Tuesday, September 30, 2014

අසුබ නිමිත්තක්.


මාස ගණනාවක් පීඩා කරන ලද නියගය අවසන් කරන  මහ වැස්සක පෙරනිමිති අහස පුරා පැතිර ඇත. වැස්සට පෙර පැවත්වෙන විවාහ මංගල්‍ය සාදය අවසන් වුවහොත් යහපත් යයි මගේ සිතිවිලි අතරට ගොනු වෙමින් තිබිනි. දැහන බිද වැටුනේ සර් බිල් එක යයි වසන්ත කියු හඩෙනි

සාදයේ අවසන් අදියරට පැමිණ සිටියත් සහභාගීවු පිරිසත් ඇනවුම් කරන ලද මධුවිතෙහි  මිලි ලීටර් ගණනත් හා සසදන විට මේක නම් එවර නොවන සාදයකයයි   සිතිවිල්ලක් ඇතිවී තිබිනි. පස්වරු හතර පමණ වී ඇත.   සංගීතයද එකවර  නතරවිනි.ඒ පිරිසට විසිර යන්නට දුන් සංඥාවක් යයි මම සිතුවෙමි.

මම සකස් කල බිල්පත ඉහල සිට පහලට නිරීක්‍ෂණය කරන්නට විනි. සාදයේ  හරි අඩක් පමණ වැය වී ඇත්තේ මධුවිතත් අවුළුපත් සදහාත් වීම නිසා වසන්තඅද කාන්තා පක්‍ෂයත් හොදටම  බීලද ? යයි විමසු වෙමි.” නෑ සර් වැඩිය හිටියේ තරුනයෝ වසන්තගේ උත්තරය විනි.
අන්තිකාරම් මුදලත් අඩුකර සකස් කල බිල්පතේ ඉතිරිය ලබා ගැණිම වසන්තගේ රාජකාරිය වුයෙන්  සර් ඉක්මන් කරන්න මට විධානය කරන්න තරම්  වසන්තට හයියක් ඇතිවිනි. ඊලග විනාඩි කිහිපය ගෙවී යද්දී මම වෙනත් වැඩකට යොමු වී සිටියදී වසන්ත දුව ආයේ. “ සර් දැන් පනහක් දෙන්නම්  කියනවා - ඉතිරි මුදල හෙට උදේ දෙන්නම් කියනවා ? මොකද කරන්නේ ?. ප්‍රශ්න වැලක් අසමිනි.

සාමාන්‍ය සම්ප්‍රදායන් බිද වැටෙමින් ඇතිවන අළුත් ප්‍රශ්න වලට වසන්තට උත්තර නැතිවාක් මෙන්ම මටද කට උත්තර නැති මෙවැනි ප්‍රශ්න සේවා කාලය  තුලදී ඇතිවේ. විවාහ මංගල්‍ය උත්සවය සදහා ශාලාව වෙන් කරවා ගෙන ඇත්තේද වසන්ත ගෙනි. මෙනුව තෝරා ගෙන අත්තිකාරම් ගෙවා දින වකවානු වෙන් කර ගෙන ඇත්තේද වසන්ත ගෙනි. ඇනවුම ක්‍රියාත්මකව  උත්සවය අවසන් කර ඇත්තේද වසන්ත ‍විසිනි.ආයාතනය පැත්තෙන් ගෙන බැළුවිට වගකිව යුත්තා අසරනවු වසන්තය.  රුපියල් දාහේ ඒවා දෙසියකින් පමණ පියවෙන බිලට පනහක් ලබා ගෙන අවුරුද්දක් පමන ආයාතනයට නොමිලේ කඹුරන්නට වේයයි සිතිවිල්ලක්  වසන්තට ඇතිවුවා විය හැක. අවසානයේ   කලබලවු මනස නිවන්නට මම ඔහුට හදිසි උපකාරකය වී තිබේ.

මම උත්සවයේ පසුබිම හිතට ගන්නට වසන්තගෙන්ම කරුණු කාරනා එකතු කරන්ට විනි.ඒ අනුව ‍ මනාල දෙපලම පැමින සියළු ඇනවුම් ලබාදී ඇති අතර වැඩිහිටියන් කිසිවෙක් මේ කටයුතු සංවිධානයේ නොසිටි බව තේරුම් ගතිමි. ප්‍රශ්ණ ගැටළු නිරාකරණය කර ගත යුත්තේ මනාල යුවලගෙනිජීවිතයේ වැදගත්ම අවස්ථාවක සාකච්ඡා කිරීමට මට ඉතිරිව ඇත්තේ අප්‍රසන්න මාතෟකාවක් යටතේම ලියවුන කතාන්දරයකි.

සන්සුන් වීම වැදගත් යයි  මගේ මනස මට පලමු උපදේශය විධානයක් ස්වරූපයෙන් නිකුත් කලෙන් මම ඊට අවනතවිමි. පැමිණි අමුත්තන් විසිර ගොසිනි. වසන්තගෙන් විමසු තොරතුරු අතර  මනාල යුවල පිටතට නොගොස් හෝටලයේම  කාමරයක් වෙන් කර ගෙන ඇති බව සදහන් විනි. “ වසන්ත සමහර විට ලැබුන තෑගී බලල බිල පියවන්න හිතනවා ඇති.  අපි  එහෙනම් එතකම් තියෙන පනහ ගනිමු. ”වසන්තට එදින රෑට නින්ද යන පිලිතුරක් මගෙන් ලැබී ඇත. “ බිලට වඩා තෑගී හම්බු වෙලා තිබුනොත් අපි ගොඩ  සර් !. වසන්ත පනහ රැගෙන එන්න ඉගිලිනි.

මම මට වෙන්වුන කටයුතු වල ගිලෙමින් සිට වෙනදා මෙන්ම පසුදාට පහන් කරන්නට  ඇදට වැටුනත් මේ යුවල කටයුතු කර ඇත්තේ කොතරම් අවදානමක් ඇති කර ගෙනද යන්න විමසමින් නිදිවරන්නට මට සිදුවිනි. පැමිණි අරාධිතයන්ගෙන් පිදුම් ලද  මුදල් ත්‍යාගයන් හෝටලයේ බිල ඉක්මවා නොගියහොත් ? . ඔවුන් හා වසන්ත පත්වන අසරනත්‍වයට පිලිතුරු පසුදා මට තිබිය යුතුය. ඒ  පිලිතුර අප සියල්ලම ගොඩ යා යුතු පිලිතුරක්ද විය යුතුය.

මාස තුනකට පමණ පෙර ඇනවුම් කර සැලසුම් කරන ලද විවාහ මංගල්‍ය උත්සවයක පිරිවැය ගෙවීමට සුදානමක් නැතිව හෝටලයකින් පිටත්ව යා හැක්කේ පොලිසියකට යයි මේ යුවලට අවධානමක් තිබී නැත. අවමංගල්‍ය උත්සවයක් වැනි හිටි හැටියේ කඩා වැටෙන උත්සවයකට  - විවාහ මංගල්‍ය උත්සවයක් සමාන කල නොහැක.

අපේ ඇත්තන් අතේ ඇති හැටියට උත්සවයක් සංවිධාණය කර ගන්නට කැමති නැත. උත්සවයෙන් පසු පම්පෝරි ගැසිය හැකි මට්ටමක උත්සවය තිබිය යුතුය. මංගල බෙර කරුවන් , මංගල පෝරුව, ජයමංගල ගාථා , පිලිගැනීමේ ගීතය, සෙටි බෑක් එක ,අෂ්ඨක කියු කලා කරුවා,   උත්සව ශාලාවේ සැරසිලි, උත්සව ශාලාව ආහාර පාන ,මධුවිත ,අවුළුපත් මේ කී නොකී සියල්ලම ගෙවිය යුතු මුදල්ය.එකතු කර ගත් විට මහ ලොකු පිරිවැයක්ය. ඒ ගැන හිතන්නට උවමනා නැත.

පසුදා  බිල පියවීමට නගරයේ බැංකුවකින් අත්තිකාරමක් ලබා ගැනීම සදහා මනාලියගේ ගෙල බැදි මාලය සුරකීමට තබා දෙවන ගමන යන්නට සිදුවන මනාලියකගේ හදවතේ හඩා වැටීමත් කඩා වැටීමත් - මගේ මනසට පීඩාවක් විය. එහෙත්  බිල් පතේ වටිනාකම සදහා සුරැකුමක් ආයාතනයට ලබා දිය යුතුය. නැත්නම් වසන්තත්- මමත් කොට උඩ යාම සිකුරුය.  බිල්පත ගෙවීමට කාල සීමාවක් ලබා දී  නිදහස් කිරීමට  හැකි වුනත් අනන්‍යතාවය තහවුරු කිරීමට මේ යුවල - සුදුසු පුද්ගලයෙකු  ඉදිරිපත් කිරීමටත් එකගතාවයක් නොමැත. අවසානයේ සුරැකුමක් - ගිවිසුමක් සදහා පොලිස් පොත යෝජනා කිරීමට සිදුවිය. ඔවුන් එයට කැමති විය.  
කොයිතරම් අසුබ නිමිත්තක්ද ?

මමත් - වසන්තත් තාවකාලිකව සැනසුන බව අවසානයට සටහන් කල යුතුය.


notes of imaginary

2 comments:

Anonymous said...

excellent post, very informative. I ponder why the opposite experts of this sector don't
understand this. You should continue your writing.
I'm confident, you have a great readers' base already!

Feel free to visit my blog - Funny Cat Vine

Anonymous said...

ඇත්ත ඒක වෙන කෙනෙකුගෙ වෙඩිමක් නිසා ඔයාට එහෙම හිතුන මටත් එහෙම හිතුන නමුත් මන් හිතන්න ගොඩක් අය ලොකුවට වෙඩිමක් ගන්නෙ තමන්ටත් වඩා සමජෙ ගෙන හිතල.මොකො සමහර චාම් වෙඩින් වලට ගියාම අපිත් නොහිතම කියනව මූ නම් පට්ට ලෝබයෙක් කියල