ටීචර්ලව බදින්න පෙර.

ටීචර් කෙනෙක්වද බැඳ ගන්නට ඉන්නේ
දැනටත් බැඳලාද එහෙනම් අහ ගන්නේ
1.30 ට පාසල අවසන් වන්නේ
ඒකයි ගොඩක් අය ටීචර්ලව බැන්ඳේ....

සීයක් දෙසීයක් ඇත පොත් බලන්නට
දින, සති වාර සටහන් ඇත ලියන්නට
හෙට පාඩමට සූදානම් වී යන්න
බරටම ගෙදර වැඩ පැවරී ඇත ඇයට....

Office යන මහතුනේ මෙය දැන ගන්න
ඔබටත් දෙනවාද GM ගෙදර වැඩ
ආවත් ඔබට කලියෙන් ඈ නිවස වෙත
පොත් අතරමයි ඈ ඔබ එනතුරුම ගෙට....

වාර විභාගය දවසට යුද්ධෙ වැනී
Paper ගොඩක් මැද ඇය හිර වෙලා ඇතී
ඒ වගෙ දිනෙක රෑ කෑමත් නැති වේවී
පානුයි පරිප්පුයි ඔබටත් රස වේවී....

දහස් ගණන් ජීවිත වල එළිය වෙවී
සිනහ සිසී වෙහෙසෙන ආදර මව්නී
හෙට ලෝකයට ජීවය දෙන හැඩකාරී
ආඩම්බරෙන් කියපන් ඒ නුඹෙ භාරී...

චුට්ටක් සැරයි කට පොඩ්ඩක් සද්දෙ වැඩියි
ඉවසාගෙන ඉන්න ගුරුවරු එහෙම තමයි
ඔය හැමදේම එක්ක ආදරෙ නුඹට වැඩියි
සෙනෙහෙන් ඉන්න ඇය හැමදා නුඹට ලැදියි...


-------විද්‍ය පීඨ අපේ එකමුතුව
notes of imaginary

ඇය,මගේ බිරිඳ යි......

ලලිත කොමළ බස හසුරා ශිල්ප දෙවන්නී

වතළ කුලුණු ගුණ සිප් හල තුළ වපුරන්නී

උදුල විපුල ළහිරු කිරණ සේ බැබැළෙන්නී

සිසිල පවන ලෙසින් මහද සනසාලන්නී.

පාන් කලුව එක්ක ඇවිත් ගෙට ගොඩවෙන්නී

යාන්තමට කන්ද උඩින් සඳ හිනැහෙන්නී

හීන් සිනාවට ගෙපැලේ කලුව මකන්නී

මාන්සියට ඔසරි පොටෙන් පවන් සලන්නී.

වෑ කන්දට ගොඩවී වැව් දියට බසින්නී

රෑට බතට දෙල් මාලුව රසට උයන්නී

කුල සිරිතට මා කනතුරු ළඟ දැවටෙන්නී

හමාරකොට වැඩ ඔක්කොම පිරිත් කියන්නී.

රනේ රුවට නිදි යහනට සඳ ගෙන එන්නී

මලේ සුවඳ සේපාලික හුස්ම පොවන්නී

සිතේ පිරුණු ලෙන්ගතු කම මවෙත පුදන්නී

මෙතේ බුදුන් හමුවෙන තුරු අත්වැල දෙන්නී.

රෝ.සි.

2024.01.02.

notes of imaginary