වී ප්‍රභේද

සටහන - වී වගාකරුවන්ගේ සංගමය

නව වී ප්‍රභේද නාමකරණයේ දී එම ප්‍රභේද අභිජනනය කළ ස්ථාන හදූනා ගැනීම සදහා භාවිතා කරන සංකේත අක්ෂර පහත පරිදි වේ.

BG _ බතලගොඩ

BW _ බෝඹුවල

LD _ ලබුදුව

AT _ අම්බලන්තොට

ප්‍රභේදයේ අංකය අනුව වයස් කාණ්ඩය

අංකය වයස් කාණ්ඩය

300 සිට 349 මාස 3

350 සිට 399 මාස 3 1/2

400 සිට 449 මාස 4

450 සිට ඉහළට මාස 4 1/2

කෘෂිකර්ම දෙපාර්තමේන්තුව මගින් නිර්දෙශ කරන ලද වී ප්‍රභේදවල වැදගත් ගුණාංග

{වී ප්‍රභේදය} {අස්වැන්න} {විශේෂ කරුණු}

{බුසල්/අක්}

මාස 3 ප්‍රභේද

Bg 300 100 120 සුදු මධ්‍යස්ථ දිගින්

යුත් සහලකි.

At 306 100 120 සුදු දිගැටි සහලකි.

At 307 140 සුදු මධ්‍යස්ථ දිගැටි

සහලකි.

At 308 130 135 සුදු සම්බා ප්‍රභේදයකී

මාස 3 1/2 ප්‍රභේද

Ld 365 120 130 රතු සහල් සහිත

සම්බා ප්‍රභේදයකි.

Bg 357 160 සුදු මධ්‍යස්ථ දිගින්

යුත් සහලකි.

Bg 360 150 ගුණාත්මකභාවයේන්

ඉහළ සුදු සම්බා

සහලකි.(කිරි සම්බා)

Bg 364 140 160 රතු සහල් වර්ගයකි.

At 362 150 රතු සහලකි.

මාස 4 ප්‍රභේද

Ld 408 140 රතු පැහැ සහල්

ප්‍රභේදයකි.

Bg 407 H 300 ලංකාවේ පළමු

දෙමුහුන් ප්‍රභේදය වේ.

සුදු පැහැති සහලකි.

Bg 379_2 150 සුදු මධ්‍යස්ථ දිගින් යුත්

සහලකි.

Bg 403 150 සුදු සහලකි. වියළි

(මහසෙන්) කලාපයට වඩා සුදුසු යි.

At 405 120 බාස්මතී සහලේ

(ලංකා සමෘද්ධි) ගුණාංග සහිත

සහලකි.

මාස 4 1/2 ප්‍රභේද

Bg 400_1 140 150 සුදු සහලකි.

Bg 450 140 සුදු සම්බා සහලකි.

Bg 451 100 සුදු සම්බා සහලකි.

Bg 452 80 රතු සහලකි.

Bg 453 120 සුදු සහලකි.

මාස 5' 5 1/2 ප්‍රභේද

Bg 3_5 100 සුදු සහලකි.

Bg 407 120 සුදු සහලකි.

Bg 38 120 සුදු සම්බා සහලකි.

Bg 745 100 සුදු සම්බා සහලකි.

තවත් කෙනෙක්ට බලන්න share කරන්න

A day in the life

ශ්‍රී ලංකාවේ ප්‍රාග් ඓතිහාසික මානවයා

Sheikh Irshad Sahabuddeen is with Amal Angunawala and 

24 others

ශ්‍රී ලංකාව ඉන්දියාවේ දකුණු තුඩුවට ඔබ්බෙන් පිහිටි පාරිසරික සාධක රැසකින් සහ අන්‍යන්ය වූ ජීව විවිධත්වය සහිත පාරාදීසයකි. ශ්‍රී ලංකාව ජනාවාස වීම ක්‍රිස්තු පූර්ව 300,000 සහ ක්‍රිස්තු පූර්ව 130,000 අතර කාලයේ ආරම්භ වී ඇති බව නවතම පුරාවිද්‍යා පර්යේෂණ මගින් තහවුරු කර තිබේ. මුල් ප්‍රාග් ඓතිහාසික යුගයේ අන්තර් හිම තත්ත්වයක් දිවයිනේ තිබී ඇති බව නවතම පුරා විද්‍යා පර්යේෂණ මගින් තහවුරු කර තිබේ. එම ශීත දේශගුණය නිසා අධික ලෙස වායුගෝලයට බලපා ඇති බව පෙනේ. මධ්‍යම කඳුකරයේ සුළං තත්ත්වය මත එම ප්‍රදේශයේ අධික වර්ෂාව ලබා ඇති අතර වියලි කලාපීය ප්‍රදේශ අධික ශුෂ්ක බවින් යුක්ත වෙයි. මේ ආකාරයෙන් ශ්‍රී ලංකාවේ පාරිසරික පද්ධතිය විවිධ වීම හේතුවෙන් ප්‍රාග් ඓතිහාසික මානවයා ජීවත් වීමට උචිත පරිදි පරිසරය හැඩගැසී ඇත.

ක්‍රිස්තු පූර්ව 1800 - 1000 වන විට ජ්‍යාමිතික ශුද්‍ර ගල් මෙවලම් භාවිතා කළ ප්‍රාග් ඓතිහාසික මානවයා ජීවත් ව සිට ඇති බව නවතම පුරාවිද්‍යා පර්යේෂණ මගින් තහවුරු කර තිබේ. මධ්‍ය ශිලා යුගයේ දී සත්ත්ව පාලනය සහ වගා කටයුතු සිදු කළ බව පෙනේ. වැසි වනාන්තර හෙළි පෙහෙළි කිරීම සඳහා පූර්‍ව යකඩ යුගයේ දී තැනූ උපකරණ භාවිතා කර ඇති බව තහවුරු වී ඇත පූර්‍ව ශිලා යුගයේ දී ලංකාව සහ ඉන්දියාව සම්බන්ධ වී තිබුණි. මුහුදු මට්ටමේ අඩු වැඩි වීම නිසා ශ්‍රී ලංකාවත් ඉන්දියාවත් අතර වෙන්වීම සිදු වූයේ වසර 7000කට පමණ පෙර බව තහවුරු වී ඇත. පුරාවිද්‍යා හා පාරිසරික සාධක අනුව අපට පැහැදිලි වන්නේ අදින් වසර 250,000කට පෙර ලංකාවේ උතුරු සහ ගිණිකොනදිග ප්‍රදේශයේ මානව වාසස්ථාන තිබූ බවට සැකයක් මතු වීමයි. එමෙන්ම ක්‍රිස්තු පූර්ව 125,000 පමණ වන විට මෙම ප්‍රදේශය ජනාවාස වී ඇති බව නවතම පුරාවිද්‍ය පර්යේෂණ මගින් තහවුරු කර තිබේ. එම මානවයා මුල් කාලීන හෝමෝ සේපියන්ස් වර්ගයේ අය බව අනුමාන කර තිබේ. මධ්‍යම පලයිස්ටොසීන යුගය වන විට ඇතිවූ අන්තර් ජයිවීය වෙනස්‌කම් සහ අන්තර් වර්ෂාපතනය හේතුවෙන් ශාක හා සත්ත්ව සම්පත්වල විවිධත්වයක් නිර්මාණය වී මානව පරිණාමය සඳහා බෙහෙවින් ඉවහල් වූ බව පෙනේ. පුරාවිද්‍යා නිරීක්ෂණය අනුව ක්‍රිස්තු පූර්ව 125,000 පමණ ලංකාවේ උතුරු නැගෙනහිර පළාත්වල ජන ඝනත්වය වර්ග කිලෝමීටර් 1කට පුද්ගලයන් 1.5 සහ 0.8 ලෙස ඇස්තමේන්තු කර ඇත.

ක්‍රිස්තු පූර්ව 35,000කට මෙපිට අතීතයේ ජීවත් වූ මානවයා සහ එම පරිසර පද්ධතිය කාබන් කාල නිර්ණය අනුව සොයා ගෙන තිබේ. ඒවා පහත සඳහන් වේ.

1. පාහියන්ගල වසර 38,000

2. කුරුවිට බටදොඹලෙන වසර 28,000

3. කිතුල්ගල බෙලිලෙන වසර 15,000

4. බෙල්ලන්බැඳි පැලැස්ස වසර 12,000

5. අත්තනගොඩ අලුලෙන වසර 10,350

6. මානියම්ගල වසර 7900

7. සීගිරිය පොතාන වසර 5800

8. සීගිරිය අලිගල වසර 5500

9. උඩමළල වසර 5330

10. මාතොට වසර 3800

11. හෙනගහපුගල වසර 3370

මෙහි ජනාවාස ව්‍යාප්ත වී ඇති ආකාරය පහත සඳහන් ආකාරයට වර්ග කල හැක.

1. වෙරළාශිත එළිමහන් කඳවුරු - මිනිහාගල්කන්ද, බුන්දල, පතිරාජවෙල.

2. පහතරට තෙත් කලාපීය ලෙන් - පාහියන්ගල, බටදොඹලෙන, කිතුල්ගල බෙලිලෙන.

3. පහතරට වියලි කලාපීය ලෙන් - පොතාන සහ අලිගල.

4. පහතරට වියලි කලාපීය එළිමහන් කඳවුරු - බෙල්ලන්බැඳිපැලැස්ස.

5. කඳුකර එළිමහන් දඩයම් ස්ථාන - බණ්ඩාරවෙල, හෝර්ටන් තැන්න.

කායව්‍යවජ්ජේද සොයා ගැනීම් අනුව පුරාන මානවයා පිළිබඳ සාක්ෂි ක්‍රිස්තු පූර්ව 38,000කට අයත් පාහියන්ගලෙන් ලැබී ඇත. කුරුවිට බටදොඹලෙන ක්‍රිස්තු පූර්ව 28,000, සහ කිතුල්ගල බෙලිලෙන ක්‍රිස්තු පූර්ව 15,000 ආදී වශයෙන් මේ කාල සීමාව තුළ එකී පරිසරය ආශ්‍රිතව මෙම මානවයා ජීවත්ව ඇති බව සොයාගෙන තිබේ. පොදුවේ මෙම මානවයා බලංගොඩ මානවයා ලෙස හැඳින්විය හැකිය. එසේ හඳුන්වා දුන්නේ ශ්‍රී ලංකාවේ ප්‍රාග් ඓතිහාසික මානවයා පිළිබඳ පර්යේෂණ සිදු කර තොරතුරු අනාවරණය කල මහාචාර්ය ශිරාන් උපේන්ද්‍ර දැරණියගල මහතා විසිනි. එතුමා විසින් ලියන ලද ශ්‍රී ලංකාවේ ප්‍රාග් ඉතිහාසය යන කෘතිය The Pre History of Sri Lanka දෙස් විදෙස් සම්මානයද පාත්‍ර විය.

මෙම බලංගොඩ මානවයාගේ පුරුෂ පක්ෂයේ උස සෙන්ටිමීටර් 174 කි. ස්ත්‍රීන්ගේ උස සෙන්ටිමීටර් 166කි. අස්ථි ශක්තිමත් වන අතර හිස් කබල ඉතා ඝනය. මේ ආකාරයෙන් ඔවුන්ගේ ශාරීරික ලක්ෂණ දැකිය හැකිය. මේ මානව විශේෂය ලංකාවේ තෙත් බිම්වල සිට වියලි කලාපීය ප්‍රදේශ දක්වා අසමාන ලෙස පැතිර ගිය අතර ඉතාමත් පුළුල් ලෙස ආහාර දාම ද වෙනස් වී ඇත. ඔවුන් ජ්‍යාමිතික ශුද්‍ර ගල් මෙවලම් භාවිතා කර ඇති අතර මෙවැනි ගල් ආයුධ හා මෙවලම්(ක්‍රිස්තු පූර්ව 28,000-17,000) බුන්දල වෙරළබ හා බෙලිලෙන අසලින් සොයාගෙන ඇත. එමෙන්ම ක්‍රිස්තු පූර්ව 27,000 සිට මෙම මානවයා ලුනු භාවිතා කළ බව පරීක්‍ෂණවලදී අනාවරණය වී තිබේ. ඔවුන් ආහාරයට ගන්නා ලද බෙල්ලන්ගේ කටු වලින් මාලයක් ද නිර්මාණය කර ඇත.

විශේෂයෙන් ම වියලි කලාපයේ සොයා ගත් ගුහා සිතුවම් ද මෙම මානවයා ජීවත් වූ බවට සාක්ෂි දරයි. එමෙන්ම ක්‍රිස්තු පූර්ව 6500 වන විට මැටි බඳුන් භාවිතා කර ඇති බව දොරවකකන්ද ගල් ගුහාවේ කල කැනීම් වලින් තහවුරු වී ඇත. එසේම ලංකාවේ පාරිසරික සාධක විශේෂයෙන් ම සමක ඝන වැසි වනාන්තර සහ ඊට සරිලන පාංශු පද්ධතිය ද මෙම ජනාවාස සංවර්ධනය වීම කෙරෙහි බලපා ඇති බව පෙනේ. ලංකාවේ භාවිත වන ශාක විශේෂයෙන් ම කලු ගම්මිරිස් ආදිය මානවයන් පැමිණිමට හේතුවක් විය හැකිය. මෙම කාල වකවානුව සංසන්දනය කරන්නේ නම් එය ඉන්දු නිම්න ශිෂ්ටාචාරයේ දෙවැනි නාගරීකරණය ක්‍රි‍යාවලිය සමගය. ක්‍රිස්තු පූර්ව 900 වන විට අනුරාධපුරයේ යකඩ මෙවලම් ද පිත්තල, තඹ ආදිය භාවිතා කළ මානවයන් ජීවත්ව සිට ඇති බව නවතම පුරාවිද්‍යා පර්යේෂණ මගින් තහවුරු කර තිබේ. එසේම දකුණු ඉන්දියාව සමග දුරස්ථ වෙළෙඳාමක් ද පැවති බව සාක්ෂි සොයාගෙන ඇත.

පුරාතන ඓතිහාසික යුගයට අයත් බ්‍රාහ්මීය අක්ෂර සහිත වලං කැබලි සොයාගෙන ඇති අතර ඒවායේ අනුරාධ යැයි සටහන් කර ඇති මැටි බඳුන් ඉන්දියාවෙන් ගෙන්වන ලද බව මතයක් පවතී. එය එසේ වන්නේ නම් ක්‍රිස්තු පූර්ව 6වන සියවසේදී ලංකාවේ ජනාවාස පිහිටුවීම යන පුරාවෘත්තය බිඳ වැටෙයි. ලංකාව ජනාවාස වීම කාබන් කාල නිර්ණය සහ තාප සංදීප්තා කාල නිර්ණය අනූව තවත් වසර 28,000 කට ඈතට යයි. උතුරු ඉන්දියාවේ සොයා ගන්නා ලද ක්‍රිස්තු පූර්ව 600ට අයත් මැටි බඳුන් සහ රතු වීදුරු පබලු වලට සමාන ද්‍රව්‍ය අනුරාධපුරයේ කල කැනීම් වලින් හමුවී ඇත. අනුරාධපුරයේ හමුවූ පැරණි මැටි බඳුන් වල අක්ෂර කොටා ඇත්තේ පූර්ව ඉන්දියානු ප්‍රාකෘත අකුරු වලිනි. මීට සමාන අක්ෂර ඉන්දියාවේ අරියකමෙයිඩු සහ කොමඩුමනල් යන ස්ථානවල හමුවූ පැරණි මෙගලතික ශිලා ලේඛන වල දක්නට ලැබේ.

ජායාරූපය : සීගිරිය පොතාන ගල් ගුහාවේ කල කැනීම් වලින් හමුවූ මානවයාගේ අස්ථි කොටස්. මෙය ක්‍රිස්තු පූර්ව 5800ට අයත් වේ.

©

ජායාරූප අනුග්‍රහය - පුරාවිද්‍යා පශ්චාත් උපාධි ආයතනය, කැළණිය විශ්ව විද්‍යාලය.

සටහන

ඉර්ෂාඩ් සහබ්දීන්

BA (OUSL), PGD Archaeology (PGIAR) University of Kelaniya, Merit pass

MSc Archeology( PGIAR )University of Kelaniya

MA (INDIA MKU),

DIP. PUBLIC POLICY (CISS),

Member of Royal Asiatic Society Sri Lanka

ආශ්‍රිත ග්‍රන්ථ.

The Prehistory of Sri Lanka - An Ecological Perspective., Professor Shiran Deraniyagala, Memoirs Volume 8, Volume 1 & 2., Department of Archaeology Sri Lanka, Second Edition 1992.

ඉතිහාසය 10 ශ්‍රේණිය පෙළ පොත, අධ්‍යාපන ප්‍රකාශණ දෙපාර්තමේන්තුව. 2018.

ඉපැරැණි ලෝක ශිෂ්ටාචාර, රාජ් සෝමදේව, පත්මසිරි කන්නන්ගර, අනුත්තරාදේවි විද්‍යාලංකාර, අධ්‍යාපන ප්‍රකාශන දෙපාර්තමේන්තුව, පිටු 427, 2016.

The Evolution of Technological Innovations in Ancient Sri Lanka, Edited by M. Ashoka T. De Silva., 2011, Vijitha Yapa.

Ancient Anuradhapura., Professor Anuradha Seneviratne, second edition 2008, Sarasavi

A day in the life

උපන් දිනයක ස්මරණයක්.

අද මට ආපහු හැරිලා හිතන්න හොද දවසක්. 

මාත් උපන්නේ 1948 . ලංකාවට නිදහස ලැබුන අවුරුද්දේ. 

අවුරුදු හැත්තෑ හයක්, තාමත් නූපන් දරුවන්ගේ සිහින මරාපු පරපුරක සාමාජික යෙක්.

එහෙමනේ කියන්නේ. 

මම ඉපදුනේ ගෙදරදී. “කත්තෝ අම්මා“ කියලා ආත්තම්මා කෙනෙක් ගමේ හිටියා. කාගෙත් තිඔීරි ගෙදර මව්වරුනට උපසස්ථාන කලේමම ගැන ලියන එකත් පුුංචි ලමයින්ගේ වැඩක්. 

එත් එතුමිය. අපේ අම්මටත් එතුමියගේ ඇප උපකාර ලැබුන බවයි අම්මා කිවුවේ . එවන් වැඩිහිටි කාන්තාවන් හැම ගමකම එකල ඉදල තියෙනවා.

දැන් සෞඛ්‍ය පහසුකම් ඊට වඩා දියුණුයි.

ඒත් වර්තමාන තරුණ පරපුර කියන්නේ අවුරුදු හැත්තෑහයක්  තිස්සේ ඒ පරපුරේ සිහින අපේ පරපුුර විසින් විනාශ කලා කියලා.

අපි ඉපදෙන කොට ලාම්පු තෙලින් දැල්වෙන කුප්පි ලාම්පු චිමිණි ලාම්පු තමයි හැම ගෙදරකම තිබුනේ. පස්සේ  කාලයක මැන්ටලයක් බැදපු ඇලඩින් ලාම්පු , පැට්‍රෝල් ලාම්පු භාවිතයට ආවා.

දැන් නම් හැම ගමකම හැම ගෙදරකම විදුලිය තියෙනවා. තෝමස් අල්වා එඩිසන්ටත් ලංකාව පාලනය කල විවිධ දේශපාලනඥයයන්ගේ කැපවීමත් නිසා.

ඒත් කියන්නේ ඔවුුන් අනාගත පරපුරේ සිහින විනාශ කරපු අධමයෝ කියලා.

කොළඹ – බදුල්ල පාරේ අයිනේ පිදුරු හෙවිල්ලපු පුංචි ගෙදරක මෙලොව එළිය දැක්ක මම කලක් යන කම් දැක්කේ මේ පාරේ යන බස් හතරක් විතරයි.ඒවා කොළඹ ගියේ පානදුරය හරහා. ලියෝ ප්‍රනාන්දු සමාගමේ තමයි මේ බස් හතර. බස් ජනසතුව දක්වා මේ තත්වයේ වෙනසක් තිබුනේ නැහැ. පැය දොළහක පමනකින් අපේ ගෙදර ගාවා ඉදන් කොළඹට යන්න පුළුවන්.බදුල්ලේ ඉදන් නම් පැය පහ‍ලොවක් විතර යනවා ඇති.පුංචි පාරේ වල ගොඩැලි මැදින් මේ යන ගමන හරි අපූරුවට තියෙන්න ඇති. මම නම් ඒ් කාලේ දුර ගමන් ගිහින් නෑ .

අර පුංචි ගෙදර දැන් නම් නැහැ. තාත්තා කාලෙට ගැලපෙන ගෙයක් එතන හදලා. කරත්ත පාර වගේ තිබුන පාර මංතීරු දෙකක කාෆට් කරපු පාරක් වෙලා. තොරතෝංචියක් නැතිව ඉහලට පහලට යන වාහන නිසා කන් දෙකට කිසිම නිදහසක් නැහැ. ගේ වටේ තියෙන තාප්පේ නිසා ඇස් දෙකට නම් විවේකයක් තියෙනවා. දැන් මෙතනින් කොළඹට , පානදුරේට පැය හතරකින් පොදු වාහනයකින් ( බස් එකකින්) යන්න පුළුවන්. මඩකලපුවට , අම්පාරෙට, මෛයියන්ගනේට, බදුල්ලට ,කුරුණෑගලට , ඇඹිලිපිටියට යන්න පොදු ප්‍රවාහණ සේවා තියෙනවා

අවුරුදු හැත්තෑහයක් තිස්සේ වෙලා තියෙන දේවල්……….

මම හෝඩියේ පන්තියට ගියේ ගමේ ඉස්කොලෙට. එක ගොඩනැගිල්ලයි. ලොකු ස්කෝලේ මහත්තයාගේ නවාතැන උනෙත් ඒ ගොඩනැගිල්ලේ  වෙන්‍කර තිබු කෙළවරක කාමර දෙකක්.ලොකු මහත්තයා ජයසේන , ලොකු නෝනා පෙරේරා. පුංචි අපිට හරි ආදරෙයි. මේ දෙපලට දරුවෝ නැහැ. මම පාසලට ඇතුල්වෙන කොටත් විශ්‍රාම යන වයස දකිමිනුයි හිටියේ .අවට ගම් හය හතකට තිබුුනේ මේ පාසල විතරයි. දැන් කිමි. දෙකක් ඈතින් සබරගමුව විශ්ව විද්‍යාලය තියෙනවා. මේ රටේ රාජ්‍ය විශ්ව විද්‍යාල දා හතරක්ද කොහෙදත් ,ගානක් නැති පෞද්ගලික විශ්ව විද්‍යාල මට්ටමේ අධ්‍යාපන ආයතන තියෙනවා.

සිහින මරාපු අවුරුදු හැත්තෑ හයක් අනාගත සිහින දකින්න ඉතිරි කරලා මඩ නාගෙන ඉන්න පරපුරක සාමාජිකයෙක් වන මම අද සමරන්නේ හැත්තෑ හයවෙනි උපන් දිනය.

සැමට සෙත් වේවා !. යි ප්‍රාරථනා කරනවා.

උපන් දින සැමරුමක්...

මට නොපෙනන මාව පෙනුන හැටි.

සුභම සුභ උපන් දිනක් වේවා...ලයනල් අයියේ...

ළෙන්ගතු හිනාවෙන් පිරි ඔබෙ මුව මඩල

කාටත් එකවගේ බෙදනා සෙනේ ගඟ

අය්යණ්ඩියක් හඳුනාගෙන බෝ කලෙක

අක්කා නිසා නෑකම ළඟ විය දිනෙක

නුඹවන් අය වටී රටටම මහමෙර සේ

දැනුමැති කමයි ගුණ නුවණයි එක විලසේ

ලොකුකම් නොමැති මිනිසත්කම පිරි මනසේ

අයියේ මොහොතකින් පැතුමක් දෙනු කෙලෙසේ

සිතුම් පැතුම් තව තව ඉටුකර ගන්න

දවසින් දවස නිරෝගි සුව අත්වෙන්න

සුපුරුදු සිනාවම සැම දා දැක ගන්න

සම්බුදු සරණ ලැබ ආයුෂ වැඩි වෙන්න....

සුභ පැතුම් අයියේ......

A day in the life

ජීවය දයාද කරන සොඳුරු වස්තුවක්

මේ සිතුවම දුටු සැණින් බොහෝ දුරට එය අශිෂ්ට ගණයේ කලා සිතුවමක් යැයි ඔබට හැඟෙනු නොඅනුමානයි. මේ කලා නිර්මාණයට පසුබිම් වූ කතා පුවත නොදන්නා අයට එසේ හැඟීම බොහෝ දුරට සාධාරණීය කල හැකි නමුත්, මේ සිතුවමට පසුබිම් වු, ඒ පිටුපස ඇති කථා පුවත බොහොම සංවේදී , සංවේගය දනවන්නක්.

මේ සිතුවමට පාදක වන කතා පුවත 17 වන හා 18 වන සියවස අතර මැද රෝමයේ සිදු වූ සංවේදී සිදුවීම් මාලාවක්.රෝමානු ඉතිහාසය තුළ රෝමන් චැරිටි(Roman Charity)යනුවෙන් හැඳින්වෙන මේ කතා පුවත ගෙනහැර දක්වන්නේ සිමන් නම් වු (Cimon)ජීවිතාන්තය දක්වා සිපිරිගෙට නියම වූ මහලු මිනිසෙක් හා තම පියා කුසගින්නේ මිය යා නොදී සිය මව්කිරි වලින් පෝෂණය කල අසීමිත ආත්ම පරිත්‍යාගශීලිත්වයෙන් හෙබි වූ ඔහුගේ දියණිය පෙරෝ (Pero) පිළිබඳවයි.

මේ පෙරෝ නමැති මහලු මිනිසා කුසගින්න නිසාවෙන් පාන් ගෙඩියක් සොරකම් කිරීමේ වරදට ජීවිතාන්තය දක්වා සිරගෙට නියම වෙනවා. ඔහුට ලැබෙන දඬුවම නම් මරණාසන්න වන තෙක් කුසගින්නේ තැබීමයි. ඒ කියන්නේ ඔහුට මේ සිරගෙය තුළ කිසිදු ආහාරයක් හෝ බීමට වතුර පොඳක් ලැබෙන්නේ නැ.ඉතින් මේ මහලු මිනිසා දිනෙන් දින කුසගින්නේ මරණාසන්න තත්ත්වයට ලඟා වෙමින් ඉන්නවා. තම පියා සිරගෙය තුළ මරණාසන්නව සිටීම බලා සිටිම නොහැකි වු තැන ඔහුගේ දියණිය, පෙරෝ බොහෝම අමාරුවෙන් සිය පියා බැලීම සඳහා සිරගෙයි නිළධාරින්ගෙන් අවසර ලබා ගන්නවා.

නමුත් ඔවුන් බොහෝම අවධානයෙන් ඉන්නවා, මාස 06 ක් පමණ වයසැති සිය කුඩා දරුවාද කැටුව පියා බැලීමට යන මේ කාන්තාව ගැන.කොහොමහරි දවසට වතාවක් ගානේ සිය පියා බලන්න මේ දියණිය නොවරදවා සිරගෙට පැමිණියා.මේ විදිහට සිව් මසක් අවසානයේ මහලු මිනිසා මරණයට පත් නොවීමත් , ශරීර සෞඛ්‍ය තරමක් දුරට යහපත් අතට හැරීමත් නිසා සිරගෙය භාර නිළධාරින් පුදුමයට පත් වෙනවා.ඔවුන් වැඩිදුර සොයාබලනවා මහලු මිනිසාට පිටතින් ආහාර ලැබෙන විදිහක් තිබෙනවාද යන්න. නමුත් පුදුමයට කරුණ නම් මහලු මිනිසාගේ ශරීරයේ බර වර්ධනයක් පෙන්නුම් නොකිරීමයි.

මේ නිසා නිළධාරින් ඉතා දැඩිව මහලු මිනිසාව නිරික්ෂණය කරන්න පටන් ගන්නවා.ආරක්ෂක නිළධාරින්ට සැක කිරීමට ඇත්තේ මහලු මිනිසාව බැලීමට පැම්ණෙන ඔහුගේ දියණියත් ඇගේ අත දරුවාත් පමණයි. ඉතින් එක් දිනෙක නිළධාරින් දුටු දසුනින් ඔවුන් ගල් ගැසෙනවා...!!! ඒ මහලු මිනිසාගේ දියණිය , සිරගෙයි යකඩ කූරු මතින් සිය පියවුරු වලින් රූරා හැලෙන මව්කිරි වලින් තම පියා පෝෂණය කරන දසුනයි.

දැඩි ලෙස කෝපයට පත් වන ඔවුන් ඇයට විරුද්ධව චෝදනා ගොනු කරනවා. නමුත් අවසානයේදී ජීවිත අවදානමද නොතකා තම පියාගේ ජීවිතය වෙනුවෙන් ක්‍රියා කිරීම නිසා නිළධාරින්ගේ සංවේදී අවධානය දිනා ගන්නවා.ආත්ම පරිත්‍යාගශීලිත්වයෙන් යුතුව මවක දරුවෙකු පෝෂණය කරන්නාක් මෙන් සිය පියා පෝෂණය කිරීම නිසා ඇය, අවසානයේදී සිය පියාගේ නිදහසද දිනාගනු ලබනවා.

පසුකාලීනව , මේ සිදුවීම යුරෝපයේ චිත්‍ර ශීල්පීන් හා කලා කරුවන් තම නිර්මාණ සඳහා පාදක කරගෙන තිබෙනවා.ඒ බොහොමයක් ඉතාමත් අධික වටිනාකම් වලට අලෙවි වු සිතුවම්.බෙල්ජියමේ මෙම්ලොක් ප්‍රතිමාව (Memmelocke Statue) මේ සිදුවීම පාදක කොට නිර්මාණය කරන ලද ප්‍රතිමාවක්.මේ ප්‍රතිමාව ස්ථානගත කරලා තිබෙන්නේ බෙල්ෆ්‍රි (Belfry) සහා ලැන්කන්හෝල්(Lankenhalle) අතර මැද තියෙන කුඩා ගොඩනැගිල්ලක් මුදුනේ. නගරයේ පිහිටි සිරගෙදර සඳහා පිවිසුම වැටි තිබෙන්නේ මේ ගොඩනැගිල්ල හරහායි.

මේ කතාවෙන් තහවුරු වෙනවා කාන්තාව යනු ආදරය ,පරිත්‍යාගය පිරුණු සොඳුරු පෞරුෂයක් බව. මවක ,බිරිඳක ,සහෝදරියක වගේම දියණියක ලෙස විවිධ භුමිකා තුළ ඈ, ලොවට ආදරය,සෙනෙහස ,ජීවය දයාද කරන සොඳුරු වස්තුවක් බව.

කැණිමඩල..

-ධම්මික අමරසිංහ , කැනිමඩල

day in the life