බේරේ වැවට ඉඳහිට දේදුනු වැටුණී
කාවයියෙකුට නොදැනි ම ටොපියක් ගිලුණී
දුන්හිඳ ඇල්ල මගෙ පෙනහැල්ලට වැටුණී
කුර ගා පැමිණි දුර ගව් සිය ගව් බැවිනී
මිරිකී තැලෙන දිවිය ම ඉමිහිර පිරුණී
මිල්ටන් පෙරේරා අසමින් සැළලිහිණී
කඩුගන්නාව වැඳගෙන ආපහු හැරුණී
දුම්බර පුසුඹ විඳ විඳ මා දළඹු සිත
පෙම්බර පිලා අවධිය තුළ වැතිර ඇත
සෙංකඩගල ම සිඹිනා මීදුමක තෙත
මින්දද සමඟ මා ගෙන යයි කවිය වෙත
හද විල කලතමින් හද පතුලට පීනූ
තවමත් ම'හද කළඹන සුන්දර ගෑනූ
සිහියට නැඟෙන කල ඒ විලිබර මූණූ
දොඹකරයකින් මම ඔසවමි මල් රේණූ
🙏🙏 කුමාර හෙට්ටිආරච්චි .
0 ප්රතිචාර:
Post a Comment