දිත්වා වැහි කුණාටුව එවර වුනත් දේශපාලන කුණාටුනම් අහවර වෙන්නේ නැහැ. එක බාල්දියක් හෝදා ගෙන එන කොට තව බාල්දියක රෙදි පිරිලා.
රෙදි හෝදනවට වැඩිය වැඩක් නැහැ පාර්ලිමේන්තු සභාවාරට වලටත්. නලින්ද ඇමති තුමා කියලා තිබුනා ඒ ගැන කතා කරන්න තහනම් කියලා. ඇත්තෙන්ම පවුලේ කෙනෙක්ගේ ඉඩමකවත් නීති විරෝධි වගාවක් තියෙන්න බැරිද ?.
කොලොන්න කියන්නේ නීතී විරෝධී වගාවන්ට ප්රසිද්ධ මැතිවරණ කොට්ඨාශයක්.ඔය කලින් හිටපු ද්වේෂපාලකයොත් ඔය වගේ වගාවන්ට සම්බන්ධයි කියලා ඕන තරම් කතා ඒ කාලේ තිබුනා. ඒවට මේවා කපලා දමමු. එතකොට ඉවරයි නේ.
පාර්ලිමේන්තුව තියෙන්නේ නීති අණපනත් ගේන්න කියලා කිවුවත් මම නම් වැඩියෙන් දකින්නේ එකිනෙකාට බැන අඩගසා ගන්න ඒවා.අපරාදේ වියදම් කරන මුදල්. ඒවත් ජනතාවගේ බදු මුදල් නේ.
මල් පැලත් වල් පැල ගානට වැටිලා !.
මගේ මූනු පොත සාමකාමී කලාපයක් බවට පත්වෙලා.
තිබුන වල් පැල ඔක්කොම වගේ විටින් විට ගලවලා මල් පැල විතරක් ඉතිරිවෙලා.දැනුම බෙදන සුහදතාවය ඉතිරෙන බිමක් වෙලා.
අපේ පොඩි එකා ( 2026 දී හතර වසරේ ) ට කියුවා විපක්ෂ නායකතුමා ඔයාගේ පන්තියෙනේ කියලා . එයා කියනවා “ නෑ නෑ එයා එහා පන්තියේ“ අපේ පන්තියේ ඉන්නේ ජනාධිපති තුමා කියලා.
පන්ති දෙක මාරු වුනත් උගන්වන්නේ එකම සිලබස් එකනේ …..කියලා මම කිව්වම ඌට හිනා.
නියෝජ්ය ඇමති මහින්ද ජයසිංහ කියනවා “ අපි විපක්ෂයේ ඉන්න කොට කටයුතු කල ආකාරයට වර්තමාන විපක්ෂයට කටයුතු කරන්න“ කියලා. ඒකත් හොද ආරධනාවක්.
ඒ වුනත් ඒ වගේ කටයුතු කරන්න පිරිස සංවිධානය කර ගන්න මේ කපේ දී නම් විපක්ෂයට බැහැ.
මොකද දන්නවද ? මෙවර විපක්ෂය කියලා කියන ජනතාව වැදගත් සංවර පිරිසක්. එයාලගෙන් එහෙම ප්රතිචාරයක් බලාපොරොත්තු වෙන්න බැහැ .
මහින්ද ජයසිංහ මහත්තයලාට සමාන කරන්න ඒ කොටස කොහොමටවත් බැහැ.
2026 ගැන අනාවැකි කියන අයත් ඉන්නවා.
ජෝතිෂවේදීන් අනාවැකි කියන්නෙත් රටේ ආර්ථික ස්ථාවරය දිහා බලා ගෙන…ඔය ග්රහයෝ නැතිවුනත් අපි දවසින් දවස අපහසුතාවයට පත්වෙන බවට අනාවැකි අපිටත් කියන්න පුළුවන්.
මේ හෙයිම්මාරු අස්සේ 2025 ගෙවිලා යනවා. අපිට ( ජනතාව ) සුබ සාධනයක් නම් නැහැ දවසින් දවස බඩ ගින්න වැඩිවෙනවා මිසක. අපි ඉරිසියා කරන්නේ නැහැ.ඒ ගොල්ලවත් බඩ කට පුරවා ගනීනෙ.
අපට ඕන බකපල්ලක් වුනත් කමක් නැහැ .
2026 සුබ නව වසරක් වේවා !!. කියලා හෙයියම්මාරුව ප්රාරථනා කරනවා.
0 ප්රතිචාර:
Post a Comment