කාලෙකට පස්සේ ඔන්න අපේම මේ ලක් පොලොවේ හැදුනු කොල්ලු ටිකක් හම්බ වුනා ....
කොල්ලු ගැන කියද්දී ...
කළු හා සුදු වශයෙන් කොල්ලු වර්ග දෙකක්ම තියෙනවා කියලා ඔයාලා දන්නවා ඇතිනේ....
ඉතින් ඉස්සර නම් ලොකු හිස් ඉඩම් තියෙන කාලයේ අපිත් මේ කොල්ලු වර්ග දෙකම වගා කලා ...
දැන්නම් ඉතින් ගොවිමහතුන් අපේ රට තුල කොල්ලු වගාව කරන්නේ බොහෝම අඩුවෙන් කියන්න පුළුවන් ...වැඩිපුරම වෙළදපලේ දකින්නට තියෙන්නේ ආනයනය කල රසයෙන් හා ගුණයෙන් අඩු ඒවා තමයි ...
කොල්ලු වගාව සිදුකරද්දී අපි පෙබරවාරි මාසයේ අන්තිමට පොලව සකස්කරවා...මාර්තු මාසයේ මුලදී නොකඩවා එන හිරිකඩ වැස්සත් එක්කම කොල්ලු බීජ ටික ඉඩම පුරාම ඉසිනවා....
ඉන්පසු නැවත වගාවට ලොකුවට සත්කාර නම් සිදුකරන්නේ නෑ ..පොද වැස්සත් එක්කම දළුලා වැඩෙන මේ කොල්ලු වගාවේ මල් පිපී ඵලදාව දෙනවා... මාස කීපයක් යද්දි කරල් වේලී වැල් ටික මැරෙන්නට පටන්ගන්නවා...ඒ වැල් ගලවා අව්වේ දමා තවත් හොදින් වේලාගෙන පොල්ලකින් තැලීමෙන් තමයි ඇටටික වෙන්කර ගන්නේ ...
මේ විදියට කොල්ලු වගාවකින් හොඳ ඵලදාවක් අපට ලබා ගන්න පුළුවන්කම තියෙනවා ...
කොල්ලු වගාවේදී මේ කොල්ලු ඇට වලට හානි කරන රතුම රතු පාට ලස්සන පුංචි පනුවෙක් කොල්ලු බීජ තුලම හටගන්නවා ....හැබැයි කවදාවත් ඒ සත්වයා වෙනත් බීජයක උපදිනවානම් මම මේ වනතුරුත් දැකලා නැ...ඒකත් කොල්ලු වල තියෙන විශෙශ්ෂත්වයක් කියන්න පුළුවන් ...
ප්‍රෝටීන් බහුල ආහාරයක් වන මේ කොල්ලු ගැන සමහර අය හිතාගෙන ඉන්නේ වෙදකම් සදහා තම්බලා වතුර බොන දෙයක් පමණක් බවයි....හැබැයි ශරීර ශක්තිය ඉක්මනින් ඉහල නංවා ගන්න පුළුවන් ඇත්තටම ශක්තිය ජවය පිරි හන්දිපත් රැදා නසන ආහාරයක් තමයි මේ කොල්ලු කියන්නේ ...මේකාලයේ සුලබව දකින්නට තියෙන රෝගයක් තමයි වකුගඩු
ගල් හටගැනීම කියන්නේ...ඒ රෝග අවස්ථාවන්ගෙන් මිදෙන්නත් මේ කොල්ලු බොහෝ උපකාරී වෙනවා අපට...ඉතින් කොල්ලු වලින් හදන ආහාර ගැන කියනවානම්... මේ කොල්ලු වලින් රසවත් කැඳක් හදාගන්න පුළුවන් අපට...ඒවගේම...උඩරට ප්‍රදේශ වලනම් කොල්ලු බැදලා වංගෙඩියේ කොටලා අරන් ටිකක් පෙගෙන්නට තබා හදන කොල්ලු ව්‍යංජනයේ තියෙන්නේ නම් පුදුම රසයක් තමයි ...මේ කොල්ලු තම්බා ඒ වතුර ටික බීමට ගෙන කොල්ලු ඇට ටිකට පොල් ටිකක් එකතු කරගෙන ප්‍රධාන ආහාරයක් විදියට ගන්නත් පුළුවන් කම තියෙනවා ...කොල්ලු කරල් වේලෙන්න කලින් පොතු ගලවලා වෙන්කර ගන්න ඇට තැම්බුවාම තමයි ගොඩාක්ම රසවත් ...දන්නවාද ...මේ කොල්ලු බදිනවිට පලාතම පුදුම සුවඳයි ...
ඒ බැදපු කොල්ලු වලින් අපට රසවත් බයිට් එකක් හදාගන්න පුළුවන් ...අපේ දේවල් අගය කරන අයට එහෙනම් තවත් පුංචි රහසක් කියන්නම් ....ගොඩාක් අය දන්නෙ නැති වුනාට වසවිෂ නැති අපේම ආහාර වල විශ්ව ශක්තිය මනාව ගැබ්වෙලා තියෙනවා ...ඒනිසාමයි ඒ ආහාර වලින් බොහෝ රෝග පහසුවෙන් නිවාරනය වන්නේ ...එනිසාමයි අපි අපේ උරැමය රැකගතයුත්තේ ...ඉතින් කොල්ලු ටිකක් ලැබුනොත් උත්සාහ කරලා බලන්නකෝ මේ දේවල් ඔයාලටත් හදාගන්න පුළුවන්ද කියලා ...
0 comments:
Post a Comment