පරිවර්ථනය - Translate සිංහල > TAMIL> ENGLISH

Showing posts with label දේශපාලන. Show all posts
Showing posts with label දේශපාලන. Show all posts

Tuesday, March 19, 2024

ඩොලර් ඉපයීම



මේ දවස්වල ඩොලරයේ අගය බහිනවා. ඊයේ (මාර්තු 18) ඩොලරය රුපියල 300ට බැහැලා. එය රනිල්ගෙ හරි නන්දලාල්ගෙ හරි නොපෙනෙන ඉන්ද්රජිත් කුමාරස්චාමිගෙ හරි හපන්කමක් නම් නො වෙයි. අපි ණය ගෙවන්නෙ නැහැ. එතකොට ඩොලර් සංචිතය ඉහළ යනවා. ඩොලරයේ අගය වැටෙනවා. කවදා හරි ණය ගෙවන්න වෙනවා. ඒක 2027 දී ද ඊට පස්සේ ද කියන එක නොවෙයි ප්රශ්නය.

 

ඒ නොගෙවා ඉන්න කාලෙට පොලිය එකතු වෙන්නෙ නැද්ද? ඒ කියන්නෙ අවසානයේ දි අපි වැඩියෙන් ගෙවනවා ද? රනිල් 2027 වෙනකම් ජනාධිපතිවෙලා ඉන්න ගැටයක් ගහනවා ද? 2027 වන විට ඔහුට වයස අසූවට කිට්ටුයි. ඒ කාලයෙහි ඔහු දෙමළ වෙල්ලාලයන්ට බලය බෙදන්න සූදානම් වෙනවා ද?
ඒ හිතලු ලෙස අහන ප්රශ්න තමයි.

 ඒත් රනිල් පහුගිය අවුරුදු පනහක පමණ කාලයෙ ක්රියා කරල තියෙන ආකාරය බලන විට එවැනි ප්රශ්න හිතට එනවා. ඔහු කොළඹ මොටාවෙ ශිෂ්යයකු ව සිටි කාලයෙ සමසමාජ ශිෂ්ය නායකයා එම් ඒ ජස්ටින් මෙහෙය වූ ආකාරය මතක් වෙනවා. ඔහු ඒ අතින් නම් දක්ෂයෙක්. ඒ අවුරුදු පනස්පහකට පමණ පෙර. ඔහුට නැගෙනහිර පළාතෙ බෞද්ධ සිද්ධස්ථාන ලයිට්හවුස්.

කොහොමටත් අපේ ප්රශ්නය ආදායමට වඩා වියදම වැඩි වීම. අප ණයට කෑමට පුරුදු වී සිටීම. අපට අද ප්රසාරණය වුණු වැදගැම්මකට නැති මධ්යම පංතියක් ඉන්නවා. එදත් මධ්යම පංතිය එහෙමයි. ඔවුන්ට වැදගත් දෙයක් හිතන්න බැහැ. එහෙත් ඔවුනට හිතන්න පුළුවන් එක දෙයක්. ඒ තමන් ඉහළ පෙළේ චින්තකයන් කියා. අර කියන්න වගේ කතාව දෝලාවෙන්.
අපට පිටරට සමග වෙළෙඳාම් නොකර ඉන්න බැහැ. විජය පැමීණීමටත් පෙර මෙරටට වෙළෙඳුන් ඇවිත් තියෙන බව පැහැදිලියි. දන්න අතීතයේ කිසි දා අප ලෝකයෙන් වෙන් වෙලා ඉඳලා නැහැ. ඔය පඬි නැට්ටන් මහත් ආඩම්බරයෙන් කියවන දුපත් මානසිකත්වයක් මෙරට තිබිල නැහැ. විවිධ රටවල කාසි මෙරටින් හමුවෙන්නෙ. විවිධ රටවල දැනුම් මෙරට තිබුණා. පඬි නැට්ටන් හිතන්නෙ ඔවුන් තමයි ලෝකෙ වෙන දේ දන්නෙ කියා.
ඒත් මෙරට වැසියන්ට වෙනත් දුපත් මානසිකත්වයක් තිබුණා. ඒ මෙරට සංස්කෘතිය අනුව හිතීමේ මානසිකත්වය. අද වන විට ඊනියා උගතුන් අතර ඇත්තෙ අනුකාරක මානසිකත්වයක්. ඒ කොහොම වෙතත් අපට විදේශීය මුදල් සංචිතයක් අවශ්යයයි. අද වන විට අප විදේශ විනිමය උපයා ගන්නෙ ප්රධාන වශයෙන් අරාබිකරයේ කොරියාවෙ ඊශ්රායලයෙ වැඩ කරන ශ්රමිකයන්ගෙන්. අපනයන වලින් හා සංචාරකයන්ගෙනුත් විදේශ විනිමය ලැබෙනවා. ඒත් ඒ සියල්ල එකතු කළත් ආනයනවලට ඊට වඩා මුදලක් යනවා. ඒක පියව ගන්න අපි ණය වෙනවා. ඒ තමයි ණය චක්රය.
අපේ අපනයනවලින් එතරම් ශුද්ධ විදේශ විනිමයක් ලැබෙන්නෙ නැහැ. එයට හේතුව බොහෝ අපනයනවලට ආනයන අවශ්ය නිසා. සංචාරකයන්ගෙන් ලැබෙන විදේශ විනිමයත් අඩුයි. අපට එන්නෙ යහමින් වියදම් කරන සංචාරකයන් නො වෙයි. ඔවුන් සමහරු මෙරට සංචාරක ව්යාපාර පවත්වාගෙන යනවා!
විදේශ විනිමය උපයා ගැනීමට එක් එක් අය යෝජනා ඉදිරිපත් කරනවා. ඇතැම් ප්රබුද්ධ කාන්තාවන් යෝජනා කරනවා ගණිකා වෘත්තිය නීතිගත කරන්න කියා. පැරණි නගර ශෝභිනීලා ගැන කියාවි. කුමාරදාස රජු දවස සිද්ධිය කියාවි. ඒ තමන්ගෙ යෝජනාව තහවුරු කරන්න. ඒ කාන්තාවන් දැනටමත් කැමැත්තෙන් ඒ වෘත්තියෙ යෙදනෙවා ද කියා මා දන්නෙ නැහැ. කෙසේ වෙතත් බොහෝ දෙනා ශරීරය විකුණන්නෙ කැමැත්තකින් කියා හිතන්න එපා.
සංචාරකයන් අප රටට එන්න ඕන මෙරට ඇති විශේෂත්ව මොනවා ද? වෙනත් රටක නැති මෙරට ඇති දේ මොනවා ද? අපේ හෝටල් ගාස්තු වැඩි ද? අප තව තවත් ශ්රමිකයන් අරාබිකරයට කොරියාවට යවනවා ද? අපේ අපනයන වැඩි කර ගන්නේ කෙසේ ද? ආනයන අඩු කර ගන්නේ කෙසේ ද? අපට කෘෂිකාර්මික නිෂ්පාදන වැඩි කර එ අපනයනය කරන්න පුළුවන් ද? මෙරටින් යුරෝපයට ඕස්ත්රේලියාව නවසීලන්තය වැනි රටවල පදිංචියට යන අය සංකේන්ද්ර ගත ප්රදේශවලට ඇතැම් දේ අපනයනය කරන්න අවස්ථා ඇත් ද?
මෙරට දැන් බොහෝ මොටාවල තාක්ෂණික විද්යා පීඨ තියෙනවා. ඉන් පිටවෙන උපාධිධාරීන්ට විදේශ විනිමය ඉපයිමේ හැකියාවක් තියෙනවා ද? අපට ඉන්දියාව සමග තරග කරන්න බැරි වේවි. එහෙත් අපට වියදම අඩු කර ගැනීමේ හැකියාවක් තියෙනවා ද?
ඉහත සඳහන් ක්රමවලට හැරෙන්න විදේශ විනිමය ඉපයීමේ වෙනත් ක්රම තියෙනවා ද? පාරම්පරික වෙදකමට ආකර්ෂණයක් ඇති කරන්න පුළුවන් ද? පොහොර තහනම කළ ආකාරය කිසිසේත් ම සතුටුදායක නැහැ. ඒ ජයසුන්දරගේ තවත් ලණුවක්. එහෙත් අප දේශීය ගොවිතැනට යොමු වීමෙන් ආනයන යම් ප්රමාණයකින් අඩු කර ගන්න පුළුවන්. දේශීය දැනුම් පද්ධතිය දියුණු කිරීමට මෙතෙක් කිසිවකු ක්රමවත් වැඩ පිළිවෙළක් ආරම්භ කර නැහැ.
ඒ කෙසේ වෙතත් අපනයන වැඩි කිරීම මෙන් ම ආනයන අඩු කිරීම ගැනත් සැළකිලිමත් වෙන්න ඕන. අපේ අධිපරිභෝජනය නතර කිරීම අල්පේච්ඡ ජීවිතයකට හුරු වීම සහ තවත් දේ තියෙන්න පුළුවන්. ඒ අතර මියන්මා වැනි රටවල් සමග බද්ධ ව්යාපාර ආරම්භ කිරීමත් හිතන්න ඕන. මියන්මා රාජ්ය සේවය මෙරට රාජ්ය සේවයටත් වඩා අකාර්යක්ෂම බව අමතක කරන්නත් බැහැ. උදාහරණයක් ලෙස මියන්මාහි පොල් වගා තියෙනවා. එහෙත් ඔවුන් ඉන් කිසිම ප්රයෝජනයක් ලබන්නේ නැහැ. ඔවුන් සමග එකතු වීමෙන් රටවල් දෙකට ම වැඩදායක නිෂ්පාදන ආරම්භ කරන්න පුළුවන්. ඒ සඳහා තරමක කාලයක් ගතකිරීමට නම් සිදුවේවි.
මා මේ කිසිවක් හදාරල නැහැ. කවුරුන්වත් ඒ ගැන විධිමත් හැදෑරීමක් කරල තියෙනවා ද කියා දන්නෙත් නැහැ.
නලින්  ද  සිල්වා

A day in the life

Wednesday, February 28, 2024

බලය විප්ලවය සහ අරගල



 

මේ පැරණි කතාවක්.
දේශපාලන පොරපිටිය රත්වෙන විට එහාටත් මෙහාටත්  කෝන්තර පිට කරනවා. ඇත්ත උනත් විෂ කටු ඇනෙන්නා වගේ දැනෙනවා .
බලය ලබා ගැණීමේ අරමුනෙන් ප්රජාතන්ත්රවාදී ක්රමයට මැතිවරණ පවත්වනවා. බලය ලබා ගැණීමේ අරමුනෙන් ප්රජාතන්ත්රවාදයට පරිභාහිරව විප්ලව කරනවා.. අරගල කරනවා. අපි දැක්ක අරගලය දිය යටින් ගින්දර ගෙන යාමක්. අරගලයට සම්බන්ධවු අය පවා ඊලගට වෙන දේ ගැන දන්නේ නෑ.. ගෝඨා ගියා. රණිල් ආවා. ජනතාව කබලෙන් ලිපට වැටුනා..
 1971 දිත් බලය කෙටි පාරෙන් ලබා ගන්න ජවිපෙය සටන් කලා. ඔවුන් දුර්වලයයි සිතු සිරිමාවන්ගේ රජය බණ පොත අතේ තියාගෙන කඩුව අරගෙන විප්ලවය අඩ පන කලා
1998 දී යලිත් රාජ්ය බලය ලබා ගැණීමේ අරමුනෙන්   ඇරඹි විප්ලවය ප්රේමදාස - රණිල් ප්රමුඛ කන්ඩායම කඩුවෙන්ම සමුල ඝාතනය කලා.
විප්ලවය විසින් ගම්වල තම දේශපාලන විරුද්ධවාදීන් නොයෙක් හැදින්වීම්වලින් දඩුවම් ලබා දෙන විට රාජ්ය ත්රස්තවාදය විසින් විප්ලවය ලෙයින් මසින් මර්ධණය කලා.
 අද වන විට මේ බලය සදහා බලය පෙන්වු අය එක එක දේශපාලන ධාරවන්ට එක්වී තම පෞද්ගලික අරමුණුු සාක්ෂාත් කර ගනිමින්, ඉදිරියට ගමන් කරමින්  සිටිනවා. තවත් සමහරු දැන්වීම්  පුවරු වෙනස් කරමින් වෙනත් නම් වලින් ව්යාපාර අරඹා තියෙනවා.
 


මේ මුුණු පොතට එක්වු එවන් ශෝකාන්තයක්.


කාට හරි මේ අතීතය අමතක කරන්න පුලුවන් නම් ඌ එක්කෝ ඒ කාලයේ ඉපදලා නැති එකෙක් එහේම නැත්තන් කොමා වේලා හිටපු එකෙක්.මහා සංඝරත්නයගේ හිස ගෙට්ටු කදේ ගහාපු අතීතය අමතක කරන්න පුලුවන් නම්,

 


ඒ දවස්වල රාත්රියට බල්ලෝ තරගයට වගේ හරි හරියට බුරනවා. ඒ කවුරුන් හෝ එළියේ පාර දිගේ ඇවිද ගෙන යන නිසයි. ඒ නිසා අපි රාත්රියට දොර අරින්නේ නැහැ. හදිසියේම දොරට තට්ටු කරන ශබ්දයක් ඇහිල මට ඇහැරුණා. ඉන්පසු නැගිට ස්විචය දැමුවත්, බල්බය පත්තු වුණේ නැහැ. වේලාව බැලුවා. දහයයි හතළිස් පහයි. ඒ සමගම කවුදෝ කතා කරනවා වගේ ඇහුණා..
“පුංචිඅම්මේ දොර අරින්නකෝ...”
ඒ අපේ ඥාති පුත්රයෙකුගේ කටහඬක්. ඔහුගේ කටහඬ හොඳට හුරුයි. මම ඔහුව අඳුනා ගත්තා. එහෙත් දොර ඇරියේ නැහැ.
එතකොට නිවසේ හිටියේ අම්මයි, මමයි, අක්කයි, නංගියි, මගේ දරුවෝ දෙන්නයි විතරයි. අප්පච්චි අප නිවසට තරමක් දුරින් පිහිටි ඉඩමේ ගොවිතැන් කරමින් සිල්ලර කඩයක් කළා. ඔහු මල්ලිගේ ගෙදර නැවතී සිටියේ එහේ රාත්රියට කවුරුවත් නැති නිසයි. ලොකු දුවට අවුරුදු හයයි, චූටි දුවට අවුරුදු තුනයි. මගේ ස්වාමිපුරුෂයා දෙහිඅත්තකණ්ඩියේ සේවය සඳහා ගොස් සිටියා. බාලම සහෝදරිය රැකියාවක් කළේ නැහැ. වැඩිමහල් සහෝදරයා යුද්ධ හමුදාවේ සේවය කරමින් සිටිය දී බිම් බෝම්බයකට හසුව මිය ගොස් සිටියේ. අනෙක් සහෝදරයෝ දෙදෙනා පොලිසියේ සේවය කළේ. ඔවුන් දෙදෙනාත් නිවසේ සිටියේ නැහැ.
අපි දොර අරින්නේ නැති බව දැන ගත් ඔවුන්ගෙන් කවුරු හෝ දොරට හරි තදෙන් ගැහුවා. ඒ සමගම දොර කැඩුණා. පහළොස් දෙනෙක් පමණ ඇතුළට ආවා. විදුලිය නැහැ.
පසුව දැන ගත්තා ඔවුන් විදුලිය විසන්ධි කර පැමිණ තිබෙන බව. මැද සාලේ පුටු සැටියේ අපිට වාඩි වෙන්න කීවා. ඔවුන් අවුරුදු 25ට අඩු තරුණයන් පිරිසක්. ඒ අතරේ මාරස්සන ගමේ හත් දෙනෙක් හිටියා. එහි ප්රධානියා අපේ ඥාති පුතෙක්. කළුවර පරිසරයක සිටියත් යම්තම් වගේ පැවති එළියෙන් මම ඔවුන්ව අඳුනා ගත්තා.
“ඇයි මල්ලි මේ අවේලාවේ නැවත ඇවිත් අපට කරදර කරන්නේ.. ඔය ගොල්ලන්ගේ සංගමයට පනස් දාහක් ඉල්ලුවා. අපි ඒක දුන්නා. පසුගිය සතියේ හැඳුනුම්පත් ඉල්ලුවා ඒකත් දුන්නා. මේ විදියට නැවත ආවේ ඇයි...” මා කීවා.
එතකොට එතැන සිටිය නායකයා කීවා “සෝමා ජයවර්ධන ගේ ගෙදරට යන පාර දන්නේ නැහැ. මල්ලිට කියන්න ඇවිත් පාර පෙන්නන්න කියා...”
“මල්ලි නැහැ.. ගැහැනු අපි ටික දෙනා පමණයි ගෙදර ඉන්නේ... මම ඇවිත් පාර පෙන්නන්නම්...” කියා පවසා දොරකඩින් එළියට පිටත් වෙන්න හදනකොටම අම්මා අඬන්න පටන් ගත්තා.
“අම්මා අඬන්න එපා... ආපසු එනවනේ...” කියා මම කීවා.
අම්මා අඬන සද්දේ ඇහිලා අක්කා නින්දෙන් අවදි වී එළියට ඇවිත් පිරිසක් ඉන්නවා දැක “ඇයි මල්ලි මොකද?” කියා විමසා සිටියා. එතකොටම එතැන සිටිය නායකයා
“ඔයා තමයි අපි හෙව්වේ. අක්කා කොහෙද වැඩ කරන්නේ?” කියා විමසා සිටියා.
අක්කා කතා කිරීමට පෙර මම හඬ අවදි කළා. “මයිලපිටිය ඉස්කෝලේ වැඩ කරන්නේ මමයි” කියා මම කීවා. ඇත්තෙන්ම එතකොට මයිලපිටිය පාසලේ විද්යාගාර සහායකවරියක ලෙස සේවය කරමින් හිටියේ මමයි.
“අපට බොරු කියන්න එපා අක්කනේ පාසලේ වැඩ කරන්නේ. යසෝමැණිකේ අක්කා වැඩ කරන්නේ පොලීසියේ නේ. යසෝමැණිකේ අක්කා ඇවිත් අපට පාර පෙන්නන්න” කියා කණ්ඩායමේ නායකයා කීවා.
අක්කා පොලිසියේ හිටියට රාත්රියේ යන්න බයයි. මම බය නෑ. මම එන්නම් කීවත්. ඔවුන් ඒක ගණන් ගන්නේ නැතිව අක්කා රැගෙන ගියා. අක්කා පිටත් වෙන්න පෙර මට කීවා “අනේ නංගී උඩුගම්පොළ මහත්තයාගේ කාර්යාලයේ යතුරු සහ ලියකියවිලි වගයක් මගේ බෑගයේ තිබෙනවා. මට එන්න බැරි වුණොත් ඒවා ගිහින් දෙන්න” කියා අක්කට තේරෙන්න ඇති ඇය යන්නේ අවසන් ගමන කියා. ඒ වෙනකොට රාත්රී දොළහට ආසන්න වෙමින් පැවතියා.
ඊට පස්සේ අපට නින්ද ගියේ නැහැ. රාත්රි එකයි කාලට විතර වෙඩි සද්දයක් ඇහුණා. අපි දන්නේ නෑ ඒ කාට වෙඩි තිබ්බාද කියා. ඒ වෙඩි පහර අක්කට නෙවෙයි කියා අපි හිත හදා ගත්තා.
හතර හමාර වෙනකම් බලාගෙන සිටියත් අක්කා ආවේ නැහැ. මේ බව අප්පච්චිට පැවසීමට නංගි සමග මම, මල්ලිගේ නිවසට යාමට හදන කොටම නිවසේ මුරට දමා සිටි මල්ලිලා දෙන්නෙකුගෙන් එක් කෙනෙක් කීවා “පහෙන් පස්සේ යන්න” කියා
පසුව පහෙන් පසුව ගොස් අප්පච්චි ඇතුළු පවුලේ අයට මේ පණිවුඩය ලබා දුන්නා. අපි ගමේ ඇවිදිමින් අක්කා සොයන්නට පටන් ගත්තා. එතකොට ආරංචි වුණා ගමේ හතර දෙනෙක් ගේ මළ මිනී පාර අයිනේ තිබෙනවා කියා. එක්සත් ජාතික පාක්ෂිකයෙක් වූ බෝගොඩ ගුණදාස, අපේ අක්කා, සෝමා ජයවර්ධන සහ ඇය ගේ මහත්තයා ඒ හතර දෙනයි. අක්කා මරල තිබුණේ ජාතික පාසලට ගොඩවෙන පඩි පෙළේ වාඩි කරවලයි. වම්පැත්තේ හෘදය වස්තුව කඩා ගෙන ගොස් තිබුණා. අද එම පඩිපෙළ වසාගෙන වල් සහ පඳුරු බිහි වී තිබෙනවා.
පස්සේ මම නුවර ගිහින් උඩුගම්පොළ මහත්තයාට මේ බව දැනුම් දී, අක්කාගේ බෑගයේ තිබුණු යතුරු සහ ලියකියවිලි භාර දුන්නා.
එදා පොලිසියේ නිලධාරින් හැත්තෑ පස් දෙනෙක් පමණ අපේ ගෙදරට පැමිණියා. මුළු ගමම සෝදිසි කළා. ඉරිදා මරපු අක්කාගේ පරීක්ෂණ අවසානයේ මෘත දේහය අපට භාර දුන්නේ සඳුද‌ා හවසයි. අනෙක් මෘත දේහයන් ඒ, ඒ නිවෙස් වෙත භාර දී තිබුණා. අඟහරුවාද‌ා පාන්දර දොර ළඟ කොළයක් තිබෙන බව දැකපු නංගි මට එය ලබා දුන්නා. එහි සඳහන්ව තිබුණේ “ආරක්ෂක අංශ සහභාගි වීමෙන් තොරව, භික්ෂූන්වහන්සේලා වඩම්මවා පාංශකූල කටයුතු සිදු නොකර, වෙඩිමුර නොතබා, පෙට්ටියෙන් අයින් කර භූමදානය කරන ලෙසයි. තවද මෘත දේහය කරේ තබා, ගෞරවාන්විතව රැගෙන නොයන ලෙසත්,” සඳහන් කර තිබුණා.
එම සටහන රැගෙන මම මහනුවර පොලිස් ස්ථානයට ගියා උපදෙස් ලබා ගන්න. ගිහින් පොලිස් නිලධාරීන් එක්ක එන අතරතුර, ගමේ අය සමග මල්ලිලා එකතු වී අක්කාගේ භූමදාන කටයුතු සිදුකර තිබුණා. ඇය මියයන විට අවුරුදු තිස් තුනයි.
පසුව මෘත දේහය ගොඩගෙන අවසන් කටයුතු සිදු කිරීමට කැමතිදැයි, පොලිසිය අපගෙන් විමසා සිටියා. තාත්තා ඊට කැමති වුණේ නැහැ. ඊට හේතු වුණේ ඔවුන් අපේ පවුලට කරදර කරාවි කියා හිතුණ නිසයි. හත් දවසේ දානය මහනුවර බහිරව කන්දේ විහාරස්ථානයට ලබා දුන්නා. එය පොලිසිය විසින් සංවිධානය කළා.
ඊට පස්සේ රජයෙන් අප පවුලට මීරිගම ප්රදේශයෙන් නිවෙසක් ලබා දුන්නත් අපි භාර ගත්තේ නැහැ. අප්පච්චි නැවත එය පරිත්යාග කළා. අක්කා වෙනුවෙන් රජයෙන් අපට ගොඩාක් උදව් කළා. එවකට මුදලින් රුපියල් එක්ලක්ෂ පනස් දහසක් සහ රුපියල් හැත්තෑ පන් දහසක මිනී පෙට්ටියක් ලබා දුන්නා. අම්මාට අවුරුදු 92 වෙනකම් සහ අප්පච්චිට අවුරුදු 84 වෙනකම් අක්කාගේ වැටුප ලැබුණා. රජයෙන් විය යුතු සියලු යුතුකම් ඉටු කළා.
සතියක් ගත වෙන්න පෙර අක්කා මරපු හත්දෙනා පොලීසියෙන් අත්අඩංගුවට ගත්තා. ඒ අයට මොනවා වුණා ද කියා අදටත් අපි දන්නේ නැහැ. තාම නායකයා ඉන්නවා. ඔහු අපේ ළඟම ඥාතියෙක්. පොලිසියෙන් කොහොම බේරුණා ද කියන්න දන්නේ නැහැ. එහෙත් පසුව ඔහුගේ තාත්තාට පිස්සු හැදුණා, අම්මා අසනීපයෙන්. පවුල් ජීවිතය අසාර්ථකයි. දිට්ඨධම්මවේදනීය කර්මයට හසුවෙලා.
අපට කළ දේවල් මෙලොවදීම පල දෙමින් තිබෙනවා. මෙයට සම්බන්ධ තවත් කෙනෙක් පසුව මහණ වෙනවා. උන් වහන්සේ මේ ළඟදී හෘද සැත්කමකට පවා භාජනය කළා. මැරි මැරී ජීවත් වෙනවා. ජීවිතය ගත කරන්නේ ඉතාමත් දුකෙන්. අපේ ඇස් පනා පිටම ඒ අය විඳවනවා.
ස්තුතිය - මාරස්සන නව විලාසිතා ටෙක්ස්ටයිල් ආයතනයේ ඒ.එම්.එම්. අබේසේකර මහතාට.
සටහන සහ ඡායාරූප
සිසිර කුමාර බණ්ඩාර


A day in the life

Thursday, February 22, 2024

මහජන කැමැත්ත



 

මේ දවස්වල කොතැන ගියත් අසන්නට ලැබෙන්නේ "චන්දය" ගැන ප්රශ්ණය.
"කවුරු එයිද?"
"කවුරු දිනයි ද?"
"අහවලාත් එනවලු නේද?"
"මේපැ නම්.....
මෙ,ආදී වශයෙන් නැගෙන සාකච්ඡාවලින් කියවෙන්නේ
මිනිසුන් "නිහඬව දරා සිටිනා පීඩනය"යැයි සිතමි.
හතළිස් අටේ ඉංග්රීසීන් බාර දී,යනවිට "ආසියාවේ දෙවන ආර්ථිකය" වූ
මේ රට "බංකොලොත්" තත්වයට ගෙන ආවේ
මෙතෙක් රට කරවූ දේශපාළකයන් බව නොකිවමනාය.
මහජන චන්දයෙන් පත්ව අවුත්,
මහජන දේපොල මංකොල්ලකා අවසානයේ එහි අනිටු ප්රතිඵල
භුක්ති විඳින්නට සිදුව ඇත්තේද ජනතාවට ය.
මහජන දේපළ මංකොල්ල කෑ එවුන් යෙහෙන් වැජඹෙමින් සිටිනා,තර
ජනතාව තලා පෙලා බදු අයකරමින් සිටිති.
දැන් යළිත් "මහජන චන්දය" හෙවත් "මහජන කැමැත්ත"
ගැන කතා බහ කරළියට පැමිණ ඇත.
හතළිස් අටේ ඉංග්රීසීහු මෙරට හැර යනවිට
රට බාර ගතුයේ ඉංග්රීසීන් විසින්ම නිපදවන ලද
අභිනව ධනපති පැළැන්තියකි.
ඇතැමුන් ඔවුනට "කළු සුද්දන්"යැයි කියති.
එහෙත් එදා ජාත්යන්තර තලයෙහි ඉංග්රීසීන් පැමිණ සිටි
ප්රජාතන්ත්ර තලයට මොවුහු පැමිණ නොසිටියහ.
කොටින්ම "ඉංග්රීසීන්ගේ හැර යාම පවා "ප්රතික්ෂේප කළ හ.
"සර්ව ජන චන්දය" පවා නොපිළිගත්තවුන් වූහ.
කොටින්ම ටයි කෝට් ඇන්දද
අන්ත පසුගාමී පිරිසක් වූහ.
අවසානයේ රට කරවීමට බාර ගතුයේ
"කොමිනිස්,කාරයන් අතට යතැයි" බියෙනි.
ඒ කෙසේ වුවද හැත්තෑ හත තෙක් රට කරවූ හ.
ඒ පක්ෂ දේශපාලන යාන්ත්රණය මඟිනි.
එම කාල පරාසය තුළද මහජන චන්දය නමින් කෙරුනේ
ඔවුන්ව බොරුවෙන්,රැවටීම මිස අනෙකක් නොවේ.
"හඳෙන් හාල්" ඇට අට"කාටත් අමතක නැත.
ඉන් පසු හැත්තෑ හතෙන් පසු "මැතිවරණ නමින්
සිදුවුණේ මහජන කැමත්ත මංකොල්ල කෑමයි.
"ලාම්පු කළ ගෙඩි සෙල්ලම"
හොර චන්ද,මැර චන්ද කාටත්,අමතක නැත.
කොටින්ම මැතිවරණ ඉතිහාසය පුරාම සිදුව ඇත්තේ
මහජනතාවට කෙළවන ඉතිහාසයකි.
එළඹෙන මැතිවරණයද එම ගමණේම දිගුවක් මිස.
යහපතක් ඉටුකෙරෙන්නක් වනු නොමැති බව
මගේ අදහස යි.


සටහන
කමල් පී අලහකෝන්
A day in the life

Saturday, February 17, 2024

ගුල්සරිලාල් නන්ද මහතා








 

 

ආදර්ශමත්, ඉන්දියාවේ හිටපු අගමැතිගේ නිහඬ කතාව.
94 හැවිරිදි පුද්ගලයෙකු කුලියට ගත් නිවසක කුලිය නොගෙවීම නිසා ඉඩම් හිමියා විසින් ඔහු එළියට දමා ඇත. පැරණි ඇඳක්, ඇලුමිනියම් උපකරණ කිහිපයක්, ප්ලාස්ටික් බාල්දියක් සහ මග් එකක් හැර වෙනත් කිසිඳු දෙයක් මහලු මිනිසා සතුව නොතිබූ තරම්ය...
මහල්ලා අයිතිකරුගෙන් ඉල්ලා සිටියේ කුලිය ගෙවීමට යම් කාලයක් ලබා දෙන ලෙසයි. අසල්වැසියන් ද මහලු මිනිසාට අනුකම්පා කළ අතර, කුලිය ගෙවීමට ඔහුට යම් කාලයක් ලබා දෙන ලෙස ඔවුන් ඉඩම් හිමියාට ඒත්තු ගැන්වූහ. ඉඩම් හිමියා ඔහුට කුලිය ගෙවීමට අකමැත්තෙන් වුවද යම් කාලයක් ලබා දුන්නේය...
මහල්ලා ඔහුගේ බඩු බාහිරාදිය ඇතුළට ගත්තේය...
ඒ අසලින් ගිය මාධ්යවේදියෙක් නැවතී මුළු දර්ශනයම දුටුවේය. මේ කාරණය තම පුවත්පතේ පළ කිරීම ප්රයෝජනවත් යැයි ඔහු සිතුවේය...
"කුරිරු ඉඩම් හිමියා මුදලට කුලී නිවසින් මහල්ලා පන්නා දමයි" යන සිරස්තලය පවා ඔහු සිතුවේය...
ඉන්පසුව ඔහු පැරණි කුලී නිවැසියාගේ පින්තූර කිහිපයක් ගත් අතර කුලියට ගත් නිවසේ පින්තූර කිහිපයක්ද ගත්තේය...
මාධ්යවේදියා ගොස් තම මුද්රණාල හිමියාට සිද්ධිය කීවේය. මුද්රණාලයේ හිමිකරු පින්තූර දෙස බලා කම්පා විය. ඔහු මාධ්යවේදියාගෙන් ඇසුවේ...
"ඔබ වයසක මිනිසා
හඳුනනවාද?"
මාධ්යවේදියා "නැහැ" කිව්වා...
පහුවදා පත්තරේ මුල් පිටුවේ ලොකු පුවතක් ආවා...
මාතෘකාව වූයේ,
"ඉන්දියාවේ හිටපු අගමැති ගුල්සාරිලාල් නන්ද දුක්ඛිත ජීවිතයක් ගත කරයි" යන්නයි...
හිටපු අගමැතිට කුලිය ගෙවා ගැනීමට නොහැකිව ඔහු නිවසින් එළියට දැමූ හැටි එම පුවතේ වැඩිදුරටත් ලියා තිබුණා. වර්තමානයේ නවකයන් ද විශාල මුදලක් උපයන බවට අදහස් පළ විය. ඒ වගේම දෙවතාවක් හිටපු අගමැතිවරයෙක් වෙලා දීර්ඝ කාලයක් මධ්යම ඇමතිවරයෙක් විදියට කටයුතු කරපු කෙනෙක්ට තමන්ගේම කියලා ගෙයක්වත් නැහැ...
ඇත්තටම ගුල්සරිලාල් නන්දට රු. 500/- මාසික දීමනාවක් ලබා ගත හැකි විය. නමුත් ඔහු 'නිදහස් සටන්කාමීන්ගේ දීමනාව වෙනුවෙන් සටන් නොකළ බව' පවසමින් මෙම මුදල් ප්රතික්ෂේප කර තිබුණා. පසුව ඔහුට වෙනත් ආදායමක් නොමැති බව කියමින් මිතුරන් ඔහුට එය භාර ගන්නා ලෙස බල කර තිබුණා... මේ මුදලින් ඔහු ජීවත් වූයේ කුලී ගෙවාය...
පසුදා වත්මන් අගමැතිතුමා මැති ඇමැතිවරු නිලධාරීන් වාහන තොගයක් සමඟ ඔවුන්ගේ නිවෙසට යැව්වා. බොහෝ ප්රභූ වාහන සමූහයක් දැකීමෙන් ඉඩම් හිමියා තුෂ්නිම්භූත විය. ඔහුගේ කුලී නිවැසියා වන ගුල්සරිලාල් නන්ද මහතා ඉන්දියාවේ හිටපු අගමැති බව ඔහුට දැන ගන්නට ලැබුණේ එවිටය. ඔහුගේ නොමනා හැසිරීම නිසා ඉඩම් හිමියා වහාම ගුල්සාරිලාල් නන්දගේ පාමුල වැඳ වැටුණේය...
රජයේ නවාතැන් සහ අනෙකුත් පහසුකම් පිළිගන්නා ලෙස නිලධාරීන් සහ ප්රභූවරුන් ගුල්සාරිලාල් නන්දගෙන් ඉල්ලා සිටියහ. ගුල්සරිලාල් නන්ද මහතා මේ මහලු වයසේ මෙවැනි පහසුකම්වලින් ඇති ප්රයෝජනය කුමක්දැයි කියමින් ඔවුන්ගේ යෝජනාව පිළිගත්තේ නැත...
අවසන් හුස්ම හෙළන තුරුම ඔහු සාමාන්ය පුරවැසියෙකු මෙන් සැබෑ ගාන්ධිවාදියෙකු ලෙස ජීවත් විය. 1997 දී රජය ඔහුට භාරත රත්න සම්මානයෙන් ගෞරව කළේය...
ඔහුගේ ජීවිතය වර්තමාන දේශපාලකයන් සමඟ සසඳන්න...













කරු ගමගේ - මුණු පොතෙන්.
A day in the life

Sunday, February 11, 2024

ඔබ,මා,අප වෙනුවෙනුයි මේ අරගලය









 

 

 

මහතුනේ
මේ මහා වෑයම
මා වෙනුවෙන් පමණක්ම නොවෙයි
ඔබ,මා,අප වෙනුවෙනුයි මේ අරගලය
අර විසල් ප්රාසාද පවුරු තුළ
අපේ දහදිය කඳුළුද
අපේ බදු මුදල්ද නිධන්ගත වී ඇත.
ඒ සා අයුක්තියක් ළඟ
නිහඬ විය හැකිද ප්රේමණීය මිනිසෙකුට
සත්යවාදී මිනිසෙකුට
මහතුනේ
ආර්ථික අයුක්තිය
රැගෙන යා හැකියි මහා යුද්ධයකට
අවතැන් විය හැකියි දහස් ගණනක්
විය හැකියි ඊළඟ පරපුරට මළගමක්
හිරු නොනගින
මහා අඳුරකට වුව
රැගෙන යා හැකියි ආර්ථික අයුක්තියකට
මහතුනේ
ඉවසාගත නොහීනම් මේ නැගිටීම
වෙඩි උණ්ඩයක් එවිය හැකියි මා වෙතට
මියගිය පසු වුවද මා
මේ අරගලය නුඹට නවතා දැමිය නොහැකිමය
දිනෙක ,
යුක්තියේ සුවඳ නුඹට දැනෙනු ඇත.
මහතුනේ
නිමාවූ පසුව මේ මෙහෙවර
හිනාවුණ පසුව අනාගත පරපුර
මල් නැතුවාට කමක් නැත
දමා ගසන්න ගල් මුඟුරු
දරාගත හැකිය ඒ රිදුම
සෝමලතා හේරත් මැණිකේ
(කවි නොවේ)

A day in the life

Thursday, January 11, 2024

උතුරේ අරුන් සිද්ධාර්ථන් .

notes of imaginary

 


. ඔහු දරණ අදහස් ගැන මා දන්නවා. ඔහු බෞද්ධයෙක්. ඔහු තමන් කවුද කියා දන්නවා.
මෙරටඅරුන් සිද්ධාර්ථන් මා හමුවීමට පැමිණියා. ඔහු කලක සිට මා හා දුරකථනයෙන් සම්බන්ධ වී තියෙනවා දෙමළ ප්රශ්නයක් නැහැ. විස්තරාත්මක ව කියනව නම් දෙමළ ජනයාට (දෙමළ ජන කොටස්වලට) දෙමළ වීම නිසා ම පමණක් වූ ප්රශ්නයක් නැහැ. මේ ගැන මා ලියන්න පටන් අරන් අවුරුදු තිහකට වැඩියි. එකල අරුන් ළමයකු වෙන්න ඇති. ඔහු මා ගැන දැන ගන්න ඇත්තේ ඉතා මෑතක දි වෙන්න ඕන.
මා ඔහුට ප්රභාකරන් ඔහුගේ සීයලා බාප්පලා හා මස්සිනාලා පොතත් එහි ඉංගිරිසි පරිවර්තනය වූ An Introduction to Tamil Racism in Sri Lanka පොතත් දුන්නා. ගුණදාස අමරසේකර උපහාර උළෙලේ දී මා කළ කතාවට ඔහු සවන් දී තිබුණා. මගේ අදහස් ගැන ඔහු දැන සිටියා. මෙරට ඊනියා දෙමළ ප්රශ්නය වෙල්ලාලයන්ගේ ප්රශ්නයක් බව මා දැන බොහෝ කල්. ඔහුට යාපනයේ ඊනියා අඩුකුල අයගේ ප්රශ්නය ගැන වැටහීමක් තියෙනවා.
ඔහු නලවාර් කුලයට අයත් වුවෙක්. නලවාර් යනු යාපනයේ රා මදින රැකියාවේ ද නිරත වූ පසුව දෙමළ වූ සිංහලයන්ගෙන් පැවත එන්නන්ගේ කුලය ලෙස සලකනවා. තමන් උසස් කුලයක් ලෙස සලකන එහෙත් ඉන්දියාවේ (භාරතයේ) ශ්රද්රයන් ලෙස සලකන පිරිසකගෙන් පැවත එන වෙල්ලාලයන් නලවාර් කෝවියාර් කරෙයියර් මඩප්පුලි පරෙවාර් ආදී කුල පහත් ලෙස සලකනවා.
කිසිම කුලයක් අහවල් රැකියාව කරන්නන්ගේ කුලය කියා කියන්න බැහැ. ගොවිතැන මසුන් ඇල්ලීම කුරුඳු තැලීම රා මැදීම ආදී රැකියා හැම කුලයක ම අය කරනවා. නලවාර් කුලයත් එහෙමයි. අරුන්ලා රා මදින්නේ නැහැ. ඒ කෙසේ වෙතත් මා පොතපතින් දැන ගත් කරුණු කිහිපයක් අරුන්ට කිවුවා. ඒ බොහෝ දේ මා මේ ලිපිවල ලියා ඇති නමුත් අරුන්ට කී දෙය ඉතා කෙටියෙන් මෙහි සඳහන් කරනවා. මා අරුන් සමග පැය දෙකක් පමණ කතා කළ බව කියන්න ඕන. ඔහු මගේ පුතුන්ගේ වයස්වල.
මෙරටට දෙමළ කතා කරන ජනයා ස්ථිර වාසයට පැමිණියේ දොළොස්වැනි සියවසට පසු. ඉන් පෙර වෙළඳාමට රජ පවුල්වල ආවාහ විවාහ සඳහා දෙමළ පමණක් නොව තෙළිගු මලයාලම් ඔඩෙස්සා නැත්නම් ඔරිස්සා හෙවත් කාලිංගයේ මරියා භාෂා කතා කරන ජනයාත් මෙරටට පැමින තියෙනවා. ඔරියා කියන්නේ මාගධී භාෂාවෙන් ව්යුත්පන්න වුවක්. මිහිඳු මහා රහතන් වහන්සේ කතා කරන්න ඇත්තේ මාගධිය . එහෙත් උන්වහන්සේ සිංහල (හෙළය) උගත් බව සඳහන් වෙනවා. උන්වහන්සේ මෙරට ධර්මය දේශනා කර ඇත්තේ සිංහලෙන් බව පැහැදිලියි. මෙරට ජනයා මාගධිය දැන සිටියා කියන්න බැහැ.
මහාචාර්ය කාර්තිගේසු ඉන්ද්රපාල ද පවසන්නේ දහතුන්වැනි සියවසට පෙර මෙරට දෙමළ ස්ථිර වාසස්ථාන නොතිබූ බවයි. දහතුන්වැනි සියවසේ පමණ සිට මෙරටට වත්මන් තමිල්නාඩු කේරළ කර්ණාටක ප්රාන්ත මායිමෙන් ජනයා සංක්රමණය වී තියෙනවා. ඔවුන්ගෙන් හින්දු ආගම ඇදහු පිරිස උතුරේ දී තරමක විශාල පිරිසක් වෙන්න ඕන. ඔවුන් තම හින්දු බව රැක ගත්තා. එහෙත් දකුණට ආ පිරිස් සිංහල බෞද්ධ සංස්කෘතියට අවශෝෂණය වී තියෙනවා. පැමිණි මුස්ලිමුන් දෙමළ බස දිගට ම කතා කරමින් තම ආගම දිගට ම ඇදහුවා. මා දැනට දරණ මතය වන්නේ එසේ මෙරටට ජනයා සංක්රමණය වූයේ කර්ණාටක ප්රාන්තය ආශ්රිත ව විජයනගර් රාජධානිය ඇති වීමත් සමග කියා.
උතුරට පැමිණි අය වැඩි වශයෙන් කරෙයියර් හා මඩප්පුලි කුලවලට අයත් වී ඇති බව පෙනී යනවා. පෘතුගීසීන් යාපනයට යන විටත් එහි බහුතරය සිංහල. පෘතුගීසීන් දෙමළ කතා කරන ජනයා අතර විශේෂයෙන් සලකා ඇත්තේ (තනතුරු දීමේ දී ආදී ලෙස) කරෙයියර් හා මඩප්පුලි කුලවලට. එහෙත් ලන්දේසීන් තොග වශයෙන් මෙරටට වෙල්ලාලයන් ආනය කර තියෙනවා දුම්කොළ වැවීමට. එසේ ම ලන්දේසීන් වෙල්ලාලයන්ට තනතුරු විශේෂ වරප්රසාද දී කරෙයියර් හා මඩප්පුලි කුල පහතට දමා තියෙනවා.
මගේ විශ්වාසයක් (හිතළුවක්) තියෙනවා ඔවුන් සමහරකු දකුණට සංක්රමණය වුණා කියා. සමහර විට පුත්තලමේ සිට මීගමුව ජා ඇල ආදී ප්රදේශ දක්වා ඔවුන් සංක්රමණය වන්න ඇති. අදත් මඩප්පුලි නමින් සිංහලයන් ඉන්නවා. ඒ කෙසේ වෙතත් ලන්දේසීන්ගේ අනුග්රයෙන් යාපනයෙහි විසූ සිංහලයන් වෙල්ලාලයන් යටතේ ඊනිය අඩුකුල පිරිස් ලෙස දෙමළ හින්දු සංස්කෘතියට අවශෝෂණය කෙරී තියෙනවා. ලන්දේසීන් තේසවලාමේ නීතිය හෙනැවිත් ඇත්තේ අස්වැන්න නෙළා ගැනීමෙන් පසු වෙල්ලාලයන් ඉන්දියාවට ආපසු යැම වැළැක්වීමට.
මා නොදැන සිටි කරුණක් අරුන්ගෙන් මාස කිහිපයකට පෙර දැන ගත්තා. ඒ තේසවලාමේ නීතියෙන් අර ඊනියා අඩුකුල වූ සිංහලයන් වෙල්ලායන්ගේ වහලුන් බවට පත්කර ගත් බව. මෙරට ලේඛනාගාරවල බොහොමයක ඇති තේසවලාමේ නීතියේ ඒ වහලූන් කර ගත් බව සඳහන් ඡෙදය නැහැ. එහෙත් අරුන් ඉතා මහන්සි වී එකී ඡෙදය සඳහන් පිටපතක් සොයා ගෙන තියෙනවා. මෙරට ඉන්න ඊනියා ඉතිහාසඥයන්ට වඩා සේවයක් අරුන් මෙරට ඉතිහාසයට කර තියෙනවා.
මින් පසු වෙල්ලාලයන්ගේ කතාව ප්රභාකරන් ඔහුගේ සීයලා බාප්පලා මස්සිනාලා පොතේ තියෙනවා. මෙරට ඇත්තේ ලන්දේසීන්ගේ හා පසුව ඉංගිරිසින්ගේ අනුග්රහයෙන් පළමුව යාපනයේත් පසුච මුළු රටේමත් නායකයන් බවට පත් වූ වෙල්ලාලයන්ට අමද්යප ව්යාපාරයෙන් පසු ඒ තැන අහිමි වීම නිසා හටගත් දුක්ඛ දෝමනස්සයෙන් රටෙන් කොටසක් වෙන් කරගෙන එහි නායකයන් බවට පත්වීමට ඇති ආශාව නිසා හටගත් ප්රශ්නයක්.
අද ඒ බව යාපනයේ ඊනියා අඩුකුල ජනයා ක්රමයෙන් තේරුම් ගනිමින් ඉන්නවා. අරුන් එහි දී විශාල කාරයභාරයක් ඉයු කරනවා. අද රනිල්ටත් අරුන් සමග සාකච්ඡා කිරීමට සිදු වී තියෙනවා. අපි එය පසුව කතා කරමු. අරුන් සමග ඇති වු සාකච්ඡාවේ දී මා තේරුම්ගත් ප්රධාන ම කාරණය වුණේ මෙරට සිංහල ජාතිය සමග දෙමළ ජනකොටස්වලට එකතු වීමට ඇති ප්රධාන ම මාර්ගය වැටී ඇත්තේ බුදුදහම හරහා බව. අපි ඒ ගැනත් පසුව කතා කරමු. මිහිඳු මහා රහතන් වහන්සේ එදා කළ දේට සමාන ක්රියාවක් අද යාපනයේ කරන්න පුළුවන්.

නලින් ද සිල්වා. 

Tuesday, November 14, 2023

රාජාලි න්‍යාය.



අයවැය කතා ඉදිරිපත් වෙයි. මේවා  සුරංගනා කතාවන්  ද ? යැයි සිතන තරමට සුන්දරවේ. කල හැකිදේ වලින් සහ  නොකල හැකිදේ වලින්ද  මේ කතා පිරී තිබේ. පාර්ලිමේන්තුවේ නොයෙක් මාදිලියේ කතා කියවමින් කාලය නාස්ති කර අන්තිමේදී වැඩි පිරිසක් පක‍‍්ෂවද ඊට වා අඩු පිරිසක්  විපක්‍ෂවද ඡන්දය භාවිතයෙන් සම්මතවේ.

මෙය පාර්ලිමේන්තුව ඇතිවු දා සිට සිදුවන්නකි. 

මේ කතාව රාජාලියා සහ කපුටා ගැනය. රාජාලියා හා සටන් කිරීමට කපුටා  බිය නොවේ. 225ත් රාජාලියන් වගේයයි මීදුමට සිතේ . වෘත්තීය සමිති විකල්ප සංවිධාන  කපුටන් ගනයට පත්ව තිබේ.

 රාජාලියාට සුවිසල්  පියාපත් තිබේ. තියුණු දෙනෙතකි. හොටය මුවහත්ය. සිරුර ශක්තිමත්ය. ඌ ඉහල අහසේ නිදහසේ පියාසර කරයි.  මේ තේජාන්විත කුරුල්ලාට සටනක් දීමට  , කපුටා ඔහු තමා ගැන තබා ගෙන ඇති අධිතක්සේරු මානසිකත්‍වය නිසාවෙන් ඉදිරිපත්වේ.

කපුටා රාජාලියාගේ  පිට මතට පියාසර කර ලැගුම් ගනී. පිට මත ඉඳගෙන බෙල්ලට කොටමින් ප්‍රහාර එල්ල කරයි.

රාජාලියා ප්‍රතිචාර නොදක්වයි. ඔහු නිදහසේ අහසේ ඉහලට පියාසර කරයි. ඔහුගේ ඉලක්කය අහසේ ඉහලට පියාසර කිරීමයි. ඔහු කපුටා සමඟ සටන් නොකරයි, ඒ සදහා කාලය හෝ ශ්‍රමය නාස්ති නොකරයි. අහසේ තව තවත් ඉහලට පියාසර කරයි.

කපුටාද සටන අත්නොහැර පියාපත් මත ඉදගෙන රාජාලියාට හිරිහැර කරයි. අහසේ ඉහලට යන්න යන්න ඔක්සිජන් හිගවේ. කපුටාට හුස්ම ගන්න අපහසුවේ.  ඔක්සිජන් නොමැතිකම නිසා කපුටා අඩපනවේ. ඉහල අහසේ තමන් පාලන කර ගත නොහැකිව රාජාලියා හා කරන සටන නවතී කපුටා රාජාලියාගේ පිටමතින්  ඇද වැටේ.


notes of imaginary

Saturday, November 04, 2023

ඉදිරි දෙසතියේ උමං යුද්ධයක්



රෆා පිවිසුම විවෘතයි.
ගාසා තීරය හා ඊජිප්තුව අතර දේශසීමාවේ ඇති රෆා පිවිසුම් මාර්ගය මේ වන විට විවෘත කර ඇත්තේ රෝහල් ප්රතිකාර අවශ්ය වන පලස්තීන තුවාලකරුවන් හා ගාසා තීරයේ කොටු වී සිටින විදේශිකයන් ඉවත්කර ගැනීම සඳහාය. එසේම ගාසා තීරයේ ජීවත්වන ද්විත්ව පුරවැසියන්ටද රෆා පිවිසුම හරහා ගමන් කිරීමට ඉඩ සලසා ඇත. දේශසීමා රහිත වෛද්යවරු (Doctors Without Borders) පවසන්නේ තුවාල ලැබූවන් 20,000 කට වැඩි පිරිසක් තවමත් ගාසා තීරයේ සිරවී සිටින බවයි.
රෆා පිවිසුම විවෘත කිරීමට ඊජිප්තු රජය අවසානයේ එකඟ වූයේ කටාර් හා ඇමෙරිකා එක්සත් ජනපදයේ මැදිහත්වීමෙනි. මේ සඳහා ඊජිප්තුව, ඊශ්රායලය පමණක් නොව හමාස් සංවිධානය එකඟ කරවා ගැනීමට අදාළ මැදිහත්කරුවන්ට හැකි වී ඇත. කෙසේ නමුත් ඊජිප්තුව එකඟ වී ඇත්තේ බරපතළ තුවාළ ලැබූ ගාසා වැසියන් භාර ගැනීමට පමණි. තවද පිවිසුම කෙතරම් කාලයක් විවෘතව පවතිනු ඇත්ද යන්න පිළිබඳව නිවේදනය කර නැත.
ජබාලියා සරණාගත කඳවුරට ප්රහාරයක්.
ඊශ්රායල හමුදාව මේ වන විට ගොඩබිමෙන්, මුහුදෙන් හා ගුවනින් ගාසා තීරයට ප්
රහාර එල්ල කරමින් ඇත. කලාපයේ පිහිටා ඇති විශාලතම සරණාගත කඳවුර වූ ජබාලියා වෙත දිනපතා ගුවන් ප්රහාර එල්ල වෙමින් පවතී. එකී ප්රහාරවලින් කඳවුරේ 200 දෙනෙකු පමණ මියගොස් තවත් විශාල පිරිසක් තුවාල ලබා ඇතැයි අල් ජසීරා පුවත් සේවය වාර්තා කර තිබුණි. සෞදි අරාබිය ඇතුළු අරාබි කලාපයම මේ ප්රහාරය දැඩි ලෙසින් හෙළා දැක ඇත. එක්සත් ජාතීන්ගේ මානව හිමිකම් කාර්යාලය පවසන්නේ මෙම ප්රහාරය යුද අපරාධයක් විය හැකි බවයි. එහිමානුෂීය කටයුතුපිළිබඳ ලේකම්වරයාට අනුව ඊශ්රායලයේ ම්ලේච්ඡ ක්රියාවන්ට එරෙහිව ලෝකයට කිසිවක් කළ නොහැක. එසේ නැත්නම් ඊට එරෙහි වීමට කැමැත්තක් නැත. පසුගිය සතියේදී ගාසාහි අල් අහ්ලි බැප්ටිස්ට් රෝහලට එල්ල වූ ගුවන් ප්රහාරයකින් ද පලස්තීනුවෝ 471 දෙනෙකු මියගියහ. මෙම ප්රහාරය ඊශ්රායලය විසින් සිදුකළ බව පලස්තීනය පැවසුවද ඊශ්රායල හමුදා පවසන්නේ එය හමාස් සංවිධානයේම වැරදුණු කුරුමානමක් බවයි.
ජබාලියා ප්රහාරය පිළිබඳව දසතින් විරෝධය එල්ල වෙද්දී ඊශ්රායල ආරක්ෂක අංශද ඊට ප්රතිචාර දක්වා ඇත. ගුවන් ප්රහාරය එල්ල කළේ නිවැරදි හමාස් ඉලක්කයකට බව හමුදා ප්රකාශකයා පවසයි. ජබාලියා සරණාගත කඳවුර පිහිටි භූමියට යටින් හමාස් උමං මාර්ගයක් ඇති බවත් ප්රහාරයෙන් හමාස් අණදෙන නිලධාරියෙකු වූ ඊබ්රාහිම් බියාරි මිය ගොස් ඇති බවත් ඊශ්රායල හමුදා ප්රකාශකයා පවසයි. බියාරි යනු පසුගිය ඔක්තෝම්බර් 7 වෙනිදා ඊශ්රායලය තුළට කඩාවැදී සිවිල් ජනතාවට එරෙහි ම්ලේච්ඡ ප්රහාරය එල්ල කළ ත්රස්තවාදී නායකයෙකු බව ඔහු වැඩිදුරටත් පවසයි. ඊට අමතරව ගාසා තීරයට එල්ල කරන ලද තවත් ගුවන් ප්රහාරයකින් හමාස් යුද ටැංකි නාශක මිසයිල බලකායේ අණදෙන නිලධාරී මුහම්ම්ද් අසාර් මරා දැමූ බව පැවසේ. හමාස් ත්රස්තවාදීන් විසින් පලස්තීන සාමාන්ය ජනතාව පලිහක් ලෙස භාවිතා කරමින් සිටින බව ඊශ්රායලය දිගින් දිගටම ප්රකාශ කරයි. ජබාලියා ප්රහාරයෙන් තමන්ගේ ප්රාණ ඇපයේ සිටි විදේශිකයන් ඇතුළු පුද්ගලයන් හත් දෙනෙකු මිය ගිය බව හමාස් සංවිධානය ප්රකාශ කර ඇත. මේ අනුව ජබාලියා සරණාගත කඳවුරද හමාස් ක්රියාකාරකම් සිදුවූ ස්ථානයක් බවට වූ ඊශ්රායල තර්කය බැහැර කළ නොහැක.
මානුෂික සටන් විරාමයක්
වහාම ඊශ්රායලය සහ හමාස් සංවිධානය අතර මානුෂීය සටන් විරාමයක් ඇති විය යුතුයැයි ඉල්ලා සිටිමින් එක්සත් ජාතීන්ගේ මහා මණ්ඩලය යෝජනාවක් සම්මත කර තිබේ. ගාසා තීරයට අවශ්ය ආධාර ප්රවේශ වීමට ඉඩ ලබා දෙන ලෙසත් එයින් ඉල්ලා ඇත.
යෝජනාවට පක්ෂව ශ්රී ලංකාව ඇතුළු රටවල් 121ක් ඡන්දය දුන් අතර ඊශ්රායලය සහ එක්සත් ජනපදය ඇතුළුව රටවල් 14ක් ඊට විරුද්ධ වී ඇත. මහා බ්රිතාන්යය, කැනඩාව හා ඉන්දියාව ඇතුළු තවත් රටවල් 44ක් ඡන්දය දීමෙන් වැළකී සිටියහ. ඔක්තෝබර් 7දා ඊශ්රායලයට එල්ල කළ “ත්රස්තවාදී” ප්රහාරය සම්බන්ධයෙන් හමාස් සංවිධානය වඩාත් පැහැදිලිව හෙළා දකින සංශෝධනයක් හඳුන්වා දුන් කැනඩාව, එම සංවිධානය විසින් අල්ලාගෙන සිටින ප්රාණ ඇපකරුවන් වහාම නිදහස් කරන ලෙස ඉල්ලා සිටියේය.
මානව වර්ගයාට අඳුරු දිනයක්
මේ අතර එක්සත් ජාතීන්ගේ මහා මණ්ඩලය හමුවේ උද්වේගකර කතාවක් පැවත්වූ එක්සත් ජාතීන්ගේ ඊශ්රායල තානාපති ගිලාඩ් එර්ඩන් මෙම යෝජනාව දැඩිව විවේචනය කළේය. යෝජනාව මඟින් ඊශ්රායල-පලස්තීන යුද්ධයක් පිළිබඳව හුවා දක්වා ඇති මුත් මෙය කිසිසේත්ම එවැන්නක් නොවන බවත් ඊශ්රායලය මේ අවස්ථාවේ සිදුකරන්නේ සමූලඝාතක,මිනීමරු හමාස් ත්රස්තවාදයට එරෙහි සටනක් පමණක් බවත් ඔහු සඳහන් කළේය. මුළු ලොවම තමන්ට එරෙහිව සිටියද හමාස් ත්රස්තවාදය මිහිපිටින් තුරන් කර මිසක් ආපසු හැරීමක් නැති බව ඔහු සපථ කළේය. එය නූතන නාසිවාදයට එරෙහිව ඊශ්රායල නීතිය මඟින් තම හමුදාවන්ට ලැබී ඇති අත්හළ නොහැකි වගකීමක් බව තානාපතිවරයා ප්රකාශ කළේය.
“මෙය එක්සත් ජාතීන්ගේ සංවිධානයට සහ මානව වර්ගයාට අඳුරු දිනයක්. හමාස්වරු කිසිදිනෙක පලස්තීනුවන්ගේ ජීවිත ගැන සැළකුවේ නැහැ. ඔවුන්ට සාමය හෝ සාකච්ඡා අවශ්ය නැහැ. ඔවුන්ගේ එකම අරමුණ ඊශ්රායලය විනාශ කිරීම හා මිහිපිට වෙසෙන සියලුම යුදෙව්වන් මරා දැමීම පමණයි. අප ඔවුන් විනාශ කිරීමට හැකි සියලුම උපක්රම භාවිතා කරනවා. "
දරුවන් ඉදිරියේ දෙමව්පියන්ද දෙමව්පියන් ඉදිරියේ දරුවන් ද කුරිරු වධ හිංසාවන්ට ලක්කර මරා දැමූ බවත්, තරුණියන් දූෂණය කර මරාදමා ඔවුන්ගේ නිරුවත් සිරුරු ගාසා තීරයේ මාවත් දිගේ රැගෙන ගිය බවත් ඒවා වීඩියෝ කර සමාජ මාධ්ය ඔස්සේ බෙදා හැර ඇති බවත් ඔහු ප්රකාශ කළේය. යුදෙව්වෙකු නොවන තායිලන්ත ජාතිකයෙකු වධ හිංසා කරමින් මරා දමන වීඩියෝවක් මහාමණ්ඩලය හමුවේ ප්රදර්ශනය කළේය. මෙවැනි සාහසික ම්ලේච්ඡත්වය වීඩියෝගත කර ලොවට බෙදා හැරීමේ අරමුණ ලෝකයා තැති ගැන්වීම හැර වෙනත් කුමක්දැයි ප්රශ්න කළේය.
"සටන් විරාමයකින් සිදුවන්නේ හමාස්වරුන්ට නැවත සංවිධානය වී ඊශ්රායලයට ප්රහාර එල්ල කිරීමට හැකි වීම පමණයි. අපි ඊට ඉඩ දෙන්නේ නැහැ. මේ ආරක්ෂක මණ්ඩල යෝජනාවේ කිසිතැනකහමාස් ත්රස්තවාදීන් විසින් මරා දැමූ ඊශ්රායල ජාතිකයන් හෝ විදේශිකයන් ගැන සඳහන් වන්නේ නැහැ. නමුත් මම ඔවුන් වෙනුවෙන් මගේ කාලයෙන් මිනිත්තුවක් වෙන් කරනවා." එර්ඩන් මහතා එසේ කියමින් තම වේගවත් ප්රකාශය නිමා කළේය.
ඊශ්රායලය තතිවෙයි.
පලස්තීනුවන් හෝ ඊශ්රායල ජාතිකයන් හෝ මියයන්නේ කවුරුන් වුවද මෙම අර්බුදය මානව වර්ගයා මුහුණ දෙන මහා නස්පැත්තියක් බවට පත්ව ඇත. ලිපිය ලියන මොහොත වන විට පලස්තීනුවන් 9061 ක් ගැටුමෙන් මියගොස් ඇති අතර ඔක්තෝබර් 7 වැනිදා හමාස් ප්රහාරයෙන් ඊශ්රායලය තුළ පුද්ගලයන් 1400 කට වඩා මියගොස් ඇති බව වාර්තා වෙයි. ගැටුමෙන් සෑම මිනිත්තු 10 කට වරක් පලස්තීන ළමයෙකු මියයන බව Save the Children සංවිධානය පවසයි. කෙසේ නමුත් මියගිය ප්රමාණය පිළිබඳව හමාස් සංවිධානය ඉදිරිපත් කරන සංඛ්යාලේඛන පිළිගත නොහැකි තත්ත්වයක ඇති බව ඇමෙරිකානු ජනාධිපති ජෝ බයිඩන් ප්රකාශ කර ඇත. අවසන් කටයුතු කිරීමට සූදානම්ව සුදු රෙදිවලින් ආවරණය කර ඇති ව්යාජ මළ සිරුරුවල වීඩියෝද සමාජ මාධ්ය ඔස්සේ හුවමාරු වෙමින් ඇත. හමාස් සංවිධානය ජාත්යන්තර ප්රජාවේ අනුකම්පාව අපේක්ෂාවෙන් මෙවැනි මවාපෑම් සිදුකරන බවට සමාජ මාධ්යයන් ඔස්සේ චෝදනා එල්ල වෙමින් පවතී. කෙසේ නමුත් දැන් මෙය හමාස් සංවිධානය හා ඊශ්රායල හමුදා අතර යුද්ධයක් පමණක් නොව ලෝකයේ සෑම කලාපයකටම හිසරදයක් වූ ගැටුමකි.
ශුද්ධෝත්තම ප්රැන්සිස් පාප් වහන්සේ පවසන්නේ මෙය එකට ජීවත් විය යුතු ජනවර්ග දෙකක් අතර අවාසනාවන්ත ගැටුමක් බවයි. වහාම ඔස්ලෝ ගිවිසුම ක්රියාත්මක කර රාජ්යයන් දෙකක විසඳුමට පිවිසෙන ලෙස උන්වහන්සේ ඉල්ලා ඇත. 1947 එක්සත් ජාතීන්ගේ යෝජනාව ක්රියාත්මක වී එවකට පලස්තීනය හා ඊශ්රායලය නම් වූ රාජ්ය දෙකක් පිහිටුවීමට හැකි වූවානම් අද මේ විනාශය සිදුවන්නේ නැත. බොහෝ ජාතීන් පිළිගන්නා පරිදි ගැටුමෙන් මිදීමට ඇති එකම මාර්ගය එයයි.
මේ අතර හමාස් ත්රස්තවාදය ප්රතික්ෂේප කරමින් ඊශ්රායලයට පක්ෂපාතීත්වය දැක්වූ රාජ්ය පවා ජබාලියා ප්රහාරය හෙළා දකිමින් ප්රකාශ නිකුත් කර ඇත. ආජන්ටිනා විදේශ අමාත්යාංශය ප්රකාශ කරන්නේ ආත්මාරක්ෂාව සඳහා ඊශ්රායලයට ඇති අයිතිය පිළිගන්නා නමුත් ජාත්යන්තර මානුෂීය නීතිය උල්ලංඝනය හා සන්නද්ධ ගැටුම් හේතුවෙන් සිවිල් ජනතාව ආරක්ෂා කිරීමේ වගකීමෙන් මිදීම යන කාරණා ඒ අයිතියෙන් වැසියනොහැකි බවයි.ආජන්ටිනාවේ රාජ්යතාන්ත්රික ප්රතිචාරය පැමිණෙන්නේ අනෙකුත් ලතින් ඇමරිකානු රටවල් ඊශ්රායලයට එරෙහිව රාජ්ය තාන්ත්රික ක්රියාමාර්ග ගැනීමෙන් පසුවය. පසුගියදා බොලිවියාව ඊශ්රායලය සමඟ රාජ්ය තාන්ත්රික සබඳතා අත් හරින බව නිවේදනය කළේය. එසේම කොලොම්බියාව සහ චිලී රාජ්යය ඊශ්රායලයේ සිටින ඔවුන්ගේ තානාපතිවරුන් උපදේශනය සඳහායැයි පවසමින් ආපසු කැඳවා ඇත.මෙක්සිකෝව සහ බ්රසීලය වැනි අනෙකුත් ලතින් ඇමරිකානු රටවල් ද සටන් විරාමයක් ඉල්ලා ඇත.
එසේම මැද පෙරදිග රාජ්යයක් වූ ජෝර්දානයද මේ වන විට ටෙල්අවිව් සමඟ රාජ්යතාන්ත්රික සම්බන්ධකම් අත්හැර ඇත. ඇමෙරිකානු ජනාධිපතිවරයාද පෙන්වා දී ඇත්තේ ප්රාණ ඇපකරුවන් මුදවා ගැනීමටනම් විරාමයක් අවශ්ය වනු ඇති බවයි. ඔහු අදහස් කරන්නනේ සටන් විරාමයක් නොවේ. ඔහුගේ පක්ෂයේ සාමාජිකයන්ගෙන් එල්ල වන පීඩනය හමුවේ බයිඩන් මහතාට එසේ කීමට සිදුව ඇති බව කිව හැකිය. හමාස් ග්රහණයේ ඇති ප්රාණ ඇපකරුවන් අතර ඇමෙරිකානුවන් කිහිප දෙනෙකුත් සිටිති. රෆා පිවිසුම විවෘත කිරීම පිළිබඳව ඊජිප්තුවට ප්රශංසා කළ බයිඩන් මහතා ගැටුම්වලදී සිවිල් වැසියන් ආරක්ෂා කරන ලෙස ඊශ්රායලයට දිගින් දිගටම බලපෑම් කරන බව ද පැවසීය. ඕස්ට්රේලියාව ද ඊශ්රායලයෙන් ඉල්ලා ඇත්තේ ඔක්තොම්බර් 7 පරහාරයට පරතිචාර දැක්වීමේදී සංයමයෙන් කටයුතු කරන ලෙසයි.
ඊශ්රායලය පවසන්නේ ගාසා තීරයේ හමාස් සංවිධානය විසින් රඳවාගෙන සිටින ප්රාණ ඇපකරුවන් සංඛ්යාව 242 ක් බවයි. තායිලන්ත රජය පවසන්නේ ප්රාණ ඇපයේ සිටින තම පුරවැසියන් නිදහස් කර ගැනීම සඳහා හමාස් සංවිධානය සමඟ සෘජුවම කතා කළ බවයි. තායි ප්රාණ ඇපකරුවන් 25 දෙනා “නියම වේලාවට” නිදහස් කරන බවට සහතිකයක් ලැබුණු බව තායි බලධාරීහු ප්රකාශ කරති.
මේ අතර හමාස් සංවිධානයට එරෙහිව සටන් කිරීම සඳහා ජාත්යන්තර සන්ධානයක අවශ්යතාවය පෙන්වා දුන් ප්රංශ ජනාධිපති එම්මෑනුවෙල් මැක්රොන් හට රුසියාව දෝෂාරෝපණය කර තිබේ. ජනාධිපති පුටීන් කියා සිටියේ එවැනි පියවරක් ආතතිය උත්සන්න කිරීමට හා ගැටුමට සම්බන්ධ වීමට අනෙකුත් පාර්ශවයන් වෙත කරන බලකිරීමක් වනු ඇති බවයි.
උමං යුද්ධයක්
ඊශ්රායල හමුදා මේ වන විටත් ගාසා තීරයට ඇතුළු වී ඇත. එහි ප්රධාන නගරය වූ Gaza City වට කර ඇත. ඊශ්රායල හමුදාවන්ට තිබූ බරපතලම අභියෝගය වූයේ හමාස් සංවිධානය විසින් ඉදිකර ඇති උමං මාර්ග පද්ධතියයි. පසුගිය දා හමාස් ප්රාණ ඇපයෙන් නිදහස් වූ 85 හැවිරිදි යොචාවෙඩ් ලිෆ්ෂිට්ස් මහත්මිය විස්තර කළේ හමාස් භටයන් විසින් තමන්ව “මකුළු දැල් වැනි යෝධ උමං පද්ධතියක්” හරහා කිලෝමීටර කිහිපයක් පොළව යටට රැගෙන ගිය බවයි. ඊශ්රායල හමුදාවට අනුව ඔවුන්ගේ ප්රාණ ඇපකරුවන් මේ වන විට රඳවා ඇත්තේ මෙකී උමං මාර්ග තුළයි. හමාස් ගැන අධ්යයනය කර ඇති හමුදා විශේෂඥයන් මෙකී උමං මාර්ග හඳුන්වන්නේ දරුණු බෝම්බ ප්රහාර මාලාවකින් පසුව වුවද හමාස් සටන්කාමීන්ට තවදුරටත් රැකවරණය ලැබිය හැකි ප්රබල ආරක්ෂක බංකර පද්ධතියක් ලෙසයි.
කෙසේ නමුත් මෙම අසීරු අභියෝගය ජයගැනීම සඳහා වූ දැවැන්ත ඊශ්රායල හමුදා මෙහෙයුම ආරම්භ කිරීමට දැන් සූදානම් වෙන බව නිරීක්ෂණය වේ. තම හමුදාවන්ට නතු වූ ගාසා තීරයේ බිම් කොටස්වල හමාස් උමං මාර්ග එකින් එක විනාශ කිරීමට ඊශ්රායල හමුදා ඉංජිනේරුවන් පුළුල් මෙහෙයුමක් ආරම්භ කර ඇත. මේ සඳහා රොබෝ යන්ත්ර සහ පුපුරණ ද්රව්ය භාවිත කිරීමට සැලසුම් කර ඇත. හමාස් මර උගුල් පුපුරවා ත්රස්තවාදීන් සියලු දෙනා මරා දමන බව ඊශ්රායලය පවසයි.
මරාගෙන මැරෙන පරම්පරාවක්
ගාසා තීරයට ඇතුළු වුව හොත් ඊශ්රායලයට අමතක නොවන පාඩමක් උගන්වන බැව් කී ඉරානය තවමත් සන්නද්ධ මැදිහත් වීමක් සිදුකර නැත. නමුත් ඉරානයේ සහාය ලබන යේමනියේ හූති සංවිධානය හා ලෙබනනයේ හිස්බුල්ලා සංවිධානය ගැටුමට මැදිහත් වී ඇත. වර්තමානයේ යේමනයේ බලය හොබවන්නේ හූති සංවිධානයයි. යේමනියේ සිට ඊශ්රායලය වෙත බැලැස්ටික් මිසයිල හා ඩ්රෝන ප්රහාර එල්ල කරමින් ඇත. කෙසේ නමුත් ඊශ්රායලයට එරෙහිව එක් බලවේගයක් ලෙස නැඟී සිටින ලෙස ඉරානය ලෝකයේ අනෙකුත් ඉස්ලාමීය ජාතීන්ගෙන් ඉල්ලා ඇත. ඊශ්රායලය මේ මොහොතේ තමන්ට හැකි උපරිම දුරකට සටන මෙහෙයවන බව පෙනෙන්නට තිබේ. බොහෝ විට එය ගාසා තීරයේ උතුරු කොටස තම පාලනයට නතුකර ගැනීමක් විය හැකිය. හමාස් සංවිධානයද හමුදාමය වශයෙන් දුර්වල විය හැකිය. නමුත් හමාස් යනු හුදු සංවිධානයකට වඩා වැඩි යමකි. එය විනාශ කළ නොහැකි මතවාදයක් වන අතර උපක්රමශීලීව ත්රස්තවාදයට යොමු වීමේ ඉඩකට බැහැර කළ නොහැක. ආගමික අන්තවාදය ගුරු කොට ගත් රාජ්යයන් විසින් එම මතවාදය තවදුරටත් පෝෂණය කරනු ඇත. ගාසා තීරය ඊළඟ පරම්පරාවේ මරාගෙන මැරෙන බෝම්බකරුවන් හෝ ජිහාඩ්වාදීන් බිහි කිරීමට තෝතැන්නක් වනු ඇත. කෙසේ නමුත් යුද්ධයට දීර්ඝකාලීන ජයග්රාහකයන් නොමැති බව කිව යුතුය.

notes of imaginary