පරණ මතක

ඉද හිට  පරණ මතක 

අවදි වෙනවා.

තාප්පෙන් පැනලා වේලාසන ගෙදර යන

හවස් වෙනකම් බලා ඉද

නාන්න දොළට යන

චිත්‍රාව බැහැ දකින

දශම තිත්,  

තිත් කොමා          

එකතුකළ  ජීවිතේ                 

ධණ ලකුණු  ඍණ ලකුණු .......                                 

මහාපොදු සාධක ද ...               

 සරල රේඛා මෙන්ම                   

X = Y          

සමීකරණම නිසා                             

අත් හැරුණු පෙම්කතා ....  

අතර මැවෙන

නානා විධ ආදරණීය චරිත 

වියකිලා ගිහින්  එක තැනක 

නතරවෙලා….

                                                          .                 

වෘත්තයක පරිධියේ    

දුව ගියපු අවදියේ            

රතු ඉරට බය නොවුන

හිතුමතේ ජීවිතේ 

සුලු කෝන මහ කෝන 

අන්තිමට                   

සුළු කෝණයක් වෙලා 

ත්‍රිකෝණෙක හැංගුණා.  

ජීවිතේඑහෙමමයි    

ගලාගෙන ඔහෙ ගියා. ..........      

ධනලකුණු අඩුවෙලා 

ඍණ ලකුණු වැඩිවෙලා…

පාට දැන් අඩුවෙලා.......        

හමත් දැන් හැකිලිලා       

පෙනීමත් අඩුවෙලා .............

ඒත් ඉඳහිට තාම .......

සරල රේඛා මැදින් ....

තරුණ කම එබෙනවා .    

අපි අපිටම හිනා වෙනවා..                 

යහලුවන්   දුටුවාම 

තිත් කොමා මැකී ගොස් සතුට පුරවං හිතේ 

අපි තාම නටනවා.🙂🙂🙂🙂🙂 

වැලි මාළිගා හදනවා…………

 

A day in the life