Monday, November 01, 2010

කලා වැවේ නිල් දියවර අපෙ අම්මා.......



ගමට කලින් හිරු මුළු තැන් ‍ගෙට වඩනා 
ඒ හරු එළියේ නැණ  මල් පොඩි පිපුනා
ඒ මල් සුවදේ අද ලොවුතුරු  සුව විදිනා
කලා වැවේ නිල් දියවර අපෙ අම්මා..........

රෑ කරුවල  අරගෙන
දරුවන් එනතුරු
සිත නෑ
නිවන් දකින්නේ

රෑ කරුවල ඇවිදින්
ඉකිබිද ඇඩුවත්
නෙත නෑ නිදි විද ගන්නේ

හෙට අරුනට සැරසෙන  
තව දවසක් ගැන
නින්දේ සිහින දකින්නේ
මහමායාවනි,  
කවදාදෝ  ඔය නෙත්
දරු සෙනෙහසින් මිදෙන්නේ

වෙල් එළි වල ඇවිදින
දෙපා රිදෙන විට
විහග ගීත බණ පද වේවා

බෝ මළුවක ඇවිලෙන
පහන් වැටක් සේ
තුන් සිත නිවි සැදේවා

මතු උපදින සසරේ
විශාඛාව වී
මෙත් මග නෙත් හමුවේවා
ඇත් රැජිණියෙනි  
ඔබේ නැළවිලි ගීතය
ලොවම නිවන කවියක් වේවා.........

ගමට කලින් හිරු මුළු තැන් ‍ගෙට වඩනා 
ඒ හරු එළියේ නැන මල් පොඩි පිපුනා
ඒ මල් සුවදේ අද ලොවුතුරු  සුව විදිනා
කලා වැවේ නිල් දියවර අපෙ අම්මා

-          
ගාගායනය  කරුනාරත්න දිවුල්ගනේ


1 comment:

Hasitha said...

හද රැඳි ගීයක්................