වැඩ ඇල්ලීම , අත හැරීම හා අම්මා..

වැඩ ඇල්ලීම ,

අත හැරීම හා

අම්මා..

සාමාන්‍යයෙන් අපෙ අම්මා වැඩක් නොකර නිකරුණේ බලා ඉන්නා මොහොතක්, මගේ මතකයේ නැත. බලන බලන හැම වෙලාවක ඇය කුමන හෝ කටයුත්තක නියැලී සිටියාය.

කරන කිසිවක් ඇය උඩින් පල්ලෙන්, ආවට ගියාට සිදු කලේ නැත. විශේෂයෙන් ඇය පිරිසිදු කම ගැන මහ ඉහළින්ම සැලකිලිමත් වූවාය.

එතරම් තාක්ෂණික පහසුකම් ඒ කාලයේ රට තොට තිබුණේ නැත. තිබුණත් එවන් පහසුකම් අප නිවසට පැමිණ තිබුනේ නැත. සාමාන්‍යයෙන් දෛනිකව නිවසක සිදුවෙන සියළු කටයුතු සිදු කෙරුනේ අම්මාගේ අතිනි.

ඇය තුන් වේලටම බත් මාළුව පිසුවාය. මිදුල් අතු පතු ගෑවාය. නිවසේ සිට මීටර් තුන්සීයක හාරසීයක දුරක පිහිටි ළිදකට ගොස්, දවසේ හත් අට වතාවක් කළයක් හා බාල්දියක් පුරවා වතුර ගෙන ආවාය. අප පස් දෙනෙකුගේ කිළිටි රෙදි සෝදන්නට හා දිය නාගෙන එන්නට කිලෝ මීටර් බාගයකට වඩා දුර පිහිටි දොළකට ගියාය. ඊළග මොහොතේ දර කෑල්ලක් කඩා ගන්නට යාබද රබර් ඉඩමට වැදුනාය. එකල මිරිස් ටිකක් අඹරාගන්න , පොල් ටික ගාන්න අමතර විශේෂ උපකරණ තිබුනේ නැත. මේ එදිනෙදා කටයුතු කිසිවක් කාලය මදි කියාවත්, වෙහෙසයි , තෙහෙට්ටුයි කියා අම්මා කල් දැමුවේ නැත. ඔය කී වැඩ දහය දොළහ අස්සේ වුව, පැය භාගයක් සොයාගෙන අම්මා එකල ආතම්මා බලන්නට ද ගියාය.

එකල පැවැති පැය විසි හතර හා දැන් පවතින පැය විසි හතර යනු දෙකක් දැයි මට සැක සිතෙයි. වෙනදා මෙන් දැන් තුන් වේලටම, අප නිවසේ බත් ඉදෙන්නේ නැත. දිනපතාම රෙදි සේදෙන්නේ නැත. මිරිස් අඹරන්නට පොල් ගාන්නට එකල තරම් වෙහෙසක් අද දරන්නට දැන් සිදු නොවෙයි. එකල සතියකට වතාවක්වත් කැඩුණු මකුළුදැල්, දැන් මාස දෙකකට වතාවක්වත් කැඩෙන්නේ නැත. නාන්න රෙදි සෝදන්න, දැන් අප නිවසින් පිට යන්නේ නැත. නමුත් අද අපට කාලය මදි වෙයි. නැතිනම් අසනීපයක් , වෙනත් තෙහෙටුවක් මුල්වී දෛනික කටයුතු වලට බාදා පැමිණෙයි.

ආපසු හැරී බලද්දී අම්මා යනු විස්මිත කෙනෙකි. ශක්තිමත් කෙනෙකි. එක්කෝ අම්මා ඉඳහිටවත් අසනීප නොවුවාය. නැතිනම් අපට නොකියා ඉවසුවාය. රැයකදි පවා රෑ දෙගොඩ හරියේ නින්දට යන අම්මා, දවාලකදී ඉඳහිට වත් නින්දට නොගියාය. හරි හැටි පොත පත අධ්‍යාපනයක් නොමැති වුවත්, අම්මා ළග පැවැති දැනුම, කුසලතා, කාල කළමනාකරණ හැකියා වැඩ සැළසුම් කිරීම , මූල්‍ය පාලනය අපිට නුහුරුය. කොටින් ම අපට අම්මා සමඟ හැරෙන්නටවත් නොහැකිය.

මතකයේ හැටියට අම්මා වැඩ අත් හල අවස්ථා දෙකකි. එකක් අවුරුද්දේ නොනගතය වෙනුවෙනි. නැගත් පතේ කියවෙන ලෙසම නොනගතය එළඹෙද්දී , අම්මා ලිප ගිනි නිවා, අලු අස්කර වැඩ අතහරින්නේය. ඉස්පාසුවක් ලැබෙන එම පැය හතර පහේදී ඇය අප සමග පංච දැමීමට ආවාය. දවාලක නම් කැටයක් ගහන්නට ආවාය. එක්කෝ අප ඉස්සර කරගෙන පංසල් ගියාය. යළි ගිප ගිනි මොලවන මොහොතේ සිට වැඩ අරඹන ඇය, ඊළඟ වසරේ නොනගතය තෙක් වැඩ අත් නොහරින්නීය. ඉස්පාසුවක් නොලබන්නීය..

නොනගතයට නොවී ඊළගට ඇය වැඩ අත් හැරියේ මා කී දෙවන අවස්ථාවේදීය. ඒ නොනගතයට මෙන් පැය පහ හයකට නොවේ. එදින ඇය දවස් තුනකටම සියලු වැඩ අත් හැරියේය. එම කාලය තුල වෙන්දා මෙන් ඇය පංච දමන්නට හෝ කැට ගහන්න නොපැමිණියාය. පංසල් යන්නට නොපැමිණියාය. නමුත් අප පංසල් ගොස් පැවසීමෙන් පසු ස්වාමින් වහන්සේලා නිවසට වැඩියාය. සියල්ල දෙස ඇය නිසොල්මන්ව බලා සිටියාය. අවසානයේ ඇය නිවසින් බැහැරව ගියාය. ඒ ගියායින් පසු යළි කිසි දවසක ඇය නිවසට පැමිණියේ නැත. එය ඉතා දිගු වැඩ අත් හැරීමකි. හැම අවුරුදු සමරන මොහොතක ම යළි යළි වැඩිපුර සිහිපත් වන අතහැරීමකි. වෙන්දා තරම් කැවුමක් කිරිබතක් බතක් මාළුවක් රස නොමැති මොහොතක පවා සිහිපත් වන අතහැරීමකි.

සදාකාලික අතහැරී යාමකි..

සුසන්ත පිටුවලගේ ...

A day in the life

සිංහල අවුරුද්ද අප්‍රේල් 13 14 තමයි

අවුරූද්දක ම වගේ මතුවෙන ප්‍රශ්නයක්. මේ ගැනත් මා ලිපි රාශියක් ලියා තියෙනවා. මා තාරකා විද්‍යාව ගැන හරි ජ්‍යොතිෂය ගැන හරි දන්නෙ නැති නිසාත් ජනශ්‍රැතවේදියකු නොවන නිසාත් උගතකු බුද්ධිමතකු නොවන නිසාත් හිතලූ කියන්නකු පමණක් නිසාත් ජනමාධ්‍ය ඒ් ලිපි ගැන අවධානය යොමු කරන්නේ නැහැ. ඒ කොහොම වුණත් මා නැවතත් ඒ සමහර අදහස් නැවත කියනවා.

සිංහල අවුරුද්ද සම්බන්ධයෙන් සාමාන්‍යයෙන් මත තුනක් තියෙනවා. ඒ සූර්යයා මීන රාශයෙන් මේෂ රාශියට යෑම ගැන. ඇතැමුන්ට අනුව ඒ සිදුවන්නේ මාර්තු 21. සමහරුන්ට අනුව අප්‍රේල් 18 19 දිනවල. තවත් පිරිසකට අනුව අප්‍රේල් 13 14 දිනවල. කවුද හරි. හැමෝම හරි. එහෙම වෙන්නෙ කොහොමද කියල අහන්න පුළුවන්. එක් එක් අය මීන මේෂ දේශසීමාව (රාශි සීමාව) ලකුණූ කරන විධිය අනුව. මට තවත් මතයක් තියෙනවා. අප්‍රේල් 13 14 15 දිනවල සුර්යයා රේවති නැකතෙන් අස්විද නැකතට යනවා. අපේ අවුරුද්ද එ නිමිත්තෙන්.

මේ අවුරුද්දෙ නැකත් දෙක තුනක් තියෙනවා. සිංහල සංස්කෘතියෙ එක නැකත් සීට්ටුවක් එක බෙහෙත් සිට්ටුවක් තිබිල නැහැ. ගමෙන් ගමට ගෙදරින් ගෙදරට නැකැත් සීට්ටු වෙනස් වුණා. වෙද මහතාගෙන් වෙද මහතාට බෙහෙත් සීට්ටු වෙනස් වුණා. එ තමයි විවිධත්වය. සිංහල සංස්කෘතිය චීන සංස්කෘතිය හරි බටහිර සංස්කෘතිය හරි වගේ නො වෙයි. විවිධ අදහස් තියෙනවා. එක වෙලාවට කැව කියල ජාතියක් සමගි වෙන්නෙ නැහැ. එක වෙලාවට කන එක 1993න් පස්සෙ වි ජ මු හොඳ හිතින් එහෙත් වැරදියට කරපු වැඩක්. සිංහල සංස්කෘතියට පටහෑණි ව කරපු එකක්. ඔය විධියට තර්ක කළොත් ලෝකෙ හැම ගෙදර ම එක ම පැනඩෝල් පෙත්ත දෙනවා වගේ අට පත එකට හින්දවන්න එක ම ප්‍රමාණයේ කෝප්ප තියා ගන්න වේවි. ඒක බොරුපන වෙදමහත්තය මට කී කතාවක්. බටහිරයට හරි ඉන්දියානුවට හරි චීනට හරි ඕන විධියට සිංහල සංස්කෘතිය සකස් කරන්න උත්සාහ ගන්න අය ඉන්නවා. ඔවුන්ට පඩි නඩිත් ලැබෙනවා.

මේ සමග රුප සටහනක් ඇති. එයින් පෙන්නන්නෙ ඛගෝලය. (හිස් ගෝලය celestial sphere ) ඒ ඛගෝලයෙ පෘථිවි සමකය ප්‍රක්‍ෂෙපණය කරල තියෙනවා. ඒ වගේ ම සූර්යයාගේ ගමන් මාර්ගයත් (ක්‍රාන්ති වලයය ecliptic) ප්‍රක්‍ෂෙපණය කරල තියෙනවා.ඇඳලා තියෙනවා කිවුවත් කමක් නැහැ. පෘථිවිය තම අක්‍ෂය වටේ පැය විසිහතරකට සැරයක් කැරකෙනවා. ඒ අතර එහි අක්‍ෂයත් බමරයක වගේ අවකාශයෙ අචල අක්‍ෂයක් වටේ කැරකෙනවා. එ නිසා අර සමකයේ ප්‍රක්‍ෂෙපණය වෙනස් වෙනවා. මේ බමර සෙල්ලමට පූූර්වායනය (precession) කියා කියනවා

සමකයේ ප්‍රක්‍ෂෙපණයත් ක්‍රාන්ති වලයයෙ ප්‍රක්‍ෂෙපණයත් ඡෙදනය වන ලක්‍ෂ්‍යයට මේෂ රාශියේ ප්‍රථම ලක්‍ෂ්‍යය කියනවා. එය ග්‍රීක හෝඩියෙ ගැමා අක්‍ෂරයෙන් හැඳින්වෙනවා. සූර්යයා තම වාර්ෂික ගමනේ දක්‍ෂිණාර්ධ ගෝලයේ සිට උත්තරාර්ධගෝලයට යන එක සනිටුහන් වෙන්නෙ ගැමා ලක්‍ෂ්‍යයෙන්. ඒ ක්‍රාන්තිවලයයේත් සමකයේත් ඡෙදන ලක්‍ෂ්‍යය. සූර්යයා සමකය හමුවෙන ලක්‍ෂ්‍යය. අර පූර්වායනය නිසා ගැමා ලක්‍ෂ්‍යය අවුරුදු හැත්තෑදෙකකට දවසක් පමණ ඉදිරියට යනවා. අවුරුදු දෙදදහකට පමණ පෙර ශක වර්ෂ ක්‍රමය ආරම්භ වෙන කාලෙ සූූර්යයා ඔය ගැමා ලක්‍ෂ්‍යය පසු කෙළෙ මාර්තු 21 වෙන්න ඕන. අවුරුදු දෙදහකට විතර පස්සෙ අද එය සිිද්ධ වෙන්නෙ අප්‍රේල් 18 19 දිනවල. ඒ අනුව සමහරු සූර්යයා මීනයෙන් මේෂයට යන්නෙ මාර්තු 21 හරි අප්‍රේල් 18 19 හරි කියල ගන්නවා. මාර්තු 21 වැනි දා බටහිර ලෝකයෙ වසන්ත කාලය නිල වශයෙන් ආරම්භ වෙනවා. මේ තමයි සකුරා මල් පිපෙන කාලය. ලංකාවෙ සකුරා මල් පිපෙන්නෙ නැති වුණත් ඒ ගැන ගීත තියෙනවා. ඇපල් මල් ගැනත් තියෙනවා. කෙහෙල් මල් ගැන ගීත තියෙනවා ද දන්නෙ නැහැ.

සමහරුන්ට අනුව අප්‍රේල් 13 14 අවුරුද්ද ගන්නෙ රාශි සීමා ගැන ඇති වුණු පොඩි අවුලක් නිසා. රාශී සීමා බටහිර හා ඉන්දියවෙ වෙනස් වෙලා. ඒක එහෙම වෙන්න පුළුවන්. මට තවත් කතාවක් තියෙනවා. නකත් කියන්නෙ ලංකාවෙ නාගයන්ගෙ (නක) නිර්මාණයක්. ග්‍රහයන් යන වළල්ල නකත් 27කට බෙදල තියෙනවා. අස්විද ආදී වශයෙන්. අවසන් නකත රේවති. මා හිතන්නෙ අපි අවුරුද්ද සමරන්නෙ සූර්යයා රේවති නැකතෙන් අස්විද නැකතට සංක්‍රමණය වෙන වෙලාවෙ කියල. අශ්වින් කියන්නෙ අස්විද සංස්කෘතයට හරවා ගත්ත ම එන වචනය. චිත්‍ර නක්‍ෂත්‍රය කියන්නෙ සිත නකත සංස්කෘතයට හරවා ගත්ත ම එන වචනය. නක්‍ෂත්‍ර කියන්නෙ නකත් සතර සංස්කෘතයට හරවා ගත්ත ම එන වචනය. නක්‍ෂත්‍ර කියන එකට සංස්කෘතෙන් නිරුක්ති නැහැ.

අපි අහසෙ ග්‍රහයන් යන වළල්ල හඳ අනුව නකත් 27කට බෙදුවට බැබිලෝනියන්වරු රාශි දොළහකට බෙදුවෙ. වෛදිකයන් මේ පද්ධති දෙක එකතු කරා කියල හිතන්න පුළුවන්. ඔය තුලා ලග්නය සිත නකත හා සම්බන්ධයි. තුලා ලග්නයෙ ප්‍රධාන ආරම්භක තාරකාව ස්පිකා කියල හඳුන්වනවා. එයට චිත්‍ර නක්‍ෂත්‍ර කියල වෛදිකයන් කිවුව. චිත්‍ර නක්‍ෂත්‍රට හරියට ම අනෙක් පැත්තෙ තියෙන මාසය වෛදිකයන් චිත්‍ර මාසය කියා හැඳින්නුවා. අර චිත්‍ර (ස්පිකා) තරුවට හරියට ම අනෙක් පැත්තට සූර්යයා එන දිනය සූර්යයා අලුත් අවුරුද්ද ආරම්භ වෙන දිනය ලෙස ගන්නවා.

මට හිතෙන්නෙ එය රේවති අස්විද නකත් සීමාව මීන මේෂ රාශි සීමාවට එක් කරන්න ගිහින් වෙච්ච දෙයක්. සූර්යයා රේවති නකතෙන් අස්විදයට යන්නෙ අප්‍රේල් 13 14 15 දිනවල. මේෂ රාශියෙ මුල තියෙන්නෙ අස්විද නකතෙ මුල නොවෙයි. එය තියෙන්නෙ අස්විද නකතෙ දෙවැනි පාදයෙ විතර. නකතක් පාද හතරකට බෙදල තියෙනවා. ඒ කියන්නෙ අර වළල්ල පාද 108කට. පාද 108ක් යන්න දින 365ක් යනවා නම් පාද එකකට ටිකක් වැඩියෙන් විතර යන්න දින තුන හතරක් යනවා. අපේ අවුරුද්ද අප්‍රේල් 18 19 නැතුව අප්‍රේල් 13 14 වෙන්නෙ එ නිසා කියයි මා හිතන්නෙ. අපි භාරතීය පද්ධතියට යටවෙල සූර්යයා මීනයෙන් මේෂයට යෑමක් ගැන කිවුවට අප සමරන්නෙ සූර්යයා රේවති නකතින් අස්විද නකතට යෑම කියලයි මට හිතෙන්නෙ.

අපි නකත් අනුව ජීවිත සකස් කරගත් අය. අස්විද නකතින් අපි අවුරුද්ද අරඹනවා. මුවසිරිස නකතින් දේවානම්පිය තිස්ස රජු දඩයමේ ගියා. අස්ලිස නකතින් ඇසළ උත්සවය පවත්වනවා. ඒ හැම තැනම ස්නානය දිය කැපීම වගේ කතා තියෙනවා. ඒ හඳ එක්ක සම්බන්ධය නිසා ද?

    --නලින් ද සිල්වා.

A day in the life

සුදුළූණු

Dr Bandula Sathkumara

සුදුළූණු යනු ළූණු පවුලට අයත් ශාකයකි

සුදුළූණු යනු පුරාණ කාලයේ සිට පරිභෝජනය කරන ලද පොලිෆෙනොලික් සහ කාබනික සල්ෆර් අඩංගු පෝෂණීය කුළුබඩු වර්ගයකි.

සුදුළූණු සහ එහි ද්විතියික පරිවෘත්තීය ප්‍රතිඔක්සිකාරක, කොලෙස්ට්‍රරොල්/ ලිපිඩ අඩු කිරීමේ ගුණාංග, පිළිකා, හෘද වාහිනී සහ පරිවෘත්තීය ආබාධ, රුධිර පීඩනය සහ දියවැඩියාව .අසත්මිකතා, පිළිකා, හෘද වාහිනී සහ පරිවෘත්තීය ආබාධ, සම, අස්ථි සහ අනෙකුත් බෝහොමයක් රෝග සදහා සුදුළූණු පරිභෝජනය, ඉතාමත් සුදුසු බව සොයාගෙන ඇත.

සුදුළූණු වල කැලරි අඩු වන අතර විටමින් C, විටමින් B6 සහ මැංගනීස් බහුලව අඩංගු වේ. වෙනත් විවිධ පෝෂ්‍ය පදාර්ථව මාත්‍ර ද එහි අඩංගු වේ.

සුදුළූණු උණ සහ සෙම්ප්‍රතිශ්‍යාව වැනි රෝග සුව කීරීමට සහ සැදීමා වළක්වා ගැනීමට උපකාරී වේ

අධි රුධිර පීඩනය ඇති අයගේ රුධිර පීඩනය පාලනය කිරීමට සුදුළූනු වලට හැකිය.

සුදුළූනු මගින් සම්පූර්ණ සහ LDL කොලෙස්ටරෝල් අඩු කරන බව පෙනේ,

සුදුළූණු වල ප්‍රතිඔක්සිකාරක අඩංගු වන අතර එය සෛල වලට වන හානි අඩු කරයි.

මෙය ඇල්සයිමර් රෝගය සහ අනෙකුත් ඩිමෙන්ශියා රෝග වල අවදානම (හෝ ප්‍රගතිය මන්දගාමී වීම) අඩු කරයි.

සුදුළූණු අමුවෙන් ආහාරයට ගැනීමෙන් අමතර ප්‍රතිලාභ ලබා ගත හැකිය, මන්ද සුදුළූණු වල ඇති සමහර හිතකර සංයෝග තාපය මගින් විනාශ විය හැක.

සුදුළුණු බොහෝ මිනිසුන් සඳහා ආරක්ෂිත සහ සෞඛ්ය සම්පන්න වේ. නමුත් ඔබ රුධිරය තුනී කරන බෙහෙත්(වොෆරින් වැනි)0 ලබා ගන්නේ නම්, ඔබේ සුදුළූණු අහාරයට ගැනීමේ ප්‍රමාණය වැඩි කිරීමට පෙර වෛද්‍යවරයෙකු සමඟ කතා කරන්න.

කොලෙස්ටරෝල් අඩු කිරීමට පුද්ගලයෙකු කොපමණ සුදුළූණු ගත යුතුද?

දිනපතා සුදුළූණු ග්‍රෑම් 2-20 ක් පරිභෝජනය කිරීම කොලෙස්ටරෝල් අඩු කිරීමට උපකාරී වන බව පර්යේෂණවලින් පෙනී යයි. කෙසේ වෙතත්, කොලෙස්ටරෝල් අඩු කිරීම සඳහා සුදුළූණු වල නියම මාත්‍රාව තීරණය කිරීම සඳහා වැඩි පර්යේෂණ අවශ්‍ය වේ.

කොලෙස්ටරෝල් අඩු කිරීම සඳහා සුදුළූණු ආහාරයට ගත හැකි හොඳම ක්‍රරමය කුමක්ද?

සුදුළූණු කොලෙස්ටරෝල් අඩු කිරීමට කොපමණ කාලයක් ගතවේද?

සති 8 ක් සඳහා සුදුළූණු ගැනීමෙන් කොලෙස්ටරෝල් මට්ටම වැඩි දියුණු වන බව අධ්‍යයනයන් පෙන්වා දී ඇත.

සුදුළූණු කොලෙස්ටරෝල් සහ රුධිර පීඩනය අඩු කරයිද?

සායනික අත්හදා බැලීම් වලදී, සුදුළූණු සැලකිය යුතු අතුරු ආබාධ නොමැතිව රුධිර පීඩනය විශ්වාසනීය මූලාශ්‍රය අඩු කර ඇත.

A day in the life

තනිකම

දොරට තට්ටු කිරීමේ ගාස්තුව!

මම පත්තරේ ගෙන දෙන නිවසක අගුලු දැමූ තැපැල් පෙට්ටියක් තිබූ නිසා මම දොරට තට්ටු කළෙමි.

වැඩිහිටියෙකු වන ඩේවිඩ් නම් මහත්තයා පය පැකිලෙමින් හෙමින් දොර විවෘත කළේය.

මම ඔහුගෙන් ඇහුවා, "සර්, ඇයි ඔයාගේ ලිපි දමන පෙට්ටිය අගුලු දාලා තියෙන්නේ?" "

ඔහු දිගු සිනාවකින් මෙහෙ ම කියනවා..."මට අවශ්‍යයි ඔබ මට දිනපතා පුවත්පත ලබා දීමට එනවිට දොරට තට්ටු කර හෝ සීනුව නාද කර එය පෞද්ගලිකව ලබා ගැනීමට ...

මම කලබල වෙලා කිව්වා, “අනිවාර්යයෙන්ම, ඒත් ඒක දෙන්නටම අපහසුතාවයක් වගේම කාලය නාස්ති කිරීමක් වගේ නෙ" කියලා

එයා කිව්වා අවුලක් නෑ .. "මම ඔබට සෑම මසකම දොර තට්ටු කිරීමේ ගාස්තුවක් ලෙස වැඩිපුර ගෙවන්නම්. " කියලා.

ඇත්තටම ඔහු මගෙන් ආයාචනයක් ද සිදුකලා , ඔබ දොරට තට්ටු කරන විට එයට පිළිතුරක් නැති නම්, පොලීසියට කතා කරන්න..කියලා..

මම පුදුමයට පත් වෙලා ඇහුවා "ඇයි සර් එහෙම කියුවේ කියලා.

ඔහු පිළිතුරු දෙමින් මට කියනවා, “මගේ බිරිඳ මියගියා, මගේ පුතා විදේශගත ව ඉන්නෙ මම මෙහි තනිවම ජීවත් වෙනවා, මගේ කාලය කවදා එයිද කියා කවුද දන්නේ?” කියලා....

ඒ මොහොතේ මහලු මිනිසාගේ තෙත හා වළාකුළු ඇස් උතුරා ගියේය.

ඔහු කියනවා මම කවදාවත් පත්තරේ කියෙව්වේ නැහැ... මම ඒක ලබා ගත්තේ දොරට තට්ටු කරන්න හෝ දොර බෙල් වල ශබ්දය මට ඇහෙන්නටත් හුරුපුරුදු මුහුණක් බැලීමට සහ අදහස් කිහිපයක් හුවමාරු කිරීමට විතරයි කියලා...

ඔහු අත් දෙක බැදගෙන බැගෑපත්ව මට කියනවා "තරුණයා, මට උදව්වක් කරන්න!" "මේ තියෙන්නේ මගේ පුතාගේ විදේශගත දුරකථන අංකය. කවදාහරි ඔයා දොරට තට්ටු කරොත් මම උත්තර දෙන්නේ නැත්නම්, මගේ පුතාට කතා කරලා කියන්න.. ".

මගේ හිත අසරණ කමින් පිරුණා.. ජීවිතය තුල කෙතරම් තනිකමින් වෙලී සිටින මිනිසුන් සිටිනවද කියලා...

Niluka Damayanthi

All reactions:

5Donad Perera, Rmh Arunashantha and 3 others

Like

Comment

Share

day in the life

කෙසෙල් කමු

වෙන් බෙරී - මූසා කුලයට අයත් විශාල , ශාකසාර සපුෂ්ප ශාක වර්ගයකි කෙසෙල් - උද්භිද විද්‍යා  නාමය වෙන් බෙරී - මූසා වේ. 

 සමහර රටවල, ආහාර පිසීම සඳහා භාවිතා කරන කෙසෙල් වර්ග තිබේ -

ඒවා අතුරුපස සදහා ගන්නා කෙසෙල් වලින්  වෙන්කර හඳුනා ගනී. 

"ඔබේ ප්‍රතිශක්තිකරණ පද්ධතිය වැඩි කිරීමට සහ ඔබව නිරෝගීව තබා ගැනීමට කෙසෙල් අනුභව කරන්න"

කෙසෙල් යනු විටමින් බී 6 සහ සී ඇතුළු විටමින් කිහිපයක හොඳ ප්‍රභවයකි. විටමින් බී 6 සාර්ව පෝෂකවල පරිවෘත්තීය ක්‍රියාවලියට උපකාරී වේ. විටමින් සී ප්‍රතිශක්තිකරණ ක්‍රියාකාරිත්වයට අත්‍යවශ්‍ය වේ. මෙම ප්‍රතිලාභ කෙසෙල් ආහාරයට ගැනීමෙන් ලබා ගත හැක. 

කෙසෙල් රුධිර පීඩනය නියාමනය කිරීමට උපකාරී වේ. කෙසෙල් ශරීරයේ පොටෑසියම් ප්රභවයක් ලෙස හැඳින්වේ. මධ්‍යම ප්‍රමාණයේ කෙසෙල් ගෙඩියක් නිර්දේශිත දෛනික වටිනාකමෙන් 10%ක් පමණ ලබා දිය හැක. අතුරු ආබාධ 

කෙසෙල් අධික ලෙස පරිභෝජනය කිරීමෙන් රුධිරයේ පොටෑසියම් මට්ටම ඉහළ යා හැක. මෙය  රුධිර පීඩන ගැටළු සම්බන්ධයෙන් සැලකිලිමත් විය හැකිය.  කෙසෙල් මධ්යස්ථව පරිභෝජනය කළ යුතුය. 

ප්රමාණාත්මක නිර්දේශය මධ්‍යම ප්‍රමාණයේ කෙසෙල් ගෙඩියක්  ප්‍රමාණයකි. කෙසෙල් දිනපතා පරිභෝජනය කළ හැක.

A day in the life