බැරිනම් පැනල යමු අපි

 

ආදර කතන්දර අපුරු ය

අ න්තයක් දකින්න පෙරුම් පුරන

භාධක කඩඉම් පසුකරන

ආදරවන්තයෝ මෙන්ම

අනපේක්‍ෂිතව දිසා මායිම් වෙනස් කරන

ආදරකතා සුලබයි.

මේ කාන්ති ඉපලවත්ත දකින

නිර්භීත යුවතියගේ පැතුම

අපි නොකියාම යමු.

මිහිරි අදහසක්

 

 

පිඹිනවා වගෙ ඇහෙනවා මට

පැට්ටේරියේ හයේ සංඟුව

ඔබ එතැයි මග බලනවා මම

නැවතිලා පෙර උන්නු වංඟුව

මේ තමයි ඉරණම අපේ දැන් දුක්

වෙන්නෙ ඇයි අනේ බම්ඹුව

ලත වුනොත් හිත හිතා මේ ගැන

සුදෝ මට හැමදාම බිංදුව

මව් පියන්ටත් දුක හිතී ඇති

දැන් එදා ගැන මටත් පිම්ඹුව

උං ඉතිං හැමදාම දුන්නේ

මගේ දිවියට අඩුම ලංසුව

හිත හදාගෙන අයින් වෙමු අපි

තවත් මග තොට නොවී සංඩුව

එහෙම 

 බැරිනම් පැනල යමු අපි

පස්සෙ හොඳවෙයි නේද වස්තුව