බොරු .

නොයෙක් හේතූන් මත මිනිසුන් බොරු කියන්න පුරුදු වෙලා තියෙනවා..

සිදු වූ වරදක් වසා ගැනීමට,

අතපසුවීම් වසන්කර ගැනීමට,

තවත් කෙනෙකු රිදවීමට,

පවතින සබධතා ආරක්ෂා කර ගැනීමට,

සමහර සබධතා කඩාකප්පල් කිරීමට,

ආර්ථික වාසි ලබා ගැනීමට,

රැකියාවේ වාසි ලබා ගැනීමට,

බලය ලබා ගැණිමට

යහළුවන් කෙටවීමට 

ආදි හේතු රාශියක් මුල් කර ගෙන මිනිසුන් බොරු කීමට පුරුදුව ඇත.

නමුත්.

මේ බොරු කියන තැනැත්තන් කිසි විටෙකත් බොරුව නිසා ඔවුන්ට අත්වන ඉරණම ගැන කිසි විටෙකත් නොසිතනු ඇත..
සත්‍ය නැමැති එකම ධර්මය අතහැර බොරු කියන තැනැත්තාට නොකළ හැකි පවක් නැතැයි කියා බුදු දහමේ පවා කියා ඇත.

එකං ධම්මං අතිතස්ස - මුසාවාදිස්ස ජන්තුතො
වතිණ්ණ පරලොකස්ස - නත්ථි පාපං අතාරියං

බොරු කියන තැනැත්තන් දැනගත යුතුම,

බොරු කීමේ විපාක කිහිපයක් මෙසේය.

බොරු කියන තැනැත්තන් මෙලොවම නින්දාවට භාජනය වෙති.

අන් අය විසින් ඔවුන්ව අවිශ්වාස කරනු ලබති.

සමහරු බොරු කීම නිසා දඩුවම්ද ලබති.

දුප්පත් වෙති.

මෝඩයෝ වෙති.

ගොත වෙති.

කට ගද ඇත්තෝ වෙති.

අශෝභන දත් ඇත්තෝ වෙති.

මුඛ රෝගයෙන් පෙළෙන්නෝ වෙති.

විරූපි වෙති.

අමිහිරි කටහඩ ඇත්තෝ වෙති.

බොරු කියන්නෝ ඒ පවින් මරණයෙන් මතු නරකයෙහි ඉපිද අනේක වර්ෂ සහස්‍රයෙහි දුක් ලබති.

මිනිස් ලොව උන්නද එක් ආත්මයක බොරු වලට සිය ගණන් ආත්ම වලදි නොකල වරදට හසුවී නින්දා ලබති.

ඒවගේම බොරු නොකියන තැනැත්තන්ට ලැබෙන අනුහස්ද මෙසේය.

ඔවුන්ට අතිශයින් ප්‍රසන්න ඉන්ද්‍රියන් ලැබේ.

ඉතා මිහිරි කටහඩ ලැබේ.

අශෝභන ලෙස ශරීරය මහත් නොවේ.

අශෝභන ලෙස ශරීරය කෙට්ටුද නොවේ.

සැප ස්පර්ශ ලැබේ.

මානෙල් මල් සුවද මුඛයක් ලැබේ.

පරිවාර ජනයා තමාට කීකරු වේ.

ඔවුන්ගේ වචන පවා අන් අය විශ්වාස කරයි.

මේවගේ බොහෝ සුභ කාරණා බොරු නොකියන තැනැත්තාට ලැබේ.

ඉතිං.ඔබ ටිකක් කල්පනා කර බලන්න.
ඔබ තීරණය කල යුතුයි, බොරු කියා මෙලොව මෙන්ම පරලොව ජීවිතයද විපාක ලබනවාද, නැතහොත් සත්‍ය කතා කර ඔබගේ මෙලොව ජීවිතය සුගතියට පත්කරගෙන සමාජයේ පිළිගත් හොද පුද්ගලයකු වෙනවාද කියා.

"ගින්නක් ඇතිකරන ගිණිකූර ඒ ගින්නෙන්ම විනාශ වන්නාක් මෙන් බොරුවෙන් ජීවිතය ගෙවන අය ඒ බොරුවෙන්ම විනාශයට පත් වේ".

තාරුකා විජේසිරි - මුණු පොතට.
#Truth
#අකුසලකර්ම
#කුසලකර්ම
#behonesttoyourself
#TruthOverLies
#NoLies

A day in the life