්වල ගිලෙමින් බුදුහාමුදුරුවන් ගේ ධර්මය දේශනා කරන්න උත්සහාකරන උන්වහන්සේලා පිලිබද ඇති ගෞරුත්‍වය බින්දුව කරා දක්කාගෙන යන්නේ උන්වන්සේලාමය.

මට නම් දැනෙන්නේ දුකක් සහ වේදනාවක්ය

notes of imaginary