පරිවර්ථනය - Translate සිංහල > TAMIL> ENGLISH

Friday, May 24, 2013

අධ්‍යාපන සර්ලා සහ මැඩම්ලා.



මේ රටේ පරිපාලන සේවා දෙකක් ඇත. එකක් රාජ්‍ය පරිපාලන සේවය වන අතර අනෙක අධ්‍යාපන පරිපාලන සේවයයි. මෙම සේවා දෙකම සමගාමී සේවා වන අතර රාජ්‍ය පරිපාලන සේවය ජනතාවට ඉතාමත් සමීප වන අතර අධ්‍යාපන පරිපාලන සේවය සමීප වන්නේ අධ්‍යාපන ක්‍ෂෙත්‍රයට පමනය. ගුරු සේවා තත්වය තුල තිබු කඩඉම් පුළුළු් කර අධ්‍යාපන පරිපාලන සේවය ඇති කරන ලද්දේ අධ්‍යාපන ඇමතිවරයෙකු ව සිටි රිචර්ට් පතිරණ මහතාගේ සංකල්පයකට අනුවය. එතුමාද ගුරු වෘත්තියෙන් පැමිණියෙකු නිසා වෙන් ගුරු වෘත්තිය තුල තිබු සීමා කඩඉම් පිළිබදව මනා අවබෝධයකින් යුතු ඇමතිවරයෙකු විය.

අධ්‍යාපන පරිපාලන සේවයේ සිටින පරිපාලන නිලධාරින්ගේ වෟත්තීකුල අභිමානය පිලිබදව මීදුමට ඇති අවබෝධය අද මීදුම වියමනින් දිග ඇරෙන වට යමෙකුට රිදෙනවානම් රිදෙන අයගේ තුවාලයට බෙහෙත් දමා ගන්නවා විනා මීදුමට ගරහා සේවයක් වන්නේ නැත.

මීදුම මෑත දිනක මීදුම් ඇති පලාතක පලාත් කාර්යාලයකට ගොඩවැදුනේය. වෙලාව පස්වරු තුනයි තිහ වන්නට ඇත. දිනය බදාදා දිනකි. මෑතක සේවයට එක්වු පරිපාලන නිලධාරිණියක් මිතුරකු හා කරන පිලිසදර කට  ඇහුම් කන් දීමට  මීදුමට අහම්බෙන් සිදුවිය.
 “අනේ මන්දා මේ ගුරුවරු හවස් වෙනකම් ඔ‍ෆිස් එකට එනවා මල කරදරේ . මගේ හිසේ කැක්කුමේ බෑ .”  යනුවෙන් ඇගේ වෘත්තීය  පිලිබද ප්‍රතිචාරය මිතුරාට කියවනු ලැබීය. ඈ විසින් කරන ලද විමර්ශණයක් ගැන උජාරුවකුත් මට අසන්නට ලැබිනි. තවත් අධ්‍යාපන පරිපාලන නිලධාරියෙකු විසින් ගුරුවරියකට එරෙහිව කරන ලද  පැමිණිල්ලක් විභාග කර සේවය අත්හිටවීය. මෙම පැමිණිල්ල තහවුරු කිරීමට කිසිදු සාක්‍ෂියක් නොතිබිනී. ඒ පිලිබදව කරන ලද දෙවෙනි විනය පරීක්‍ෂණයකදී එම නිලධාරියා කීවේ මා ලද වෘත්තීය අත්දෑකීම් නිසා ඈ එම වරද කල බව තීරණය කල බවය.

මේ රටේ  අධ්‍යාපන පරිපාලන සේවය  පිහිටුවා ඇත්තේ ගුරුවරුන්ට සිසු සිසුවියනට සහ සිසුසිසුවියනගේ උරුමක්කාරයන් වන දෙමව්පියන්ටගේ යහපත සුරක්‍ෂිත කිරීමට මිස පරිපාලන සේවයේ රැකියාවක් ප්‍රධාණය කිරීමේ උවමනාවට නොවන බව  මේ ඇත්තන්ට සිහිපත් වන්නේ කවදාද ? යන්න මීදුමට සිතුන වාර අනන්තය.

බොහෝ කාර්යාල වල කරක් ගසා හෙම්බත්වු ජීවිත අත්දැකීම් ඇති මීදුම අධ්‍යාපන කාර්යාල කරා යන්නේ විශ්‍රාම යන්නට තම බිරින්දෑ අධ්‍යාපනයට සම්බන්ධව සේවය කල නිසා ඇගේ වෘත්තීය උවමනාවන් සදහාය. මේ ගමන් බිමන් වලදී අනෙකුත් රාජ්‍ය අංශයේ රාජ්‍ය සේවකයින් හා අධ්‍යාපන සේවකයින් සසදන්නටත් අප්‍රසන්නතාවය පල කරන්නටත් මීදුමට බොහෝ වාර වල සිදුවිය.

ගුරුවරයා ඔබෙත් මගෙත් කියා වෙනසක් නැත. ඔහු හෝ ඈ ගුරුවරයෙකි. මගපෙන්වන්නෙකි. ගුරුවරයාට නිසි බුහුමන් තිබිය යුතුය. තම වෟත්තීමය උවමනාවකට අධ්‍යාපන කාර්යාලයට ගොඩ වදින  ගුරුවරයෙකු කරදර කාරයෙක් සේ යම් නිලධාරියෙක් සලකන්නේ නම් ඔහු හෝ ඈ ගුරුවරයෙක් ගේ ඉගනගන්නා ලද තැනැත්තෙක් නොවිය හැකිය. ඔවුන්  පරිපාලන සේවයට පහලවන්නේ අකනිටා ඹබලොවෙන් විය යුතුය.

මේ සමහර නිලධාරීන් ගුරුසේවයේ සිට අධ්‍යාපන පරිපාලන සේවයට එක්වු අයද වෙති. මේ සියල්ලෝම තම තනතුර තුල රගදෙන්නේ මොණර විලාශයෙනි. අප්‍රසන්නවු පිටු පස දිග අරින පිල් කලබින් නිරාවරණය වන බව නොදන්නා සෙයකි.

සංග්‍රහශීලී ලෙස සිනහ වීමට තබා ගුරුවරුන් දෙස ප්‍රසන්න ලෙස බලන්න වත්  නැති මේ උදවිය  තමන්ගෙන් වැඩක්‌ කර ගැනුමට එන ගුරුවරයා  දෙස බලන්නේ ආත්ම කිහිපයක්‌ තිස්‌සේ තමන් පසුපස එන වෛරක්‌කාරයකු දෙස බලන විලාශයෙනා. එසේ  නම් මේ තනතුරු වලින් වැඩක් නැත.  තමන් ඉදිරිපිට දහදිය පෙරාගෙන හති දමමින් සිටින සහෝදර ගුරුවරයාට ආසනයක්‌ පිරිනැමීමට ඔවුන් කැමැති නැත.එසේ උව හොත් තනතුර හෑල්ලු වනබව සිතත්දැයි හිතා ගත නොහැක.

තමන් සංග්‍රහශීලී වනු වෙනුවට තමන් වෙත එන පුද්ගලයාගෙන් සංග්‍රහයක්‌ ලබන්නට ඔහු කැමැති ය.

අඩු තරමින් “සර්” හෝ “මැඩම් “ කියවා ගන්නවත්  ඔවුන්ට උවමනාය.


notes of imaginary

Tuesday, May 21, 2013

සස්සද සසද දිය පල්ලේ තිබෙයි අල - රෝහන බැද්දගේ.




රෝහන බැද්දගේ මහතා  හොරන තක්‍ෂිලාවේ  උසස් පෙල කරන අවධියේදී මීදුමට හමුවන්නේ ගුරු - ගෝල සම්බන්‍ධයකිනි. තක්‍ෂිලාවෙන් නික්ම  යාමෙන් පසුව එක් දිනක් බදුල්ල -පානදුර බස්රථයකදී  එතුමා සමග ගමන් යන කුඩයත් බුලත් මල්ලත් සමග යලිත් අහම්බයෙන් මුණගැසිනි. “ සර් මොකද මේ ?.  “මම දැන් මොණරාගල ස්කෝලෙක උගන්වනවා .”හැත්තෑවේ දශකයේ අග භාගයේ ඇතිවු දේශපාලන විපර්යාසය එතුමා හොරණ සිට මොණරාගලට විසීකරන්න ඇතැයි මම එදා සිතුවෙමි.එතුමා අප තක්‍ෂිලාවේ සිටි අවධියේ නිර්මාණය කල පාසල් නාට්‍යය සමස්ථ ලංකා මට්ටමේ පලමු පෙල ජයග්‍රහණයයන්ට උරුම කම් කිවය. හොරණ තක්‍ෂිලාවත් - විද්‍යාරත්නයත් තරගයට මෙන් කරන ලද නිර්මාණ එදා සමස්ථ ලංකා මට්ටමේ කතාබහට ලක්විය. මගේ මතකය නිවරදි නම් තක්‍ෂිලාවේ “අලකලංචිය “ විද්‍යාරත්නයේ “සුදු ඇතා ආවාට පස්සේ “එදා බොහෝ කතාබහට ලක්වු නිර්මාණ විය.

අදත් වේදිකාවේ නම කියවෙන හැත්තෑවේ දශකයේ බිහිවු නාට්‍යකරුවන්  , නිර්මාණකරුවන්  මේ පාසල් නාට්‍යදෙක සහ මව්වරුන් වු බව සදහන් කල යුතුමය. මා දශක හතරකට ආසන්න කාලයක්  තිස්සේ මේ සුන්දර ගැමි කටහඩට  පෙම් බැන්දේය.

notes of imaginary

Tuesday, May 07, 2013

New – tongue


යුරෝපීයෝ (සුද්දෝ) ආඩම්බරකාරයෝ කරලා තියෙන්නේ ආසියාතිකයෝ කියලයි මට හිතෙන්නේ. අතීතයේ කොල්ලකාරයෝ වගේ රට රටවලට ඇවිත් චන්ඩිකම් කරලා රටවල් මර්ධනයෙන් අල්ලා ගෙන අධිරාජ්‍ය පිහිටුවා ගත්ත සුද්දෝ ලෝකෙටම කෙළි කාරයෝ වුනා. 
කවදාවත් මොලේ තියෙන මිණිහෙක් ආයුධයක් පාවිච්චිකරන්නේ නැහැනේ එකපාරටම.

මේ පුර්විකාවට  අද වියමනට අදාල නුවත් සුද්දෝ මතක් වෙන කොට මීදුමට පොඩ්ඩක් තරහ හිතෙනවා. ඒ තරහ තමයි ඔය පල කලේ. මොකද අද කාලේ දේශපාලනේ ගැන ලියුවොත් කමෙන්ඩ්ස් වලින් පිරිලා  ගිහින් අම්මටත් ගතු කියන පාඨකයෝ ඉන්නවා. මේ ඇත්තෝ වචනෙන් දෙකෙන් කියන ඒවා වැඩියෙන් කියවෙන්නේ  රා පොලවල් වල කසිප්පු ගුබ්බෑයම් වල  ගානට වැඩියෙන් මත් මත ඉහවහ ගිය අය ගේ කටින්

ගෙදර ඉන්න දෙවියෙක් වගේ අම්මා මේ අසමජ්ජාති දේශපාලනේට පලිකාරයෙක් වෙන්න ඕනි නැහැනේ.

නිව්ටන් කියලා සුද්දෙක් හිටියා. ඒ වුනත් මනුස්සයට තිබුනේ උත්පත්තියෙන්ම ගෙනාව පරණ දිවක් . මනුස්සයා නාවික කපිතාන් කෙනෙක් විදියට කටයුතු කරලා විශ්‍රාම ගියාම රටින් රට සංචාරය කරන්න පටන් ගත්තා. ඔහොම යන ගමන් මේ නාකි සුද්දා ලංකාවටත් ආවා.  ඇවිත් මීගමු පැත්තේදී අපේ රටේ කොල්ලෙකුට සෙට් වුනා .කොල්ලට පණ වගේ ආදරේ මේ සුද්දා ගෙයකුත් ඉඩමකුත් කොල්ලට අරන් දීලා වැඩි දියුණු කරගෙන අපේ අසල්වාසියෙක් හැටියට පැල පදියම් වුනා. (කොල්ලයි සුද්දයි අතරේ තිබුන සම්බන්ධකම අදාල නැති නිසා  වියමනෙන් කපා හැරියා .)

මේ සුද්දා තද ගතිගුණ තියෙන නාහෙට අහන්නේ නැති මනුස්සයෙක් . කිව්වොත්  කිව්වා. ආයේ වෙනස් කරන්නේ නෑ. විවේක වෙලාවට කතාබහට එක්වෙන සුද්දා වසක් මීදුමට කියාපු කතාවක් කියන්නයි මෙච්චර වැල්වටාරම් කිව්වේ.

නාවිකයෙක් හැටියට කටයුතු කරන කාලේ  එක් දවසක මෙයා වැඩ කරපු නැව රාත්‍රී කාලයේ මුහුදු ගමනක යෙදෙමින්  සිටලා තියෙනවා. ඒ රාත්‍රියේ නැවට, ප්‍රතිවිරුද්ධ දෙසින්  යාත්‍රා කරපු තවත් නැවක් තමන් දෙසට යාත්‍රා කරන බව එම නැවේ  විදුලි ආලෝකය ඝන මීදුම මැදින් දැක තවත් පමාවුනේත් මහා අනතුරක් වෙන බව නිරීක්‍ෂණය කරගන්නවා.සිදුවිය හැකි අනතුර මග හරවා ගැණීමට  වහා ම අනෙක් නැවට සංඥාවක් නිකුත් කරන ඔහු “ ඔබ ගමන් ගන්නා මාර්ගය අංශක 10 කින් දකුණට වෙනස් කරගන්න ” සංඥාවක් නිකුත්කරනවා.  දෙවෙනි නැවේ ඉන්නෙත් නිව්ටන් දෙවෙනි වෙන්න කැමති කපිතාන් වරයෙක් නෙමෙයි. එහා වහාම  “ ඔබ ගමන් ගන්නා මාර්ගය අංශක 10 කින් උතුරට වෙනස් කරගන්න” යැයි පිලිතුරු සංඥාවක් එවනවා. .කපිතාන්  නිව්ටන්ට යකා ආවේශ වෙන්නේ මේ වෙලාවේ   මම  නිව්ටන්         ( සුද්දගේ රටත් කියනවා.)  මම නැවේ  කපිතාන්වරයෙක් - මගේ අණ පිළිපැදිය යුතුයියැයි නැවත සංඥාවක් නිකුත් කලා. දෙවෙනි නෞකාවේ ඒ  වෙලාවේ  සේවය කරමින් සිටියේ ශ්‍රී ලංකාවේ  නාවිකයෙක්. ඔහු සහය කපිතාන් වරයෙක්. කලබලයක් නැතිව එයා මෙහෙම උත්තර දීලා තියෙනවා. “ මම ශ්‍රී ලංකාවේ සේවකයෙක්.  ඔබට ඔය  පේන්නේ  ප්‍රදීපාගාරයක් -  ඔබේ කැමැත්තක්  කරගන්න   පිලිතුරු සංඥාවක්  නිව්ටන්ට ලැබෙනවා.
 විනාඩි දහයක් දොලහක් යන කොට තමන්ගේ නැව පසු කරගෙන යන ගිය නැවක් දැකලා  කපිතාන් නිව්ටන් හිතුවා කවදා හරි ලංකාවේ පදිංචි වෙන්න.
ඒ සිහිනය නිසා ඔහු අපේ අසල්වාසියෙක් වුනා.


notes of imaginary

Thursday, May 02, 2013

මැයි දිනයට අපි ආයෙත් හමුවෙමු


2013 අවුරුද්දේ මැයි දිනය  පවත්වලා   එවරයි. මැයි පලවෙනිදා කම්කරුවන්ගේ දිනය වුනත් වර්තමානයේ අපි මැයි දිනය දකින්නේ දේශපාලකයන්ගේ දිනයක් ලෙසයි.සෑම දේශපාලන පක්‍ෂයකම ශක්තිය ප්‍රදර්ශණය කරන්න යොදා ගන්නා  මේ රැලි වල කතාකරන්නේ වැඩ කරන ජනතාව නෙමෙයි. කාලීනව ඇති වෙලා තිබෙන  දේශපාලන ප්‍රශ්න සාකච්චා කරන්නත්  හා එකිනෙකා විවේචනය කරගන්නත් මැයි දින වේදිකාව වෙන් කරගෙන. මෙවර ප්‍රතිපක්‍ෂ   ආණ්ඩුව පෙරලන හැටි කතා කරන්න යොදා ගත්ත අතර ආණ්ඩුව තම පුරාචේරුව කියන්න වේදිකාව වෙන් කරගත්තා කියලයි මීදුම හිතන්නනේ.

ඇමරිකාවේ චිකාගෝ නුවර කම්කරුවන් 1886 මැයි 4 වැනිදා පැය අටේ වැඩමුරයක්  ඉල්ලා දියත් කළ වැඩ වර්ජනය ස විරෝධතාවයට එල්ල වු බෝම්බ ප්‍රහාරයත් සමග වෙඩි තැබීමක්‌ද සිදුවීමෙන් ප්‍රතිපලයක් ලෙස  පොලිස්‌ නිලධාරීහු හත්දෙනෙක්‌ මිය යනවා. මෙම සිද්ධියට වගඋත්තරකරුවන් වෙන්නේ වැඩ වර්ජකයින්. චුදිත  වැඩවර්ජකයින් අතරින් හත්දෙනකුට මරණ දඬුවමත්   එක්‌ අයකුට වසර 15 ක සිර දඬුවමකුත් ‌ පැනවුණි. මින් මරණ දඬුවම නියම වූවන්ගෙන් දෙදෙනකුට ඉලිනොයිස්‌ ආණ්‌ඩුකාර රිචඩ් ඩිප්ල්ස්‌ච් විසින් ජීවිතාන්තය දක්වා ‌ සිරගෙට නියම කර දඩුවම ලිහිල් කෙරෙනවා.  තවත් අයෙක්‌ සිරගෙයි තුළදී දිවි නසා ගන්නවා. 1887 නොවැම්බර් 11 වැනිදා  චුදිතයින් සිව් දෙනකු එල්ලා මරා දමනු ලබනවා. 1893 දී  ආණ්ඩුකාර පීටර් ඇල්ගෙයිඩ් එලෙස සිරදඬුවම් නියම වු පිරිසට සමාව දෙනු ලබනවා.
මෙම  වැඩ වර්ජනය  ස විරෝධතාවය හෙල්මාර්ක්සිද්ධිය නමින් හඳුන්වනු ලබනවා.ජාත්‍යන්තර මැයි දිනය ආරම්භ වීමට  හේතු පාදක වන්නෙ මේ හෙල්මාර්ක් සිදිධියයි.
මේ කම්කරුවන්වත් සිහිකරන්න මෙදා  මැයි දිනන රැලිවල කතා වෙන්වෙලා තිබුනේ නැහැ. අපි ආයෙත් 2013 මැයි පලවෙනිදාත් හමුවෙමු කියලා මේ කතා පෙට්ටි විසිරිලා ගිය බවක් මීදුම සතියේ සටහන ලෙස සටහන් කරනවා.





notes of imaginary