අදුරු කුටිය තුල - ටී.එම්. ජයරත්න | මීදුම

ජීවිතය

සිද්ධාර්ථ..!

ඔබ මෙන් මම නූපන්නෙමි රජ පවුලක.

සෘතුවෙන් සෘතුවට සත්මහල් ප්‍රාසාද

රජ ඉසුරු අපට නැත.

එබැවින් ඔබට මෙන් ගිහි ගෙයින්

යා නොහැක පහසුවෙන්

මා ගියහොත්

අඹු දරුවෝ කුලී ගෙයක අනාථ වෙති

දරුවෝ දණ ගානා නො දරුවෝ ය;

ලෙඩට දුකට උන් වඩාන දොස්තර ගෙදර යන්ඩ

මා නැත්නම් කෙනෙක් නැතිය;

අනාගතය දෑතින් මිට මොළවාගෙන

මා දිහාම බලා හිඳිති උන් හැම දෙන.

නිරංජලා රෑ තිස්සේ නිදි මරාන

කොච්චරවත් දැලි පෙරාන

ඇටයි හමයි;

පිටි කොටනව, කිරි හදනව, කැඳ උයනව, රෙදි මදිනව

අම්මා කෙනෙක් වගෙයි

අක්කා කෙනෙක් වගෙයි

ආදරයේ උල්පත මට පාදා දුන්නේ ඇයයි..

-මහගමසේකර

'ප්‍රබුද්ධ'

Sunday, June 12, 2011

අදුරු කුටිය තුල - ටී.එම්. ජයරත්න

අදුරු කුටිය තුල -
දොරගුළු ලාගෙන -
ගයන ගීතිකා යදින යාතිකා
දෙවියන් හට නෑසේ
දෙවියන් හට නෑසේ
පොලොව කොටන තැන
පාර තනන තැන
ගිනියම් අව්වේ
මසවරුසාවේ
දෙවියෝ වැඩ ඉන්නේ
දෙවියෝ වැඩ ඉන්නේ
බලන් කඩතුරා හැර දෑසේ
බලන් කඩතුරා හැර දෑසේ
ආ ආ
සිනිදු සුවැති සළු
සිරසින් හැරදා
දූවිලි මඩ වැකි පිලි ගත පලදා
දෙවියන් රුව
දක්නට හැක්කේ
අදුරු කුටිය තුල -
දොරගුළු ලාගෙන -
ගයන ගීතිකා යදින යාතිකා
දෙවියන් හට නෑසේ
දෙවියන් හට නෑසේ
පොලොව කොටන තැන
පාර තනන තැන
ගිනියම් අව්වේ
මසවරුසාවේ
දෙවියෝ වැඩ ඉන්නේ
දෙවියෝ වැඩ ඉන්නේ
බලන් කඩතුරා හැර දෑසේ
බලන් කඩතුරා හැර දෑසේ
ආ ආ
කුසුම් සදුන් දුම් සුවදින් වැලකී
ගත නැගි දාදිය සුවදින් සැරසී
දෙවියන් හා
එක්විය හැක්කේ
අදුරු කුටිය තුල -
දොරගුළු ලාගෙන -
ගයන ගීතිකා යදින යාතිකා
දෙවියන් හට නෑසේ
දෙවියන් හට නෑසේ
පොලොව කොටන තැන
පාර තනන තැන
ගිනියම් අව්වේ
මහ වරුසාවේ
දෙවියෝ වැඩ ඉන්නේ
දෙවියෝ වැඩ ඉන්නේ
බලන් කඩතුරා හැර දෑසේ
බලන් කඩතුරා හැර දෑසේ

1 comments:

Anonymous said...: test; Sunday, 12 June 2011 at 20:23:00 GMT+5:30

Subscribe to: Post Comments (Atom)

මීදුම Published @ 2014 by Ipietoon