.jpeg)
මා
ලුණු කැටයක්...
ඕනෑම මට දිය වෙන්න...
පතුළක්
නැති තරම්
ගැඹුරු මහ මුහුඳට...
විසල්
මහපොළොවේ
සිනිඳු දුහුවිලි අතරට.....
දිය වෙලා සැඟවෙන්න....
මහා වෘක්ෂයන්ගෙන්
සුසැදි
වනන්තරයෙක
පස යටින් සැඟවුණු
මුදුන් මුල්
කේෂ මූලයන්
පසාරු කොට ඇවිදින්
ළපැටි දළු දක්වාම
විසිරෙන්න...
මලක් පැහැ ගන්වන්න..
රසැති පළයක දියවී
ඔබේ සිරුරට එන්න...
ඔබේ සියොළඟ සතපා
යළිත් පොළොවට යන්න...
වැසි දියේ සේදී
මහා මුහුඳට පිවිසෙන්න...
වෙළී වා තලයේ
වළාකුළු තුළ සැතපෙන්න...
අනෝරා වැස්සක
යළිත් පොළොවට පිවිසෙන්න...
ඕනෑම මට දිය වෙන්න...
වියළි ලේවායක
ලවණ දියවර කොටු කර
ගිණියම්
හිරු රැසින්
යළිත් ඔබ මා දැව්වොත්...
සුදුපාට
රළු පරළු
කැටයකට
යළි යළිත්
ඔබ මාව පෙරළුවොත්...
ඒත්
මට ඕනෑම
යළි යළිත්
ඔබ නමින්
දිය වෙන්න...
මා
ලුණු කැටයක්...
ඕනෑම මට දිය වෙන්න....
- විජිතමාලි ආනන්දකුමාර
0 comments:
Post a Comment
ඔබගේ අවධානය යොමුවුවාට මීදුම ස්තුති කරයි.
සුබ දවසක් !.
මෙහි පලවන වියමන් බොහොමයක් වෙනත් පලකරන්නන්ගේ වියමන්ය. ඒ අතරට මීදුමද වියමන් එකතු කර ලබයි. වෙනත් වියමන් කරුවන්ගෙන් උපුටා ගත් බව සදහන් කරමින් කරන එකතු කිරීම් සදහාද ප්‍රතිචාර යොමු කල හොත් ඒවා වියමන් කරුවන්ට අගතියක් නොවන්නේ නම් පලකරනු ලැබේ.
මීදුම පල කරන වියමන් සදහා කරන ප්‍රතිචාර සාධාරණ හේතු ඉදිරිපත් නොකරමින් කරන අවලාද සුදුසු යයි හැගේ නම් පමනක් පල කරනු ලැබේ.